Post: #1
Title: حمدوك رئيسا للوزراء بس البقنع عمر الدقير يتنازل شنو
Author: عبدالعظيم عثمان
Date: 07-10-2019, 08:08 AM
Parent: #0
08:08 AM July, 10 2019 سودانيز اون لاين
عبدالعظيم عثمان-
مكتبتى
رابط مختصر
حمدوك افضل من عمر الدقير ب مية مرة
يا ناس المؤتمر السوداني التزموا بي تعهداتكم
كل الكتل مجمعة علي حمدوك رئيسا للوزراء
بس البقنع عمر الدقير منو
|
Post: #2
Title: Re: حمدوك رئيسا للوزراء بس البقنع عمر الدقير �
Author: عبدالعظيم عثمان
Date: 07-10-2019, 08:16 AM
Parent: #1
بطلوا شغل المماكحة البتسوا فيه دا
البلد عاوزة رئيس حكومة يكون مسؤول
وفاهم كيف ممكن تطلع من الحفرة دي
الاقتصاد هو الأهم لانه مرتبط بي معاش الناس
التزموا بما إتفقتوا عليه جوة التحالف بعدم المشاركة
الحزبية في الجهاز التنفيذي للدولة
الدعم السياسي للحكومة مطلوب من خارج الجهاز التنفيذي
عمر الدقير مافيه كلام بس ما رجل المرحلة
وإذا اصريتوا عليه حتضروا البلد ضرر كبير
عودكم في الثورة دي زي باقي الأحزاب
كيف حزب ديمقراطي يقبل يشترك في الجهاز التنفيذي بالتعيين؟
انتظروا الإنتخابات والحشاش يملأ شبكته
إذا حزبكم فاز شكلوا الحكومة وجيبوا الدقير رئيس لهذه
الحكومة..
|
Post: #3
Title: Re: حمدوك رئيسا للوزراء بس البقنع عمر الدقير �
Author: علي عبدالوهاب عثمان
Date: 07-10-2019, 08:23 AM
Parent: #2
الحبيب عبدالعظيم .. تحياتي ..
من موقع النيلين :
ارتقت حظوظ وأسهم رئيس المؤتمر السوداني والقيادي بالتغيير عمر الدقير لتقلّد منصب رئيس الوزرائ في الحكومة المقبلة.
وانصبت ترشيحات داخلية لقوى الحرية والتغيير على الخبير الاقتصادي عبد الله حمدوك وعمر الدقير وعمر صالح ومنتصر الطيب للمنصب.
وأكّدت صحيفة الانتباهة الصادرة اليوم”الأربعاء” اعتذار حمدوك، وأشارت إلى اعتزام”نداء السودان” تكليف الجبهة الثورية بترشيح ممثلها في المجلس السيادي وفق الحصة الداخلية لقوى التغيير.
وطرحت بحسب الصحيفة اسم الأمين العام للجبهة مني أركو مناوي.
|
Post: #4
Title: Re: حمدوك رئيسا للوزراء بس البقنع عمر الدقير �
Author: Yassir Ahmed
Date: 07-10-2019, 09:29 AM
Parent: #1
السؤال المهم هل فعلا سبق لعمر الدقير الذهاب إلى الامارات بدعوة رسمية ، قبل الإتفاق
|
Post: #5
Title: Re: حمدوك رئيسا للوزراء بس البقنع عمر الدقير �
Author: Mohamed Adam
Date: 07-10-2019, 10:04 AM
Parent: #4
| Quote: السؤال المهم هل فعلا سبق لعمر الدقير الذهاب إلى الامارات بدعوة رسمية ، قبل الإتفاق |
سؤال وجيّة، هل من مجيب!
