ترشيحاتي لمجلس السيادة

08:39 AM April, 19 2019

سودانيز اون لاين
Nasr-Los Angeles
مكتبتى
رابط مختصر

د. جعفر بن عوف
الشاعر عالم عباس
د. عمر القراي
محجوب محمد صالح
أزرق طيبة

المعيار يا نصر
غايتو ناس الطرق الصوفية اتنين
اختاروا منهم لوقوفهم مع الحق
ازرق طيبة والياقوت
لازم تمثيل للشرق والغرب والمرأة
ده مجلس سيادة
يحزنني ان لا اقول استاذي جعفر بنعوف
اسمحوا لي اثني علي استاذي
وما تسألوني عن معيار

المعيار :
الوطنية
الفهم
الإنجازات

نضيف ليهم
سعاد إبراهيم عيسي
عبد العزيز الحلو

أرفض وأعارض بشدة ترشح رئيس وزراء او عضو
مجلس سيادة من ولاية نهر النيل او الولاية الشمالية ....
لابد من إعطاء الفرصة للاقاليم السودانية الآخري
في المشاركة بحكم البلد المحتكر من قبل هاتين
الولايتين منذ الاستقلال ... اصلو الشاركو من
من هاتين الولايتين غير الشتيمة ما استفدنا منهم شي ....

نصر..حبابك يا صديقي

والتحية لمن ذكرتهم ..

المجلس السيادي المقترح لديه سلطات كبيرة وواسعة ، وتحتاج بعض الإلمام الفني..

لذلك اقترح ان يكون فيه على الأقل:

استاذ/ة قانون دستوري وقانون دولي
استاذ/ة علوم سياسية
امرأة أو رجل من الأخوة المسيحيين السودانيين..

والعدد المقترح تسعة..

كبر

الواعي ما بوصو يا صلاح الزبير 😂😂
مجلس الوزراء لازم تمثيل المسيحيين
لازم باثنين لتعادل مجلس السيادة
السبب مجلس السيادة مصغر

Quote: الواعي ما بوصو يا صلاح الزبير 😂😂 مجلس الوزراء لازم تمثيل المسيحيين لازم باثنين لتعادل مجلس السيادة السبب مجلس السيادة مصغر

وهو بالله اخونا صلاح الزبير جاب سيرة المسيحيين؟

المانع شنو ما يكون للمسيحين تمثيل في مجلس السيادة؟

كبر

بيض النية صديقي الزعلانيين منو
الفرق بين مداخلتي ومداخلتك ثانيتين
وانا بكتب وبمسح هههه يعني باخد وكت اكثر
بلساطة كتبنا في نفس الوكت
دليل علي تقارب الافكار

كبر يا صديق
انت قلت نوسع مجلس السيادة
انا بفكر ما نوسعه نعمل مجلسين
الامريكان عندهم شيوخ ونواب
الانجليز لوردات ونواب
السودان ده متنوع كتير خلاص
هو اقتراح يمكن يجد من يسمع
اما الاقتراح الاخر ف الفدرالية

تحيات نصر و الزملاء
أنا ارى المعايير كالتالي
مجلس السيادة و الهيئة التشريعية المقترحة لابد من تمثيل الجميع اقاليم و جهات وديانات السودان ومراعاة الاعمار و الاجناس
يعني لابد فيه من ممثل لكل اقليم ومشاركة المرأة و الشباب لابد من الموازات العادلة
أما السلطة التنفيذية - مجل الوزراء- فمعيار واحد هو الأكفأ فقط ان شا الله يكونوا كلهم من نفس القبيلة او العمر أو النوع ما مشكلة لأنها لا يجب ان تكون معيارا
فقط عايزين المهندس و الطبيب و القانوني و الاجتماعي و الاقتصادي و الدبلوماسي و الشرطي و العسكري الأكفأ في مجاله صاحب الافكار و المبادرات و القدرة على تنزيلها للأرض و تطبيقها وتقويمها
الوزراء مهتمهم مختلفة عن المجلسين الآخرين لذا يجب ان تختلف معاييرهم برضو

شي أخير اتمنى ان يراعى العمر الاقصى - دون ان يعتبر هذا تمييزا سالبا - لأنه مهما كان فهناك سن معين للعطاء أكبر منه تصعب الأمور

الكفاءات الفردية ، هل تكفي لوحدها ، لا اظن !

