Post: #1 Title: الهروب الكبير وبدأ ما كان يخشاه الشارع احمد البلال الطيب هرب الى دبى والمخلوع يطلب اللجوء من قطر Author: علاء سيداحمد Date: 04-16-2019, 10:14 AM Parent: #0
Post: #2 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 10:15 AM Parent: #1
Post: #3 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 10:32 AM Parent: #2
كاريكاتيرست شفت يصور الحدث دا تحت راية : لجوء لله يا محسنين
Post: #4 Title: Re: الهروب الكبير وبدأ ما كان يخشاه الشارع اح� Author: محمد البشرى الخضر Date: 04-16-2019, 10:40 AM Parent: #3
احمد البلال لم يكن يحتل منصبا رسميا في الدولة يا علاء ليهرب، ربما امر سفره عادي و حيىجع بعد يقي غرضه بالنبة للصورة بتاعة خبر البشير فا أوعى الماسورة يا زول
Post: #5 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 10:56 AM Parent: #4
Quote: احمد البلال لم يكن يحتل منصبا رسميا في الدولة يا علاء ليهرب
ولكنه من الذين استفادو من النظام .. ومحاكمته ستكون فى هذه الجزئية هو وحسين خوجلى والطاهر التوم وكل الاعلامين والصحفيين الذين استفادوا من نظام الكيزان وحسين اعترف بلسانه بانه استفاد من السمسرة فى الاستثمارات والمبلغ الذى ذكره سيتم ارجاعه لخزينة الدولة حتى ولم تم بيع بيته وقناته وصحيفته فى دلالة
Post: #6 Title: Re: الهروب الكبير وبدأ ما كان يخشاه الشارع اح� Author: محمد البشرى الخضر Date: 04-16-2019, 11:04 AM Parent: #5
ما هي ما قصة امنيات و احلام ياتو بينات اسي عايز تحاكم بيها احمد البلال! انه استفاد من النظام, شنو الفايدة دي بالضبط وهل فيها مخالفة قانونية أم لا! وانا ما علقت على حسين خوجلي انا بتكلم عن احمد البلال القصة ما بس عنوان كبير والفحك الفحك عاجل عاجل و هلم مواسير وكمان غلاط بعد ينبهوك
Post: #7 Title: Re: الهروب الكبير وبدأ ما كان يخشاه الشارع اح� Author: عبداللطيف حسن علي Date: 04-16-2019, 11:18 AM Parent: #6
كرشو دي كلها من حق الحرام ، تتذكروا لما جديد مهلهل وشايل شنطة حديد ام وردة
انا شخصيا عايزو يمشي بس ، حتي بدون حساب لانو جلدو تخين جدا
Post: #8 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 11:31 AM Parent: #7
Quote: ربما امر سفره عادي و حيىجع بعد يقي غرضه
ههههههههههههه ح يرجع ومعاه كل الشنط الظاهرة فى الصورة !!؟؟
Post: #9 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 11:42 AM Parent: #8
Quote: ياتو بينات اسي عايز تحاكم بيها احمد البلال
يا قبقبة احمد البلال استفاد من النظام فى اقامة مركز اعلامى ضخم ولا تنسى ابدا انه فى فترة ما ذهب لبريطانيا لاقامة محطة فضائية وقد ذكر هذا بلسانه ولكنه فشل فى ذلك بصورة واخرى .. استفاد من كل هذه الاموال لانه كان بوقا من ابواق النظام وقد حان وقت الحساب ليته يرجع حتى لا يتم ارجاعه بالانتربول .
Post: #10 Title: Re: الهروب الكبير وبدأ ما كان يخشاه الشارع اح� Author: Arif Nashed Date: 04-16-2019, 11:43 AM Parent: #8
نقطة هامة ومثيرة كيف يطلب رئيس معتقل اللجوء ؟ اليس من المفروض ان تقطع عن البشير وصحبه الكرام في معتقلهم كافة وسائل الاتصال !