الدقير دا ما عندو صبرا يبل الآبريي ولا حزبو شال السوداني وختا محلو الوطني!
|
Post: #6
Title: Re: حمدوك رئيسا للوزراء بس البقنع عمر الدقير �
Author: محمد البشرى الخضر
Date: 07-10-2019, 11:09 AM
Parent: #5
يا عظمة كلامك دا عن معلومات موثوقة ولا قراءة وتحليل مستند على الحايم في النت؟
|
Post: #7
Title: Re: حمدوك رئيسا للوزراء بس البقنع عمر الدقير �
Author: عماد الدين الطيب عمر
Date: 07-10-2019, 11:10 AM
Parent: #1
نحن قلنا عايزين حكومة ما فيها أي ميول حزبية
خلوا الأحزاب بجوار بعدين بعد الفترة الانتقالية و يعجنوا
لكن في الفترة الانتقالية دي لا مجال للمخاصصة و المحاصصة
|
Post: #8
Title: Re: حمدوك رئيسا للوزراء بس البقنع عمر الدقير �
Author: ترهاقا
Date: 07-10-2019, 11:39 AM
Parent: #7
اتمنى إنو الكلام ده يكون اشاعة لانو الاتفاق إنو ما في أي حزب يشارك
والدقير مفروض يمشي ينظم حزبه ويستعد للانتخابات
شغل عيال ده وإلا شنو؟
|
Post: #9
Title: Re: حمدوك رئيسا للوزراء بس البقنع عمر الدقير �
Author: ود محجوب
Date: 07-10-2019, 12:01 PM
Parent: #7
Quote:
نحن قلنا عايزين حكومة ما فيها أي ميول حزبية
خلوا الأحزاب بجوار بعدين بعد الفترة الانتقالية و يعجنوا
لكن في الفترة الانتقالية دي لا مجال للمخاصصة و المحاصصة |
طيب حمدوك ما عندو حزب
استغفر الله
|
Post: #10
Title: Re: حمدوك رئيسا للوزراء بس البقنع عمر الدقير �
Author: امتثال عبدالله
Date: 07-10-2019, 12:42 PM
Parent: #9
ما مفروض ابدا رجل حزبي بكون رئيس وزراء في الفترة الانتقالية ....هذا غلط..غلط ...غلط ....الأحزاب تنتظر الانتخابات ....
|
Post: #11
Title: Re: حمدوك رئيسا للوزراء بس البقنع عمر الدقير �
Author: Osman Musa
Date: 07-10-2019, 01:00 PM
Parent: #10
يا اخ عبدالعظيم السيد حمدوك مشغول جدا بي وظيفتو الكبيرة خارج السودان .
والرجل رافض المشاركة الان لكن ممكن يساهم بي افكارو ويساعد وزير المالية الجديد قدر
ما يقدر. . ده كلام. الناس القريبين من حمدوك .
|
Post: #12
Title: Re: حمدوك رئيسا للوزراء بس البقنع عمر الدقير �
Author: منتصر عبد الباسط
Date: 07-10-2019, 01:16 PM
Parent: #10
Quoteطيب حمدوك ما عندو حزب؟ qoute
هم لم يشترطون أن يكون المرشح للمنصب لا ينتمي لحزب إنما اشترطوا أن لا يكون الاختيار على أساس محاصصة حزبيةيعني أن لا يكون الاختيار بناء على التقاسم بين احزاب الحرية والتغيير يعني لا يرشح كل صاحب حزب من قوى الحرية والتغيير مرشح فقط لانه تابع للحزب إنما يكون الترشيح على أساس الكفاءة للمنصب فلو كان السيد الدقير مثلا بذات كفاءة السيد حمدوك أو أكثر كفاءة فلا ضير من ترشيحه للمنصب على أساس كفاءته لا اساس انتمائه الحزبي.
|
Post: #13
Title: Re: حمدوك رئيسا للوزراء بس البقنع عمر الدقير �
Author: ود محجوب
Date: 07-10-2019, 01:41 PM
Parent: #12
يا شيخ منتصر ردى على المقتبس
لا على ما يشترطون
|
Post: #14
Title: Re: حمدوك رئيسا للوزراء بس البقنع عمر الدقير �
Author: محمد محمود محمد
Date: 07-10-2019, 01:55 PM
Parent: #13
المطلوب و الاهم في الفترة الانتقالية برنامج و منظومة متفق عليها من الجميع ، كونو يرأس المجلس منو ما اعتقد مسألة مهمة ، طالما حصل عليه إتفاق و إجماع ، برنامج العمل و الانضباط في تنفيذو ، أعتقد أهم من البحث عن مقدرات شخصية للمرشح للمنصب.
