اشاعات الخرطوم

05:55 AM May, 10 2019

سودانيز اون لاين
اخلاص عبدالرحمن المشرف-
مكتبتى
رابط مختصر

الخرطوم مدينة لا تعرف الأسرار
شائعات الخرطوم كثيرة
بعضها له غرض ك جس نبض
والبعض الاخر لترسيخ قناعات او زرع اخري
ومع الحراك الثوري وما يصاحبه من ظهور قوي جديدة.
تظهر التسريبات وسنورد بعض الأمثلة

بعضها طريف وغالبآ ما تتناول القوي الصاعدة
ومنها خلاف عبدالحي مع حميدتي
تقول الطرفة ( الإشاعة ) بعد ان اراد عبدالحي
تسيير موكب الشريعة اتي حميدتي وسأله صحي
يا عبدالحي داير تطلع موكب رد عبدالحي اي موكب
لنصر الشريعة رد حميدتي شايفنا كفار. رد عبدالحي
خلاص خليت الموكب والبلد ذاتها مخليها رد حميدتي
ما تتحرك لحدي ما نحقق معاك عبدالحي رد حاضر
جنابك

وضحكت الخرطوم

هل انتهت القصة عند هذا
لا
ظهرت صورة زواج حميدتي وبالمناسبة هي صورة جميلة

عضوة في احد القروبات أنزلتها مع رساله لحميدتي
يا حميدتي السرب صورة زواجك دي عبدالحي

شغل اديتو ما ترحمهوش وتبسمت الخرطوم

حميدتي ذهب الي المستشفي مع لاندكروزر لتفقد المرضي
وطبعآ تبرع شغل شو
غضبت الخرطوم
وقالت له بعد شنو نحن عالجناهم.

يعني لا تحمل الخرطوم حقدآ ولكنها اب عصية
البعض يفهمها حنكشه
اريتنا حنكشة السرور


البلد دي ميزانها ميزان دهب
ما بتكرهه من دون سبب
وبتحب الدوغري

لما هتفنا يا عنصري ومغرور كل البلد دارفور
يخطئ من يظن انها صدفة

وكلام في الأذن الخرطوم مرتاحة ان ( الزرقة ) لهم
الغلبة في مجلس العسكر

يا اخ ود عمة بشاشا ده براهو يطمئن
اما شغل السياسة ف ده عمل مؤسساتي لبلد
دايريننا قوية شامخة

ولي قدام