أπ فصح يا عمو عصمان ، و ليك اللمان£

09:59 PM June, 09 2019 سودانيز اون لاين
دفع الله ود الأصيل-
مكتبتى
رابط مختصر

[] ألملح الصحفي المخضرم عثمان ميرغني لقناة
الجزيرة الفضائية إلى تحفظه، و لو إلى حين ، على
علمه بشمارات سرية بالغة الخطروة، و في ظل ظرف
بالغ الدقة و الحساسية؛ و لكن عن ماذا يا ترى؟!!

قبل ساعة سمعت فى البى بى سى انّ هناك حرباً خفية بين
قوش والمجلس العسكرى لانهم غدرو به .

الظاهر حميدتى غدر بالجميع

سلام يا ابوالدفاع

وطبعاً مفتاح الغدر كان فى اعادة عبدالغفار الشريف الى جهاز الامن
مستشارا امنياً لحميدتى وقوات الجنجويد .

كان منذ قليل في مواجهة ساخنة مع أحد
أبواق المجلس اللنتهاوي وجداده الالكتروني
حينما رمي بهذه التلميحة شذرا للمذيع حسن
جمول، الذي حاول مرارا بشقفه لشم للشمار
الحار، يعمل بيناتم شغل «المديدة حرقتني»

عبدالغفار الشريف - طه دلاهة طلعوا من السجن وجابوا وعينوا مستشار لحميدتى والدعم السريع

والاثنان طه والشريف من الدّ اعداء قوش

لگ التحية و التجلة أربعا في اربع
صديقي علاء، لمجهودك الجبار و المشهود.
خبر البيبيسي عن نار تحت الرماد بين لصوص
المجلس.و لكن عمك عثمان جاب ضقلا يكركب
عن جرجرة گرعين جهابذة من المتخاذلين من بين
القوى المدنية لتورطهم في هندسة مجزرة فض
الاعتصام بالبشاتة اللي أذهلت حميدتي و خلت
أزلامهم العرب يتملصون و يدعون للتحقيق.

[} كان لي قوش و حميرتي ديل أنا غايتو شايفم عاملين
متل ميسي و سواريس لاعبين بي شورط واحد ؛ و لا
إن شيت صورة أقرب : زي حمارين ( ببعرو ) بي درب واحد
لكن ، كدي يا علاء خلينا نمشي سوا في التراك الضيق التاتي بتاع
عمك عثمان دا، هو طلب مهلة يومين تلاتة عشان يكب باقي شمارو؛
لأنو هسي الناطق مسيلمة الكباش قاعد يفرفر، مرات يقول إنو ناس الحرية و التغيير كان على علم و ربما تنسيق لفض الاعتصام( و دا
راس خيت براو) . و مرات يتكلم عن قبول المجلس لشورطهم نزولا
عند رغبة الوسيط الحبشي أبي أحمد علي . شايف جنس المكابرة!؟!

[} فكدي غايتو فكر معانا نشوف المتخاذلين ديل يكونو زي منو؟!
أنا كنت فاتح لي بوست بعنوان « غلفا و شايلة موسا تطهر » يمكن تكون فيه إرهاصات و إسقاطات بعيدة ممكن ترمي لينا في متل الاتجاه دا.

سلام أخ دفع الله.
واضح إنه في حرب خفية بين الجميع ..وكان ضحيتها الثوار المعتصمين.
القرار الوافقوا عليه قوى التغيير كان فض كولومبيا.. ولكن هنالك قوى أعطت الأوامر بالتمادي بفض إعتصام القيادة.
هنالك معركة تكسير عظم بين البعض ..ووصف الإمارات ما حدث بالمذبحة مؤشر لوجود خلافات داخل المحور نفسه حول معالجة الموقف .
ولا تستبعد أن المحور الآخر له يد في ما حدث لتصعيد الأمور من خلال عملائه..
فقرار غبي كهذا سيطيح بالمجلس الإنقلابي ..أو سيجعله في موقف لا يحسد عليه من خلال التصعيد الشعبي الحاصل.

حولااااااااااااااااااااااااااااااااااااااااااااااااااااااااااااااااااااااااااااااا
سبحان الله وبحمده سبحان الله العظيم
ياخ سبحان الله ربنا واقف مع الثوار المظلومين وكشف ليهم من قاموا بتخطيط وتنفيذ المجزرة .
ما قاموا به لا يرضى به الله ولا عباده ولذلك فضحهم وكشفهم .
{ وَاذْ قَتَلْتُمْ نَفْساً فَادَّارَأْتُمْ فِيهَا وَاللَّهُ مُخْرِجٌ مَا كُنْتُمْ تَكتُمُونَ* }
72 البقرة -- فادّارأتم فيها : اى : فتنازعتم فيها كل واحد منهم كان يتهم الاخر بارتكاب تلك الجريمة


من قاموا بتخطيط الجريمة وتنفيذها من ( برق السودان ) هم :

الصادق المهدى تاريخ وانطوى : طالته لعنات الثوار فاصابته فى مقتل
وداعاً الصادق المهدى ..

بقية الذين وردت اسماؤهم فى اللسته : كان معلوما لدى الجميع اشتراكهم فى الجريمة

الكثيرون قالوا بعد سحب الانصار لخيمتهم من ساحة الاعتصام يوم29 رمضان قبل المجزرة بساعات
انّ الصادق كان على علم بفض الاعتصام لذلك امر انصاره بسحب خيمتهم .

سيحاكم الصادق المهدى ويقضى بقية حياته فى السجن , يا للبؤس

الصدمة ستكون عنيفة جداً على الانصار
وسيكون الخبر سبباً فى تفتت حزب الامة القومى ونهايته الحتمية

غايتو الخبر دا لو صحيح فعلى الدنيا السلام ,,
معقولة الصادق المهدى ابو السلمية يعمل كدا !؟
مش معقول .

