Post: #2 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-09-2019, 05:46 PM Parent: #1
يعني الدعم السريع هو من فض إعتصام القيادة العامة. بعدين مش في لجنة تحقيق سودانية صرفة (نزيهة) حي تبدأ تحقق في جريمة المجزرة؟ هل دا إستباق من عصابة المجلس المجرم لعرقلة عمل اللجنة قبل ما تتشكل زااااتو؟
Post: #3 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-09-2019, 06:46 PM Parent: #2
مع عودة الانترنت وتدفق سيل الادلة الدامغة , والموثقة بالفديوهات والصور علي تورط كل الاجهزة الامنية من قتل سريع وجيش مخصي وبوليس في مجزرة القيادة العامة , ح يجعل من ايجاد مخارج أو كباش فداء محاولة خائبة ومردودة علي الجهة او الجهات اللي ح تروج ليها. المجلس العسكري لن يفلت من جريمة فض الاعتصام.
محزن جدا عندما يتفرج الجيش السوداني علي قتل شعبه بناته وبنيه امام عتبات قيادته هتفوا ليهم حفزوهم شحذوا هممهم واخيرا رفعوا نشيد العلم والسلام والوطني ولم يشفع.
Post: #4 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-09-2019, 07:30 PM Parent: #3
اللواء دا لو فعلا عنده مقدرة تجييش كل القوات والارتال دي لفض إعتصام القيادة بالخرطوم وكوووول الاعتصامات من امام بوابات الجيش في الاقاليم برضو , كان (أسهل) ليه ينقلب عليكم ويمشي الاذاعة ويقول بيانه. بدل مطاردة الثوار في ازقة وحواري وشوارع الاحياء وفي ظل غياب كاااااامل لاستخباراتكم أياً كان تابعيتها كان من الاسهل وصول مقاركم وبيتوكم ويعلقكم في مشانق قبل صباح العيد برضو.
مااااا بحلكم راكباكم راكباكم.. الدم قصادوا الدم..
Post: #5 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-09-2019, 08:42 PM Parent: #4
دا إعلان في جريدة ايام النت مقطوع.. عزومة مراكبية للشهادة في تحقيقات ارواح ازهقت.!!!!محاولات ذر الرماد في العيون من المجلس الانقلابي لتبرئة نفسه من الجريمة.
ول تكميم للشهود ومحاولة طمس الادلة؟!
Post: #6 Title: Re: البرهان: تم إعتقال من أمر بفض الإعتصام. Author: Ahmed Yassin Date: 07-09-2019, 09:45 PM Parent: #5
طبعا البرهان انتهى سياسيا وقبلها انسانيا .. واثبت بالدليل القاطع انه ليس بقائد وانه ضعيف الشخصية والعقل رغم ان الله اعطاه بسطة في الجسم ومن شدة اجرام المجلس الانتقالي بكامل اعضاءه ولا يستثنى منهم احد في فض الاعتصام وارتكاب المجزرة المروعة في ابناء هذا البلد بدم بارد .. والآمر الفعلي هم سادتهم والمجلس الاجرامي يعرفهم جيدا ، وتم افهامهم بالحرف ( ولكم في رابعة اسوة سيئة) واعضاء المجلس المجرمين وحتى اللحظة لم يستطيعوا ان يداروا سؤاتهم لأن ما حصل امام ابوابهم وعتباتهم شىء لا يصدقه عقل ولا يمكن ان يصدر امر ةكها من بشر سوؤ ووقبل الهجوم الغادر الغاشم اغلقوا ابواب القيادة حتى لا يكون ان (من دخل القيادة فهو آمن) جميل يا معتصم ادريس انك اوردت مثل هذا التصريح .. حتى نقدر عمق الهوة التي انزلقوا فيها
Post: #7 Title: Re: البرهان: تم إعتقال من أمر بفض الإعتصام. Author: Gafar Bashir Date: 07-09-2019, 10:29 PM Parent: #6
