تطبيق أحدث تقنية فى العالم فى هندسة المرور فى السودان.

00:51 AM July, 10 2019

سودانيز اون لاين
Abureesh-أمريكا
مكتبتى
رابط مختصر

[SIZE=24]
الى جميع السودانيات و السودانيين.
مع تباشير العهد الجديد...
يسرنى إعلان أن السودان هو أول دولة فى العالم سوف تزيل جميع إشارات المرور الضوئية و الثابتة و علامات الشوارع و التحذيرات الجانبية، من الشوارع و الطرق السريعـة.
تمت تجربة ميدانية ناجحة أول أمس، رتب لها و حضرها كبار المسؤولين فى إدارة المرور.

التفاصيل قريباً إن شاء الله.



[/SIZE]

فوق للمويد من الاطلاع

السلام عليكم
ما فهمنا شئ

أول شىء خلي يعملوا لينا طرق سريعة وبعدين يطبقوا فيها التقنيات الحديثة مامشكلة نكون أول دولة ولا آخر دولة فى العالم مع التحية لك

الأستاذة الفاضلة إخلاص
التفاصيل جاية..

الاخ حسن محمد عمر
الطرق السريعة او البطيئة بدون تطبيق التكنولوجية الصحيحة تكون مجزرة يموت فيها
المئات كل سنة.. عاوزهم يعملوا (شارع الموت) تانى زى شارع الخرطوم مدنى؟

السلام عليكم اخونا ابو الريش.
ياخوي عايزين اول شيء نقدر نأسس دولة القانون وبعدين باقي التقنيات الاخري ستأتي Automatically

ابو ريش سلام

اها ابشرك..القطِع رجع

هندسة جد

سلام يا اخ محمد ادم
يعنى ما حتسوق عربيتك لحد ما نبنى دولة الديمقراطية و اللا الفهم شنو؟
ما نصلح الشوارع الكلها حفر لحد ما نبنى دولة الحريات؟
ما نصين لافتات الشوارع و نغير لمبات اشارات المرور المحروقة لحد ما نبنيه؟
لو لقينا حل يوفر ملايين الجنيهات بالاستغناء عن اشارات المرور نقول لأ سندفع الملايين
لغاية السياسيبن يبنوا السودان الجديد؟
نقفل الجامعات و المعاهد و مراكز البحوث التى يعمل فيها العلماء حتى يقوم السياسيون
ببناء دولة القانون و يصفروا لينا عشان نواصل الابحاث العلمية؟

شكرا يا تماضر على الطلة و التعليق
بس معليش ما فهمت حاجة.. النت بدأت تقطع تانى؟

هههه حبابك
القطِع بكسر ال ط.. يعني بتاعين المرور يوقفوا الناس في الشوارع للجبايات
زي ما اتعودوا..مافي اي تغيير

يعني حتي الانتجوا التقنية دي ما طبقوها
حتيطبقها السودان؟
بدونما يعرفوا انها ناجحةولا فاشلة؟

واخبار اسعار البنزين شنو

"يعني حتي الانتجوا التقنية دي ما طبقوها
حتيطبقها السودان؟"
جعفر بشير.. سلام
ممكن تشرح لينا و تورينا الانتجوها منو؟ بعدين السودان دا يا خوى هين شديد فى نظرك
و اسلوب احتقار يحسدك عليه المصارنة..

اشارات المرور مافي ليها حل غير الكباري الطائرةfly over

بعدين يا دوب الوالي بتاعنا في بربر افتتح اول اشارة مرور
عايز تلحقها لينا ال( بيجر)؟

"اشارات المرور مافي ليها حل غير الكباري الطائرةfly over

بعدين يا دوب الوالي بتاعنا في بربر افتتح اول اشارة مرور
عايز تلحقها لينا ال( بيجر)؟"

اشارات المرور ركبت التونسية يا هندسة.. ببح! لا كبارى طائرة لا عائمة.. و الوالى بتاعكم بيلعب فى
الزمن الضائع. حصلوه قولوا ليه وقف وقف.
التجربة نجحت 100% و حضرها اللواء مدير عام المرور و العميد مدير مرور العاصمة
و كانت حدث تاريخى على مستوى العالم. لا استطيع نشر التفاصيل قبل اعلانه رسميا بواسطة إدارة
المرور.

سلام محمد عثمان
كيفنك و الوضع في السودان ؟
انا من الصباح منتظر التقنية دي تجي تقول ما حتعلنا الا تجي ادارة المرور و تعلنا !!
طيب كنت تكتب البوست دا بعد ادارة المرور تعلنا
و برضو ما كان حيكون ليهو قيمة بعد ادارة المرور تعلنا الا لمزيد من النقاش
كان بكون افيد على حسب وجهة نظري

أتوقع أن هذه التقنية أحد إبداعات أخينا أبوالريش في مجال التقنية الرقمية، فله التجلة والتهنئة والتقدير مقدما.