الباقين كلهم ممكن يعملوها حتى بايديهم وليس بالسنتهم فقط

قالو لك كانو في غرفة وخططو
الصادق من غرفته ما مرق
راجع كلام عثمان مرغني

الكيد الحزبي ما حبابو

غايتو الخبر دا لو طلع مضروب حقك راح يا عثمان ميرغنى

Quote: قالو لك كانو في غرفة وخططو الصادق من غرفته ما مرق راجع كلام عثمان مرغني الكيد الحزبي ما حبابو

موافقة الصادق مكتوبه امامه - بالاتصال

المشكلة يا دكتورة اخلاص فى الخبر من اساسو لو طلع مضروب عثمان ميرغنى لن يرى الشمس بعد التحقيقات

ما تتذاكى.


البرق شئ وعثمان ميرغني شئ

مصداقيتك أنت الان علي المحك

في شباب مات
في شهيد النار والرصاص الحي يطلق علي جنازته
وعلي المشيعين
ان تحمل الجنازة ليصلي عليها وتدفن

وأنت يا علاء تفكر في الكسب الحزبي
دماءهم ستكون لعنة علي كل من خطط
ونفذ و ( تأمر )

انهم كسيف البرق يضرب
كسيف البرق

Quote: موافقة الصادق مكتوبه امامه - بالاتصال

شمس الدين كباشي جابها ليك من آخرها .... يا علاء سيد أحمد
التسرع والكره المؤدلج لاغتيال الشخصيات ليس من الحكمة والتروي في هذه الايام العصيبة من عمر الوطن ...
أعرف شابان من خيرة شباب الأهل استشهدا في فض الاعتصام وينتميان لحزب الأمة وكيان الأنصار ...
وحدة الصف مطلوبة ووقتنا الآني لاخراج الوطن لبر الأمان
حضرت لقاء الصادق المهدي في اسكاي نيوز وتحدث عن الرغبة في فض الاعتصام منذ أبريل 2019م حينما خاطبه أحمد هارون فذكر له الصادق المهدي - بانكم اذا اردتم فض الاعتصام بالقوة فانا ذاهب لمقر الاعتصام لاعتصم هنالك - فخاطبه أحد الحضور اذن عليكم قتل الصادق المهدي من الان واذهبوا لقتل البقية ...،

وحضر لقاء عثمان ميرغني وما ذكره مغاير لواقع ما نشرته الاسافير
دمت بخير

ود الاصيل و ضيوفك
السلام عليكم ورحمه الله وبركاته
و كل عام و انتم بخير
كدي شوف دي :

قال المتحدث باسم المجلس العسكري الانتقالي في السودان شمس الدين الكباشي إن "خطأ في التنفيذ" وقع خلال العملية الأمنية التي أفضت إلى فض الاعتصام أمام القيادة العامة للقوات المسلحة في الخرطوم، الذي خلف عشرات الضحايا من المعتصمين.

وأضاف الكباشي في مقابلة عبر الهاتف مع الجزيرة أن التخلص مما سماه "بؤرة كولومبيا" دون التعرض للاعتصام كانت محل اتفاق مع قوى الحرية والتغيير لكن الخطأ وقع في التنفيذ.

وأشار إلى أن السلطات شكلت مجلسا للتحقيق في ملابسات مع جرى الاثنين الماضي أمام القيادة العامة.

وكانت السلطات مهدت للعملية الأمنية بالقول إن منطقة "كولومبيا" القريبة من موقع الاعتصام باتت تشكل خطرا على الأمن العام بوصفها مسرحا للجريمة.

وأكدت قوى الحرية أن أكثر من 100 شخص قتلوا خلال فض الاعتصام، بينما أقرت السلطات بمقتل 61 شخصا.

وفي ما يخص العصيان المدني الذي دعت إليه قوى الحرية والتغيير احتجاجا على فض الاعتصام، قال الناطق العسكري السوداني إن العصيان يشكل ضغطا على حياة الناس ومعيشتهم.

وقلل الكباشي من حجم العصيان المدني، وأشار في هذا السياق إلى أن المؤسسات الحكومية عملت الأحد بشكل جيد ولم تتـأثر به كثيرا، بينما أكدت المعارضة التقيد بالعصيان بنسبة كبيرة.

من جهته، حمل عضو المجلس العسكري الفريق أول ركن جمال الدين عمر قوى الحرية والتغيير مسؤولية ما وصفها بالأحداث المؤسفة التي وقعت في الخرطوم، في إشارة إلى فض الاعتصام.

وفي خطاب بثه التلفزيون الرسمي السوداني، قال عمر إن فض محيط الاعتصام كان بعلم مسبق وموافقة من قوى الحرية والتغيير التي اتهمها باستغلال واقعة الفض لوقف التفاوض مع المجلس العسكري.

المصدر : الجزيرة

Quote: ما تتذاكى. البرق شئ وعثمان ميرغني شئ مصداقيتك أنت الان علي المحك

تذاكى شنو يا ست .؟

انتى قريتى الكلام المكتوب فى تويتة البرق ؟؟
وكيف البرق شئ وعثمان ميرغنى شئ ؟؟
ومصداقيتى كيف على المحك ؟؟

بالمناسبة انتى بتكتبى كلام من راسك وخلاص .
البرق بانية كلامها على كلام عثمان ميرغنى يعنى ( كلام عثمان ميرغنى وكلا البرق واحد )

ثم ثانيا انتى تقولين :

Quote: وأنت يا علاء تفكر في الكسب الحزبي دماءهم ستكون لعنة علي كل من خطط ونفذ و ( تأمر )

ياخ كسب شنو وحزب شنو ؟؟ والقال ليكي انا حزبى منو ؟؟
انا انسان غير حزبى ابدا ابدا ابدا
حزبى السودان . عشان كدا انا بقول انتى بتكتبى من راسك وبس

لازم اعتذار صريح وواضح

Quote: قال المتحدث باسم المجلس العسكري الانتقالي في السودان شمس الدين الكباشي

شمس الدين ده بقي اكذب من يمشي علي رجلين يقول الاعتصام فاشل والقناة بتعرض في البلد فاضيةمافي زول بسمعو ولا بصدقو

