Post: #1
Title: الناس القالوا مرحباً بالصادق ثائراً لا قائداً نسيتوا ؟
Author: amin siddig
Date: 05-02-2019, 00:14 AM
00:14 AM May, 01 2019 سودانيز اون لاين
amin siddig-
مكتبتى
رابط مختصر
مرحباً به ثائراً لا قائداً نسيتوها ؟
هسي هو قائداً و مخرمجاً
ما إنت ما ممكن تنط لي الزول في حلقو لمن ينتقد الصادق المهدي في بداية الثورة بدعوى الصف الوطني ، و لمن الناس تقول ليك أسباب الإعتراض عليهو تقول ( مرحباً به ثائراً لا قائداً ) ، و لمن يبقى قائداً تعمل رايح ، و لمن يبدأ يخرمج تمشي تلوم جهات تانية غيره.
ده ، بالإضافة لي تمجيد حميدتي بعد ترديد ( كل البلد دارفور ) أمثلة واضحة لعدم الإتساق الما حيخلي الناس تمشي لقدام، و مظهر من مظاهر طرق التفكير الغير عقلانية البتعرقل نجاح التغيير السياسي.
طبعاً عادي ممكن زول كان بيردد كلام الصف و ثائراً لا قائداً و يقرا الكلام ده يتخيلني بتكلم عن ناس تانين !!!!
كان من الأفضل إنه الصادق المهدي ما يكون جزء من (الصف ) من البداية ، لكن لسه ما فات كتير
--
أي تسويات جزئية ، غير مرضية ، فلينشق الصف ( و لن ينشق بالتساوي ) و يبقى أغلبه يقاتل حتى النهاية أو يصبح معارضة شوكة حوت في حلق حكومة التسويات
و الفورة ألف
|
|