لابد من خطة كلية متفق عليها بتناغم وتكون الخطة علمية

وعلي مراحل يجري تنفيذها وفقا للامكانيات المتاحة وبما يتناسب

مع ظروف البلد والمرحلة الكلية ، يعني حمدوك ممكن يفشل إذا

تعذر تناغم المجموعة وغياب الاهداف المطلوب تحقيقها واقعيا بنهاية

الفنرة الانتقالية

مجلس الوزراء دا الزيت ذاتو ، لكن بدون تفاهم وخطة وتقدير الامكانات

الفعلية حتجوط زي الانقاذ وعواستها

كتبت اخلاص:

Quote: انت قلت نوسع مجلس السيادة

بت ابا اخلاص..حبابك يا صديقة

انا ما قلت أي حاجة عن العدد..والرقم تسعة هو الإقتراح الموجود في وثيقة قوى اعلان الحرية والتغيير (أليات ترتيب الإنتقال للسلطة المدنية)..وهي الوثيقة التي اقترحت :

مجلس سيادي (9 اشخاص)
مجلس تشريعي (120 شخص ، على ان تكون نسبة المرأة في المشاركة لا تقل عن 40%)
سلطة تنفيذية (حكومة كفاءات)..

اما فكرتي الخاصة عن هيكلة الفترة الإنتقالية فلقد قدمت اقتراحي في 8 يناير 2019 في خيطي بعنوان (السودان: نحو فترة انتقالية ناجحة) وقلت:

تكوين الفترة الإنتقالية ، يجب ان يتم التوافق فيه بمنح الحركات المسلحة دور في الفترة الإنتقالية..وهذا الشرط تمليه الضرورة الواقعية والعملية..لأن هذه الحركات لها جيوش..وحتى لا نكرر الخطأ الذي حدث بعد ابريل 1985 (عبر استبعاد الحركة الشعبية وقتها) لابد من خلق ظروف لمشاركة الحركات المسلحة في الفترة الإنتقالية..حتى يضمن السودان الإستقرار..

الهيكل العام..وهو تصور فردي يخضع للمراجعة والنقاش:

مجلس رئاسي
مجلس وزراء (فيدرالي)
سلطة قضائية
مجلس تشريعي..
حكومات اقليمية..


وسعيد ان ارى جزء كبير من مقترحي مستمر.. واحتمال يكون بكامله..!!!!!!!!!

يعني ناس اعلان قوى الحرية والتغيير بقيادة تجمع المهنيين ما خلوا لينا فرقة للجقلبة وحكاية سيك وميك..!!!

دمت..

كبر

المساهمات تسير في الطريق السليم
(يا حليل معتز)
لو العدد تسعة
نضيف ليهم
فيصل عبد الرحمن علي طه
نبيل أديب

الانتهازية الواعية وتجاوز الدستور والمحكمة الدستورية العليا
هي التعيين بدون فيش وتشبيه والاقصاء بدون فيش وتشبيه
انتو كان ما عملتو كده بتقعدو فى راس الناس كيف يا ناس مثلث الحمدي وايتام بابكر عوض الله ومايو
الصورة دي خلوها تصيحكم عشان تفكرو في دولة النظام والقانون
ويجو الناس عبر صناديق الاقتراع فقط والفيش والتشبيه من المحكمة الدستورية عليا
وهسة لو في قاضي واحد محترم ودستوري في المعارضة خلي يرشح تسعة قضاة للمحكمة الدستورية العليا اولا
والصور دي عاين ليها كويس يا نصر ما تجيي تتاذكي وتعمل لي قصة اسماعيل والقط
شوف انتهازية الشيوعيين ودتهم وين مع حكم العسكر

https://up.top4top.net/


ان كرهتي في البورد ده الكيزان الشيوعيين وقررط علي كده
تعيين مافي
تجمع المهنيين لا يمثلني متحولين الحركة الشعبية
قوى الاجماع الوطني لا تمثلني بعاعيت مايو 1969 وعلم بابكر عوض الله
حزب المؤتمر الشعيي "امراة لوط " لا يمثلني
وانا سوداني جنسيتي خضراء يمثلوني دينكا نقوك والحركة الشعبية فقط وبرنامجا الساري لحدي هسة

