Post: #1
Title: يا جماعة لو ما قادرين نتعايش مع بعض أحسن نفضها سيرة..
Author: اسماعيل عبد الله محمد
Date: 05-14-2019, 08:33 PM
Parent: #0
08:33 PM May, 14 2019 سودانيز اون لاين
اسماعيل عبد الله محمد-
مكتبتى
رابط مختصر
٦٣ سنة وما في زول بتقبل زول.
حروب و دماء ودموع..
ما في داعي للزواج القسري..
أحسن كل زول يروح لحاله
الشرق ينفصل
دارفور تنفصل
كردفان تنفصل
جبال النوبة تنفصل
الشمالية تنفصل
الوسط ينفصل
وكل زول عزيز في بلدو
نرتاح من الرجة دي
|
Post: #2
Title: Re: يا جماعة لو ما قادرين نتعايش مع بعض أحسن ن�
Author: Hafiz Bashir
Date: 05-14-2019, 08:36 PM
Parent: #1
يا إسماعيل أنا ما عارفك من وين
لكن إحتياطياً كدا لو طلعنا من حتة واحدة لازم تتفصل تاني.
|
Post: #3
Title: Re: يا جماعة لو ما قادرين نتعايش مع بعض أحسن ن�
Author: عبداللطيف حسن علي
Date: 05-14-2019, 08:51 PM
Parent: #2
ياخ انت بتعاني معاناة ما عادية
كامل تضامني معاك !
|
Post: #4
Title: Re: يا جماعة لو ما قادرين نتعايش مع بعض أحسن ن�
Author: elsawi
Date: 05-14-2019, 08:54 PM
Parent: #3
اللهم لا نسألك رد القضاء و لكنا نسألك اللطف فيه
|
Post: #5
Title: Re: يا جماعة لو ما قادرين نتعايش مع بعض أحسن ن�
Author: amin siddig
Date: 05-14-2019, 08:57 PM
Parent: #3
انا اطالب بتخصيص حتة صغيرة غير مأهولة كمحمية يحكمها حميدتي و يذهب اليها طوعا من يرغب ان يصبح رعية حميدتي.
|
Post: #6
Title: Re: يا جماعة لو ما قادرين نتعايش مع بعض أحسن ن�
Author: عبداللطيف حسن علي
Date: 05-14-2019, 09:00 PM
Parent: #5
يذهب اليها طوعا من يرغب ان يصبح رعية حميدتي 
|
Post: #7
Title: Re: يا جماعة لو ما قادرين نتعايش مع بعض أحسن ن�
Author: اسماعيل عبد الله محمد
Date: 05-14-2019, 09:05 PM
Parent: #6
الموضوع أكبر من حميدتي
حتى بعد أن ظهرت اصوات تنادي بدكتور جبريل رئيسا لمجلس الوزراء قامت حملة مغرضة بحقه بتحريك مجموعات في الداخل لملفات قضائية مفبركة ضده..
بعدين الناس نست برهان ومسكت في نايبو رغم ملف برهان القذر ..الحكاية مكشوفة...
|
Post: #8
Title: Re: يا جماعة لو ما قادرين نتعايش مع بعض أحسن ن�
Author: Mutasim Idris
Date: 05-14-2019, 09:27 PM
Parent: #7
يا اسماعيل في عنوان البوست ولا الموضوع ما حددت التعايش
بين منو ومنو.. هل تعايش الدارفوريين مع بعض مثلا؟ ول الشمالين مع بعض؟
ول تعايش الدارفوريين مع بقية السودان؟
بعدين ما قلت لينا انت بتتكلم بلسان منو وياتو جهة ومن فترة كنت جبت لينا
ال DNA بتاعك هنا..
