Post: #1 Title: متى يحتفي العالم الاسلامي بهذا العلامة السوداني العبقرى ؟! Author: هشام هباني Date: 07-17-2019, 08:57 PM
وهو البروفسور العلامة ( محمد حسين ابو صالح) خبير التخطيط الاستراتيجي بالجامعات والمعاهد العليا بالسودان والذي تملأ هذه الايام فيديوهاته الميديا السودانية حيث تظهر تأييده ودعمه لثورة ١٩ ديسمبر وخصوصا شريحة الشباب الذي مافتيء يحرضهم للتمسك بثورتهم وحمايتها من السراق..وقد شدني جدا بأناقة طرحه وموضوعيته حول الفكرة الوطنية والحلم السوداني وكيفية بناء الاوطان.. وقد اجبرني بشكل فضولي ان ابحث عن سيرته الذاتية في الاسافير. وفي اثناء بحثي اكتشفت اننا نمتلك كنزا من الحكمة والمعرفة ينبغي ان نفاخر ونعتز به امام العالمين وخصوصا العالم الاسلامي الذي ينبغي ان يجله ويقدره حق قدره بسبب عبقريته الفذة والتي تجلت في امتلاكه منطقا ساحرا في اقناع الاخر حتى لو كان في مقام خبير عالمي حيث في مؤتمر عالمي حول التخطيط الاستراتيجي وهو مؤتمر أمه علماء اجانب في مجال التخطيط الاستراتيجي من كل قارات العالم من اميريكا وكندا واوروبا واستراليا و استطاع عالمنا العبقرى العظيم بسحر منطقه وقوة حجته في استعراض عظمة التخطيط الحكيم( السماوي) في الاسلام مقارنة بالتخطيط البشري ( الطيني) وهو امر سحر به مستمعيه في محاضرة فخيمة ألقاها على مدار اربعة عشرة ساعة في يوم واحد حول هذا الموضوع الهام وكانت النتيجة المبهرة ان دخل في دين الاسلام أفواجا في تلكم الليلة المقدسة من اولئك الخبراء ( الكفار والمشركين) خمسة وثلاثون خبيرا تركوا دياناتهم في تلكم الليلة المقدسة الليلاء واعتنقوا دين الاسلام بسبب هذا العالم العبقرى الساحر والذي فاق حتى الانبياء المؤيدين بوحي السماء والذين لم نسمع بأن احدهم في سويعات قد استقطب عشر هذا العدد من (المشركين والكفار) الذين ادخلهم في دين الله القويم هذا العالم السوداني العبقرى والذي تفوق على الاولين والاخرين بهذا الفتح الاسلامي المعرفي المبين عبر الحجة والمنطق السديد المكين..ولذلك يحق لنا أن نحتفي به وليعتبره العالم الاسلامي كنزا للدعوة ورمزا للمنطق الديني الشريف واتمنى ان يرفدنا اي شخص بهذه المحاضرة المقدسة وبقائمة بأسماء هؤلاء العلماء ( المشركين والكفار) الذين دخلوا دين الاسلام افواجا في ليلة الافك( sorry)ليلة الفتح المبين! https://youtu.be/KWea4giQv1Ehttps://youtu.be/KWea4giQv1E
Post: #2 Title: Re: متى يحتفي العالم الاسلامي بهذا العلامة ال Author: هشام هباني Date: 07-17-2019, 09:02 PM Parent: #1
Post: #4 Title: Re: متى يحتفي العالم الاسلامي بهذا العلامة ال Author: ترهاقا Date: 07-17-2019, 10:03 PM Parent: #3
فينك يا عمدة فعلاً الراجل ده جدير بالاحتفاء، راجل فاهم ومرتب
Post: #5 Title: Re: متى يحتفي العالم الاسلامي بهذا العلامة ال Author: علاء سيداحمد Date: 07-17-2019, 10:17 PM Parent: #4
سلام يا الناظر
فعلاً ابوصالح يحتاج من السودان حكاماً ومحكومين ان يحتفوا به فهو يستحق الاحتفاء
Post: #6 Title: Re: متى يحتفي العالم الاسلامي بهذا العلامة ال Author: Gafar Bashir Date: 07-17-2019, 10:58 PM Parent: #5
Quote: استطاع عالمنا العبقرى العظيم بسحر منطقه وقوة حجته في استعراض عظمة التخطيط الحكيم( السماوي) في الاسلام مقارنة بالتخطيط البشري ( الطيني)
ما عارفك جادي ولا بتهظر انا يكفيني اقرا السطور دي واتجاهل اي حاجة بعدها لاني عرفت انو مستحيل عقلية زي دي تنتج حاجة مفيدة للبشرية
Post: #7 Title: Re: متى يحتفي العالم الاسلامي بهذا العلامة ال Author: هشام هباني Date: 07-17-2019, 11:38 PM Parent: #6
بس حكاية ال٣٥ خبير استراتيجي تركوا دياناتهم وطوالي دخلوا الاسلام بعد محاضرته المقدسة التي استغرقت ١٤ ساعة...مش الحكاية دي واسعة شوية ههههههههههه
Post: #8 Title: Re: متى يحتفي العالم الاسلامي بهذا العلامة ال Author: هشام هباني Date: 07-17-2019, 11:40 PM Parent: #7
الدليبة دي في ال٤ دقايق الاولى كدى ركزوا معااااي امكن اضاني تقيلة لزوم كبر وكده هههههههه!
