Post: #2 Title: Re: المجلس العسكري الإنتقالي: لن نسحب قواتنا � Author: Farida Mahgoub Date: 04-15-2019, 11:40 PM Parent: #1
هو يا ربي الثورة كانت ليه!!!!!؟
Post: #3 Title: Re: المجلس العسكري الإنتقالي: لن نسحب قواتنا � Author: Farida Mahgoub Date: 04-15-2019, 11:42 PM Parent: #2
الخبر جاء في الشريط الإخباري لواحدة من القنوات......ما متذكرة يا تا فيهم من كترة ما الواحد بتنقل بين القنوات لمعرفة الاخبار
Post: #4 Title: Re: المجلس العسكري الإنتقالي: لن نسحب قواتنا � Author: اسماعيل عبد الله محمد Date: 04-15-2019, 11:42 PM Parent: #2
أنا شخصياً كنت متوقع هذا الموقف ولم أكن مستغرباً قط. والسبب لأن الدولة العميقة ما زالت موجودة ,,,
Post: #5 Title: Re: المجلس العسكري الإنتقالي: لن نسحب قواتنا � Author: Farida Mahgoub Date: 04-15-2019, 11:48 PM Parent: #4
هسي قريت الخبر في العربية الحدث
المجلس العسكري الانتقالي: قواتنا المقاتلة في اليمن ستبقي في مهمتها!!!!!؟
Post: #6 Title: Re: المجلس العسكري الإنتقالي: لن نسحب قواتنا � Author: Farida Mahgoub Date: 04-15-2019, 11:53 PM Parent: #5
السلام عليكم اخي إسماعيل
Quote: والسبب لأن الدولة العميقة ما زالت موجودة
بالضبط كده!!!!!
Post: #7 Title: Re: المجلس العسكري الإنتقالي: لن نسحب قواتنا � Author: Farida Mahgoub Date: 04-15-2019, 11:54 PM Parent: #6
قوموا الي ثورتكم يرحمكم الله
Post: #9 Title: Re: المجلس العسكري الإنتقالي: لن نسحب قواتنا � Author: amin siddig Date: 04-16-2019, 00:24 AM Parent: #6
ما في أي استغراب
أصلا السعودية داعمة التحالف بتاع برهان - حميدتي عشان تضمن استمرار مشاركتهم في حرب اليمن ، و حتسعى بقوة لأنها تقوي التحالف ده و ما تخليه يفك السلطة ، عشان برضو ينفذ ليها سياساتها الإقليمية.
الناس الحريصة على التحول الديموقراطي حتكون بتواجه المحور ده و ناسه في الداخل، و بالمقابل المحور القطري و معاهو جزء من الإسلاميين ( وطني و شعبي) لما تتم ازاحتهم من اجهزة الدولة حيصعدوا في جبهات تانية ( اتوقع دور لحركة العدل والمساواة)
الأفضل للسودان هو الابتعاد عن المحورين ، و السلطة البتتشكل بعد السقوط الفعلي للنظام ما يكون لاتباع أي من المحورين دور في اتخاذ القرار فيها.
ده سبب إضافي إنه الدعوات للتعامل مع المجلس العسكري كسلطة سيادية هي دعوات غير مسؤولة
عمايل عمر البشير أثارها إزالتها أبداً ما حتكون سهلة
في النهاية ارادة الشعب هي الحتنتصر ، طال الزمن أم قصر
Post: #8 Title: Re: المجلس العسكري الإنتقالي: لن نسحب قواتنا � Author: نزار عبد الوهاب Date: 04-16-2019, 00:09 AM Parent: #1
سلام وتحايا اخت فريدة والاخ اسماعيل ... نان المنحة الملكية المتمثلة في المشتقات البترولية ... والادوية والقمح يا ناس القمح عشان خاطر عيون الشعب السوداني ... وما تنسو عثمان طه المستشار في الخارجية السعودية ... وما ادراك ما عثمان طه ...
الدولة العميقة لا بد من اجتثاثها فورا ...
