الامر الوقع كلو كلو

06:42 AM June, 12 2019

سودانيز اون لاين
Mutasim Idris-Sacramento
مكتبتى
رابط مختصر

العصيان اتعلق و المفاوضات ح ترجع وقوي الاعلان اختارت اقصر الطرق (ليها).
الصادق المهدي رئيس وزراء (توقع).
سبعة مدنين وسبعة عسكريين وواحد (قريب غطاء).
مساعد وزير الخارجية الامريكي في الخرطوم لتسريع عملية تسليم السلطة (عاوزين ممثل مدني للسودان في صفقة القرن) وعشان يحتفلوا بيه برضو.
التحقيق في مجزرة القيادة العامة ح تتكون ليه (دغمسة) تحنيس ومجابده.
التشريعي ح يكون خاطف لونين . بس ح يطغي عليه (اللون الاحمر).
فريق الخلاء ح يلعب دوري مجيه مع الاسلاميين و ح (يرشهم).

الانترنت مهدد للامن (الخليوي).

حرية.... سلام.....وعداله
قفلوا الانترنت بفرية امن فريق الخلاء وعسكر الجنجويد القومي وقاموا بحملة عامة لتلميع نمر الورق.
حايمين في شوارعنا يسرحوا ويمرحوا ويروعوا ويستفزوا ويجلدوا ويسرقوا في الغنم من الناس ويرموا البمبان جوووووه البيوت.
شهداءنا لسة في قاع النهر وجرحانا في المستشفيات ومفقودينا في رحم الغيب..
ــــ
ماهو العصيان المدني:
العصيان المدني هو رفض الخضوع لقانون أو لائحة أو تنظيم أو سلطة تعد في عين من ينتقدونها ظالمة.
يسعى العصيان المدنى - وفقا لمؤسسي فكرته - إلى إدراك غايات مستحدثة. كما يهدف إلى "إلغاء" أو على الأقل تعديل القاعدة محل النزاع.

هسي عليكم الله ده عصيان (يدكوه).

Quote: فريق الخلاء ح يلعب دوري مجيه مع الاسلاميين و ح (يرشهم).

السبب شنو؟

حساباته معاهم قديمة يا جعفر (شخصية) اختراق قواته.
لانه (بمثل علينا) انهم خدعوه في فض الاعتصام ( الاساس بنفذ في اجندة المحور). ومليشياته سراويلهم مقددة من وراء.
فريق الخلاء علشان يقيف ويكون ليه كرعين لازم يقطع كرعين الكيزان (دولتهم العمييييقه).
فريق الخلاء بفتكر انه الوريث الشرعي لموسساتهم وشركاتهم (بالغانووووون).
اللهم اضربهم ببعض وطلع ميتينهم.

حرية الاتصال والتواصل و الاعلام من صميم مطالب الحرية والتجمع والشعب السوداني.
وصف العسكر بقفل الانترنت لدواعي امنية وصمت التجمع والقوي علي التصريح دا حقيقة غريب ومرييب.
لا تشكيك في نوايا التجمع لكن كل الشك في مزاعم العسكر..