ظاهرة سب الدين والألفاظ البذيئة في مواقع التواصل الاجتماعي

08:01 AM June, 12 2019

سودانيز اون لاين
ombadda-السودان
مكتبتى
رابط مختصر

كنا معروفين بأننا شعب عف اللسان.. من النادر ان تسمع ألفاظ بذيئة او خادشة
وانت تسير في الشارع أو تتجول في الأسواق عكس ما نسمع في دول الجوار.
لاحظت في الأسابيع الأخيرة وبسبب متابعتي اللصيقة لأخبار الثورة في التويتر بأن
سب الدين والألفاظ البذيئة صارت عادية ولا تلقى استهجان من المتابعين، والأنكي انها تأتي
من فتيات يافعات صغيرات في السن..
سأورد أمثلة كابشر سكرين مع حجب الاسماء
إلى أين نحن ذاهبون؟

السلام عليكم
ملاحظتك في مكانها وبالجد ده تدهور مريع في اخلاقياتنا كسودانيين

شكرا لمرورك، وليد التلب..
بناتنا واولادنا ديل مؤدبين شديد وقاعدين يتعلموا يادوب الألفاظ دي والدليل ماسكين فط لفظين تلاته
ما دخلوا في الغريق 😂

سلامات امبدة, والله ما كنت عايز اعلّق على موضوع البوست - على الأقل الآن ودماء شهدائنا لم تجف بعد
لكن استفزاني تعليق الأخ وليد التالي

Quote: بالجد ده تدهور مريع في اخلاقياتنا كسودانيين

معقول يا وليد!! دا يادوب بقى التدهور في اخلاقنا كسودانيين
خليني ارجع بيك تلتين سنة بس ما ابعد من كدا وشوف التدهور الجد
سوداني يغرز مسمار في رأس طبيب ظنا منه انه دا عمل يقربه إلى الله
سوداني تاني يغتصب معتقل أو يهدد معتقله بالاغتصاب أو يقذفها بشتمها بالعاهرة بنت العاهرة ثم يسرع ليتوضأ كي يلحق صلاة الجماعة
سوداني تالت يفتح للراشي درج المكتب ليضع الرشوة لأنه لا يريد ان يمسها فيفسد وضوؤه
سوداني رابع يسمع بمقتل العشرات من مواطنيه في اقصى اطراف البلاد على يد مليشيات فيسكت بل ربما ينبسط في سره و يحمد الله على نعمة الأمن و الاستقرار واننا لسنا سوريا وليبيا
وآخر يلغ في عرض الناس وسيرتهم لأنهم يخافونه الرؤية
و آخر وآخر وآخر ...
معقولة بس تدهورت الاخلاق يا دووب, مع انتشار النت و تويتر الخلاك تقرأ الفاظ لو كنت بتخش اي ستاد كورة كنت ستسمعها و اقذع منها في العلن
ومن متين الاخلاق بقت الفاظ, ادباء و شعراء و مذيعين ورؤساء تحرير صحف يجيدون انتقاء الالفاظ اللطيفة لكن اخلاقهم و موالاتهم الظالمين و السكوت عليهم تضعهم اسفل سافلين
شفت الشباب الشايفهم جريئين ديل وبشتموا ويكسّموا ويصرفوا في البركاوي هم اسمى الاجيال السودانية أخلاقا
اليقيفوا بصدر عاري امام الرصاص البرفعوا البقع جمبهم تحت زخات النار البحني ظهره لأختو تطلع فيه الرفضوا الظلم الاستكنا واحنينا رؤوسنا تحت نيره عقودا بألفاظنا الراقية العفيفة

سلام ود البشرى
اتفق معك تماما بأن الحيل دة اشجع جيل.. شاهدناهم وهم يتصيدون الرصاص بدورهم العارية. لا يثنيهم زخات الرصاص ولا أصوات الدوشكا. جيل عنيد راسه حجر بس هههههه لمن يصمم على حاجة لازم ينفذها..
نرفع لهم القبعات ونقف لهم اجلالا واحتراما.. فلقد فعلوا ما عجزنا نحن عنه..

