العسكري يضرب بكل اتفاقياته مع "قحت" عرض الحائط

04:47 PM June, 24 2019

سودانيز اون لاين
محمود الدقم-
مكتبتى
رابط مختصر

1-
منذ فضه للاعتصام وتوهمه بانه كسر العصيان تغيرت لغة المجلس العسكري تجاه قحت، واصبح يتحدث ويخاطب ويملي شروطه بصوت عالي، حتي الكيزان بداءو في الظهور الاعلامي باريحية مثل الطيب مصطفي، حتي حسم العسكري خياراته التفاوضية مع قحت فلجاء العسكري الي تكوين لجنة لمخاطبة الحركات المسلحة لبدء حوارا فوري معها بقيادة دقلوا والعطا وكباشي، وهذا يعني عمليا بان العسكري اغلق الباب نهائبا مع اعلان الحرية والتغير، وهو خيار سيدفع الجميع ثمنه، لان خيارات قحت الان هي التالي:
1-المساندة الخارجية التي ستجدها من المجتمع الافريقي ممثلا في الاتحاد الافريقي
2-سند اوروبي ممثلا في الترويكا والايقاد.
3-دعم من الولايات المتحدة وبريطانيا كونهما يدعمان مبادرة ابي احمد الاثيوبية.
4-الشوارع السودانية التي ستخرج بعد اسبوع من الان.
5- معظم النقابات الفاعلة، اطبا المركزية، الصيادلة المركزية، المعلمين المركزية، نقابة الطياريين، الموانيء، الصيارفة.. الخ.

2-
خيارات العسكري:
1-الكوتة او الادارات الاهلية وهي غير مؤهلة اصلا في ادارة البلاد في حال سيستعين بهم في البرلمان من باب التعين.
2-احزاب الظار وجماعته مثل اشراقة سيد محمود وابوقردة وتراجي الخ.
3-مليشياته.
4-المنشقين من العدل والمساواة ومني اركوي في الحركة الشعبية في حال كانت هناك اغراءات.
لكن في كل الاحوال الامور لن تسير علي خير من جديد للجميع، وهنا يبرز دور الجاليات السودانية ببيرطانيا وامريكا والاتحاد الاوروبي خاصة للضغط علي هذه الحكومات لحث العسكري التنازل نهائيا عن السلطة للمدنيين وليس مشاركتهم في اي منصب علي ان تكون قحت جاهزة علي المستوي الوزاري والبرلماني

تحياتي محمود
شايف حميدتي احرج الكباشي قال صاح نحنا ما وقعنا معاهم زي ما قال كباشي لكن الراجل بربطوه من لسانه هههه
تاني النسب السيادة زي التشريعي فيفتي فيفتي
في اشارة لقبول المبادرة الافريقية التي رشح انها تقول بمناصفة السيادة لكن التشريعي 50%+1 للتحالف

السلام عليكم
ونحن نتعب ونصفي الكيزان عشان شنو
خليهم يبرطعوا في دولتهم ودول الجوار الأقرب والأبعد .
بعد المجزرة ما في داعي لتصفيتهم ، علي الأقل بدل
الدول المجاورة ترتاح وتعذبنا خليها تتعذب معانا.

Quote: السلام عليكم ونحن نتعب ونصفي الكيزان عشان شنو خليهم يبرطعوا في دولتهم ودول الجوار الأقرب والأبعد . بعد المجزرة ما في داعي لتصفيتهم ، علي الأقل بدل الدول المجاورة ترتاح وتعذبنا خليها تتعذب معانا.

وعليكم السلام استاذة اخلاص، بصراحة ما فهت الفكرة الكلية لمداخلتك لكن الدولة العمقية ما حتخلي السودان في حالوا نهائي، والمصيبة هم الان صنفو الشعب السوداني الذي خرج ضدهم بانهم شيوعيين، وعلمانيين
وليبراليين وكفار، واستغلوا رجال الدين من انصار سنة و"دواحش" لتفتيت النسيج الاجتماعي واخر مكرهم شغاليين في حنك انو ناس الغرابة جايين الخرطوم كيستطنوا ليكم ويطلعوكم من بيوتكم.

