Post: #1 Title: سيدة سودانية تقتحم اجتماع قوى الحريه والتغيير في اثيوبيا وتطالبهم بتوحيد كلمتهم من اجل السودان. Author: Nasser Amin Date: 07-20-2019, 10:01 AM
السيدة التي اقتحمت الاجتماع و طالبتهم بتوحد الكلمة
والرجوع للسودان للبناء و التعمير , وصفق لها الحاضرون
هي كما ورد على لسان شقيقها في بوست الفيس:
Quote: الاستاذة نوال محمد خير عثمان..خريحة جامعة الخرطوم كلية الاقتصاد.. كانت من الذين رافقوا و عاصروا و دعموا الاعتصام و صاحبت الأطفال الذين لجأوا لأرض الاعتصام بحثا عن مدينة فاضله و أملا في مستقبل أفضل..هي كنداكه أصيله و شجاعه و ناكره لذاتها و محبه لوطنها.
والدها و والدنا الراحل المعلم الدكتور محمد خير عثمان وزير التعليم خلال السبعينات و خبير التعليم بمنظمة اليونسكو من الذين انشأوا جامعة السلطان قابوس و خططوا للتعليم بالسلطنه..عليه رحمة الله و رضوانه
فيديو من أديس الان.. أجواء إحتفالية نتمني أن يكون قد وصلت الاطراف الي إتفاق كاااامل والوقوف علي قلب رجل واحد.. الحسن ود لبّات ( إتسودن) هههههه سلام يا ناصر..
هل في الفيديو دا رئيس وزراء أثيوبيا آبي أحمد (يبكي في أحضان) شخص ما في الثانية 0:52.. أم انا (يخيل لي)..عوزين السلام يعم يااااخ.
Post: #6 Title: Re: سيدة سودانية تقتحم اجتماع قوى الحريه والت Author: Idris Logma Date: 07-21-2019, 03:25 AM Parent: #5
هذه الاخت كانت تحترم الجلسة ان كانت جادة فى سبيل الوطن بدلا من اضاعة الوقت فى كلام فارغ للدعاية الرخيصة اين كانت هذه المراة فى تاريخ السودان الدموع تاريخ اغتصاب العشرات من الطالبات فى المدارس اين كانت هذه الامراة عندما هرول الشركاء فى الحرية والتحرير لتوقيع اتفاقية انتهازية عنصرية اليس من الاولى لهذه المراة ان تظالب بطلاق المئات السجناء من الاسرى والشباب هذه نوع من الاستهبال والتلاعب بالمشاعر الوطنية نرفضه رفضا باتا لديها اخت نائب سفير واخ سفير ويقول لكى الوطن وبطيخ
Post: #7 Title: Re: سيدة سودانية تقتحم اجتماع قوى الحريه والت Author: عبد الصمد محمد Date: 07-21-2019, 03:47 AM Parent: #6
يا لقمة أرفع كراعك شوية من الأبنص أحكم على الفعل الحصل دا في سياقه، فهو عمل شجاع من كنداكة لم تجد الا التصفيق من المجتمعين وربما قد يكون كسر جموداً بين المجتمعين بعدين شنو أختها نائبة سفير وأخوها سفير ما سيدنا نوح ولده المن صلبه إختار القوم الكافرين وقابيل كتل هابيل وفي البيت الواحد بتلقى الشيوعي والأخو المسلم بعدين ضروري انت تعرف موقفها كان شنو في أحداث إنتهكت فيها حكومة الكيزان أعراض وأرواح أهلنا من قبل ياخ ربنا بقول لو عملت (مش ما عملت) لو عملت السبعة وزمتها هنالك ما يكفرها مثل الحج الذي يجب ما قبله فيا أخوي حاسب نفسك قبل ما تحاسب الآخرين يعني خليل إبراهيم نفسه من كان دباب قدر الليلة وبكرة والجرايم حصلت من المركز الغالبيته شمالي ضد الهامش لكنها برضو حصلت من الهامش ضد الهامش والكانو بعاونوا النظام الفات في قمع الهامش ما هم أولاد الهامش ذاته وهسع أسمع في الجزيرة والعربية الناس الضد الثورة ومع النظام الهالك نصهم من الهامش فياخ خت الكورة واطة وما توسع الفتق على الرتق