π تلب £

02:24 PM April, 10 2019

سودانيز اون لاين
دفع الله ود الأصيل-
مكتبتى
رابط مختصر

{1}
ظاهرة تولللب،
مهنة لها ممارسوهاو ربما رياضة
و لها محترفوها؛ و لكن ملاكظ أنها
منتشرة بزماننا الأخيرهذاو في بلدنا
الجريح هذا ، بين أوساط لم تكن
معهودة، و بوتيرة غير مسبوقة.

(2 )
هناگ الكثير من البؤساء ممن يمارسها، و ربما
لجأ إليها مگرها أخاك لا بطل ؛ كمهنة لمن لا مهنة له؛
ربما كان مدفوعا بتعاسة ظروفه ؛ أو حتى من الهمباتة
الوجهاء كنوع من الهواية و إظهار الفراسة و المرجلة ؛ أو
حتى من الثوريين الشرفاء الظرفاء أمثال أرسين لوبين ؛
گأشهر من دخل الگار فقط ، للأخذ من أموال الأغنياء
المتخمين من أجل ردها على الفقراء و المساكينة. و
بالتالي تعتبر لديهم مساهمة مقدرة و قدح معلى في
ما يصطلح عليه ب«إعادة توزيع الثروات» و ما من
شك في أن ذلك من صميم دواعي قيام الثورات.

{3}
[} كل من تقدم ذگرهم ، و إن أثير حولهم غبار بطبيعة الحال،
إلا أنه ليس كثيفا. إذ لا يعدون گونهم مجرد (حملان) و يتلبون
في الحيشان. اللهم إذا ما وضعناهم في مقارنة غير متگافئة
ب«هؤلاء» الثقلاء ال ج ر ذ ا ن و القطط السمان ممن نراهم
يتتالبون في الأونة الأخيرة من على ظهر منطاد بدأ يحترق.

(4)
[} من ذي قبل، يا ما گانو يتداعون مثلما
تتداعى الأكلة إلى قصعتها من أجل القفز بالزانة
للارتماء بأحضان مناصب السلطة و لنيل مراتب
الجنة و نعيما ؛ ثم هاهم هؤلاء من بعد ما گاد
يسقط في أيديهم يتقافزون منها بالزانة ذاتها
في مغبة سكة متاهة مجهولة و جحيما.

{5}
من ابرز الفوارق ما بين شريحة (الحملان) و (القطط السمان)
خاصة في ، في هذا المنعطف الضيق، ما يمكن إجماله في مايلي:

1} أن «أولئك» سراي ليل و متمرسون على مهارات «النط» إلى
داخل الحيشان ؛ بينما ينفد هؤلاء بجلودهم من بطانة السلطان.

2} لا يتعدى ما يسرقه أولئك خلسة بالكتير حمولة «بقجة» بها
ما خف وزنه و غلى ثمنه قدر المستطاع؛ بينما نهب «هؤلاء»
جهارا نهارا و على عينك يا تاجر بلد بحالها حدادي .

3} بينما ل«أولئك» دور عظيم گما ذگرنا ، في تذويب الفوارق
الطبقية ، إزالة آثار الغبن الاجتماعي و التوازن النفسي ما بين
غني و فقير ، عبر « إعادة تدوير ثروات هذه البلاد » ، نجد أن
ل«هؤلاء» اليد الدولة و نصيب الأسد في تفشي فساد الذمم
و نهب و تهريب المال العام و الناتج القومي: تجويع العباد.

4) إنو التليب لجوة فيه خطورة بالغة على حياة المُتَلِّب نفسه؛
أقلها تعريض مؤخرته , لا مؤاخذة، لويلات (الوحوحة) من جحيم
شلاويط (الشطوط القبانيت) في حال وقوعه فريسةً للمتَلَّب عليهم؛
بينما يأتي التليب لي برة بمثابة طوق نجاةٍ و ملاذ طوارئ آمن
لصاحبه للنفاد بجلده من أية ملاحقات محتملة ؛ اللهم ماعدا في
حال سقوطه مغشياً عليه و بعد فوات الآوان، في أيدي ناس أخوان
فاطنة و نشامى و متحمسين من طراز شباب ( بري الدرايسة)!!


من

ود الحيشان التلاتة انزيك..
عمك زاتو خلاص حيتلب منها ويفك البيرك ..
الحملان ديل زاتو فيهم التريان والتعبان ..

اهم فئة هي النمل حطب الكيزان ..
شغالين بمبدأ دخلت نملة واخذت حبة ..
قالوا النمل بتقاسم النبقة ...

أولن حاجة حبابگ 10برا گشرة يا عارف و شگرن كونگ
تناديني بأحب الأسامي إلى نفسي . تاني حاجة، و بما إنگ
كما يبدو (عارف) عن مملگة النمل «هؤلاء» أگتر مني بگتير؛
فيا ريتك و لازم توريني ياتا فيهن فئة«حطب الگيزان» و لا
شگلنا لسة ما شفنا من الديك/ تا/تور علا يا دوبك راسو؟!

