يا سلام بطلة التنس الامريكية Ashley harkleroad كانت حاضرة تحت نفق كولمبيا . زول والله رسمها زي ماهي وبي نفس السروال الجنن عبدالقادر . ومن الصدف في نفس اليوم الكانت ملمومة فيهو الخلق في صورة الفارعة اشلي هاركلرود. تحت النفق كان في شاب بيعزف ويغني لي ولدنا. ويز خليفة في اغنية ( وي ار دام بويز ) كولمبيا في الليلة ديك ما كانت كافرة ولا. ملحدة ولا بتاعت بنقو . . كولمبيا كانت مدرسة وتمرد. جميل ونقل صور وعادات من بلد لي بلد . شوف بلاي بي سبب رسمة اشلي بي السروال بي فحمة شجرة سلم القيامة قامت كيف . الرسام الفالح المجنون كتب تحت سروال اشلي ( the hottest photos ) وماهو. عارف قدمو المفارق. .
يا عثمان .. كلامك دا داير ليهو خيال واسع عشان القارئ يتصور المنظر المرسوم
بتقصد رسم شى قريب للصورة أدناه .. أكيد السروال من خياله .. ولا حياء فى الرسم ولا التنس كمان!
صورة آشلى
Post: #3 Title: Re: رسمة سروال بطلة التنس ashley هو الكان سبب فض Author: عبد الصمد محمد Date: 07-25-2019, 04:35 PM Parent: #2
يا نادر الله لا كسبك خربت علي بيتي أنا بقرأ في البورد كمثقف سياسي المدام ما حلى ليها تدخل علي إلا وأنا بقرا في بوستكم دا بالصدفة ولله قريتو عشان أعرف تفاصيل أكتر عن أحداث كولومبيا لكنها أصلها شكاكة أبت تصدق كلو كلو أها البحلني شنو ياخ عليكم الله غيرو عنوان البوست بأضافة تربس الباب قبل قراءة البوست ينوبكم خير يا نادر الله لا كسبك دي لزوم مشاغلة فما تزعل بس رسل 200 ريال نصالح بيها المدام في مطعم فاخر
يا عبد الصمد .. قلت لى مثقف سياسى دخل يعرف أخبار كولمبيا آل .. سياسة سروالية على وزن سريالية بمناسبة الرسم
غايتو حنك ما بحلك . والشفقة عليك شنو .. هى تربسة الباب كانت دايرا ليها عنوان ..
ياخ ما قادر ترتجل ليك كلام غاضب عن عدم حياء الخواجية وحمدان ربك على حشمة نساء السودان! كله ما بحلك .. لكن إطمئن نساء السودان لا يعتبرن الخواجيات نساء .. حتى العريس لو كان سابقا متزوج خواجية ما بعدوها ليهو عرسة .. عشاء براهو ما بحلك .. بعده على سوق الدهب .. براها حتعليق ليك صورة أشلى فى البيت وكدى ركز التظر فيها!
المدام قول ليها لا حياء فى العلم والفن!
Post: #6 Title: Re: رسمة سروال بطلة التنس ashley هو الكان سبب فض Author: Osman Musa Date: 07-25-2019, 09:46 PM Parent: #3
اخونا عبدالصمد سلامات ومرحب حبابك . الرسمة حقت اشلي ابداع . زي الفنانين المبدعين و الما معروفين ديل اكيد. الواحد منهم. حيموت ضاحك من الحاصل يا عبدالصمد . الرسام ما عرفنا. هو. كان قاصد شنو. بي رسمتو لي سروال اشلي و هناك في الرهاب نجمة وبندقية . شغلات محتاجة لي تفسيرات من فنان . وليه اختار. كولمبيا ؟ علي كل حال. يا عبدالصمد. الجماعة قالوا. لا بد. من كنس المكان . بي الفيهو . جميلة اشلي. يا عبدالصمد .
Post: #57 Title: Re: رسمة سروال بطلة التنس ashley هو الكان سبب فض Author: Osman Musa Date: 08-13-2019, 08:36 AM Parent: #3
لهم جميعا الرحمة ولشعبنا المتمدن جميل الصبر
Post: #5 Title: Re: رسمة سروال بطلة التنس ashley هو الكان سبب فض Author: Osman Musa Date: 07-25-2019, 06:06 PM Parent: #2
عزيزنا الانسان الفنان نادر سلامات الضيق واللهد و تكتف الحريات هو الزمان خلي شاعرنا لانغستون هيوز يقطع حبلو ويلم من حولو الشعراء ورسامين الزلط والجدران وهاك يا شغل في الحبيبة هارلم . لانغستون الشاعر الامريكي هو اول المتمردين والرجل زمان عمل ندوة شعرية كاربة في زيارتو. للخرطوم. بي دعوة من صاحبو الشاعر محمد احمد المحجوب . لانغسون يا اخ نادر. هو سبب نهضة هارلم وبتكون تابعت البوست الكتبتو. زمان عنو . كولمبيا كانت. حتكون. متل. هارلم . نهضة ثقافية ما فيها اي شر. . زي ما اتخيلوها الرجافين . ياخ. ربنا يخدر. ضراعك. علي. جلب صورة شالولا بي عرضها وطولا خليك. قريب
Post: #7 Title: Re: رسمة سروال بطلة التنس ashley هو الكان سبب فض Author: عبد الصمد محمد Date: 07-25-2019, 10:01 PM Parent: #5
خطتك نفعت يا نادر عملت فيها خير وسيلة للدفاع الهجوم وزعلة ووحردان لشاي المغرب وهاك يا إعتذارات لكن تخيل إنقبضت تاني وفي نفس البوست لبدت لي الككوية بس الدورة دي كنت محضر عذري قلت ليها رسلت رسالة داخلية لنادر الفضلي وقلت ليه يا ناس يا ما عندكم حياء دا صور تجيبوها لينا ونحن عندنا شباب مراهقين نادر رد لي بإنه البت دي لابسة لباس بس نفس لون الجلد عاين كويس وأنا هسة بعاين من قبيل وما قادر أصل لنتيجة تعالي عليك الله انت امكن نظرك احسن مني وبقدرة قادر تحول النقاش لي لابسة ولا ما لابسة وانتهى بقولي ليها إستغفر الله من الخبث والخبائث ..ياخ هسة قربنا ننسى صلاة العشاء قوماك ياخ
Post: #8 Title: Re: رسمة سروال بطلة التنس ashley هو الكان سبب فض Author: نادر الفضلى Date: 07-26-2019, 00:30 AM Parent: #7
يا عبد الصمد يعنى شلت حالى الحريم ديل ما بتتبلة فى خشمن فولة بعدين ود موسى وأنا مهتمين بالفن والرسم والجمال .. بتعاينو تحت مالكم ركزوا فى القوام الممشوق والإبتسامة الساحرة .. أنا طبعاً حاذبنى إختيار اليونيوفورم باللونين الأحمر والأصفر
ما دام كونت لجنة فنية للتأكد من مدى الحشمة .. أخدوا وقتكم فى المعاينة وأقترح عليكم طباعة الصورة بحجم كبير وتعليقها فى البيت من أجل دقة الفحص .. ننتظر النتيجة .. إحتمال غشوها زى فرعون وقلة عقله
ياخ أديها حنك الفن والرسم وتكون حضارية ...!
