حميدتي يقرر تحدى الشعب

09:24 PM May, 21 2019

سودانيز اون لاين
Khalid Abbas-Sudan
مكتبتى
رابط مختصر

🔴🔴

*حميدتي على تلفزيون السودان

*البِضرب عن العمل امشي بيتو بس .. المرة دي مازي المرات الفاتت .. على حد قوله ..*

#نائب_رئيس_المجلس_العسكري
لوكلاء الوزارات الاتحادية :
نؤكد علي أهمية إعلاء قيم الوطنية ومصلحة الوطن والشفافية والعدل والصدق في العمل وتقديم الخدمات للمواطنين وعلى ضرورة إنفاذ القانون على الجميع وتكثيف الجهود لإعادة الثقة للجهاز المصرفي .

إحنا شغالين صاح ، والبضرب دا يمشي بيتوا طوالي .

Quote: *البِضرب عن العمل امشي بيتو بس .. المرة دي مازي المرات الفاتت .. على حد قوله ..*

فريق اول الخلاء ده ان شاءالله يكون فاهم الاضراب والعصيان المدني يعني شنو..
ما يكون فهموا ليهم زي فهموا للشوري والديمقراطية ال زي بعض..
خالد عباس سلام.

Quote: فريق اول الخلاء ده ان شاءالله يكون فاهم الاضراب والعصيان المدني يعني شنو.. ما يكون فهموا ليهم زي فهموا للشوري والديمقراطية ال زي بعض..

فاهم وعامل ليهو مليون مستشار لكن للطغيان كتاب واحد

على عثمان قال كتائب الظل ممكن تحل محل كل الحكومة و ما فى ديوان يتعطل.. قال فيها اطباء و عمال و موظفين و مهندسين.

هاها
والله فريق اول خلاء ما عارف العصيان المدني شنو
قايلو اضراب عن العمل
زيو وزي قصة الشوري والديمقراطية الما فاهم الفرق بينهم لحد هسي

معقول ياخي شعب عظيم زي ده يكون علي راسه اجهل الجهلاء والعساكر وصبية الحركة الاسلامية وكل السوءات الفي الدنيا

Quote: زيو وزي قصة الشوري والديمقراطية الما فاهم الفرق بينهم لحد هسي

فاهم وعارف بقول في شنو

Quote: على عثمان قال كتائب الظل ممكن تحل محل كل الحكومة و ما فى ديوان يتعطل.. قال فيها اطباء و عمال و موظفين و مهندسين.

بالمناسبة في كثير من المصادر تؤكد قيادة علي عثمان للفترة الحالية

Quote: معقول ياخي شعب عظيم زي ده يكون علي راسه اجهل الجهلاء والعساكر وصبية الحركة الاسلامية وكل السوءات الفي الدنيا

بالله الشوري والديمقراطية وااحد - نعم الفهم ههههه شر البلية ما يضحك
وفوق لي ده مجرم وقاتل أطفال دارفور وبيتاجر بيهم في اليمن بثمن بخس
رمضان كريم خالد والضيوف

الزول ده اظنه ما قرأ بيت الشعر البقول :
اذا الشعب يوما أراد الحياة فلا بد للقيد أن ينكسر، ،،،
وما عارف أن إرادة الشعوب فوق السلطة، ،،زي ما بيقول نزيه الاحدب ، مقدم برنامج فوق السلطة في تلفزيون الجزيرة، ،،وما عارف ان القذافي ،وبكل حبروته وأمنه وجنوده لم يستطع أن يصمد أمام ثورة الشعب الليبي ،،ولم يصدق نفسه وشافع صغير يستعد للقضاء عليه ،،لأنه كان جبارا في الأرض، ولم يعرف أن جبار السماء بقادر على نزع الملك ممن يشاء ..

هو الناس لسًة ما إحتجًت ... قال من حق الناس تحتج بس الإضراب عيب
قال عندو بديل ... ههة كتائب ظل يعنى؟
فريق خلوى مسخوة

الزول ما صدق لقى ليهو منبر حيقعد يصرح ويصرح ويصرح ، وبعد شوية حيلقى تصريحاته
كلها ضد بعض
الله لا كسبكم يا كيزان كل يوم تورطوا في الراجل البسيط ده

Quote: الزول ما صدق لقى ليهو منبر حيقعد يصرح ويصرح ويصرح ، وبعد شوية حيلقى تصريحاته كلها ضد بعض الله لا كسبكم يا كيزان كل يوم تورطوا في الراجل البسيط ده

هل كيزان المجلس قاصدين يحرقوهو ؟

Quote: هو الناس لسًة ما إحتجًت ... قال من حق الناس تحتج بس الإضراب عيب قال عندو بديل ... ههة كتائب ظل يعنى؟ فريق خلوى مسخوة

بالمناسبة كتائب الظل اختفت وين ؟

Quote: الزول ده اظنه ما قرأ بيت الشعر البقول : اذا الشعب يوما أراد الحياة فلا بد للقيد أن ينكسر، ،،، وما عارف أن إرادة الشعوب فوق السلطة، ،،زي ما بيقول نزيه الاحدب ، مقدم برنامج فوق السلطة في تلفزيون الجزيرة، ،،وما عارف ان القذافي ،وبكل حبروته وأمنه وجنوده لم يستطع أن يصمد أمام ثورة الشعب الليبي ،،ولم يصدق نفسه وشافع صغير يستعد للقضاء عليه ،،لأنه كان جبارا في الأرض، ولم يعرف أن جبار السماء بقادر على نزع الملك ممن يشاء ..

الان الرؤية واضحة للجميع قبل يسيطر بهدد معناها المنتظرنا كتير شديد

تحياتي خالد
يومتها حميدي صرح عن الفوضى و ما الفوضى و ذو النون وبتاع تاني يوم جا قطر عطبرة وحصل الاختراق الكبير في المفاوضات ونلنا 95 في المائة من المطالب, اسي متفاءل بتصريحه الاشتر دا يعني نجاح منقطع النظير للاضراب بإذن الله
الزول دا ما بعرف يتكلم وشكله الجماعة مشيلنه وش القباحة

Quote: ونلنا 95 في المائة من المطالب

هلا محمد البشرى مع إني شايف اننا لم نحقق اي نجاح بل مجرد طعم مسموم من العسكر

قول خير يا خالد
حسب تصريحات اعضاء الوفد و حسب ما قرأه ياسر العطا:
كامل مجلس الوزراء
67% من المجلس التشريعي ة الباقي ليس فيه من تورط مع الوطني
و حديث عن صلاحيات تشريفية للمجلس السيادي (يحتاج مراجعة)

دي نظريا 99% مش 95, لكن شريطة ان نتأكد من صلاحيات المجلس السيادي!!