(((6)))
[} طبعن سبق و ذكرنا في خبرية عاجلةُ جدن جدن
و لا تحتمل و لا تحتمل التأخير و لو للحظة واحدة، إنو
وردنا في حينها ما يلي نصه: أن206 من همباتة لمافيا
نيقرز على كُطَّاع طُرُق نشالين و سُرالي اليل بتاعين
(تلب) يعلنون توبةً نصوحاً و ندمن شديدن و إقلاعاً تاماً
لا رجعةَ فيه البتَّةَ ، و ينضمون فورا إلى ركب كوكبة
(مخرجات الحومار الوتني) .
[} ياخي دا كان خبر بشارة و أوسكار عديييل كدا. يعني
بالبلدي الفسيـــخ گدا، جماعتك ديل اتصعدو ليك بالزانة
من فرق الفئات السنية براعم و أشبال ، و يلا على الهوى
مباشرتن إلى ديربي ممتاز المحترفين؛ فلا روابط و لا
دوري محلي و لا هم يحزنون.. ف شايف گيف بالله!!؟

(((7)))
. تعرف دي تذكرنا طوالي بالمثل العامِي :( إذا سرقت
فلتسرق جملاً و إذا عشقتَ فلتعشق قمراً ) . يعني بلاش شغل
المرمطة، مسلن أنبوبة غازو لا كراع شرموط من حبل غسيل

# ياخي .بالجد دا مثلٌ رائع جدن و في الصميم تماماً وربما
جاء كوصفةٍ سحريةٍ ليمنح اللصوص الصغار مسوِّغاً عُرفياً و
مدعماً بدروس عَصُرٍ احترافيةٍ سوف لن ينسوها في أصول المهنة؛
ممن يغامرون بتعريض حياتهم بلا طائل يذكر للخطر لا سمح الله ،
أو يجازفون بمؤخراتهم لشلاويط (الشطوط القبانيت) ، و لا مؤاخذة.
يعني خاصة مع تكنولوجي االعصر و التي أنقذت كثيراً من الناس كما
توشِك الآن تهدد نقابة الحرامية بالعطالة، أو تغيير(الكار) . هذا
طبعن، مع تمنياتنا الغالية للكل بسلامة مؤخراتهم و مقدماتهم.

(8)
خلاس يا جماعة بعدا نقدر نقول حمداً لله
الذي أهب عنا الاذى و عافانا , ولا كمان لسة
شايف عارف نشيد هداك قاعد يحذر فينا من
ثورة مضادة ، ما ني ظطو عراف بجيبو جنيس
الكلام الشين لامن يسيح الركبين دا من وين؟!!
عمومن ، بعدا اللي قدر تلب تلب و الما حضر
خلاس المال سدر و الضحك شرطو.
πو يلا بعدا خلينا نرجع نحكي بمزاج طرايف من أرشيف ناس تُولُوب√
® من أرشيف ناس تلب£
® فهاكم نفرع بي دي مأخوذة واحدة من مذكرات حرامي محترف تليب ، يقول:

© في ذات ليلة من الليالي, قررت أن أتلب في أحد البيوت المرصودة و فعلن نيشت على الهدف
و قمت تللبت بالحيطة و صادف إني نزلت في الحمام أعزكم الله و قبل ما أتحرك لجوة المنزل سمعت
قرع نعلين لقادم نحوي و من باب الدفاع عن النفس شلتا لي فوكامة من الحيطة و فضلت متحرف لقتال.

¶ فأول ما الزول فتح الباب مد راسو جاي داخل و قبال ما يصنقر خمشتو ليك في و شو و نطيت و يلا
قمت صوف عائدن أدراجي من حيث أتيت تاني يوم قلبي اكلني علي الزول الخمشتو و خفت يكون مات
عشان كده قررت إني بعد يومين ارجع اشمشم الشمار و اشوف الحاصل ظاطو شنو . وفعلن. رجعت و لما
قررت من البيت شفت لي صيوان لامن اعصابي باظتو ركبيني .ياخن؛ قلت خلاس، دا زولي اتلحس.

¶ لكن لما قربت لقيت الجو ما جو عزاء. المهم دخلت الصيوان و فجيت المعازيم قعدت في اقرب كرسي
و في جنمبى عمك جولكبن كدا، عندو إسهال نضمي قمت طقيت معاه حنك لامن دردقتو في الكلام و سألتو:
المناسبة دي شنو؟ قال لي: يا ولدي دي كرامة لأنو سيد البيت دا قبل يومين كافتو شيطان بس ربك رب الخير
لطف، و لحقوه بالرقية الشرعية و بقى كويس. فكدي يا ولدي, طالما الدرب جابك اتفضل ضوق معانا الكرامة.
…………………….

Quote: (……………………. المشاكسة من من صاحبي الملقوف/Abdelazim انا الليلة اكتشفت فيك موهبة جديدة وهي انك نطاط حيوط ……………….. و لا كمان تكون كــوزآ مزدوج ي دفع الله وانا ما جايب خبر؟! QUOTE] (9) ي بيه والله بريء و( أنا ما سرقتا بس جيت أعاين). إنما دا هما البينطو و أنا عمال أرابقبهم من بعيد بس. يعنيمومكن تعتبرني لا مؤاخذة كدا ، مراقب استراتيجي؛ و ي دار ما دخلك شر. # يعني عظمة ياخ إنتا ح تلبس لي توهمة بالعافية و خلاس يعني و لا إيه. ياخ كان لي عاد كدي أحسن لينا تولب عدييل. بالكتير ديل بيخمو بالبوقجة و بس. بعدبن فيهم لصوص ظريفين زي أرثين لوببن. ؛ مان ببهمبت من الغني ليطعم الفقبر .واحدين كمان عندهم ضمير. ياخ ما سمعت بواحد بوم تلب بشباك المتبخ ؛ و بعدمادنكل الأمور و ظبط البوقجة ؛ و سيد البيت مرعة لابد و بعاينلو بي رقرلق قد الملاية قالو : أها أقوم أشيلك؟! ي عيني على الحنية ، شفقان عليه من انزلاق الغضاريف. ياخي ما قت ليك نحنا ناس بنعيش حياتنا الغالية بالنية ساليمة و كلو زول حتى الكوز ديارين سعادتو تشهد الأيام علينا بس يعملو معروف يونا غبشة كرعين سهير و يختونا كدي ولا كدي. ¶ الشاهد ، الحرامي و و هو متخارج ، لقالو حتة رغيفة مجدوعة قام غمسا ليك في بودرة بيضا كدا ضاقا لقا طعما ملح . فطوالي راح راميها و فك البوقجة فضاها و مرق بخفي حنين قال إليه؟! الود صميرو عذبو و قال: أصلو ما مومكن يسرقلو ناس بقى ببنو و بينم عيش و ملح. ¶ أها شايف كيف ، برضو تتهمني بالكوزنة، موش حرام عليك بالله؟!