|
Post: #16
Title: Re: حمدوك رئيسا للوزراء بس البقنع عمر الدقير �
Author: حسن ادم محمد العالم
Date: 07-10-2019, 02:18 PM
Parent: #14
سلاااام صاحب البوست والضيوف
اكييد الكفاءة سيد الموف ولكن الاتفاق داخل قوي التغير كفاءات غير حزبية
وذهبت ابعد من ذلك باشتراط اللذين يتقلدون مناصب وزارية لايحق لهم
الترشيح في الفترة الديمقراطية
بلغة الكسب والخسارة لاتوافق الاحزاب السياسية علي ترشيح رئيس منظومة حزبية
رئيس وزراء في الفترة الانتقالية لذا استبعد تماما ان يكون عمر الدقير رئيس وزراء
في الفترة رغم توفر شرط الكقاءة
بخصوص حمدوك ابيان ان كان طالبا بكلية الزراعة جامعة الخرطوم كان احد اعضاء الجبهة الديمقراطية
اي الحزب الشيوعي ولكنه ترك هذا التنظيم تماما منذ سنين عددا وهو الان غير منتمي لاي منظومة سياسية
ولكن حمدوك يتمتع بعلاقات وعقلية اقتصادية وزراعية ستكون مفيدة في التشكيل الوزاري
وان كنت من المحبذين ان يتولي الرجل وزارة الهيكلة الاقتصادية من اقتصاد وزراعة اكثر من رئاسة الوزارة
اما عمر الدقير او غيره من رجالات الاحزاب لن يكون محل اتفاق انما سيكون مصدر خلاف وهذا غير مفيد
في هذه المرحلة المهمة من تاريخ الامة
|
Post: #15
Title: Re: حمدوك رئيسا للوزراء بس البقنع عمر الدقير �
Author: Yassir Ahmed
Date: 07-10-2019, 01:58 PM
Parent: #1
لو ثبت ذهاب عمر الدقير للأمارات بدعوة رسمية ، هل ترشيحه يعني تنفيذ برنامج الأمارات ؟
|
Post: #17
Title: Re: حمدوك رئيسا للوزراء بس البقنع عمر الدقير �
Author: عبدالعظيم عثمان
Date: 08-06-2019, 07:15 PM
Parent: #15
المؤتمر السوداني طلع بيان نفي فيه
ترشيح المهندس عمر الدقير لرئاسة الوزراء
غايتو كان ما التزموا بالبيان دا
انا شخصيا لن ادعم حكومة لا تلتزم فيها الأحزاب
بعدم المشاركة في الجهازين السيادي ومجلس الوزراء
|
Post: #18
Title: Re: حمدوك رئيسا للوزراء بس البقنع عمر الدقير �
Author: عبدالعظيم عثمان
Date: 08-06-2019, 07:30 PM
Parent: #17
بيان المؤتمر السوداني بنفي ترشيح الدقير
هو ردا علي تصريحات الدقير نفسه
عندما قال بالأمس انه هنالك دوائر ترشحه
لرئاسة الوزراء وان الأمر متروك لقحت
طبعا ترك الموضوع عائم دون حسمه من الدقير
يجعلنا نتوجس خيفة من اطماع الرجل
وربما حزبه أيضا طامع ان يتقلد رئيسه رئاسة الوزراء
والبيان بالنفي لابد أن يكون قاطع
لن تقبل الثورة باي تنازل عن التزاماتها
مثلما نقول للحركات المسلحة ان طريق السلطة هو طريق
الإنتخابات وليس البندقية
نقول أيضا للدقير وحزبه ان طريق السلطة هو طريق
الإنتخابات وليس عبر الثورات
عشان ما كل حزب عاوز يتلب في السلطة مستقبلا يقوم يعمل ثورة
الكلام دا ما فيه لعب..