البورد ده مؤسسة ديمقراطية بتفضح بالمتفقعصين
نعرف ما هو الاهم وما هو المهم...
معقول الادروب الذكي ده الذى ينتظر مشكلته يحلها ليه العاطلين عن المواهب في المركز ديل من مخلفات الانقلابات والمشاريع المصرية في السودان ؟؟
حل مشكلة ادروب ده
1- تفعل المحكمة الدستورية العليا للانتخابات والفيش والتشبيه
2- يرجع الاقليم الشرقي
3- يرجع قانون الجنسية الخضراء للسوداني بي بالميلاد والبنية للسوداني بي التجنس
4- ينتخب الادروب ده حاكم اقليم +نائب برلمان اقليم مرة واحدة
5- يتكون برامان اقليمي وتنبثق منه حكومة رشيدة
6- حاكم الاقليم بدرجة نائب اول صلاحياته في الدستور
7- يقعد مع (المجلس العسكري السيادي ) كنائب اول وويقعد في الاقليم كحاكم اقليم
الذهب بتاع بني شنقول وموارد الميناء 50% للاقاليم و50% للمركز
قالو شنو تسقط بس ثم اقبل بعضهم علي بعض يتلاومون
يا اخ قبل تصفي حساباتك مع الكيزان رجع الدولة السودانية الكانت موجودة قبل 1989 باسس جديدة
المحاسة خليها للمحكمة الدستورية العليا وليس جنرالات القصر الجدد ..

https://up.top4top.net/

سلام عادل
الديمقراطية أم مؤسسات ودستور وفصل بين السلطات
ياها مطلبنا
ما أختلفنا
بس شوية شوية
هسع قدامنا حكاية إكتمال إنتصار الثورة
بأكمال هياكل السلطة التنفيذية

الحكومة الانتقالية وضع استثنائي
إن شاء الله ينتهي وتجينا بعده ديمقراطية كما تشتهي
إن شاء الله بعد داك تقلع جون قرنق من قبره وترشحه رئيسا للسودان

أيدك معانا عشان نقاوم مخططات الكيزان والثورة المضادة لإجهاض ثورتنا
وبالله ما تدخلنا في معارك جانبية قليلة الأهمية
فلق الشعر بتاع المثقفين دا جايين ليه
وبتجي وتتجدع فينا
ويا ألف مرحب بك حينها

كتب الاخ Salah Zubeir

Quote: صلو الشاركو من من هاتين الولايتين غير الشتيمة ما استفدنا منهم شي ....

ده معناها معيار جهوى

!!!!!!!!!!!
!!!!!
!

كل الترشيحات والتسريبات لمجلس السيادة لا يوجد بها ممثل لشرق السودان ..... وكأنه خالي تماما من السكان تماماً !!!! وليست له حقوق!!!!!!

وكلام الأخ / Adil Amin ---- أصاب كبد الحقيقة --- تتقاسمون فريسة الكيزان --- والشرق ينظر لكم --- ويحمل بين طياته ---- مطالب تقرير المصير طالما لمن تكن هناك عدالة في الحقوق .....

Quote: البورد ده مؤسسة ديمقراطية بتفضح بالمتفقعصين نعرف ما هو الاهم وما هو المهم... معقول الادروب الذكي ده الذى ينتظر مشكلته يحلها ليه العاطلين عن المواهب في المركز ديل من مخلفات الانقلابات والمشاريع المصرية في السودان ؟؟ حل مشكلة ادروب ده 1- تفعل المحكمة الدستورية العليا للانتخابات والفيش والتشبيه 2- يرجع الاقليم الشرقي 3- يرجع قانون الجنسية الخضراء للسوداني بي بالميلاد والبنية للسوداني بي التجنس 4- ينتخب الادروب ده حاكم اقليم +نائب برلمان اقليم مرة واحدة 5- يتكون برامان اقليمي وتنبثق منه حكومة رشيدة 6- حاكم الاقليم بدرجة نائب اول صلاحياته في الدستور 7- يقعد مع (المجلس العسكري السيادي ) كنائب اول وويقعد في الاقليم كحاكم اقليم الذهب بتاع بني شنقول وموارد الميناء 50% للاقاليم و50% للمركز قالو شنو تسقط بس ثم اقبل بعضهم علي بعض يتلاومون يا اخ قبل تصفي حساباتك مع الكيزان رجع الدولة السودانية الكانت موجودة قبل 1989 باسس جديدة المحاسة خليها للمحكمة الدستورية العليا وليس جنرالات القصر الجدد ..

بشرط :
لا يحق لمن يشغل منصب في مجلس السياده الانتقالي الترشح في الانتخابات القادمة . .

Quote: ده معناها معيار جهوى

نعم أخي مدثر الجهوية معيار لا غبار عليه وهي ثقافة
حقوقية متجذرة في النفوس عندنا وعند غيرنا وعلي
حسب رأي سوف يكون الاعتراف بها والتعامل معها
بما يرضي الله والجميع ... سوف تكون ذلك الجبل
الذي سوف يعصمنا من الكثير الكثير المثير الخطر.