---

Post: #12 Title: قالك: حاميها حراميها π Author: دفع الله ود الأصيل Date: 04-23-2019, 10:00 AM حاميها حراميها (10) دا همباتي من عروبنا ديل؛ مرة حايم يكشف في شعبي أمدرمان.فجأتن كدي حس باتنين شفتة عتاولة كدا زانقنو ملاصقنو ليك بالله قربو يكطعو نفسو. لامن فكوه هبش سديريهو لقاهم لاطشين منو مبلغ و قدره 10 ألف دولار دوقشة واحدة . # فطوالي زولك أصلو ما تلفت و لا ضيع زمن، عارف بسوي شنو؛ اتخارج مرقمن حيسو مشى وين القسم الشرقي في أركويت . هناك أمورو سالكة مع ناس البوليس و لا الدعم السريع ماني عارف، و هم طبعن شفوت بعرفو دبيب النملة السوداء تحت الصخرة الصماء على نطاق العاصمة المُتلتة، و برضو علاقات طيبة مع ناس الكار شلكهم كولهم دافننو سوا . و كان يوم التيمونة قبايل عيد الضحية . قام وعدم ليك بي مسحة شنب ماكنة دهنا ينقط. فحركو ليك معاه قوة أمنية معتبرة مكونة من ظابط عظيم و عدد 5 عناصر أشاوث من حماتها جرامييها ؛ قصدي إ نو المفروض إنهم (حماة أمن الوطن و المواطن) . قالهم : ي جماعة خلصوني و حق ضحيتكم مضمون قالولو : ي زول أبشر طب.و من هسي اعتبر أموالك المنهوبة دي في جيب سديريك. * يلا فاصل ---كدي ، و ح نواصل ----

---

Post: #13 Title: Re: قالك: حاميها حراميها π Author: دفع الله ود الأصيل Date: 04-24-2019, 10:28 AM Parent: #12 حاميها حراميها (11) طبعن مصطلح تُولُّب دا ظالتو ليهو إسكيلاتٌ متفاوتةٌ ابتداءً من ذوات الكعوب العالية و إتا نازل . زي الجماعة العاملين ينظرية: "كان سرقت تسرق جمل و كان عِشقتَ تعشق قمر". # يعني و أنت زعيم مافيا كيزانية و ملاحق ليك بتُهم متلتلة تخليك مطارد وين ما تمش من الانتربول و مصيرها إن عاجلاً أم آجلاً أن ترسل إلىخلف قضبان محكمة الجنايات الدولية، فلازم في حالة زي دي تكون رامي عينك على خزينة اقتصاد دولة بكاملها. # فبخلاف ناس قريعتي راحت البتلبو الحيط بالليل ديل(و شقي الحال منهم كمان البقوم يعترلو في شلة شباب خريجين جغاريف عواطلية روحم براها كارَّة و محرقاهم يقومو يزرقو ليه كمياتٍ مهولةً من مسحوق الشطيطة القبانيت في حتات بالغةالحساسية، وين ظاطو ماني عارف) يخلوه ليك يتوحوح سنة لا قدام. فبخلاف زي ديل في هناك نوع اللوردات و التماسيح الكبار ديلك الكاتلين ليك الجدادة و خامين بيضاتا. النوع المتلبين بالبرشوت من السما بي سنونم من فوق أبراج عاجية شاهقة العُلُو.

---

Post: #14 Title: Re: قالك: حاميها حراميها π Author: دفع الله ود الأصيل Date: 04-28-2019, 11:44 AM Parent: #13 *****(((12)))***** عمومن، استقلت قوة (اللجنة) الأمنية المدججة بالعُدة والعتاد الناري، عربة تاتشر دفع رباعي و توجهت بدون كثير عناءٍ نحو ضاحية منشية البكري ، يصطحبون معهم الضحية المنشول؛ # ليتوقفوا أمام قصرٍ مُنيفٍ حيث (خرج عليهم في زينته) مَنْ بدا أنه أكيد معرفةٌ قديمةٌ و لصيقةٌ كمان. بدليل أنهم نادوه بلقب الزعيم . و كان بالفعل جديراً بالَّقب كبيرهم الذي علمهم سحر البيان بالعمل : ذو هيبةٍ، و عليه هندامٌ (كامل الأوصاف) و عُمامة مطرظة أغلد من عِمة ترباس و لا الجخس المبغبغ داك بتاع الج رذ ا ن. نزل يتأبط امرأةً غيداءَ حسناءَ تنزوي لها الشمس تجلةً و يذوب بدر التمام خجلاً. # بدت حميمية العلاقة بينهما و كأنها حرمه المصون (من النوع المرصعة بالدهب المجمر،تتلاصف و ترقش من راسا لي كيعانا) ؛ بالله تقول لودا د انجعصي أقعدي في واطاة الله دي . كان يهم بالخروج معها لقضاء بعض مقاضيهم استعداداً لمراسم فرحة العيد السعيد . و لمَّا بدا أن الزعيم في عجلةٍ من أمره و مو فاضي لأي طق حنك ، لم يصرف معهم نقة عربي كتير، قام عمل شوية اتصالات و قفل، و يلا ، ناولم ليك وريقة يبدو إنو فيها وصفٌ لمكان وجهتم التالية ثم انصرف لشأنه و تركهم. .