Post: #9 Title: Re: رسمة سروال بطلة التنس ashley هو الكان سبب فض Author: adil amin Date: 07-26-2019, 03:27 AM Parent: #8
معنها الثورة دي لا كان فيها حامل فكري ولا رؤية حضارية سودانية,, حاوية مخدرات ادخلها النظام علي عينك يا تجار وسطل بيها ثوار الدرب المضيء في كولمبيا السودان
بالله لا صورة مانديلا ولا هوشي منه ولا مارتن لوثر كنج ولا اقوال ماثورة ,,تسقط بس ...مدنياوو ومشاط ..ناقص كحل انصار السنة
https://up.top4top.net/
فعلا البباري كعوك المركز بمشي الكوش ...الثورة الحقيقية تاتي من الضهاري ذى المهدية 1والمهدية 2 والحركة الشعبية المهدية 3 رسموها حناكيش الخرطوم وجرو قعدو في بيتوهم والامام سحب الانصار من صبة القيادة وبعد جوهو صلاح قوش واحمد هارون وهددو بي فض الاعتصام بطريقة رابعة العدوية كما قال في المقابلة التلفزيونية وجو جماعة هارون وقوش(جهاز امن القذر الذى اسسه الصاغ صلاح سالم المزمن في السودان من 1954 من حثالة المركز ) وارتكبو المجذرة وقعدتو تنبحو في حميدتي والجنجويد وعلي فكرة الصادق المهدي في ق ح ت نداء السودان كان عارف ((الكشة)) ووعي الصادق المهدي ليس له علاقة بحزب الامة نسخة السيد عبدالرحمن المهدي المحترمة والتي عبر عنها سيد احمد نقد الله عندما عمل ماتم كبير لمتشردين اللذين قتلهم جهاز الامن اللاوطني بتسميمهم بالشمة وخلدهم المبدع عبدالعزيز بركة ساكن ملك المهمشين الراقي في روية مخيلة الخندريس والله يرحم الانصاري الحر سيد احمد نقد الله
Post: #10 Title: Re: رسمة سروال بطلة التنس ashley هو الكان سبب فض Author: Ahmed Yassin Date: 07-26-2019, 04:46 AM Parent: #9
بالنسبة للناس العاجباهم الصورة والقوام الممشوق والحشا الضامر والابتسامة المرتسمة نادر قال
Quote: اكيد السروال من خياله .. ولا حياء فى الرسم
االسروال الغريب جدا طبعا ما عايز تعليق والتنورة القصيرة جدا الصفراء برضو ما عايزة تعليق لكن في سؤال محتاج اجابة هل البت دي لمن تدخل الحمام ( الله يكرمكم) هل بتحتاج انها تملص السروال دا ولا ما تحتاج؟ خاصة في الجزء الظاهر على الشاشة
Post: #23 Title: Re: رسمة سروال بطلة التنس ashley هو الكان سبب فض Author: Osman Musa Date: 07-27-2019, 06:59 AM Parent: #10
اخونا احمد سلامات والله يا احمد اخوي معجبين شديد بي القوام وبي الحشاء المبروم والظاهر والباطن . الا الجماعة ما عجبتهم طلة اشلي وهاك يا رصاص . القصة ما قصة بنقو . الموصوع تمرد كبير ومعرفة كانت حتشمل الاخضر واليابس . اخليك تتابع ويز خليفة حتعرف نية الشباب .
Post: #20 Title: Re: رسمة سروال بطلة التنس ashley هو الكان سبب فض Author: Osman Musa Date: 07-26-2019, 04:43 PM Parent: #9
اخونا استاذ عادل امين سلامات يا اخ عادل انت تابعت تفاصيل الثورة دي ولا كنت بعيد . ؟ الثورة دي اشد قوة من ثورة المهدي . الثورة دي لا فيها سيف عشر ولا سيف سلم . دي ثورة. معلمة . ثورة سلمية مية مية . الثورة دي مسحت المهدية بي لستيكة . ولو. قامت. في زمن الانجليز. كانت. برضو. حتربح. وكانت حتطرد المستعمر بدون. الفظايع الحصلت. وبدون. قطع راس البطل غردون . عودة. الانجليز. يا. اخ. عادل كانت. اعتزار. وكانت. عودة. للتعمير. وللمشاركة انشاءالله يا اخ عادل. ربنا. يوفق الثورة. لتحقيق. ما قامت من اجله . ويمرق. الشعب السوداني. من حفرة. التخلف . برجع. ليك. لي الدردشة. عن نهضة. كولمبيا. و ظلم العسكر. .
Post: #25 Title: Re: رسمة سروال بطلة التنس ashley هو الكان سبب فض Author: adil amin Date: 07-27-2019, 01:11 PM Parent: #9
Quote: والامام سحب الانصار من صبة القيادة وبعد جوهو صلاح قوش واحمد هارون وهددو بي فض الاعتصام بطريقة رابعة العدوية كما قال في المقابلة التلفزيونية وجو جماعة هارون وقوش(جهاز امن القذر الذى اسسه الصاغ صلاح سالم المزمن في السودان من 1954 من حثالة المركز )
حياك الله يا موسي بس الليلة اللجنة المكلفة بالتحقيق طلعت تقريرا وقالت انه في ضباط كبار اتحركو دون تعليمات المجلس العسكري طيب طلعو بي تعليمات منو
..طيب شهادة الصادق المهدي مش ورت الحركهم منو قالا في التلفزيون بتاع السودان عديل ..حايمة في والواتس ما قدرت انزلا هنا قال صلاح قوش واحمد هارون جوهو قبل فض لاعتصام وانتو صبيتوها في حمدتي المسكين بعدين الثورة المهدية ثورة عظيمة شوها التاريخ المذور وحققت اهدافا وطلعت الترك والمصريين تجار الرقيق في السودان 1885 الثورة دي وصلتنا وين ؟؟
Post: #40 Title: Re: رسمة سروال بطلة التنس ashley هو الكان سبب فض Author: Osman Musa Date: 07-28-2019, 09:13 PM Parent: #25
اخونا عادل سلام والله انت دخولك يشرف البوست يازول . برجع ليك وللحديث عن اشلي والقيادة والحصل . تحياتي
Post: #11 Title: Re: رسمة سروال بطلة التنس ashley هو الكان سبب فض Author: محمد أبوجودة Date: 07-26-2019, 05:14 AM Parent: #2
سلام يا عثمان وضيوفك أهل الفن.. بل وَ وسلام على آشــلي، حتى بدون "سراويلاتها " يا عَملات أبي الطيب المتنبي"..ثم سلامٌ على أهل كولمبيا .. وأخيراً السلام يوصل لأهل الانقلابات آل-بلاسراويلاتها..
Quote: يا سلام بطلة التنس الامريكية Ashley harkleroad كانت حاضرة تحت نفق كولمبيا . زول والله رسمها زي ماهي وبي نفس السروال الجنن عبدالقادر .
السروال هسسعتيا " مكانو وين " يا عملات ذاك الكوز الذي تساءل تلفزيونياً: هي الأزمة مكانا وووين؟! وإذن ماذا رسَم رسّام كولمبيانا؟
Post: #12 Title: Re: رسمة سروال بطلة التنس ashley هو الكان سبب فض Author: نادر الفضلى Date: 07-26-2019, 06:20 AM Parent: #11
Wiz Khalifa - We Dem Boyz [Official Video]
أخونا عثمان موسى بوستك دا إمتحان .. وفلسفى كمان!
