حقيقة طال الغياب عن المنبر الا من بعض طلات وقفذات هنا وهنالك حينما يستسمحنا الوقت للقراءة أو الكتابة .. من الملاحظ في فترة الغياب الطويلة هذه وبعد اختلاس النظر عن كثب وجدت وخلصت الى أن تغيرات كثيرة ومثيرة قد ضربت بأطنابها المنبر .. تغيرت الحال والمأل .. أختفت أقلام وظهرت اخرى جديدة .. بعضهم اشتهر بأبداعاته والبعض اشتهر بتجليطاته !! وربما تطور وسائل التواصل وسهولة متابعة الكثير من الوسائط التي ظهرت بعد سودانيز أون لاين لها أكبر الاثر في هذا .. فما عاد الأصدقاء هم الأصدقاء هنا .. ولا حتى الأعداء هم الأعداء .. قبيلة الفنانين والموسيقيين اختفت تقريبا من الكتابة في المنبر !! وأن تعاظم وتكاثف وجودهم في الوسائط الأخرى .. لاحظت قلة المنتوج الشعري والروائي الادبي من صفحة المنبر رغم ظهور اقلام جديدة وهنالك الكثير من التغيرات .. ولكن رغم كل ذلك لا يزال المنبر محتفظا برائحته القديمة خاصة أن هنالك الكثير من المحاربون القدامى لم يستسلمو لضربات الواتساب والفيسبوك والتويتر ولا زالو متثبثين بالكتابة هنا كمنبع أساسي وبعدها يفرقون كتاباتهم على بقية الوسائط ..
مرحب بالجميع اصدقاء وأعداء وان شاء الله نواصل في الكتابة متى ما رحمنا الوقت .
Post: #2 Title: Re: العودة لـ سودانيز أون لاين وهواجس البحث ع� Author: محمد علي البصير Date: 06-27-2019, 02:08 PM Parent: #1
Quote: شرفت يا زعيم
العود أحمد
الحصة وطن
Post: #3 Title: Re: العودة لـ سودانيز أون لاين وهواجس البحث ع� Author: muntasir Date: 06-27-2019, 02:23 PM Parent: #2
عوداً حميداً يا ناذر ، انت ما طولت لكن زي ما قال المثل الما أدبتو الكشتينة يأدبو إغتراب السعودية
Post: #4 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-27-2019, 02:32 PM Parent: #1
هلا محمد البصير ..
Quote: شرفت يا زعيم
العود أحمد
الحصة وطن
ومعك نترحم على الذين سقطو شهداء لأجل الوطن ..
Post: #5 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-27-2019, 02:33 PM Parent: #1
هههههههههه يا منتصر ..
Quote: عوداً حميداً يا ناذر ، انت ما طولت لكن زي ما قال المثل الما أدبتو الكشتينة يأدبو إغتراب السعودية
لو ماعلقت عليك مشكلة ولو سكت مدني بتغرق ..
Post: #6 Title: Re: العودة لـ سودانيز أون لاين وهواجس البحث ع� Author: adil amin Date: 06-27-2019, 02:50 PM Parent: #5
سودانيز اون لاين اجمل وطن حياك الله يا ناذر والله والسلام للجميع من حولك ودي اغنية ليك وانت راجل فنان
والله يرحم عضو البورد القديم هاشم ميرغني
Post: #7 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-27-2019, 03:15 PM Parent: #1
يا سلام عليك يا عادل ..
Quote: سودانيز اون لاين اجمل وطن حياك الله يا ناذر والله والسلام للجميع من حولك ودي اغنية ليك وانت راجل فنان
وأنت من المحاربين القدامى في هذا البورد الذين ذكرتهم في المقدمة .. تابعت مداخلاتك الأخيرة التي لازلت تبشر فيها بالسودان القديم وتابعت مداخلات وردود أفعال من يعارضون أراءك .. يسرني انك لا زلت متشبثا بأرائك ومعتقدادك رقم السنين ..