قوات الدعم السريع هي قوات سودانية مهمتها الاساسية حفظ الأمن ... لم تعتد علي الثوار ولم تقتل احد ولم تطلق النار علي احد وكل ما يقال ليس سوي محاولات رخيصة ويائسة لتشويه سمعتها ... (حميدتي) المجلس العسكري لم يكن له علاقة بفض الاعتصام وليس لأي فرد فيه يد في التخطيط او فض الاعتصام او اطلاق نار (البرهان) كل مزاعم القتل والرمي في النيل والاغتصاب مجر (فوتشوب) تم فض الاعتصام بواسطة القوي المعادية للثورة التي تمتلك قناصة واسلحة وهي قوات مندسة تهدف الي زعزعة الامن وتشويه صورة الدعم السريع والمجلس العسكري
اوك صدقنا وامنا بكل ذلك وندعم قوات العم السريع وحميدتي والجلس العسكري وكل شيئ شريطة الاجابة علي السؤال التالي:
اذا لم يستطع المجلس العسكري الوطني والبرئ من كل التهم ولم تستطع قوات الدعم السريع الشريفة والتي حمت الثوار والتي رفضت اطلاق النار وعملت من اجل الامن والاستقرار
اذا لم يستطيعوا حماية السودانييين علي بعد متر واحد من القيادة العامة لقوات الشعب المسلحة
ما الذي يعطيهم الحق في ان يفاوضوا قوي الحرية والتغيير علي قسمة السلطة؟ علي اي اساس وشرعية يقوم التفاوض وماهي حاجتنا لقوات دعم سريع شريفة ومجلس عسكري برئ لا يملك حتي القدرة علي حماية الشعب علي بعد متر من القيادة العامة
وما الذي يمكن لهكذا مجلس فعله علي بعد مئات الكيلومترات فعله زي حلايب لا قدر الله
بتفاوضوا قوي الحرية والتغيير علي اي اساس
Post: #8 Title: Re: البرهان: تم إعتقال من أمر بفض الإعتصام. Author: علاء سيداحمد Date: 07-09-2019, 10:30 PM Parent: #6
البرهان وحميدتى والمجلس العسكرى اعترفوا باصدار اوامر فض الاعتصام وعندما شعروا بان الحبل يلتف حول رقابهم تنصلوا من الاعتراف وقدموا تنازلات فى سبيل ذلك ولا زالوا يقدمون ولكن هيهات فلا التنازلات ستنفعهم ولا قوتهم العسكرية فالمحاكمات قادمة لا محالة .
إعتراف صريح من المجلس العسكري بفض الإعتصام واعطاء أوامر القتل : { هذا التسجيل دليل ادانة صريح للمجلس الانقلابى }
البرهان السجمان بعد ذهاب السكرة جاءت الفكرة :
حميدتى الموهوم : لا اريد ان اصبح رئيساً
Post: #9 Title: Re: البرهان: تم إعتقال من أمر بفض الإعتصام. Author: امتثال عبدالله Date: 07-09-2019, 10:33 PM Parent: #6
ما دام البرهان أكد أن العسكر سيتركون السلطة بعد انتهاء الفترة الانتقالية وأكد لينا كمان ان الذي أمر بفض الاعتصام الآن معتقل ويجري التحقيق معه ..يادوب البرهان حيبقى صاحبنا..وما يصح مهاجمته مرة ثانية ...فهو أكد أن العسكر سوف يبتعدون عن السلطة بعد الفترة الانتقالية ...وده اهم حاجة لأنه بعد داك السلطة حتكون مدنية ١٠٠ في الميه والعسكر يعودوا ثكناتهم ويتم نقل القيادة العامة خارج العاصمة ....واحسن تكون في عطبرة، بلد الثوار ،، وتحويل القيادة العامة إلى مستشفى وجزء آخر لمدرسة
Post: #10 Title: Re: البرهان: تم إعتقال من أمر بفض الإعتصام. Author: Gafar Bashir Date: 07-09-2019, 10:38 PM Parent: #9
انت جادة يا امتثال
Post: #11 Title: Re: البرهان: تم إعتقال من أمر بفض الإعتصام. Author: امتثال عبدالله Date: 07-09-2019, 10:51 PM Parent: #10
يعني يا جعفر الزول كضاب زي مسيلمة الكباشي..ولا شنو!!!!
