نائب مدير جهاز الأمن -عليه الطلاق- هو من قام بالتغيير

09:03 PM May, 03 2019

سودانيز اون لاين
عمر التاج-KHT
مكتبتى
رابط مختصر

Quote: نائب مدير جهاز الأمن وعضو المجلس العسكري جلال الشيخ مخاطباً أهله في الريف الشمالي: أقسم بالله وعلي بالطلاق أنا القدت التغيير ده، مشيت لي وزير الدفاع قلت ليه شوف، دي فوضى، ونحن ما ممكن عشان عشرين نفر ولا حكومة نخسر ملايين، الرئيس ده يتنحى الليلة دي.

مرحب عمر التاج
الكل.ب دا بالذات مفروض يكون في الحبس الإنفرادي
دي جعجعة الكيزان و الله اكبر من تفاهاتهم و تهافتهم
و المسألة ما محتاج حليفة بالله و لا بالطلاق
يجب القبض عليهم بتهمة قتل الشهداء من الثوار

الضعف واضح من كتره الحليفه ولفه الجسد ولسه عصايه الجن دى بتتهز قدام الناس ياخ الناس ديل عليهم جنس جراءه وقوه عين

دا يقول انا بديت التغيير ومعاها خبطة بالعصاية على الحفاظة و برهان يقول قوش جزء من التغيير و الفريق الاكعب من حميدتي يقول نحنا العملنا التغيير ولولانا ما عارف شنو
و حميدتي كمان قصته قصة!
ما عرفنا ابونا منو زاتو!!
كلهم يقوموا يلفوا التغيير دا من بعد الله الفضل فيه يرجع لسبعين شهيد و كنداكة تزغرد الساعة واحدة و جندي رفض التعليمات أمام بوابة البحرية و انحاز لضميره!
ما يملونا فقر وخاصة الكانوا بقتلوا في الناس ويعذبوهم بدم بارد ديل

دا كلو قرف ساكت ..العمل التغير الشعب وبس ....هو الاب الروحي لهذة الثورة مع صغار الضباط والذين تلاحمو مع الشعب ..باقي القرف دا كلو بي برهانو يمشي الزباله

حبابك يا خضر

Quote: الكل.ب دا بالذات مفروض يكون في الحبس الإنفرادي

الراجل ده بالمناسبة من اشرس العناصر الكانت شغالة في الامن
ومعروف أنه عسكري جيش ولكن نزعته العدوانية الرهيبة هي الجابتو للامن وجعلت منه نائبا لقوش
وهو من يتحمل كل عنف هذه الثورة وفي رقبته كل هذه الدماء التي لم تجف

اخونا عاصم حبابك

Quote: الضعف واضح من كتره الحليفه ولفه الجسد ولسه عصايه الجن دى بتتهز قدام الناس ياخ الناس ديل عليهم جنس جراءه وقوه عين

الاستقواء بالاهل والعشيرة برضو دليل ضعف وانهزام
أغلب الامنجية ديل ما قاعدين يشتغلوا بمجتمعهم وما كانوا بقدموا لمنطقتهم الا البلاء
واليوم بعد ما انكشفوا عايزين يتغطوا بالاهل واهل المنطقة ،
وكمان يقنعوهم أنهم هم العملوا التغيير الخلاهم يتركوا المناصب ويعودوا كناس عاديين
معقولة بس؟

Quote: الراجل ده بالمناسبة من اشرس العناصر الكانت شغالة في الامن ومعروف أنه عسكري جيش ولكن نزعته العدوانية الرهيبة هي الجابتو للامن وجعلت منه نائبا لقوش وهو من يتحمل كل عنف هذه الثورة وفي رقبته كل هذه الدماء التي لم تجف

عليه يجب اعتقاله و تقديمه لمحاكمة عاجلة
اذا كان هذا المجلس صادقاً
و كيف يكون هذا المجلس العسكري الفاسد صادقاً وهم من النظام البائد ؟
قوموا الى ثورتكم و ابقو كتار

هسع إذا وزير الدفاع المخلوع أيضا جا نكر كلامه وقال الزول ده ما قال أي حاجة ، حيكون موقفه شنو قدام الامم المتحدة ...ههههههه....محن والله ، وكل واحد عاوز يعمل نفسه بطل وهو الذي أشعل الثورة واحدث التغيير، ، والشعب السوداني ،صاحب الفضل ،يروح شمار في مرقة

هسع إذا وزير الدفاع المخلوع أيضا جا نكر كلامه وقال الزول ده ما قال أي حاجة ، حيكون موقفه شنو قدام الامم المتحدة ...ههههههه....محن والله ، وكل واحد عاوز يعمل نفسه بطل وهو الذي أشعل الثورة واحدث التغيير، ، والشعب السوداني ،صاحب الفضل ،يروح شمار في مرقة

Quote: دا يقول انا بديت التغيير ومعاها خبطة بالعصاية على الحفاظة و برهان يقول قوش جزء من التغيير و الفريق الاكعب من حميدتي يقول نحنا العملنا التغيير ولولانا ما عارف شنو و حميدتي كمان قصته قصة! ما عرفنا ابونا منو زاتو!!

