حميدتى ود بلد

03:42 AM April, 24 2019

سودانيز اون لاين
Abdelhameed Elmagboul-
مكتبتى
رابط مختصر

حميدتى ود بلد
الخيل الحرات ببينن فى اللفه !!!

مرحب بالحبيب الاحب عبدالحميد المقبول

Quote: حميدتى ود بلد

هل هناك سوداني ما ود بلد!

Quote: حميدتى ود بلد

قرقرقرقر!!!

الاخ محمد ادم
الكيزان رايك فيهم شنو؟؟ الاصاله مواقف

تسلم الحبيب الراكز دودى

دا بيلعب دور مرسوم ليهو بدقه للحفاظ على الدوله العميقه باقل الخسائر
تاييد وترويج البرامج والسياسات اوفضل واولى من صناعه الاصنام

سلامات
ود بلد وود قبائل ما فيه كلام ...
بس ما مؤهل ليكون قائدا أو نائب رئيس ولا حتى ضابط عظيم في وزارة دفاع

Quote: دا بيلعب دور مرسوم ليهو بدقه للحفاظ على الدوله العميقه باقل الخسائر

إذا كان بلعب لصالح دولة الكيزان فهو وهي إلى زوال
ولكن اكثر ما أخشاه يا عاصم أن يكون بلعب لصالح ورقه
وعايز يرث دولة الكيزان ومؤسساتها وجيشها ..

Quote: الاخ محمد ادم الكيزان رايك فيهم شنو؟؟

برضهم اولاد بلد لكنهم Corrupted !

ود المقبول المصطلح دا بتعاملوا بيه الناس الكانت مسيطرة في العهد السابق عشان يحصلوا و محسوبيهم علي امتيازات دون غيرهم بالاضافة الي تمكنهم من الهروب من اي حساب اذا ارتكبوا اخطاء و جرائم جنائية اها انت قصدك المفهوم دا و لا شي تاني.

كااااااااااااااااااااااك
قال ولد بلد .
بجرة قلم مسح تاريخه الاسود في دارفور !
وعشان كده حكمونا 30 سنة .

Quote: كااااااااااااااااااااااك قال ولد بلد . بجرة قلم مسح تاريخه الاسود في دارفور ! وعشان كده حكمونا 30 سنة .

القائد الفارس حميدتي .. معدن أصيل ..

عارف ناشد .. تصالح معي .. أحسن ليك! هههاي


تحية لصاحب البوست ..

بريمة

حميدتي ليس سوى مجرم وقاتل ويقود مليشية قبلية.

حميدتي قنبلة موقوتة تركها الاخوان المسلمين في السودان، وهذه القنبلة الموقوتة يجب تفكيكها بكل حرص ودقة.

Quote: القائد الفارس حميدتي .. معدن أصيل .. عارف ناشد .. تصالح معي .. أحسن ليك! هههاي تحية لصاحب البوست .. بريمة

العبار بريمة...
شايفك خلعت العقال واختفت نبرة العروبية ...
ههههههههههههههههههههه ...

حبيبنا عبدالحميد .. تحياتي ..
(( ود البلد )) مصطلح خطير إستخدمه النميري والزبير
وكذلك البشير حتى تمكن وصار ارستقراطي ..
زمان شخصية ( ودالبلد) كان مرغوب من الشعب حتى الامهات والاخوات
ولكن اليوم ما أظن هؤلاء الشباب تنطلي عليهم الحيلة
لأن في ساحة الاعتصام لا عرضة لا شعر حماسة ولا قفز في الهواء
الحركة الجسدية مختلفة وطريقة الهتاف ، حتى الزي ( تي شيرت) بدون أكمام
لا عراقي وسروال .. ( هتافاتهم بطريقة .. الحوت .. الله يرحمه ) زمنهم برضو جميل أولادنا وبناتنا
عندما أرجع من العمل طوالي معاهم في التلفزيون .. ألاحظ كل حركاتهم .. صدقوني متعة ..

تحياتي الحبيب عبدالحميد










ممكن ود البلد يوصف بالغباء لدى أولادنا وبناتنا في الساحة

تحياتي الحبيب عبدالحميد ..

(ممكن ود البلد يوصف بالغباء لدى أولادنا وبناتنا في الساحة)

لك التحيه اخى على عبدالوهاب.. ده ود بلد تفتيحه... الفى قلبوا على لسانو.. فهم الكيزان كويس.. اعتقد انه خالف كل التوقعات واختار الطريق الصحيح.

(حميدتي قنبلة موقوتة تركها الاخوان المسلمين في السودان، وهذه القنبلة الموقوتة يجب تفكيكها بكل حرص ودقة.)

شكرا اخى دينق.. واضح ان حميدتى انحاز للشعب وسيستخدم هذه القنبله لصالح الشعب ان اضطر..

مرحب اخى بريمه

(ود المقبول المصطلح دا بتعاملوا بيه الناس الكانت مسيطرة في العهد السابق عشان يحصلوا و محسوبيهم علي امتيازات دون غيرهم بالاضافة الي تمكنهم من الهروب من اي حساب اذا ارتكبوا اخطاء و جرائم جنائية اها انت قصدك المفهوم دا و لا شي تاني.)

شكرا اخى ادم يعقوب.. اتفق معك.. لكن القصد هنا اصاله المعدن والبساطه.. حديث حميدتى يحسسك بمصداقيته.. الرجل كان منغمس مع نظام البشير ولكنه وقف مع الشعب وكان كرت الوطن الرابح.. جنب البلاد الفتنه والاقتتال.

(بس ما مؤهل ليكون قائدا أو نائب رئيس ولا حتى ضابط عظيم في وزارة دفاع ..)

فى اخر لقاء له هو قال الكلام ده اخى عمر.. .. ولكن للضروره احكام.. بخصوص المناصب اما كونه ضابط عظيم انظر اين هو الان.

دا بيلعب دور مرسوم ليهو بدقه للحفاظ على الدوله العميقه باقل الخسائر
تاييد وترويج البرامج والسياسات اوفضل واولى من صناعه الاصنام

لااعتقد ذلك اخى عاصم.. فى دلائل وعمل فعلى على الارض يبرهن جديه الرجل وانحيازه للشعب.

كتب عاصم علي:

Quote: تاييد وترويج البرامج والسياسات اوفضل واولى من صناعه الاصنام

حبيبنا عاصم علي..