Post: #12 Title: Re: البرهان: تم إعتقال من أمر بفض الإعتصام. Author: Gafar Bashir Date: 07-09-2019, 11:14 PM Parent: #11
لا الكضباشي اكثر شجاعة عارف نفسو بكذب وواجه الناس بي كذبو واتراجع عنو اكتر من مرة
Post: #13 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-09-2019, 11:54 PM Parent: #11
الاستاذ أحمد يس سلام..
Quote: طبعا البرهان انتهى سياسيا وقبلها انسانيا .. واثبت بالدليل القاطع انه ليس بقائد وانه ضعيف الشخصية والعقل رغم ان الله اعطاه بسطة في الجسم ومن شدة اجرام المجلس الانتقالي بكامل اعضاءه ولا يستثنى منهم احد في فض الاعتصام وارتكاب المجزرة المروعة في ابناء هذا البلد بدم بار
في العامية السودانية وصف كثير جدا للعساكر والظبوطية فيها تفاخر واعتزاز يقابلها إمتنان وتقدير منهم.. (الضابط العظيم) صفة أو تعبير بتلاقيها في كتابات زميل البورد الضابط العظيم ود الريح ومذكراته لما يصف احد زملائه أو مروؤسيه في مواقف أو احداث دايما مقرونه بالنزاهة , الشجاعة ونكران الذات.. عساكر المجلس ديل يا أحمد يس عملاااااء متواطئين وأقل وصف ليهم إنهم جبناء باعوا الوطن واستباحوا دماء أهلهم في كل بقعة. ــ العزيز جعفر بشير..
Quote:
وما الذي يمكن لهكذا مجلس فعله علي بعد مئات الكيلومترات فعله زي حلايب لا قدر الله
بتفاوضوا قوي الحرية والتغيير علي اي اساس
حلايب شنو يا جعفر والمخابرات المصرية حائمة جو القصر الجمهوري والبرهان أول حج ليه كان للقاهرة.. يا جعفر أنا بالنسبة لي إنه قوي الاعلان بتفاوض في حميدتي فقط لانه الوحيد اللي عنده (حاجه) يممممكن الناس تفاوضوا عليها أما بقية الاراغوزات ديل فهم عبارة عن دلاليك باعوا ضميرهم للعمالة وحطموا ماكان زماااان يعرف بالجيش السوداني. ــ استاذ علاء سيد احمد.. مسرح الجريمة معرووف مصور وموثق زمان واحداث.. الشهود فوق الارض وتحت الارض وجوه النيل. اعترافات بالجملة من منتخب الجنجويد كله من كابتنهم حميدتي لي راكوبة دفاعهم الكضباشي.. المحك في قوي الاعلان وجدية التحقيق ورفع الحصانة عن المتورط.. الشارع مع الحرية والسلام والعدالة واكيد المدنية.. بس من اقوي شعاراته علي الطلاق الدم قصاد الدم وما بنقبل الدية و يا جبنا حقهم يا مشينا زيهم..
Post: #14 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-09-2019, 11:59 PM Parent: #13
Quote: ما دام البرهان أكد أن العسكر سيتركون السلطة بعد انتهاء الفترة الانتقالية وأكد لينا كمان ان الذي أمر بفض الاعتصام الآن معتقل ويجري التحقيق معه ..يادوب البرهان حيبقى صاحبنا..وما يصح مهاجمته مرة ثانية ...فهو أكد أن العسكر سوف يبتعدون عن السلطة بعد الفترة الانتقالية ...وده اهم حاجة لأنه بعد داك السلطة حتكون مدنية ١٠٠ في الميه والعسكر يعودوا ثكناتهم ويتم نقل القيادة العامة خارج العاصمة ....واحسن تكون في عطبرة، بلد الثوار ،، وتحويل القيادة العامة إلى مستشفى وجزء آخر لمدرسة
أستاذة إمتثال سلام.. هم متين قالوا حاجة كانت حقيقة.. الجيش في عضمو وينوا علشان نقول يمشي ول يرجع..