Post: #10 Title: Re: المجلس العسكري الإنتقالي: لن نسحب قواتنا � Author: adil amin Date: 04-16-2019, 04:18 AM Parent: #8
قصة الانقاذ والانقلابات في السودان البشير وحثالته كان عليهم يلتزم بالدستور واتفاقية نيفاشا ودستور2005 ويحترم انتخابات 2010 ويمشي الرخيص ا من جا مع الترابي 1989 يخدم مشروع تدمير السودان فصل الجنوب2011 ودمر دارفور وبدد ثروات السودان وجعله نهبة لمطامع كل الدول انت يا البشير مجرد اداة رخيصة للترابي والترابي اداة رخيصة لتنظيم الاخوان المسلمين الدولي ووالبنك الدولي وضد السودان وشعب السودان وحضارةالسودان يا شعب السودان الثورة الحقيقية لم تاتي بعد هذا النسخة الثانية من النظام مجيرة الان لخدمة مصر والسعودية والامارت وارسال جنود السودان الي اليمن لقتل الشعب اليمني وهو عمل ضد حضارة السودان ورسالته الحضارية ان نؤذى الشعب اليمني علي حساب المشاريع الامبرالية الصهيونية الشيطانية المفضوحة .. الثورة ذكرى جون قرنق نرفع علم الاستقلال الاصلي وليس علم القوميين العرب الحقير بتاع مايو 1969 كل بيوت السودان +ورؤية الدكتور جون قرنق السودان الديمقراطي الفدرالية الاشتراكي المكون من ستة اقاليم فقط ومحكمة دستورية عليا فاعلة كل الانقلاابات الرخيصة جزء من مخطط دولي وجائت بالحثالة والجنراالات الي سدة الحكم مصر سبب بلاوي السودان من 1821 ودخولهم السودان مع الباش بذوق الي اليوم 2019 وكل شيء موثق برطانيا مشت بي الباب 1956 وجاءت مصر من الشباك عبر رجل المخابرات الصاغ صلاح سالم 1954عبر النافذة لصناعة الدولة الرعية المركزية الفاشية التي ضيعت 52 سنة من عمر الاستقلال
Post: #11 Title: Re: المجلس العسكري الإنتقالي: لن نسحب قواتنا � Author: adil amin Date: 04-16-2019, 04:24 AM Parent: #10
هذه هي الحرب في اليمن مشروع ابادة نموذجي خلفه الينك الدولي والدول الرخيصة في المنطقة وجلبت العار للسودان والسودانيين يجب ان تكون قضية راي عام كبيرة جدا في السودان اذا اردنا تجاوز الانقاذ ومخازيها اعرضو ماسي اليمن في اشاشات ساحة التغيير في كل مدن السودان اكبر مفرمل للثورة هي مصالح هذه الدول الرخيصة في اليمن السعودية والامارات خروج الجيش السوداني من اليمن بند اساسي ومهم جداجدا وحتي خروج السودان من كافة التحالفات الغبية العربية يكون افضل كثير علي الثورة تحدد اهدافها الاسترتيجية اولا او لن تكون ثورة اطلاقا
Post: #12 Title: Re: المجلس العسكري الإنتقالي: لن نسحب قواتنا � Author: adil amin Date: 04-16-2019, 04:46 AM Parent: #11
لا نقبل ابدا المعونات السعودية والامارتية والمال المدنس بدماء اليمنيين ...اصحو يا سودانيين واخرجو السودان من حلف الضباع الرخيص هذاا
السعودية تاكل السودانيين والله ده عار اخير منه الموت جوعا https://up.top4top.net/
https://up.top4top.net/
Post: #14 Title: Re: المجلس العسكري الإنتقالي: لن نسحب قواتنا � Author: Mohamed Adam Date: 04-16-2019, 05:13 AM Parent: #12
سلام يا الأخت فريدة. مافي اي غرابة في عدم سحب قواتهم من اليمن وياهو دا كلام المجلس العسكري من قولة تييت:
Quote: كما أكدت الخارجية السودانية على "التزام السودان بكل المعاهدات والمواثيق والإتفاقيات المحلية والإقليمية والدولي
Post: #13 Title: Re: المجلس العسكري الإنتقالي: لن نسحب قواتنا � Author: Osman Mahmoud Date: 04-16-2019, 05:11 AM Parent: #1
اسمو المجلس الأمريكي السعودي.
.
Post: #15 Title: Re: المجلس العسكري الإنتقالي: لن نسحب قواتنا � Author: Mutasim Idris Date: 04-16-2019, 06:11 AM Parent: #13
فريدة سلام. يسحبوها ليه ما اهو قبضوا المرتب من السعوديه والامارات دقيق وبترول. انتو قايلين الانقاذ انتهت؟
Post: #16 Title: Re: المجلس العسكري الإنتقالي: لن نسحب قواتنا � Author: Yasir Elsharif Date: 04-16-2019, 06:39 AM Parent: #15
إسمو المجلس السعودي الإماراتي
الحمد لله الذي أنطقهم بهذا التصريح البليد
قوى المجتمع المدني في الولايات المتحدة ضد حرب اليمن، وضد حكم الاستبداد السعودي والإماراتي، وعلى السودانيين في أمريكا كشف الدور الذي تحاول أمريكا (إدارة ترامب) أن تلعبه.