الفيديو دا الشق الثانى منه: ويز خليفة Wiz Khalifa .. يغنى (وى دام بويز) we Dem boyz
Post: #13 Title: Re: رسمة سروال بطلة التنس ashley هو الكان سبب فض Author: Osman Musa Date: 07-26-2019, 06:58 AM Parent: #12
سلامات اخونا الفنان نادر وبارك الله فيك ومشكور علي متابعتك وفهمك الجميل للبوست المتعب والحزين . ولدنا ويز مرق من ديك الغرفة البسيطة في وسط قريتو يطالب الشباب . ويبتدر المقطع بي هلا هلا ودي لغة جدو خليفة اللبناني . وفي الدرب يقابل شللو ويطالب الشلل بي انو. نحناااا لازم يكون عندنا صوت مسموع . القصة. دي لمان غناها الشاب بتاع كولمبيا ما غناها ساكت . الصور هنا سوا. سوا . عطبرة. مرقت. بي نفس الطريقة حقت. ويز خليفة . وتمرد اشلي في الرسمة عندو. معاني عديدة . علي كل حال يا اخ. نادر. ده. موعد فيضان النيل . ودي زمانات الدميرة. زي ما في وصف. ابونا الطيب صالح في عودة القماري . عليك الله خليك قريب . كلام كتير. في ده البوست يجب ان يقال .
.... بالجمبة حاول فتش عن فيديو اشلي لمان طاحت في الملعب ودعوات المحبين
Post: #14 Title: Re: رسمة سروال بطلة التنس ashley هو الكان سبب فض Author: tabaldy Date: 07-26-2019, 09:12 AM Parent: #13
Quote: حمدان ربك
قريتها علي وزن خالد الصحافة حسين الجريف حنان بلوبلو
كولومبيا فقدت التوثيق، زي باقي مشاهد الثورة، فـ مجبورين نتم قصص وحكاوي ومشاهد الثورة خيالات
انتظار لي فيديو الوقعة، دي حاجة فوق الخيال
تحياتي
Post: #15 Title: Re: رسمة سروال بطلة التنس ashley هو الكان سبب فض Author: Ahmed Yassin Date: 07-26-2019, 12:21 PM Parent: #14
لابسة من غير هدوم
Post: #16 Title: Re: رسمة سروال بطلة التنس ashley هو الكان سبب فض Author: عمر التاج Date: 07-26-2019, 12:40 PM Parent: #15
تحياتي صاحبي البوست والصورة وضيوفهما.. لاعبة التنس الماهرة السمحة دي الناس ماشايفة فيها الا سروالها سبحان الله، وتبا لكم من عالم ذكوري متشائم انظروا للنصف المليان من الصورة يا اخي شوفوا القوام، الرشاقة، الشعر، اليد الماسكة المضرب تأملوها وهي تضرب الكرة، تحمل الكاس، تحمل همومكم وتغسل أحزانكم.. وخلونا من النصف (الفارغ) .
ثورة الشباب أدهشت أجيال سودانية أكبر منهم سناً .. فقدوا أملهم فى الشباب ظنوه شباب غير مسؤول وضايع وضحية لحكم الإنقاذ الذى دمر البلاد وقضى عليها وعلى الأجيال الجديدة بسؤ التعليم وسؤ النموذج الذى شبوا ووعوا عليه .. ولكن الشباب فاجأ الجميع بأنه واعى ومتفتح ومتعلم من مدرسة الحياة العريضة عبر تكنلوجيا الإتصالات والإنترنت والتواصل الإجتماعى .. شباب كسر قاعدة التعليم من الندارس فقط .. يذكرنا بعض الشخصيات فى التاريخ الإسنانى الثقافى والأدبى والعلمى من كانوا عصاميين فى التعليم تعلموا وتثقفوا لوحدهم وأصبحوا بثقافتهم وإنتاجهم الأدبى والعلمى لهم أثرا فى الإنسانية وحضارتها وأصبحوا من المشاهير .. أولئك كانوا حالات قليلة فى مجتمعاتهم بينما شباب السودان كانوا ظاهرة جماعية تحتاج لتسليط الضؤ عليها.
ما كان ظاهراً رياضياً إهتمام بالرياضة العالمية كرة القدم لم تعد تقتصر على المريخ والهلال .. بل الدوريات الأوربية ودوريات دول الجوار مرتفعة المستوى مثل السعودية ومصر .. الغناء كان المدهش أن جيل الشباب تذوق لغناء الحقيبة وعيون الغناء لكبار الفنانين من أجيال سابقة ,, إلى جانب لونيات حديثة كما أصبحوأ يستمعون بمداومة على المغنين العرب وتوسعوا للغناء الغربى بل حتى بعضهم يغنى لونية (الراب) والبلوز وغيرها! هذا ما كان ظاهراً وما خفى كان أعظم وتفجر فى ثورة الشباب وعياً بوطن يموتون من أجله رفعوا شعاارت حرية وسلام وعادلة ومناداة بديمقراطية لم يخبروها عملياً روح التعاون والجدية والعناد لتحقيق مطالبهم ورغم الإستفزاز والتقتيل إلتزموا بسلاحهم البتار (السلمية) .. وعيهم الذى فاق من تصدوا لقيادتهم .. شباب مبهر إستوجب الإحترام .. وإستوجب ثبر أغواره. ولعل الفن يعكس جوانبا تضئ معرفة أكثر بهذا الشباب أو لنقل بعضه
رسام ما تحت الجسر نموذج ومن غنى لخليفة ويز .. أدوات تعبير جديدة الفنان الرسام مثل الشاعر يكتب أفكاره وأحاسيسة بريشته قصيدة مرسومة عند المتلقين قد تجد أكثر من تفسير ومعانى .. لنتابع مع أخونا عثمان موسى عن النموذج الذى إختاره تحت الجسر وبكولمبيا المهضومة حقوقها!
والحور العين بتنظر ليهم من الدنيا زى نظرة آدم لحواء قبل ما ياكلوا ثمرة الشجرة المحرمة يا فنان تأمل فى إبداع وإعجاز الخالق الذى أحسن وصور آشلى فى أحسن صورة .. (تفكروا فى خلق الله)
على قول السعودى الزوجته عاملا بتحبو وآخر وفاء، بعد صلاة العشا سألته بعدين فى الجنة الزوجات هن الحور العين لزوجاتهم؟ الراجل هاج وماج مستنكراً لا .. لا .. لا دنيا وآخرة كمان!! وأفتى ليها أنتن السعوديات ستكونن حور عين للرجال السودانيين ..
أها بالفتوى دى وسعنا الخيارات للسودانيين .. ونوع آشلى دى إلا تتحجز من هسة !!
Quote: الناس ماشايفة فيها الا سروالها سبحان الله، وتبا لكم من عالم ذكوري متشائم انظروا للنصف المليان من الصورة يا اخي شوفوا القوام، الرشاقة، الشعر، اليد الماسكة المضرب تأملوها وهي تضرب الكرة، تحمل الكاس، تحمل همومكم وتغسل أحزانكم.. وخلونا من النصف (الفارغ) .
أيوة قول ليهم يا عمر تاج
أنظروا للأمام ولأعلى تنالوا المجد .. ولا تقصرو نظركم بالنظر لأسفل الصورة لوحة جمالية تفقد الكثير من تذوقها عندما تقتصر النظرة على حسية جنسية ... المرآة سبحان الله وتعالى خلقها جميلة الجسد مقسمة بإبداع دقيق، وهى تعلم ذلك .. وعلى مر العصور فنانى الرسم مما يحرصون على رسمه جسد المرأى عارية تماماً وليس أغراض ترويج جنسى، ولكن لإبراز جمال (كيف خلقت)!
كما هنالك إختلاف ثقافات قد تؤثر على كيفية تقبل وتذوق اللوحة الجمالية ولنرى ماذا أراد رسام الجسر بكلومبيا من رسم آشلى !