يا أخوانا إنتو المحاصصات الجهوية والطائفية والحزبية
الضيعت البلد مصرين عليها ليه؟؟؟؟
أنا مع الكفاءة حتي ولو جاء مجلس الوزراء من بيت واحد
ما مهم
المهم المعرفة والخبرة وقوي الإرادة

سلام صلاح الزبير والكلام الحا أقولو دا ليس موجه لك

Quote: أرفض وأعارض

سبحان الله
لا نتحرج معظمنا من رفض الإشخاص وانتماءاتهم الجغرافية
والحزبية أو الطائفية
لكن نتحرج من رفض الأفكار البائسة والخطرة والضارة والغبية
كفكرة أن يكون مجلس السيادة الإنتقالي مدني دون انتخاب
أصرار عجيب على إفشال ما تم تحقيقه.

Quote: يا أخوانا إنتو المحاصصات الجهوية والطائفية والحزبية الضيعت البلد مصرين عليها ليه؟؟؟؟

في بلد واسع زي السودان ومن واقع التجربة منذ الاستقلال
ومن واقع تجارب الدول التي في حجم السودان من حيث
المساحة والتنوع الثقافي والاثني ... يصعب جدا بل ويفشل
فشلا" ذريعا مجرد التفكير في حكومة مركزية تحكم من
الخرطوم ... الحل في البل ... كل إقليم مستقل تماما عن
الاقليم الاخر (الشمالي والشرقي والاوسط وكردفان
ودارفور والجنوب الجديد وإقليم الخرطوم) ويحق لاقليم
الخرطوم استضافة الحكومة الاتحادية التي مهمتها
تنحصر في الدفاع والأمن والسياسة الخارجية الاتحادية ..
بي كدا نكون زوبنا كل الهجايص بتاعت الطايفية والاثنية
والايدولوجية وبقي كل زول موالي لي منطقتو واقليمو
فقط ... يعني نظام فيدرالي حقيقي ... تاني اسماعيل دا
ما نلاقيهو إلا في مباراة كرة قدم بين اقليمن واقليمنا ...
وحا تكون كالعادة جلابة يرشو غرابا ....

Quote: الحكومة الانتقالية وضع استثنائي إن شاء الله ينتهي وتجينا بعده ديمقراطية كما تشتهي إن شاء الله بعد داك تقلع جون قرنق من قبره وترشحه رئيسا للسودان

ما تزهل يا نصار لمن اشتلك
لكن التفكير الدين حجر بتاع الشيوعيين ده مشكلة المعارضة وبستفيد منه ناس المؤتمر الشعبي =اامراءة لوط الان وعامل الزمن مهم قبل يضيق الهامش الديمقراطي مرة ثانية
لمن اتكلم عن جون قرنق باحترام بتكلم عن رؤية متطورة ومحترمة خرج ليها ملاييين في 2005 وسجل ليها 18 مليون في انتخابات 2010 وانا وعي تماما بكتب في شنو
رؤية جون قرنق لحدي هسة هي دستور 2005 وساري لحدي هسة والمحكمة الدستورية العليا
انت قبل مت تفرض علينا عباقرة شايفهم انت فقط في حكومة انتقالية ومجلس انتقالي وبدون فيش وتشبيه كمان
فعل معانا المحكمة الدستورية العليا الموجودة دي بترشيح 9 قضاة نظيفين عشان تهيمن على المجلس العسكري وكل القوى السياسية وتحاسب الفاسدين من 1يناير 1956 والانقلابيين وتبعد اهل الجرائم حتي من الحكومة الانتقالية
لو ناسك نظيفين ابدا بي المحكمة الدستورية العليا اولا بعد داك الانتخابات بتكون نظيقة لو بكره
ونزل مواد الدستور الحالي في الاذاعة المملة راديو دبنقا وسودان بكره وايضا المواد المتعلقة بالمحكمة الستورية العليا ووظائقها
الدولة مؤسسات وليس اشخاص فلان وعلان بعدين فكنا من تكنوقراط حكومة البشير دي كلها تكنوقراط ونميري ايضا ودتنا وين والله انا معجب بس ي ادروب ده
https://up.top4top.net/

مش المجلس العسكري بزايد بالانتخابات انا بتحداه وبضعه امام برنامج فقط لحدي 2020 بكون السودان دولة ديمقراطية فدرالية اشتراكية مكونة من ستة اقاليم + محكمة دستورية عليا فاعلة
عشان تفك لينا ماليزيا 64 مليار المحجوزة ونرتاح من ترهات عربان الخليج
يجب تغيير تكيتكم وبرنامجم حسب المستجدات ..الانتخابات هي الحل وما في داع لي 4 سنة نضيعا في ورجغة علمانية واسلامية وده بصب في مايكنات الكيزان وعفانة قطر والامارات

Quote: وكلام الأخ / Adil Amin ---- أصاب كبد الحقيقة --- تتقاسمون فريسة الكيزان --- والشرق ينظر لكم --- ويحمل بين طياته ---- مطالب تقرير المصير طالما لمن تكن هناك عدالة في الحقوق .....