القائم بالأعمال الأمريكي يلتقي بحميدتي!!! ما هي الرسالة؟؟
السعودية تمد السودان بالقمح والبترول!! ما هي الرسالة؟؟
Post: #17 Title: Re: المجلس العسكري الإنتقالي: لن نسحب قواتنا � Author: Mohamed Adam Date: 04-16-2019, 08:49 AM
Quote: السعودية تمد السودان بالقمح والبترول!! ما هي الرسالة؟؟
واضحة! عشان السودان مايستقر، وماينعم بالحرية ورغد العيش في دولة المواطنة والقانون، عشان تتعظ بيهو دول المنطقة الفقيرة المنططة عينيها للحرية والإنعتاق، وعشان تقعد في علبها، حتي يحكموا آل سعود أطول فترة ممكنة وحتي يقدموا ثروات المنطقة للغرب ساهلة ومملحة.. كذاك إستقرار السودان يعني تهديد مباشر للسعودية من حيث قوة منافستة الإقتصادية، العسكرية، التعلمية،الزراعية(يعني عايزين قمح السعودية يتلف) ...الأدهي وأمر،السودان لو إستقر، ح يخطف منها الريادة الإقليمية والدولية... بالله في تهديد اكثر من كدا... تذكر مؤتمر اللآت الثلاث... الكان رواده ناس المحجوب... وضيوفه العقالات، رغم أن المحجوب ودولته ماكانا قد كدا، فما بالك بألالفية الثالثة بتاعت ناس ود قلبا... انتو عايزين آل سعود يكبروها كما كبروها ناس الحركة الإسلامية.. غايتو جنس حسادة.. خلو الناس يسوطوا في سواطتهم !
Post: #18 Title: Re: المجلس العسكري الإنتقالي: لن نسحب قواتنا � Author: adil amin Date: 04-16-2019, 09:00 AM Parent: #17
يجب ان تحرك هذه القضية في كل الميديا وتكون قضية الشعب السوداني الاولى لاسقاط ما تبقى من هذا النظام والخروج النهائي من العالم العربي البغيض والدول الخسيسة على راسها مصر والسعودية ايضا والتحالفات المجرمة التي لا تشرف السودان ولا السودانيين اتحر كو في العالم الحر وفي كل الاوساط وفي الميديا خلو 40 مليون سوداني يعرف هذه الحرب القذرة ويدينها لا يوجد رهان في السودان الي في الشعب وقواه الواعية فعلا كبرو دماغكم شوية في السياسة الدولية
Post: #19 Title: Re: المجلس العسكري الإنتقالي: لن نسحب قواتنا � Author: Mahjob Abdalla Date: 04-16-2019, 09:32 AM Parent: #18
Quote: السعودية تمد السودان بالقمح والبترول!! ما هي الرسالة؟؟
لتخدير الشعب و اظهار المجلس العسكري بأنهم تمكنو من توفير العيش للمواطن. فالخروج كان بسبب الرغيفة الهدو عودة المواطن الي سكناته املاء شروطهم علي طريقتهم و من ضمنها ابقاء الجنود في اليمن لوبي نيابة عنهم لماما امريكا كي ترضي عنهم ضمان الاستثمار و سرقة موارد السودان عودة الدولة العميقة كما كانت
Post: #20 Title: Re: المجلس العسكري الإنتقالي: لن نسحب قواتنا � Author: هشام كمال عبادي Date: 04-16-2019, 09:44 AM Parent: #18
تحياتي وتقديري أختي فريدة.
السعودية والامارات وبقية دول الخليج لديها اطماع استعمارية في السودان ، وظهور السودان ودول القارة الافريقية وخاصة المغرب العربي كقوة اقتصادية موازية لدول الخليج قد يفقدهم اهتمام العالم ، ويسهم في توزيع القوى الاقليمية ، وبعيدا عن التنظير المخل بالموضوع الأساسي ، السعودية تحاول الخروج من مستنقع حرب اليمن بأي طريقة كانت ، وخاصة ان مجلس الشيوخ قرر وقف الدعم الأمريكي لهذه الحرب . السعودية استبقت الأمور ونشرت هذا الخبر لكسب الوقت وخوفا من تأثر المجلس الانتقالي الحالي بآراء المنادين بسحب القوات السودانية ..
أولادنا بموتو فطيس في حرب لا ناقة لنا فيها ولا جمل .. حرب القادمة هي لتحرير وتطهير حلايب من دنس المصريين . ننادي معاك بأعلى صوت "اسحبوا أولادنا من اليمن"
Post: #21 Title: Re: المجلس العسكري الإنتقالي: لن نسحب قواتنا � Author: Osman Mahmoud Date: 04-16-2019, 12:52 PM Parent: #1
حبيبنا ياسر الشريف ارضاء امريكا من ارضاء السعودية بعد ارضاء السعودية تحصل على رضاء امريكا، دا لو لو ما عندك ذي صلاح قوش او محمد عطا او البشير، بإمتلاكك اكبر عملاء للسي اي ايه مفروض ما تفتش لارضاء السعودية عشان ترضى عنك امريكا، الامارات الناس ما يدوها اكثر من حقها،،، هي مجرد ذيل للسعودية.
