Post: #1
Title: مستشفى المغتربين بالقيادة العامة لاسر الشهداء
Author: حامد بدري
Date: 07-09-2019, 09:50 AM
Parent: #0
09:50 AM July, 09 2019 سودانيز اون لاين
حامد بدري-
مكتبتى
رابط مختصر
اقل تكريم نقوم بيو كمغتربين واحتفاءا باسر الشهداء القدمو اغلى ماعندهم للثورة مهرا للحرية والديمقراطية والعيشة الكريمة للاجيال القادمة
نستفيد من مباني القيادة العامة دي ونقلع لينا مبني مطرف كده ويكون المكان ليو قدسية ورمزية ونحتفي سنويا جنبو بثورتنا المجيدة ونعيد للحيط رسوماتا وللشهيد مكانتو
كل اباء وامهات الشهداء راضين تماما عن الاتفاق وكل امنياتهم انو يتوقف نزيف الدم والناس تلقا تطبيب وتعليم كويس البلد امكاناتا مهووولة حرام نستجدي الخبز والبنسلين والمضادات الحيوية ونهاجر للعلاج بالاردن ومصر والهند لاشياء بسيطة
ياريت نفعل هشتاق ومن الان ماننتظر اتفاق وحكومة ونقوم بالعمل ده كامل كمغتربين بواسطة ناس ثقاة وانا متاكد جدا المستشفى ده حيقوم خلال شهور بسيطة والناس جاهزة تماما لعمل شيئ للوطن
الفكرة مسروقة من بكري علي ودكتورة مروة بابكر في تويتر والفيس هم اقترحوا مشافي باسم الشهداء وانا اضفت ليها انو المبنى يكون تبرع من الجيش في كل مدن السودان المختلفة واصلا معسكرات الجيش مفروض تكون بررة نطاق المدينة والحمد لله زاتو لحقناها قبل عبدالرحيم اللمبي وسوقطرة يبلعوهن سوت
|
Post: #2
Title: Re: مستشفى المغتربين بالقيادة العامة لاسر ال�
Author: حامد بدري
Date: 07-09-2019, 09:55 AM
Parent: #1
قبل يومين في كم ناشط نشطا نشطا كده فرزونا وقالوا لينا ماترفضوا ولا تقبلوا اتو ايدكم في الموية الباردة التقول الماتوا ديل ماعندهم والد او عم او ام مغتربة
ده غير البقوليك ضاربين الطراوة والتربيطة ماتنضمو في شان الوطن
طبعا ضربة زي دي لما تجيك من ناشط معناتا في الضهر وحارة حرورية شديدة
|
Post: #4
Title: Re: مستشفى المغتربين بالقيادة العامة لاسر ال�
Author: حامد بدري
Date: 07-09-2019, 10:06 AM
Parent: #2
العلاج مرهق جدا ومكلف وخارب ميزانيات اسر كتيرة
ومستشفى زي ده لو كتب ليو نجاح حيلقا دعم وتبرعات تقيلة
ونستفيد من الدكاترة المغتربين في الاجازات ده غير المعدات والادوية الحيجيبوها معاهم
|
Post: #3
Title: Re: مستشفى المغتربين بالقيادة العامة لاسر ال�
Author: محمد مجيدو
Date: 07-09-2019, 09:58 AM
Parent: #1
هلا يا حامد ..
أنا أؤيد الفكرة ..
ويكون مبنى المستشفى في كافوري وليس القيادة العامة ...
في اي بناية حقت البشير واخوانو .... قلع بس ..
عاالم بطاالـــــــــــــــــــــة ,,,
|
Post: #5
Title: Re: مستشفى المغتربين بالقيادة العامة لاسر ال�
Author: حامد بدري
Date: 07-09-2019, 10:12 AM
Parent: #3
Quote: محمد مجيدو
هلا يا حامد ..
أنا أؤيد الفكرة ..
ويكون مبنى المستشفى في كافوري وليس القيادة العامة ...
في اي بناية حقت البشير واخوانو .... قلع بس ..