ادروب بس ..ناس دينكا نقوك وينهم
يا اخ
القصة اسهل ما يكون
فعل المحكمة الدستورية
رجع الاقاليم والغي ولايات
اعتمد الجنسية الخضراء والبنية والجوازت قبل 1989 في الانتخابات اثلاثية
1- انتخابات حاكم قاليم + نائب برلمان اقليم ...ويكون بدرجة نائب اول وفقا بدستور 2005 بكون في القصر المجلس العسكري +خمس حكام اقاليم نائب اول
كده مشكلة 90% من السودان انتهت ورجعت الفردالية الرشيدة للاقاليم باسس جديدة
2- انتخابات برلمان مركز وكده ايضا المجلس التشريعي اكتمل
3- واخر حاجة انتخابات الراسية يناير 2020 ويخرج السودان من مخطط الفوضى الخلاقة ولهات دول الخليج ومصر ومن العرب ذاتهم بس كيف تجدعو علم مايو ده وتنسو انكم عرب دي
****
الانتخابات نظام الدئرة الوحدة بعيدا عن التعقيد (قوة المقعد في الاقاليم والمركز = المقعد 60000 شخص)
والله بس ستة شهور ونرجع ديمقراطية ذى الفل
https://up.top4top.net/
هذا الموديل من بياناات انتخابات 2010 =موقع المفوضية العليا للانتخابات وقد سجل 18 مليون سوداني ان ذاك

اها nasr
وقع لك ولي ناكل باسطة

وعمك تيه ده برضه من جبال النوبة العارفو منو في المركز هسة تقول لي جون قرنق مات جون قرنق رؤية لا تموت اطلعو لينا من مثلث الحمدي شوية

https://up.top4top.net/

كبرو وعيكم ده شوية
ولي اجي اردمكم لامن راسكم يوجعكم والله تراهات علي حاج عاملة لي صداع لحدي هسة
راهنو علي الانتخابات حتي لو ما جابتكم المهم يتاسس الاطار الصحيح للدولة من الاول ومن المعطيات الموجودة قدامنا دستور 2005 والمحكمة الدستورية العليا

نفهم من كلامك دا يا عادل
إنه ما في داعي لحكومة إنتقالية
نحش طوالي في انتخابات ؟؟؟؟؟
في حالتك دي يكون معقول المطالبة بفترة إنتقالية قصيرة جدا
لكن
علي كل حال
لازمانا فترة إنتقالية وحكومة إنتقالية
الفدرالية فكرة محترمة
الاشتراكية فشلت وما أظنها فاتت حدود اليوتوبيا
ومناكفات الحرب الباردة
فكرة السودان الجديد برضو ما حبابها
فقد قادت ضمن عوامل أخري لإنفصال جنوب السودان

وبرضو دايرين الحوار معاك
بس لكل حال مقال

يا Nasr
مجلس السيادة الآن ما ضروري...المهم التركيز الآن على الحكومة المدنية الانتقالية وتعيين رئيس الوزراء والوزراء من التكنوقراط المستقلين الذين لا ينتمون باي حزب ...
وبعدين الفترة الانتقالية لازم تكون طويلة اقلها ٤ سنوات، حتى تستطيع الحكومة المدنية الثورية القضاء التام على أجهزة اللصوص والحرامية والقبض عليهم جميعا وتفكيك تلك الدولة الفاسدة التي مدت أذرعها كاخطبطوط في جميع أجهزة الدولة السياسية والاجتماعية والاقتصادية....الحكومة المدنية الآن مطلب الثوار والمعتصمين ...

