دبابيس من صحف اليوم 24 يوليو 2019 م

02:51 PM July, 24 2019

سودانيز اون لاين
Abdulhaleem Osman-Sudan
مكتبتى
رابط مختصر

اكسح امسح في مدرسة بمحلية كرري:
👈 مع بداية العام الدراسي الجديد قامت السيدة (سعاد هارون) مديرة مدرسة الشهيدة رقية بالثورة الحارة 13 بنات باستخدام شعار شقيقها مولانا أحمد هارون (أكسح أمسح ماتجيبوا حي ما تعمل لنا عبء اداري) فقامت في بداية العام الدراسي الحالي 2019 - 2020 بحرمان أكثر من (30) تلميذة من الانتقال الى الصف الثامن بحجة ضعف مستواهن...
بعض اهالي الطالبات رضوا بالمقسوم كعادة بعض أهلنا في الاستكانة للضيم وتحملوا عبء تحويل بناتهم الى مدارس خاصة والبعض الآخر رفض ودخل مع المديرة في شد وجذب الأمر الذي دعا المديرة الى تهديدهم بانهم لن ينتصروا عليها فهي أخت أحمد هارون ولكنهم استعانوا بمدير المنطقة ومن ثم بالسيد معتمد كرري الذي كان عند حسن ظنهم فنصرهم عليها رغم محاولاتها المتكررة في التحايل على قرار قرار مدير التعليموقرار السيد المعتمد هي وبعض المنقادات لها من معلمات المدرسة ، ولكن تم اعادة من تبقى من التلميذات الى صفوفهن....
📌 أنا نفسي واحد نقااااش كدا ينقش لينا السيدة (سعاد هارون) دي بقت مديرة مدرسة كيف؟ هل نالت الوظيفة دي بالقانون والا بالغانون.....
.
.
📄 عسكري مخمور يغزو ست الشاي بآلية مدرعة:
👈 أمس الأول في محطة (الرومي) حيث توجد مدرعة مرابطة هناك وللأسف كان يقودها عسكري وكان في حالة سكر ولسبب أو آخر اختلف مع ست الشاي فقام بقيادة المدرعة ودخل كسر بيها عدة ست الشاي وكسر ليها كراسيها وكسر له كراع راجل كبير لم يستطيع الهرب من أمام المدرعة الهايجة الى أن اصطدمت بسيارة أخرى وكادت أن تقع كارثة حيث تجمهر الناس وجاء زملاء العسكري باسلحتهم وكادوا أن يشتبكوا مع المواطنين لولا أن أحد المواطنين كان قد اتصل بالمعتمد الذي حرك قوات أخرى أتت واحتوت الموقف سريعاً
📌 ولأن كرري تحدث عن رجال كالإسود الضارية مرة أخرى يثبت اللواء معاش عادل ابراهيم معتمد كسلا أنه قدر المسئولية له منا التحية والتقدير....
.ه.
.ه.
📰 الجريدة:
👈 مطالبة بتحديد أوجه صرف جمعية القرآن لمبلغ”مليون” و”160″ ألف يورو
📌 المبلغ دا يكون عملوا ليه (إدغام بغنة) ومنتظرين (مد لازم) بمبلغ تاني عشان يعملوا (وقف تام)
.
📰 الجريدة:
👈 تعثر المشاورات بين الحرية والتغيير والجبهة الثورية وجهود للقاء الحلو وعبد الواحد
📌 عبدالواحد دا الا تقصنوا له جنب الصينية في شارع اذاعة مونتكارلو لكن الحلو مقدور عليه
.
📰 الجريدة:
👈 صحة الخرطوم:”63″ ألفًا جملة النقص في كادر التمريض
📌 نان هسع دا نقص والا قيامة رابطة
.
📰 الجريدة:
👈 شكوى من انتشار آفة الفأر بالتفتيش التاسع بمشروع الرهد
📌 أممممك أها دا أخطر من النمل الأكل السكر
.
📰 الوطن:
👈 مشاورات أديس أبابا تحسم عقبة التمثيل في مجلس السيادة
📌 الله يفكنا من المسرحية دي كلها كرهتنا التمثيل ذاتو
.
📰 الوطن:
👈 حميدتي: لسنا ضد “المدنية” ونسعى لتوافق الكيانات السياسية
📌 شُوف يا سعادتك توافق الكيانات دا الطلس ذاااتو، نحن في كيانات كدا أصلوا مابنتوافق معاها
.
📰 الوطن:
👈 السلطات تمنع مواكب طلابية من الوصول لجامعة الخرطوم
📌 خلاص يمشوا كولومبيا
.
📰 الوطن:
👈 حميدتي: انتهازيون وراء ارتفاع الأسعار ولا ننكر وجود خيانة داخلية