عاالم بطاالـــــــــــــــــــــة ,,, |
حبيبنا لواء مجييييدو كافوري اعملوا فيها حقت الولادة
القيادة ضروري للثورة
|
Post: #6
Title: Re: مستشفى المغتربين بالقيادة العامة لاسر ال�
Author: أيمن نواى على
Date: 07-10-2019, 05:06 AM
Parent: #5
سلام حامد بدرى
أى عمل خير مهما قل او كثر هو افضل بلاشك .. كحلول اسعافية فى الوقت الراهن جيدة و مطلوبة بشدة لتقليل الصرف خصوصا لاشخاص يحتاجو الى فترة نقاهة الى شهور طويلة .. من اجل ان يرى المشروع النور فى القريب العاجل وبى اقل تكلفة .. تجتمع الاطراف المتخصصة نقابة الأطباء و وزير الصحة المعين من قحت لتوفير الكادر الصحى و تقيم تكلفة المعدات الصحية و جزء من المستشفيات فى المناطق الأكثر شهداء و المصابين .. وعلى الثوار يتم حصر اسر الشهداء والمصابين .. تجلس جميع الأطراف لتقدم دراسة جدوى للمشروع .. لمعرفة التكلفة الكلية ليتم الدعم عن طريق المغتربين و فاعلى الخير . اما المشروع الذى نحتاج فيه الى المغتربين مشروع كبير وذو فائدة للجميع ..لقد تم ذكره فى بوست اخر من قبل .. سابحث عن الربط و انزله .. عبرك الاخ حامد نشكر الدكتور على ابوبكر على المجهودات الجبارة التى يقوم بتنفيذها وكل المشاركين معه من اجل الوطن وان شاء الله فى ميزان حسناتهم .. اما مبنى القيادة جزء منه يتحول الى متحف الثورة اثنى على اقتراحات وهذا يحتاج الى بوست منفصل .
وشكرا
|
Post: #7
Title: Re: مستشفى المغتربين بالقيادة العامة لاسر ال�
Author: حامد بدري
Date: 07-10-2019, 05:57 AM
Parent: #6
Quote: سلام حامد بدرى
أى عمل خير مهما قل او كثر هو افضل بلاشك .. كحلول اسعافية فى الوقت الراهن جيدة و مطلوبة بشدة لتقليل الصرف خصوصا لاشخاص يحتاجو الى فترة نقاهة الى شهور طويلة .. من اجل ان يرى المشروع النور فى القريب العاجل وبى اقل تكلفة .. تجتمع الاطراف المتخصصة نقابة الأطباء و وزير الصحة المعين من قحت لتوفير الكادر الصحى و تقيم تكلفة المعدات الصحية و جزء من المستشفيات فى المناطق الأكثر شهداء و المصابين .. وعلى الثوار يتم حصر اسر الشهداء والمصابين .. تجلس جميع الأطراف لتقدم دراسة جدوى للمشروع .. لمعرفة التكلفة الكلية ليتم الدعم عن طريق المغتربين و فاعلى الخير . اما المشروع الذى نحتاج فيه الى المغتربين مشروع كبير وذو فائدة للجميع ..لقد تم ذكره فى بوست اخر من قبل .. سابحث عن الربط و انزله .. عبرك الاخ حامد نشكر الدكتور على ابوبكر على المجهودات الجبارة التى يقوم بتنفيذها وكل المشاركين معه من اجل الوطن وان شاء الله فى ميزان حسناتهم .. اما مبنى القيادة جزء منه يتحول الى متحف الثورة اثنى على اقتراحات وهذا يحتاج الى بوست منفصل . |
صباح الخير ايمن اخوي
القيادة فيها مباني كتيرة وموقعا وسط العاصمة مناسب جدا لمشفى عام
المغتربين جاهزين تماما لما فيه مصلحة البلد والاعداد كبيرة جدا
|
Post: #8
Title: Re: مستشفى المغتربين بالقيادة العامة لاسر ال�
Author: أيمن نواى على
Date: 07-10-2019, 08:40 AM
Parent: #7
سلام حامد
القيادة فيها مباني كتيرة وموقعا وسط العاصمة مناسب جدا لمشفى عام
المغتربين جاهزين تماما لما فيه مصلحة البلد والاعداد كبيرة جدا
..................................
من ناحية أمنية صعب الجيش يوافق .. ممكن فى أى من الوحدات العسكرية لكن مقر القيادة لا اعتقد الجيش يوافق ..فى بداية الفترة الانتقالية يجب تجنب الاحتكاك بالجيش لبناء الثقة .. ثانيا من ناحية صحية القيادة قريبة من المطار ازعاج الطائرات للمرضى .. عادتا المريض يحتاج الى منطقة هادئة و نوم مريح ..ثالثا الفكرة تتعارض مع استراتيجية بعيدة المدى مجانية الصحة والتعليم .. حيث لا يحتاج اسر الشهداء الى مستشفيات مجانية خاصة بهم فى المستقبل .. اما اذا كان فى الوقت الحالى يمكن أن يخصص لهم بعض المبانى .. هناك كثير من المبانى يمكن تفريغها و بعيدة من المناطق السكنية المزدحمة .. هذا مجرد تلاقح افكار وإضافة للبحث عن الافضل .
اما بخصوص أموال المغتربين طالبنا بانشاء بنك المغتربين باسهم عامة .. لتمويل المشاريع الاستراتيجية .. لجذب تحويلات المغتربين البالغ قدرها حوالى ستة مليار دولار فى السنة للمساهمة فى توفير العملة الصعبة المدخلات الإنتاجية و الخدمية والبنية التحتية .. إضافة إلى رسوم التحويل البالغ قدرها 300 مليون دولار كانت تذهب للصرافات المصرفية .
|
|