هي تقنية يمكنها ان تحسن من الحركة المرورية وتمكن السائقين من تجاوز إشارات المرور دون توقف.

وهي عبارة عن نظام يعمل على لوحة السيارة داخل المدن عن طريق تحديد سرعة السيارة لعبور الإشارات الخضراء من غير توقف، وذلك عن طريق تحديد موقع السيارة وتسلسل الإشارات في الشوارع
، والسرعة الدقيقة اللازمة للمرور عندما تكون الإشارة خضراء، وبذلك فإن الالتزام بالسرعة التي يحددها النظام يتيح العبور دون توقف.
باختصار أن السائق لن يواجه في طريقه أي إشارة حمراء أو صفراء إذا سار على السرعة التي يحددها له النظام.


وطبعا لن تنجح في السودان للاسباب التالية
1-
2-
3-
4-
5-
.
.
.
.100-

عفوا مكرر

"وطبعا لن تنجح في السودان للاسباب التالية"

اخونا محمد ابراهيم.. ياخوى انت تالف براك الكلام و بعدين تقول ينجح و ما ينجح!!
النضمى بتاعك الفوق دا كله ما عنده اى علاقة بالتقنية الجديدة.. لا من قريب و لا من بعيد.
الشوارع ما حتكون فيها اشارات مرور زاتو.. و الأعمدة و الحديد الشايفو دا كله حينزل و الشوارع حتكون
نضيفة ما فيها لا أجهزة كنتروللر و لا لمبات و لا علامات مرور مثل قف او طريق لاتجاه واحد...و غيرها

تحياتى

سلام يا أبو الريش
دي البطيخة
صاح؟

تقنيتك دي زاتها تقنية قديمة ومتخلفة
بعد فترة قريبة جداً حتكون العربات مزودة بحساسات تقرأ المحيط القريب من السيارة وجهاز سائق آلي متصل بكمبيوتر مركزي
كل المطلوب منك تركب العربية وتحدد المكان الماشي ليهو وتفتح التاب تقرأ الأخبار وتتبادل الرسائل مع الأصدقاء
السائق الآلي حيقود السيارة عبر افضل مسار ويحدد السرعة المناسبة في كل طريق عبر اتصاله بكمبيوتر مركزي يتحكم في في كل حركة المرور.

Abureesh






سلام صديقي العزيز .
المهندس ابو الريش .
مشروع تقنية اشارات المرور .
من حسن الحظ ان يطبق في السودان.
فالسودان يمتلك المهندسين المهرة .
والكفاءات الرفيقة .
و القامات الشاهقة من المهندسين.
للعلم هذا المشروع.
تمت اجازته بجدارة.
في الخليج العربي.
لكن ربما يود
المهندس ابو الريش .
صاحب الاختراع الفذ .
ان ينعم اهل السودان اولا
الرفعة و العلو .
للمهندس ابو الريش








***




،،،،











عزالدين عباس الفحل
ابوظبي

سلام أبو الريش والضيوف ..

Quote: والسرعة الدقيقة اللازمة للمرور عندما تكون الإشارة خضراء، وبذلك فإن الالتزام بالسرعة التي يحددها النظام يتيح العبور دون توقف.

من زمن نحن طلبة في الهند في القرن السابق .. في شوارع وتقاطعات معروفة وطويلة جدا تحسب بالكيلومترات .. فيها تنبيه يقول ليك لو انت مشيت بي سرعة كذا كيلومتر
ما حا تقيف في اي اشارة وحا تلقاها كلها خضرا لحدي ما تعبر وسط البلد بسلام وتصل لي وجهتك ..

عموما ننتظر الاعلان عن التجربة او التقنية الجديدة باذن الله ...

Quote: طريق الدمازين سنار: واحد من طرق السودان البرية, طريق قديم تنعدم فيه الصيانة الدورية الطريق أصبح المسير فيه عسيرا, لقد كان المسير من سنار الى الدمازين يستغرق حوالي الثلاث ساعات في العام 2011 أما الان بلا مبالغة فأصبح يستغرق من بين خمس إلى ست ساعات. حتى شركة الصيانة التي قامت بمسح الطريق ومساواته بالأرض, تركت معداتها وغابت عن العمل, فأصبح الجزء المستوي بالأرض عائقا آخر, فأصبح محفورا وبه برك للمياه. الأسبوع الماضي تداولت وسائل التواصل الاجتماعي صور لبص محترق قادم من الدمازين ما بين ود النّيل وأبو حجار, وقدرة الله تنقذ جميع الركاب بمساعدة ومعاونة الاهالي الذين اتوا بالحفارات والفؤوس وقاموا بكسر زجاج البص, ولا توجد خسائر في الأرواح. شاهد عيان يقول بأن رداءة الشارع هي التي كسرت ماسورة الزيت, وبدأ الزيت يتدفق على عادم الدخان الذي بدوره أنتج الحريق. ومن غرائب الطريق توجد علامة مرور تقول بأن السرعة القصوى 80 كلم في الساعة وأن الطريق مراقب بالرادار, ومن الذي يستطيع أن يقود بهذه السرعة؟ فالطريق كله حفر ومطبات والجزء السليم من الشارع فيسع لعربة واحدة فقط, أي أن القادمين من الاتجاهين يجب أن يمروا بتلك البقعة, وهذا ما يتسبب في حوادث كثيرة. لا توجد صيانة دورية للشارع, مع ان نقاط التحصيل على طول الشارع في مفارقة واضحة.