جهجتنا يااااخ
|
Post: #9
Title: Re: يا جماعة لو ما قادرين نتعايش مع بعض أحسن ن�
Author: kamal omer
Date: 05-14-2019, 09:33 PM
Parent: #8
| Quote: بعدين الناس نست برهان ومسكت في نايبو رغم ملف برهان القذر ..الحكاية مكشوفة... |
أها ملف برهان القذر ده بيشاركوا القذارة زولك المجرم ده
بداية من دارفور و سياسة الأرض المحروقة و نهاية ببيع ( أولادكم ) كمرتزقة في اليمن
و التمن دراهم الأمارات القال حميدتي إنو أودعها في بنك السودان
|
Post: #11
Title: Re: يا جماعة لو ما قادرين نتعايش مع بعض أحسن ن�
Author: اسماعيل عبد الله محمد
Date: 05-14-2019, 09:47 PM
Parent: #9
Quote: داية من دارفور و سياسة الأرض المحروقة و نهاية ببيع ( أولادكم ) كمرتزقة في اليمن
و التمن دراهم الأمارات القال حميدتي إنو أودعها في بنك السودان |
انتو منافقين تذرفون دموع التماسيح من أجل المتاجرة بقضايا الآخرين..عيشتكم مبنية على هذه التجارة..
لا أحد يصدق حديثكم الإنساني عن تجنيد الأطفال لأن مؤسساتكم هي التي ترعى هذا العمل.. انتو غير مؤهلين اخلاقياً للحديث عن الارتزاق.. لانكم اول من مارسه في خط بارليف في حروب العرب مع إسرائيل.. أنتم كذبة..
|
Post: #10
Title: Re: يا جماعة لو ما قادرين نتعايش مع بعض أحسن ن�
Author: اسماعيل عبد الله محمد
Date: 05-14-2019, 09:41 PM
Parent: #8
بيننا كسودانيين يا معتصم..
دارفور لها عرف وقانون اهلي لو تركت لحالها دون تدخل المركز لعاشت هانئة آمنة مطمئنة..
الشرق (البجا) ناس رايقين وعايشين في أمان الله لولا تدخل ناس (دخلوها وصقيرا حام) ..
جبال النوبة كذلك قومية لها تاريخها الضارب في حب الحياة والعيش الكريم..
كردفان والمسبعات والمقدوم مسلم ارث في الحكم الذاتي..
الشمالية (النوبة) حضارة إنسانية قديمة تستطيع تقويم نفسها رغم شح الموارد..
فشلنا في جمع هذه الدول في اتحاد فدرالي حقيقي..
فالأفضل (تسريح بإحسان)..
|
Post: #12
Title: Re: يا جماعة لو ما قادرين نتعايش مع بعض أحسن ن�
Author: ترهاقا
Date: 05-14-2019, 09:55 PM
يا شباب ، كامل التضامن مع االاخ اسماعيل الذي مازال يعيش في حقبة طورشين
|
Post: #13
Title: Re: يا جماعة لو ما قادرين نتعايش مع بعض أحسن ن�
Author: اسماعيل عبد الله محمد
Date: 05-14-2019, 10:01 PM
Parent: #12
| Quote: يا شباب ، كامل التضامن مع االاخ اسماعيل الذي مازال يعيش في حقبة طورشين |
فوبيا تورشين مسيطرة على نومكم وصحوكم فأنتم الأحق بالتضامن..بائنة بين السطور التي تكتبونها على هذا الحائط...كراهية مفرطة ياخي وجبال من الأحقاد غير مبررة... الحي أولى من الميت...
|
Post: #14
Title: Re: يا جماعة لو ما قادرين نتعايش مع بعض أحسن ن�
Author: ترهاقا
Date: 05-14-2019, 10:18 PM
Parent: #13
| Quote: كراهية مفرطة ياخي وجبال من الأحقاد غير مبررة. |
أها يا سمعة ، ممكن ممكن تقيم لينا فترة حكم طورشين ، أعني الجانب الايجابي
|
Post: #15
Title: Re: يا جماعة لو ما قادرين نتعايش مع بعض أحسن ن�
Author: حامد عبدالله
Date: 05-14-2019, 10:26 PM
Parent: #14
لماذا لا تٌناقش افكار وآراءه إسماعيل ؟
الردمي الكتير دا اعتقد غير انو يخولق المواقف المعصلجة ما ممكن نهائي
إنو يُفيد بشئ
#اعتصام_القياده_العامه
#السودان_التصعيد_الثوري
|
Post: #16
Title: Re: يا جماعة لو ما قادرين نتعايش مع بعض أحسن ن�
Author: Bashasha
Date: 05-14-2019, 11:14 PM
Parent: #15
سلام ياسمعة،
غايتو ماردتها ليك!