---

Post: #15 Title: Re: قالك: حاميها حراميها π Author: دفع الله ود الأصيل Date: 05-01-2019, 10:30 AM Parent: #14 ……(13)……. حاميها حراميها و صل ركب فزعة الدعم السريع إلى فناء دارٍ عامرةٍ بضاحية الحاج اليوسف ؛ حيث صرف الضابط المرافق تعليماته لعناصره الخمسة بأن يترجلوا من عربتهم التاتشر استعداداً لاقتحام الهدف في عرينه و والانفقضاض عليه في وكره على حين غرةٍ و بدوناستئذان و لا إحِّم و لا دستور يا أسيادي. ليجدوا بداخله امرأةً مشغولة بي دلالا :(قاعدة تتحنن للعيدولا على قولك عمك داك:، بتعمل في بوخة المرقة و علوق الشَّة و كدي ). # انتهروها بنبرةٍ جازمةٍ: وين فلان راجلك؟! قالت: كان معاي هناهسي ؛ و قبال ما أبل شوقي فيه سمح مرق سافر يعيد مع مقصوفة الرقبة مرتو التانية ديك في أم صفقن عوراض مجدوعة هناك غرب الدويم؛ أكان ربطو فيها الحومار ينفجط يهرب منها. خلو ليها باقي ثرثرتا في خشمها و مرقو فللي يتقامزو متجهين على المينا البري. هناك سألو الكومسنجيةعن البصات القامت الدويم و عن لستاتالمسافرين فعلن لقو الراجل سافر. فسرعان ما انطلقو إلى هنالك لا يلوون على شيء..

---

Post: #16 Title: Re: قالك: حاميها حراميها π Author: دفع الله ود الأصيل Date: 05-01-2019, 10:47 AM Parent: #15 (14) ® حاميها حراميها © في الميناء البري بالدويم لقو البص واصل من شوية و كان على متنه هدفهم. حيث دلاهم عليه صاحب أجرة أتوس عائد لتوه من حيث أوصله إلى قريته النائية بغرب الدويم؛ فگلبشوه ساقوه معاهم إلى هناك تسهيلاً لإنهاء مهتهم( و برضك گنوع من استعراض لعضلات (هيبة الدولة ، و كدي) ؛ ليجدو الهدف واصلاً لتوه و مُسْتَمِخَّاً مع حثرمته المصونة في كوخٍ مشبوهٍ، و شبه معزولٍ . و هو منذ أن لمح زوالهم تهلل للقائهم بادي الرأي كمن يعرفهم جيداً.و لكن لمَّا بدا له أنهم نكروه أو تغابوا فيه العٍرفة، تبين أنهم قد باعوه هذه اللمرة و اجيين ما ناويين على خير أبدن..فاستسلم لهم ملوحاً بكلتا يديه وقذف في صدورهم بحقيبة صغيرةٍ سوداء تبين أن بها المبلغً المنهوب كاملاً غير منقوصٍ ، ما عدا خمسمائة دولاراً كان اللص قال إنو صرفها عند تاجر تشاشة بسوق الدويم لدى وصوله هناك أن بها الأموالالمنهوبة. ثم اقتادوه موثوقاً بالحبال على ظهر التاتشر إلى حانوت التاجر الذي اشترى مبلغ الخمسمائة دولار المفقودة؛ ليوثقوه هو الآخر بصفة كونه شريكاً بالجريمة أو متستراً على جنحة النهب ثم المتاجرة بالعملات الصعبة المشبوهة (موش بالله ياهو بس نظام شقي الحال هو اللي دايمن بيقع في القيد؟!) . و لدى عودتهم سالمين غانمين عند فجر يوم العيد ، سمعوا مآذن العاصمة بأسرها تلعلع بأصوات جموع المصلين مكبرين و مهللين لقدوم بهجة العيدثم وفاءً بوعده ، دلف الضحية على سوق البهائم بجوار حوش جامع بلال في جيرة؛ حيث شبرق ليك سعادتو الضابط قائد مفرزة الدعم السريع و كل من عناصر قوته بكبش أقرن أملح ليمخمخ به مع أهل بيته في الأضحية. …………

---

Post: #17 Title: Re: قالك: حاميها حراميها π Author: دفع الله ود الأصيل Date: 05-05-2019, 11:12 AM Parent: #16 شتان بين جيل و أجيال£ {15} (هل تصدقون أن هذا ما كان يحدث عندنا!!؟) ® مما يحكى أن نشالاً تمكن من ضحيته فأخذ ما في جيب (جلابيته) م ن مال قليل وقد ساعد اللص أن الضحية كان يستقل معه نفس البص (مُشمعاً) و قبل أن يهرب اللص كشف أمره أحد الركاب و قبض عليه ثم قال للمنشول: يا حاج الزول ده نشلك وإنتا ما جايب خبر فانتبه الضحية فتمت إحالتهم جميعاً للمحكمة التي كان يرأسها حينذاك و زير العدل لاحقاً د. عوض الحسن النور