من بوست الدفسيبة:
الدفسيبة ... ما قبل الثورةالدفسيبة ... ما قبل الثورة

Quote: خونا محمد ابراهيم.. ياخوى انت تالف براك الكلام و بعدين تقول ينجح و ما ينجح!! النضمى بتاعك الفوق دا كله ما عنده اى علاقة بالتقنية الجديدة.. لا من قريب و لا من بعيد. الشوارع ما حتكون فيها اشارات مرور زاتو.. و الأعمدة و الحديد الشايفو دا كله حينزل و الشوارع حتكون نضيفة ما فيها لا أجهزة كنتروللر و لا لمبات و لا علامات مرور مثل قف او طريق لاتجاه واحد...و غيرها تحياتى

لا كان كدي شوقتنا بالجد ..والشمار كتلنا ..

السودان في حوجة ماسة لبيئة تقنية لكي تنجح اي تكنولوجيا يراد تطبيقها و الا سوف يكون حليفها الفشل.
من غير المعقول عساكر البوليس في شئون الاجانب يفلون الكيبورد تفلية ونحن نتحدث عن طفرة بهذا الحجم
العسكري الذي قضى لي المعاملة حين زرت شئون الاجانب كان يمسك الورقة بيده اليسرى وهو يطبع بيمناه باصبع واحد فقط,
بينما المواطنين في صف طويل في انتظاره
حتى Copy Holder ما عندو , فاقشعر بدني وتنملت اطرافي باعتبار انني كنت اعمل (طبيع) بمنطقة الشهداء
فقلت في سري حنطور زي دا يختوا في حتة زي دي والبلد تمشي قدام كيف ؟؟!!

صباح الخير يا سادة يا كرام لمن هو فى الشرق.. و مساء الخير لمن هو فى الغرب.
سآتي اليكم واحدا واحدا.. و قبل ذلك أشكر كل واحدة و كل واحد على تشريف البوست و التعليق.

"أتوقع أن هذه التقنية أحد إبداعات أخينا أبوالريش في مجال التقنية الرقمية، فله التجلة والتهنئة والتقدير مقدما."

الاخ محمد الامين موسى... شكرا.
و أهو زى ما شايف الواحد يحاول يساهم بالقرشين ونص بتاعتو فى بناء هذا الصرح المسمى الوطن.
و لا أذيع سرا انه بعد نجاح التجربة فإن سعادة اللواء مدير المرور نبهنا لضرورة تعميم التصاميم لتشمل
كل انواع المركبات.. و خذا ما نعمل فيه الان.

تحياتى

Quote: يسرنى إعلان أن السودان هو أول دولة فى العالم سوف تزيل جميع إشارات المرور الضوئية و الثابتة و علامات الشوارع و التحذيرات الجانبية، من الشوارع و الطرق السريعـة. تمت تجربة ميدانية ناجحة أول أمس، رتب لها و حضرها كبار المسؤولين فى إدارة المرور.

Quote: اشارات المرور ركبت التونسية يا هندسة.. ببح! لا كبارى طائرة لا عائمة

تحياتي للجميع

وجمعة مباركة
تقبل الله منا ومنكم صالح الأعمال

الغاء الإشارات الضؤئية تجربة عشناها ونعيشها الأن بمدن المملكة الكبرى
فقد عانت الرياض حيث أعيش خلال السنوات الأخيرة من إزدحام مروري جعل منه مشكلة كبيرة تلحق ضرر كبير برتم الحياة اليومي

لكن لجأت السطات لتجربة الغاء الإشارات الضوئية ، فكانت هناك طرق داخل الأحياء بها قرابة 6 إشارات ضوئية فأصبحت اليوم بلا أي إشارة

وأستعاضوا عن ذلك بــ الــ U turn
بحيث تستطيع الإنتقال للمسار الثاني من الطريق بعمل U turn
دون التعرض لمخاطر السيارات القادمة من المسار الأخر لوجود ترتوار يوفر لك الحماية (أنظر النموذج المرفق أسفل )

يوجد الأن بعض الإشارات ـ لكنها فقط في تقاطعات مهمة من المستحيل تطبيق نظامهم الجديد عليها

