خطاب مفتوح للفريق عبد الفتاح البرهان و الفريق حميدتى

09:32 AM May, 09 2019

سودانيز اون لاين
Abureesh-أمريكا
مكتبتى
رابط مختصر

سعادة الفريق.. رمضان مبارك.

و أنت قلت الحصة وطن.

سأل النبى عليه الصلاة و السلام الصحابة. من يأخذ هذا السيف بحقه؟.. و تعرف بقية سير الاحداث.

الآن النياشين و الدبابير يناديك الوطن ان تلبسها بحقها . و حقها اليوم هو الآتى:

1. الوقف الفورى لسباق حمير الحسانية هذا و معول الهدم قد بدأ تسخينه فى مجلس الامن بالامس.
السودان يراد به شرا .
2ِ. قفل حدود السودان لمدة شهر
3. استدعاء سفرائنا فى الامم المتحدة و جامعة الدول العربية و الاتحاد الافريقى و كل المنظمات التابعة لهذه المؤسسات.
4. تشكيل مجلس عسكرى من ضباط القيادة العامة الذين انحازوا للثورة منذ البداية الثقة الثوار فيهم.
5. ضمان حربة التظاهر و الاعتصام و الصحافة بدون قبدِ. بشرط عدم إثارة النعرات و الارهاب بالدين او الارهاب الفكرى.
6. شكر كل من ابدى استعداده لمساعدة السودان و رفض اى مساعدة من الخارج من اى جهة كانت.
7. مصادرة مؤقتة لأموال كل من أثرى ثراءا فاحشا فى زمن الإنقاذ او حراستها حتى ينتهى التحقيق فى اى فساد محتمل.
تاسيس و رعاية (الندوة القومية) دون اى محاولة للسيطرة او التاثير عليها .. و فتح جميع وسائل الأعلام لها.
7ِ الغاء جبايات و و رسوم تاسيس اعمال جديدة و إعفاء كل عمل جديد يقل رأسمالية عن مليون جنيه .. ثم فرض الضرائب على تلك الاعمال حين تتخطى هدا السقف. حينها ينعش الاقتصاد و تكون ايرادات الدولة من الضرائب اكثر مما هى الان.

و على الله قصد السبيل و منها جائر و لو شاء لهداكم أجمعين.

و السلام عليكم.

Quote: الحصة وطن

دي اسخف عبارة سمعتها
تمتلئ بكل الاستاذية والعنجهية العسكرية والوصاية

ولا مجال لمخاطبة المجلس .... فهو ليس سوي امتداد اللجبهة المراد تصفيتها وامتداد لمحاور خارجية يراد ابعادها
والبقية في حياتكم

العالم و اشعب و الشارع يقول مدنية للحاق بركب العالم الحر المتقدم و أنت تدعوا لحكم عسكري تعهدت الدول المانحة بعدم التعامل معه و تعهدت أمريكا بعدم مناقشة إزالة اسم السودان من الدول الراعية للإرهاب معه؟ ما الفرق بينك و بين عبدالحي بفتوى قتل 30% إلى 50% ما الفرق بينك و بين عمر البشير الذي أرادأن يقتل هذا العدد إضافة لما قتلهم في السودانسن الشمالي و الجنوبي أعتقد أن هناك من يتبرع بختم تاريه العام الشخصي ببعض اللعنات من المقهورين

غايتو بوست تافة
لانه تناسى تضحيات الابطال
و عذابات الجرحى و آنات المكلومين
*الواحد يكون عايش في دولة ديمقراطية
ويتمتع بكافة حقوقه هربا من جحيم البشير
و الان يستكثر الحرية لصانعوها عنوة واقتدار...
ومهروها بالدماء..
انعل ميتين ابو الانترنت

Quote: غايتو بوست تافة لانه تناسى تضحيات الابطال و عذابات الجرحى و آنات المكلومين *الواحد يكون عايش في دولة ديمقراطية ويتمتع بكافة حقوقه هربا من جحيم البشير و الان يستكثر الحرية لصانعوها عنوة واقتدار... ومهروها بالدماء.. انعل ميتين ابو الانترنت

الغريبة زوولكم دة اهله مطحونين ومدروشين درشة كعبة من نظام سفلة الكيزان مشى امريكا قام يتفلسف

رمضان كريم ابو الريش
ما اظن برهان يلقى وقت يقرا سودانيزاونلاين, وداك ما ظنيتو بقرا أساسا

اوسكار ود البشرى

"رمضان كريم ابو الريش
ما اظن برهان يلقى وقت يقرا سودانيزاونلاين, وداك ما ظنيتو بقرا أساسا"

و كل من يحبه كريم يا اخ ود البشرى..