Post: #11 Title: Re: الهروب الكبير وبدأ ما كان يخشاه الشارع اح� Author: خضر الطيب Date: 04-16-2019, 12:08 PM Parent: #6
سلام اخ علاء سيد احمد خبر طلب لجوء البشير غير مؤكد و كما هو متعارف عليه عندنا في الشبكة انو الخبر لما يظهر عاجل بعدها بنزل في الشريط الإخباري الخبر دا غير موجود انا ما شفتو عاجل ولا في الشريط الاخباري اما بالنسبة لأحمد البلال الطيب و بقية اسرته من الصحفيين و حتى والده الصحفي البلال الطيب هم مجرد طبالين للأنظمة الشمولية منذ عهد النميري هولاء البشر هم حكامات الأنظمة الشمولية قبل حسين خوجلي و الطاهر التوم و غيرهم من الطفابيع و صحفيي الانابيب المنبتين و كل اعلام النظام البائد تبنى نظرية الدكتور جوبلز وزير الدعاية النازية ( اعطني اعلاماً بلا ضمير , اعطيك شعباً بلا وعي ) و هي نظرية اثبتت الأيام فشلها
Post: #12 Title: Re: الهروب الكبير وبدأ ما كان يخشاه الشارع اح� Author: اخلاص عبدالرحمن المشرف Date: 04-16-2019, 12:27 PM Parent: #11
السلام عليكم ح تحاكموا الأفكار ولا شنو ولا أي زول كاره زول يطالب بعقابه ذكرتنا ( القصاص بالرصاص وباقي المنتوج ) المستغربة له لطيف
ديمقراطية يا جماعة
Post: #13 Title: Re: الهروب الكبير وبدأ ما كان يخشاه الشارع اح� Author: محمد البشرى الخضر Date: 04-16-2019, 01:05 PM Parent: #12
Quote: ههههههههههههه ح يرجع ومعاه كل الشنط الظاهرة فى الصورة !!؟؟
يعني اسي متأكّد إنه دي شنطه! غايتو يا علاء الله لا مسّكك منصب ولا وظيفة تقتضي الحكم على الناس أو الأخذ بالأدلة المادية حتلايق و تليّس و تلتخ سااااي
Post: #14 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 01:08 PM Parent: #12
Quote: نقطة هامة ومثيرة كيف يطلب رئيس معتقل اللجوء ؟ اليس من المفروض ان تقطع عن البشير وصحبه الكرام في معتقلهم كافة وسائل الاتصال !
ما ظنيت يا عارف قطر تجازف فى الايام دى باعطاء البشير لجوء او تجازف القوات المسلحة بخروجه من السودان
Post: #15 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 01:12 PM Parent: #14
Quote: سلام اخ علاء سيد احمد خبر طلب لجوء البشير غير مؤكد
وعليكم السلام يا خضر انا بصراحة تفاجأت بالخبر فى الشريط الاخبارى وطبعا الخبر يقول بأنه ( طلب اللجوء )
Post: #16 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 01:18 PM Parent: #15
Quote: السلام عليكم ح تحاكموا الأفكار ولا شنو ولا أي زول كاره زول يطالب بعقابه ذكرتنا ( القصاص بالرصاص وباقي المنتوج ) المستغربة له لطيف
ديمقراطية يا جماعة
وعليكم السلام دكتورة اخلاص ابدا نحن لا نحاكم الافكار انما نحاكم الافعال : اذا لم يكن هذا الاحمد بوقا لنظام الانقاذ هل كان له ان يصل الى ماوصل اليه من حال ؟؟؟ هل كان له ان يسافر الى بريطانيا لاطلاق قناة فضائية ؟؟ من اين له هذه الاموال ؟؟؟ ثم ثانيا لماذا هرب الى دبى ؟؟ سييُسأل وسيُحاسب !!
Post: #17 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 01:20 PM Parent: #16
Quote: يعني اسي متأكّد إنه دي شنطه!
يا ود البشرى الشنط دى تبعو
Post: #18 Title: Re: الهروب الكبير وبدأ ما كان يخشاه الشارع اح� Author: كمال عباس Date: 04-16-2019, 01:25 PM
أخت إخلاص - تحية طيبة .