حسب علمي السعوديين دائماً في مجال الببني التحية بستعينوا ببيوتات خبرة تمدهم بأحدث ما توصل اليه العالم في إيجاد حلول لمشاكل الإزدحام ولاالتقليل من نسبة الحوادث وتقليل الصرف والحد من إهدار الموارد

بالتالي أتوقع أن ما تشهده طرق المملكة الأن من لجؤ من لهذا النظام ربما يكون هو الأحدث عالمياً ـ
فهل هو نفس نموذج أبو الريش ؟؟

مرفق نماذج ـ حصلت عليها من قوقل لأيضاح الفكرة ـ ولست متأكد أنها لطرق في المملكة
لكن ما نفذ هنا تم تم بنفس هذا الأسلوب

"بالتالي أتوقع أن ما تشهده طرق المملكة الأن من لجؤ من لهذا النظام ربما يكون هو الأحدث عالمياً ـ "

الاخ محمد على البصير.
شكرا على الطلة و التعليق. و افيدك ان نظام ال uPturn. ليس حديث و انما قديم جدا. تقريبا كل الطرق السريعة فى العالم الاول تتبعه منذ زمن طويل.. و هو لا يمكن تطبيقه داخل المدن الا فى الطرق السريعة
التى تشق المدن و لازم تكون عريضا جدا.
نظامنا يلغى إشارات المرور بدون الحاجة الى اعادة تصميم الطرق..

تحياتى

Quote: الاخ محمد على البصير. شكرا على الطلة و التعليق. تحياتى

تسلم أخي أبو الريش

Quote: بالتالي أتوقع أن ما تشهده طرق المملكة الأن من لجؤ من لهذا النظام ربما يكون هو الأحدث عالمياً ـ " الاخ محمد على البصير. شكرا على الطلة و التعليق. و افيدك ان نظام ال uPturn. ليس حديث و انما قديم جدا. تقريبا كل الطرق السريعة فى العالم الاول تتبعه منذ زمن طويل..

إذن توقعي ليس في مكانه
أشكرك على تصويب المعلومة

Quote: و هو لا يمكن تطبيقه داخل المدن الا فى الطرق السريعة التى تشق المدن و لازم تكون عريضا جدا.

بس ملعومتك هنا غير صحيحة
الأن نفذ ويتم تنفيذ هذه النظام داخل أحياء مدينة الرياض

على مقربة مني حيث أسكن حي العزيزية وعدد من رواد هذه البورد بالرياض يعرفون هذا الحي تم الغاء الإشارات في أهم طرق الحي ـ ( النصر ـ الشباب ـ الطريق العام ) ولم يتبقى سواء أشارات التقاطعات وتعمل الأن بنظام الــ Uturn
وبعضها جاري العمل فيها حتى الأن .
وهذا الطرق ليست عريضة جداً كما أشرت ، بل طرق عادية أغلبها 3 مسارات
بالتالي معلومة أنه لا يطبق إلا في طرق المرور السريع غير سليمة

Quote: نظامنا يلغى إشارات المرور بدون الحاجة الى اعادة تصميم الطرق..

إذن نحن فعلاً بإنتظار تجرية حديثة غير مسبوقة
وربنا يوفق ـ
فالسودان في حاجة ماسة لتنظيم موضوع المرور دا
لانو البلد فجأ أستقبلت عدد سيارات يفوق البنى التحية التي تستوعبها

شكرا على الاضافة يا محمد
عبارة الطرق السريعة شرحتها بالطرق التى تشق المدن.. و انت قلت 3 مسارات.. و التلاتة مسارات هذه اضف عليها عرض الجزيرة بتاعة اليو تيرن. . النظام دا كما ذكرت قديم جدا.. ربما جديد فى السعودية.
تخيل شوارع الخرطوم و ام درمان و بحرى.. او شوارع مانهاتن فى نيويورك.. او واشنطن. الرياض قد يكون عندها بزخ الطرق الواسعة.. لذلك جلبوا هذه التصاميم المعمول بها فى الغرب من زمن طويل

Quote: تعميم التصاميم لتشمل كل انواع المركبات..

سلامات ابو الريش
متابع منذ البداية في انتظار التفاصيل, لكن العبارة المقتبسة حيرتني و اضطررت للسؤال: هل المشروع متعلق بالطرق أم بالمركبات و بانواع منها ليحتاج تنبيه من مدير المرور لتعمم على بقية الانواع؟

محمد ود البشرى.. سلام و حبابك

سؤال مظبوط و يخليني اعجل بنشر خصائص التقنية المستعملة.
ادينى شوية وكت بس فى أسباب فنية و لوجيستية.