---

Post: #18 Title: Re: قالك: حاميها حراميها π Author: دفع الله ود الأصيل Date: 05-05-2019, 11:18 AM Parent: #17 (((16))) © بدأ القاضي عوض الحسن النور المحاكمة بسماع المتحري ثم طلب سماع الشاكي (المنشول) وسأله عن إسمه فقال له: أنا عثمان الطيب محمد علي.- جنسك؟.. - جنسي سوداني و لا أنت شايف غير كدا يا ولدي. - طيب ، سنك و مهنتك؟ أنا من مواليد 1918 يا مولانا. ع ومهنتي؟ .. أنا زول هسي قاعد مصنقر في المعاش.. يعني كنت بتشتغل شنو يا عمنا ؟.. كنت رئيس القضاء..!.. - آااا، قلت شنو ؟.. - عملت بالقضاء عاملاً قضائياً 1944م وتدرجت في العمل القضائي الي أن وصلت قاضٍ محكمة عليا 1960م . وعملت نائباً عاماً لجمهورية السودان في 1961. حتى 1964 ثم عملت بالمحاماة متخصصاً بقوانين و قضايا الأراضي و تسجيلاتها وتوليت منصب رئاسة القضاء في 19/6/1969 م وتقاعد بالمعاش في 13/5/1972م..!..

---

Post: #19 Title: Re: قالك: حاميها حراميها π Author: دفع الله ود الأصيل Date: 05-05-2019, 11:36 AM Parent: #18 (((17)) ¶ نهض مولانا عوض الحسن وأمر بإحضار كرسي للشاكي وأن يخاطب المحكمة جالساً وبعد انتهاء المحاكمة كتب عوض الحسن لرئاسة القضاء وقال ضمن ما قال: إن كان أمثال العلماء القضاة الذين تعلمنا من إرثهم القضائي كمولانا عثمان الطيب يستقلون البصات و لا يملكون سيارات فنحن نرفض أن تخصص لنا أي سيارة. ¶ بعد ذلك أمرت القضائية بتسليم رئيس القضاء الأسبق عثمان الطيب سيارة جديدة. وقبل وفاته وصَّى ورثة و ولاة عهده من بعده: في حال وفاته بإعادة االعربة للقضائية. ¶ عاش عمنا عثمان الطيب ذاك القاضي مثالاً ناصعاُ للعدل و النزاهة و و الكفاءة ونفذت وصيته وأعيدت السيارة للقضائية..!رحم الله ذلك الجيل العظيم الديانصوري المنقض السُّلالة.

---

Post: #20 Title: Re: قالك: حاميها حراميها π Author: دفع الله ود الأصيل Date: 05-07-2019, 09:13 AM Parent: #19 (((18))) بعدا دايرين نعرج بالبوست دا شوية نخش للغريق جوة لنوع مختلف و غريب جدن من حِرفنة التليب. متمثلة في ما يعرف بظاهرتي الشلب و التزوير ضمن ( ألاعيب مسرحالعرائس). و هذه الأخيرة فربما ليست جديدة علينا ، شأنها كشأن الكثير المثير مما هومتغاضى و مسكوتٍ عنه من زنان ضمن عادات مجتمعنا هذا بزماننا هذا و في بلدنا الحبوب هذا. دي بس قدحة و ش ملاح ، ثم نعمل فاصل و بنعود لكم لنواصل.

---

Post: #21 Title: Re: قالك: حاميها حراميها π Author: دفع الله ود الأصيل Date: 05-07-2019, 09:20 AM Parent: #20 (((19))) # أما الشلب فسبق لناس خالتو/ سارة أبو و معاذ شرفي و أقلام أخرى عديدة أن قتلوه بحثاً و نبشاً و لَّتاً و عجناً , لدرجة أننا نخشى أنهم لم يتركوا لنا شاردة ولا واردةً لنضيفها و من مصطلحاته الشائعة مؤخراً في أساط الشاشبين و الشابات: الشُّلباية (على وزن حرباية) و هي الشالب(ة) ؛ و منها المشلوب(ة) و المشلوب منه(ا). فهو ظاهرة مستحدثة مما عمت به بلوانا. @ و من نوادر والمقالب ما يحدث في لعبة تبديل العرائس ما قد يشيب له الرضيع و يندى له جيبن عفريت من الجن حتى يتصبب عرقاً . و كما يقال: إن من شر البلية فعلن ما يُضحكك حتى يُجهشك البكاء.

---

Post: #22 Title: Re: قالك: حاميها حراميها π Author: دفع الله ود الأصيل Date: 05-15-2019, 09:53 AM Parent: #21 (20) @ ففي نادرةٍ من نوادر ما تطير به الأخبار و تسير به الركبان في هذا الصدد، يُحكى أنو أحد العرسان كان خاطب واسطة العقد من بين بنات خالو لزم و قاعد يشيل و يرسل ليهم يكسي فيها و ينعلت و يكلف و يرشد . لحدت ما جاء يوم الزفة و قعدوهليك في الكوشة جنب من يفترض أنها عروسته وحرمه المصون طبعن ملكتفتة بهدوم الزفاف من راسا لي كرعينا لزوم التمويه ؛ دا فضلاً كونهامدهونةً أو بالأحرى أنها ملتوخةً بتلالٍ من طلاء البوماستك من بوهيات المهندس، ما يكفي و يزيد لطمس معالم خلقتها الدميمة تماماً فيجعلها كالعربة المسروقة ، و قد اجتهد اللصوص على تمويه شكلها.