طيب يا إمتثال
فلنقل أن مجلس السيادة ليس ضروريا
(ودا كلام حيجيب لينا هوا من ناس القانون )

نعدل إقتراحنا شوية
يحصل تغييرات في المجلس العسكري
يغيروا لينا زين العابدين وبتاع البوليس وجلال بتاع الامن
بعساكر ما كيزان
(لو لقوا)
ودا يمثل السيادة
لكن ما يشتغل تشريع
وبالتوافق يتعمل مجلس تشريعي إنتقالي
(علي شرط ما يكون فيهو ولا كوز، ما عدا الكيزان الديمقراطيين والطلعوا في الثورة دي )
وطبعا لازم يتعمل وحالا مجلس وزراء

اقرا الكتاب ده اول حاجة عشان تحرر من المغالطات التي استهجنها منصور خالد
الرهان علي تضليل الشعب بي مغالطات ذى دي ما بتفيدكم علي المدى البعيد يا نصر
موجودة بي دي اف
مهم جدا يقرو ناس التجمع هذا الكتاب
اما برنامجي الوضاح ما فاضح منشور هنا ومفصل ومحدد وقروهو كثيرين في البورد وخارج البورد ووفرنا للامين في السودان كل السودان محاضرات في الشان الدولي والاقليمي والوطني
لان المعركة القادمة هي معركة وعي صد الخطر المحاق ضد كل السودان وادوته القذرة موجودة
الشعب الواعي هو سلاحي الاستراتيجي لهزيمة المشروع الاخواني الشيطاني الامبريالي الصهيوني القادم
https://up.top4top.net/

الكتاب ضروري ومهم وحافتش ليه وأقراه
وشكرا للتنبيه يا عادل
لكن ممكن أواصل معاك في الحوار حتي وإن لم أقرأ الكتاب
؟؟؟

تتحرر من المغالطاات المتعقلة بالحركة الشعبية وافساد انتخابات 2010 وعدم عتراف النخبة السودنية وادمان الفشل بقشلهم هم اولا من 1964
بعدين رؤيتي للتحول الديمقراطي في السودان موجودة من2010 في هذا البورد واضحة جدا قائمة علي الشعب مباشرتا دون وصاية من فاشلين ..اصنع الاطار الصحيح للدولة وهم ينتخبو الديرنو انصار ختمية جمهوريين كجوريين احرار في خيارتهم السياسية والدينية
واوضح من الشمس وقائمة علي دستور2005 والمحكمة الدستورية العليا ومع التعرية المستمرة للكيزان ودول الاقليم والنظام الدولي الامريكي
الهدف الشعب السوداني يكون في مستوى التحديات القادمة والحمدالله في ناس بتسمع وناس بتقرا
ايضا والمشوار طويل وسقفه بالنسبة لي هو 31 يوليو 2019 وشعاري علم الاستققلال ووحيد القرن فقط
انا ضد التعيين بدون فيش وتشبيه فى اي حكومة انتقالية ام مجلس شورى التعيين مرفوض تماما والقوائم مرفوضة تماما وتعيق التحول الديمقراطي الحقيقي
لذلك الاصلاح عندي يبدا بالمحكمة الدستورية العليا اولا وهي بتكون فوق المجلس العسكري والقوى السياسية في السودان كلها ووظيفتا معروفة تماما
اعلام التجمه هذيل وممل في راديو دبنقا وسودان بكره
احسن ينزل الدستور الساري ده للشعب واهمية المحكمة الدستورية العليا قبل ينقفل الهامش الديمقراطي ده بعد يجي الساقط عبدالفتاح السييس يتفقد رعاياه في السوادان الخديوي يضع اللمساات الاخيرة لمجزرة رابعة العدوية
https://up.top4top.net/

البشير الرخيص باع السودان لكل هذه الضباع وهم يتريصون بالسودان الان
احسن نشوف اقصر طريق للانتخابات ونخلي اللف والدوران

يا عادل

Quote: لذلك الاصلاح عندي يبدا بالمحكمة الدستورية العليا اولا وهي بتكون فوق المجلس العسكري والقوى السياسية في السودان كلها ووظيفتا معروفة تماما

طيب يا عادل
ما أختلفنا كتير حول السلطة القضائية
لكن قل لي
كيف نختار السلطة التنفيذية والتشريعية ؟؟؟؟؟؟؟؟؟؟

Quote: طيب يا عادل ما أختلفنا كتير حول السلطة القضائية لكن قل لي كيف نختار السلطة التنفيذية والتشريعية ؟؟؟؟؟؟؟

بتقرا كويس مش كده
وعارف وظيفة المحكمة الدستورية العليا مش كده
هذه اصغر خارطة طريق للتحول الديمقراطي قائمة علي دستور 2005
اقرا من (1) لحدي (9)
بنغير السودان ده طوالي الي دولة ديمقراطية فدرالية مكونة من ستة قاليم ومحكمة دستورية عليا فاعلة
العودة للشعب يقرر-The Three Steps Electionالانتخابات المبكرةعبر تفعيل الدستور –

