يا عمر دفع اسخر كما شئت في كاريكاتيرات لكن احفظ لأي القران حرمتها

12:29 PM May, 31 2019

سودانيز اون لاين
احمد عمر محمد-رحال - متنقل
مكتبتى
رابط مختصر

يقول الله تعالى ( وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِن دُونِهِمْ لَا تَعْلَمُونَهُمُ اللَّهُ يَعْلَمُهُمْ ۚ وَمَا تُنفِقُوا مِن شَيْءٍ فِي سَبِيلِ اللَّهِ يُوَفَّ إِلَيْكُمْ وَأَنتُمْ لَا تُظْلَمُونَ)
وفي العربية متسع أن تؤلف كلاما من شعر ونثر وكلام سوقي وآخر مبتذل فاصنع منهم ما شئت وقل مالم يقله مالك في الخمر واترك للقرآن حرمته وهذا يجعل لرسوماتك شعبية اكثر بدلا من أن تكون جارحة لمعتقدات الناس واتمنى أن تتفهم مقصدي من البوست واكون شاكرا لك لو عدلت ما فيه من الكلام
تقبل تحياتي

الاخ احمد

دي حاجة بترجع ليهو هو
لو ما عاجبك انتقد .

انا شخصيا عاجباني وشايفها حقيقة الان .

Quote: واكون شاكرا لك لو عدلت ما فيه من الكلام

انت فهمت شنو منها ؟

Quote: في العربية متسع

ودى من متًسعات العربيًة
يا شيخ أحمد ... القرآن معجزة اللغًة العربيًة والإقتباس مدخل وسيع من أبواب الفصاحة عند العرب.
هوًن عليك . وما تشيل هم فالذًكر لا يناله التًحريف. ما أتى يه الأخ عمر ضرب من الفصاحة والتمكًن الللًغوى

سلام عمر
هسي في سودانيز اونلاين بتلقي اكثر الناس بلاغة في الكتابة بستخدمو بلاغة القران. اديك امثلة:
1. واحد كتب هنا "لو واحد حاول يعتدى علي الوطن, فالجيش لابد يعاملهم بالتي هي اخشن"
2. في مظاهرة طلعو فيها ناس بسيطين, فواحد كتب "ثلاث بنات و رابعهم فلان"
3. واحد من الحجم العائلي قام يضارب في زول كحيان. بعد ما حجزوهم, الكحيان علق "ده ربنا اداهو بسطة في الجسم و الجهل"

__________
كدا بالمرة نجعل من هذا البوست مناسبة لرصد البلاغة المستقاة من القران.

أخي أحمد هذا يدخل ضمن ما يسمى باقتباس التعبيرات القرآنية كضرب من ضروب البلاغة والتواصل الفعّال، ولو راجعت منبر أبصلعة ستجد أن البورداب استخدموا عبارة: "مالكم كيف تحكمون" مئات المرات، واستخدموا القسمة الضيزى، ويأمرون بالمنكر وينهون عن المعروف، وهل يستوي الذين يعلمون والذين لا يعلمون.عمر دفع الله كاريكاتيرست بمواصفات عالمية (واعتقد أن الأمنية الوحيدة المتبقية لعمر البشير هي أن يعضي عمر دفع الله في أضانو وبعد داك مستعد يسلم نفسو لبن سودة! وإذا علمت أن عمر دفع الله يقيم في الاراضي المنخفضة، تفهم لما يرفض البشير تسليمه للجنائية).

Quote: القسمة

الضيظى
شيخ/ محمد الأمين موسى
معقولة دي لغة قرآن ؟
ارجع الى سورة (النجم) الاية (22)

ليس هناك ضير في لغة القرآن
كبار شعراء الحقيبة كان لهم باع طويل وتشبيهات عجيبة واقتباس من القرآن
انا شخصيا اعرف قصائد كثيرة جدا لابي صلاح وعبيد عبدالرجمن وعتيق والمساح وعبدالرحمن الريح وسيدعبدالعزيز
على سبيل المثال فقط ابوصلاح قال
ﻳﺎ ﺳﻤﻴﺮ ﺑﻲ ﻧﻈﺮﺗﻚ ﺃﻭﻓﻲ ﺍﻟﻤﻴﻌﺎﺩ
ﺍﻟﻌﻴﻮﻥ ﺍﻟﺸﺎﻓﺘﻚ ﻣﺎ ﺃﺳﻌﺪﺍ
ﻗﻮﻝ ﻟﻮ ﻳﺎ ﺍﻟﻤﻜﺤﻮﻝ ﻃﺒﻊ ﻣﻦ ﻏﻴﺮ ﺳﻤﺎﺩ
ﻟﻠﺼﺪﻳﺮﻩ ﺷﺎﻝ ﻭﺧﺼﺮﻭ ﻣﺎﺩ
ﻳﺎ ﺍﻟﻤﺤﺠّﺐ ﻓﻲ ﻏُﺮﻑ ( ﺫﺍﺕ ﺍﻟﻌﻤﺎﺩ)

