Post: #1 Title: خمسة إنقلابات علي المجلس في 3 شهور. إ ضافة فيديو تحقيق كمان!! Author: Mutasim Idris Date: 07-24-2019, 08:26 PM
08:26 PM July, 24 2019 سودانيز اون لاين
الكيزان عملوا إنقلاب واااااحد وهم (برة) السلطة ونجحوا. الكيزان عملوا خمسة أنقلابات وهم (جوة) السلطة وفشلوا.
Post: #2 Title: Re: خمسة إنقلابات علي المجلس في 3 شهور Author: Mutasim Idris Date: 07-24-2019, 08:28 PM Parent: #1
الكيزان بتاريخهم الدموي وتركيبتهم السادية وحبهم للسلطة وأمكانية تنزل قرآن ودين جديد لم يطلقوا ولا رصاصة وااااحدة في كل إنقلاباتهم علي المجلس العسكري.. معقولة بس!!
Post: #3 Title: Re: خمسة إنقلابات علي المجلس في 3 شهور Author: Mutasim Idris Date: 07-24-2019, 08:34 PM Parent: #2
الكتائب الفي الضل وبراه ومليشيات الامن أشكال والوان شي طلابي وشعبي ورسمي كوووووولها إتضايرت.. المحور الاسلامي سلم دقنه لحميدتي.. ومعاه كيكة. غايتو القنابير زااااتو ما لاقين حته نختها فيها.
Post: #4 Title: Re: خمسة إنقلابات علي المجلس في 3 شهور Author: Mutasim Idris Date: 07-24-2019, 08:49 PM Parent: #3
لم يتورع الكيزان بمليشياتهم بإرتكاب المجازر تلو الاخري ومقابلة ااااي محاولة لتهديد عرشهم بدموية تفوق الوصف حتي لو كانت إنتخابات في مدرسة ابتدائية. فض الكيزان الاعتصام بمباركة فريق الخلا ومشاركة جنجويده مليشياتهم الحافر بالحافر في إرتكاب اكبر مجزرة قدام بوابات القيادة العامة في وسط العاصمة وفي يدهم الفتاوي هبطرش بإغتيال ثلث ,نصف أو كل الشعب لا يهم. والليله الكيزان سلموا دقونهم ببساطة تاامة ومعاها كمان شكر للدعم السريع (لانقاذهم) من ورطة حكم السودان.. مسرحياتهم أما سمجة زيهم كوجوههم أو لم يعد يهمهم كيف يخرجوها. واضح هم في إستباق وجاهزية تامة بتمليك الشارع ما يريد لكن لن يفرطوا في الاجهزة الامنية لحمايتهم و إعادة إنتاج مملكتهم قبل التوقيع علي الوثيقة الدستورية. خليكم صاحين يا تجمع وقوي الاعلان..
Post: #5 Title: Re: خمسة إنقلابات علي المجلس في 3 شهور Author: Dr. Ahmed Amin Date: 07-24-2019, 09:23 PM Parent: #4
زنقة شديدة يا معتصم ههههههههههههههه
Post: #6 Title: Re: خمسة إنقلابات علي المجلس في 3 شهور Author: Mutasim Idris Date: 07-24-2019, 10:15 PM Parent: #5
Quote: زنقة شديدة يا معتصم ههههههههههههههه
بعد 30سنة يا دكتور أحمد عاوزين يطبقوا نفس النظرية والفيلم: الجيل الاول للسجن حبيسا والجيل التاني زافي حميدتي رئيسا.. تتخيل!!