المؤسسات الدستورية وإعادة هيكلة السودان هي المخرج الوحيد الآمن للسلطة الحالية..بعد موت المشروع الإسلامي في بلد المنشأ مصر يجب ان نعود إلىا تفاقية نيفاشا2005 ودولة الجنوب والدستور الانتقالي والتصالح مع النفس والشعب ..الحلول الفوقية وتغيير الأشخاص لن يجدي ولكن تغيير الأوضاع يجب ان يتم كالأتي

1- تفعيل المحكمة الدستورية العليا وقوميتها لأهميتها القصوى في فض النزاعات القائمة ألان في السودان بين المركز والمركز وبين المركز والهامش-وهي أزمات سياسية محضة..

2- تفعيل الملف الأمني لاتفاقية نيفاشا ودمج كافة حاملي السلاح في الجيش السوداني وفتح ملف المفصولين للصالح العام

3- تفعيل المفوضية العليا للانتخابات وقوميتها وتجهيزها للانتخابات المبكرة

4- استعادة الحكم الإقليمي اللامركزي القديم -خمسة أقاليم- بأسس جديدة

5-إجراء انتخابات إقليمية بأسرع وقت وإلغاء المستوى ألولائي للحكم لاحقا لعدم جدواه

6 -إجراء انتخابات برلمانية لاحقة

7- انتخابات رأسية مسك ختام لتجربة آن لها أن تترجل

8- مراجعة النفس والمصالحة والشفافية والعدالة الانتقالية
9- الحريات والاربعة والجنسية المزدوجة لي دولة جنوب السودان

******
البرنامج ده من 2011 موجود في البورد ولحدي اليلة 2019 وفي مواقع كثيرة ومدعم ايضا بتفاصيل اوفى في وبوست سناوي الي جبل يسمى الشعب في المنبر الحالي
تجري تعديالات طفيفة حسب الظروف
ترجع الديمقراطية عبر الاقاليم اولا وليس المركز اطلاقا

كدي ركز معانا في الآني
حاجة مفروض تتعمل الليلة أو بكرة أو بعده
بعدين نرجع للإصلاحات الكبيرة

وحنعترف حينها بفشلنا التاريخي
منذ ترهاقا أو ما قبله

شوف لينا حلول للسفينة البتغرق دي
بعد ما نحل مشكلتها نرجع إلي بعضنا نتلاوم

انت ركز معاي ..تمشي الليلة تقابل عبدالفتاح برهان..قال عايز مدة سنتين وانتخابات تكتل الدش في يدو وتسلمو خارطة الطريق دي واسماء تسعة قضاة فقط في المحكمة الددستورية العليا من الاقاليم الخمسة وقاضي واحد فقط من الخرطوم من القضاة الديمقراطيين النظيفين
وتنسي نهائي الاربعة سنة وقوائم فلان وعلان للحكومة الانتقالية ومجلس الشورى واتحرر من السيطرة القهرية للفكرة الواحدة والتمترس الايودلجي
انا بديك برنامج قائم علي الموجود دستور2005 والمحكمة الدستورية العليا وانت عايز تصفر العداد وتقعدانا اربعة سنة من ناس لحدي سهة ما قادرين يتصالحو مع نفسهم ومبارين ايدولجيات منتهية الصلاحية لا وجود لها في الاقاليم ..نعمل بيهم شنو ؟؟
خارطة الطريق برنامج وليس ناس من الاول ..

Quote: 1- تفعيل المحكمة الدستورية العليا وقوميتها لأهميتها القصوى في فض النزاعات القائمة ألان في السودان بين المركز والمركز وبين المركز والهامش-وهي أزمات سياسية محضة.. 2- تفعيل الملف الأمني لاتفاقية نيفاشا ودمج كافة حاملي السلاح في الجيش السوداني وفتح ملف المفصولين للصالح العام 3- تفعيل المفوضية العليا للانتخابات وقوميتها وتجهيزها للانتخابات المبكرة 4- استعادة الحكم الإقليمي اللامركزي القديم -خمسة أقاليم- بأسس جديدة 5-إجراء انتخابات إقليمية بأسرع وقت وإلغاء المستوى ألولائي للحكم لاحقا لعدم جدواه 6 -إجراء انتخابات برلمانية لاحقة 7- انتخابات رأسية مسك ختام لتجربة آن لها أن تترجل وتنحي المجلس العسكري 8- مراجعة النفس والمصالحة والشفافية والعدالة الانتقالية 9- الحريات والاربعة والجنسية المزدوجة لي دولة جنوب السودان