---

Post: #23 Title: Re: قالك: حاميها حراميها π Author: دفع الله ود الأصيل Date: 05-15-2019, 10:45 AM Parent: #22 (21) اشاهد،، عريسنا الحالف الليلة يضبح تور لامنحس بالغموض يلف الموقف قال لنفسه بعد برهة تفكير عميقٍ في هذه الدقسة العويصة : اللَّهم لا اعتراض في حكمك ، فهذا يعني أنو ربع ساكنات كوكبنا الأرضي فقط من بنات حواءَ يعتبرن مصنفراتٍ أو مضروباتٍ بطبقة بوهية كشا مشى ( طامسةٍ ) لمعالم ما أفسده العطار و أكل الدهر عليه و شرب من فطرة الله التي فطر الناس عليها.علا برضو يا زول لو جينا حسبناها. كويس، بنلقاها نسبةً ما بطالة و أمة مُحمَّدٍ لا تزالُ لسة بصحةٍ وعافيةٍ. # المهم زولنا من شاف ليك كدارين عروس غفلته الضَفر دا طويل لامن قادي النعال و عليها سنين مفنترات متل الحلوف و شلوفتا غليدة لامن ليها ضل , عرفا ليك مي ياها زولتو دي أختا البايريكس الكبيرة .

---

Post: #24 Title: Re: قالك: حاميها حراميها π Author: دفع الله ود الأصيل Date: 05-15-2019, 11:35 AM Parent: #23 (22) # فطوالي عمل تقدير موقف سريع و قام بالراااحة من جنبها وأخدلو بشيرة بشيرتين فوق ضيوفو و يلا بقى مارق منزغم بي وراء صالة الفرح و مشى يكابس يك في البيوت . # تخيل لقى ليك مرتو الأصلية كامدنها ليك في جخنون و متلفحة ليها بي توب جارات و كرعاتا مغبشات و قاعدة تبكي و تتحسر. فطوالي خماها و جابا ليك معاه سايقا من يدها و داخل بيها الصالة و مشى على الابريكس طردا ليك طردت الكلب الأكل الدريش قومي من هنا قمقم عصبك إن شاء الله و ختا ليك مرتوالحقيقية بي حا لتا ديل في الكوشة حتين يادوبك بعداك الحفلة بدت .

---

Post: #25 Title: Re: قالك: حاميها حراميها π Author: دفع الله ود الأصيل Date: 05-16-2019, 10:58 AM Parent: #24 من مداخلات بو صديق: Quote: سرد ممتع يا حبيب واصل بدون فواصل عن الناس ديل ، بس هم خشوم بيوت و شكلك ملم بالكتير المثير عنهم مما إذا دل على شيءٍ فإنما يدل على في نفس يعقو ب حاجة يريد قضاءها. *****(((+++)))***** . (23) و ما اكثر خشوم بيوتهم يا حبيبنا بو صديق و أنت من الحرس القديم ومن قدماى المحاربين معنا في الكار. و و الله إن وجودنا بين ظهرانيكم لهو الأمتع و لا أبدع. وينك بو صديق ي صاحب. مشينا نتاوق لك عند ناس خالتو(بت الكاسح) صنقرنا لامن نعسنا، ما جيت مارق هببتنا.أوعة تكون حتك فاكرنا برضو بتاعين تولب؟!

---

Post: #26 Title: Re: قالك: حاميها حراميها π Author: دفع الله ود الأصيل Date: 05-20-2019, 11:11 AM Parent: #25 گتب صديق خضر الجعلي: Quote: الكتابة و السرد و الإقناع موهبة...و القبول نعمة من الله و صاحبي Wad Al-Haishan Attalata Danilيتمتع بالموهبة و انعمه بنعمة القبول فصار منتوجه الأدبي عطرا من الكلمات و رحيقا من المفردات و شهدا من النصوص صاحبي المبدع يستحلب اضرعة الفكرة فيهبنا لبنا معرفيا لذة للشاربين. ..... يمتلك سحرا بيانيا يجعلك تنقاد مندهشا نحو بساتين نصوصه و التجول بحرية و متعة ما بين خمايلها و جداولها و ازهارها و عصافيرها ... ينقلك بسلاسة من قمة إلى قمة بدون ان تتعرض لرياح ضغط جوي ... وقفت هنا الكلمات فقد شعرت بتقازمها أمام هذا السمو الابداعي تحياتي و احتراماتي كن بخير دوما يا صاحب (((24))) © ® صديقي الصدوق اللدود الودود /صديق حضر الجعلي، و الله لو لا أخشى مظنة التطاول والزندقة، لقلت إنك بذا ، لگأنما ترتقي مرتقاً صعباً و وتعتلي بي عقبة كؤوداً وأنا لا أعودو كوني رويعي للغنم على قراريطَ لان ضيعتي النائية في أم صفقن عوراض ، لتضعني منك بما يشبه منزلة (موسى) بين غلامه ابن يوشع و صاحبه {الخضر} . هذا ، و لله و لأولي العزم من أنبيائه و الصالحين من عباده المثل العليا.