Post: #9 Title: Re: متى يحتفي العالم الاسلامي بهذا العلامة ال Author: هشام هباني Date: 07-17-2019, 11:41 PM Parent: #8
سلامات ترهاقا وعلاء وجعفر
Post: #10 Title: Re: متى يحتفي العالم الاسلامي بهذا العلامة ال Author: صباح حسين طه Date: 07-18-2019, 00:39 AM Parent: #9
يا الناظر انت اسلمت ولا شنو؟ ههههه
Post: #11 Title: Re: متى يحتفي العالم الاسلامي بهذا العلامة ال Author: هشام هباني Date: 07-18-2019, 00:50 AM Parent: #10
سلامات صبااااااح انا محتار في جكة ال٣٥ عالم استراتيجية الاسلموا طوالي بعد محاضرة البروف العبقري يعني الحكاية ما بتقسم مع فهمى كسواق تاكسي مخضرم ههههه
Post: #12 Title: Re: متى يحتفي العالم الاسلامي بهذا العلامة ال Author: Mohd Ibrahim Date: 07-18-2019, 03:10 AM Parent: #11
هشام تعبتنا ساكت ..انا قايلك جادي ..... دا اخير منو الكاروري البنجر ساي دا ...بعدين فكرة انو القاعة كلها اسلمت بعد محاضرتة الطولها 14 ساعة دي فكرة عبقرية جدا ...الزول عندو مستقبل في هولييود ..اللمهم اجهزتنا الاعلامية دي كلها محتاجة تتقفل بالضبة والمفتاح لحد مايجي الشباب الواعد دا يستلم ونواصل الابداع الثوري ويتحول الي سلوك قويم وتربية يومية ومنهج حياتي معاصر مستمد من الواقع ..لانريد وصايا من السماء ولا تفساير ميتافيزيقية ولا كتب صفراء ..نريد مناهج علمية صارمة تحترم العقل وتضع العلم حجرا للاساس والبناء للاجيال القادمة ..الروحانيات ليست حكرا علي الدين ..والروح مجال علمي وفضاء مفتوح ومتاح لكل من يسلك طريق العلم ..انتهي عهد الوصاية والاعلام الاجباري هو تجهيل اجباري ..
Post: #13 Title: Re: متى يحتفي العالم الاسلامي بهذا العلامة ال Author: adil amin Date: 07-18-2019, 03:40 AM Parent: #12
انا قايلك وعيت وقاصد الاستاذ محمود محمد طه لقيتك لسه في ضلالك القديم سلام يا الدويم جات وركوب العجلات والله يا حليل ايام جونقا اعلم عالم عند الكيزان بي علم جونقا احمق من بعير سلام ناس الدويم
Post: #14 Title: Re: متى يحتفي العالم الاسلامي بهذا العلامة ال Author: Deng Date: 07-18-2019, 09:24 AM Parent: #13
الناظر هباني.
العلامة ده من جماعة الدجال الاخر بكري علي، شايفهم عاملين فيها "خبراء" و ح يحلوا مشاكل السودان.
Post: #16 Title: Re: متى يحتفي العالم الاسلامي بهذا العلامة ال Author: هشام هباني Date: 07-18-2019, 12:09 PM Parent: #14
اوووو السلطان دينق ظاااااطو وينك يا فردة لسه صابنها في سودانيزاونلاين ..عوافي يا زول يا بطل ولكل الجلاكين في سودانيزاونلاين الصابنها....البروف يا دينق خذلت فيهو والله طلع ماسورة كبيرة الا يثبت لنا بالوثائق هذه الدليبة التاريخية.
