Post: #1
Title: ناس سودانيزاونلابن يذبحون عجل كرامة للثورة فى العيد
Author: النصرى أمين
Date: 05-31-2019, 02:01 AM
02:01 AM May, 30 2019 سودانيز اون لاين
النصرى أمين-كالغرى, كندا
مكتبتى
رابط مختصر
الفكرة ببساطة اعضاء و قراء سودانيز أونلاين يتشاركوا
فى شراء عجل (حوالى 350 كيلوجرام) كرامة كأول عيد من غير
المخلوع البشير و تقديم وجبات جاهزة للمعتصمين فى القيادة العامة ايام
عيد الفطر المبارك.
لو العدد المشاركين كبير ممكن نذبح عجلين .
عملت بعض الاتصالات لمعرفة التكلفة الكلية والتى تشمل
شراء العجل من مزرعة كلية الزراعة جامعة الخرطوم (اخر مرة كان سعر الكيلو
حوالى 47 جنيه و العجل فى الميزان)
بعدها تكلفة الترحيل و الذبح و التقطيع.
بعدها الطبخ و احتياجاته من بصل و زيت الخ.
الرغيف.
ثم تكلفة التعبئة فى صحان بلاستيكية
ثم الترحيل .
تقديراتى الاولية (حسب تجربة سابقة قبل 8 شهور ) حوالى
800 الى 900 دولار كندى (600 دولار امريكى)
الارقام تقريبية احتمال تكون برة الشبكة لكن منتظر التاكيدات من السودان
بكره الجمعة .
ممكن نعمل تنسيق مع إحدى الخيام فى الإعتصام و عمل بانر عليها اسم سودانيزاونلاين
الفكرة فى بدايتها تعتمد على الاستجابة
|
Post: #2
Title: Re: ناس سودانيزاونلابن يذبحون عجل كرامة للثو�
Author: Mohamed Adam
Date: 05-31-2019, 05:05 AM
Parent: #1
| Quote: ناس سودانيزاونلابن يذبحون عجل كرامة.. |
من وجهة نظري يا اخ النصري احسن ناس سودانيزاونلاين يكرموا بقدرات فول مصري مصلح ومعاهو حلل كبيرة بتاعت عدس وفي الختام مرطبات ومعاهم شاي وقهوة..!Quote: الفكرة ببساطة اعضاء و قراء سودانيز أونلاين يتشاركوا فى شراء عجل (حوالى 350 كيلوجرام) كرامة كأول عيد من غير المخلوع البشير و تقديم وجبات جاهزة للمعتصمين فى القيادة العامة ايام
عيد الفطر المبارك. |
كفرحة لأول عيد من غير المخلوع عمر البشير حقوا الناس تحتفل باحياء ذلك العجل وليس بقتله لأن المناسبة تعتبر يوم عظيم، كتب الله فيها حياة جديدة للشعب السوداني.. يبقي ما راس مال البشير حتي يقتلوا ليهو روح عجل بحالها.. روح العجل اقيم من البشير كسلوك عشان ما تهدر سمبلة، ماكفاية الأرواح الآدمية الكتلها في فترة حكمه...
إعتمد مساهمتي بمبلغ 100$ دولار لو تحييون العجل!
|
Post: #3
Title: Re: ناس سودانيزاونلابن يذبحون عجل كرامة للثو�
Author: امتثال عبدالله
Date: 05-31-2019, 05:07 AM
Parent: #1
والله فكرة ممتازة ، على الاقل مساهمة رمزية من ناس سودانيز اونلاين لاشاعة الفرحة للثوار المعتصمين ،،،
اقتراح اوسكار خمس نجوم ويا ريت تتنفذ ،،،،وعلى حسب تصورك لتكاليف الموضوع فهو مبلغ بسيط جدا بالنسبة
للمهاجرين في امريكا وكندا ، ورد الله غربتهم واعادهم الى وطنخال من اللصوص والحرامية وسفاكين الدماء
|
Post: #4
Title: Re: ناس سودانيزاونلابن يذبحون عجل كرامة للثو�
Author: جلالدونا
Date: 05-31-2019, 05:29 AM
Parent: #3
اعتمد 100 دولا امريكي
|
Post: #5
Title: Re: ناس سودانيزاونلابن يذبحون عجل كرامة للثو�
Author: النصرى أمين
Date: 05-31-2019, 05:59 AM
Parent: #4
سلام محمد آدم
الظاهر عليك بقيت نباتى 😄
و اوع كمان تكون vegan كمان ..
ياخ يقولوا اللحم سيد الطعام وخير اللحم ما جاور العظم .
بعدين فى ثقافتنا السودانية مافى شىء افضل وقت الكرامة مثل الذبيح....
ناس السودلن اقترحوا نشترى لحمة مفرومة كميات تجارية و نعمل ملاح تقلية و عصيدة .
لكن انا ما اتحمست للفكرة ....
دايرين الناس المعتصمين يستمتعوا بالاكل وليس هناك افضل من اللحوم
|
Post: #6
Title: Re: ناس سودانيزاونلابن يذبحون عجل كرامة للثو�
Author: النصرى أمين
Date: 05-31-2019, 06:04 AM
Parent: #5
اهلا امتثال ..
نفس الشخص الذى يساعد فى مشروعنا هذا كان فى قيادة
برنامج يومى لتجهيز عشاء و سحور رمضان (رز بلبن و سندوتشات طعمية ؛ مديدة دخن الخ)
رغم المعاناة لم (تفط) يوم واحد فى رمضان..
فكرت أشرك أعضاء سودانيز أونلاين فى المشروع لكن الحمدلله لم نحتاح .
|
Post: #7
Title: Re: ناس سودانيزاونلابن يذبحون عجل كرامة للثو�
Author: النصرى أمين
Date: 05-31-2019, 06:05 AM
Parent: #6
شكرا جلال..
نتمنى ان يكتمل العدد حتى نبدا فى التنفيذ
ان شآء الله معلومات زيادة نهاية يوم بكره الجمعة
|
|