[SIZE=24]

Quote: "بعد فترة قريبة جداً حتكون العربات مزودة بحساسات تقرأ المحيط القريب من السيارة وجهاز سائق آلي متصل بكمبيوتر مركزي"

اخونا حافظ، حبابك وشكرا على الطلة..
طيب يا خوى و لو حصل إنقلاب و قطعوا النت؟..
طبعا دا سؤول إفتراضى.. لكنه حقيقى.. بعدين لما تصمم لازم تصمم لأسوأ الإحتمالات.. WORST CASE SCENARIO>> و النت ممكن يقطع لأسباب كتيرة.. فما تكون عملت حاجة
غير غيرت مشاكل قطع الكهرباء بقطع النت. دا غير مشاكل الفايروسات و الهاكرز والإرهابيين. بدون ما يدخلوا السيستم ممكن يسلطوا ذبذبة توقف حنان النظام كله.العالم اليوم غير مستعد أخلاقيا
لتطبيق هذه التقنيات العالية و الباحثون كأنهم فى ابراج عاجية. ممكن جدا التقنيات المثالية دى تكون اسلحة تستعملها الدول او الارهابيون..ثم انها مكلفة للغاية.. تحتاج مديرى نظم.. مهندسي شبكات
فنيي شبكات.. مراقبة السيرفرات على مدار الساعة .. إنوال شرطة المرور فى الشوارع أثناء إصلاح الشبكات.. وعييييك

نظامنا:
1. لا يعتمد على النت.. و هذه استراتيجية التصميم و ليس لعدم وجود هذه التقنية
2. لا يعتمد على نظم إتصالات لاسلكية للسبب أعلاه
3. لا يحتاج لأى صيانة
4. لا يكلف الحكومة و لا تعريفة (جد) بل سيكون مصدر دخل لإدارة المرور..

ابوالريش وشركاه

Quote: سوف تزيل جميع إشارات المرور الضوئية و الثابتة و علامات الشوارع و التحذيرات الجانبية من الشوارع و الطرق السريعـة و الأعمدة و الحديد الشايفو دا كله حينزل و الشوارع حتكون نضيفة ما فيها لا أجهزة كنتروللر و لا لمبات و لا علامات مرور مثل قف او طريق لاتجاه واحد...و غيرها

بس ان شاءالله ما يشيلوا الشارع
المهم الشوارع قاعدة ؟

"اها ابشرك..القطِع رجع"

مرحبا تماضر و شكرا على الطلة.

ما فى قطع فى نظامنا داِ. بس اقطعي اللمبة الحمراء و عاينى تلفونك تلقى المخالفة جاهزة.. (جد)

يعني ياياابوالريش مافي اشارات مرور دي كيف ...طيب حيصل تغيير في شكل الشوارع ولا العربات ولا في حتضاف ولا اجهزة محددة ..ادينا الفكرة الرئيسية بس out lines

المشكلة فى رفع الصور يا اخ محمد ابراهيم
ارجو الصبر قليلا

العالم الجليل ابوالريش
،،،، صاحب اختراع تقنية هندسة المرور ،،،،










***




،،،،










عزالدين عباس الفحل
ابوظبي

سلام يا عزنا..
عالم جليل شنو ياخ.. و مال لو قدرت أرفع الصور حتقول شنو..

Quote: بس اقطعي اللمبة الحمراء و عاينى تلفونك تلقى المخالفة جاهزة

هو في لمبة حمرا؟

Quote: طيب يا خوى و لو حصل إنقلاب و قطعوا النت؟

عشان كدا يا ابو الريش خلينا اول حاجة نحسم قضية الحكم دي عشان نقدر نستفيد من التكنلوجيا في إدارة الخدمات والمعاملات.
أما لو مُصر إنو الحاجات تمشي متوازية ومستقلة عن بعض ما بكون في مشكلة جديدة لو قام إنقلاب
أصلو من زمان لمن تقوم الإنقلابات قاعدين يقفلوا الشوارع والكباري بالدبابات.
الجديد شنو لو إتقفلت الشوارع والكباري بسبب قطع النت.

"هو في لمبة حمرا؟"

لو وقفت فى السؤال دا كان أحسن يا حافظ.

المهم قول للسياسيين ديل ما يتلبطوا فى الباحثين و العلماء و سواقين الرقشات و ستات الشاى.
لو غلبهم يأسسوا حكومة ديمقراطية يخلوا الشغلانية لغيرهم.

Quote: المهم قول للسياسيين ديل ما يتلبطوا فى الباحثين و العلماء و سواقين الرقشات و ستات الشاى. لو غلبهم يأسسوا حكومة ديمقراطية يخلوا الشغلانية لغيرهم.

دا ياهو ذاتو الداير اقولوا أنا يا أبو الريش
بس الإختلاف في إنو أنا ما حأقول للسياسين يخلوا الشغلانة لكن حأقول لكل الناس نبقى سياسيين ونحرس حقنا

الفرق بين النظم الحالية و نظامنا الجديد.