📌 أكيد الانتهازيون ديل من الناس ال لابسين الكاكي بتاع الدعم السريع وسايقين تاتشرات وشايلين كلاشات ودوشكات وسيطان وخراطيش من سوق ليبيا وقاعدين يعملوا تجاوزات عشان يخربوا سمعة الدعم السريع
.
📰 الوطن:
👈 كلمة الوطن: إذا عاد صلاح قوش... لماذا لا يعود المخلوع عمر البشير؟
📌 هسع دي كلمة الوطن والا كلمة الوطني؟
.
📰 التيار:
👈 شبح الانهيار يهدّد مفاوضات”أديس أبابا”
📌 السمك مابهددوا بالغراق ، نحن شبح الإنهيار دا راكب فوقنا من يوم 30 يونيو 1989
.
📰 التيار:
👈 حماية المستهلك تطالب بمعاقبة وكيل وزارة الصحة السابق
📌 يا اخواننا خلونا من معاقبة دي قولوا تطالب باعدام
.
📰 التيار:
👈 الوسيط الأفريقي يصل الخرطوم ويلتقي العسكري اليوم
📌 زحوا الكباشي منه
.
📰 الانتباهه:
👈 قيادي بتجمع المهنيين يكشف حقيقة (قرابته) بصلاح قوش
📌 العوض على الله كان كدا
.
📰 الانتباهه:
👈 ضبط شبكة مخدرات بعد مطاردة عنيفة بالبطانة
📌 البطانة خلوا الابل بقوا بتاعين مخدرات؟
.
📰 الانتباهه:
👈 لقاء مفاجئ لعلي الحاج بكوستيلو قرنق في ألمانيا
📌 أها وبعدين؟
.
📰 الانتباهه:
👈 النيابة تطلب فيديو انقلاب 1989م في قضية للبشير
📌 فيديو لي شنو النيابة ما تعاين للدمار الحصل في البلد وخلاص
.
📰 الانتباهه:
👈 الانتباهة تكشف تحركات الحلو بعد وصوله إلى أديس أبابا
📌 عندكم باباراتزي مطاردو؟
.
📰 الانتباهه:
👈 الأصم: النضال المسلح لا يستوجب المشاركة في السلطة
📌 ياخي هي والله ذاتها السلطة في السودان دا والله أكبر ماسورة
.
📰 الانتباهه:
👈 ضبط مطعم شهير يقدم لحوماً فاسدة بالعاصمة
📌 من أمن العقاب أساء الأدب
.
📰 الانتباهه:
👈 محامٍ: استفتاء الجنوب مخالف للقانون الدولي
📌 لكن (حدس ما حدس)
.
📰 الانتباهه:
👈 مسح يكشف سوء تغذية وإنيمبا بـ”23″ ألف قرية
📌 الناس الكانوا قادننا بموضوع الهجرة الى الله ديلك أصلو ما مروا بي واحدة من ال23ألف قرية ديل ؟
.
📰 آخر لحظة:
👈 حميدتي يهتف..”مدنيااااا”
📌 يلا قول أي كوز ندوسو دوس
.
📰 آخر لحظة:
👈 “الثورة والحرية يسميان رئيس الوزراء
📌 ما عزومنا للسماية
.
📰 آخر لحظة:
👈 “العسكري”: بقايا الإنقاذ مستفيدون من الأزمة الاقتصادية
📌 طيب انتو حارسين الري؟
.
📰 آخر لحظة:
👈 السعودية: نقف مع السودان في”الفرح والضيق”
📌 والله يا طويلين العمر انتو كنتوا واقفين في الآوت ، لو عندكم وقوف ورونا ليهو هسع
.
📰 آخر لحظة:
👈 مذكرة تطالب بإيقاف سفر الهايسات”الشريحة” للولايات
📌 نؤيد بشدة
.
📰 آخر لحظة:
👈 المهنيين: الثورة المضادة تحاول زراعة اليأس في نفوس المواطنين
📌 (اليأس) براهو؟ ديل لو لقوا طريقة ممكن يزرعوا داليا (الياس) ذاتها
.
📰 أخبار اليوم:
👈 المبعوث الأمريكي: الوقت مبكر للوصول لحل نهائي بالسودان.
📌 أختونا... غادي غادي السل بي يعادي
.
📰 أخبار اليوم:
👈 جبريل ابراهيم يكشف قضايا الخلاف بأديس ويبرر قبوله دعوة السفارة القطرية.
📌 زمن الغتغته انتهى
.
📰 أخبار اليوم:
👈 مباحثات بين (تجمع المهنيين) و(الشعبية) بقيادة الحلو .
📌 بالتوفيق
.
📰 أخبار اليوم:
👈 انضمام 6 فصائل منشقة عن عبد الواحد للدعم السريع بجبل مرة.
📌 كل فصيل فيه كم؟
.
📰 أخبار اليوم:
👈 حميدتي: الأولوية في الوقت الراهن للسلام ويجب الاستفادة من التغيير.
📌 كلام عقل
.
📰 أخبار اليوم:
👈 عرمان: مجئ الجبهة الثورية للمفاوضات انتصار لوحدة قوى الحرية والتغيير.
📌 يلا ارموا قدام
.
.....
📌ابووضاح 📌