Post: #15 Title: Re: البرهان: تم إعتقال من أمر بفض الإعتصام. Author: امتثال عبدالله Date: 07-10-2019, 00:38 AM Parent: #14
معتصم :" الجيش في عضمو وينو ..عشان نقول يمشي ولا يرجع "" الله يجازي محنك ..والله اصبتهم في مقتل ...لغاية الان كلامك اوسكار ...لحين نعرف راي الضباط الشرفاء في الجنجويد ....البتامروا على الجيش
Post: #16 Title: Re: البرهان: تم إعتقال من أمر بفض الإعتصام. Author: امتثال عبدالله Date: 07-10-2019, 00:38 AM Parent: #14
معتصم :" الجيش في عضمو وينو ..عشان نقول يمشي ولا يرجع "" الله يجازي محنك ..والله اصبتهم في مقتل ...لغاية الان كلامك اوسكار ...لحين نعرف راي الضباط الشرفاء في الجنجويد ....البتامروا على الجيش
Post: #17 Title: Re: البرهان: تم إعتقال من أمر بفض الإعتصام. Author: طلعت الطيب Date: 07-10-2019, 02:41 AM
التصريح فعلا فيهو تهافت واستباق للتحقيقات المحايده ودي تعتبر اول محاوله تنصل من نصوص الاتفاق بين المحلس وقحت والله يكضب الشينه تحياتي صاحب البوست وصيوفه وضيفاته
Post: #18 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-10-2019, 06:07 AM Parent: #17
Quote: التصريح فعلا فيهو تهافت واستباق للتحقيقات المحايده ودي تعتبر اول محاوله تنصل من نصوص الاتفاق بين المحلس وقحت والله يكضب الشينه
مرحب طلعت الطيب.. العساكر ديل طوالي في حالة تنصل.. ما عندهم ما يخسروه وتحس بتخانة الجلد وعدم الجدية. من أمن العقاب عمل مجزرة..
Post: #23 Title: Re: البرهان: تم إعتقال من أمر بفض الإعتصام. Author: Maher AlMahi Date: 07-10-2019, 08:45 AM Parent: #9
Quote: ما دام البرهان أكد أن العسكر سيتركون السلطة بعد انتهاء الفترة الانتقالية وأكد لينا كمان ان الذي أمر بفض الاعتصام الآن معتقل ويجري التحقيق معه ..يادوب البرهان حيبقى صاحبنا..وما يصح مهاجمته مرة ثانية ...فهو أكد أن العسكر سوف يبتعدون عن السلطة بعد الفترة الانتقالية
يعني يا إمتثال يابتي وبعد الاكاذيب واللولوة والجرجرة والمماطلة تلاثة شهور والغاء الاتفاقية ثم ارجاعها ثم الغاءها ثم ارجاعها ثم الاقرار بها ثم تعديلها ثم التنصل منها وتمطيط الزمن والزوغانات والتهديف في الآوت ومرات في المرمى - بعد كل الفوضى الحصلت من المجلس العسكرى ومن البرهان تحديدا، تاني تجي يا امتثال تصدقي وتقولي البرهان بقى صاحبنا ؟ انت عارفة انا شخصيا ما مقتنع باي شراكة مع هذا المجلس الكذاب والماعندو أمان ربما في اي لحظة سيناريو مصر قد يتكرر ويحصل كما حصل من السيسي ودة شي متوقع العسكر ديل ما عندهم امان واصلا هم عبارة عن قطع شطرنج تدار باصابع خفية كلنا عارفنها.
Post: #22 Title: Re: البرهان: تم إعتقال من أمر بفض الإعتصام. Author: Maher AlMahi Date: 07-10-2019, 08:28 AM Parent: #2
Quote:
يعني الدعم السريع هو من فض إعتصام القيادة العامة. بعدين مش في لجنة تحقيق سودانية صرفة (نزيهة) حي تبدأ تحقق في جريمة المجزرة؟
معتصم ادريس تحياتي ومن معك دائما بوستاتك رائعة
دي ما دايرة ليها كلام الدعم السريع متورط للنخاع تعامل مع المسالة (دق صدر) يعني انا الاقوى لو تذكر حميدتي كان بصرح قبل فض الاعتصام (لافوضى بعد اليوم) كررها كثيرا وفعلا بعدها (حدس ما حدس) دة معناهو شنو - الا نكون عندنا قنابير لو ما فهمنا اللعبة وكمان من (حمارجي) .