Quote: الكيد الحزبي ما حبابو

يا دكتورة اخلاص انا جانتنى رسالة من واحدة انصارية ابا عن جد موجهاها الى دكتورة مريم الصادق
بدى مصداقية لى كلام علاء ومنتظر واحد يرسلا لى عبر الاميل وهى رسالة واتساب واذا جاتنى فى الاميل طوالى برشها فى البوست

Quote: [/يا دكتورة اخلاص انا جانتنى رسالة من واحدة انصارية ابا عن جد موجهاها الى دكتورة مريم الصادق بدى مصداقية لى كلام علاء ومنتظر واحد يرسلا لى عبر الاميل وهى رسالة واتساب واذا جاتنى فى الاميل طوالى برشها فى البوست]

Awatif Ismail‎‏ ‏‏تشعر بـ‏التحطّم‏.
دقيقة واحدة ·

رسالة إلى دكتورة مريم الصادق المهدي مع التحية

عزيزتي دكتورة مريم كل عام والوطن بخير كيف احوالك بعد المجزرة البشعة التي حركت البشر والحجر... كيف حال اولادك وهم يسمعون ويشاهدون جثث الموتى تطفو على سطح البحر ..؟ 😥 يا ترى ماذا قالوا لك وهم ينظرون بأم أعينهم امهات الشهداء الباسلات اللواتي يرفضن تقبل العزاء في أبنائهم قبل سقوط النظام ؟ 😥 وما هو تعليقهم على مواكب الشهداء التي سحقتها ارتال العسكر لتحرمهم حق الحياة والعيش الكريم المكفول لكل فرد بامر من الله سبحانه وتعالى الذي حرم الله القتل في كل الاوقات وبالاخص في الاشهر الحرم ؟ 😥
عزيزتي دكتورة مريم بصراحة انا شخصيا افتقدك بشدة في هذه الظروف الحالكة السواد ... اود ان اراك في قناة الجزيرة او البي بي سي او العربية لتواسي أمهات الشهداء والجرحى.😥.. نحن في امس الحاجة لسماع صوتك يا دكتورة كما كنا نسمعه في كل وقت وحين على القنوات الفضائية لنردد بكل فخر عاش كفاح المرأة السودانية ..😏
افتقدتك بحق يا دكتورة في جميع المنابر خصوصا وقد كنت عضوة تفاوض مهمة في أشرف قضية الا وهي حرية وطن ومستقبل شباب زي الورد 🌹 عيني عليهم وعلى جمالهم..... عيني عليهم وعلى طهرهم ... على ذوقهم وادبهم ..عارفة يا دكتورة كلما شاهدتهم على الترس وهم يفتشون الداخلين إلى ساحة الاعتصام كنت اردد بيني وبين نفسي :
يا ذوق يا فهم يا عيون طربانة
اين هم الان يا دكتورة ؟ أين من يرددون اهزوجة يا اخوانا الشاي الشاي بي جاي ... شاي م عادي بي موية صحة ومعاه كيكة؟ أين من كانوا يرقصون على نغمات يا وطني يا بلد أحبابي في وجودك اريدك
و غيابي ؟ 😥 الم يوحشوك يا دكتورة ؟ الم يوحشك ديسيس مان ومروة بابكر وحازم حلمي والاء صلاح ؟ 😥 الم توحشك ماما عوضية ورفيقاتها اللواتي يجلسن في درجة حرارة تزيد عن الخمسين وهن يعددن الطعام للثوار الصائمين؟ ثورة وحر وصيام وهتافات تشق عنان السماء لله دركم 😥
الم توحشك زيارات البعثات الدبلوماسية في عز الصيف يتوافدون زرافاتا ووحدانا ليعبروا عن فخرهم بشبابنا وبثورتهم المجيدة التي
ادهشت العالم ؟ 😥
الم تفتقدي سيدات دارفور الماجدات اللواتي جئن إلى الساحة بكل حب وهن يحملن تراث البلد الجميل مع العصيدة الملاح الذي لم تعرف طعمه وحلاوته اي من شعوب
العالم ؟ 😥
الم تفتقدي يا دكتور أطفال الشوارع الذين وجدوا الحب والعلم والحماية فتحولوا إلى أبناء بررة وقد اثبتوا مقولة من علمني حرفا صرت له عبدا؟😥
اين هم الان يا ترى 😥 هل عادوا إلى الشوارع او من حيث اتوا مرة اخرى ام ان مكروها الم بهم لا قدر المولى فتواروا عن الأنظار؟ 😥
انا أتوجه اليك بهذه الأسئلة وأكاد ان اجزم بأنها بريئة براءة الجنجويد من دم الثوار ..😏 براءة المجلس العسكري من الطمع في الحكم ... براءة عبد الحي يوسف من فتاوي القتل 😏.. براءة الطيب مصطفى من داء العنصرية ... براءة حسين خوجلي من الصفاقة والوقاحة... 😶 براءة الصحافة
من الصادق الرزيقي والطاهر التوم .. والهند عز الدين 🙄 واخيرا براءة الصدق والأمانة من الفريق شمس الدين😎 .
اوتذكرين عزيزتي مريم او ربما
لا تذكرين كيف كان احتفاؤنا بك في مدينة الضباب؟ وكيف احتصنتكما الجالية السودانية انت واباك بمنتهى الحنية في لندن ؟ 😍
هل تذكرين كيف نصب لكم ابناء الجالية المنصات والمنابر واقاموا لكم الحفلات والاحتفالات بكرم حاتمي لم تشهد له لندن مثيل رغم ان اغلب الناس على قدر حالهم ؟😣
اوتذكرين الجلسة اللطيفة مع الزميلات في شيبرد بوش وكيف تجاذبنا أطراف الحديث بعد العشاء الفاخر وتحدثت انت بعد التعارف عن النظام الهالك وآليات اسقاطه حيث طلبت منا التواصل مع البرلمانات المحلية والدولية ولنترك شان المظاهرات لكم في السودان لأن تاثير البرلمانات اقوى ..؟ 🙄
اوتذكرين عندما أخبرتك بكل فخر انني بنت أنصار ابا عن جد فابتسمت ابتسامة الرضا ؟ 😊
مالي يا دكتورة أشعر في هذه اللحظة الآثمة بالحيرة والخجل وانا اكتب اليك هذه الرسالة ؟😏 ربما يؤلمني فقدك في هذا الظرف العصيب و قد كنت اعلق على رقبتك كل أحلام الشباب وامالهم ! 😥 ربما تزعجني أحاديث المدينة الشائعات التي تقول انك قد بعت القضية بدريهمات قليلة مقابل ما فقدناه من أرواح! 😥
ردي عليا يا دكتورة يا سيدة الغياب الموجع.... والاختفاء المؤلم ! ردي علي حتى يرتاح ضميري 😑 ... ردي علي حتى استرد كرامتي المفقودة ! 😥
ردي علي حتى امنحك صك البراءة ... ردي علي حتى ابشر الامهات الثكالى بأن دم الشهداء لن يضيع هدرا 😥
ردي علي يا دكتورة فصمتك كاد أن يقتلني ... 😣 وسكاتك يجرح كرامتي ... ويستهين بدماء أبنائي الشهداء 😥
اخيرا وليس آخرا يا دكتورة مريم يتوجب علي ان اخبرك بان حواسي ستبقى معطلة حتى يصلني ردك ..😑 وان كبرياء جرحي سيظل ينزف حتى إشعار آخر !
وفي الختام اقول لك يا عزيزة
يقتل الوحش ثائرا
فتنبت الارض الف ثائر
يا كبرياء الجرح لو متنا
لحاربت المقابر 😏