---

Post: #27 Title: Re: قالك: حاميها حراميها π Author: دفع الله ود الأصيل Date: 05-22-2019, 11:30 AM Parent: #26 مشاكسات عدولي و عظمة: Quote: --------------------------------- Abdelazim علي فكرة يا عدولي انت واحد حلزون ساي - عادل القاسم : شكرن.....عمومن بترجع ليك لو نبزة ............. . (25) على فكرة ي عضولي أول مرة أكتشف إنك زول موش حلزوني و بس ، كمان طيبان شديد .. وعلى نياتك بصحيح. يعني معقولة بس ماك ناقشاً ، أكان نبزة و لا شكرة؟! ياخ و الله ذكرتني الفلاتية ديك ، الفي يوم همزوها و لا جابت خبر و لامن وهطت طشتا بي فول حاجَّاتو تياليهو و تورموسو تاااب في الواطة سمح ؛ حتين بعداك شافت لها دبارة نطة بي مزاج.

---

Post: #28 Title: Re: قالك: يا ما تحت السوهي دواهي π Author: دفع الله ود الأصيل Date: 05-30-2019, 10:58 AM Parent: #27 (26) يا ما تحت السواهي دواهي تعرف ي بو صديق صاحبك عظمة دا عندو بوست بعنوان (مطمورة غلاط) ، غايتو منطبق عليهو الكمدة بالرمدة. ياخي دا عادي مسعتد يغالتك في موخرجات حومارك الوتني ظاطو. هسي مارقني (بتاع تولب رغم أنفي) علا كدي ن جاي، أها ذكرتني بموناسبة المخرجات دي الدراما الجياك دي أنا سخشياً برئ منها براءة المرفعين . ولاني حاضراً و لاني شاهد عيان على فصولا بس بحكيها ليك بي ضوبانتا زي ما سمعتها من خشم سيدا ، زميلي عندهم مغلق ملحق بمنزلهم في بحري الدريشاب تحت إدارة أخوه. و الأيامات ديك كانت أزمة أسمنت طاحنة ، على نطاق البلد و بالظاط العاصمة المتلتة

---

Post: #29 Title: Re: قالك: يا ما تحت السوهي دواهي π Author: دفع الله ود الأصيل Date: 05-30-2019, 11:04 AM Parent: #28 (27) ايا ما تحت السواهي دواهي فيوم جاهم ليك واحد ملتحي مدلدل اللحية لي عن صُرتو. علا لاكين بس لزومالتمويه ، إذ يبدو عليه الورع و ا لوقارحتى فلقة الصلاة ، و هيبة رجالات (البَّر و التَّقَوِّي) و شتانطبعن، ما بين ذاك و بين الْبَر و التَّقْوَى .فقدم نفسو لأخونا ا لطيبان دا على أنه مقاول في مشاريع ( لا حضارية) (عملاقة)؛و إنو موصفين ليه المغلق دا بالذات ليجد فيه ضالته منكميات مهولة من الأسمنت لقيام مشاريعه. فتم استقباله بحفاوة تليق بثقل جيوبه.و تم الاتفاق على شحنة كم قوندراني أرسلوها من هناك لتحميل منمخازن الضحية في بحري. بينما جلس هو يحتسي القهوةالبيتي والشايالكرك (صاموتي) أثناء طق الحنك مع صاحبنا المستهدف.و كل شويتين يتحسس وجود حقيبته الملقاة بجواره كالقطة السمينة. إلى أن تلقوالخبر بأن الشاحنات قدحمَّلت و هي على أهبة التحرك مشتتة

---

Post: #30 Title: Re: قالك: يا ما تحت السوهي دواهي π Author: دفع الله ود الأصيل Date: 05-30-2019, 11:10 AM Parent: #29 ……(28)……. يا ما تحت السواهي دواهي هنا، و قبل أ ن يستأذن مولانا الملتحيبدفع الحساب ، ثم الانصراف. طلب من ضحيتنا الغشسيم و على نياته أن يدله على مكان الحمام لقضاء بعض (مقاضيه الطبيعية) و بالمرة يتوضأ لصلاة الظهر و قد أزف وقتها ورفع أذانها فأرسلو معه طفلاً إلىحمامهم العائلي بالداخل. تراكاً حقيبته على كاونتر المغلق ؛ لزوم تطمينهمعلى أن البساط قد بات أحمدياً. يلا و فضلومستننِّنُّو ليك قريب العصر، الزول دا ما جاء مقلع.مو معروف ترا كان قاعديغسل لو في أم فتفت على رأي عمنا أبوداوود و لا ماني عارف.. لحدت ما بدو يقلقو عليه:ما تكون جاتو سكتة قلبية و لانصيبة زمان تاخدو.علا بس المطمن، فعلن إنو شنطتو و فيها الجمل بما حملموجودة بحوزتهم. فمشى أخونا بنفسه يتحسس عن ضيفه و يتشمشم الخبر .فإذا المفوفاجأة البكية الموضحكة ، إنو لقى الحمام مسدود لإحكامٍ شديدٍ؛و لكنو مهدوم بي ورا و الرااجل إتلحسشتت. قالو دا مجنون دايخلي حقيبتو متروسة ضحاكات و يهرب. رجعوفتحوهاعلا لقو في (ضوبتين بلوك)موهطات في قعراًو مغتيات بي خيشة. أتاريهم من لاصباح( كانو ماسكين ضنب التور ساي)« توقيع ود الحيشان التلاتة »» «« قف.. تأمل !!!»» ¶ هل شَاهَدْتُمْ يَوْمَاً كَلْبَاً يلهث عَضَّ يَدَاً تَرْعَاهْ؟ ¶ أَمْ هَلْ قابلتُمْ يوما ذِئْبَاً فِي الْبَرِّيَّةِ أَكَلَ أَخَاهْ؟ ¶ لَا، بَلْ هَلْ عِاشِرْتُمْ فِيلَاً يَكْذِب، ينهب، يَسْرِقُ, ¶ يَزْنِي ، يَشْهَدُ زُوْرَاً ، يُنْكِرُ حَقَّاً، يُفْشِي سِرَّاً، ¶ يَمْشِيْ مَغْرُوْرَاً بَيْنَ يَدَيْ مَوْلَاهْ؟!.. فَهَذَا ¶ لَعَمْرِيْ أَقْرَبُ مَا يَنْطَبِقُ عَلَىْ مَأْسَاةِ ¶ {مشروع اخْتِطَافِ بَلَدٍ بِحَالِهَا) ¶ .. ثُمَّ مَاذَا بَعْدُ؟!!!!! ¶ ود الحيشان التلاتة. من مواضيع ود الحيشان التلاتة مؤذن مغمور في جزيرة مالطة ،،،