Post: #19 Title: Re: البرهان: تم إعتقال من أمر بفض الإعتصام. Author: Khalid Abbas Date: 07-10-2019, 06:15 AM Parent: #1
Quote: المجلس العسكري لن يفلت من جريمة فض الاعتصام.
طالما إتفقت معاهو كشريك في الفترة الإنتقالية أفلت وإنتهى الأمر عشان الأمور تكون واضحة للبسطاء وأسر الشهداء وكل الشعارات الحالية عن دماء الشهداء والقصاص لهم ما هي إلا قميص عثمان
Post: #20 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-10-2019, 06:26 AM Parent: #19
Quote: طالما إتفقت معاهو كشريك في الفترة الإنتقالية أفلت وإنتهى الأمر عشان الأمور تكون واضحة للبسطاء وأسر الشهداء
الاتفاق ابدااااا ما نهاية ياخالد.. ابداااا ما نهاية. الشارع اتنازل من المدنية لكن لن يتنازل عن دماء الشهداء والمغتصبات..
Post: #21 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-10-2019, 07:56 AM Parent: #20
أسري سودانيين ثواااار رجاااااال امام قيادة قوات شعبنا المشلعة. الجنجويد هم من فض الاعتصام بالعصي والهراوات والخراطيش والزخيرة الحية..
صورة من الفيديو ويظهر الضابط الجنجويدي شايل طبنجته ويأمر الثوار الاعتراف بالعسكرية.
Post: #24 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-10-2019, 11:08 PM Parent: #21
Quote: معتصم ادريس تحياتي ومن معك دائما بوستاتك رائعة
دي ما دايرة ليها كلام الدعم السريع متورط للنخاع تعامل مع المسالة (دق صدر) يعني انا الاقوى لو تذكر حميدتي كان بصرح قبل فض الاعتصام (لافوضى بعد اليوم) كررها كثيرا وفعلا بعدها (حدس ما حدس) دة معناهو شنو - الا نكون عندنا قنابير ل
العزيز ماهر الماحي.. شاكر علي الاطراء.. فريق الخلا يا ماهر في غفلة من الزمن لقي نفسه يصرح وناس تسمع ليه.. لا وكمان معاها سعادتك. إتخيل!! في الفيديو دا يا ماهر ح تشوف فهم مليشيته وبربريتهم في التعامل الانساني مع اسري جووووه بلده في قلب عاصمته امام بوابات قياداته المسلحة.. تفففف يا دنيا تففففف
Post: #25 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-10-2019, 11:37 PM Parent: #24
الصادق سيد المتهم بفض إعتصام القيادة العامة وإرتكاب المجزرة
اللواء الصادق سيد عمل بالاستخبارات العسكرية قبل إنتدابه للعمل بمليشيا الجنجويد. حسب ما اتناقل عنه في الوسائط (فيس بوك وتويتر وواتس آب) هو شقيق زوجة الفريق المخلوع ابنعوف. فقد اثنين من اشقائه فطائس في حرب الجنوب (يوسف واسماعيل). الجملة دي كان قد ذكرت في حديث البرهان هو إنتمائه للجبهة الاسلامية وفقده لاشقاء في حرب الجنوب!! دا مش حال أغلب الكيزان! هل الجملة (الخبرية) دي( تبريرية) لارتكابه المجزرة وإضفاء روح الاختراق للدعم السريع أم هي رسالة مبطنة لكل الكيزان!!!!!