بالاضافة لسياسة فرق تسد وضرب قوي الثورة الشبابية بعضهم ببعض، يعني ياهم يحكموا ياالشعب والسودان يروح في ستين داهية، كما قلت لود البشري في مداخلتي له العسكري ينقصوا توزيع المهام منو بتحدث ومنو ينكتم
المجدلس العسكري مش عايك يفهم ابدا ان المجتمع الدولي رااااافضو تماما ولن يتعامل معاه وبالرغم من ذلك المجلس العسكري شغال ليل نهار لتكوين حكومة سوق ام دفسو من تراجي والشرتايات والادارات الاهالية التي ليس لها اي
خبرة في داراة مناطقهم ناهيك ادارة البلد، ودي براها كارثة.
شكرا كتير للمداخلة

Quote: تحياتي محمود شايف حميدتي احرج الكباشي قال صاح نحنا ما وقعنا معاهم زي ما قال كباشي لكن الراجل بربطوه من لسانه هههه تاني النسب السيادة زي التشريعي فيفتي فيفتي في اشارة لقبول المبادرة الافريقية التي رشح انها تقول بمناصفة السيادة لكن التشريعي 50%+1 للتحالف

هلا ود البشري العسكري امورو جايطة شديد يبدو لي انهم عندم مشكلة في اداراة الازمة وفي اداراة المهام وفي ادارة التصريحات منو يصرح ويقول شنو
لكن نري هذه النتقاضات التي تصب كلها في مصلحة قحت والمهنيين
تسلم كتير

كلام الدكتورة اخلاص مع التقدير
(ونحن نتعب ونصفي الكيزان عشان شنو
خليهم يبرطعوا في دولتهم ودول الجوار الأقرب والأبعد .
بعد المجزرة ما في داعي لتصفيتهم ، علي الأقل بدل
الدول المجاورة ترتاح وتعذبنا خليها تتعذب معانا.)
.....ذكرنى واحد بلدياتنا كان عندو ضرس مجننو
قام مشى للدكتور و طلب منه خلع كل اسنانه عدا الضرس التعبان
قال عشان الضرس يقعد براه زى الكلب
...
ليه ما يخرج كل السودانيين ف كل انحاء العالم يوم 30 يونيو
يا ريت ق ح ت لو دعا لذلك
.. المجلس مهما فعل لهم ق ح ت و خصوصا بعد مجزرة 29 رمضان صعب جدا ان يتنازلو او يعطوا اغلبية ل ق ح ت
سيتشبثون بالحكم بقوة خوفهم على حياتهم و محاكماتهم
.. ارادة الشعوب لا تقهر .. و النصر لنا
التحايا و التقدير الاستاذ الحبيب محمود
مودتى و تقديرى

Quote: ليه ما يخرج كل السودانيين ف كل انحاء العالم يوم 30 يونيو يا ريت ق ح ت لو دعا لذلك .. المجلس مهما فعل لهم ق ح ت و خصوصا بعد مجزرة 29 رمضان صعب جدا ان يتنازلو او يعطوا اغلبية ل ق ح ت سيتشبثون بالحكم بقوة خوفهم على حياتهم و محاكماتهم .. ارادة الشعوب لا تقهر .. و النصر لنا

شكرا اخي محمد بدرالدين، اعتقد ان هناك فعاليات قوية وكبيرة في اوروبا والامريكتين واستراليا والتجهيزات جارية علي قدم وساق بهذا الخصوص وهناك تحضيرات الان في فرنسا وبريطانيا والجاليات الان بدات في
ابتكار شكل جديد من اشكال الاحتاجاجات مثل تجسيد مشاهد الاغتصاب للنساء في الساحات العامة تقريبا حدث هذا في امسترادم وويلز.

وما ننسي حملة Blue For Sudan التي اجتاحت العالم حتي راينا مدن كبري مثل لندن توشحت ب اللون الازرق محاطات البصات والاماكن العامة، بصراحة استطاعا الجاليات السودانية لعب دور كبير جدا في لفت انظار العالم
لحقيقة ما يجري في السودان ونتمني ان يستمر هذا الدور للاخير، وان لا يكون مقتصرا فقط لان الاحداث حدثت في العاصمة الخرطوم، بل اذا حدثت في اي مدينة او قرية في السودان علينا ان نخرج فورا بالداخل والخارج للتعبير
عن غضبنا وسخطنا لما يحدث، عاطر الشكر والامتنان اخي محمد بدر الدين.

يا رب تنصرنا و تخلص الشعب منهم
و ما ننسى ايضا الاتصال بالجوال على الناس ف السودان
لظروف النت ..
شكرا الحبيب محمود للمعلومات المبشرة
و يا لبشرى الوطن لامثالكم
و منتصرين باذن الله
اللهم فرجك و نصرك