Post: #21 Title: Re: رسمة سروال بطلة التنس ashley هو الكان سبب فض Author: عبد الصمد محمد Date: 07-26-2019, 04:57 PM Parent: #19
Quote: لناس ماشايفة فيها الا سروالها سبحان الله، وتبا لكم من عالم ذكوري متشائم انظروا للنصف المليان من الصورة يا اخي شوفوا القوام، الرشاقة، الشعر، اليد الماسكة المضرب تأملوها وهي تضرب الكرة، تحمل الكاس، تحمل همومكم وتغسل أحزانكم.. وخلونا من النصف (الفارغ) .
محول للمدام يا عمر التاج كان تفتنع هههههههه
يا نادر وزي مقال أحمد يسن وعثمان السروال دا فيه لمسة فنية مبالغة ويا عمر لو ركزت الفن كله في الكوب الفرغ
Post: #22 Title: Re: رسمة سروال بطلة التنس ashley هو الكان سبب فض Author: Osman Musa Date: 07-26-2019, 05:08 PM Parent: #19
يا اخ نادر. سلامات طبعا شباب برنامج ال t. M .z قالوا. الشركة الايطالية الصنعت سروال اشلي صنعتو. بي نفس لون المنقة المخفف . يعني هي لابساهو وجاكة في النزالات وشكلها زي العريانة . القصص دي رفعت عدد متابعين اللعبة في العالم كلو . واشعلت ثورة . اشلي ملكة التغيير. اصبحت حبيبة للمطالبين بالتغيير. من الشعراء والرسامين . في ليلة الفض الملعونة المجرمين ديل ما عجبتهم الرسمة ولا كلمات ويز خليفة وكان لابد من من كرش مواسير الدبابات و دهس الرسام. وفرطقة جيتار. عشاق ويز . بلدنا. يا. اخ. نادر. مليانة. بي. امثال الفنان بهنس والشاعر. ابوذر الغفاري و ود امبدة . لهم. جميعا. التحية. والقومة .
Post: #39 Title: Re: رسمة سروال بطلة التنس ashley هو الكان سبب فض Author: Osman Musa Date: 07-28-2019, 03:47 PM Parent: #17
نعم يا اخ نادر. ثورة الشباب ادهشت العالم كلو . دي ثورة لا تساويها اي ثورة في التاريخ . ثورة متمدنة كاملة التمدن وشجاعة شجاعة نادرة .
Post: #41 Title: Re: رسمة سروال بطلة التنس ashley هو الكان سبب فض Author: Osman Musa Date: 07-29-2019, 07:28 AM Parent: #17
لهم جميعا الرحمة ولنا جميعا الصبر
Post: #38 Title: Re: رسمة سروال بطلة التنس ashley هو الكان سبب فض Author: Osman Musa Date: 07-28-2019, 12:12 PM Parent: #16
اخونا عمر التاج سلامات تاملناها كتير. في اعنف نزالاتها وتاملنا الحجل الذي في الرجل ونصاعة السراويل وشفافيتها . حاجات كتيرة بتشعل الثورات في الدنيا وتكتب ليها الاستمرار والنجاح . رسمة اشلي كانت من اسباب تدفق المحبين للشوف و برضو. الاستماع لغناء ويز . وشعر شاعرنا. ابن هارلم لانغستون هيوز . ايام كولمبيا. كانت مولد. تمرد. كان حيكون. زي قطن شاعرنا الكتيابي. يعم البحر. والبر . لكن اصحاب البلاوي الخفية ما عجبهم التمرد المتمدن . فقاموا بخلف الكي بالرصاص الحي . ... تحياتي. وخليك. عند المدخل .
Post: #35 Title: Re: رسمة سروال بطلة التنس ashley هو الكان سبب فض Author: Osman Musa Date: 07-28-2019, 05:38 AM Parent: #14
اخونا. تبلدي سلامات الفيديو حق الترتحة ثم الضمة ثم حركة الانشتاحة التاريخية والقمزة واللفتة البتاخد من عيوني النوم شهور وتجفلو . كلو. في الطريق . حتشوف. فيديوهات. جميلة وفيديوهات في ضفة نيل كولمبيا حزينة . خليك. قريب .
Post: #24 Title: Re: رسمة سروال بطلة التنس ashley هو الكان سبب فض Author: Osman Musa Date: 07-27-2019, 10:49 AM Parent: #11
استاذنا محمد ابوجودة سلامات يا زول يا فنان انت جد من الناقشنها . كولمبيا بي ايامها القليلة كانت عديدة . كانت ملمة عظيمة شباب من اصول سودانية. من مدن سودانية مختلفة و جيل سوداني من دول متل ايرلندا وامريكا و ال u k . والسعودية و الامارات . الناس ديل في دي الملمة رسموا. وقالوا الدايرين. يسوهو. . ياخ. خليك. من طرف كولمبيا وكل مره الفحنا بي صورة من صور البهية اشلي وسراويلها الطويلة ههههها
Yeah hol' up, hol' up we dem boyz Hol' up, hol' up we dem boyz Hol' up, hol' up, we makin' noise Hol' up, we dem boyz Now I've been in this game for a long time, and I'm still gettin' money oh Hol' up, hol' up we dem boyz Hol' up, hol' up, we makin' noise Paranoid as a child, blessed to be a dreamer Bitch we dem boyz, nigga we the Beatles 1-8-7 No appeal, get it how you live
Before I go broke accountants jump off a bridge First round draft pick, hittas stay in the field On that poor side of town, grinding to pay our bills They hate to see you flourish, so I draw the curtains I'm so high up in the sky that my I won't get no service Democracy be the dope, community in the choke Lil' woadie just caught his case, he was looking forward to vote Nigga count…
أخى عثمان موسى حقاً أنه بوست مميز .. يحمل الكثير من المعانى والرمزية جمعت بين أرقى الفنون الشعر والنوسيقى والرسم وإربتاطها بالتعبير . . وما أبلغها حين تكون مرتبطة بإرادة الشعوب .. إنه الذكاء البشرى وصدق المشاعر الذى يجعل البشر يقتبسون ويطوعون المعانى لتلائم أحوالهم فيعبرون بها .. لم يخطر على بال ويز خليفة أن كلماته تلائم ملحمة أعظم الثورات .. الثورة السودانية .. أقتطف آخر دزئية فى قصيدته لنتأملها جيدا مع ترجمة بتصرف
Before I go broke accountants jump off a bridge First round draft pick, hittas stay in the field On that poor side of town, grinding to pay our bills They hate to see you flourish, so I draw the curtains I'm so high up in the sky that my I won't get no service Democracy be the dope, community in the choke Lil' woadie just caught his case, he was looking forward to vote Nigga count…
وترجمتها بتصرف:
قبل أن أصير مفلساً .. محاسبيين قفزوا من جسر (منتحرون) الشفاتة المغاوير (الثوار) من بدأوا منذ الجولة الأولى ليبقوا فى الميدان (الثورة ـ الإعتصام) فعلى هذا الجانب الفقير من المدينة .. طحنوا لدفع فواتيرنا إنهم يكرهون رؤيتكم تزدهرون وتنعمون لذلك أرسم الستائر أنا عالياً فى السماء لإننى لن أحصل على خدمة الديمقراطية صارت مخدراً .. المجتمع فى الإختناق صديقى القليل للتو إشتعلت قضيته .. كان يتطلع إلى التصويت .. لكل صوت يعد ..