صديقتك سابقا
عواطف

Quote: مصداقيتك أنت الان علي المحك

مصداقيتى على المحك وعندى مصدر للخبر .. الفهم قسم

خلطت خبر بما قاله عثمان ميرغني
أنا لو عثمان ميرغني كنت اتخذت اجراء

وطبعآ الأمر لا يمثل شئيآ مهمآ للأنصار
وحزب الأمة وكثير من السودانيين
فقد تعودوا عليه

سمعتها يا حمودي سمعتها
الإعراب أشد كفرآ ونفاقآ
من دعوا لم يتحسبوا لغدر
ولقد نصحت بأن يعلنوا عن السبب الحقيقي للدعوة
ومن دعي وماذا كانت نتيجة الاجتماع
الأحزاب حتي القيادات تعاني من ضعف
ولذا طالبت بسحب دكتورة مريم من وفد التفاوض
مع المجلس

يا حمودي اخوي الاستهداف الخارجي اخطر
الداخلي ده بالنسبة له دافوري حله ساكت

سلام لكل من تجشم عناء المداخلة هنا. و الله
خليتونا گدا ظاطو راكبين سطوح عدييل كدي فوق
قطار شوق أتبرة الجاي گريمي مرورن بي ربوع( شندا).
فكدي أواز دكتورة إخلاس و علاء صاحبي ديل أقيفو
لي النسعلكن: مقبقبين بعض في شنو، عشان تفهم؟!

أعتقد كل ما جرى من فض الاعتصام قامت به قوات الامن بالتعاون مع قوات الظل والاسماء الكتيرة
زي الامن الطلابي وما أدراك ، ولا أعتقد أن لحميدتي دور في ماجرى بل خطة الامن أن تحرق حميدتي
والمجلس العسكري معاً وعلى ما أعتقد أن كل ما يدور في شوارع الخرطوم من ضرب وذلة عملية خالصة
للأمن وكتائب الظل ، وعلى المجلس العسكري وحميدتي أن ياخذوا موقف واضح ويعلنوا محاكمتهم
حتى يخرجوا من عنق الزجاجة

هي جنس فبقية يا دفع الله 😂😂😹😹

الأغراب يكيدوا للدولة السودانية شعب وقيادات
والثوار المعتصمين ماتوا ونحن ما قادرين نتوحد

كان ما تتوحدوا في دي نتوحد في شنو
في رأئي أي زول يهاجم أي سوداني
الليلة خطأ
تداعت علينا الأمم ك الأكلة علي قصعتها
و بالسوداني اتلموا علينا
الأغراب
الوجع كثير

بصراحة أمبارح أنا فتحت (الگرتلة) دي نعسان و نمت
هسي دي صحيت اتفاجأت لقيتا عدادا رامي قدر دا !!!

[} نرجع بقى نمسك من مداخلة لكنداكة حزب الخضر أمونة بت
مختار، لو ما كمان أكون خالت زي مرة خلتنا اختنا نعمات عماد
مع د. نعمات حماد و عملنالا بوست «الخيل تجقلب... و كدي»

[} فمحربتين حباب أميرة الشرق و الكلام كتير، لكن تسمحي لي
بسؤالين خارج النص من باب «حب الاستطلاع الكتل الگديس» :
1/ شرقاوية و ما علاقتك بالرزيقات ، و لا خلطة زي خالتو تراجي؟
2/ الخضر(Les Verts) ديل كنت فاكر أبوهم مكرون ، لكن من مقابلتك مع خدر الطيب عبر إذاعة كنتدكار عرفت منك إنو أمو شرعاً أنقلا ميركل.

[} يلا نجي بعدا لمتن مداخلتك الشحمانة، و ح نقيف في أول محطة:
إنك قلت إنو المجلس الانتهازي ماخد ضوء أخضر من الحرية و التغيير
بالإجماع على ضرب أوكار گولومبيا ، بصراحة دي جديدة علي خالس!!
تأني حاجة: ذاكرة(المحور الآخر) فماعارف قاصدة «عسكر و لا حرامية»

اتخذ القرار في لحظة (جنون)
مع ان المجلس كان يطمئن الثوار المعتصمين بصورة يومية
مستحيل ان قوى الحرية والتغيير كانوا على علم بفض الاعتصام بالقوة
كلام لا يصدقه عقل.
عثمان قال كان بداخل الغرفة شخصيات لها وزنها ومعروفة للجميع

عارفة ي دكتورة إخلاس، أنا صخشياً لو اتهموني بالحزبية و الله
موش( بتيك إت إيزي) جدن و بس؛ بنمبرش عديل و أعترف بانتنماي
المشبوه لكم منظمة مجتمع مدني (NGO) ; منهن أولن : جماعة الجو
الرطب, و حزب البهجة ، و فرقة حلمنتيش مع ناس المتجهجه الأممي
و المتچبچب الودكي ، الله يطراهم بالخير و اليمن و البركات . و لكن
برضو كمان لينا مشاكلنا الخاصة و مدفونة زي نيران تحت الرماد .