Quote: السلام عليكمح تحاكموا الأفكار ولا شنوولا أي زول كاره زول يطالب بعقابهذكرتنا ( القصاص بالرصاص وباقي المنتوج )المستغربة له لطيفديمقراطية يا جماعة
هناك مبدأ إسمه من أين لك هذا ؟ القصاص بالرصاص دي شنو أوعي الفرية التي واجه بها الكيزانالخاتم عدلان وتم نفيها وقد تصديلها الخاتم عدلان في هذا المنبر ونسفها تماما !. ** أخ علاء سيد أحمد بخصوص البشير وقطر هل قرأت ماقيل عن طلب البشير للجوء لقطر هل أطلعت عليه في قناة الجزيرة نفسها أم قرأته علي النت..؟
Post: #19 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 01:32 PM Parent: #18
Quote: أخ علاء سيد أحمد بخصوص البشير وقطر هل قرأت ماقيل عن طلب البشير للجوء لقطر هل أطلعت عليه في قناة الجزيرة نفسها أم قرأته علي النت..؟
سلام يا كمال عباس طلب البشير للجوء فى قطر اتى به احد الاخوة فى قروب فيس بوك
Post: #20 Title: Re: الهروب الكبير وبدأ ما كان يخشاه الشارع اح� Author: اخلاص عبدالرحمن المشرف Date: 04-16-2019, 01:35 PM Parent: #18
التاريخ ينظر لما بحدث ويسجل الشباب قام بما عليه إل بوربون لم يتعلموا و لم ينسوا
من أين لك هذه الكرش ولا شنو فول لي ديك عمارة ودي المستندات
Post: #21 Title: Re: الهروب الكبير وبدأ ما كان يخشاه الشارع اح� Author: محمد البشرى الخضر Date: 04-16-2019, 01:43 PM Parent: #20
مستندات شنو يا دكتورة مع ناس علاء ديل تكفي الكرش و تكفي صورة بجانب شنط في فندق أو بجانب عمارة أو طيارة ان شا الله للإدانة وتكفي صورة تعديل الفوتوشوب فيها ظااااهر يكاد يتكلم يقول يا علاء شوفني انا مفبرك! عاجل مان و الفح مان
Post: #22 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 01:43 PM Parent: #20
Quote: فول لي ديك عمارة ودي المستندات
المستندات : عدد من الصحف اليومية والاسبوعية سافر الى بريطانيا وفى لقاء معه مع قناة ANN قال بأنه اتى الى بريطانيا لاطلاق قناة فضائية من اين له هذا ؟؟ المستند : لسانه وكما هو معلوم فى دهاليز المحاكم والقضاء فان الاعتراف سيد الادلة
Post: #23 Title: Re: الهروب الكبير وبدأ ما كان يخشاه الشارع اح� Author: امتثال عبدالله Date: 04-16-2019, 01:52 PM Parent: #22
يا علاء اظن كلام محمد البشرى كلام منطقي ، لان احمد البلال الطيب كان مجرد صحفي ، وحتى ولو كان بوقا لنظام اللصوص والحرامية فانه لن يسرق شيئا من مال الشعب،،،وقد كان جميع الصحفيين يطبلون للنظام الفاسد خوفا من بطش الامن وكذلك للقمة العيش ،،، فبدلا من التشهير به ، افضل كسبه لجانب الثورة والتغيير ، فهو معروف انه صحفي واعلامي بارز وله براعة وملكة في الكتابة وتقديم البرامج،،،
Post: #24 Title: Re: الهروب الكبير وبدأ ما كان يخشاه الشارع اح� Author: عمر سعيد علي Date: 04-16-2019, 02:43 PM Parent: #23
يا علاء الاعلاميين والمطبلين ديل من الصعب اثبات اشياء مادية ضدهم . . لكن هؤلاء يتم عقابهم من المجتمع الواعي بحيث تضرب صحفهم البوار . . ويصبح كلامهم وفعلهم بلا قيمة . . هذه هي العقوبة المناسبة لمثل هؤلاء . . . .......... ان اصحاب السلطان كـ قوم ارتقو جبلاً ثم سقطو . . فأكثرهم عرضةً للهلاك ابعدهم في المرتقى . .
Post: #25 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 04:14 PM Parent: #24
التحية والتقدير لكل الزملاء والزميلات الذين مروا من هنا
قبقبة هاك :
Post: #26 Title: Re: الهروب الكبير وبدأ ما كان يخشاه الشارع اح� Author: محمد البشرى الخضر Date: 04-16-2019, 04:36 PM Parent: #25
يا علاء الله يهدينا و يهديك الفيديو دا عايز تقول منو شنو! انو ود البلال كان عنده مشروع اطلاق فناة فضائية وفشل! so what وين التهمة هنا ناهيك عن الادلة عليها, الرجل يمتلك دار نشر تنشر الصحيفة الاولى توزيعا في السودان شي طبيعي ان يطمح في اطلاق قناة فضائية إذا كان اطلاق القنوات تهمة في حد ذاته لا تنسى ان تضيف المهندس عمر الفاروق صاحب مجموعة قنوات تاسيتي و الكاردينال مالك 70% من قناة الهلال و خالد الاعيسر صاحب قناة المدارية و اصحاب قناة سودان بكرة بالمرة !
يا علاء الله يهدينا ويهديك مرة تانية من اين لك هذا ليس تهمة في حد ذاته بل ما يترتب على الاجابة - أو عدم الإجابة - على السؤال هو ما يحدد ما اذا كانت هناك تهمة وما هي طبيعتها.