Post: #29 Title: Re: رسمة سروال بطلة التنس ashley هو الكان سبب فض Author: Osman Musa Date: 07-27-2019, 05:56 PM Parent: #27
اخي العزيز نادر سلامات حكيت لي شباب برنامج t m zبعض النتف من الحكايات الحصلت ليلة فض كولمبيا . لقيت فيهم المتابع اكتر. مني . والبيبكي اكتر مني . الحصل يا اخ نادر ما. بيعدي ساكت . الناس ديل عندهم الايفدنس وعندهم طول البال والانسانية . البرامج في الغرب. ما برامج ساكت . خليك متابع معاي
Post: #28 Title: Re: رسمة سروال بطلة التنس ashley هو الكان سبب فض Author: Ahmed Yassin Date: 07-27-2019, 03:42 PM Parent: #24
حبيبنا المدهش نادر الفضلي
Quote: هو فى حور عين بيحتاجن لدخول حمام؟ والحور العين بتنظر ليهم من الدنيا زى نظرة آدم لحواء قبل ما ياكلوا ثمرة الشجرة المحرمة يا فنان تأمل فى إبداع وإعجاز الخالق الذى أحسن وصور آشلى فى أحسن صورة .. (تفكروا فى خلق الله)
ياخ انت قربت تفول الغناهو حمزة سليمان على طريقتك الخاصة كل (البنات) في توب سماحتك تنجهك زهت (آشلي ) بالشمش واتبسمت نيويورك على وش أب كدوك والعرضة غنت من مطامير الحقيبة الصادحة هم ما بشبهوك وصف نادر الفضلي برضو على قول ابوصلاح .. رفقا بمجنونِك يا آشلي بنى عامر
قالوا الحاج جاتو ضربة شمس في الحج ... و فقد الوعي ...
و فهموهوا لو جا الحج و مات بخش الجنة بدون حساب ...
بعد فقد الوعي نقلوه المستشفى الامريكي ...
فتح عيونه لقى الممرضات الامريكيات فوق لي سريرو ...
رفع سبابتو و قال : صدق وعده ... صدق وعده ...
التحية لكل المطاميس الهنا ...
بعدين اشلي زاتها ما بتعرف تلعب تنس ...
Post: #31 Title: Re: رسمة سروال بطلة التنس ashley هو الكان سبب فض Author: دفع الله ود الأصيل Date: 07-27-2019, 07:33 PM Parent: #30
[}أخونا المزرور عبد الصمد محمد كان الله في عيونك. كان لل200 ريال بنجازفن ليك ؛ بس شرطن بالسعودي موش عماني. أما عنوان البوست فبدل يغيروه ليك كان لامن كبسوك متلبسن بكلتا يديك في الجراب ، أكان بس تدغمسو ساي تقول: أشلي دي اسم لمهرة مراهنين عليها في سبق الخيل. و تاني اوعك تسيب الباب متركش.
Post: #45 Title: Re: رسمة سروال بطلة التنس ashley هو الكان سبب فض Author: Osman Musa Date: 07-29-2019, 06:44 PM Parent: #31
الاخ دفع الله سلامات دخولك لبوست احتجاجات ثورة كولمبيا المجيدة شرفنا كتير والله . كانت ثورة وكانت نهضة ثقافية رهيبة . كانت مطالبة بالتغيير الشامل والكامل . ثورة وصفت ورسمت للعالم بطن السودان وضهر السودان واحلامو . لكن القتلة يا دفع الله يا اخوي كانوا دايرين اي شي يكون مكبوت وما يمرق . عشان كدي فكو الرصاص الحي في الشاب بي جيتارو وكانت الرصاصة الكبيرة في نص سروال اشلي . الناس ديل يا ابو الدفاع الفن والتفانين بتجننهم . تخيل. معتوه. يفك. رصاص في صورة ويفك التانية في حلق الاغنية . يازول الموضوع طويل . ربك يهون .
Post: #32 Title: Re: رسمة سروال بطلة التنس ashley هو الكان سبب فض Author: Ahmed Yassin Date: 07-27-2019, 07:56 PM Parent: #30
قباني يا هندسة
Quote: قالوا الحاج جاتو ضربة شمس في الحج ... و فقد الوعي ...
Quote: رسام ما تحت الجسر نموذج ومن غنى لخليفة ويز .. أدوات تعبير جديدة الفنان الرسام مثل الشاعر يكتب أفكاره وأحاسيسة بريشته قصيدة مرسومة عند المتلقين قد تجد أكثر من تفسير ومعانى
السروال فيها دلالة ورمزية يا نادر للاعتصام زاااااتو.. قالوا لو قلعوه السودان بغرق.. وحدس ما حدس.. الاخ عثمان موسي والضيوف سلام..
أخونا عثمان موسى وضيوفه بالمشاركة فى البسوت والمتاوقين بكثرةً
أبى الغنان ويز خليفة إلا أن يحيكم بزيارة إلى ربعنا بأوهايو ليقيم غداً الأحد 28 يوليو حفلاً ساهراً أسعار التذاكر 74 و 81 و 99 دولار
والبوى بيسلم على كل البويز أبطال الجسر وكولومبيا ..!
Post: #36 Title: Re: رسمة سروال بطلة التنس ashley هو الكان سبب فض Author: adil amin Date: 07-28-2019, 06:03 AM Parent: #34
الخواء المزخرف https://up.top4top.net/
أوهى ولكنَّ أضعف أبـدى ولـكـنَّ أخفى أخزى ولكنَّ أصلف لـهـم حـديـد ونار وهم من القش أضعف يـخـشـون إمكان موت وأنت للموت أَأْلَفْ وبـالـخطورات أغرى وبالقرارات أشغف لأنـهـم لـهـواهـم وأنـت بالناس أكـــــلف لـذا تـلاقـي جيوشا من الخواء المزخرف البردوني **** رحل سكان كولمبيا الابطال وبقيت ثورة الخواء المزخرف فعلا تقول لي احسن من المهدية يا عثمان موسي **** مـا قـال نـجم تراخى ما قال فجر تخلف تـسـابـق الـوقـت يعيا وأنت لا تتوقف فـتـسحب الشمس ذيلا وتلبس الليل معطف أحـرجـت من قال غالى ومن يقول تطرف إن الـتـوسـط مـوت أقسى وسموه ألطف لأنـهـم بـالتلهي أرضى وللزيف أوصف وعـنـدك الجبن جبن ما فيه أجفى وأظرف وعـنـدك العار أزرى وجها إذا لاح أَطْرَفْ يـا مصطفى أي سر تحت القميص المنتف هـل أنـت أرهـف لمحا لأن عودك أنحف أأنـــت أخـصـب قــلـبا لأن بيتــك أعــجف هـل أنـت أرغـد حلما لأن محياك أشظف لـمْ أنـت بالكل أحفى من كل أذكى وأثقف من كل نبض تغني يبكون " مِنْ سِبِّ أَهْيَفْ " إلـى المدى أنت أهدى وبالسراديب أعـــرف وبـالـخـيـارات أدرى وللـــغرابــــات أكـــشف وبـالـمـهـمات أمضى وللمُلِمّات أحصف فـلا وراءك مـلـهـى ولا أمامك مَصْرَفْ فـلا من البعد تأسى ولا على القرب تأسف لأن هـمـك أعـلـى لأن قـصدك أشرف لأن صـدرك أمـلا لأن جـيـبـك أنظف قـد يـكـسـرونك لكن تقوم أقوى وأرهف وهـل صـعـدت جَـنيًّا إلا لتُرْمى وتُقْطَفْ قـد يـقـتلونك تأتي من آخر القتل أعصف لأن جـذرك أنـمـى لأن مـجراك أَرْيَــــفْ لأن مـوتـك أحـيا من عمر مليون مترف فـلـيـقـذفـوك جميعا فأنت وحدك أقذف سـيـتـلـفون ويزكو فيك الذي ليس يتلف لأنـك الـكـل فـردا كـيـفـية لا تكيف يـا مـصـطفى يا كتابا من كل قلب تألف ويـا زمـانـا سيأتي يمحو الزمان المزيف
Post: #37 Title: Re: رسمة سروال بطلة التنس ashley هو الكان سبب فض Author: عبد الصمد محمد Date: 07-28-2019, 06:11 AM Parent: #36
Quote: خونا المزرور عبد الصمد محمد كان الله في عيونك. كان لل200 ريال بنجازفن ليك ؛ بس شرطن بالسعودي موش عماني. أما عنوان البوست فبدل يغيروه ليك كان لامن كبسوك متلبسن بكلتا يديك في الجراب ، أكان بس تدغمسو ساي تقول: أشلي دي اسم لمهرة مراهنين عليها في سبق الخيل. و تاني اوعك تسيب الباب متركش.