[} فمسلن جونا ليك ناس تيراب و همبريب : العربي محمد
موسى و شيلا و بهناك ناصر أدروب، ود الجاك و زاكر و أسامة
جنكيز خان . زي عاملين نظام وحدة في تنوع عجيب . لكن بس
توكونا تب الله لا جاب باقيهم ؛ و ضايقونا في لهمة عيشنا . ترا
قامو سحبو البرش من تحت كرعينا و هداك عدادم رامي و سوقم
إعلاناتم حارق تش و خلونا ليك نحنا بجاي خشمنا ملح ملح لافين
تراهو حالنا يقرف الليمون و گايسين لي حق التمباگ ما لاقينو.

يا علاء، بالموناسبة اللواء الكوز معاش عبد الباسط
محمد عبد الهادي و الظاهر في لستة البرق دا باين ياهو
زاتو الكان جايبنو ناس حصاد الجزيرة أمبارح بصفة خببر
استراتيجي و محلحل سياسي في مواجهة مع عمنا عصمان
ميرغني. بقى كدا يا دوبك نحن بدينا نفهم سر ابتسامة عمك
الغبشاء لامن حسن جمول قاللو: أفصح يا عثمان و عليك
الأمان. و لا أقول ليك حاجة: أموت أنا ياخي في
اللستراتيجية و في الدلدماسية الشعبية ظاطو.

Quote: هي جنس فبقية يا دفع الله 😂😂😹😹الأغراب يكيدوا للدولة السودانية شعب وقياداتوالثوار المعتصمين ماتوا ونحن ما قادرين نتوحدكان ما تتوحدوا في دي نتوحد في شنوفي رأئي أي زول يهاجم أي سودانيالليلة خطأ تداعت علينا الأمم ك الأكلة علي قصعتهاو بالسوداني اتلموا علينا الاغراب.

[} تراها دي الخايفين منها زاتا يا دكتورة . يبقوا ناس الدب الداشر بن سلمان و بن زايد بن عفصان آل نهبان مع طه الدلاهة و الحميرلاي دقلو حمدان ، علينا أنا و ابن عمي؛ و بعدينكنجي أنا و ابن عمي على أخوي، عادي جدن!!

Quote: مقبقبين بعض في شنو، عشان تفهم؟![/QUOT ود دفع الله يا صاحبى انا نقلت الخبر من برق السودان ( والبرق مستنده فى خبرها على كلام عثمان ميرغنى كما هو واضح فى اول سطر من الخبر . وانا كلامى كووووووووووولو مبنى على كلام البرق . دكتورة اخلاص تركت البرق جانباً ودخلت عليّ يسار و استعانت فى قبقبتها على اننى انسان حزبى .. بالله عليك هو فى السودان فى حزب يستحق انو ينضم ليهو زول ؟ والصادق المهدى اذا كان برئ من تهمة عثمان ميرغى وبرق السودان عليه الاتجاه فوراً الى القضاء , والجات من السماء بتتلقفا الارض .

---

Post: #35 Title: Re: أفصح يا عثمان ، و لك الأمان Author: دفع الله ود الأصيل Date: 06-10-2019, 07:48 AM Parent: #34 علاء يا صاحب هون عليك ياخي.و الدكتورة ظاطا ما ظنيت محملة الموضوع قدر دا. بقد ما فهمت منها حرصا على توحد لحمة أهل السودان كما البنيان المرصوص.

---

Post: #36 Title: Re: أفصح يا عثمان ، و لك الأمان Author: دفع الله ود الأصيل Date: 06-10-2019, 08:40 AM Parent: #35 والله على رايك أخونا ترهاقا. تعرف يا صاحب ، ولدنا المبدع عمر دفع الله عندو گاررگاتير نعلق فوق من أمس بصراحة كنت شايفو خادش للحياء و صادم لدرجة لو عاينتا ليه مرة تاني ما تتنيها . لكن ما السمعناه دا والله طلع گلامو في محلو . فلله درك يا عمر .

---

Post: #37 Title: Re: أفصح يا عثمان ، و لك الأمان Author: Al Sunda Date: 06-10-2019, 08:45 AM Parent: #35 Quote: سلام أخ دفع الله. واضح إنه في حرب خفية بين الجميع ..وكان ضحيتها الثوار المعتصمين. القرار الوافقوا عليه قوى التغيير كان فض كولومبيا.. ولكن هنالك قوى أعطت الأوامر بالتمادي بفض إعتصام القيادة. هنالك معركة تكسير عظم بين البعض ..ووصف الإمارات ما حدث بالمذبحة مؤشر لوجود خلافات داخل المحور نفسه حول معالجة الموقف . ولا تستبعد أن المحور الآخر له يد في ما حدث لتصعيد الأمور من خلال عملائه.. فقرار غبي كهذا سيطيح بالمجلس الإنقلابي ..أو سيجعله في موقف لا يحسد عليه من خلال التصعيد الشعبي الحاصل. آمنة مختار زبدة الحديث