مافي مشكلة تب..ومتفق معاك..

يبقى البرامج والسياسات دي شنو؟ هل هي قشرة وقراية كتب ولا واقع يمشي بين الناس؟

الزول ده في اربعة ايام يا عاصم رشا لينا البرامج و السياسات بتاعتو: عمادها مطاردة الفساد بتاع نظام عمر البشير..وقال قبضنا كذا وكذا من المبالغ وسلمناها بنك السودان..!

وقال بدينا نسدد ديون السودان..!

اها عشان ما نبقى في نقة المثقافاتية..تعال انت وانا نمشي عديل لبنك السودان ونسألوا: هل كلام حميدتي ده صاح ولا كضب..!!!

وتعال نمشي لحميدتي بالباب العديل ونمسكوا من حلقومو ونقول ليه: ديون السودان السددتها هي شنو ياحميدتي وككيف سددتها والسودان من سنة حفروا البحر مافي ود مقنعة جا قال بدينا نسدد ديون السودان..!

في المقابل حتى الآن تجمع المهنيين وقوى الحرية والتغيير (ناس البرامج والسياسات) يقدموا كراع ويرجعوا ستين كراع..ويبعوا لينا الوهم متل حلاوة حربة..!

العصر عصر شفافية يا عاصم يا صديقي..وحميدتي راعي..والرعاة يتميزون باخلاق نبيلة ونادرة..يعني مافي زول فيهم بيفك الكلام من باب التدليس والبروباقندا والكضب الأبلق..!

شرحوا: تعال نمشي ليهو في بيتو (ما تخاف يا عاصم وليك الأمان)..وصدقني لو طلع كلامو بتاع سلمنا المبالغ لبنك السودان مجرد كضب واستهلاك ساكت..على بالطلاق يا عاصم اقطع ليك اضان حميدتي واديك ليها في ايديك وتمشي تبشر بيها قدام الكنداكات في ميدان الإعتصام..!

جيب برامج وسياسات (مرحلية) افضل من دي وبنمشي معاك يا عاصم..!!

مافي مشكلة تب يا قريبي..!

ومنتظر اجابتك..لأن السكوت ح يجيب فرق كبير..وشغل يمكن ما يعجبك ويعجب غيرك..!


كبر

Quote: وقال بدينا نسدد ديون السودان..! والسودان من سنة حفروا البحر مافي ود مقنعة جا قال بدينا نسدد ديون السودان..!

إنت لِسّع في طراشك العفن دا !، شنو ود مقنعة ؤ ود ماشة
موضة دا !.

كِدي قبل ما يدينا أسألوا لينا جاب القروش دي من وين ؟، شايفك
عندك معاهو علآقة قوية تخوّل لك قطع أضانوا .

أمانة ماك كِضيضِّيب بو يا الورر ...

سلام اخوى كبر
كلامى كان نقد لثقافه تمجيد الافراد من منطلق عاطفى وعدم الاهتمام بالبرامج والسياساات كثقافه تضررنا منها كتير .
اما حميدتى مكانو هسى ما القصر الجمهورى . اول شى كدى اليدخل كوبلر مع البشير كاحد الاذرع العسكريه للنظام وكان طلع منها نضيف يقدم برامجو وسياساتو كشخص مدنى (لايرتكز على مليشيا ) والصندوق هو الفيصل.
تحياتى

تحياتي ود المقبول وضيوفك
المثقفاتية لا يجيدون غير الثرثرة..
حميدتي حقن الدماء لكن ناكرين الجميل كعادتهم و على مر تاريخ السودان لا يعترفون بالفضل.

ول أبا كبر جيداً جيت ..

Quote: العصر عصر شفافية يا عاصم يا صديقي..وحميدتي راعي..والرعاة يتميزون باخلاق نبيلة ونادرة..يعني مافي زول فيهم بيفك الكلام من باب التدليس والبروباقندا والكضب الأبلق..!

ما تزعل أصحابنا الشيوعيين .. بتاعين العقل الرعوي ...!

صوالين المثقفاتية لا تقدم شيئ .. والدليل شوف المنبر دا .. مهما قدمنا لهم القائد حميدتي منذ عام 2014 بصورة راتبة نحن نكتب لهم عن الرجل ومزياه .. ومحاولة أقناعهم لفتح صفحة معه .. رجل تحت قيادته نحو 40 ألف رجل يحمل سلاح .. وقف حمار شيخ المثقفاتية تب ..

الأن يواجهون واقع فيه تحديات كبيرة .. والحل بسيط .. الأعتراف بحق الرجل في أنه لعب ويلعب دور في ما يدور في البلد ..


بريمة

يا للعجب! اخر الاخبار عن حرامي الحمير، القبلي النازي متوهم العروبة، زعيم الجنجويد انو لمان جا القيادة قالو امتعض من تواجد "الزرقة" هناك بكثافة!

حمرتي هذا زعيم مليشيا قبلية جهوية مجرمة، ممولة بواسطة مخابرات اجنبية، متحكمين فيها افراد من اهل بيتو، لاموقع لها من الاعراب دستوريا في اي بلد ديمقراطي!

كونو يناور وبياكل بي عقولنا حلاوة، عشان يصبح الرئيس بدل نائب الرئيس، لي مجرم قبلي كهذا، نازي فمجرد الفكرة عار!!

للاسف البايدو عبط وعار كهذا، ينطلقون في غالبيتم من اصطفاف قبلي جهوي مقيت!

ما ممكن بعد العمر ده كلو انجاز ثورتنا يكون مكافاة مجرم حرب، وزعيم مليشيا خاصة قبلية، ممولة بواسطة ذات مستعمرينا الاعراب!!

هذا جنون!

Quote: والدليل شوف المنبر دا .. مهما قدمنا لهم القائد حميدتي منذ عام 2014 بصورة راتبة نحن نكتب لهم عن الرجل ومزياه .. ومحاولة أقناعهم لفتح صفحة معه .. رجل تحت قيادته نحو 40 ألف رجل يحمل سلاح .. وقف حمار شيخ المثقفاتية تب ..

اعلاه تخرصات القبلي بريمة ادم!!

لاحظ هو كان ولايزال ضد الثورة!