Post: #15 Title: Re: متى يحتفي العالم الاسلامي بهذا العلامة ال Author: هشام هباني Date: 07-18-2019, 12:02 PM Parent: #12
والله يا محمد الزول ده عندو خيال واسع وما بتلفت وكمان في ميديا عامة يعني( شداعة) ادبية فايتة الحد ...يعني لو في زول اتصل هاتفيا بالبرنامج وسألوا عن هذه المحاضرة المقدسة اين يجدها ومن هم من العلماء الخواجات الذين اسلموا في التو.....غايتو كان حيكون مسخرة كبيرة والله وحتى المذيع كنت بفتكروا زول واعي لكن برضو طلع زول طربنش ساكت وكمان مصدق الدليبة الضخمة دي... ولا اذيعكم سرا فالبروف ابو صالح ايضا كان المشرف على رسالة الدكتوراه للسيدة حرم السفاح وداد بابكر !!!!!!!
Post: #17 Title: Re: متى يحتفي العالم الاسلامي بهذا العلامة ال Author: محمد الأمين موسى Date: 07-18-2019, 12:16 PM Parent: #11
Quote: انا محتار في جكة ال٣٥ عالم استراتيجية الاسلموا طوالي بعد محاضرة البروف العبقري يعني الحكاية ما بتقسم مع فهمى كسواق تاكسي مخضرم ههههه
مافيش سبب للحيرة يا هشام: العلماء ديل كانوا غير كيزان فأصبحوا كيزانا بعد المحاضرة!
Post: #18 Title: Re: متى يحتفي العالم الاسلامي بهذا العلامة ال Author: عبد الصمد محمد Date: 07-19-2019, 03:41 PM Parent: #17
صاحبك يا هشام بتكلم في هذه اللحظة في محاضرة ناقلنا تلفزيون السودان القومي
Post: #19 Title: Re: متى يحتفي العالم الاسلامي بهذا العلامة ال Author: عبد الصمد محمد Date: 07-19-2019, 03:50 PM Parent: #18
قال مشى إشترى من ألمانيا علبة حلاوى راقية جداً ولما قرأ المكونات لقاها قونقليز زايد عرديب وقال فكر يعمل بخاخ أزمة من دخان القرض تضحك بس
Post: #20 Title: Re: متى يحتفي العالم الاسلامي بهذا العلامة ال Author: محمد أبوجودة Date: 07-19-2019, 04:47 PM Parent: #19
السلام عليكم أخانا هشام هباني، وسلام للجميع
لن أستثنِ إلّا المحتَفى به، بل لعل ال مُــحتــَــفَى بـــِ " دَليبتِه" ال ما بتتصدّق دي
الاستراتيجيون آل-زعمات "دولا" مســّــخوا علينا القنوات الفضائية واليوتيوبات .. الأمر الذي يجبرنا ألّا نُغامر بحضور ندواتهم ..!
عالَم بايخة بشششششكل بل ولا تستحي ..!
Post: #21 Title: Re: متى يحتفي العالم الاسلامي بهذا العلامة ال Author: جمال المنصوري Date: 08-03-2019, 06:41 AM Parent: #20
Quote: سلام يا الناظر
فعلاً ابوصالح يحتاج من السودان حكاماً ومحكومين ان يحتفوا به فهو يستحق الاحتفاء
الناظر هباني وضيوفه تحياتي طبعا الثورة الظافرة بأذن الله شارفت على نهاياتها، وشايف في ناس اتخموا في الزول ده شديد: يا علاء الزول ده كان وزير التخطيط الإستراتيجي لحكومة ولاية الخرطوم ، في عهد عبدالريم محمد حسين. فمن هو: عضو هيئة المستشارين برئاسة مجلس الوزراء .
§ عضو المجلس القومي للتخطيط الاستراتيجي – السودان .
§ خبيرمتعاون - المجلس القومي للتخطيط الاستراتيجي – السودان .
§ عضو لجنة صياغة الاستراتيجية ربع القرنية 2007م – 2032م – السودان .
§ عضو لجنة صياغة الخطة الخمسية 2007م – 2011م – السودان .
§ عضو لجنة الخبراء للتكامل السوداني المصري .
§ عضو اللجنة العليا للخرطوم عاصمة الثقافة العربية 2005م .
§ عضو هيئة تحرير تقرير التنمية السياسية – مجلس الوزراء . http://www.strategy.sd/cv.htmlhttp://www.strategy.sd/cv.html اوعاكم من تسويق هذا الرجل، فهو لا يقل كفاءة عن الخبير ألأمني الإسترتيجي: يونس محمود تحياتي