الما بقروا أساسا ما شوية يا ود البشرى.. منهم اخوانا الفوق ديل الله يهديهم.
بالمناسبة العبد لله فى ميادين القيادة العامة ما فى أمريكا الآن.. و أهو زى ما شايفين نفسنا نازل..
و برضو نقول سلمية .

Quote: وداك ما ظنيتو بقرا أساسا

شوف عيني دي يومداك يوم الإجتماع مع قوى الحرية والتغيير خاتي ليهو قلمين في جيب العساكر التحت الكتف داك.
وسمعنا تحت تحت قالوا داخل ليهو كورسات لغة إنجليزية وفرنسية مكثفات.

قبض السلاح
ظبط الذهب
اخمد فتنة ( سوق صابرين )
تاني شنو يا ربي تاني شنو

فك لينا اسماعيل في المنبر
نحن فاضين للأفلام دي يا عمك
كرهتي الأفلام المصرية

ماقتا ليكم؟

الانقاذي او برضو جمهوري ده لايزال حزنان علي ذهاب البشير!

ولع عجيب، من جمهوري افتراضا بحكم العسكر!

والجمهوريين بكتفو بالفرجة علي عار كهذا!!

يا بشاشا انت ما تعرف تفكر؟
شنو الكلام الفارغ دا..... وانا قلت ليكم و انا غنيت ليكمِ. كون مسؤول و اقرا الكلام و ناقشه فى الإطار المطروح فيه. و خلى كلام الحبوبات دا.. تتفق معاه او تعارضه عندى واحد.. و مرحبا.. لكن تخليه جانب. و تعوس ليك قراصة برة دا ما ينفع

فوق للمزيد من الإطلاع

Quote: الآن النياشين و الدبابير يناديك الوطن ان تلبسها بحقها

النياشين والدبابير دي يا أبو الريش زمان تمرغت في مستنقع الكوزنة
شوف الفريق اول دا ودبابيرو ونياشينو بيأدي التحية العسكرية للكوز كمال عبيد كيف

سلام يا حافظ
والعسكرى عبد المأمور.. لكن حين يكون فى السلطة المفروض يبرهن انه قدرها.
يا البرهان عاوزين برهان انك قدر المسؤلية و لست ألعوبة فى يد الأخوان المسلمين.