ولكن لما امتطي ظهرها ودقبيلتو، كالعهد بالمصابين بي جزام الوعي القبلي، طوالي ركب في الاتجاه المعاكس لي موقفو، دعما مش للثورة اللي هو ضدها ومن منطلق قبلي جهوي، وانما لحرامي الحمير، البيبتذا الشعب السوداني علنا بالمليشيا الخاصة بي قبيلتو وافراد اسرتو، الممولة بواسطة مخابرات مستعمرينا الاعراب، والسطو علي مناجم الذهب!

نعم دولة قبلية نازية جهوية ابارثيديدية، داخل دولة تنتظم فيها اعظم الثورات في عالمنا اليوم!

شئ مقرف او مقزز منظر هؤلاء واصطفافم من منطلق قبلي صرف خلف مجرم، امي، قبلي، نازي كهذا!

عووووع!

Quote: حميدتي حقن الدماء لكن ناكرين الجميل كعادتهم و على مر تاريخ السودان لا يعترفون بالفضل.

ياحليلك ياسمعة!!

ماقادر تتخلص من عاهة الاصطفاف القبلي الجهوي رغم انف كل كلامك هنا عن التهميش او حبل القيطان!

حقن الدماء هنا، مجرد وسيلة ومدخل للسطو علي الثورة وامتطاءها للوصول الي قصر غردون كزعيم اوحد مش نائب مجلس عسكري انقاذي اتت به المخابرات الاجنبية!

اذن هو وصولي في كل مواقفو الي الان، والاهما محرك كما قطعة الشطرنج في كل تصرفاتو بواسطة مخابرات اجنبية، بواسطة العميل الرقيع طه الدلاهة!!

لما يسلم السلطة دي لممثلي الثورة، ويتم حل هذه المليشيات الخاصة القبلية الجهوية، او يمشي بيتم، بعد داك بنصفق ليهو لو طلع برئي بواسطة قضاء مستقل.

قبل كده اي تسويق لهذا القبلي النازي المجرم، في حد زاتو جريمة وبصق في وجه ملايين الضحايا في الهامش قبل المركز، دعك من الثورة اللي لايمكن رمزها يكون واحد زي المجرم ده، العامل عربي او يقول علي اهلنا هناك "زرقة" او يكتل فيهم بالوكالة!

اذا حقن الدماء مرحليا، وكتكتيك، سينتهي بمثل هكذا مخلوق كراس للدولة، فلترق منا الدماء، اللي اساسا ستراق لو هذا المتسلق الانتهازي حقق مبتغاه، بمثل هكذا ابتذاذ رخيص!

نعم اذا اريقت دماء شعبنا بواسطة هذا المجرم او مليشياتو الخاصة الاجنبية القبلية، فهذا سيادي الي توحد واصطفاف الجيش كلو معنا لنقتلع هذا النظام من جذورو.

الرضوخ لهكذا ابتذاذ سيادي الي ان يشتعل السودان باسره او يختفي من الخرطة، لو واحد زي حمرتي ده، جايي يسطو علي السلطة وهو يمتطي ظهر ثورة اشتعلت بي سبب ممارسات امثالو تحديدا!

الصاح، نكون مصحصحين او ننتظر المفاوضات دي حتودينا وينا، مع انو اي تاخير يغذي احلام حمرتي!

لايصح اطلاقا او من العار تلميع واحد زي حمرتي، بل هذه خيانة لارواح الملايين او مش فقط ارواح شهداء الثورة الان!

وهنالك شء أخر عن حميدتي.

لقد كثر الحديث عن فساد الكيزان وسدنتهم، فماذا عن فساد قوات الدعم السريع بقيادة حميدتي؟
حميدتي أشترى صحيفة وقام بتعين الكوز العنصري الصادق الرزيقي مستشارا له.
فمن أين مثل هذا المال؟
بعدين ده فريق شمو ده اللي يمتلك صحيفة؟؟

Quote: بعدين ده فريق شمو ده اللي يمتلك صحيفة؟؟

الزول يمتلك جبل ايضا يا دينق.

الخبير الكوشي
شالوم

Quote: اذا حقن الدماء مرحليا، وكتكتيك، سينتهي بمثل هكذا مخلوق كراس للدولة

لا تخف.
الرجل قالها صراحة أنه لا يريد سلطة.
لا تسويق ولا تلميع
كل ما في الامر ان الرجل لعب دوراً محورياً في تماسك المجتمع من التدهور الى مرحلة الفوضى الخلاقة.دعنا نكن منصفين.

اي محاولة من ايا كان، لتلميع وتسويق زعيم الجنجويد، في هذه اللحظات العصيبة المفصلية، اعلمو هي جريمة، خيانة، وبصق في وجه ملايين الشهداء في الهامش، ثم شهداء الثورة،

والاخطر من ده كلو، هذا سيؤدي الي اشعال السودان من اقصاه والي اقصاه، لو جاي واحد زي المجرم ده يفرغ الثورة من مضمونا ويمتطي ظهرها كما اي دحشة، حرامي الحمير ده ليحكم السودان!

ما ممكن مقاول الابادة بالوكالة، اللي صعد للسلطة الحالية علي اكتاف مخابرات مصر الخديوية، يكون هو وجه الثورة، بينما امثال عبدالواحد من ضحايا هذا المجرم النازي من اهلنا في دارفور والجبال يقضو باقي عمرم في الكراكير او معسكرات الذل!

هذا جنون!

لا ينبغي النظر الي تصرفات حمرتي كانحياز للثورة وحقن للدماء!!

هذا مجرد تكتيك او تسويق للانفراد بالسلطة، فوق لي انو اصلا مامور في كل ما اتخذ من خطوات من مخدميه الاجانب وممولي مليشياتو الخاصة المملوكة لي افراد اسرتو او قبيلتو حصريا!

الهتاف والتصفيق لي واقع قمي حقير كهذا عبط بل جريمة!

