Post: #1
Title: العصيان المدني الشامل حتي سقوط المجلس العسكري الإنقلابي
Author: عبدالعظيم عثمان
Date: 06-05-2019, 07:44 PM
Parent: #0
07:44 PM June, 05 2019 سودانيز اون لاين
عبدالعظيم عثمان-
مكتبتى
رابط مختصر
لابد من عمل جبار في الأحياء وبين الناس
لإنجاح العصيان المدني الشامل
المجلس العسكري الإنقلابي المجرم
مزنوق وستنكشف عوراته للعالم
قطع الإنترنت يتطلب مجهود مضاعف لتوصيل
رسالة العصيان المدني الشامل
متابعة قناة سودان بكرة وهي المنصة
الفضائية التي يعلن عبرها تجمع المهنيين
عن جداوله وتصريحاته ورسائله الثورية
تردد قناة سودان بكرة هو
نايل سات: التردد ١١٦٣٦ رأسي
معدل الترميز ٢٧٥٠٠
تصحيح الخطأ (FEC) ٥/٦
الإستعداد للعصيان المدني
شراء الإحتياجات الضرورية من بدري
الإلتزام بالمنزل وعدم ممارسة اي انشطة
تجارية او روتينية
عدم الذهاب للعمل
الناس تقعد جوة البيوت
نشوف الجنجويد ديل حيحكموا منو
|
Post: #2
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 07:48 PM
Parent: #1
مافي اي عمل مسلح او عنف
السلمية هي السبيل الوحيد لإنجاح الثورة
اي دعوة للعنف او المواجهة العنيف هي من الكيزان
اي تحريض للعنف هو لإفشال الثورة
اي إستخدام لا نوع من انواع العنف يضر بالثورة
المتاريس لا تحرس
مافي اي داعي لحراسة المتاريس
ترس وارجع بيتكم
الجنجويد شالوا المتاريس ارجع ترش تاني
الجيش نزل الشارع وسحبوا الجنجويد ما عندنا
بيهم شغلة، مافي زول عارف وينه الجيش
ووينه الجنجويد ووينها كتائب الظل
العصيان المدني الشامل حتي سقوط المجلس العسكري الإنقلابي
|
Post: #3
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 07:59 PM
قوي إعلان الحرية والتغيير
وتجمع المهنيين
هما قيادة هذه الثورة
الثورة والثوار غير مغنيين بأي أجسام جديدة
اي إنشاء لمراكز قيادية جديدة للثورة دا شغل جداد إلكتروني
هدفنا واضح ومحدد هو إسقاط المجلس العسكري الإنقلابي
اي خلافات تؤجل لأنها ليست أهم من دماء الشهداء
اي منافذ تتدخل عبرها الثورة المضادة يجب إغلاقها بإحكام
مواجهة مليشيات دموية وثورة مضادة وفلول من الكيزان
نحتاج ان نكون وحدة صلبة تتحرك نحو هدف واحد
العصيان المدني الشامل حتي سقوط المجلس العسكري الإنقلابي المجرم
لا تفاوض
لا حوار
لا تفاهم
لا قبول باي طرح من هذا المجلس العسكري الإنقلابي المجرم
|
Post: #4
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 08:05 PM
Parent: #3
العصيان المدني الشامل
مهم جدا أن ينتظم فيه كل الشعب السوداني
يوم الأحد القادم لانه اول يوم عمل بعد عطلة العيد
عشان الموضوع ينجح لازم كل الناس تشتغل
تحضير اليوم وبكرة وندخل الأسبوع الجاي
وكل بيت فيه ما يكفيه من مؤونة وإحتياجات
تفقدوا جيرانكم
ساعدوا بعض
تعينوا بعضكم البعض علي تغطية
الإحتياجات
اعملوا مبادرات في الحي جماعيا
لشراء الاحتياجات الأسبوعية وتقسيمها بين
الجيران، دا حيكون عمل تعاوني عظيم
انشروا ثقافة العصيان المدني
وبشروا بأهمية العصيان القصاص من القتلة
العصيان المدني عشان مافي زول قاتل يفلت من العقاب
|
Post: #5
Title: Re: العصيان المدني الشامل حتي سقوط المجلس الع
Author: Mutasim Idris
Date: 06-05-2019, 08:07 PM
Parent: #3
Quote:
العصيان المدني الشامل حتي سقوط المجلس العسكري الإنقلابي المجرم
لا تفاوض
لا حوار
لا تفاهم
لا قبول باي طرح من هذا المجلس العسكري الإنقلابي المجرم |
سودان ماقبل 29 رمضان يختلف شكلا ولونا وتوجه..
التروس التروس التروس.. كلنا قدام التروس..
اي كلام ح نكتبه او نقوله تاني يا مع تقوية الترس او فضه..
سلام يا عبدالعظيم..
|
Post: #6
Title: Re: العصيان المدني الشامل حتي سقوط المجلس الع
Author: Mutasim Idris
Date: 06-05-2019, 08:42 PM
Parent: #5
التركيز علي انجاح العصيان المدني في الاقاليم مفروض يكون من الاولويات.