دلقتا الجواك من خبوب وعي جلابي كمجولب او بي كده فانت بتنقز خارج حلقة، او حركة التاريخ في بلدنا!
فضيحة الرماد يا سمعة!!
مافاهم انتو منو تحديدا الماقادرين يتعايشو مع بقية السودانيين؟
من انتم؟
جنجويد؟
الداير الجنجويد منو زاتو؟
بتقول في كلام غاية في العجب، حتي بالنسبة لي، اقرب الناس لي طريقة تفكيرك!!
هل رفض الشارع اي السودان كلو من اقصاه او لي اقصاه، لي حرامي الحمير، الرباطي، قطاع الطرق، الهمباتي، العميل، الامي، حمرتي، رفض لاي مجموعة محددة ام رفض لشخصه هو كفرد او لي طريقة تفكيرو ثم مليشياهو القبلية، المجرمة، المرتزقة، العميلة؟
شغل الابتزاز ده شنو يا سمعة دفاعا عن واحد مجرم، امي، اداة، وعميل، فقط لانو ودقبيلتك؟
ماهذا؟
فرقك شنو من الملوثيين بي خبوب الوعي الجلابي اللي قبر سلفا، وانت تعيد انتاجو بالكربون من دون ما تدري لانك بتتفسو كما الهواء؟
شئ عجيب محاولات ابتزازك هذه باستخدام خطاب ولغة، قبرتو الثورة والي الابد، فقط عشان تنتصر لي واحد زي المجرم ده!!
عجبا!!!
هذا المجرم او لانو يمنتهن السرقة كهمباتي، كل السواهو انو بغباء راح ممتطي ظهر دحشة الثورة، بمساعدة مستعبديه ومستعمريه بدو الاعراب، الغبي المغفل العبيط!!!
|
Post: #17
Title: Re: يا جماعة لو ما قادرين نتعايش مع بعض أحسن ن�
Author: علاء سيداحمد
Date: 05-14-2019, 11:44 PM
Parent: #16
| Quote: انا اطالب بتخصيص حتة صغيرة غير مأهولة كمحمية يحكمها حميدتي و يذهب اليها طوعا من يرغب ان يصبح رعية حميدتي. |
هاك يا سمعة امين جابها ليك مدردقه
|
Post: #18
Title: Re: يا جماعة لو ما قادرين نتعايش مع بعض أحسن ن�
Author: اسماعيل عبد الله محمد
Date: 05-15-2019, 09:22 AM
Parent: #16
الخبير الكوشي - شالوم
أنا خطي واضح وضوح الشمس في هذا المنبر
وهو النظر الى اشكال السودان من المنطلقين :- 1- العرقي 2-الجغرافي.
وعلى ذلك فقس.
كلامي برة دبر عنز.
|
Post: #19
Title: Re: يا جماعة لو ما قادرين نتعايش مع بعض أحسن ن�
Author: عبدالعظيم عثمان
Date: 05-15-2019, 09:37 AM
Parent: #18
سلامات يا سمعة
السودانين أمامهم فرصة تاريخية لبناء سودان جديد مختلف
كل زول يشوف فيه صورته ويتمتع بي حقوقه كاملة
تلاحم الشباب في ساحة الإعتصام حول القيادة نسف كل أمراض
السودان القديم، بعثوا الدولة السودانية من جديد، بلا تمييز او إستعلاء
مفروض نبني علي ما تحقق في هذه الثورة ونمشي لي قدام نبحث عن
وطن يسع الجميع
|
Post: #20
Title: Re: يا جماعة لو ما قادرين نتعايش مع بعض أحسن ن�
Author: اسماعيل عبد الله محمد
Date: 05-15-2019, 10:29 AM
Parent: #19
| Quote: كل زول يشوف فيه صورته ويتمتع بي حقوقه كاملة |
هذا ما نصبوا اليه يا عظمة ,,
المشكلة في ناس ما دايرين صورتنا تظهر ,,
|
Post: #21
Title: Re: يا جماعة لو ما قادرين نتعايش مع بعض أحسن ن�
Author: Hassan Farah
Date: 05-15-2019, 10:39 AM
Parent: #1
بعدين الناس نست برهان ومسكت في نايبو رغم ملف برهان القذر ..الحكاية مكشوفة...