بشاشا برضو والله متكيف منو .. لسع هو هو .. وأنا من دوري بهديو ليو أو بمرر ليو نفس الغنية الأهديتني ليها ..
بعدين شايف أمنة مختار ربنا يديها العافية اعتنقت الكوشية .. لمحت ليها بوست فيهو رموز وعبارات من الحقبة دي !!
تسلم يا عادل ..
Post: #8 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-27-2019, 03:15 PM Parent: #1
مكرر
Post: #9 Title: Re: العودة لـ سودانيز أون لاين وهواجس البحث ع� Author: Dr. Ahmed Amin Date: 06-27-2019, 03:19 PM Parent: #8
Post: #10 Title: Re: العودة لـ سودانيز أون لاين وهواجس البحث ع� Author: Deng Date: 06-27-2019, 03:58 PM Parent: #9
مرحبا بعودتك يا نازر.
Post: #11 Title: Re: العودة لـ سودانيز أون لاين وهواجس البحث ع� Author: عبدالعظيم عثمان Date: 06-27-2019, 05:35 PM Parent: #10
عودا حميدا يا ناذر ادخل بي رجلك الشمال، مقدمتك الفوق بي شحتفتها بتشبه دقشة الحلة بعد رمضان دائما بتكون مسبوقة بي لهفة والمشوار بكون طويل لغاية ما تصل وترفع الشوال وتووش تقعد في البنبر
Post: #12 Title: Re: العودة لـ سودانيز أون لاين وهواجس البحث ع� Author: حامد بدري Date: 06-27-2019, 06:03 PM Parent: #11
اليوم ده اسعدني مرتين الاولى :
شاب جزائري فوزي زعبر في اسطنبول انقذ طفلة سورية ضحى سقطت من الطابق الرابع مسافة عشرة امتار انقذ حياتها وذهب بها لحديقة الحي للمراجيح منظر صنع يومي
والتاني : جيتك اتا يافنان مرحبيك وحبابك الف
والفرحة قدر فرحة الام الكانت مشغولة بالطبيخ ولقت بتها صباها الشاب الجزائري وعقبال تكتمل الفرحة الكبرى بصبة الوطن السودان
Post: #13 Title: Re: العودة لـ سودانيز أون لاين وهواجس البحث ع� Author: علاء سيداحمد Date: 06-27-2019, 07:06 PM Parent: #12
مرحبا بعودتك يا ناذر
Post: #14 Title: Re: العودة لـ سودانيز أون لاين وهواجس البحث ع� Author: محجوب البيلي Date: 06-27-2019, 08:02 PM Parent: #13
حباب ناذر.. نورت المكان.
ياريت تعود كل الأقلام المهاجرة.. والمكاجِـرة..
Post: #15 Title: Re: العودة لـ سودانيز أون لاين وهواجس البحث ع� Author: عباس محمود Date: 06-27-2019, 09:00 PM Parent: #14
ألف مرحب بيك ياناذر
Post: #16 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-29-2019, 06:46 AM Parent: #1
مشتاقون والله أيها المحارب القديم .. كيف أخبارك وكيف الأسرة الكريمة ..
وان شاء الله مواصلون على الدرب ..
Post: #17 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-29-2019, 06:47 AM Parent: #1
هلا دينق ..
Quote: مرحبا بعودتك يا نازر.
ما شاء الله تبارك الله أو المحاربين القدامى المعتقين في البورد ظهرو هههههه
تسلم كتير ومعك نواصل من أجل سودان حر ديمقراطي ..
Post: #18 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-29-2019, 06:50 AM Parent: #1
هههههههههه هلا عبد العظيم ..
Quote: عودا حميدا يا ناذر ادخل بي رجلك الشمال، مقدمتك الفوق بي شحتفتها بتشبه دقشة الحلة بعد رمضان دائما بتكون مسبوقة بي لهفة والمشوار بكون طويل لغاية ما تصل وترفع الشوال وتووش تقعد في البنبر
قبل الدخول الواحد لازم يتحسس مواضع القدم عشان نشوف هل الأسلوب القديم في الكتابة مناسب ولا نعمل ليو شوية سمكرة وتعديلات يلائم المرحلة الجديدة والعضوية الجديدة والقراء الجدد كمان ..
