شارع الشهيد عبدالعظيم

10:31 PM July, 11 2019

سودانيز اون لاين
عبدالمنعم الطيب حسن-السعودية؛ الرياض
مكتبتى
رابط مختصر

انبطاح تاريخي!!!!
ليه؟؟
شارع الشهيد عبد العظيم ...
استحقاه عن جدارة عندما وقف وحيدا؛
في وجه النار...
وحيدا الا من ايمانه بالقضية وبالوطن؛
وقتلوهوا العسس البتعملوا معاهم اتفاقية الان...

وين الاربعين ديل كانوا وين يوم ما كان الشهيد عبدالعظيم براه؟
.......

........
بعدين شارع عبيد ختم كيف
اوعى يكون دا تاريخي بس
عموما مهزلة ما بعدها...
كنا منتظرين بيانا لادانة المذابح والانتهاكات والاغتيالات التي
ظهرت بعد عودة النت؛
لكنا المفاجاة كانت بيانا لنزع حق الشهداء
لا لا كدة ما ينفعش
....،..

........
ان شاء الله بعد دا حميدتي يقبل بيكم؛
ويرضى عنكم المعجا...
ياخ اتوا غريبين معاكم الشعب كلوا تفتشوا في رضاء القتلة؛
يا لكم من مساكين؛
يا تجمع المهنيين...
......

من اقوال الشهيدعبدالعظيم :-
( لقد تعبنا يا صديقي؛ ولكنك لا يمكن ان تستلقي اثناء المعركة )
........
نحن لا نبكي شهداءنا الاباريز ولكنا نغني لهم؛
كل الغناء ليك يا عظيم...

عبدالعظيم منا ال الشعب

........
سيظل شارع عبدالعظيم هو شارع البطل عبدالعظيم
رغما عن المعجا وكل القتلة من الكيزان والجاندويد وكتائب الظل

يا تجمع المهنيين صحح الخطا
ياخ دا ما وكتو
برانا دمنا محروق والاحباط كاتلنا
فشنو
ركز معانا
نحن الشعب

من أجل المعرفة سامحني الله على جهلي
ماهو المدلول التاريخي للإسم (شارع الاربعين ) ؟

يجب تسميه كل شوأرع باسم الابطال الثوره السودانيه من اول يوم للانقاذ وحتى اخر يوم بأسماء الشهداء امتداد من دكتور خليل وحتى الشهيد عبدالعظيم وخاصه تحمل اسما غير معروفه او كالزببر باشا تاجر الرقيق او كالعبيد ختم والانقاذ.

والله يا خالد عباس
نفس سؤالك دا اتسأل بس ما في رد شافي من
تجمع المهنيين السودانيين
ومعك نتسآل ماهو المدلول الناريخي لاسم الاربعين؟
تاريخا محفزا وبطوليا بدا من اول يوم في مقاومة
الانقاذ اللعينة
واستمر متصاعدا حتى قدم الشهيد عبدالعظيم
روحه الغالية في مواجهة القتلة
دا اهم استحقاق لهذا البطل
والشوارع لا تخون
اسمه شارع الشهيد عبد العظيم
سيعدله الشباب في قوقل وعلى الارض حال انتصار الثورة
شاء من شاء وابى من ابا...