ثوار الابيض كسلا الفاشر عطبرة مدني الدمازين كوستي سنار وحتي القري في ارجاء الوطن الحبيب.
القبضة الامنيه في الخرطوم والتجاوزات من مليشيا الجنجويد ح تشتد في الايام الجاية وفي الاقاليم ح تكون اقل حده.
|
Post: #7
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 09:09 PM
Parent: #6
لجان الأحياء لازم تحصروا الحالات الحرجة
في الحي، المرضي العندهم جلسات لا تؤجل
حالات الولادة
اي حالات خاصة او حرجة لابد من مساعدة الناس ديل
لجان الأحياء انتو الحكومة في الأحياء
ما عاوزين زول يتأذي من العصيان المدني
قدر المستطاع افعلوا ما تستطيعون في مساعدة
الناس.. ونجحوا العصيان في نفس الوقت
المتاريس المتاريس المتاريس
مافي حل غير البل
|
Post: #8
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 09:29 PM
Parent: #7
نعم يا معتصم الثورة بعد 29 رمضان
ثورة تانية، حق الشهداء القصاص بس والمشانق
والمسؤول عن الجرائم دي المجلس الإنقلابي
العصيان المدني عشان البلد دي تتشلا
وتتقطع اوصالها بالمتاريس
عشان المجرمين ديل يعرفوا قوة الشعب
وانه صاحب المصلحة الحقيقية في التغيير
|
Post: #9
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 09:35 PM
Parent: #8
يا ريت لو كل حي عمل لجنة خدمات
شغلها تأمين إحتياجات الناس الأساسية
بي صورة تعاونية.. المعركة مع المليشيات
وفلول الكيزان معركة طويلة
الصمود يحتاج الي ترتيب.. لازم لجنة الخدمان
دي تشتغل علي سد الإحتياجات قد المستطاع في كل حي
قد تكون في إعتقالات لازم لجان ظل وخطط بديلة
لكل لجنة حي.. الكيزان أعداء الشعب لابد من الإستعداد
الكامل لمواجهة هؤلاء المجرمين
نقطة الضعف ستكون تضرر الناس من العصيان
موضوع الإحتياجات الأساسية عاوز ترتيب مسبق
موضوع الحالات الحرجة والمرضية برضه عاوز
ترتيب ومساعدة للناس المحتاجين
الثورة دي ثورة الشعب
|
Post: #10
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 09:38 PM
Parent: #9
البوست مفتوح لأي إقتراحات لإنجاح العصيان المدني الشامل
الشباب في تجمع المهنيين منفتحين علي كافة الإقتراحات
التي يمكن أن تساعد علي إنجاح العصيان بصورة شاملة
البوست مفتوح الإقتراحات التي تسهم
في نجاح العصيان
|
Post: #11
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 10:06 PM
Parent: #10
في قرية حصل عندهم شح في الحليب
شيخ القرية إقترح يخت حلة كبيرة في نص كل شارع
واي زول عنده حليب فائض يكبه بالليل
اليوم التاني شيخ القرية مشى علي الحلل لقاها كلها مليانة موية
ناس القرية كل واحد بالليل شال موية وكباها علي أساس إنه
باقي الناس حيكبو حليب ومافي زول حينقش
العبرة من هذه القصة ان الإشتراك الجماعي ينجح العصيان المدني
اي زول يشترك عشان العصيان ما يفشل
المسؤلية جماعية
مافي زول يتوقع أن شخص آخر سيقوم بدوره
وقت اهل السودان كلهم كبوا الحليب سقط البشير
|
Post: #12
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-05-2019, 11:15 PM
Parent: #11
إشتراك كل الناس في العصيان حيسقط
المجلس العسكري الإنقلابي المجرم في أقرب وقت
مافي زول حيقوم بي دور التاني
الكيزان والفلول في مواجهة الشعب
علي الناس أن تختار
تشترك في العصيان ولا تكب الموية بالليل في الحلل
العصيان دا ترياق للمجرمين
العصيان المدني عشان دم الشهداء
نجاح العصيان المدني في الترتيب
ودا شغل لجان الأحياء
إذا حيك فيه لجنة امش عليها ونسق معاهم
إذا مافي لجنة إنت اللجنة
الثورة دي حقت الناس كلهم
|
Post: #13
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-06-2019, 09:58 AM
Parent: #12
مع قطع المجلس العسكري الإنقلابي المجرم للإنترنت
الناس تتابع قناة سودان بكرة صوت تجمع المهنيين
التردد فوق
نشر المعلومات بترتيبات العصيان المدني الشامل
مهمة كل الناس
نجاح العصيان تعني محاكمة القتلة والمجرمين
نجاح العصيان المدني الشامل تعني إقتراب الدولة المدنية
|
Post: #14
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-06-2019, 10:29 AM
Parent: #13
أنشروا رسائل العصيان المدني الشامل