Post: #19 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-29-2019, 06:53 AM Parent: #1
يا سلام عليك يا حامد بدري ..
Quote: ليوم ده اسعدني مرتين الاولى :
شاب جزائري فوزي زعبر في اسطنبول انقذ طفلة سورية ضحى سقطت من الطابق الرابع مسافة عشرة امتار انقذ حياتها وذهب بها لحديقة الحي للمراجيح منظر صنع يومي
والتاني : جيتك اتا يافنان مرحبيك وحبابك الف
والفرحة قدر فرحة الام الكانت مشغولة بالطبيخ ولقت بتها صباها الشاب الجزائري وعقبال تكتمل الفرحة الكبرى بصبة الوطن السودان
تسلم كتير على الكلمات .. فيديو الشاب الجزائري ما شفتو والله .. بخش اليوتيوب بعد شوية افتشو او يا ريتك تنزلو هنا عشان نفرح ونسعد معاك .. ويا ريت الوطن كلو يفرح زي فرحة الام الوصفتها دي ..
Post: #26 Title: Re: العودة لـ سودانيز أون لاين وهواجس البحث ع� Author: حامد بدري Date: 06-29-2019, 10:04 AM Parent: #19
Quote: تسلم كتير على الكلمات .. فيديو الشاب الجزائري ما شفتو والله .. بخش اليوتيوب بعد شوية افتشو او يا ريتك تنزلو هنا عشان نفرح ونسعد معاك .. ويا ريت الوطن كلو يفرح زي فرحة الام الوصفتها دي ..
تستاهل يافنان في الوكت العسكر قاعد يكتل في الشباب بالسودان هنا شاب اعطى امل وحياة لطفلة ومستقبل مطمئن نتمناه خال من البارود والتشرد
Post: #20 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-29-2019, 06:54 AM Parent: #1
هلا علاء ..
Quote: مرحبا بعودتك يا ناذر
تسلم يا حبيب .. مشكور كتير ..
Post: #21 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-29-2019, 06:56 AM Parent: #1
أوووووووووو حبيبنا ود البيلي .. كيف أنك ..
Quote: حباب ناذر.. نورت المكان.
ياريت تعود كل الأقلام المهاجرة.. والمكاجِـرة..
ومعك ندعو كل الغاضبين والحردانين والمشغولين للعودة للمنبر الوطن الأساس ..
Post: #22 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-29-2019, 06:57 AM Parent: #1
هلا عباس ..
Quote: ألف مرحب بيك ياناذر
الله يبارك فيك تسلم كتير ..
Post: #23 Title: Re: العودة لـ سودانيز أون لاين وهواجس البحث ع� Author: عبدالله ود البوش Date: 06-29-2019, 08:49 AM Parent: #22
عليك بأتباع طريقة خائنة خايفة تقعد متسايفة وتاكل متعايفة او تلك التي ذات المثل الشهير انا وانت والمونساتية الأيام دي ما سوقنا فالحصة وطن جد نخلي الوضع يستعدل ونغني معاكم دردق بي يا اللوري دردق بي او كما قال ابوحراز مشتاقين يا ود اختي
Post: #24 Title: Re: العودة لـ سودانيز أون لاين وهواجس البحث ع� Author: عبداللطيف خليل محمد على Date: 06-29-2019, 08:54 AM Parent: #23
بس تورينا انك كنت وين ؟ وخليك واضح ..
الترحاب والذي منو .. دا شي تاني .
Post: #25 Title: Re: العودة لـ سودانيز أون لاين وهواجس البحث ع� Author: ياسر السر Date: 06-29-2019, 09:05 AM Parent: #23
عوووووووود لينا يا ليل الفرح وداوي القليب الإنجرح .. حمد لله الف الف الف ،،، على السلامة يا ناذر والله ليك وحشة يا استاذ ياخي طولت الغيبة كتير ياخي .. على كل حال عودا حميدا مستطاب ... وواصل كفاحك وخليك حريص ..
