حمدتي دا مالك ما بتجي ناحيتو عالم تخاف ما تختشي!!!!

05:02 PM May, 14 2019

سودانيز اون لاين
منتصر عبد الباسط-
مكتبتى
رابط مختصر

زمان ما سك لينا عمر البشير وسايب الناس المسيرين عمر البشير
وماسكنو من اضينونو وهسع مصداق لذلك كرزنوه زي الكديس
ما شفتو زمان نميري الأسد بعد قلبوها رجعها وخلى رحيتم طير طير
وما قدر سوار قدر سوار الدهب يسقط حكمو إلا بعد طلع من البلد
لكنك ربما عشان عارف عمر البشير مجرد ستار وهسع تمارس نفس النهج القشوري
غايتو ما فهمناها سطحية وقلة فهم ول خوف رغم انك في أوربا وبعيد!!!
حاجة عجيبا الفهم قسم ول الشجاعة هي القسم ما عارف!.

سلام منتصر
هل تخاطب شخص بعينه يقيم في اوروبا ام هناك رمزية ما وتخاطب طائفة كاملة

انت يا ود البشرى تهابش كده سميي ده لو ما سختك ما بتستريح هسي انت مالك ومال أوروبا

Quote: انت يا ود البشرى تهابش كده سميي ده لو ما سختك ما بتستريح هسي انت مالك ومال أوروبا

قلت اسبق مولانا يا منص قبل يجي يحرق الفلم ويحكي لينا النهاية كالعادة!

ما شفتو زمان نميري الأسد بعد قلبوها رجعها وخلى رحيتم طير طير
وما قدر سوار قدر سوار الدهب يسقط حكمو إلا بعد طلع من البلد
ـــــــــــــــــ
مالي اراك مغرما بالعساكر لهذا الحد ؟!
omar cartoon ماقصر في الجنجويدي

يا باشمهندس ما تحكها شديد معاهو ياه

جر كرسيك بس

حميدني يا عبد الباسط ما مستهدف في المنبر لأنو قالوا ما بعرف يقرا
لكن ما عارفو بيفهم في الفنون ولا ما بيفهم

يا ود البشرى ناس عبداللطيف حسن ديل يختفوها من خشمك

غايتو ود البشرى و مولانا حافظ ديل الشفرة بيناتم بتوصلك للقون طواااالي
شكلوا أخونا منتصر زعلان في شان ( سيدي) الإمام

كدا زول يشرح لينا العلاقة بين السعودية و فلسطين و ما بينهم برهاني

Quote: هل تخاطب شخص بعينه يقيم في اوروبا ام هناك رمزية ما وتخاطب طائفة كاملة

وعليكم السلام الأخ محمد البشرى
اعتقد الأخ حافظ بشير اجابك.

Quote: انت يا ود البشرى تهابش كده سميي ده لو ما سختك ما بتستريح هسي انت مالك ومال أوروبا

يا السميك
إت قايل القبة تحتا شيخ!
أقصد القلم تحتو فكي؟!

Quote: مالي اراك مغرما بالعساكر لهذا الحد ؟!

ات يعني بتعتقد المنطلق بتاع الحكم على الناس ومواقفهم يبنى على المحبة والكراهية؟!
إن كنت أنت كذلك فلست أنا كذلك
ثم العسكرية لها ما لها وعليها ما عليها
والشمولية كلها شر ولكن لو كان الزعيم خيرا خفف من شرها قليلا
والديمقراطية كلها خير ولكن لو وجدت حمقى وبربريين أعطو الفرصة
للعسكر للإنقلاب عليها
سأعود لمزيد من التوضيحات في مسألة المقارنة بين نميري والبشير
لاحقا إن شاء الله ربما غدا إن شاء الله[./B]

Quote: omar cartoon ماقصر في الجنجويدي

أنت لم تفهمني
أنا أعني أن رجل الإمارات والسعودية هو السيد حميدتي لا غيره وليس البرهان ولا أي ضابط آخر في الجيش
وهذا أمر يعلمه كل متابع .
.

Quote: حميدني يا عبد الباسط ما مستهدف في المنبر لأنو قالوا ما بعرف يقرا لكن ما عارفو بيفهم في الفنون ولا ما بيفهم

يا خي الرجل ما لدرجة أمي
وبعدين الراجل عندو حنك وتفتيحة ما تظلم الراجل
ومؤكد يعطي اهتمام للصحافة وداك الليلة سجن الصادق المهدي
لما انتقدو
يعني له حساسية مع الاعلام ربما بدرجة تفوق الآخرين
ومؤكد الفنون التي تنتدرج تحت العمل الصحفي تجد ذات الاهتمام وربما أكثر.

Quote: شكلوا أخونا منتصر زعلان في شان ( سيدي) الإمام

ذات ما رددت به على الأخ عبد اللطيف يشملك
أنا لا انطلق من مطلق المحبة والهوى والبغض والكره والولاء والبراء
نرجو أن نكون مع الحق كان لنا أو علينا
ثم أنا جدي كان اتحادي لا ختمي ولا إنصاري
وجد جد جدي لوالدتي جلد أكثر من ألف سوط بيد خليفة الأنصار ود تور شين
وقيل الزعيم الأزهري حينما جاءنا في مدينتنا الصغيرة قال السلام عليك يا الشيخ ود نور الدائم
(السلام عليك يوم ولدت ويوم جلدت) قيل أنه قال ذلك ليذكرهم
بالخصومة التي بينهم والأنصار
وظل اشيخ في سجون الأنصار حتى اطلق صراحه المستعمر الانجليزي
عند الغزو الانجليزي على السودان وتعرض لمضايقات كيدية في ظل الاستعمار
هناك من قال لي أن والدي كان له ميول للحزب الشيوعي رغم تدينه رحمه الله
بسبب سيطرة اليسار على اتحاد المزارعين وهو كان مزارع
لكن لم يظهر لي ميوله لجهة حتى توفاه الله خصوصا والحزب الشيوعي انحسر
بعد عهد مايو ولم ادرك تلك الايام التي كان فيها ذلك النشاط للحزب الشيوعي في
محافظة الجزيرة
العم الأصغر منهما ذهب الاتحاد السوفيتي والمانيا الشرقية لدورات علمية
وكان استاذ في التدريب المهني بمدني وكان له شي من ميول للحزب الشيوعي
ووجدنا ونحن اطفال في تُكل حبوتي كذا شوال من كتب ماركس ولينين مجلدة
يأغلفة فاخرة وسميكة كانت حبوتي بتعوس الكسرة في كل يوم بما هو بين دفتي
تلك الأغلفة من أوراق وتترك لنا الأغلفة ربما وضعنا بداخلها كتبنا وكراستنا
المدرسية
أما أنا كنت ولا زلت مغرما بالزعيم اسماعيل الأزهري وصحبه
الذي نظم فيه جدي لأبي رحمه الله شعرا في حضرته
ولم أعاصر حتى الأن زعيم أراه مستحقا لأن اتبعه وأظل من خلفه للأسف

Quote: كدا زول يشرح لينا العلاقة بين السعودية و فلسطين و ما بينهم برهاني

مرحبا بك الأخ محجوب
لا ثمة علاقة في اعتقادي بين تلك الدول ومصالحها والبرهان
وهذا هو مما دفعني لافتراع هذا البوست