لمن يعمل اللواء الصادق سيد؟ ومن أين له بإخضاع اكثر من 8 الف هلفوت تحت أمرته في التنسيق لفض الاعتصام؟ هل كان ايضا علي ترتيب ولائي مع هلافيت نفس الجهات الامنية بفض اعتصامات مدن الولايات بالتزامن مع أعتصام القيادة؟؟
Post: #26 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-11-2019, 01:08 AM Parent: #25
جنجويدي في فرقة (العمليات الخاااااااصة) في الدعم السريع تم علاجه من رصاصة طائشة من قواتهم.. اها يا فريق الخلا دا واحد من هلافيتك عالجوه ليك مجااان كمان .العمليات الخاصة دي اكيد ما مكافحة حرائق ولا إنزال جوي إنما حرق قري وإغتصاب وأستحلال دم عٌزّل.
الدم قصادو الدم وإن بقت مدنية البسالة والشجاعة في الفيديوهات دي بكل أمانة مدهش
Post: #27 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-11-2019, 10:19 PM Parent: #26
طبعا زي ما كان متوقع من عسكر الجنجويد هو استحمار وإستغباء الانسان السوداني مرة بالتصوير أثناء المجزرة وإبعاد تهمة القيام بالبشاعات والفظاعات وإنسابها لجهات ليها الرغبة في وقوع قطيعة بينهم والشعب السوداني. وكمان الليلة زادوا العيار دوز بانه تلك الجهات لسه شغالة في محاولاتها. المجلس العسكري يستحمرنا ويستغبانا في انه فاشل جدا في احباط ااااي محاولة كانت لفض الاعتصام , لكن ناجح جداااااا في كشف اااي محاولة إنقلابية!!!
Post: #28 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-11-2019, 11:25 PM Parent: #27
من الذين تم التعرف عليهم في جريمة فض الاعتصام..
يعني ديل ماخدين راحتهم في التعذيب والقتل والرمي في النيل ومافي زول كشفهم واحبط مخططهم!! اما الانقلابات علي المجلس العسكري اكيد عارفنها ومتابعنها وبحبطوها قبل ما تحصل!!
Post: #29 Title: Re: البرهان: تم إعتقال من أمر بفض الإعتصام. Author: منتصر عبد الباسط Date: 07-12-2019, 00:19 AM Parent: #28
Quote: هل دا إستباق من عصابة المجلس المجرم لعرقلة عمل اللجنة قبل ما تتشكل زااااتو؟
الاستباق يكون باصدار حكم وليس بمجرد الاعتقال التحفظي فلو تركوا المتهمين دون اعتقال سيهربون ويخرجون خارج السودان وسوف لا تجد اللجنة التي ستكون من تحاكمه.
Post: #30 Title: Re: البرهان: تم إعتقال من أمر بفض الإعتصام. Author: منتصر عبد الباسط Date: 07-12-2019, 00:31 AM Parent: #29
Quote: ومن أين له بإخضاع اكثر من 8 الف هلفوت تحت أمرته في التنسيق لفض الاعتصام؟
.كان له من حيث كان لجماعته أن يحكموا السودان ثلاثون عاما وتشاكس المدنيين مع العسكر المسقطين لحكمهم طمعهم في محاولة العودة لحكمنا من جديد وعمل كل ما يفسد هذه المرحلة للانتقال المتعثر الكسول للديمقراطية الرابعة.
Post: #31 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-12-2019, 00:54 AM Parent: #30
الاستاذ منتصر كيفك وبركة الشوفة..
Quote: الاستباق يكون باصدار حكم وليس بمجرد الاعتقال التحفظي
يا منتصر لما يَعلن علي الملأ من أعلي السلطة الحاكمة وبلسان رئيسها أنه قد تم القاء القبض علي (من أمر بفض الاعتصام) معناهاانت انتهيت من تحقيقاتك وعندك اعترافات وأدلة والمسألة عندك خلصت.. مش كدا. يعني المجرمين الحقيقين قد يكونوا برضووو سافروا او قاعدييييييين في المجلس زااااتو. صح.؟ طيب لجنة التحقيق (المقترحة) ح تبدأ من وين؟ مش أدلة المجلس بوجود إعترافات وأدلة ومن ثم تسمية المجرمين معناها قطعت الطريق علي اللجنة؟ ول اللجنة كمان ح تبدأ تحقيقاتها وتبحث عن أدلتها وشهودها بوجود جناة أعترفوا بجريمتهم. بالعربي يا منتصر البرهان قال قبضنا المجرمين وسميناهم ما قال عندنا متهمين متحفظين عليهم.