ههههههههه أضحك الله سنونك كلهن ياخ ...انت ولله كاتب مبدع المدام أصلها حنينة وطيوبة عفتنا المرة دي ..لكن المرة الجاية يمين غويشة ما تحلني
Post: #49 Title: Re: رسمة سروال بطلة التنس ashley هو الكان سبب فض Author: Osman Musa Date: 07-31-2019, 08:40 AM Parent: #33
اخونا. معتصم ادريس سلامات زيارتك الجميلة للنفق اسعدتنا واسعدت الملمة هناك . خليك في المكان مع جزيل الشكر
Post: #44 Title: Re: رسمة سروال بطلة التنس ashley هو الكان سبب فض Author: Osman Musa Date: 07-29-2019, 03:53 PM Parent: #30
اخونا ب مهندس قباني سلامات قلت لي اشلي ما بتعرف تلعب بي البيضة والحجر ؟ ذكرتني اليماني الهاش لحظة شاكيرا هزت ( يا ذا فنايد امريكية ) ويا ذا ضمير. نجدي عمك اليماني في قلب ساحة التايم اسكوير هاش وكورك عاشت الامة العربية . بعد شوية رجع من سرحتو البعيدة وعرف نفسو انو هو في قلب مانهاتن . وانو. ح يرجع لصنعاء. مهما طال السفر ومهما كاجر وصول السوشل سيكيورتي . وانو. فعايل. القات مع الكوكاكولا المخلوطة بالجبكسين هي السافرتبو للاماكن البعيدة . ولي ديك الجنات المفقودة . ياخ اشلي. لعبت زي الورد. في كولمبيتنا . والشباب ماتوا في عمر الورد . الله يلعن الكان السبب .
Post: #58 Title: Re: رسمة سروال بطلة التنس ashley هو الكان سبب فض Author: Osman Musa Date: 08-16-2019, 02:49 PM Parent: #2
حياك الله يا اشلي
Post: #59 Title: Re: رسمة سروال بطلة التنس ashley هو الكان سبب فض Author: Osman Musa Date: 08-16-2019, 02:49 PM Parent: #2
حياك الله يا اشلي
Post: #61 Title: Re: رسمة سروال بطلة التنس ashley هو الكان سبب فض Author: Osman Musa Date: 08-22-2019, 05:38 AM Parent: #2
نترحم علي ارواح الشهداء .
Post: #62 Title: Re: رسمة سروال بطلة التنس ashley هو الكان سبب فض Author: Osman Musa Date: 08-30-2019, 10:50 AM Parent: #2
نتابع الرسمة
Post: #42 Title: Re: رسمة سروال بطلة التنس ashley هو الكان سبب فض Author: Osman Musa Date: 07-29-2019, 10:39 AM Parent: #1
حزب المؤتمر السوداني
بيان حول تقرير لجنة التحقيق التابعة للمجلس العسكري فى مجزرة فض الاعتصام
أعلنت لجنة التحقيق التي عينها المجلس العسكري لإستقصاء الحقائق في أحداث مجزرة فض إعتصام القيادة العامة نتائج عملها نهار اليوم السبت ٢٧ يوليو ٢٠١٩م . كما هو متوقع لم تخيب لجنة التحقيق الظنون بها، إذ بثت تقريراً تمت صياغته بهدف واحد لا غير وهو إخفاء الحقائق ودفنها تحت الركام.
أعادت لجنة التحقيق تلاوة الرواية المختلقة حول منطقة كولومبيا وكونها المستهدف بتلك العملية البشعة، والحقيقة الساطعة تقول بأن قرار فض الإعتصام قد تزامن في كل ولايات السودان التي شهدت ١٣ اعتصاماً وبذا فإنه كان قراراً سياسياً اتخذه من يملك السلطة والرغبة والقدرة علي فض الاعتصام مع سبق الإصرار والترصد ولا يمكن أن تعزى جريمة بهذه الضخامة والبشاعة لمحض تفلتات من قوات أو ضباط خالفوا التعليمات.
أنكر التقرير أيضاً حدوث اغتصابات داخل محيط الإعتصام وهو ما يخالف تقارير معتمدة لمنظمات عديدة دونت هذه الجرائم ووثقت لاغتصاب عدد كبير من النساء والرجال وهي وقائع ثابتة وتشبه إلى درجة كبيرة الممارسات الراتبة التي ظلت تحدث في مناطق الحروب في السودان كأدوات للإذلال ولتنفيذ مشاريع الإبادة الجماعية.
إننا في حزب المؤتمر السوداني نرفض ما جاء في تقرير لجنة التحقيق هذه، ونؤكد على ضرورة أن تضطلع الحكومة الإنتقالية المدنية بمهمة إجراء تحقيق مستقل وشفاف تستعين فيه بإشراف إقليمي بهدف كشف الحقائق كاملة وتقديم المتورطين لمحاكمات عادلة. إن قضية العدالة هي إحدى القضايا المركزية لثورة ديسمبر المجيدة ويجب أن تكون على رأس قائمة مهام السلطة المدنية الإنتقالية التي تعبر عن قوى الثورة. .... الموضوع منقول من
حزب المؤتمر السوداني أمانة الإعلام ٢٧ يوليو
Post: #43 Title: Re: رسمة سروال بطلة التنس ashley هو الكان سبب فض Author: adil amin Date: 07-29-2019, 11:45 AM Parent: #42
Quote: التحقيق القام به القاضي دفع الله الحاج يوسف في دارفور هو الذى استند اليه او كامبو في ادانة البشير في لاهاي خلو تهريج الشيوعيين الفارغ ما يؤثر فيكم يا حزب المؤتمر السوداني طال ما في ادانة لي ناس محددين بالاسماء ده اهم حاجة خلي القضاء بتاسس بعد داك بجيبو الباقين من قفاهم انت اسس الدولة اول حاجة اسس القضاء والدولة وخلو التسكع الما مفيد خارج السودان الحركات المسلحة الحقيقية في اقليم دارفور وكرفان والنيل الازرق وعارفين عايزين شنو
ياخ اشلي. لعبت زي الورد. في كولمبيتنا . والشباب ماتوا في عمر الورد . الله يلعن الكان السبب .
يا ود موسى وقبانى آشلى هى بتلعب حلاة لعب!