Post: #7 Title: Re: خمسة إنقلابات علي المجلس في 3 شهور Author: Mutasim Idris Date: 07-24-2019, 10:45 PM Parent: #6
أكثر من اربعة شهور مافي زوووول عارف مكان وجود رأس النظام السابق مع برطعة كل المنظومة وامتلاكها المشهد.. يقوم إنقلاب تلو الانقلاب حسب كضب المجلس وعدد المقبوضين ما يملأوا حافلة.. مرة خمسة ومرة عشرة!! لا شفنا تصفية وموت حصل لا سمعنا بمحاكمات عسكرية عقدت.. الجد شنو في إنقلاب أمس؟ المتابع للاحداث المتسارعة جدا في ما يحدث حوالي فريق الخلا لمحور الشر الاماراتي والضربات المتتالية في الانسحاب الاماراتي من اليمن والتصدع الكبير في علاقتهم بالسعودية والخطي الحثيثة في علاج المشكلة اليمنية وبالتالي تقليل الاعتماد علي مرتزقته متزامن مع اخبار عودة بعض جنوده من هناك , وايضا للتململ الكبير من قوات حفتر من قوات المرتزقة الجنجويد وضعف مقدراتهم القتالية وولاءهم الشديد للمال. إضافة للقرار الاوربي الخاص بمحاربة الهجرة غير الشرعية والاتجار بالبشر عجل بتحويل بوصلة الفريق الي المحور الاخر وتعجيل المفاصلة بينهم قبل التوقيع علي الاتفاق الدستوري. وجد الاسلاميين الفرصة مواتية جدا لاصطياده ونسج أحلام وردية بحكم البلاد والانفراد بالسلطة قبل نهاية الانتقالية.
Post: #8 Title: Re: خمسة إنقلابات علي المجلس في 3 شهور Author: Mutasim Idris Date: 07-24-2019, 11:09 PM Parent: #7
حميدتي ما عنده ولاء أيدولوجي باي شكل لاي جهة.. ولاءه بس لدعمه دا.. حسب فهمه أنه زرعه وحده وسقاه من دمنا وح يحصده برااااه.. عارف الشارع كرهانوا ولن يأمن ليه أو يسلم ليه أبداااا. ح يعمل في قواته دي شنووو؟ يقطعها يبيعها شرمــــــوط؟ دا كان ممكن زمان لما الحمير الجد عنده اكثر من البشر الحمير.. لقي في محور الامارات ضالة تفريخ الجنود للحروب وفي الاوربيين حماية الهجرة والاتجار وفي الامريكان والافارقة محاربة الديمقراطية والالتفاف علي الثورة. المحور الاماراتي هش وفي طريقه للتفكك.. وبسرعه. اما المحور القطري أو إعادة إنتاج فكرة الاخوان المسلمين بعد فشلها في مصر وتونس والسودان نفسه بثوب جديد أكثر جاذبية لشعوب المنطقة.
Post: #9 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 05:49 PM Parent: #8
حملة الاعتقالات الواسعة التي شملت مع جنرالات الجيش المشاركين فيما يسمي بالمحاولة الانقلابية علي المجلس العكسري أيضا أسماء بارزة ووجوه معروفة من الاسلاميين. كما شملت ايضا إعفاء واعتقال رموز النظام في بعض المؤسسات المالية وصحفيين معروفين بولاءهم للانقاذ و كانوا ايضا من مطبلي فريق الخلا وبعض مستشاريه. هل بدأ فريق الخلا فعليا في تفكيك الدولة العميقة و أجهزتها الامنية ومؤسساتها المالية تحت زريعة المشاركة في المحاولة الانقلابية وبايدي نفس منسوبي الدولة المتمكنين من كل مفاصل الدولة؟ يعني الانقاذ تفكك نفسها!!
Post: #10 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 06:12 PM Parent: #9
قطر.. هل باعت الاسلاميين لمحور الامارات ونفضت يدها عن التدخل في الشأن السوداني بعد سقوط النظام؟ طبعا لا. المحور القطري الاخواني يرغب في إعادة المنتوج للمنطقة عبر البوابة السودانية مرة أخري وبمواصفات تناسب التغيرات الحصلت في المنطقة وشعوبها وتصحيح أخطاء التجربة المصرية والتونسية والسودانية نفسها.