"بس الإختلاف في إنو أنا ما حأقول للسياسين يخلوا الشغلانة لكن حأقول لكل الناس نبقى سياسيين ونحرس حقنا"

السياسيين يا حافظ معروفين و هده مهنة.. و الشعب لا يحتاج يكون كله سياسيين عشان يحرس حقه.
كل واحد يستغل شغله فى مهنته و عينه فاتحة ريال على السياسيين واتهم بعد يحكموا .. موش الدكتاتوريين بس.. و فى دى لا يحتاج المواطن ان يترك او يؤجل عمله او مساهمته فى بناء الوطن..

"يعني ياياابوالريش مافي اشارات مرور دي كيف ...طيب حيصل تغيير في شكل الشوارع ولا العربات ولا في حتضاف ولا اجهزة محددة ..ادينا الفكرة الرئيسية بس out lines"

الاخ محمد ابراهيم
لو عاوز اوتلاين للفكرة الأساسية فهى تعتمد على الاقمار الصناعية و الخرائط الجغرافية مثل خرائط قوقل

تحياتى

[SIZE=24]
أعتقد الفكرة وضحت الان أكتر شويـة.. كل إشارات المرور الضوئية و علامات الشوارع مثل "قف"...الخ تعرض للسائق داخل السيارة عبر جهاز يشبه جهاز الجى بى أس
[/SIZE]

Quote: للفكرة الأساسية فهى تعتمد على الاقمار الصناعية و الخرائط الجغرافية مثل خرائط قوقل

أرى أنو الموضوع لا غنى عن النت في تنفيذه

بالتالي ـ ومع ظروف السودان الحالية والضعف البائن في مجال الإتصالات تكون فيه مخاطرة كبيرة

وأخشى ما أخشى أنو ناس المرور تحمسوا للموضوع بما أنه يدر عليهم دخل كبير كما أشرت في مداخلة سابقة ، دون إكتراث لما يستجد من سلبيات

ومع ذلك أتمنى تلافي كل السلبيات حتى نرى مشروع يطبق في السودان دون سائر دول العالم
على الأقل نفرح لينا بإنجاز طالما الثورة حتى الأن قيد التنفيذ

ابو الريش
وهل التكنلوجيا الحديثة دي موجودة في كل السيارات داخل السودان ...ام أن جمارك السودان سوف يستغل هذا الأمر ويصدر قرار بعدم استيراد أي سيارة بدون هذه التكنلوجيا....
ولا أظن أن هذا النظام سوف ينجح داخل السودان في الوقت الحالي.....اذا كان النظام الجديد يحتاج للإنترنت.....

[SIZE=24]
الأخت إمتثال..
النظام لا يحتاج للإنترنت للتشغيل.. ولا يحتاج سيرفا فى المكتب الرئيسى للتشغيل. هو كما فى الصورة الأخيرة أعلاه جهاز بسيط مثل جهاز الجى بى أس
سوف يدمج فى السيارات فى المستقبل مثل جهاز الجى بى أس الذى كان الناس يشترونه و الان صار فى السيارات الحديثة.
الجهاز لا يستورده التجار وإنما يباع مع لوحات الأرقام بواسطة مكاتب الترخيص.

تحياتى
[/SIZE]

[SIZE=24]
"وأخشى ما أخشى أنو ناس المرور تحمسوا للموضوع بما أنه يدر عليهم دخل كبير كما أشرت في مداخلة سابقة ، دون إكتراث لما يستجد من سلبيات"

الأخ محمد على البصير
أولا الجهاز لا يحتاج الى النت.. بالنسبة لذكر خرائط قوقل فهذه لا علاقة لها بالجهاز (وقت التشغيل)

ثم إنى اراك تستخف بناس المرور.. فهل تعرفهم؟ هل تعرف أن هناك إدارة كاملة لتقنية المعلومات IT على راسها عميد و رواد مهندسين؟ هل دخلت غرفة التحكم الحديثة التى تضاحى
أحدث التقنية فى مجال مراقبة شوارع المدن؟ ... أعيذك أن تتحدث فيما لا تعلم.

[/SIZE]

أخونا منصورى كتب كلام هنا فى حقنا، و رغم أن ظاهره إيجتبى، إلا انى لم أجد فيه ولا واقعة واحدة صحيحة.. و لا واحدة.
أموال طائلة تنازلت عن نصفها و تبرعت بالنصف الاخر للمساكين ....الخ. ما هذا يا اخى منصورى؟
وأغلب ظنى أنه سمع الكلام من أصدقائه ،
وأنا أربأ به أن يستمع الى الغيبة و النميمة التى لا تشبهه. أو لو كان سمعها عابرة أن لا يتبناها وينقلها. كلامك يا اخى صديق كله خطأ ما عدا زيارتى لكم فى منزلكم
ولقد طلبت منى أن أكتب رسالة شكر و إمتنان باللغة الإنجليزية لمدير هيلتون الخرطوم أنذاك، والتى عجبته جدا و جمع كل المديرين و قرأها عليهم .. حتى ان مدير وحدتكم بعد
الإجتماع قال ليك أيه دا و نحن خليتنا زى الطراطير... لأنه لم يقراها أولا.. و أعتقد تلك الرسالة ساهمت فى ترقيتك و نقلك الى هلتون العين او أحدى أمارات الدولة.
لا تنقل القيل والقال يا اخى صديق (منصورى) .. على الأقل كان تتصل بى للتأكد.