تحياتي : ياسر العيلفون ....
Post: #27 Title: Re: العودة لـ سودانيز أون لاين وهواجس البحث ع� Author: abdalla osman Date: 06-29-2019, 11:40 AM Parent: #25
نورت يا ناذر والف مرحب.. يا ريت يظهروا الناس المختفين من زمان .. حنين شديد لتلك الايام.
Post: #28 Title: Re: العودة لـ سودانيز أون لاين وهواجس البحث ع� Author: النصرى أمين Date: 06-29-2019, 01:21 PM Parent: #27
يا زول مافى هواجس ولا شتين. رش من طرف . Just remember
Virtual reality
.All emotions here are not real
Don't get upset, don't get mad Whatever you read is not real
Post: #29 Title: Re: العودة لـ سودانيز أون لاين وهواجس البحث ع� Author: Mohamed Adam Date: 06-29-2019, 05:27 PM Parent: #28
يظهر برضو موعودين بعودة ولو خاطفة لأم رشيرش(أم ضفاير)! دا طبعا لو إنتهت من مقابلة الإدارات الأهلية فردا فرد!! المهم.. عودة سعيدة يا أستاذ ناذر وماتنسي تقوليها تشيل البِدها تشيلو وتسيب لينا الوطن(عين دامعة ياناذر)!.
Post: #30 Title: Re: العودة لـ سودانيز أون لاين وهواجس البحث ع� Author: أيمن دياب Date: 06-30-2019, 06:46 AM Parent: #29
مرحباً بنجم نجوم البورد في عصره الذهبي.. عوداً حميداً مباركاً..
Post: #31 Title: Re: العودة لـ سودانيز أون لاين وهواجس البحث ع� Author: هاشم عبدالله بشير Date: 06-30-2019, 07:10 AM Parent: #30
الف الف الف حمد على سلامة عودتك ناذر حقيقة المنبر يفقتقدك ويفتقد كثيرون
اتمنى تكون عودة مؤشر لعودة اخوة اعزاء نفقدهم
Post: #32 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:01 AM Parent: #1
يا سلام يا حامد ..
Quote: تستاهل يافنان في الوكت العسكر قاعد يكتل في الشباب بالسودان هنا شاب اعطى امل وحياة لطفلة ومستقبل مطمئن نتمناه خال من البارود والتشرد
موقف موثر جدا ودا فعلا بطل حقيقي .. تسلم كتير ..
Post: #35 Title: Re: العودة لـ سودانيز أون لاين وهواجس البحث ع� Author: Osman Musa Date: 06-30-2019, 08:09 AM Parent: #32
مرحب بعودتك اخي ود الخليفة . وياخ بي المهلة بعد العودة دايرك تعمل بوست عريض عن نادي الاسرة المسروق . وانت ابن البكان وشاهد علي تاريخو . النادي ده الان اصبح ملك الحرامية ولابد من تحريرو. وعودتو. يلمع زي زمان .
Post: #33 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:07 AM Parent: #1
أووووو الأرباب ود البوش ..
Quote: عليك بأتباع طريقة خائنة خايفة تقعد متسايفة وتاكل متعايفة
ياخ لكن مثلك عجيب هههههه
Quote: انا وانت والمونساتية الأيام دي ما سوقنا فالحصة وطن جد نخلي الوضع يستعدل ونغني معاكم دردق بي يا اللوري دردق بي
الحصة وطن .. والبورد البيميزو التنوع بتاعو وزمان كنا بناكد على انو المبر دا زي السوق .. تفرش بضاعتك والعاوز يشتري يشتري والعاوز يتفرج يتفرج .. والتنوع في البضاعة دا هو واحد من الأسباب الخلت المنبر دا علم على رأسه نار وضلابت شهرته الأفاق . فخلينا نحافظ على التنوع دا ..
Quote: مشتاقين يا ود اختي
كتير والله وخلينا نشوفك في جخانين البلد دي رغم المشغوليات وبعد المسافات ..
