هو انتو يعني كان بتسمحوا لي الواحد في السجن يحك اضانو ؟ اركز لاحدي ما تتحاكم ويتحاكم معاك كل القتلة و الحرامية . انت كيف تصلي وقبل لي نفسك تبطش بالناس 30 سنة ؟
Post: #2 Title: Re: يا احمد هارون داير تصلي صلي داخل زنزانتك ب Author: Osman Musa Date: 07-01-2019, 07:20 AM Parent: #1
قال يطالب يصلي في جماعة قال . صلي في زنزانتك .،انشاءالله في زنزانتك تعمل ليك سبحة لالوب عشرة متر . يازول ناس د. علي فضل الواحد فيهم ما كان لاقي يشيل نفسو من شدة تبز المسامير . تقول يخلوك تصلي في جماعة . لا
Post: #3 Title: Re: يا احمد هارون داير تصلي صلي داخل زنزانتك ب Author: محمد بدرالدين Date: 07-01-2019, 08:26 AM Parent: #2
عاوزين يجتمعوا يتلاقوا كلهم ف الصلاة ... و الصلاة تنهى عن الفحشاء و المنكر و هو ما خلى منكر .. يكفيه ( اكنس ما تجيبوا حى)
.. قال صلاة فى جماعة قال بس نستلم حكومتنا المدنية و نبنى مسجد كبير ف السجن و الحقوق مكفولة للجميع.. .. التحايا و التقدير عثمان الحبيب
Post: #4 Title: Re: يا احمد هارون داير تصلي صلي داخل زنزانتك ب Author: Gafar Bashir Date: 07-01-2019, 09:28 AM
يا اخوانا انتو بتتكلمو عن شنو وزنزانة ومساجين منو
لا في زول مسجون ولا في زول في زنزانة اذا طلع منها قوش والعباس والبشير ابلاقي ساجننهم عشان شنو
اي واحد قالو مسجون نكروهو بعد شوية
Post: #5 Title: Re: يا احمد هارون داير تصلي صلي داخل زنزانتك ب Author: Kostawi Date: 07-01-2019, 09:44 AM Parent: #4
Post: #10 Title: Re: يا احمد هارون داير تصلي صلي داخل زنزانتك ب Author: Osman Musa Date: 07-01-2019, 07:37 PM Parent: #5
اخونا الفنان كوستاوي سلامات . بلاي الواحد يصدق انو ده حاكم ولاية ؟ وكمان قريب جدا من اب جلبو . معقولة ده اسلوب رجل قانون ؟ اصلو ما فكر في انو الكلام ده بدرعلو. حبل المشنقة في تولاتو دي ؟ اها الليلة بتروح وين ؟ كاك لامن كاك . اركز. سسسسسساكت .
Post: #7 Title: Re: يا احمد هارون داير تصلي صلي داخل زنزانتك ب Author: Osman Musa Date: 07-01-2019, 04:32 PM Parent: #4
الاخ جعفر سلامات . لا. بس الخبر الاكيد هارون في داخل التمنة يا عمك . وسمحوا. ليه بي اعمدة المشاوي وعصيدة الدخن . بس الراجل طمعان في شم الهمبريب ودرجات صلاة الجماعة . لكن عمك السجان العجوز ابو شريط واحد الشغال من زمن الزعيم الازهري قالو. قوم لف . صلي في داخل التمنة يا مان . وارجع بي ذاكرتك واكتب مذكراتك ايام اكسح امسح .
Post: #6 Title: Re: يا احمد هارون داير تصلي صلي داخل زنزانتك ب Author: Osman Musa Date: 07-01-2019, 01:35 PM
عزيزنا محمد بدر الدي سلامات وبرضو. هو الكان مشارك البشير في المشورة بتاعت قتل ال 30 في المية من المعتصمين في القيادة . وكان عندو راي انو الفض يكون بي السكاكين مش بي الرصاص . عليك الله شوف البلد ده متسامح قدر شنو . وبعد. ده. كلو. بجي. يقول. يطالب بالسماح بي الصلاة. في جماعة . لا. لا. . كل. واحد. منهم. يصلي. براهو. في. زنزانتو. .