يا ابوريش
الناس ديل في قوى التغيير مش هرولو الي القيادة العامة والجيش من 6 ابريل2019 ...هل مشو لي المحكمة الدستورية عشان تقلع البشير بالمادة 57 من يناير 2015 والمحكمة الدستورية تشكل قوة القانون والجيش قانون القوة ودستور 2005 ساري لحدي الليلة بعيدا عن الغوغائية السياسية المقيتة بتاعة النخبة السودانية وادمان الفشل
ومش قالو في ضباط اقل من رتب الناس الفوق ديل مع الثورة .. وقعدو يرقدو لهيم وكلنا سمعنا تراهات الحاج وارق في راديو دبنقا الممل
اذا الجري للجيش يا ناس علم مايو 1969 عادة متاصلة فيكم بس حقي سميح وحق الناس ليه شتيح وانتو الكيزان وجهين لعملة واحدة وصناديق الاقتراع ما بتجيب شيوعي ولا ناصري ولابعثي وديل البعاعيت البتفاضو مع المجلس العسكري من وراء حجاب
وبتاعين الاعلان الدستوري الفطير وقصة الاربعة سنة دي
واذا الحصة وطن (المجلس العسكري الان) كله يملك صلاحين رئيس الجمهورية في دستور 2005
عليه يوظف هذه الصلاحيات في
1- تفعيل المحكمة الدستورية العليا برفدها بي 9 قضاة محترمين توصي بهم القوى السياسية في السودان مع الفيش والتشبيه في شروط قاضي المحكمة الدستورية ودور المحكمة الدستورية واضح ومشروح في الدستور
2- الغاء الولايات واسقاط المستوى الولائي نهائيا لانع فاشل ولم يحقق اي تنمية او استقرار واستعادة الحكم الاقليمي اللامركزي خمسة اقليم فقط باسس جديدة ديمقراطية
3- الغاء الرقم الوطني والجوازات الالكتروني والعودة لي قانون الجنسية قبل 1989 الجنسية الخضراء والبنية
كده 80 % من مشكلة السودان انتهت ورجع الاطار الطبيعي للهوية والدولة السودانين الحقيقي عبر رؤية جون قرنق السوداني التي لا تموت
بعد داك انتخابات ثلاثية
1- انتخابات حاكم اقليم +نائب برلمان اقليم ...حاكم الاقليم بدرجة نائب اول في المجلس الراسي
2- انتخاب برلمان المركز عشان يقوم بالحاجات الكثيرة القلتها عبر لجان متخصصة (نكنوقراط )
3= الانتخابات الراسية واعتماد جوزات السفر الصادرة قبل 1989 لسودانيين الخارج او اي وثيقة ثبوتية قبل 1989
وعندها يزح المجلس العسكري للرئيس المدني المنتخب ويبقى مجلس الراسة مكون من رئيس مدني منتخب+5 حكام اقاليم منتخبين ونخرج من اصر المركز ونعود للدولة الديمقراطية العميقة التي اجهضت في انتخابات 2010 وسجل لهيا 18 مليون ناخب انا كنت واحد منهم
ده برنامج الزول عايز يعيد تاسيس السودان من جديد وبمشي في مشروع الانقاذ دي بالاستيكة وباقل الاضرار
مش الزول العايز يشيع نرجسيتو وعللو انفسية علي حساب السودان وضيع 52 سنة بالانقلابات ولسه ناصري وبعثي وشيوعي كوز وسلفي وما عارف ليه ما داير يكون سوداني بس ويخرجنا من متاهة السامري دي
اه ده راي صديق جمهوريين يا ناس قريعتي راحت
انتو خلو الزول منو هنا لكن قال شنو ده المهم
ابو ريش قدم تصور وانت عندك تصور و وادم في كراكير جبال النوبة عنده تصور واسحاق في كبكابية عنده تصور وادروب في بورتسودان عنده تصور و محمد صالح في عبري عنده تصور و العوض في الجزيرة عنده تصور
ما نقعدو في راسنا بي تراهاتكم دي وفلان وعلان و100+17 والله نرجسية الكيزان والشيوعيين اعيت ما يداويها
ديل حتستوردهم من اليابان ولي هم نفس لنخبة السودانية وادمان الفشل الشافينهم في سودان بكره خلف اللاب توب والتنظير الفطير في الغرف المكيفة ولي راديو دبنقا الذى لا يوقظ فكرة حتي الان او يهذب شعور
ما هي الامتيازات التي يتمتع بها ناس 17+100 ديل ؟؟ يا المهنيين هل مستوردين من اليابان مثلا ؟؟ وهل برنامجكم ده سري ذى المفاعل النووي الايراني ولي كيف يتم التحول الديمقراطي بمساعدة الجنرالات ديل ؟؟
ارفعو ايديكم اولا عن الاقاليم يا ناس الايدولجيات منتهية الصلاحية وبتنتهي مشكلة 80% من السودانين في الاقاليم الخمسة
https://up.top4top.net/

يا حليل كتشنر وجدي عبدالرحمن المهدي والسيد علي والاستاذ محمود محمد طه والدكتور جون قرنق والله
قد عد كلب الحر في الفرسان
الاستعمار الانجليزي من 1898- 1956= 60 سنة ومشى وشوفو المشاريع ومجانية السكن والتعليم والعلاج والسفر والادارة الاهلية والاستقرار في الاقاليم الستة في هذه المدة
الاستعباد الايدولجي المصري من 1958-2019= 60 سنة وشوفو وصلو السودان وين الكيزان والشيوعيين والناصريين والبعثيين والسلفيين ناس عبدالحي يوسف

