Post: #1
Title: يا قوي الحرية والتغيير ارجعوا الي قواعدكم سالمين قبل يشيلكم الطوفان الجاي في طريقه
Author: Gafar Bashir
Date: 07-15-2019, 07:16 PM
07:16 PM July, 15 2019 سودانيز اون لاين
Gafar Bashir-
مكتبتى
رابط مختصر
غياب تام
تعتيم تام
من قوي الحرية والغيير
علي ما يجري وما يحدث
ولا زالت اعمل القتل تجري علي قدم وساق
والاعدامات تجري
والدهس للمواطنيين
والاعتقالات
وانتم في بيات شتوي
ومماطلات من العسكر
وتواطؤ من ممثل الاتحاد الافريقي
الطوفان الجايي ده اكبر بكثير
افضل تصحوا من بياتكم الشتوي
|
Post: #2
Title: Re: يا قوي الحرية والتغيير ارجعوا الي قواعدكم
Author: Mutasim Idris
Date: 07-15-2019, 07:33 PM
Parent: #1
جعفر كيفك..
شايف في ترند طاااالع #مليونية_طرد_الجنجويد_من_المدن.
الشارع لو بدأ يعمل مليونياته براااه وينزل جدوله زي ما
طلع في المليونية الاخيرة في مواعيد الثورة وليس مواعيد التجمع
وقوي الاعلان. دا معناها دورهم خلص والشيك علي بياض
اتوقف..
التجمع وقوي الاعلان تعالوا قولو لينا الحاصل شنووووو؟
|
Post: #3
Title: Re: يا قوي الحرية والتغيير ارجعوا الي قواعدكم
Author: منتصر عبد الباسط
Date: 07-15-2019, 07:37 PM
Parent: #1
الأخ جعفر لك التحية
أرك تتحدث عن التعتيم من قبل الحرية والتغيير !
ناس الحرية والتغيير ما عندهم زول معانا هنا عشان نسألوا ليجاوبنا هنا
لكن النسألك أنت وما تعتم علينا وجاوبنا بصراحة
هل عندك خيار آخر غير الحل عبر التفاوض؟!
يعني عندك مثلا جيوش منتظرة تقول ليهم خلاص الجيش دا ما لقينا معاهو حل
تعالوا اقلعوا منو السلطة وبعد داك نتفاهم؟!
|
Post: #4
Title: Re: يا قوي الحرية والتغيير ارجعوا الي قواعدكم
Author: Gafar Bashir
Date: 07-15-2019, 08:18 PM
Parent: #3
| Quote: هل عندك خيار آخر غير الحل عبر التفاوض؟! |
ابدا انا في رايي التفاوض هو النهاية السلمية المطلوبة
لكن ما يحدث الان ليس تفاوض
هي لف ودوران مقصود منها الهيمنة الكاملة للعساكر ووضع الشروط التعجييزة وفق التسريبات (وليس مخاطبات قحت)
مع تواطؤ ممثل الاتحاد الافريقي لتمرير اتفاق لا يرقي ولا لربع مطالب الثورة
ده كلو هين وممكن نفاوض ونفسنا اطول من نفس العساكر
لكن استمرار اعمال القتل برغم الشراكة والتفاوض المفترض
الناس الفي الشارع ليها صبر وليها حدود
لو قتلو يا منتصر ابوك او اخوك او ولدك
رد الفعل ما بتقدر تتوقعو
زي ما حصل في السوكي والضعين
--------
لكن 40 الف ولا 100 الف جنجويدي مقابل 40 مليون
احسبها انت وحميدتي
والاتفاقية محلك سر
لا دولة مدنية
ولا تنوير عن الينود في اي منبر
لما اتكلموا عن المليونية عرفوا كيف يلفوا السودان كلو ويخاطبو الناس
الان مافي ول عارف حاجة
كلها اقاويل
|
Post: #7
Title: Re: يا قوي الحرية والتغيير ارجعوا الي قواعدكم
Author: عبدالله محمد أحمد
Date: 07-15-2019, 08:24 PM
Parent: #4
الواضح ان الجمرة (النار) تحت اقدام الحزب الشيوعي وحده.
|
Post: #5
Title: Re: يا قوي الحرية والتغيير ارجعوا الي قواعدكم
Author: Gafar Bashir
Date: 07-15-2019, 08:20 PM
Parent: #3
| Quote: التجمع وقوي الاعلان تعالوا قولو لينا الحاصل شنووووو؟ |
لمن كانوا عايزين الناس بدون انترنت طلعوا مليونية من لجان الاحياء والتوعية من باب لي باب
الان بس كل يوم نزلو في تويتر
لكن لا
الموت شغال
وكل البنعرفو مجرد تسريبات
واليوم مدني عباس مدني بيقول نعم نحنا مشكلتنا الشفافية ما اتواصلنا مع القواعد
ولا كان اصلا في ابلهم يتواصلوا
لحد ما قرصهم الحزب الشيوعي
والان الضعين والسوكي
خليهم نايمين
جداول الشعب بتنزل براها
اصلا من الاول نزلت براها
|
Post: #6
Title: Re: يا قوي الحرية والتغيير ارجعوا الي قواعدكم
Author: Gafar Bashir
Date: 07-15-2019, 08:22 PM
Parent: #5
ده الان من تويتر
عاااااااجل
قوات الدعم السريع بشرق دارفور تغتال شاب تحت وطأة التعذيب
والمواطنون يضرمون النار في منزل يقطنه ضباط الدعم السريع
وإطلاق الرصاص الحى على المحتجين
|
Post: #8
Title: Re: يا قوي الحرية والتغيير ارجعوا الي قواعدكم
Author: Gafar Bashir
Date: 07-15-2019, 08:30 PM
Parent: #6
Quote: الواضح ان الجمرة (النار) تحت اقدام الحزب الشيوعي وحده.
|
نعم ده رايي من زمان
مقرون برايي في الصادق المهدي
حفظ الموانة
حتي لو رآه البعض خروج عن الجمع وتغريد خارج السرب
الحزب الشيوعي هو الانذار في اقصي اليمين
والصادق هو الانذار في اقصي اليسار
قحت ما عندها غير تمشي في وسط الحدين ديل
لثورة سلمية وتحول ديمقراطي
بدون خسائر في الارواح
|
Post: #9
Title: Re: يا قوي الحرية والتغيير ارجعوا الي قواعدكم
Author: منتصر عبد الباسط
Date: 07-15-2019, 09:25 PM
Parent: #8
| Quote: رالواضح ان الجمرة (النار) تحت اقدام الحزب الشيوعي وحده. |
جمرة شنو الواطي فيها هو الجمره ذاااااتها الواطي فيها السودان كلو
كل الماتو وكل هذه المصائب هي كانت بسبب تعنت الحزب الشيوعي
وبسبب حرص الحرية والتغيير على عدم فض الشراكة مع الحزب الشيوعي
الذي كان الشريك المتعب والمقلق والمشاكس والكيزان من وراء ذلك
عبر مجنديهم في الفيس يشيلوا ويقنطروا ما عارف حايشوتو أحلامنا المنحوسة
المتعطلة بسببه متين .
|
|