كضباشيولوجي

03:49 AM July, 08 2019

سودانيز اون لاين
سيف الدين محجوب-
مكتبتى
رابط مختصر

يا جماعة الزول دا ما قال أنا خلاص ما بقيت الناطق الرسمي

طيب أمبارح بطربق على أي أساس ؟؟

أخاف الناس ديل يكونوا دقسونا وخدرونا ساي

ونحنا يا غافلين ليكم الله

غايتو ،،، الله يكضب الشينة

بتبالغ يا سيف
يعني انت صدقتو؟
طيب يكون كضباشي كيف
؟

تحياتي

أنا مش في صدقتو ولا ما صدقتو
أنا المحيرني بأن الحال في حالو
والجماعة ماخدين وضعهم كما كان عليه قبل توقيع الإتفاق
نفس المناظر
البرهان متجدع في التلفزيون وهاك يا تمليس والبراءة مقطعة بعضها
وكأنوا ما صار شي ،،، وأولادنا الراحوا فطايس نسيناهم خلاص

حميرتي حايم ووراه البقرة ود أًختو من لقاء سياسي لي لقاء سياسي

يعني الحال في حالو
ونحنا الشعب سجم الرماد جرونا على الضُل وقاعدين خاتين يدنا على خدنا
وكمان فرحانين بأن البرهان بقا يتكلم بالرندوك

يظهر علينا أكلنا نيم ،،، ولا الحنك شنو ؟؟؟؟

ناس الجلس العسكري ، دييل اتفه من ولدتهم أم سودانية ، وصدقوني حيقوموا يعملوا قلاقل أمنية
عشان يفشلوا كل الاتفاق اللي حتى ما كل الشعب السوداني راضي بيهو
دييل تحت جزمة النظام الداعشي العميق وبلاط سلاطنة السعودية والخليج
دييل لازم يتكنسوا من خريطة الانسان السوداني، حميدتي يكذب يوميا ويحلف
بالله اللي هو ما عارفه إنو ما داير سلطة ونسى إنو حام وسط الادارة الاهلية
والقرى والحضر عشان يسوق نفسه
ما في أي أمان من هذه العصابة الكيزانية المتفلتة ، جنود حميدتي الجنجويد طايحين
في الناس ذلة ومهانة وبمباركة المجلس العسكري الجيفة الحقير المريض، الجنجويد دييل بقيادة حميدتي
وعلى حسب شهادات من المتضررين كانو بيشيلوا الطفل من أمه ويجدعوهو في قطية بتتحرق
يخشوا الدكاكين في نيالا يشيلوا اللي عايزين يشيلوهو ، ولو اعترض سيد الدكان راس ماله طلقة
هذا هو حميدتي اللي جمع كل زبالة الانتهازيين متعطشي السلطة وعايز يعمل لينا مصلح إجتماعي ومنقذ
وكل دور إذا ما تم ينقلبُ عاملين رجالة على ناس عزّل تف عليكم

اخونا ترهاقا
يا سلاااااام عليك
إنت دايماً تجيني في حناني ظاتووووو

يعني أنا ما مشيت بعيد ،،، وفعلاً الجماعة جرونا على الضُل وكوعنا زي التنابلة

القصة شكلها ما ياها والجماعة ديل بنفذو في برامجم زي أول وأكتر
ونحنا غافلين وفرحانين ومنتشين بالإتفاق الهش الذي لا يثسمن ولا يُغني من جوع
والبرهان وحميرتي ( الطيرة المباري السيرة ) على قولك على رأس القائمة الرئاسية دليل كاف على إننا مسكنا العصاية من النص وركبنا التونسية

رحمة الله على عيالنا الشهداء الراحو فطايس في بلداً يقدل فيها الطيب مصطفى وتراجي وعرمان وتابعه قفة