الجماعة ديل اعلنو العيد يوم التلاتاء عشان يشقوا الصف و ما صلّو وراهم غير بالكتير الفين معقول ده يا جماعة لو كان صلّوا وراهم ميّة الف كان لب لب لب رب رب رب لكن ده استفتاء ربّانى فضح عمايلن الشينه و يا عيب الشوووووم استفتاء ربّانى و بالقانون كمان بالقانون
Post: #3 Title: Re: بالقانون Author: علي عبدالوهاب عثمان Date: 06-05-2019, 01:54 PM Parent: #2
حبيبنا جلالدونا .. كل عام وانت بخير الممارسات دي تحصل دائماً في الدول التي بها شيعة وسنة ( خاصة العراق واليمن ولبنان ) وفي دولة مثل السودان لا تصلح مثل هذه الممارسات لأن الرابط الاجتماعي قوي جدا تخيل في احياء الخرطوم مثلا جماعة تفطر مع بعضها فطور جماعي كيف جزء يصوم وجزء يفطر وبالنهار .. ده مولع سيجارة وده سفة صعوط وده صائم (شيء غريب لا يشبهنا ) وكيف يكون العيد وكيف المعايدة والاطفال الذين ينتقلون من بيت الى آخر ناس فلانة صايمين ونحن فاطرين ... وسهرة الجيران يوم العيد
في أي بلد آخر ممكن لكن عندنا في السودان وقعه سيء غير الجدال بين الناس من هو الصح قاتل الله الكيزان هذه نتيجة حكمهم الجائر
يا جلال مع كل اسف ناسك ديل مخهم وقف في 1964 وما قرو الواقع قراة صحيحة ابدا ولا زالو وكل حاجاتهم حتفشل كانو نافخنهم ناس حزب الامة والمؤتمر الشعبي من وراء حجاب ناس الهبوط الناعم الانتخابات والنظام واحد انسلخو ذى الثعابين من جلد المؤتمر الوطني وهسة بجوك بي حزب جديد وشباب ايضا ذى ناس ذو النون وجماعتك راهنو علي قانون القوة الجيش وليس قوة القانون المحكمة الدستورية وسلاح الوعي ولا مسكو حتي درب الحركة الشعبية الاصل 2005-2010 الوصلنا انتخابات 2010 ولحدي هسة ناسك ما ببذلو اي جهد حقيقي يتحدو بيه الناس ديل انتخابات لانهم الاصل جرو من انتخابات 2010 لنفس السبب ما عندهم جماهير حقيقية وحتي ما اكثرمن الطلعو لي جون قرنق وكمان يعرقو العالم الخارجي ايضا ليه حساباتهم ممكن يمشط الناس ديل بي قملهم ويفكهم عكس الهواء وناس لهبوط الناعم جهزين للانتخابات او نواجه الفصل السابع والغزو الامريكي المباشر وكل عام وانت بخير الرهان علي العصيان المدني ايضا خاسر نافخنو جماعة الترابي في الدولة ولا يوجد اصلا خدمة مدنية محترمة في السودان بعد التشريد والصالح العام 1989 فصلو 67000 سوداني ومعظم السودانيين المحترمين فعلا في المهاجر 5000000 سوداني في كل العالم
خلي صاحب البوست اكثر الصلو يوم الثلاثاء ولي الاربعاء ا يا كمال ناس الهيوط الناعم فكوكم عكس الهوا والمجلس العسكري مالي يده منهم احسن تفدم برنامج تحول ديمقراطي واضح مقاسك يخلي الشيوعيين والناصريين والبعثيين اغلبية يعني نضرب صوت الناخب ليكم في مليون وتخلي هذيانك ده ساكت ا
و انت طيب شيخنا على من ما قمنا دايما بنصوم و نفطر مع ثبوت الرؤية فى السعودية شنو البخلّى ناس اللجنة الامنية يعلنوا العيد يوم الاربعاء المرّه دى الجدّ شنو السبب سياسى امنى و ليس شغل دين حسب معلوماتى معظم السودانيين عيدّو يوم التلاتاء و جاتنا الاخبار انّو جنجويد حميدتى منعوا الناس من الصلاة نحن شعب متسامح دنينيا و لن نختلف يوم فى حتة شعائر الدين دى ما لم يتم اشتغلاله سياسيا كما هو حادث الان
يا عادل امين خلينا هسى من الكوفات بى قملو ده نحنا فى خطاب خميدتى الوالغ من كاس عمالتو و تبيعتو و مولاتو للنظام الذى ما زال يحكم و بقوة السلاح و تحت دعوة و بالقانون و بعدين احب اقول ليك كل تاريخ السودان شى و ما تخطه هذه الثورة شى تانى لا يصل معه اى ترتيق تلتيق للماضى كتبت الثورة و انهارت صحف الماضى