Post: #11 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 07:59 PM Parent: #10
الجيل الاول للانقاذ سيذهب الي السجن حبيسا وسلم الراية للجيل التاني للانقاذ ليزف حميدتي رئيسا.. شفت الفهم.. ابطأ المحور القطري الاخواني الخطي في تعامله مع الثورة السودانية واحداث التغيير سريعا بعد قطع رأس النظام والإبقاء علي الجسد (المتمكن) وإعادة تدويره والثورة في أوج لهيبها وعنفوانها. ولتجنب النتائج الكارثية آثر المحور التعامل مع الشارع من خلال المجلس(الكيزاني) بوضع المتاريس و العراقيل في وصول الثورة لغاياتها بما فيها مجزرة الاعتصام لاحراج فريق الخلا وتوريطه والاطاحة بيها لاحقا من جهة ولمسح , هدم ودك صورة سودان بكرة من مخيلة وحلم السودانين المقابلة للمشروع الاخواني من ناحية ثاني مهمة. هنا يجب الاشارة الي أن المحور الاماراتي لا يملك في الشأن السوداني غير فريق الخلا وبعض أعضاء المجلس العملاء وعلاقات طه الحسين في حين يمتلك المحور القطري كل (الدولة بعمقها) ومفاصلها وناسها.. يعني المحور الكيزاني مؤثر في المشهد السوداني بكثير مما يٌشاهد بتاثير المحور الاماراتي الهش. فريق الخلا قطار مندفع بتحقيق الحلم.. قرأته للمشاهد والقطع المتحركة ضعيف. لا يملك ولاء ولا توجه. بدأت موارده في الجفاف. لكل الاسباب دي مجتمعة مع ضعف المحور الاماراتي بفضايحه وانشقاقه وتصدعه وتلقيه الضربات المتتاليه كان لابد للمحور القطري إغتنام الفرصة والتعجيل بإعادة ترتيب البيت بمسرحية الانقلاب وإعفاء أو تغييب الرموز والوجه القديمة الظاهرة من التنظيم في كل المؤسسات المالية أو العسكرية وحتي المدنية منها من ناحية , ومن ناحية تانية تمكين القتل السريع من المكون الامني خاصة جهاز الامن وأستلامه بالكامل بتعين المواليين في الجهاز ومليشيا الجيش حتي تؤول كل مفاتيح الامن في يد الفريق.
Post: #12 Title: Re: خمسة إنقلابات علي المجلس في 3 شهور Author: علي دفع الله Date: 07-25-2019, 08:06 PM Parent: #11
خمسة انقلابات ولاطلقة واحدة طلعت ولا شهيد ولا جريج.....فض الاعتصام وناس عزل اكتر من ٢٣٤ شهيد و١٣٠٠ جريج🤢🤢🤢 دى كيف
Post: #13 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 09:33 PM Parent: #12
Quote: خمسة انقلابات ولاطلقة واحدة طلعت ولا شهيد ولا جريج.....فض الاعتصام وناس عزل اكتر من ٢٣٤ شهيد و١٣٠٠ جريج🤢🤢🤢 دى كيف
إنقلابات دكاكينية.. من دقنو وأفتلوا.. الناس ديل مابشبهونا من يوم جأوا في 89.. يعني البحصل منهم ماليهو علاقة بواقعنا وحياتنا فحتما حتي إنقلابتهم ما بتشبه إنقلاباتنا.. حسبو قال مركبين (بلق) مع ربهم.. شاكر علي المرور استاذي علي دفع الله.
Post: #14 Title: Re: خمسة إنقلابات علي المجلس في 3 شهور Author: حمد إبراهيم محمد Date: 07-25-2019, 09:48 PM Parent: #12
صاحب البوست وود دفع الله - سلام
Post: #16 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 11:25 PM Parent: #14
شكرا يا أخ حمد أبراهيم.. دا فيديو الانقلاب رقم خمسة.. من الاول للرابع ما لحقوا يسجلوا لا بالعود لا اركسترا.