آشلى لعبت تنس ولعبت مودل فاتن فى مجلة البليبوى
عندما كان عمرها 15 سنه فازت ببطولة الفردى للفتيات تحت 18 سنة بأمريكا وإحترفت التنس فى سن ال 15 سنة عام 2000 وشاركت فى عمر 16 سنة ببطولة أمريكا المفتوحة عام 2001 وظهرت بمظهرها وملبسها وجسدها الرياضى الرشيق والأنيق والسكسى .. فلفتت أنظار خبراء متنوعى التخصص منهم خبراء فى لعبة التنس وخبراء الجمال وخبراء (التصوير) وهم بأعينهم الفاحصة يقيمون هبات الله عليها .. المصورون تزاحموا وإصطفوا خلفها ليلتقطوا الصور فى زوايا وحركات لها مختلفة . لم يلقوا بالا أنها خرجت من الجولة الأولى للبطولة .. ولكن إحتفوا بقدوم حسناء تنس جديدة شبهوها بلاعبة التنس الروسية الحسناء آننا كرونيكوفا anna kournikova ذات جمالا وإغراء. وفى عام 2008 فى بطولة أمريكا المفتوحة حينما خرجت آشلى من الجولة الأولى إنتهزت مجلة البليبوى الفرصة وعرضت عليها أن تكون صورة الغلاف (شديدة الإغراء) للمجلة بمقابل مالى كبير فوافقت تفتخر آشلى بأنها لاعبة التنس الأولى فى التاريخ التى ظهرت فى صورة غلاف البليبوى (أغسطس 2008) .. وكانت قبلها الروسيا آننا قد ظهرت فى صور ة غلاف لمجلة أخرى .. وأيضا سباحة ظهرت كموديل لغلاف مجلة أخرى .. ولكن ماذا قالت النسوة بمدينتها الصغيرة الريفية عنها سأوافيكم به لاحقاً
Post: #47 Title: Re: رسمة سروال بطلة التنس ashley هو الكان سبب فض Author: Osman Musa Date: 07-29-2019, 09:13 PM Parent: #46
وكمان يا اخ نادر الحسناء ظهرت تحت جسر كولمبيا وكانت وهي الالهبت الهتاف وقومت العجاجة . و حتي لحظة وصول قطار الشوق ون لا خفت من حولها اللمة لا. برد من حول خصرها الهتاف .
Post: #48 Title: Re: رسمة سروال بطلة التنس ashley هو الكان سبب فض Author: Osman Musa Date: 07-30-2019, 07:37 AM Parent: #1
نتبع قصة قتل الثورة الممنهج . من بداية بقبقة الدم تحت جسر كولمبيا الي قبقبة ودهس وقتل الفنانين بالمنطقة المترعة بالتغيير والمزدحمة بالسلمية ودميرة التحضر .
Post: #50 Title: Re: رسمة سروال بطلة التنس ashley هو الكان سبب فض Author: نادر الفضلى Date: 08-01-2019, 02:45 AM Parent: #48
Quote: السروال فيها دلالة ورمزية يا نادر للاعتصام زاااااتو.. قالوا لو قلعوه السودان بغرق.. وحدس ما حدس..
معتصم إدريس ها أنت تثبت روعة الفن .. لوحة الرسام ترمز للكثير وأنت تفك شفرة من شفرات رمزية الرسمة .. وعيون أخرى قد ترى وتفسر شفرات أخرى لننفس الرسم .. يقال الصورة تغنى عن ألف كلمة!
نعم حدس ما حدس من كان يتخيل بعد 11 أبريل أن يقتل فرد واحد إذا بعدد الضحايا بعد هذا التاريخ فاق ما قبله .. كولومبيا والقيادة وبالأمس تلاميذ الأبيض .. ولا ندرى ما سيحمله الغد!
Post: #51 Title: Re: رسمة سروال بطلة التنس ashley هو الكان سبب فض Author: Osman Musa Date: 08-01-2019, 06:06 PM Parent: #50
حقيقة يا اخ نادر زي ما الشباب كانوا مهتمين بي ضيافة قطار الشوق ون القادم من عطبرة برضو. كانو مهتمين بي حضور اشلي تحت الجسر . الشاب الرسام الي حد الا موت ابو شعر منكوش ومنطلون جينز مرمد كان ابداع . انا والله حزنت لموت الشاب . الزول. سالت منو واحد قال لي قالوا. مفقود واحتمال موزون بي دكة حجر. ومجدوع في البحر. زي كتيرين . وما حيرجع. ولو. رجع. حيكون زي رجوع مصطفي سعيد الي الشمال البعيد . النيل. ده يا نادر. مكبوس. اسرار. وشاهد. علي. جرايم تشيب . الله المستعان
Post: #52 Title: Re: رسمة سروال بطلة التنس ashley هو الكان سبب فض Author: Osman Musa Date: 08-08-2019, 11:08 AM Parent: #1
اصبح الحديث عن كولمبيا كل يوم يتجدد .
Post: #53 Title: Re: رسمة سروال بطلة التنس ashley هو الكان سبب فض Author: نادر الفضلى Date: 08-09-2019, 08:39 AM Parent: #52
يا عثمان تمنيت لو مراسيم التوقيع على وثيقة دستور الفترة الإنتقالية يكون عند موقع كولمبيا
وبدلاً عن كلماتية محفوظتين عن تمجيد الشهداء ونقطة سطر جديد .. أن يعطوا قدرا أكبر وزمنا حزنأً ووفاء لهم .. تشمل المراسيم الوقف دقيقة حداداً ويعزف لهم النشيد الوطنى وعز فى هواك بعد دالك اليوقعوا ويوقعوا ويبكوا ويهنوا زى ما عايزين .. وتظل فى القلبة غصة وطعنه نجلاء حزناً على أى شهيد وجريح ومفتصبة وزمن مهدر بمخرجات إتفاقية مايلة ومليئة بالثقوب قتلوا الفرح البهى فينا .. لنكتفى بفرح حزين!
Post: #54 Title: Re: رسمة سروال بطلة التنس ashley هو الكان سبب فض Author: Osman Musa Date: 08-10-2019, 05:57 AM Parent: #53
وانا برضو يا اخي نادر انا برضو اتمنيت التوقيع يكون جامع جميع المدافعين عن الحقوق في العالم . في حضور الزعيم كلينتون ووزير ماليتو روبن و زعيم التغيير اوباما والفنانين والشعراء العظام من كل نواحي الدنيا . والرياضيات والرياضين . . والقايمين علي ادارات البنوك وشركات التعدين وتربية الحيوان . والمهتمين بالسياحة والاستثمار.
Post: #55 Title: Re: رسمة سروال بطلة التنس ashley هو الكان سبب فض Author: نادر الفضلى Date: 08-11-2019, 00:26 AM Parent: #54
Quote: وانا برضو يا اخي نادر انا برضو اتمنيت التوقيع يكون جامع جميع المدافعين عن الحقوق في العالم . في حضور الزعيم كلينتون ووزير ماليتو روبن و زعيم التغيير اوباما والفنانين والشعراء العظام من كل نواحي الدنيا . والرياضيات والرياضين . . والقايمين علي ادارات البنوك وشركات التعدين وتربية الحيوان . والمهتمين بالسياحة والاستثمار.