لا أعتقد أن الموضوع قد وصل لمرحلة الظاهرة ، إذان كانت هناك حالة أو
حالتين أو حتى عشرة حالات من الشباب والشابات يقومون بسب الدين فهذا لا يمكن
أن نسميه ظاهرة بأي حال من الأحوال . نعم نتمنى أن تسود الأخلاق بين شبابنا
وشاباتنا وأن تكون ألفاظهم وعباراتهم في منتهى الرقي والتحضر ، لكن يجب ألا
نقلق إذا كانت هنا أو هناك حالة أو حالتين فشبابنا ليسو بملائكة ويجب ألا ننزعج
ونحمل الموضوع أكثر مما يحتمل ...
مع وافر تقديري

Quote: معقول يا وليد!! دا يادوب بقى التدهور في اخلاقنا كسودانيين خليني ارجع بيك تلتين سنة بس ما ابعد من كدا وشوف التدهور الجد سوداني يغرز مسمار في رأس طبيب ظنا منه انه دا عمل يقربه إلى الله سوداني تاني يغتصب معتقل أو يهدد معتقله بالاغتصاب أو يقذفها بشتمها بالعاهرة بنت العاهرة ثم يسرع ليتوضأ كي يلحق صلاة الجماعة سوداني تالت يفتح للراشي درج المكتب ليضع الرشوة لأنه لا يريد ان يمسها فيفسد وضوؤه سوداني رابع يسمع بمقتل العشرات من مواطنيه في اقصى اطراف البلاد على يد مليشيات فيسكت بل ربما ينبسط في سره و يحمد الله على نعمة الأمن و الاستقرار واننا لسنا سوريا وليبيا وآخر يلغ في عرض الناس وسيرتهم لأنهم يخافونه الرؤية و آخر وآخر وآخر ... معقولة بس تدهورت الاخلاق يا دووب, مع انتشار النت و تويتر الخلاك تقرأ الفاظ لو كنت بتخش اي ستاد كورة كنت ستسمعها و اقذع منها في العلن ومن متين الاخلاق بقت الفاظ, ادباء و شعراء و مذيعين ورؤساء تحرير صحف يجيدون انتقاء الالفاظ اللطيفة لكن اخلاقهم و موالاتهم الظالمين و السكوت عليهم تضعهم اسفل سافلين شفت الشباب الشايفهم جريئين ديل وبشتموا ويكسّموا ويصرفوا في البركاوي هم اسمى الاجيال السودانية أخلاقا اليقيفوا بصدر عاري امام الرصاص البرفعوا البقع جمبهم تحت زخات النار البحني ظهره لأختو تطلع فيه الرفضوا الظلم الاستكنا واحنينا رؤوسنا تحت نيره عقودا بألفاظنا الراقية العفيفة

👏🏽👏🏽👏🏽👏🏽

السكن امبدة
ودرست الابتدائي في أمدرمان مدرسة الكتيابي، والمتوسط في أمدرمان مدرسة الأميرية، والثانوي في وادي سيدنا.
يعني أمدرماني حتى النخاع.. وامدرمان تجمع كل السودان شرقه وغربه وجنوبه وشماله..
إلا أني وحتى هذه اللحظة لم تطرق اذني سماع كلمة نابية وخادشة من فتاة يافعة ولو بالصدفة.. لذا استغربت واندهشت عندما اقرأ تغريدات كتلك.

والحمد لله عافانا من مشاهدة مباريات كرة القدم في الاستاذات. وان كنت اذهب لدور السينما في أواخر الثمانينات سينما العرضة وسينما بانت برضو ما سمعنا

الوازع الأخلاقي لسه موجود
رجعت تويتر وبالذات للحسابات الفوق دي لأرى مزيد من ردود الأفعال..
ردموهم ووأدوهم قبل أن يتناسلوا وينتشروا..
فعلا ليست ظاهره لكنها هنات تظهر هنا وهناك..

الوازع الاخلاقي قد يمنع البعض ..برضو خوف العقاب الاجتماعي يمنع الكثيرين من الخروج على المألوف و اعراف المجتمع .. كذلك الخوف من العقاب القانوني .
الشاهد مع انتشار النت و الوسائط الاجتماعية .. وبسبب الامن من العقوبات اعلاه .. و تلقّف الكثيرين لأي لفظ اثار انتباه الناس ..(واضح انو غالب المغردات ديل اعجبوا بجرأة الاستاذة منى ☺ ) .. تنتشر مثل هذه الالفاظ لفترة و لكنها ما بتستحق وصفها كظاهرة .
تحياتي .