Post: #34 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:08 AM Parent: #1
حبيبنا عبد اللطيف ..
Quote: بس تورينا انك كنت وين ؟ وخليك واضح ..
مشاغل الحياة وهموم المعايش وكثرة التسفار يا حبيب ههههه
Post: #36 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:13 AM Parent: #1
يا فنان يا ود العيلفون ..
Quote: عوووووووود لينا يا ليل الفرح وداوي القليب الإنجرح .. حمد لله الف الف الف ،،، على السلامة يا ناذر والله ليك وحشة يا استاذ ياخي طولت الغيبة كتير ياخي .. على كل حال عودا حميدا مستطاب ... وواصل كفاحك وخليك حريص ..
الله يسلمك يا حبيب .. في المقدمة ذكرت انو قبيلة الموسيقيين والفنانين مساهماتا انقرضت في البورد تقريبا .. الثورد دي ظهرت فيها ابداعات غنائية وموسيقية ما ساهلة محتاجة تجميع وتوثيق .. واحدة من مشاريعي انشاء الله انو اعمل توثيق كامل شامل لكل الأعمال الفنية الظهرت ايام الثورة سواء موسيقي او فنون تشكيلية أو شعر .. لانها اسهمت مساهمة فعالة جدا في عملية الدعم والتحفيز والتشجيع .. حرام انو الحقبة التاريخية دي ما يتم فيها تجميع المساهمات دي وتصنيفها وفهرستها واتمنى تكون معاي في العمل دا باذن الله ..
Post: #37 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:21 AM Parent: #1
هلا عبد الله عثمان ..
Quote: نورت يا ناذر والف مرحب.. يا ريت يظهروا الناس المختفين من زمان .. حنين شديد لتلك الايام.
صدق كتير جدا في الواتساب او الفيس بتظهر كتابات من ناس يحنو ويتوقو للعودة .. قبل فترة في قروب واحد فتح الموضوع دا والناس كلها اجمعت على العودة حتى تم حصر الناس العندهم باصويرد والفقدو باصويرداتم وطريقة استرجاع الباصويرد .. لكن الناس تجاهلت الموضوع مع الاحداث الحصلت في السودان مع انو الاحداث دي كانت أكبر مبرر للعودة والمساهمة في موقع مقروء ومتابع من قبل الكثيرين .. على كل حال نتمنى من الجميع العودة ..
Post: #38 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:23 AM Parent: #1
بالغت يا النصري هههههههه
Quote: Whatever you read is not real
عشان كدة قلت هواجس الكتابة والبحث عن مدخل هههههه
Post: #39 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:26 AM Parent: #1
أوووووووووووو الكونت يا أيه الهنا الانا فيو دا ههههه
Quote: يظهر برضو موعودين بعودة ولو خاطفة لأم رشيرش(أم ضفاير)! دا طبعا لو إنتهت من مقابلة الإدارات الأهلية فردا فرد!!
تقابلم وين ؟ .. الجماعة كرشوهم من المعرض وجدعو ليهم شنط الصفيح الجابوها معاهم برة في الشارع والبركة في ال200 مليون الأستلموها من حميدتي ههههههه
Quote: عودة سعيدة يا أستاذ ناذر وماتنسي تقوليها تشيل البِدها تشيلو وتسيب لينا الوطن(عين دامعة ياناذر)!.
الوطن موجود يا مان .. شلت يد البتمتد ليو رغم الأوباش الحايمين فيهو اليومين دي .. وما تهتمو للايام .. ظروف بتعدي ..
Post: #40 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:28 AM Parent: #1
الحبيب شيخ العرب أيمن دياب ..
Quote: مرحباً بنجم نجوم البورد في عصره الذهبي.. عوداً حميداً مباركاً..
تسلم يا حبيب وبمناسبة العصر الذهبي أحب أذكرك أنو أم جركم ما بتاكل خريفين ههههه
Post: #41 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:37 AM Parent: #1
حبيبنا هاشم ..