عبر الرسائل النصية القصيرة SMS
السودانين خارج السودان عليهم مسؤلية
كبيرة في التواصل عبر التلفونات وإستغلال
الإنترنت لتوصيل رسائل العصيان المدني
دي حوبتكم
دور اخر يتعلق بالدعم المادي يجب علي الجميع
المساهمة بما يستطيع عبر اهل بيته
ادعم العصيان بدعمك لأهل الحي
تستطيع أن تدعم باي مبلغ يسهم في نجاح العصيان
الموضوع حيطول ويحتاج الي سند ودعم من الكل
دي معركة الشعب السوداني الفاصلة
المسؤلية علي عاتق الجميع
|
Post: #15
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-06-2019, 11:04 AM
Parent: #14
يا بكري بالله ارفع البوست دا فوق
مع عدم وجود إنترنت في البلد المهمة صعبة
جدا لنشر اخبار العصيان المدني
الرجاء رفع البوست
|
Post: #16
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-06-2019, 11:38 AM
Parent: #15
لجان الأحياء إنتوا قادة معركة العصيان المدني الشامل
لجان الأحياء إنتوا القادرين تسيطروا علي الارض
لجان الأحياء شغلكم المتاريس وناس الحي
وتقسيم الأدوار
الخطط البديلة ولجان الظل كله لازم يكون جاهز
معلومات الإتصال ببتاع العيش والكهرباء
والعربية الجاهزة للتوصيل في الحي
الكلام دا مفروض يكون في مركز لجنة الحي
ويكون مع أكثر من زول اذا تم إعتقال
يستمر الشغل دون توقف... غيروا السكن
تنقلوا في المبيت غيروا مناطق تواجدكم بقدر المستطاع
التأمين مهم...
التعامل مع المتاريس مافي اي داعي لحراسة الترس
تترس وتبرم ملف وتراقب ترسك من بعيد او من وقت لاخر
الجنجويد شالوا الترس خليهم يتخارجوا امشي ترس تاني بعد مسافة
يعني ما تترس طوالي، خليهم يتخارجوا بعد أكثر من ساعة
ارجع تاني...
حافظ علي روحك وروح غيرك
اتفقدوا جيرانكم وتحديدا الأسر البسيطة
ناس اليومية ورزق اليوم باليوم
دي ايام حيظهر فيها معدن الشعب السوداني
|
Post: #17
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-06-2019, 02:44 PM
Parent: #16
المتاريس
السلمية
العصيان المدني الشامل
رغم الوجع والحزن ستتواصل ثورة السودانيين
حتي يستردوا وطنهم كاملا ويقيموا دولة العدل والحرية
لن تستطيع اي قوة علي الارض أن تمنعهم
نحنا قدامنا الصباح
|
Post: #18
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-06-2019, 11:58 PM
Parent: #17
في دعوات للخروج للشارع عبر مكبرات الصوت
للتريس بالليل.. الكلام دا شرك من الأمنجية
عاوزين يلقطوا ويعتقلوا اكبر عدد من الثوار
بغرض إفشال العصيان.. ترس بالنهار الصباح وما تحرس الترس
ما في زول يطلع من بيته.. لا في عصابات ولا في تتريس
يكوركوا ليه بمكبرات الصوت
كل لجنة حي عارفة شغلها وعارفة بتتواصل مع الثوار
في الحي كيف..
زي الدعوات دي حتكتر الليلة وبكرة
الناس بيرجفوا من العصيان المدني الشامل
|
Post: #19
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-09-2019, 05:21 AM
Parent: #18
العصيان المدني الشامل حتي سقوط المجلس العسكري الإنقلابي
|
Post: #20
Title: Re: العصيان المدني الشامل حتي سقوط المجلس الع
Author: ترهاقا
Date: 06-09-2019, 05:34 AM
Parent: #19
شعب واعي وإن شاء الله العصيان ناجح
اللهم سلط على دول محور الشر من لا يخافك فيهم
|
Post: #21
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-09-2019, 11:34 AM
Parent: #20
الحل في الشل
انت ما شفت حاجة يا مجلس يا عسكري يا إنقلابي
سنسترد بلدنا
ونبني دولتنا المدنية رغم انفكم
|
Post: #22
Title: Re: العصيان المدني الشامل حتي سقوط المجلس الع
Author: عبدالعظيم عثمان
Date: 06-09-2019, 12:36 PM
Parent: #21
إستفتاء شعبي كبير
وتأكيد التفويض الشعبي لقوي الحرية والتغيير
الشعب السوداني ينفذ العصيان المدني الشامل
ولا احد يزايد علي تماسك الثوار والشعب السوداني
حول قيادة ثورته المجيدة..
المجلس العسكري الإنقلابي أصبح يقف عاريا
من أي تأييد شعبي، يقف عساكره
في الشوارع التي تخلو من المارة إستجابة
لدعوة العصيان المدني من قوي الحرية والتغيير
تاني عاوزين شنو أكثر من كدا
سيستمر العصيان المدني حتي سقوط المجلس العسكري الإنقلابي
|
|