زي ما قال صديقنا وائل: ما تسمنو التور وبعدين يغلبكم تضبحو
يا حميدتي ان شاء الله يوم شكرك يجي

Quote: يا حميدتي ان شاء الله يوم شكرك يجي

يا كمال الشعب السوداني غريب الأطوار.
يضيع فرصة الرجل الصادق و يجي بعد فوات الأوان ليبكي على اللبن المسكوب.
بذات الطريقة أضعنا من قبل قرنق و خليل ,,

سلام يا سمعه
احنا ما علينا بي اقوال. علينا بي أفعال.
حتي الآن ما فعله حمتي هو من باب القفذ علي ظهر حمار الثورة وليس الا!
نعم يظل وبحكم تاريخو متهم إلي أن تثبت براءتو بالسلوك مش بالكلام.
خليهم في الاول يسلمو السلطه دي لممثلي الشارع مش اغوات ال سعود من أمثال الدباب الداعشي الفاسد الفاسق عبد الحي اللي جاتو الاشاره من اسيادو ال سعود هذا المستعبد لتبرير بقاء أمثال حمرتي من عملاءهم في السلطه عشان نموت ليهم في اليمن كقرابين لدويله الوهابيه من ال سعود.

Quote: احنا ما علينا بي اقوال. علينا بي أفعال.

هل هناك فعل أصدق من الانقلاب على رئيسه؟؟؟؟؟؟؟؟
هذه لا يستطيع فعلها جلابي.
حتى برهان ملا يمينو بعد ما حميدتي قال كلمته.
مالكلم كيف تحكمون؟؟؟؟؟؟؟؟؟؟؟

السلام عليكم
قولك ما في جلابي ينقلب علي رئيسه كلام لا
بسنده التاريخ

ضرورة الاسراع في ضم من يصلح من هذه القوات المتفلته للجيش بكل عتادها وأسلحتها ..
هذا بعد إعادة تأهيل من يصلح ومن يتملك مقومات الجندي بلا أي محسوبية ..
أما قوات جهاز الأمن المجرم يجب تسريحها من جندي لأكبر رتبة ..
وكل عتادها العسكري يمشي للجيش حتى يستقيم الوضع ..
الجيش هو الكيان الوحيد المخوّل له الدفاع عن الوطن ..
وهذا دوره فقط أي لعب دور سياسي غير مطلوب منه البتة ..

طويلين لسان وقليلين إحسان..
جربناكم قبل ١٣٥ سنة ..

بشاشا، حمار شيخه وقف في العقبة .. دي عينة المثقفاتية التي أتحدث عنها .. بشاشا، معاوية المدير .. وأمثالهم ..


الثورة أنجزها حميدتي .. بانحيازه في اللحظة الحرجة ..


بريمة

"الثورة أنجزها حميدتي .. "

دى ما ادونا ليها.. ..و الواحد لو ما بيعرفك كان قال دى قوية.
حميدتى رجل بدوى نشأ فى البادية و عرك الحياة و عركته.. و جاء من خارج المنظومة الحاكمة منذ الإستقلال.. يعنى من خارج الطبقة الحاكمة فى الخرطوم .. و اشعر بالصدق فى نبرته.
اهم شئ هو ما إسلامى لذلك غير ملتزم ايديولوجيا بالانقاذ او بافرادها. و أرجو ان يستغل هذا التأييد النسبي له من الشعب و يسعى القرب منه و العمل على تحقيق طموحه.. والسعى للاعتماد على شرعيته من الشعب و ليس من البندقية و أجهزة الامن.

أتمنى الناس ما تنساق وراء الكلام بتاع استدعاء تأريخ المهدية بالصورة المشحونة جهويا دي

جرائم الخليفة في كردفان و دارفور معروفة

و جرائم حميدتي نفسه في كردفان و دارفور - حتى في مناطق الرعاة - معروفة

الموضوع ما اولاد بحر قصاد اولاد غرب و ان كره الرماديون

الموضوع دولة مواطنة مقابل دولة بلطجة

Quote: الثورة أنجزها حميدتي .. بانحيازه في اللحظة الحرجة ..

بريمة إزيك يأخ والله نكتتك دي أبيخ نكتة سمعتها ..
ثورة شنو الأنجزها حميدتي والله إلا كان الثورة بالوادي ... خخخخ
بعدين هل انت بتفتكر إنه الجيش عامل حساب لي حميدتي ؟ ..
من منطلق قوة عسكرية يعني !! ياجماعة انتو شكلكم بتتكلموا ساي ..
دي قوات لحرب العصابات فضلا عن إنها قوات عشوائية وغير مدربة ..
كتيبة وااااحدة من الجيش ومعاهم دبابتين تي 55 ممكن تجعل من حميدتي وقواته شاورما ..
كل مافي الأمر إنه حميدتي مفروض على المجلس العسكري من دول خارجية ..
وماعندهم مصلحة يبعدوه في الفترة الانتقالية لانه أكيد حيحتاجوا الرز ..
لي قدام شوية القوات دي حتتفكك باي سيناريو كان وحتتشوف صحة كلامي ده ..
حميدتي لم يجرؤ حتى على ضرب نار على قوات الامن القتلت المتظاهرين ..
ووقفت قواته تتفرج بنظام عصاية نايمة وعصاية قايمة ...

حاول تاني جيب لينا نكت سمحة عليك الله ..

Quote: بشاشا، معاوية المدير .. وأمثالهم .. الثورة أنجزها حميدتي .. بانحيازه في اللحظة الحرجة .. بريمة

يا بريمة أولاً أنا ما مسغفاتي،
وثانياً حميدتي ورّط القوات بتاعتو بإدخالها الخرتوم .
قال خلوني مع الدعم السريع حقي دا !، لا يا شيخ
دا وضع أمرو إنتهى وإنت برآك يا حميدتي ختيت
التلجة في الموية ؤ مصيرها شوية شوية تذوّب ...

فى هذه الفترة العصيبة من تاريخ بلادنا الحبيبة اى تلميع لاى شخص كان
ليس فى مصلحة البلاد .. حميتى مثله ومثل غيره من السودانيين هناك عدالة انتقالية
بعد تكوين الحكومة المدنية وايضا تكوين مفوضية الفساد حميتى مثله ومثل غيره سيتم محاكمته
على الدماء وعلى الاموال ان كان بريئا فنعما هى وان كان مذنبا فسيلقى جزاءه ثم بعد ذلك اذا
اراد الحكم عليه ان يأتى عبر صناديق الانتخابات .

الزول دا ماتدو حجم اكبر من حجمو

الناس الراسها ضارب من وجود القائد الفذ حميدتي كنائب للرئيس .. ما عندهم أي حق بس مكاجرة وعنصرية ..