مقترح تمام يا عثمان .. ليتهم يفعلون! شوف لينا شخصية سياسية أمريكية جمهورية، وبريطانيه وفرنسية وألمانية ويابانية وهندية
Post: #56 Title: Re: رسمة سروال بطلة التنس ashley هو الكان سبب فض Author: Osman Musa Date: 08-11-2019, 08:28 PM Parent: #55
الاخ نادر الاخوان والاخوات بوردابيات وبورداب بوست اشلي وعموم اهلنا اهل الشهداء الجميلين كل عام وامتم جميعا بخير . اليوم يوم العيد كان لابد من زيارة ارض كولمبيا الحبيبة الطاهرة . واقسم بالله هي ارض طاهرة . وكل الخترفات القالوها عنها كانت خترفات ساكت . .. اعرجليك يا اخ. نادر. عن مكان الرسمة . واحد من الدميمين اعداء الجمال كشح الرسمة بي زفت . لكن يا اخ. نادر الرسمة والرسومات والغناء وايام الكفاح. المتمدن. كلها. اتخزنت في طايوق الناس وبعد داك تاني. لا بتتمسح بي زفت. لا بي. رشاوي .
Post: #60 Title: Re: رسمة سروال بطلة التنس ashley هو الكان سبب فض Author: Osman Musa Date: 08-17-2019, 04:43 PM Parent: #1
نبارك للشهداء
Post: #63 Title: Re: رسمة سروال بطلة التنس ashley هو الكان سبب فض Author: Osman Musa Date: 01-02-2020, 08:15 PM Parent: #1
عودة
Post: #64 Title: Re: رسمة سروال بطلة التنس ashley هو الكان سبب فض Author: Yousuf Taha Date: 01-03-2020, 08:52 AM Parent: #63
....
Post: #65 Title: Re: رسمة سروال بطلة التنس ashley هو الكان سبب فض Author: محمد عبد الماجد الصايم Date: 01-05-2020, 07:59 AM
يا سلام يا عثمان ياخي!!
Post: #76 Title: Re: رسمة سروال بطلة التنس ashley هو الكان سبب فض Author: Osman Musa Date: 01-12-2020, 04:56 PM Parent: #65
الرجل الضاحك الكريم محمد عبدالماجد الصايم سلامات والف شكر علي العودة للدار الحبيبة منبر سودانيز . وبارك الله فيك علي مشاطرتنا احزان كولمبيا .
Post: #66 Title: Re: رسمة سروال بطلة التنس ashley هو الكان سبب فض Author: Osman Musa Date: 01-06-2020, 08:56 AM
مرحب اخونا يوسف والرحمة للشهداء
Post: #67 Title: Re: رسمة سروال بطلة التنس ashley هو الكان سبب فض Author: دينق عبد الله Date: 01-06-2020, 03:01 PM Parent: #66
هسة لو الواحد بس بحسن النية حاول يجر التنورة لي تحت عشان يسترها يقولوا Harassment كيف يروجون للحريات و لا يقبلون "المساعدات" ؟؟
----------------- حكمة اليوم:- أطلق عينيك و أحفظ يديك؛ فإن المعروف في غير موضِعه يرتد إليك.
Quote: حكمة اليوم:- أطلق عينيك و أحفظ يديك؛ فإن المعروف في غير موضِعه يرتد إليك.
هههههههههههههههه دينق عربشن يا خ حباَ لك يا وغد و الله عينيك دي بتكون اخطر من يديك رئيس قروب الشوافين السودانيين ياخ شيييت هههههه
Post: #71 Title: Re: رسمة سروال بطلة التنس ashley هو الكان سبب فض Author: دينق عبد الله Date: 01-06-2020, 04:46 PM Parent: #68
خضر يا خطييير ياخي تقبل معزتي لله
((والله عينيك دي بتكون اخطر من يديك )) دي أشكال بسحروها يا حاقد انت؟؟
ههههه
المسموح بيها نظرة واحدة بس نحنا ما قعدين نرمش
Post: #69 Title: Re: رسمة سروال بطلة التنس ashley هو الكان سبب فض Author: دينق عبد الله Date: 01-06-2020, 04:23 PM Parent: #67
بحسب معايير أستاذنا الدكتور علي بلدو ؛ فإنه يمكن تصنيف المتداخلين بهذا البوست على النحو التالي:- - 97% تعرضوا لشواكيش آثارها مازالت باقية و واضحة على المنبر. - 99% يعانون من جفاف في شغاف القلب - اي أنهم في حاجة الي دخول مدرسة علي بلدو لتعليم الرومانسية و "المشاغلة الشريفة" - 66% يعانون من خفة الدم الزائدة - بينما 34% يعاني من فقر الدم( يا ربي هو كان خفة الدم عكسها فقر الدم؟؟) - 10% دخلوا البوست عابرين ، يعني بس شلاقة منهم. - 2% من المندسين "السلفيين" الأمر الذي يرفع من احتمالية تفجير البوست في اي وقت - اخير و بدون اي نسبة هنالك 3 متداخلين صعاليك (خضر الطيب، صاحب البوست و دينق عبدالله). يستدعي ابعادهم .
.. .. .. .. ..
Annual Edition - January 2020 اكاديمية الدراسات النفسية و قياسات قلة أدب الكبار
هههههههههههههه عشان كدا قلت ليك انت من اخطر الكائنات نوعك دا بتجحم كدا لحدي ما تحوص و بعدها تاخ تقع :)
Post: #74 Title: Re: رسمة سروال بطلة التنس ashley هو الكان سبب فض Author: دينق عبد الله Date: 01-06-2020, 05:38 PM Parent: #72
كتب خضر الطيب ((عشان كدا قلت ليك انت من اخطر الكائنات نوعك دا بتجحم كدا لحدي ما تحوص و بعدها تاخ تقع :))
ياخي أحسن الظن بأخيك ....!! انا قصدي عشان النظرة المسموح بيها واحدة ؛ نحنا نزيد ال duration و ما قعدين نرمش. وين المشكلة؟؟
هههههه
Post: #73 Title: Re: رسمة سروال بطلة التنس ashley هو الكان سبب فض Author: دينق عبد الله Date: 01-06-2020, 05:29 PM Parent: #70
الأخوين نادر و Osman Musa تحية طيبة
من حيث المبدأ ؛ فإن الشهداء اكرم منا جميعاً . تضحياتهم بأغلى ما يملكه الانسان وهي النفس هو مهر حرية الناس اليوم و غدا ان شاء الله.
لا يمكن نسيانهم بأي حال. و المطالبة بالتحقيق و معاقبة الجناة و تخليد ذكراهم أقل ما يمكن عمله مقابل من قدم حياته لتعيش انت و الوطن بحرية . لكن لكل مقام مقال برأي البسيط لا أرى أي مبرر للحديث عنهم بهذا البوست بالتحديد. و ذلك لإختلاف المقام.
.. .. ..
هوي يا جماعة انا لو في قريبي مات ، اها في واحدة أو واحد منكم عاوز يعزيني بعد فترة ؛ يجيني في البيت أو المكتب أو المسجد أو الشارع بس ما يجي لي في حفلة أو صالة ديسكو و يرفع معاي الفاتحة. عرفتوا كيف ؟!!.
---------------- وصية مجرب : اكمل الخلط في الجامعة حتى لا تخلط الامور في المنبر.
Quote: ياخي أحسن الظن بأخيك ....!! انا قصدي عشان النظرة المسموح بيها واحدة ؛ نحنا نزيد ال duration و ما قعدين نرمش. وين المشكلة؟؟
هههههههههه ظن؟ ظن في ون لايك يو ؟ امباسبووول هههههه قال ليك واحده يعني رمشة سريعة خطافية زيادة الديوريشن دي بتودرك اسألني انا لانو المفاتن كتيرة و انت اصلاَ خريطة التفاصيل عايشة جواك و لو اتعمقتا شوية في الخريطة صدقني بتروح فيها ههههههه