تعمتد علم الاستقلال فقط للثورة في هذه المرحلة ومع هذا البرنامج ومش علم مايو1969 وقوى الاجماع الوطني لان الانقلابات كلها جز من ازمة السودان والتبعية الذليلة لمصر والمشاريع المصرية وليس جزء من الحل
https://up.top4top.net/

الغي البرنامج الفي دماغك ده عشان تسوعب البرنامج ده وتنزلو للشباب من الان

Quote: كيف نختار السلطة التنفيذية والتشريعية ؟؟؟؟؟؟؟؟؟؟

كفاءات بالنسبة والتناسب لكل اقاليم من أقاليم السودان --- وفقا للتمثيل النسبي العادل....

ويتم التوافق عليهم أو إنتخابهم من إقليمهم.....

قال عادل

Quote: انت ركز معاي ..تمشي الليلة تقابل عبدالفتاح برهان.. قال عايز مدة سنتين وانتخابات تكتل الدش في يدو وتسلمو خارطة الطريق دي واسماء تسعة قضاة فقط في المحكمة الددستورية العليا من الاقاليم الخمسة وقاضي واحد فقط من الخرطوم من القضاة الديمقراطيين النظيفين

أنا محمد عباس دا أمشي أقابل برهان وأديهو خارطة طريق
وأسماء تسعة قضاة ؟؟؟؟؟

وكدا حليت المشكلة ورديت علي السؤال ؟؟؟

are you serious؟؟؟؟

ما تندمني علي الوقت القضيته نقاش معاك دا

من قبل الميلاد مصر والسودان لن يستطيع ان يحكمهم الا فرعون
حتى في عهد الفاروق العادل جاب ليهم عمرو بن العاص وكان والي في شكل فرعون ونجح ..
غير كده ما ينفع والدليل خطبة الشريف زين العابدين الاخيرة في الديمقراطية الثالثة
تقوموا تجيبوا لينا ديمقراطية رابعة
السبقونا كانوا اشطر
وعشان الناس ما تعيش في احلام ما بتتحقق
السودان ده قريب حا يحكموا فرعون اصوله من غرب السودان افريقي
وحا يكون اعدل رئيس مر على السودان
وانا في وانتو في ...

Quote: أنا محمد عباس دا أمشي أقابل برهان وأديهو خارطة طريق وأسماء تسعة قضاة ؟؟؟؟؟ وكدا حليت المشكلة ورديت علي السؤال ؟؟؟ are you serious؟؟؟؟ ما تندمني علي الوقت القضيته نقاش معاك دا

معاك سلامة
الزمن حيحدد البندم منو ..اوعكم تولولو بعدين ذى انقلاب 1969
انت معطل مواهبك ومعتمد علي فاشلين يجتمعو بالتعيين يحلو مشكلتك وان اصلا ما عارف مشكلة السودان شنو..الناس الغبية البتمشي تقابل براهان وانت بتعبر عنهم هنا ما يدوهو اسماء ناس يدوهو خارطة طريق مؤسسة دستوريا تجهز الناس لي انتخابات 2020 قبل ينهار السودان كله ...تعيين ناس +4 سنة = النخبة السودانية وادمان الفشل
انت سالتني عن برنامج بديل وقدمتو ليك مزمن ومرقم
مع السلامة
والان عرفت ليه جون قرنق قال هم بشوفو لكن ما بسمعو
شباب الثورة وعقم الايدولجية"البعاعيت" دي ازمة ثورات الربيع العربي كلها ونفس البديات ونفس المالات حتكون في السودان

شايف حكاية مجلس السيادة عصلجت بالثورة
لذلك ساقدم هنا إقتراحا أتمني أن يكون عمليا وحل للمعضلة

الإقتراح هو
أن يكون مجلس سيادة من خمسة أعضا
2 عسكريين يختارهم الجيش
2 مدنيين يختارهم قوي إعلان الحرية والتغيير
أما الخامس فيكون مندوب قوات الشرطة
ونتشترط أولا أن ينتخب إنتخابا قبل الرتب الدنيا
وأن يكون لقوي التغيير حق الفيتو لرفض أي مرشح
من بقايا النظام البائد

إيه رأيكم ؟؟؟؟؟

الأقاليم
المراة
المسيحيين