القائد حميدتي .. رفض تنفيذ الأوامر بقتل المتظاهرين .. في لحظة حرجة هي التي غيرت مجري الأحداث .. والتأريخ ..


الله أكبر ولله الحمد ..

بريمة

Quote: ما عندهم أي حق بس مكاجرة وعنصرية

يا ولد ابوك الناس ديل عقدة عدم قبول الآخر متجذرة فيهم.

السلام عليكم اخي اسماعيل عبدالله

Quote: يا ولد ابوك الناس ديل عقدة عدم قبول الآخر متجذرة فيهم.

يا ود ابوك ليه نبرتك دائما عنصرية!!!؟

بت ابا فريدة محجوب
حبابك عشرة

Quote: يا ود ابوك ليه نبرتك دائما عنصرية!!!؟

العنصرية وين؟

مرحبا اخي العزيز مرة اخري

اقرأ لك دائما واشتم في كلامك العنصرية ....

Quote: طويلين لسان وقليلين إحسان.. جربناكم قبل ١٣٥ سنة ..

Quote: هل هناك فعل أصدق من الانقلاب على رئيسه؟؟؟؟؟؟؟؟ هذه لا يستطيع فعلها جلابي.

Quote: يا ولد ابوك الناس ديل عقدة عدم قبول الآخر متجذرة فيهم.

ماذا تعني بهذه التعابير!!!؟

السلام عليكم يا بريمة

Quote: .. رجل تحت قيادته نحو 40 ألف رجل يحمل سلاح

هل للرجل اي مؤهلات اخري؟

لماذا هذا السلاح؟ وضد من؟
وهل ستحل هذه المليشيا وتستوعب في الجيش القومي ؟
ما مصير جبل عامر؟

Quote: لناس الراسها ضارب من وجود القائد الفذ حميدتي كنائب للرئيس .. ما عندهم أي حق بس مكاجرة وعنصرية

.. قرقرقرقرقر!

بريمة ادم،

العامل عربي، يسخر من اهلو باعتبارم زنوج، سليل المراحيل ثم الجنجويد اداة الابادة للملايين، يسوي عنصرية!

مع انو هو رافض للثورة دي من قامت!!

ولكن ولانها اتت بحمرتي، فراح قالب من منطلق ولاء قبلي جهوي اعمي!

او بعد ده يسوي عنصرية؟

انتا مش رفضتا الثورة دي؟

هسي جايي بي بساطة تختطفا من منازلهم يا الهمباتي او انتا عمرك كلو في المنبر ده، ماكل باردة؟

بالبساطة دي وبكل انتهازية؟

او بعد ده عندك وش تسوي عنصرية شغل ابتزاذ من جنجويدي حرامي حمير؟

شكرا لكل المتداخلين سلبا وايجابا ...
وللأوطان فى دم كل حر يد سلفت ودين مستحق

فلنكن واقعيين ياجماعه ، البيان بالعمل .. اثبت الرجل موقفه الوطنى على الأرض ، فلنعمل على دعم كل من يسعى لحقن دماء ابناء الوطن ، محاسبه الفساد والمفسدين وبناء الوطن !!
(من كان منكم بلا خطيئة فليرمها بحجر )
التحيه للفريق حميدتي وكل الوطنيين على موقفهم الوطنى .
ولتدم أنت ايها الوطن

سلآمات يا عبد الحميد، أنا دخلت مرتين ؤ ما سلمّت
عليك فأسف جداً، أرجو المعذرة ...

(سلآمات يا عبد الحميد، أنا دخلت مرتين ؤ ما سلمّت
عليك فأسف جداً، أرجو المعذرة) ...

عليكم السلام اخى معاويه لك التحيه.

بت أبا فريدة،

سلامات .. كل ما نفعل أننا كشعب سوداني .. نعصر علي أنفسنا ونقبل ببعض ..
الأن أبناء الغرب شغالين .. لكي يقنعوا:
الفريق عبد العزيز أدم الحلو ..
الفريق مالك عقار
الفريق ياسر عرمان
الفريق دكتور جبريل إبراهيم
القائد مني أركو مناوي
القائد عبد الواحد محمد نور ..

بالعودة إلي الخرطوم .. وفتح مكاتب أتصال لهم فيها .. والتواصل مع الشعب وقواعدهم ...
نحن عايزين حركة سياسية نشطة لا يستثني فيها أحد .. وكل زول وكسبه ..


وسعوا المواعين .. نحن ما عايزين رجعة للخلف ..


بشاشا، حليلك يا أخي .. رحت شمار في مرقة ... والعبار دينق لا أحد يعبره ..

بريمة

Quote: فلنكن واقعيين ياجماعه ، البيان بالعمل .. اثبت الرجل موقفه الوطنى على الأرض ، فلنعمل على دعم كل من يسعى لحقن دماء ابناء الوطن ، محاسبه الفساد والمفسدين وبناء الوطن !!

Quote: ونقبل ببعض ..

دي جماعتك ما طايقنها.

من حيث الفصاحة , أيوة.


لكن عملياً يخرج من عيونهم الشرر
ومن قلوبهم حمم اللهب ,,

Quote: لكن عملياً يخرج من عيونهم الشرر ومن قلوبهم حمم اللهب ,,

يا ساتِر !!!، ما هذا التوهُم الخبيث !!!...