Quote: ان له من حيث كان لجماعته أن يحكموا السودان ثلاثون عاماوتشاكس المدنيين مع العسكر المسقطين لحكمهم طمعهم في محاولة العودة لحكمنا من جديدوعمل كل ما يفسد هذه المرحلة للانتقال المتعثر الكسول للديمقراطية الرابعة.
دا معناها اللواء الصادق سيد وجماعته قوتهم أكبر وإستخباراتهم أقوي ومقدرتهم علي التنفيذ أعلي من إمكانيات المجلس العسكري وبالتالي كان من المنطق أنهم يمشوا الاذاعة ويعلنوا بيانهم. بدل يفضوا الاعتصامات من غير ما تكون عندهم أوامر من مروؤسيهم ويعملوا حاجة من (رأسهم) وبكرة الصباح يمشوا الشغل عااااادي.. مش دا فيه إستعباط؟؟شاكر علي المرور يا منتصر.
Post: #32 Title: Re: البرهان: تم إعتقال من أمر بفض الإعتصام. Author: منتصر عبد الباسط Date: 07-12-2019, 01:49 AM Parent: #31
تحياتي وشكري الأخ معتصم ادريس
Quote: وبالتالي كان من المنطق أنهم يمشوا الاذاعة ويعلنوا بيانهم. بدل يفضوا الاعتصامات من غير ما تكون عندهم أوامر من مروؤسيهم ويعملوا حاجة من (رأسهم) وبكرة الصباح يمشوا الشغل عااااادي.. مش دا فيه إستعباط؟؟شاكر علي المرور يا منتصر
أنا أقصد أنهم كيزان يمهدون للعودة مستقبلا وليس الأن وحاولوا عمل تمهيد باسقاط المجلس العسكري معنويا واعلاميا هم في تلك الحالة كان همهم افساد العلاقة بين العسكر والمدنيين وتعطيل كامل لما يؤدي للتوافق لانتاج سلطة انتقالية وهذا لو حدث سيمهد لعودة سلسة للكيزان بثوب جديد ولكن بحمد الله تم تجاوز تلك العقبة الأن وهذا ما دفعهم لمحاولة الانقلابية الأخيرة. التكذيب أكثر الحاح للدليل من التصديق فتكذيب محاولات الانقلاب المعلنة من قبل المجلس العسكري تحتاج دليل أو بحث للوصول للحقيقة .
Post: #33 Title: Re: البرهان: تم إعتقال من أمر بفض الإعتصام. Author: ترهاقا Date: 07-12-2019, 04:26 AM Parent: #32
Quote: نا أقصد أنهم كيزان يمهدون للعودة مستقبلا وليس الأن وحاولوا عمل تمهيد باسقاط المجلس العسكري معنويا واعلاميا
الاخ منتصر سلام كيزان يسقطوا كيزان كيف ؟ المجلس العسكري ده هو حامي حمى الكيزان
Post: #34 Title: Re: البرهان: تم إعتقال من أمر بفض الإعتصام. Author: Mutasim Idris Date: 07-12-2019, 09:14 AM Parent: #32
Quote: فتكذيب محاولات الانقلاب المعلنة من قبل المجلس العسكري تحتاج دليل أو بحث للوصول للحقيقة .
يا منتصر مافي محاولة واااااحدة عرضوا فيها ضباط أو حتي اسمائهم.. يصدقوهم كيفن؟ بش علشان قالوا في إنقلاب نقوم نصدقهم؟ طيب رأيك شنو علي لسان الناطق الرسمي الكباشي قال نحن خططنا وفضينا الاعتصام.. والبرهان قال لا ديل ما نحنا.. نصدق منو؟ المجلس دا يا منتصر قام علي كضبة وكل يوم بكضب والبتابعوا كضبوا ح يلقي نفسوا بكضب زيهم.