يا بو ريش كان خليتك لي الناس ديل بجو يتناوشوك ومت بتقدر عليهم
اتصل بس وبجي البي 52 لا تبقي ولا تذر ..خاصة التطاول علي الجمهوريين من وراء حجاب الاتعلمو ناس قريعني راحت
وانت با بشاشا ينطبق عليك المثل اليمني يموت الزمار واصابعه تلعب
الضجيج العالي في البورد ليس وعي ولا برنامج من الاساس
كيف يتم التحول الديمقراطي الحقيقي في السودان باقل زمن واقل اضرار
هو الالتزام بمسار قيامة الساحة الخضراء 2005-2010 والدستور المحكمة الدستورية العليا غير كده زبد واعادة تدوير النخبة السودانية وادمان لفشل والزمن بينا
وده الفرق ايضا بين الصادق المهدي وجون قرنق عشان يفوق لي نسفه ويرجع لي الدولة اليدمقراطية العميقة في السودان ويفكنا من مصر والعرب من بتين الانصار بهرلو لمصر والعرب من الاساس ؟؟
https://up.top4top.net/

قالو صابنها بس في 2019 وما شافو صبة قيامة الساحة الخضراء في مايو 2005 والعتب علي النظر ذى ما قال جون قرنق هم بشوفو لكن ما بسمعو
لابد ان تعود الحركة الشعبية شمال بي نفس البرنامج الوقف في 2010 فقط بدون لف ودوران من قيادتها التائهة ومتوهة ناس الهامش معاها

"يا بو ريش كان خليتك لي الناس ديل بجو يتناوشوك ومت بتقدر عليهم "

شكرا يا عادل على المرور و التشريف بالتعليق.
و لا تاخذ هم.. انا الان امارس حاجة اسمها حرية الرأى التى لا تعرفها الكثير من كوادر الاحزاب
و هؤلاء لا يقتربون منا لانهم يعرفون ابو الريش عنده السم القدر عشاهم.. لسة نتكلم ببراءة الحر الطليق
فى جو معافى.. لكن لو و احد فيهم حرك ضنبو حررم ننزل العفش.

حياك الله يا ابوريش
التطاول بتاع الناس ديل وصل الجمهوريين والفكرة الجمهورية ..ووعيهم وقف في 1964 والبعض يلهث وار امريكا للاسف وليس الدولة الديمقراطية العميقة في السودان او اخر برنامج وطني شريف 2005-2010
وما عايزين يسمعو غير صوتهم النشاذ في البورد وفي السودان ...عنوسة سياسية مبالغ فيها
هسة برنامج التحول الديمقراطي بتاعي بسيط جد جدا لان مهم التغيير 90% علي الشعب وصناديق الاقتراع
وشوف الكيزان والشيوعيين هسة بعملو شنو في طرفي المعادلة المجلس العسكري من جانب وقوى اعلان الحرية ووالتغيير من الجانب الاخر

Quote: الولايات المتحدة دمرت كل المنطقة وليس السودان استثتاء وتراهن علي قوى غير ديمقراطية وليس لها ثقل جماهيري من مخلفات الايدولجيات اليسارية القديمة انها تصنع منهم فقط التناقض المدمر لانهم هم والكيزان وجهين لعملة واحدة الشيوعي ينعق بالعلمانية واكوز ينعق بالشريعة وكلاهما خارج نطاق التغطية لا تاتي بهم صناديق الاقتراع وليس لهم علاقة بالديمقراطية ولا الفدرالية التي يحتاجها السودان الان وسريع جدا بعودة الاقاليم ودولة المؤسسات =المحكمة الدستورية امريكا تستخدم المتحولين سياسيا في تدمير المنطقة والسودان ليس استثناء

https://up.top4top.net/

اهلا يا عادل

فى اخ كريم و زميل.. ارسل لى فى الخاص .. قال ان الخطاب الان امام مكتب السيد المدير المحترم. و طلب منى بيانات مثل اسمى و تاريخ السفرية و المتعلقات التى سرقت.. الخ اورنيك تمانية

المهم شكر اه بكل إحترام.. وقلت له ان هذا هو اسلوب الادارة و المسؤولين الذى اقعد بالبلاد.. تنبه الى خلل فى مؤسسية الجهاز المعين يقوموا يختزلوا المشكلة فى مسروقاتك.. لو عندك صهريج مقدد لا يمكن حل المشكلة ان تضع جردل تحت كل تسريب.. اما لو تحدثت عن المصلحة العامة فكانك تؤذن فى مالطة.