الثورة في خطر فأدركوها
04-29-2019 12:52 PM
بالرغم من ان تجمع المهنيين أفلح باقتدار في قيادة الحراك الذي ادى إلى اقتلاع النظام السابق من سدة الحكم، ألا أن قوى الحرية والتغيير أظهرت ما يتناقض مع ذلك النجاح تماما، وكشفت عن ضعف لا تخطئه العين في تلقف ذروة اللحظة الثورية لفرض ما توافقت عليه جموع الشعب الثائر، تحت مظلة إعلانه المعروف بإعلان الحرية والتغيير، والأحرى بنا ان نقول: إعلان الحرية والكرامة، فالشعب السوداني لم يثر إلا لتلك الكرامة، وليس لمجرد التغيير الشكلي الذي يفضي الي لا شيء. فهل في الافق ما يلوح بأن الشعب السوداني ظافر بتلك الكرامة في مقبل الأيام؟! أخشى أن تكون الاجابة هي لاٌ مؤكدة، إذا ما سارت الامور على النحو الذي نرى. فالتفاوض الذي يمشى الهوينى بين المجلس العسكري وقوى التغيير، لا يعيبه البطء الجلي فحسب، إذ ان الخلل يعتري أيضاً الاستراتيجية والتكتيك التفاوضيين، فالتفاوض يجري الآن على شكليات لا تسمن ولا تغني من جوع. فإذا كنا في الأساس قد ثرنا على نظام الرجل الواحد أو الحزب الواحد، فقد افضى بنا الحال إلى الاعتراف بسلطة الرجل الواحد حميدتي، فالرجل وحده هو من يتفاوض وهو من يتولى منذ الآن رسم ملامح السياسة الخارجية، فقد جاء في تصريح أستباقي له ما بعده، أن الجيش السوداني سيواصل القتال في اليمن، وانه الآن يدفع الآن بعض الفواتير من مال ذلك الإرتزاق المفضوح، ومن ثم يجتمع بباعث الفتنه عبدالحي يوسف بدلاً من اعتقاله على ما أفسد مع السلطان المخلوع، وعلى تكفيره الضمني لقوى الثورة، ليطمئنه في ذلك الاجتماع على عدم المساس بالشريعة، ليهدم بذلك أهم مشروع تحمله الثورة بين جناحيها: مشروع الدولة المدنية كمدخل لحل كل الاشكاليات التي تواجه البلاد منذ الاستقلال وكمدخل لإدارة التنوع الذي يزخر به السودان، والذي عبرت عنه الثورة بجمال منقطع النظير في تجلياتها. والأدهى والأمر اختطاف الرجل للقوات المسلحة حتى زاد نفوذ قوات الدعم السريع داخل تلك المؤسسة، ليصبح الأعلى صوتاً والاقوى فعلاً، تلك القوات التي تتبع اسمياً للقوات المسلحة، لكنها في حقيقة الامر قوات خاصة بحميدتي تدين بكامل الولاء له وليس لبرهان القائد الاعلى للقوات المسلحة. فبالله عليكم اذا تهدم مشروع الدولة المدنية وظل الجيش تحت رحمة ميليشيات أو جناح عسكري غير منضبط، فماذا تبقى من الثورة؟ وما الذي تبقى منها اذا كنا لا نزال نأكل بثديينا في المحاور الاقليمية، وإذا استمرت الوصاية التي تمارسها بعض الدول علينا؟ وبعد كل الدماء الغالية التي هرقت، ما الذي تبقى من الثورة ؟! ما يجري الان مرفوض تماماً في الأساس، ولا ينبغي للبعض أن ينجرف في كلام عاطفي كالقول " نحن والقوات المسلحة شركاء"، إلى ما ذلك من الكلام الرنان، إذ لا يصح في نهاية المطاف إلا الصحيح، واذا لم نضع الآن اللبنات لما هو صحيح، والأساس لدولة القانون والمواطنة المنشودة، فاننا سنظل نكتوى بذات الجمرة وسنعود للحديث عن خطأ تاريخي جديد يضاف الي أخطاء أبريل واكتوبر وأخرى سودت صفحات تاريخنا الحديث. لا نريد أن نتحدث عن التكتيكات التي اتبتعتها قوى التغيير، لأن الخوض في التفاوص من حيث المبدأ كان فعلاً ثورياً باطلاً، وما بني على باطل فهو باطل، ولكن تلك التكتيكات المتبعة والموقف من التفاوض كشفا أن مشاريع الكتل السياسية قبل الثورة للتخلص من النظام أو التغيير، ما زالت تلقى بظلالها على ديناميكية قوى الثورة، وما زالت قوى الهبوط الناعم تجر الناس للحوارت النية، مقابل قوى الاجماع التي لا زالت تصر على اقتلاع ما تبقى من النظام، ونستشف ذلك من تصريحات السيد الصادق المهادنة من شاكلة ان نقبل بمجلس سيادي تفادياً للاصطدام بالمليشيات وكتائب الظل وغيرها، فاذا كان الشعب السوداني قد هزم تلك المليشيات في مواجهات صريحة وهي مدعومة بكل عتاد الدولة، ما الذي يعجزه ان يهزمها المرة تلو الاخرى خاصة وان الشعب ابدى استعداده التام ليكمل مشوار الثورة. وايضا التصريحات من شاكلة ان علاقة الشريعة بالدولة يحددها المؤتمر الدستوري، وكأن ما يسمى بالشريعة قد اقرته جمعية تاسيسية منتخبة. ثم حديث السيد عمر الدقير مع الجماهير ومحاولة تطمين الجماهير المعتصمة بأن المجلس العسكري متفهم وان الحوار يسير بروح طيبة، وما شاكل من لين القول. تصحيح الوضع يبدأ فعلا من إيقاف التفاوض مع المجلس العسكري جملة وتفصيلا، ليكون المطلب الأوحد هو تسليم السلطة، فلا يوجد شئ بتاتا يخول هذا المجلس المطالبة بأن يكون شريكا في السلطة وأن يجعل نفسه ندا للقوى السياسية، فالقوات المسلحة قطاع من الشعب السوداني مثل غيره من القطاعات، وكما ساهم كل قطاع من الشعب في الثورة حسب طاقته وتخصصه، فقد ساهمت القوات المسلحة بدورها في توفير الحماية للمتظاهرين من رصاص الغدر، تماماً كما ساهم المحامون في حماية المتظاهرين من عسف محاكم الطوارئ والاطباء في إسعافهم من الاصابات ومضاعفات البمبان والرصاص. لقد جاء الشعب السوداني الي موقع الاعتصام أمام القيادة من كل بقاع السودان ليحمي ثورته ويزود عن الأمل في الحياة الكريمة، فلم التخاذل امام المجلس العسكري، طالما من يملك الشارع والشعب هو الاقوى؟!



من الراكوبة

نعم مملكة ال حمرتي، بالوكالة، العربية سلفا بدات!

هو البتفاوض شخصيا راعي الحمير مع ممثلي الشارع!!!!!

نعم هو قرر سلفا اننا حنستمر في الموت في اليمن، قصاد الفكة البدوها ليهو اسيادو ومخدميه، بدو الاعراب!!

ماتنسو كيف حمرتي يكره وباكثر من بريمة ادم، من يسمونهم ذنوج!!