Post: #8 Title: Re: يا احمد هارون داير تصلي صلي داخل زنزانتك ب Author: محمد محمود محمد Date: 07-01-2019, 04:59 PM Parent: #6
اكتر شي بيحيّرني في الجماعة ديل يا عثمان اخوي ؛ تصوّراتهم عن ربنا سبحانه و تعالى ؛ يكتلوا ..يغتصبوا .. يستحلوا الاعراض ..يسرقوا و يفسدوا .. ربنا حيسألهم ؟ ..أبداً .. المهم الصلاة ..صيام الستوت ..الزبيبة في الجبهة . تحياتي.
Post: #9 Title: Re: يا احمد هارون داير تصلي صلي داخل زنزانتك ب Author: elsawi Date: 07-01-2019, 06:08 PM Parent: #8
سلام اخونا عثمان و سلامات لضيوفك
Quote: قال صلاة فى جماعة قال بس نستلم حكومتنا المدنية و نبنى مسجد كبير ف السجن و الحقوق مكفولة للجميع..
غايتو الأباريق كلها علي زمان اخونا معروف سند الله يطراهو بالخير قال هو سيتكفل بي تمباك البشير في سجن لاهاي
Post: #13 Title: Re: يا احمد هارون داير تصلي صلي داخل زنزانتك ب Author: Osman Musa Date: 07-02-2019, 10:40 AM Parent: #9
اخونا الصاوي سلامات . قلت. لي الاباريق عليك ؟ هههههها واحد فيهم قال بشم ريحة الجنة من اول دقيقة يعمر فيها الكلاش .
Post: #11 Title: Re: يا احمد هارون داير تصلي صلي داخل زنزانتك ب Author: Osman Musa Date: 07-02-2019, 07:41 AM Parent: #8
اخونا محمد محمود سلامات والله علامة الصلاة ما كنت عارف اسمها زبيبة . النجم عادل امام في شغلو للاخوان بيطلع خارج النص وبقول ايه حكاية الواحد يعمل بتاعة كدا في جبهتو ؟ طبعا في كتير من الناس العابدين الصادقين . لكن الويل للحرامية العنصريين عديمين الزوق .
Post: #12 Title: Re: يا احمد هارون داير تصلي صلي داخل زنزانتك ب Author: نصر الدين عثمان Date: 07-02-2019, 08:15 AM Parent: #11
تحياتي أخي محمد محمود ولصاحب البوست والضيوف الأكارم،
Quote: اكتر شي بيحيّرني في الجماعة ديل يا عثمان اخوي ؛ تصوّراتهم عن ربنا سبحانه و تعالى ؛ يكتلوا ..يغتصبوا .. يستحلوا الاعراض ..يسرقوا و يفسدوا .. ربنا حيسألهم ؟ ..أبداً .. المهم الصلاة ..صيام الستوت ..الزبيبة في الجبهة .
هو ذا السؤال الذي ينبغي أن يقفوا هم أنفسهم عنده طويلاً!!؟
ويقيني أن استمرائهم للكذب هو الذي جعلهم محل تلك المفارقة!!؟
بيد أن أبلغ وصفين اطلقا عليهم (أنهم يفوقون سوء الظن العريض) و(من أين آتى هؤلاء) ينطبقان تماماً عليهم
Post: #14 Title: Re: يا احمد هارون داير تصلي صلي داخل زنزانتك ب Author: Osman Musa Date: 07-10-2019, 12:34 PM Parent: #12
اخونا نصرالدين سلامات معليش الابتعاد عن البوست كان بي سبب مافي انترنت في البلد اهو ليلة البارح رجع متقطع . برجع ليك لي مطالبة السجين صاحب التهمة الكبيرة .