تسقط بس.. دقلو وبرهان

10:36 AM May, 14 2019

سودانيز اون لاين
Dr. Moiz Bakhiet-المنامة - البحرين
مكتبتى
رابط مختصر

تسقط بس.. دقلو وبرهان

معز عمر بخيت
___________________
على درب الحق
للحق سايرين
متكاتفين
هابين زي ريح
اعصارا يقين
بين خطوة يصيح
على خطوة يبين
شهيد وجريح
وحشود جايين
ثوار أحرار
فتيان وبنين
لا بينا يسار
لا رجعي يمين
واعين شطاّر
ناس مهنيين
مش زي تجار
بي اسم الدين
لا دولة عميقة
ولا أحزاب
لا زفت الطين
الرقاص
اتلم خلاص
معدوم الصوت
ما ليهو مناص
والمجلس شال
عرق الصناع
تعب الأبطال
لا بسط الخير
لا جاب الفال
اتلولو وقال
انو المسؤول
واهو ده البرهان
قاعد في القصر
طوطحنا زمان
حالفين من ديك
ما يجينا بيان
لا عسكر ينط
لا زول طمعان
سلّم يا زول
لا عاش من خان
حكم الجبروت
ما ليهو مكان
أرجى الراجيك
بعد العصيان
مين غيرك بس
غير السودان
شطب التاريخ
ألغى الأحزان
وأعاد للناس
محد الإنسان
عظمة احساس
غاب ليهو زمان
من فجر بعانخي
وعهدو الكان
شامخ كالطود
عالي البنيان
فرسان وأسود
جوّه الميدان
وكنداكات
شامخات وكيان
قاعدين صابين
للعز أركان
وما راجعين
أو متراجعين
فايرين بركان
في الحر ناصبين
للروح أبدان
مليانة حنين
نجوى وإيمان
ممتدة سنين
مزروعة أمان
في شهر الخير
في عز رمضان
لو صابك مس
أو ركبك جان
فلتسقط بس
دقلو وبرهان.
_______________
معز عمر بخيت

تحياتي يا دكتور

وليس هنالك من امل في المجلس
وقياداته الباهتة

لا حل سوي ان تسقط بس
بي برهانها وحميدتها

شكراً لك عزيزي الغالي جعفر بشير وها قد بدأ سقوط الدولة العميقة وةقريباً يكتمل النصر بإذن الله