سلفا شفتا صور متداولة لي اخوهو بالنياشين من منازلهم، مرشح لمجلس السيادة!!!!!!

مليشيا قبلية ابادت ملايين بالوكالة، ممولة بواسطة مخابرات مستعمرينا الاعراب، او ما خاضعة للدولة، هي اللي الان تتحكم في كل شئ، باسم "الانحياز" للثورة!

هو ده انحياز، ولا هبر، قلع عديل كده لي بلد بي حالا بواسطة مجرم حرب، تاجر حمير يكره موت من اسموهم زرقة او علنا كمان او من موقع الرجل الاول مش التاني في النظام الحالي المخترق؟

خَطَرٌ مَاْحِقٌ وَشَرٌّ مُسْتَطِيْر ..! 04-29-2019 03:24 PM
د. فيصل عوض حسن

وفقاً لجميعِ صُحُفِ الخرطومِ يوم 28 أبريل 2019، وبحضور مُدير عِصابة (الأمن والمُخابرات) ونائبه، أشادَ المدعو (حِمِيْدْتِي) الذي اعتلى أمر السُّودان في غَفْلَةٍ من الزمان، بهذه (العِصابة) وأهمِّيتها لاستقرار البلاد، وعدم (تفكيرهم) في حَلِّها، وإنَّما إعادة هيكلتها وترتيبها كـ(جهازٍ قوميٍ ووطني)، مُوضِّحاً العلاقة (المتينة) التي تربطه بعِصابةِ الأمن (تاريخياً وحاضراً)، داعياً لتحكيم القانون بصرامةٍ وعدالة، بعيداً عمَّا أسماه (تصفية حسابات) أو انتماءات سياسيَّة! التصريحات أعلاه، صادمةٌ جداً ومُتناقضة، وتُعزِّز (تحذيراتي) الشديدة في مقالتي (تَحْجِيْم حِمِيْدْتِي: مَطْلَبٌ حَتْمِيٌ لِإِنْقَاْذِ اَلْسُّوْدَاْن)، بعكس فرحة الكثيرين بهذا المُجرم، والتعويل عليه في نهضة وإصلاح البلاد. مَصدرُ الصدمةِ، أنَّ حِمِيْدْتِي (أكَّدَ) بقاء المُتأسلمين وتَرَابُط مليشياتهم بمُسمَّياتها المُختلفة، سواء عِصابة أمنهم الإجراميَّة أو مَقَاطيع الدعم السريع وغيرهما، الذين فعلوا جميع المُوبِقاتِ ضد الشعب السُّوداني، كالتشريد والاعتقال والإهانة والضرب والقتل والاغتصاب، وإشاعة الفِتَنْ القَبَلِيَّة/العقائِدِيَّة، والإبادة الجَمَاعِيَّة والجرائم ضد الإنسانِيَّة، وتجارة البشر والإرهاب والنَّهب. ومصدرُ التَناقُضِ، قول حِمِيْدْتِي بأهمِّيَّة عِصابة الأمن في استقرار البلاد، رغم جرائمها الكبيرة/الدَخِيلَة، ومُطالبة الضحايا بحتمِيَّة مُحاسبتها. وهناك مُطالبته بإعادة ترتيب (العِصابة) والتزامها بالقانون حتَّى تُصبح (قَومِيَّة/وطنيَّة)، مما يعني انتفاء قوميتها الآن، وتَجاوُزها للقوانين والضوابط، والمُفارقة هنا أنَّ وجود ومُمارسات حِمِيْدْتِي (نفسه) ومليشياته غير قانوني، ويحتاجون مُحاسبة ومُحاكمة لجرائمهم التي تَقْشعِرُّ لها الأبدان! المُؤلِم، أنَّ عدداً مُقدَّراً من السُّودانيين (سَعِيْدُون) بحِمِيْدْتِي، وبعبارةٍ أدق يتعاملون بمعاييرٍ (مُزْدَوَجَة). إذ تَنَاسُوا جرائمه البَشَعة بدارفور والمنطقتين، وفي عُمق المُدُن السُّودانِيَّة بما فيها العاصمة، و(غَدْرِه) وأنانِيَّته وغيرها من الصفات غير الأخلاقِيَّة، وعدم (أهَلِّيَّته) الأكاديميَّة والمِهَنِيَّة لِنَيْلِ هذه الرُّتْبَةِ/المَكَانة الرَّفيعة، وانبهروا بأكاذيبه المُتلاحِقة بشأن القانون والديمقراطِيَّة، ولم يتَوقَّفوا في (وَقَاحته/مَنِّه) على الشعب السُّوداني، بتوفير الوقود/الاحتياجات وإنقاذ الاقتصاد، وكأنَّه يدفعها من حُرِّ مَالِه وليس من (الارتزاق) وتِجَارةِ الأطفال، لتغذية حرب الإمارات والسعودِيَّة (العَبَثيَّةِ) في اليمن، وهي مُعطياتٌ تُجْبِرُ العُقَلَاءِ لرفض هذا المُجرم، ناهيك الوثوق فيه أو التعويل عليه! المُدافعون عن حِمِيْدْتِي، يتَحَجَّجُون بِقُوَّته العسكريَّة، و(يَتَوَهَّمون) بأنَّه حَمَى الثُوَّارِ، ويُطالِبون بعدم استِعْدَائه حالياً حتَّى نَسْتَقْوَى ونُحاكمه لاحقاً عقب استغلاله في القضاء على المُتأسلمين، وهنا نتساءل: هل حِمِيْدْتِي تَرَكَ المُتأسلمين فعلاً؟ وهل البشير وعصابته كانوا (عُزَّلاً) حينما خرجنا لاقتلاعهم، حتَّى نخشى حِمِيْدْتِي ومليشياته؟ وهل ثُرْنا ضد البشير لِنَقْبَلْ بهذا المُجرم؟ وما أثر قبولنا هذا على (ضحاياه) ووحدتنا الوَطنِيَّة؟ ولماذا لم يَمْنَع الإجرام الإسْلَامَوِي طِيلةِ الحِرَاكْ؟ ولماذا جَلَبَ مليشياته (المُقَرَّبة) بكثافةٍ مُؤخَّراً، وغرسهم في الأماكن الاستراتيجيَّة بالعاصمة؟ ومن يضمن (سَذَاجَة) حِمِيْدْتِي وانتظاره حتَّى (نَقْوَى) ونُخضعه للمُحاكمة؟! ولماذا تدعمه الإمارات والسعودِيَّة، بصورةٍ مُباشرةٍ، بعيداً عن مُؤسَّسات الدولة المَعنِيَّة (وزارة المالِيَّة/البنك المركزي)؟! وعلى أي أساس تمَّت ترقيته لفريقٍ أوَّل، وهو يفتقد مُؤهِّلات الجندي (الأساسِيَّة)، وهل هذه الترقية (أَوْلَوِيَّة) أصلاً في ظل الحالة المأزومة الرَّاهِنة؟ وما تبرير تَمَتُّعه هو ومليشياته بمُخصَّصاتٍ ومزايا تفوق الجيش والشرطة؟! وأين البُرهان وأجهزة الدولة (لو افترضنا أنَّنا دولة) من تَدَخُّلاتِ حِمِيْدْتِي السَّافرة، في شئون ليست من اختصاصه، ولا يملك تفويضاً فيها من الجِهات المَعنِيَّة؟ فهل من المُؤسَّسيَّة/الانضباط، تَصَدِّي حِمِيْدْتِي لمُوجِّهات السياسة الماليَّة/النَّقْدِيَّة، وتوفير القمح والدعم الخارجي، وشكل الحُكم والنِّظام الإداري للدولة، و(هيكلة) القُوَّاتِ النِظَامِيَّة، والقوانين والتشريعات وغيرها من الأمور الحَسَّاسة، التي تحتاج لـ(تَخَصُّصيَّةٍ) وتأهيلٍ علميٍ وتَفويضٍ مُؤسَّسي/إداري؟! من أكبر التضليلات، اعتقاد البعض بأنَّ الجيش حَمَى الثورة، والحقيقة هي أنَّ (بعض) صِغَار الضُبَّاطِ والجنود، انحازوا للشعب، وفي حالاتٍ قليلةٍ جداً، ولو كان الجيشُ (فعلاً) مع الشعب لرَفَض وجود حِمِيْدْتِي من أساسه، ومَنَعه ومليشياته من دخول المَقَار العسكريَّة/السِيادِيَّة، وعلى رأسها القيادة العامَّة لأنَّهم غير مُؤهَّلين لدخولها والعَبَثِ بمُقَدَّرَاتها. والحقيقة التي يجب إدراكها جيداً، أنَّ حِمِيْدْتِي ومليشياته لو كانوا هم الأقوى فعلاً، لطردوا الجيش من ثَكَنَاتِه وهذا ما سيفعلوه قريباً، لو وجدوا الوقت والفرصة للتَمَكُّن. إذ نَشَرَت صحيفة الراكوبة في 22 أبريل 2019، بأنَّ حِمِيْدْتِي يسعى للقضاء على الجيش بشكله الحالي/التاريخي وتخفيضه بنسبة 80%، بالتنسيق مع هيئة عمليات (عِصابة) الأمن، بما يُفسَّر (حَمْلَة) تضخيم حِمِيْدْتِي و(تجميله)! إنَّ حِمِيْدِتي يُعدُّ أكبر الأخطار المَاحِقة بالسُّودان ووحدة تُرابه/وجدانه، وهو كَحِصان طرْوادة الذي استخدمه الإغريق لضرب الطُرواديُّون من الدَّاخِل، وهذا ما يفعله الإماراتيُّون والسُعوديُّون وسادتهم بالغرب مع السُّودان، حيث استخدموا المُتأسلمين لتلبية أطماعهم ببلادنا، وحِمِيْدْتِي هو (أداة) استكمال تلك المُخطَّطات عقب تَعَثُّرْ المُتأسلمين بخروجنا عليهم، وتمَّ اختياره وتجهيزه بعنايةٍ لأنَّه (مَعْلُولٌ/نَاقِصٌ) كالبشير! فالعالم الخارجي لم يَخْتَرْه لقُوَّته التي يُحاولون إيهامنا بها، وإنَّما لتَوَرُّطه في جرائمٍ خطيرةٍ و(مُوثَّقة) وسيَبْتَزُّوه بها لاحقاً، والخاسر في المُحصِّلة السُّودان وأهله! علينا استذكار وقفتنا/صمودنا أمام المليشيات الإسْلَامَوِيَّة، حتَّى أجبرناهم على (تمثيليَّات) إزاحة البشير وترفيع ابن عوف ومن بعده البُرهان، وذلك اعتماداً على وِحْدَتِنا وإرادتنا، دون أي دعمٍ/حِمَايَةٍ من حِمِيْدْتِي ومليشياته الإجرامِيَّة، ويُمكننا تكرارها مع مجلس البُرهان بكامله حتَّى يكتمل التغيير المنشود. وعلينا أيضاً، استحضار جرائم الإبادة الجماعِيَّة والجرائم ضد الإنسانِيَّة التي ارتكبها حِمِيْدْتِي و(جنجويده)، وآخرها في مدينة كُتُم عقب تنصيبه نائباً للبرهان قبل أُسبوعين، التي تُحَتِّم مُناهضته وإخضاعه للمُحاكمة، وليس الاحتفاءِ به والتعويل عليه. فلنعلم بأنَّ حِمِيْدْتِي والمجلس العسكري (الصُوري) يتماطلون كسباً للوقت، حتَّى يدخل شهر رمضان لإضعاف الاعتصام، باعتباره أسلوبنا (الفَعَّال) الذي أجبرهم على كل هذه المسرحيات، وسينقلبون علينا ويغدرون بنا وسيقف العالم كله معهم. لا مجال أمامنا، سواء شعب أو جيش وشرطة خاصةً صِغَار الرُتَب، إلا الاتحاد بِقُوَّة واقتلاع مجلس البُرهان بكامله وعدم الوقوع في شَرَاكِهِم الخادِعة. ولنثق بأنَّ حِمِيْدْتِي (المُجرم)، سيبطِش بنا جميعاً بمُجرَّد تَمَكُّنه من مفَاصل الدولة كما عَهِدْنَاه سابقاً، فهو أناني وغَدَّار ودَمَوِي ويفتقد للأخلاق، والفرصة ما تزال مُواتية لذلك الحَسْم.

فووووووغ!!!

.*.