تحياتى

تحياتى

فوق للمزيد من الإطلاع

فكرة مذهلة..
وغير مكلفة..
اتوقع ان تنتشر قريبا في كل أنحاء العالم.
مع انتشار الإنترنت وتوفره وكذلك توفر اجهزة الجوال الذكية..

تسلم يا أبوالريش تبنى الأوطان بالأفكار لك شرف المحاولة بالتوفيق باذن الله

شكرا يا دكتور أم بدة على الطلة و التعليق.. فى زمن التقنية العالية
الموضوع صار سباق مع الزمن اكتر منه اكتشافات و اختراعات.. يعنى
لو ما عملتها انت الليلة بكرة حيعملها واحد تانى.. التطوير المستمر و السريع لا
يتوقف و لا ينتظر اى احد.

تحياتى.

فكرتك او مشروعك كما فهمته من المداخلات الاخيرة هو تحويل الاشارات والعلامات المرورية من حاجة مادية ومحسوسة الى حاجة تخيلية او virtual تعرض في شاشة امام السائق
اعتقد انها فكرة مبدعة و توفر كثير من الاموال التي تصرف على الصيانة والكهرباء و و الخ في حال كانت تكلفة استئجار قناة على القمر الصناعي اقل من تلك المصاريف
العائق ربما يكون هو تعليم السائقين وتعودهم على هذه التقنية الجديدة والتي تحتاج الى زمن ليعتادوا عليها ويتعاملوا معها بتلقائية وافترض ان النظام يجب ان يكون مصحوب بتوجيهات صوتية للسائق حتى ينتبه قبل وقت كافي
بالنسبة للمشاة الحل حيكون شنو ؟ لانو بيحتاجو يعبرو الشارع
هل حيكون في شاشات مثلا امامهم لاخبارهم بالوقت الامن لعبور الشارع ؟
في الاخير نتمنى لك التوفيق

Quote: الجهاز لا يستورده التجار وإنما يباع مع لوحات الأرقام بواسطة مكاتب الترخيص.

ود اب اكوب وسلوم
بالعودة لي سؤال ود البشري
يبدو ان هناك عدم وضوح في الفكرة للجهات التنفيذية
فعندما يطالب مدير المرور(او اين كان ) بتعميم التجربة علي كل المركبات
فهو غير مدرك بانه الجهة المصدرة للجهاز ولوحات وتسجيل المركبة .
فكرة مبتكرة ومتفردة ياابن عمي

Quote: الجهاز لا يستورده التجار وإنما يباع مع لوحات الأرقام بواسطة مكاتب الترخيص

المشكلة إنو رسوم الترخيص بعبع لأصحاب المركبات كلها، الصغيرة و الكبيرة، عشان كده بيهربوا من ترخيصها و ماشين كيري ساكت
و تلقاهم مجهزين حق الإيصال.
أها زي ديل حا يتحصلوا على الجهاز كيف؟
غايتو الفكرة دي لو اتطبقت يحق لينا كسودانيين نفتخر بيها

الاخ محمد ابراهيم على.
شكرا على الطلة و المداخلة السمينة.
لا حاجة لتأجير خدمة من اى اقمار صناعية لان الجهاز لا يستخدم اى نوع من الاتصالات.. اشارات الجى بى اس فقط و دى زى ما عارف ملح.
تنبيه السيد اللواء كان فى محله بعد شرح النظام له بصورة مفصلة. لان الشاحنات الكبيرة قد تعيق الاشارة
من القمر الصناعى للسيارة التى قريبة منها (الظل المغناطيسي).. لذلك قوة الاستقبال و زاوية وضع الاريال antenna يجب حسابها للتغلب على هذه الاحتمالات.

محجوب على
ود أدهوينا
بكيت و انف قدوى

شكرا على المرور الكريم .. و طبعا الشرح كان فى الميدان و الناس واقفين والكمرات و تصوير الفيديو لذلك الوقت كان ضيق و مشحون..