يا ابوحسين عليك النبى تخليها المرة دى بالقانون ياخى الزول ده فى الوقت البمارس فيهو القتل و الفتك بالشعب السودانى عاوز يطلع الشعب السودانى على كل الحقائق و الحكاية دى لا يمكن ان تتم الا بالقانون ف شنو خليها بالقانون ... بليييييييز عشان خاتري
مرحب كمال غرقان فى كمية الجهل و النفاق و الكذب الذى يلفظه لسان هذا القاتل المأجور يتحدث عن العمالة للخارج و هو غرقان فيها يتحدث عن التمويل الخارجى و جيبو مليانات بالمليارات من ذات المنبع يقتل فى الثوار و يقول انه انحاز للثورة و الثوار يقتل فى الشعب السودانى ثم يقول انه سيقوم بتوضيح الحقائق للشعب السوداني ثم الجلام ده كلّو ح يحصل و بالقانون كمان غايتو كان اتهكّرت بكون مهكّر بالقانون برضو
Post: #12 Title: Re: بالقانون Author: adil amin Date: 06-07-2019, 05:19 AM Parent: #11
لمن تتكلم عن القانون هنا (المحكمة الدستورية) وهسة جروكم من قفاكم لمنبر الايقاد ثاني ودي ثورة مزيفة مطبوخة من اولا لي اخرا وبين السيء بعاعيت مايو 1969 والاسوا ايتام التربي 1989 وتشبه ترهات الربيع العربي بي ضبانتا بالله تخت لي ناس الاصم السنهوري وساطع وصديق يوسف محل اعلام الفكر السوداني محمود محمد طه ود جون قرنق شغل مخك محل القانون المحكمة الدستورية عندك تسعة قضاة رجال ماركة ابو رنات والنحجوب ولي نجيب فرفور
Quote: وجماعتك راهنو علي قانون القوة الجيشوبلادة اكتوبر 1964 وليس قوة القانون المحكمة الدستورية وسلاح الوعي ولا مسكو حتي درب الحركة الشعبية الاصل 2005-2010 الوصلنا انتخابات 2010
Post: #13 Title: Re: بالقانون Author: عمر نملة Date: 06-07-2019, 06:55 AM Parent: #12
ما حصل منذ بداية الثورة وخاصة الاعتصام الاعزل من أبسط وسايل الدفاع وحماية النفس مثل عمل ورديات مراقبة وحماية مثل وسايل السلامة الأولية الخ َََ... يعتبر انتحار بما تعني الكلمة... الثورة ضد الكيزان الذين ليس لهم حل غير التمسك بالسلطة... الكيزان سياستهم انا والطوفان.. كفاية استسلام وتقديم قرابين... معقول نسا في خيمة على مرمى حجر من نيرانهم... من يتوقع نتيجة غير الاغتصاب والقتل والحرق يكون مخطي... لا يوجد غير واحد من اثنين الاستسلام او المقاومة المسلحة ما في حل غير ذلك للأسف... إبادة او حرب أهلية
Post: #14 Title: Re: بالقانون Author: علي عبدالوهاب عثمان Date: 06-07-2019, 11:37 AM Parent: #13
الحبيب جلالدونا .. تحياتي .. من يومين ألاحظ أن الحديث عن البشير وجماعته لم يعد كما كان قبل أيام خاصة بعد المجزرة المروعة التي قام بها المجلس الانقلابي والجنجويد مما صرف الأنظار عن المفسدين والمطالبة بإعتقالهم إلى برهان ومساعده حميدتي وربما بدأ المجلس الانقلابي التنسيق مع الحكومة العميقة لأن المطالبة بالمحاكمة للمجلس جعلهم يرجعون إلى الفلول على قحت والتجمع اجراء بعض المناورات لفك هذا الارتباط
يا عمر مافى انتحار فى الحتة دى سلمية الثورة و الاعتصام كشفت اشياء كثيرة وازاحت الغموض عن مواقف و شخوص كثيرة كانت ستصيبنا فى مقتل فى مقبل الايام لو لم يتم اكتشافها الان على رأسها رأس النفاق حميدتى و انقاذية اللجنة الامنية المتسلطة الان و تخاذل الصادق المهدى .. ده داخليا و دموية الجنجويد و تكوينها الاجنبى خارجيا مواقف السعودية و مصر و الامارات الحاجات دى ما كان ح تحدد لو لا سلمية الثورة و الاعتصام و كان لا بد ليها من تمن الان وصلنا خطوة التصعيد الثالثة و اعلان العصيان و هو كفيل بأسقاط اعداء الثورة فرادى و مجتمعين ان شاء الله و الان الخطوز الثالثة فى العصيان
اللجنة الامنية او ما يسمى بالمجلس الانتقالي اصلا هى جزء اصيل من النظام الصادق و قرار تكوينها صادر بتوقيع الرئيس المخلوع عشان كده كان لازم تبحث عن مخرج و تتواصل مع بقايا الانقاذ هم الان واجهة الانقاذ الاخرى و فى نسختها الثالثة