عبيد قال
ﻳﺮﺿﻴﻨﻲ ﻣﺎ ﻳﺮﺿﻴﻚ ﻭﺍﻟﻨﺎﺱ ﺃﻣﻮﺭﻫﺎ ﺗﻤﻮﺭ
ﻭﻣﺤﺎﻝ ﺃﺳﻴﺒﻮ ﻫﻮﺍﻙ ﺇﺫﺍ ( ﺍﻟﺴﻤﺎﺀ ﺗﻤﻮﺭ )

سيدعبدالعزيز قال
في قصيدة (مسو نوركم)
"ﻫﻞ ﺍﺗﺎﻙ ﺣﺪﻳﺖ " ﺍﻟﻜﻮﻛﺐ ﺍﻟﻨﻀﺎﺡ
خليل مطران برضو قال
ﻗﻠﺖ ﺃﺭﺳﻞ ﻃﺮﻓﻲ ﻟﻮ ﻳﺮﺍﻙ ﻳﺴﻴﺮ
ﺟﺎﻧﻲ ﺩﺍﻣﻊ ﻃﺮﻓﻲ ﻭﻋﺎﺩ ﻟﻲ (ﺣﺴﻴﺮ)
في اشارة للاية في سورة الملك: فارجع البصر كرتين ينقلب اليك البصر خاسئا وهو حسير

الفنان عمر دفع الله صراحة صاحب انسان صاحب فكر وذكاء
ربنا يديهو الصحة والعافية

Quote: . واحد من الحجم العائلي قام يضارب في زول كحيان. بعد ما حجزوهم, الكحيان علق "ده ربنا اداهو بسطة في الجسم و الجهل"

ديل منو يا محجوب, هههه قدر ما حاولت اتذكر ما عرفتهم

Quote: ديل منو يا محجوب, هههه قدر ما حاولت اتذكر ما عرفتهم

انت با ود االبشرى ما بتفوت حاجةّ!
دى حصلت قبل سودانيز اونلاين تحديد في دورة المستقلين القفلو بيها الجامعة تقريبا سنة 91 او 92.
المهم في شلة كان زميلهم كوز سكن معاهم في سنه البرليم. لما المشكلة ديك حصلت, اول شئ بدا بشلتو. واحد منهم قال فيهو الكلام ده.

_______
انا بعرف ابطال القصة كلهم

دورة المحايدين تقصد و مشكلة جمعيات الكيزان القفلها الاتحاد
اها ايه رأيك انا حاضر الفترة دي

سلام يا عمر
الكلام دا مشهور فى البلاغة :ويسمى بالاقتباس وهناك ايضا التضمين وكلاهما من فن " البديع "
وهو مستساغ عند الادباء .
والاخوين مححوب واحمد ياسين اعطوك امثلة دالة .

محمد الامين
كل سنة وانت طيب:" واذا علمت ان عمر دفع الله يقيم في الاراضي المنخفضة ، فستعرف لماذا يرفض البشير تسليمه للمحكمة الجنائية:"،،،
الله يجازي محنك يا محمد الامين ،،ضحكتنا لمن شرقنا ونحن في هم وغم من الجدل البيزنطي بين المجلس العسكري الكيزاني والتجمع حول المجلس السيادي ،،،ويا رب كل ايامك تكون ضحك وسرور ،،

شكرا أخي أحمد على التصويب

سلام
غريبة تقيد الإبداع من زول مبدع بحجة قدسية القران محتفظ بابداعات الاستاذ احمد عمر لو نزلتها بياخد اسنا في قبولة...

شاكرا مروركم يا إخوة في إثراء البوست وانا ما جئت مقيدا أو رافضا لكن رأيت أن الأمر فيه متسعا اذا كانت اللغة هادئة ليس في محل تهكم أو ازدراء اعتقد أن الاقتباس والتناص وما على شاكلته في التعبير اللغوي مشهور متوافر وجميل في أغلبه الا ما شذا منه وليس للشاذ في الغالب حكم.
ساعود اليكم جميعكم فقد اشغلني السفر وما رأيت التداخل الا للتو ولي عودة حين ميسرة
تحياتي لكم جميعا