---

Post: #39 Title: Re: أفصح يا عثمان ، و لك الأمان Author: دفع الله ود الأصيل Date: 06-10-2019, 01:11 PM Parent: #37 Quote: اتخذ القرار في لحظة (جنون) مع ان المجلس كان يطمئن الثوار المعتصمين بصورة يوميةمستحيل ان قوى الحرية والتغيير كانوا على علم بفض الاعتصام بالقوةكلام لا يصدقه عقل.عثمان قال كان بداخل الغرفة شخصيات لها وزنها ومعروفة للجميع« [} الحبيب أحمد يس لكم أنا شغوف بدخلاتك الهادية الرزينة كالمزن ، بطول الغيبة ثم حيثما يقع ينفع؛ و تلقانا نحن في رجاك كشجر التبلدي لا يموت إلا واقفا. و لكن قل لي بربك ، من اتخذ القرار بجنون ؟! بعدين المجلس كان قاعد يطمن في منو ,؟! غايتو أنا مما سمعت قرقاش الإمارات و بتاع السعودية اتملصوا و دعوا لعمل تحقيق فوري ، عرفتهم اتفاجأوا بأن حرثهم كان في الماء و نقبهم على شونة ؛ لامن لقو إنو الفاضين الاعتصام طلعو كتايب الضل و گلاب قوش من أذناب الدولة العميقة التي أعدوا لها ما استطاعوا من قوة و من رباط الخيل لأجل الخلاص منها. عارف الاتنين بقن عاملات زي زول كان قاعد يجابدلو في مخ من عضم أب قبيح و لامن فجأة نطلبطار ليه في لهاتو لامن انخلع ، قام بلعو و قال:ياخي دا ما في النصيب.

---

Post: #40 Title: Re: أفصح يا عثمان ، و لك الأمان Author: دفع الله ود الأصيل Date: 06-10-2019, 05:51 PM Parent: #39 و أنتم من أهل الخير أخوي عماد الدين الطيب عمر، و إن إذا شئت تهرئتي الخاصة بهذا العيد الاستثنائي: ∆ فبقلوب فائضة بالحزن و الأسى و بوجدان غاصة بمر الألم، فإننا مضطرون لنرفع إلى حضرات سموكم العاطفي و نتقدم إلي جلالة قدركم العالي بفاتر التبريكات « محشوة » بفارغ التمنيات ، «معطرة» برائحة بارود ملتوف التهاني و «ممترسة» بصدور عارية تماماً بوجه آلة القمع البرهاني، بمناسبة حلول هذا العيد الشهيد, و الذي عاد علينا في عامنا هذا و في بلدنا هذا بوجه مغاير تماماً و أطل علينا بمحيا كالح تعلوه الگآبة و تلفه الرتابة ؛ فسألناه بمناحات الثگالى و براءة اليتامى: «عيد، و بأية حال عدت يا عيد، أبدماء قد سفكت و كرامة أزهقت ، أم لعصيان مدني شامل فيك تمديد؟!» [} بالعودة إلى مداخلتك حول الاعتصام ، فهناك مغالطات في مواقف المجلس الانتهازي تبدو أوضح الشمس في رابعة النهار. فمثلا 1 / حديثهم عن : خطأ في تنفيذ الفض ماذا يعني ؟! هل في إصابة الهدف المقنطر، أم في تقدير القوة المبذولة أم حجم الضحايا الساقطة و الدماء المراقة و الأرواح المزهقة؟! 2/ فرية أن العصيان الشامل لا تأثير أن يذگر سوى على معيشة المواطن ، و گأنما حياة المواطن لا تأتي أصلن إلا في مؤخرة اهتماماتهم . 3/ هناك تضارب بين تبريرات ناطقهم مسيلنة الگباش لضرب گولومبيا كوكر الجريمة و فض الاعتصام بكونه جرى بعلم تام و بتنسيق بإجماع كامل مع قوى الحرية و التغيير.

---

Post: #41 Title: Re: أفصح يا عثمان ، و لك الأمان Author: دفع الله ود الأصيل Date: 06-11-2019, 06:47 AM Parent: #40 Quote: يا دكتورة اخلاص انا جانتنى رسالة من واحدة انصارية ابا عن جد موجهاها الى دكتورة مريم الصادق بدى مصداقية لى كلام علاء ومنتظر واحد يرسلا لى عبر الاميل وهى رسالة واتساب واذا جاتنى فى الاميل طوالى برشها فى البوست. تسلم لي حمودي ، بالله هو في الدنيا دي أفاعي بهذه الملاسة و عندها قدرة قدر دا لتبديل جلودها بأسهل و أسرع مما نبد قمصان ومها / حسبي لله و نعم الوكيل عليهم

---

Post: #42 Title: Re: أفصح يا عثمان ، و لك الأمان Author: دفع الله ود الأصيل Date: 06-11-2019, 07:05 AM Parent: #41 Quote: شمس الدين ده بقي اكذب من يمشي علي رجلين يقول الاعتصام فاشل و القناة بتعرض في البلد فاضية مافي زول بسمعو ولا بصدقو. يا جعفر ياخ خليك من مسيلمة الكباش ترا فوق عديلو مبرج زي الببغاءبأسطوانة مشروخة يقعد يردد فوقا صباح مساء. و لكن تعال شوف ناس تانية تنعق بما لا تفقه و ما ناقشةين معنى عصيان مدني ظاطو الصور البكماء جايبة البلد كولها قدامو مدن أطلال و يبثعد يقول ليك الحياة منسابةطيبعي و و في موية و كهربة . طيب يا ومين قال ليك أصلن العصيانقايم عشان يحبس الهواء الطلق من مناافس خلق الله؟!

---

Post: #43 Title: Re: أفصح يا عثمان ، و لك الأمان Author: دفع الله ود الأصيل Date: 06-14-2019, 09:23 PM Parent: #42 [}نفتكر إنو بعد إنبراشة الناعق الرسمي الفريخ أول مسيلمة الگضباشي، و قد.«حدس ما حدس» ، بكون المجلس الانقلابي بكدا تجاوز بفراسخ ضوئية ما جاء على لسان عصمان مرغني من سبق صحفي.

---

Post: #44 Title: Re: أفصح يا عثمان ، و لك الأمان Author: دفع الله ود الأصيل Date: 06-14-2019, 09:35 PM Parent: #43 [} من هنا يبرز السؤال الأعوص ليطرح نفسه: من الذي ضغط هذا الناعق ليعترف على نفسه و من معه، و في التوقيت و الظرفية بالغة الحساسية و الحرج؟! علما بأن الاعتراف بحد ذاته مضمن على رأس قائمة شروط قوى الحرية التغيير لاحتمالية قبولهم بمبادرة أبي أحمد لاستئناف مفاوضات غير مباشرة .