---------------------------------------------------------------------------------------------
بطل العنصرية الرافع رايتها فى صنقورك يا سمعة وصاحبك بريمة
العسكر هم العسكر مافى فرق من اين اتوا
تسقط بس.. دقلو وبرهان
معز عمر بخيت
___________________
على درب الحق
للحق سايرين
متكاتفين
هابين زي ريح
اعصارا يقين
بين خطوة يصيح
على خطوة يبين
شهيد وجريح
وحشود جايين
ثوار أحرار
فتيان وبنين
لا بينا يسار
لا رجعي يمين
واعين شطاّر
ناس مهنيين
مش زي تجار
بي اسم الدين
لا دولة عميقة
ولا أحزاب
لا زفت الطين
الرقاص
اتلم خلاص
معدوم الصوت
ما ليهو مناص
والمجلس شال
عرق الصناع
تعب الأبطال
لا بسط الخير
لا جاب الفال
اتلولو وقال
انو المسؤول
واهو ده البرهان
قاعد في القصر
طوطحنا زمان
حالفين من ديك
ما يجينا بيان
لا عسكر ينط
لا زول طمعان
سلّم يا زول
لا عاش من خان
حكم الجبروت
ما ليهو مكان
أرجى الراجيك
بعد العصيان
مين غيرك بس
غير السودان
شطب التاريخ
ألغى الأحزان
وأعاد للناس
محد الإنسان
عظمة احساس
غاب ليهو زمان
من فجر بعانخي
وعهدو الكان
شامخ كالطود
عالي البنيان
فرسان وأسود
جوّه الميدان
وكنداكات
شامخات وكيان
قاعدين صابين
للعز أركان
وما راجعين
أو متراجعين
فايرين بركان
في الحر ناصبين
للروح أبدان
مليانة حنين
نجوى وإيمان
ممتدة سنين
مزروعة أمان
في شهر الخير
في عز رمضان
لو صابك مس
أو ركبك جان
فلتسقط بس
دقلو وبرهان.
_______________
معز عمر بخيت
|
Post: #22
Title: Re: يا جماعة لو ما قادرين نتعايش مع بعض أحسن ن�
Author: نادر الفضلى
Date: 05-15-2019, 11:25 AM
Parent: #21
Quote:
انتو منافقين تذرفون دموع التماسيح من أجل المتاجرة بقضايا الآخرين..عيشتكم مبنية على هذه التجارة..
لا أحد يصدق حديثكم الإنساني عن تجنيد الأطفال لأن مؤسساتكم هي التي ترعى هذا العمل.. انتو غير مؤهلين اخلاقياً للحديث عن الارتزاق.. لانكم اول من مارسه في خط بارليف في حروب العرب مع إسرائيل.. أنتم كذبة..
|
الأخ إسماعيل أنت بتعليقك هذا لا تفرق بين نظام إنقاذى كيزانى وبين ما تسموهم سكان المركز أو أولاد البحر وقصادهم أولاد غرب عندما تقول (مؤسساتكم هى التى ترعى هذا العمل .. إلخ) يعنى منظورك جهوى عنصرى. كما فى مضمون كلامك إعترفت بعروبة سودانيى المركز والبحر وأنت تقول (لأنكم أول من مارسه فى خط بارليف فى حروب العرب مع إسرائيل ..) ..! ومعلومة إستخدام أطفال من قبل العرب المصريين فى حرب إسرائييل دى فى حد ذاتها معلومة للتاريخ محتاجة لتأكيد أول مرة تمر على .. أرجو أن تبين مصادرك
بالنسبة لدكتور خليل إبراهيم أن يترشح رئيساً للوزراء .. خليل هذا إختار المعارضة المسلحة الدموية (الجهوية والعنصرية) وكل الحركات المسلحة كانت تتكلم بلسانيين متناقضين أحدهما جهوى عنصرى والأخر قومى، وربما أستثنى منها حركة عبد الواحد محمد نور. إختيار حل المعارضة المسلحة جلب الدمار والموت والشتات لسكان المناطق التى ينطلق منها جهوياً وعنصرياً .. دعنا نتغاضى عن الجانب الجهوى العنصرى، ونسلم جدلاً بأنها معارضة هدفها قومى ولكنها مسلحة دموية بينما هذه الثورة العظيمة ثورة سلمية مية المية، فكيف يكون رئيسها الإنتقالى من إختار الحل الغير سلمى حل السلاح والرصاص والنار والدم والقتل والدمار؟!! عموماً سيكون التحفظ قائماً على أصحاب الأصوات والأفكار والعقيدة المتزمتة العنصرية والجهوية أن يتولوا أعلى مسؤوليات السلطة لأنهم سيكونون غير عادليين فى حكمهم بين كل أهل السودان. خاصة فى بلاد ما زالت فى مرحلة التأسيس للحكم والممارسة الديمقراطية ودولة القانون والرقابة المدنية والبرلمانية. لو كانت دولة حكمها مؤسس جيدا فرئيسا لها بفهم عنصر جهوى يمكن أن يكون مقبولا لأن مؤسسات الدولة والقانون والصحافة كفيلة بألا تدعه يشطح أو ينحاز، ولعل أكبر مثال أمريكا ورئيسها الحالى ترمب العنصرى تقييده أنظمة الدولة والصحافة. وبالمقابل الرئيس الأسود أوباما نفس النظم السائدة منعته من أن ينحاز للسود على حساب غيرهم.