Quote: الف الف الف حمد على سلامة عودتك ناذر حقيقة المنبر يفقتقدك ويفتقد كثيرون
اتمنى تكون عودة مؤشر لعودة اخوة اعزاء نفقدهم
الله يسلمك يا حبيب .. ومعك ننتظر عودة الاخرين ..
Post: #42 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:39 AM Parent: #1
حبيبنا عثمان موسى كيفك يا راجل
Quote: رحب بعودتك اخي ود الخليفة . وياخ بي المهلة بعد العودة دايرك تعمل بوست عريض عن نادي الاسرة المسروق . وانت ابن البكان وشاهد علي تاريخو . النادي ده الان اصبح ملك الحرامية ولابد من تحريرو. وعودتو. يلمع زي زمان .
كتبت بوستا قبل سنوات عن نادي الاسرة وبكافة التفاصيل وعلق على البوست المرحوم خالد الحاج في سودانيات .. دقيقة اشوف الرابط لو البوست موجود دا لو ما شالو الهكر الزمان داك ..
Post: #43 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 06-30-2019, 08:48 AM Parent: #1
Post: #44 Title: Re: العودة لـ سودانيز أون لاين وهواجس البحث ع� Author: ياسر السر Date: 06-30-2019, 11:15 AM Parent: #43
Quote: واتمنى تكون معاي في العمل دا باذن الله ..
ياخي ده شرف لا اقوى على حمله اخي ناذر ولكن معاك لي اخر السكه ان شاء الله يا حبيب ،،، وفعلا هذه الحقبة لابد ان توثق وينهل منها الاجيال جيلا بعد جيل ...
ويا ريت تزورنا مرة ياخي ...
تحياتي : ياسر العيلفون ...
Post: #45 Title: Re: العودة لـ سودانيز أون لاين وهواجس البحث ع� Author: Osman Musa Date: 06-30-2019, 11:36 AM Parent: #44
كنت متابع البوست الكارب القديم . وعشان موجعانا سرقة المكان التاريخي دايرنك تتلب لينا تاني وتكون التليبة دي تليبة عودة البكان لي ناسو . ونفضو من الجلبطة والتفطيس . لهم اللعنة
Post: #46 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 07-01-2019, 05:12 AM Parent: #1
سلام ياسر ..
Quote: ياخي ده شرف لا اقوى على حمله اخي ناذر ولكن معاك لي اخر السكه ان شاء الله يا حبيب ،،، وفعلا هذه الحقبة لابد ان توثق وينهل منها الاجيال جيلا بعد جيل ...
نعم الحمل ثقيل والمهمة شاقة ولكن بتكاتفنا جميعا قبيلة الموسيقيين والفنانين والشعراء .. نستطع جمع المواد المتناثرة في الوسائط هنا وهنالك ولربما استطعنا استنطاق بعض الشهود ممن حضرو لحظات ميلاد العمل الفني او توثيق ما يتحدث عنه العمل الفني .. وسنقدر عليها باذن الله بعد عودة قبيلة المبدعين للمنبر ولو حتى عودة مؤقتة من اجل انجاز هذا العمل الهام ..
Quote: ويا ريت تزورنا مرة ياخي ...
انتظرت حضورك في افطار رمضان الفائت ... ويبدو انك تأخرت وأنا جئت من مكان بعيد وعلمت بعدها انك جئت بعدي وأطربت الحضور ..
الجايات اكتر من الرايحات بأذن الله .
تسلم
Post: #47 Title: Re: العودة لـ سودانيز أون لاين وهواجس البحث ع� Author: ناذر محمد الخليفة Date: 07-01-2019, 05:14 AM Parent: #1
الحبيب عثمان ..
Quote: وعشان موجعانا سرقة المكان التاريخي دايرنك تتلب لينا تاني وتكون التليبة دي تليبة عودة البكان لي ناسو . ونفضو من الجلبطة والتفطيس . لهم اللعنة
نعم لا زالت الوجهة تسكن جوانا والجرح ينوسر وان شاء الله ساعاود الكتابة لضمان عودة الحق المسلوب مع تياشير عودة النظام المدني الديمقراطي في السودان ..