Post: #15 Title: Re: خمسة إنقلابات علي المجلس في 3 شهور Author: عماد الدين الطيب عمر Date: 07-25-2019, 09:49 PM Parent: #1
سلام معتصم خمسة كضبات السيسي يقول و كضباشي يقول و ود العطا يقول و اخيرا يطلع لينا حميدتي بإعلان صيحات مدنية مدنية مدنية عدوي و عدوكم وااااحد المؤتمر الوطني يا اخي اقتل ليك واحد من الدقون دي عشان نقول حميدتي راجل لكن اكتر من ٢٣٠ قتيل في مجزرة القيادة و المفقودين عدد غير معروف و لا نقطة دم تقع في انقلاب واحد بل راسك و بس انت و مجلسك الانقلابي
قال عدوي و عدوكم وااااحد قال ...
Post: #17 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 11:28 PM Parent: #15
Quote: و اخيرا يطلع لينا حميدتي بإعلان صيحات مدنية مدنية مدنيةعدوي و عدوكم وااااحد
مدنية مسيخة في خشمو عدوي (و) عدوكم وااااحد و اياااي فأرهبون.. شفت فرز العيشة دا.. شاكر يا عماد علي المرور
Post: #18 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 11:50 PM Parent: #17
المحقق فريق الخلا المحقق معاه بيضة..هو بالله التحقيق كدا في الانقلابات!!؟
Post: #19 Title: Re: خمسة إنقلابات علي المجلس في 3 شهور Author: Mutasim Idris Date: 07-25-2019, 11:56 PM Parent: #18
آسف علي رداءة صورة الفيديو.. بس المحتوي اردأ.
Post: #20 Title: Re: خمسة إنقلابات علي المجلس في 3 شهور Author: Mutasim Idris Date: 07-26-2019, 00:09 AM Parent: #19
هاشم: أنا حركة اسلامية وحالف علي الحركة الاسلامية.. لييييييه جايب سيرة الحركة الاسلامية دي؟ هل حميدتي ما عارف إنه المسخ دا حركة اسلامية؟؟ ول دا الغرض من الفيديو وتسريبه التأكيد هههههه. هاشم: إتصلوا علي ناس قالوا لي الكلام دا بجيب دم.. يعني في ناس في الحركة كانوا عارفين الحركة قبل ما هاشم يتحرك!! عجبي.. والناس ديل منو؟ علي كرتي ونافع والزبير وعوض الجاز!! معناها الخلق دي كووووولها برة السجن هههههههه. وكمان عارفين الحاصل شنو جوووه وبنصحوا كمان!! الله يطولك يا قنابير..
Post: #21 Title: Re: خمسة إنقلابات علي المجلس في 3 شهور Author: Asim Ali Date: 07-26-2019, 00:19 AM Parent: #20
No Comment
Post: #22 Title: Re: خمسة إنقلابات علي المجلس في 3 شهور Author: Mutasim Idris Date: 07-26-2019, 00:26 AM Parent: #21
يا عاصم العارفهم أنا غايتو خمسة غايتو.. يا إما أكلونا في واحدة كعادة الاكل عندهم أو في واحدة في الخميس البعدوا أعادوا تسخينها.. ههههههه.
Post: #23 Title: Re: خمسة إنقلابات علي المجلس في 3 شهور Author: Mutasim Idris Date: 07-26-2019, 09:00 PM Parent: #22
حمدتي يعتقل وحميدتي يحقق بنفسه في المحاولة الإنقلابية الاخيرة مع مدبرها (حسب قولهم) في مكتبه!!. الموسسة العسكرية أو ما يعرف بالجيش السوداني أو كما يحلو للكثيرين تسميته بعرين الابطال ومصنع (الرجال) أنجبت ثلاثة إنقلابيين علي سلطة مدنية. قوضوا الديمقراطيات و حكموا خمسين سنة من عمرها الستيني!!. لم تحارب في تاريخها عدوا أجنبي واحد علي الرغم من إحتلال اراضي عزيزة من التراب , بل حاربت شعبها وشطرت الوطن وزرعت الفتن بالحروب!!. نُسِب للشيخة المشلعة مولود خارج الرحم (الخلا)!. مسخ مشوه سحل وسلخ وأباد أبنائها بعرض الوطن وأيضا أمام باب بيتها الخرب. إغتصب من سموا (رجالها) وطعنها في مقتل عجّل بسوء خاتمتها ولم تجد حتي من يبكيها!! في آخر ايامها بطلت ولادة وبقت تبيض في الشهر خمسة!! آخرهم أكبر (بيضة) مجوفة فارغة من المحتوي اسمها هاشم!!