|
Post: #23
Title: Re: يا جماعة لو ما قادرين نتعايش مع بعض أحسن ن�
Author: الزبير بشير
Date: 05-15-2019, 12:45 PM
Parent: #1
نحن قادرين ، انت مالك ما قادر تتعايش .
اقول ليك حاجة ، الامارات فيها الاقامة الدائمة اخد ليك واحده و اتكل علي الله ، احتمال مع سنين الاقامة فيها ليك فتره طويله ادوك الدائمه مجانا
عاش ابوهاشم
|
Post: #24
Title: Re: يا جماعة لو ما قادرين نتعايش مع بعض أحسن ن�
Author: علي عبدالوهاب عثمان
Date: 05-15-2019, 01:02 PM
Parent: #23
٦٣ سنة وما في زول بتقبل زول.
حروب و دماء ودموع..
ما في داعي للزواج القسري..
أحسن كل زول يروح لحاله
الشرق ينفصل
دارفور تنفصل
كردفان تنفصل
جبال النوبة تنفصل
الشمالية تنفصل
الوسط ينفصل
وكل زول عزيز في بلدو
نرتاح من الرجة دي
======================
الاحباب الكرام .. الجميل أن اسماعيل واضح في طرحه وهو يمثل نموذج أو شريحة من أبناء الوطن
والواضح دائماً مريح يمكن تناوله بموضوعيه دون تشنج أو توتر .. فهذا رأيه .. أول خطوة للاصلاح
والمصالحة والتسامح هو قبول الرأي مهما كان مختلفاً ثم بعد ذلك ندخل في التفاصيل الاخرى
البعض في هذا الوطن يشعر أن حقه مهضوم ..
القبيلية والجهوية والايدولوجيا من الصعب محاربتها بهذه السهولة
اليوم في أرقى المجتمعات في العالم نلاحظ نمو اليمين المتطرف إلى أبعاد لم نكن نتخيلها أبداً
ترامب ، ورئيس وزراء ايطاليا والقادمون في فرنسا وغيرها
هكذا خٌلق البشر شعوب وقبائل ..
حتى البشر المتشابهين في سحناتهم تجد عدم الاتفاق بينهم مثال ذلك كوريا :
لاحظ الكوريين متشابهين لون وسحنة وشكل وربما طول وقصر ( عبارة عن طبق بيض )
ولكن هناك كوريا الجنوبية والشمالية والحرب أبادت 5 مليون كوري
والعنصرية موجودة في عمق البشر ( حتى في مجلس الرسول صلى الله عليه وسلم تجد قصة بلال وأبا ذر )
ونحن كعامة الناس في هذا الكون ..
مع التحية ... الحبيب اسماعيل طرحه واضح وعلينا مناقشته بموضوعية
|
Post: #25
Title: Re: يا جماعة لو ما قادرين نتعايش مع بعض أحسن ن�
Author: اسماعيل عبد الله محمد
Date: 05-15-2019, 01:30 PM
Parent: #24
يا سلام عليك يا حكيم البورد حبيبنا علي عبد الوهاب عثمان..
|
|