زمااان لمن تكون في حاجة منكورة ومايتلقي ليها اب ولا ام بنقول دي بت...
اسه الحمد لله الثورة طلع عندها مجلس آباء وأمهات وطلعت بت لذينا
وانا خايف البشير بكره يطلع من كوبر ويقول انا العملت التغيير ولو عصلجت كنت لاسه بكتل فيكم..
الغريبة ناس المجلس العسكري ديل- الفاتوا والقاعدين - قبل الثورة كانوا (جزء) من النظام
والان عايزين يقنعونا انهم (كل) التغيير.

Quote: دا كلو قرف ساكت ..العمل التغير الشعب وبس

وفي الشعب ثوار الأرض.. الناس الواجهوا التاتشرات والشربوا البمبان
ديل هم الممثلين الحقيقين في مسرح الثورة قدموا الشهداء والعمل الصالح
البقية شوية فنيين وكهربجية ومخرجين وكومبارس ومتفرجين

Quote: هسع إذا وزير الدفاع المخلوع أيضا جا نكر كلامه وقال الزول ده ما قال أي حاجة ، حيكون موقفه شنو قدام الامم المتحدة

و الغريبة بحلف بالطلاق عشان نصدقه هههه
الشعب ده لما حلفت ليهم في المصحف وقدام بتاع الدستورية داك ما صدقك
عايزوا يصدقك بالطلاق؟
خالي الفضل كان جنو طلاق، لما يلاقي زول في الشارع يبادر بقوله ( على الطلاق السلام عليكم) ،
يوم جا ماري علينا ونحن شلة صبيان قاعدين في الشارع، وبقي يحاضر فينا:
على الطلاق انتو مانافعين، وعلى الطلاق انا لمن كنت قدركم كنت بسوي شنو داك).
وانا كلما اسمع كلمة طلاق بعمل شخيط في الأرض قدامي، وفجأة انتبه لي وقال لي( ده شنو يا جنا البتشخبط فيهو ده؟)، قلت ليهو ديل عدد حلفاتك بالطلاق وتمن ٩٩ طلاق، عليك الله يا خالي كان ما تميتهن مية. نظر لي نظرة غضب وضرب بعصاه الارض وقال لي:( على الطلاق ما اتمهن) ، ثم انصرف.
الشاهد انه البشير يطلق، وجلال يطلق، والزول الكان بحب البشير داك يطلق، ونحن نشيل ونصدق.

الفريق أول ركن عمر زين العابدين في أوّل مؤتمر صحفي بعد استلام الجيش للسطلة برئاسة ابن عوف ختاها للناس واضحة وقال ابن عوف وصلاح قوش هم قادة التغيير !!

المهم لا نملك تكذيب عمر زين العابدين إلاّ إذا كان لدينا ما يكذّبه ..

دا من جانب .. ومن جانب آخر شي طبيعي إنّو تكون الآراء والاقتراحات دوّرت بين قادة الجيش والأمن والدعم السريع وما مُحتاجة لحلايف طلاق وغيرو !!





ـــــــــــ

Quote: الفريق أول عمر زين العابدين في أوّل مؤتمر صحفي بعد استلام الجيش للسطلة برئاسة ابن عوف ختاها للناس واضحة وقال ابن عوض وصلاح قوش هم قادة التغيير !!

عن نفسي يمكنني تصديق ان صلاح قوش وحميدتي هما أكثر من ضغط على ابنعوف واقنعاه ليقيل البشير.
ابنعوف من تلقاء نفسه لا يستطيع مخالفة أوامر البشير لولا ضغوطات كبيرة من ممثلين في الجيش مثل كمال عبد المعروف وبعض صغار ضباط الجيش، بالإضافة لقائدي الأمن والدعم السريع.
صلاح قوش بعد أن تمت إقالته وسجنه بل وتعذيبه والضغط عليه ماديا من قبل الحزب وضباط الجهاز انفسهم، لم يعد هذا الجنرال ركيزة الإنقاذ بقدر ما كان يعمل على تصفية خصوماته السابقة، و كان له مع الفريق ود ابراهيم وكمال عبد المعروف تنسيق من نوع خاص لمحاولة إستعادة الإنقاذ القديمة، جلال الشيخ رغم انه تم اعفاءه من الخدمة العسكرية مع قوش ولكنه واصل عمله الرسمي في أجهزة الدوله مما يعني ان ازاحته كانت مجرد ديكور مكمل لاتهام قوش، وبعد عودة الجنرال قوش عاد معه جلال مترقيا لفريق ليواصل نفس مسيرته الاقصائية في الجهاز، جلال الشيخ كان شبحا مرعبا لضباط الجهاز أكثر من قوش وكانت بيده مقاليد الأمور حتى يوم تنحى البشير وذهبت معه أدق أسرار التنظيم لانه ظل هو الأقرب لحلقات الحزب من أي ضابط جيش أو أمن آخر.

ما حكم الحليفة بالطلاق هنا ؟

مرحبا هاني
الحليفة في السياسة زي الشرا في القندول،
وزي ماقال عادل امام وحاة الخوة البينا
نحن قسمهم في مصحف اهل الله ما صدقناه
نجي نصدق حليفتهم بأهل بيتهم

ومثال اخر لحليفتهم ذلك التابعي صاحب الفيديو المشهور
الراجل حلف طلاق زي خمسين مرة في ثلاثة دقائق
واقسم بزوجته الماعزيزة انو ماحايخلي أسد أفريقيا يسقط
قال الراوي: الرجل بعد سقوط البشير رجع لامرأته عادي
وعايش معاها في تبات ونبات لاعقد ولا زواج جديد.