---

Post: #45 Title: Re: أفصح يا عثمان ، و لك الأمان Author: عبدالعظيم عثمان Date: 06-14-2019, 09:43 PM Parent: #44 يبدو أن عثمان ميرغني كان يقصد إشتراك رئيس القضاء والنائب العام في الإجتماع الذي أتخذ فيه قرار المجزرة

---

Post: #46 Title: Re: أفصح يا عثمان ، و لك الأمان Author: دفع الله ود الأصيل Date: 06-14-2019, 10:02 PM Parent: #45 ممتن أخوي عبد العظيم لأنيق مرورك.و صحي القضاء و النيابة مناصب تشريعية مرموقة ما في شك ؛ و لكن التلميح إلى جهابذة، ألا يذهب بنا ذهنيا إلى رموز سياسية يفترض لها ثقل جماهيري , و لا بد أن تحسب له حسابات الربح و الخسارة ؟!! [} و لا يزال سؤالنا مطروحا: من دفع هذا الناعق الأرعن لكي«تجني على نفسها و أهلها براقش»

---

Post: #47 Title: Re: أفصح يا عثمان ، و لك الأمان Author: اخلاص عبدالرحمن المشرف Date: 06-15-2019, 00:29 AM Parent: #46 السلام عليكم اتركوها فأنها منتنه ا

---

Post: #48 Title: Re: أفصح يا عثمان ، و لك الأمان Author: دفع الله ود الأصيل Date: 06-15-2019, 04:14 AM Parent: #47 [} سلمت يداك دكتورة ، و ها قد كففنا عنها سنان أقلامنا ، مثلما أغمد اسلافنا عنها حدود سيوفهم، نزولا عند صوت عقلك ، فهو أجدر أن يسمع، و رجوعا إلى الحق و هو أحق أن يتبع.

---

Post: #49 Title: Re: أفصح يا عثمان ، و لك الأمان Author: عماد الدين الطيب عمر Date: 06-15-2019, 06:45 AM Parent: #40 اها رايك شنو ااااا الحبيب شيخ كذباشي مسك المايك و قالا عدييييل ااااي اجتمعنا و كمان معانا ناس القضاء و ناس النيابة و قررنا نكتل الناس ديل الوقفين في باب القيادة و حددوا ساعة الصفر شيخ كذباشي ختاها لينا عدييييييل كتلناهم لا خطأ غير مقصود و لا غيرو كتلناهم عدييييييل و بمباركة القضاء و النيابة اها و ازيدك كمان و لا كفاك؟ احسن ازيدك قالوا ناس النيابات اجتمعوا كللللهم و اسي الان عاملين عصيان مدني قالوا عشان لبسوهم الطاقية ساي أما ناسنا ناس القضاء ديل خليهم ساي كضموا كضمة جد و اصلهم من زمااااااان كاضمين اها رايك شنو

---

Post: #51 Title: Re: أفصح يا عثمان ، و لك الأمان Author: دفع الله ود الأصيل Date: 06-15-2019, 08:20 AM Parent: #49 [} أما و قد شهد شاهد من أهلها يا عماد أخوي و انقشع الغبار تماماً عن جريمة نگراء شنعاء ضد إنسانية فلذات أكباد أبرياء، فلا حيلة أمامنا سوى أن نگظم غيظنا على كل«الگاضمين» و ننتظر.

---

Post: #52 Title: Re: أفصح يا عثمان ، و لك الأمان Author: دفع الله ود الأصيل Date: 06-15-2019, 08:40 AM Parent: #51 Quote: وحضر لقاء عثمان ميرغني وما ذكره مغاير لواقع ما نشرته الاسافير دمت بخير.} . لله در أخي عثمان محمدين، فما أحوج ظرفنا الآني لحضور أمثالك ، و لو متأخرا ، فجيدن جئت بهدوء النسيم و برائحة دعاش المطر . لتذگرنا بأن « إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين»

---

Post: #53 Title: Re: أفصح يا عثمان ، و لك الأمان Author: دفع الله ود الأصيل Date: 06-23-2019, 02:42 AM Parent: #52 عصمان مين ياخي، بالعگس ، إنتا الليلة بس ترتاح يا عم عصمان، و لقد أفصح عنك حميرلاي حبرتجي، هو حمدان و نههق بها من قبله البرهان. كسرة: داحنا وقعنا في فخ يا جدعان طلعنا ماسكين «ضنب الككو» و بهناك هتافات الجداد مدورة: « يا ريس .. وهشتكنا و بشتكنا يا ريس»!! ∆ و لا أقول ليك حاجة: يلا قوم ندور البابور!!

---

Post: #54 Title: Re: أفصح يا عثمان ، و لك الأمان Author: دفع الله ود الأصيل Date: 06-23-2019, 05:40 AM Parent: #53 ياخ دا موش اكتفى بس برفضه للمزاحمة الشُفَّع في مجلس السيادة ؛ لا ياخوي و كمان رجع في كلامو كما يرجع كلبٌ لاهثٌ مسعورٌ في قئئه، عن اتفاقم حول نسبة اال67% من مجلس البرلمان للمدنيين . و ذلك في تلميحٍ ضمنيٍّ خبيثٍ لمبادرة وساطة الاتحاد الأفريقي عبر أثييوبيا.و طبعن دا بعد ما أعلنت قوى إعلان الحرية و التغيير قبولهم إياه (شُغُل حندكة) . ثم لا عقوبات ولابتيخ ؛ و يلا قول لأبي أحمد يا أبتي قولم لف. و لاءاتك التلاتة أحسن لك بعدا، تبلهن و تسطوطن سمِّح و بعدينك تشرب مويتن.