Post: #24 Title: Re: خمسة إنقلابات علي المجلس في 3 شهور Author: Mutasim Idris Date: 07-26-2019, 09:23 PM Parent: #23
قبل الجلسة الحاسمة مع الشعب وقوي إعلانه لحريته والتغيير كان لابد للكيزان التخندق مع فريق الخلا لمواجهة المصير. مسرحية الانقلاب سمحت بالتغييرات الكثيرة والاعفاءات في القوات المشلعة إساساً وأيضا التمكين الكبير في جهاز الأمن والمخابرات (أُس البلاوي) للقتل السريع. حسب المعطيات والواقع وتحليلهم , السودان لا يحتاج لقوات مسلحة تحميه من (مصر) أو (أثيوبيا) المحتلات, قوات القتل السريع إتمدت وأحتوت الأمن والشرطة و ح تقوم (مليشيا) مقام (مليشيا) الجيش الكيزاني. أصبحت مليشيا القتل السريع هي الجيش والشرطة والامن! حميدتي وصفوه بالذكاء (العفوي).. إتعلم من البشير سيده سياسة اللعب علي المحاور. وفّر للاماراتي الرجال (مرتزقة) وللقطري الرجال (حاضنة) , وأخر لقاء السحاب بين المحورين في النهائي للبت في أمره!!.
Post: #25 Title: Re: خمسة إنقلابات علي المجلس في 3 شهور Author: Maher AlMahi Date: 07-27-2019, 09:29 AM Parent: #24
Quote: هاشم: إتصلوا علي ناس قالوا لي الكلام دا بجيب دم..يعني في ناس في الحركة كانوا عارفين الحركة قبلما هاشم يتحرك!! عجبي..والناس ديل منو؟ علي كرتي ونافع والزبير وعوض الجاز!!معناها الخلق دي كووووولها برة السجن هههههههه.
برافو عليك يامعتصم تحليل سليم ومنطقي معناها لا في سجن لا في مسجونين لا في بطيخ دي كلها مسرحيات تافهة وللاسف كثير من الناس مصدقين (الفرمالة) دي ونحن شفنا البشيرخرج علينا بكامل زينته من فندق ثمانية نجوم وسيارة فارهة آخر موديل - بالله العبو لعبة غير دي والله انا شخصيا ماعدت اصدق اي تصريح يصدر عن هذا المجلس الكذاب حتى لو فبرك الف شريط والف فيديو - دي مسرحيات كيزانية شيطانية ابطالها نافع وقوش وعلى عثمان السجمان وآخرين لا تعلموهم الله يعلمهم - بعدين بصيص من التفكير هم عملوا مسرحيتهم دي وكان بعدها مباشرة اعلان لمليونية مناصرة وشكر الدعم السريع - بعد دة كلو لسة الناس ماوصلت ليهم الرسالة من وراء كشف المحاولة الانقلابية؟ أنا شخصيا والله ماعندي قنبور.
Post: #26 Title: Re: خمسة إنقلابات علي المجلس في 3 شهور Author: Mutasim Idris Date: 07-27-2019, 09:50 AM Parent: #25
Quote: والله انا شخصيا ماعدت اصدق اي تصريح يصدر عن هذا المجلس الكذاب حتى لو فبرك الف شريط والف فيديو - دي مسرحيات كيزانية شيطانية ابطالها نافع وقوش وعلى عثمان السجمان وآخرين لا تعلموهم الله يعلمهم
ماهر الماهر كيفنك.. الشباب ديل يا ماهر أستمرأوا الكذب وبقي عاااادي جدا عندهم يطلعوا يرشونا باي خبل ونحن نصدق.. كولهم برة السجن وكمان بقدموا في إستشارات وشايلين موبايلاتهم وعندهم اخبار البلد قلبة وعدلة شفت كيف. شاكر علي المرور يا سيدي..