|
Post: #19
Title: Re: حمدوك رئيسا للوزراء بس البقنع عمر الدقير �
Author: عبداللطيف حسن علي
Date: 08-06-2019, 08:17 PM
Parent: #17
مرفوض اي رئيس زراء حزبي
لان برنامج المرحلة الانتقالية سيتاثر ببرنامج حزبه سواء
بسبب وجوده في دائرة جماعته الحزبية الرسمية او الاجتماعية
او لمجرد انتماءه الحزبي لن يخرج تفكيره خارج منظمته الفكرية الخاصة بحزبه
ورءي حزبه واطروحاته في كافة المجالات وكمان يقوي فرص فوز حزبه
علي حساب الاخرين في الانتخابات القادمة
لكل ذلك لابد من رئيس وزراء غير منظم في حزب مع ضرؤوة-في الان نفسه- ان يكون
منحازا للثورة عقلانيا ووجدانيا وبدون هذا الانحياز سيكون مضرا بالثورة ، بل يكون
سببا لنجاح الثورة المضادة ...
|
Post: #20
Title: Re: حمدوك رئيسا للوزراء بس البقنع عمر الدقير �
Author: Nasser Amin
Date: 08-07-2019, 09:57 AM
سلامات عظمة
بخصوص مادار حول ترشيح المهندس عمر الدقير لرئاسة الوزراء
...
..
.
|
Post: #21
Title: Re: حمدوك رئيسا للوزراء بس البقنع عمر الدقير �
Author: Mahjob Abdalla
Date: 08-08-2019, 00:35 AM
Parent: #20
لو فتحتو باب الاحزاب بتغطسو.
حكومة تكنوقراط و لا غير و في التكنوقراط مراعاة كل اقاليم السودان.
|
Post: #22
Title: Re: حمدوك رئيسا للوزراء بس البقنع عمر الدقير �
Author: نادر الفضلى
Date: 08-08-2019, 00:51 AM
Parent: #21
ألإثنين لا يصلحان فى رئاسة الوزارة ..
وحمدوك لاا يصلح أيضاً حتى فى وزارة المالية (والإقتصاد) الزايغ منها!
إفلاس فى الترشيحات .. حمدوك دا أول من رشحه البشير وأكيد الترشيح
ما بيكون من فراغ وسيقه جس نبض و رضى، حتى لو إعتذر بعدها !
ما فى غيرو؟!!!
الدقير لأ!
|
Post: #23
Title: Re: حمدوك رئيسا للوزراء بس البقنع عمر الدقير �
Author: عبدالعظيم عثمان
Date: 08-16-2019, 10:52 AM
Parent: #22
حمدوك رئيسا للوزراء
الدقير انتظر لغاية نهاية الفترة الإنتقالية وتعال كابس انت وحزبك
في الانتخابات كلن الصندوق جابك حبابك
لكن مافي طريقة زول سياسي ورئيس حزب يركب
على ظهر الثورة
|
Post: #24
Title: Re: حمدوك رئيسا للوزراء بس البقنع عمر الدقير �
Author: علي عبدالوهاب عثمان
Date: 08-16-2019, 04:18 PM
Parent: #23
الحبيب عبدالعظيم .. تحياتي ..
فرحت كثيرا بتعيين حمدوك
لكن يا الحبيب المرحلة صعبة جدا
حكومة عميقة ( المؤتمر الوطني والاسلاميين)
مشاكل اقتصادية ضخمة جدا
خلافات الثورية وغيرها حتى بعض احزاب الثورة
اكيد سوف يجد الكثير التقاطعات ..
المهم هل سيجد كفاءات ( وزراء )
حمدوك متعود على العمل المؤسساتي المرتب
أمثال حمدوك لديهم ثقافة الاستقالة
ونحن في الوطن بنعرف كويس احياناً في انجاز العمل نتخطى المرجعيات
حبيبنا عبدالعظيم اتمنى ان يكون حمدوك زول صارم وذو صير وطولة بال
الله يكون في العون
من كثرة الشفقة على الوطن والثوار بقى عندنا وسواس قهري ومن الحب ما قتل
تحياتي الحبيب عبدالعظيم
كده طمنا شوية
|
|