---

Post: #55 Title: Re: أفصح يا عثمان ، و لك الأمان Author: دفع الله ود الأصيل Date: 06-25-2019, 11:05 AM Parent: #54 و الله الظاهر علينا ح نفضل كدا (ماسكين ضنب الكَكُّو) و مستنين عمك عصمان لامن يفصح لينا ؛ و الظاهر هو ظاتو يا إمتن لحس كلامو، و يا إمتن تكون تجاوزتو الأحداث بعيداً جدن عن تصريحات الناعق الفريخ أول مسيلمة الكضباشي . # ياخي لدرجة إنو حتى العلج ترمب في عز معمعة قضم الأظافر وعلوق حمار العمدة و حرب المضايق و الناقلات مع ملالي كسرى أنوشروان، قرر أخيرن جدن، يزيل عن وجهه عشاوة تجاهله لنا، و يقوم يرسل لينا مساعد وزير خارجيته، كتعبيرعن انزعاجه من خرمجات عياله في الخليج و عبثهم بعذرية ملف السودان؛ و لتحميل طه الدلاهة ذمة ضحايا مذبحة فض الاعتصام في ليلة وقفة العيد الشهيد، باعتبار طه كلبَ حراستهم و حلقة وصلهم مع قائد الجن جوييد الحميرلاي حميرتي . و من ثمَّةَ التعويل على مبادرة أبي أحمد × ثم و لا عزاء لجيئةِ أم روحة أحمد أبي ( الغائط) . # دا بعدما تبين للعالم أجمع أن تنابلة مجلس البرهان ظلوا يتلقَّون تعليماتهم رأساً من لدن الدب الداشر بن سلمان و فردته المعفن / ابن زايد آل ظرطان . ولذا يتعنتون في مواقفهم و يمعنون في التنصل منها تباعاً الواحد تلو الآخر .

---

Post: #56 Title: Re: أفصح يا عثمان ، و لك الأمان Author: دفع الله ود الأصيل Date: 06-25-2019, 11:57 AM Parent: #55 # و ذلك بدءأً بنقضهم (غزْلَهم) و نفضهم أياديَهم من كل ما سبق وتم التوافق عليه مع قِوى إعلان الحرية و التغيير (ق ح ت) بشأن تقاسم أدوار السلطة لإدارة دواليب ما تبقى من الدولة للمرحلة الانتقالية : # بأمرٍ من الحميرلاي، جرى قنص ثمانية من الشباب المعتصمين. هؤلاء وجدوهم معلقين بأستار بوابة القيادة العامة لقوات شعبنا المُشَلَّعة ،والتي تخلت، كما يبدو، مخبراً أخاك لا بطل، عن بسالتها في حماية حِمىالوطن . ثم بررالبلهان فعلتهم تلك بذريعة قلق الشارع المتزيد من مترستهم للطرقات و مناوشتهم المتكررة لمليشيات جن جويده. و لاأدري : ( أنَّى لهم التناوش ) من مكانٍ بعيدٍ وهم بصدورٍ عارية، عُزَّلاً عدا من أكف الضراعة مرفوعةً بأن النصر آتٍ بعون الواحد القهار . # كنوعٍ من مناورات لعبة الكديس والفار لجس النبض، أعلن الفليق أول (بلهان) تعليق التفاوض مع (ق ح ت) لمدة 72 ساعة، ريثما يتفض سامرهم نهائياً بإزالة المتاريس. # ثم بعدما رأو التزام قادة الحراك بحدود وضع المتاريس، أبدى قائد المجلس نيته للعودة لستئناف المفاوضات؛ بينما ترك الحبل لنائبه الأمر الناهي على غاربه لكي يمارس بدوره لعبة (الركوب على الفزرة) ، فعمل على عرقلة سير جولة الاستئناف ، بحجة أن مطالبة ( ق ح ت ) بنصيب الأسد ضمن هيكل مجلس السيادة تُعَدُّ في نظره ، ( قمسةً ضيزى). فلم يكتفي بالطعن فيها ، بل راح يطالب بالتملص حتي من نسبة ال67% في البرلمان ؛ثم انطلق يحشد داعميه هنا وهناك من بقايا كُهَن ما يسمى جزافاً برموز الإدارة الأهلية البالية .

---

Post: #57 Title: Re: أفصح يا عثمان ، و لك الأمان Author: دفع الله ود الأصيل Date: 06-25-2019, 12:36 PM Parent: #56 # هكذا، أستمر مشوار التعنٌّت من قِبَل تنابلة البلهان و قد استمرؤوا (حندكة) الشباب بأسلوب العصا و الحزرة ، ليطلبو (جمة نفس) تانية و لمدة 48 ساعة حيث يبدو أن جعبتهم فرغت من القنا، حتى ييستشيروا طه الدلاهة لمراجعة الطبخة مع المحمدين. # إلى أن حل المساء و حانت ليلة النقضاض على أنفاس الحرية ، بأن باغتوا حشود المعتصين بهجمة بربرية في معقلهم بمحيط القيادة و في 12 ولاية لتخلف أرتالاً من الضحايا بين قتيل و جريح ، سواءً حرقاً في خيامهم ، أو غرقاً في قيعان النهر الخالد. # و كردة فعلٍ مناهضة للواقعة و مكافئةٍ لها في الزخزم و معاكسة لها بالاتجاه ، لجأ الثوار إلى تنفيذ عصيانهم المدني و إضرابهم الشامل بنجاحٍ منقطع النظير مما أهله بجادرة ليُبهِرالعالم فيخلُد كأيقوةً ملهمةً و شامة ً بارزة في جبين مسيرة انتفاضات اليأس/مين العربي . # الأمر الذي أجبر ترمب على إرسال موفده الخاص لتقصى الحقائق و من ثم لتلمس مواطن ال خيبة والفشل كالعادة في ( لعب عياله) المراهقين بمصر وا لخيلج و في نفس الوقت لأيجاد مخرجٍٍ أخير للطزارئ ، لضمان بقاء مجلس تنابلة البلهان كسطلة انتهازية مطلقة العنان ، إلى حين كلفتة طبخة لعقد انتخابات صورية كي تُفضِي بنهاية المطاف إلى تنصيب حميرتي (حاكم غفلة عام) لما تبقى من مزعة وطن على تراب جمهورية موزن ا كاذب كان اسمها السودان.