تحياتى

في الأخبار اليوم من اليابان بخصوص تفادي زحمة المواصلات في أولمبياد طوكيو 2020
السماح لآلاف موظفي الشركات العمل من منازلهم من 22 يوليو حتي 2 سبتمبر 2020
Thousands of Tokyo commuters told to work from home to avoid Olympic crush
Employees will stay home for two weeks as part of mass trial to take pressure off crowded public transport system

ونحن طرق مواصلات آمنة زي الناس ما عندنا وعايزين نطبق أحدث تقنية في هندسة المرور

____________________
في أي دولة طبقت النظام ده ولا يا هو نفس عقلية الكيزان الفاسدة

مصدر الخبر
Thousands of Tokyo commuters told to work from home to avoid ...
https://www.theguardian.com/world/.../thousands-of-tokyo-commut...

"في أي دولة طبقت النظام ده"

لا!
خليك شادي بالضنب خلف الدول.. و سيب الناس.
ِ
بعدين نصلح ليك السؤال.. لله فى الله.
هل تم تصنيع هذا النظام و تجربته عمليا بنجاح؟
و الاجابة فوق .. لا تكون ذكى و تعلق من العنوان.

Quote: "سلّة اقتباسات"

لماذا نستخف ـ دائماً ـ بإمكاناتنا أفراداً وجماعات... ووطناً، ولا نقدّر أنفسنا حق قدرها؟
مشروع الأخ أبي الريش يستحق الإشادة ويدعو للفخر.
الأسئلة والتساؤلات تظل مشروعة ...
لاكين التخذيل ما حبابو.
..............................
#حنبنيهو

استاذنا الكبيييير و المهندس العظيم
ابوالريش
ياخى كل التقدبر و التجلة و الاشادة والاحترام و الفخر
لك بعدد الكلمات و مداده
الله يوفقك و يبارك ف عمرك و يمتعك بالصحة و العافية
و يجعله ف ميزان حسناتك و تفرح به يوم تقابل ربك
كل الدعوات الطيبات بتحقيق هذا الانجاز ف وطنى الحبيب ليستفيد منه الجميع .. ثم تنداح لباقى الدول
الله يوفقك و يقويك
.. مودتى و تقديرى

الاخ العزيز محجوب.
شكرا على الحضور و التكرم بالتعليق.
مع الاسف كتيرين مننا عندهم عقدة الخواجة و قليل من الثقة فى النفس. لكن اطمئن أخوك
عنده مناعة طبيعية ضد التخذيل.

تحياتى.

الاخ العزيز محمد بدرالدين
شكرا على الدعاء الكارب و الله يسمع منك و يحقق الامانى.
دائما نتمنى كل الخير للوطن و ان شاء الله يكون بين الامم المتقدمة.

طيب ياعزيزي إذا لغينا كل الإشارات الضوئية والحديدية المشاة حيقطعو الشارع كيف ، سيبك من المشاه راكبي الدراجات النارية والهوائية حيعملو شنو
بعدين هل حسبت تكلفة إستيراد هذا الكم من الأجهزة حيكلف البلد عملة صعبة قدر شنو ، بعدين لو ساي الشافع كشح في الجهاز مويه وإتعطل تخلي المرقه وتركب رقشه وللا كيف ؟؟

"بعدين لو ساي الشافع كشح في الجهاز مويه وإتعطل تخلي المرقه وتركب رقشه وللا كيف ؟؟ "

مرحبا عمر و حبابك الف

طيب لو الفرامل عضت وأنت فى نص الشارع حتنزل و تركب الركشة الجمبك.. موش كدا؟!!
يا سيدى الحوادث دائما موجودة.. و انت فى السودلن، كم مرة شاهدت اشارات مرور طافية ما شغالة؟ هل السواقين قاعدين يخلوا عرباتهم و يركبوا الركشات؟

قدر كمية المشاكل و تكاليف الصيانة فى الفيديو الفوق دا.

"المشكلة إنو رسوم الترخيص بعبع لأصحاب المركبات كلها، الصغيرة و الكبيرة، عشان كده بيهربوا من ترخيصها و ماشين كيري ساكت
و تلقاهم مجهزين حق الإيصال.
أها زي ديل حا يتحصلوا على الجهاز كيف؟"

الاخ الفاضل كمال عمر
مرحبا و شكرا على. الطلة و التعليق
ما اظن الزوغان سيكون ساهل زى زمان. فى تشاريع كتيرة ستتغير و طرق متابعة إلكترونية.
الما عاوز يسوق زى الناس يركب اللبص. يعنى الإيصال و حق الإيصال إلا يبلوه و يشربوا مويتو.

فوق الى حين عودة.

نورونا العنده معلومات:
1- حجم تجارة اشارات المرور الضوئية و اللافتات الثابتة فى اطراف الشوارع
2- الشركات التى تصنع هذه المعدات و الاجهزة و السوفتوير.. و تكلفة اتفاقيات الصيانة مع الحكومة
3- تكلفة عمود اشارات واحد و تكلفة اتفاقية صيانته.

و لكم الود

فوق للمزيد من الإطلاع.
طلب المعلومات اعلاه خاص بالسودان.