نحلم بنظام قضائي عادل و فعّال بعد ما اعترى النظام العدلي السوداني من عورات طيلة الاعوام السابقة, لذا المرحلة الجاية مهم ان تسير الامور كما ينبغي لا كما نشتهي تهمة ادلة محاكمة مرافعات اثبات أو دحض ثم حكم, هذا هو التسلسل الطبيعي, مش الفح صورة افتح بوست اصدر حكما بالإدانة ثم استرخ و استمتع بالكلكات و اللايكات!!
Post: #27 Title: Re: الهروب الكبير وبدأ ما كان يخشاه الشارع اح� Author: السنجك عثمان Date: 04-16-2019, 05:03 PM Parent: #26
احمد البلال الطيب بوق من ابواق النظام الكيزانى وياكل من كل الموائد مثله وحسين خوجلى والطاهر التوم وغيرهم من الساقطين وخاصة الذين ظهروا فى نظام الاخوان الشياطين نقول انه لامكان لهم فى مستقبل السودان الجديد بكل صدق وامانه لان الوضع الجديد لايبقل مثل هؤلاء دولة ديمقراطيه وعدالة وسلام لاتحتاج الى مطبلين او سماسرة دين كفاءتك ومؤهلك العلمى ووطنيتك هى المعيار الحقيقى للعمل
Post: #28 Title: Re: الهروب الكبير وبدأ ما كان يخشاه الشارع اح� Author: اخلاص عبدالرحمن المشرف Date: 04-16-2019, 05:27 PM Parent: #26
يا سلاااام اهديتنا اليوم نفحة من مسك الجنة يا استاذ كمال عباس كيف تكون ثورة ولا يحضر فيها الخاتم عدلان لمل ثورة حراس من ملائكة وصالحين وها قد حضر حراس ثورتنا الخاتم
اما ذاك المقتبس والذي اظن انني قد هديت له لحضور حراس الثورة فما هو الا ترنيمة كانت في الذاكرة لشهداء شعبنا التحية من لدن الخاتم وحتي شباب ديسمبر
Post: #29 Title: Re: الهروب الكبير وبدأ ما كان يخشاه الشارع اح� Author: خضر الطيب Date: 04-16-2019, 05:48 PM Parent: #28
سلام يا امتثال كتبتي التالي .. خاصية الإقتباس ما شغالة عندي ----------------
وحتى ولو كان بوقا لنظام اللصوص والحرامية فانه لن يسرق شيئا من مال الشعب ------------------------- النوع البوق دا و في كل الأنظمة هو اخطر الأنواع و على حسب عُرفنا الإعلامي بسرق أحلام و تطلعات الشعب بلمع صورة الديكتاتور القميئة و بعمي بصرو عن القبح الحاصل بهزم المواطن في معاشه و في ان تكون له حياة جيدة النوع دا اسوا من الديكتاتور و نظامه هو فقط يطبل ليعيش يجب محاسبته على تطبيله وهي ابعاده من أي واجهة إعلامية في الفترة القادمة
Post: #30 Title: Re: الهروب الكبير وبدأ ما كان يخشاه الشارع اح� Author: خضر الطيب Date: 04-16-2019, 05:55 PM Parent: #29
شكراً يا عمر سعيد
ان اصحاب السلطان كـ قوم ارتقو جبلاً ثم سقطو . . فأكثرهم عرضةً للهلاك ابعدهم في المرتقى . .
كلمات عميقة
Post: #31 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 07:41 PM Parent: #30
Quote: يا علاء الله يهدينا و يهديك الفيديو دا عايز تقول منو شنو!
يا ود البشرى انا عايز اقول من خلال الفيديو دا واتساءل من اين لك مبلغ اطلاق القناة الفضائية يا احمد البلال !؟
Post: #32 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 08:03 PM Parent: #31
وماعايزو يكون زى صاحبو الهاشمى والذى كان متهما فى تونس بأنه وبما سرقه من مال فى عهد بن على قام بتأسيس قناة المستقلة واتضح لاحقا ان الكيزان هم من قاموا بتمويل انشاء قناة المستقلة لتحسين صورتهم امام العالم وهنا الدليل الساطع :
Post: #33 Title: Re: الهروب الكبير وبدأ ما كان يخشاه الشارع اح� Author: علاء سيداحمد Date: 04-16-2019, 08:09 PM Parent: #32
شكرا جزيلا لكل المرور الكرام والثورة مستمرة
Post: #34 Title: Re: الهروب الكبير وبدأ ما كان يخشاه الشارع اح� Author: Arif Nashed Date: 04-17-2019, 11:26 AM Parent: #33