---

Post: #31 Title: Re: قالك: يا ما تحت السوهي دواهي π Author: دفع الله ود الأصيل Date: 07-01-2019, 09:19 AM Parent: #30 (29) # على فكرة ي عضولي أول مرة أكتشف إنك زولموش حلزوني و بس ، كمان طيبان شديد وعلى نياتك بصحيح. يعني معقولة زمانك لامن عظمة قالك حلزوني ماكناقشاً ، أكان نبزة و لا شكرة؟! ياخ و الله ذكرتني الفلاتية ديك، اللي يوم همزوها و لا جابت خبر و لامن وهطت طشتا بي فول حاجَّاتو تيسليهو و تورموسو تاااب في الواطة سمح ؛حتين بعداك شافت لها دبارة نطة بي مزاج. .............. Quote: هي اكيد بتكون نبزة وانا ماحا ارد عليهو عشان تتكتب ليهو سيئة.. * اسمع أوقل ليك حاجة، ياخ ذكرتني بالحرامي الزراني في حوش بيتنا... ههههههههههه - و تقبل تحياتي، أخوك المساكس دومن و أبدن/ عادل القاسم - مشاكس في عينك ياخي ، أففو يا عضولي ، يعني بعلت ا لنبزة و الله بردو تريقة، علا تحينمو تكنو فيها ريحة غتاتةأهلنا الرابطاب الطيبين ديلك.؟!و لا أقولك،أحسن ، على رأي عمنا الطيب صالح:"البتفولحلك أتبوهملو" بالنسبة للحرامي الزراك في عقر دارك العامرةبس أوعة تكون كونتا بتراقبفي الموقف عن كثب من تحت رقراق قد (البطانية البشرية) و بعدما خلاس جهبز بوقجتو و داير يخمها متخارج قتلو: أها النقوم أشيلك؟!. قال إيه؟! خايف عليه من الغضاريف. ي عيني على الحنية!غايتو تراهو في عالم (سِلْمِية) و قلوبا رهيفة بشكل؟!!……………….

---

Post: #32 Title: Re: قالك: يا ما تحت السوهي دواهي π Author: دفع الله ود الأصيل Date: 07-11-2019, 09:13 AM Parent: #31 Quote: (29) بتتذكرو الحرامي الكبو ليهو الشطة.... حصل ليهو شنو .....؟؟؟؟ مشاكسة كتبت بواسطة عادل القاسم . (30) بلحيل والله ي عدولي عجبوني أولاد الأهالي عجبوني بلحيل و سروا بالي ديل طول الليل واقفين سواري شَلَّتو زول (تُلُّب) بالضفاري وقام جدعوه في الدفااري ****** عجبوني أولادنا الفرسان ملصوا البدل والقمصان و كبولو الشطة بال(الجركان) من نخرينو و لا المصران عجبوني الليلة جوا الحرسو البلد مجَّدوه ****** الجنيات يا بغارية ضرب الزاقر فى (البقالة) مرقولو أولاد السرارة المركز جاب الإشارة ما شالونا بى الطيارة ولا بياكلونا بالحقارة ****** عجبونى أولاد السرور الخووا لك متل الصقور و الفاروا متل القدور ترسوا البحر بالسدور ما شالونا بى البابور و لا بخوفونا بي (الجقور) ****** أنحنا فوق عزنا قبايل ما بتهزنا الليلة هوي يا جنى إسمو الخير ضوَّنا ود الأرباب يا جنا ----------------- [} و دي كمان مناحة مجازفنها كطع أخدر لكي تليق ( بالموغف) و حال البلدالراهن: عجبوني أوباش الحمدان ترسو البحر جثة فوق جثمان لكن بهناك ملصو البدل و القمصان و كبــو الجرســـة في ( نجـــران) الكرواك في العدارة.. مرقو أخوان السرارة المركز جاب الإشارة.. ما خمونا بي الدفارة عجبوني أولاد السرور . الفرو متل الصقور و الفارو متل البحور .. و ما خمونا بالبابور

---

Post: #33 Title: Re: قالك: يا ما تحت السوهي دواهي π Author: دفع الله ود الأصيل Date: 07-21-2019, 05:41 AM Parent: #32 Quote: االليلة يا ود الحيشان اكتشفت فيك موهبة جديدة وهي انك نطاط (؛حيطان) كدي عان لي جاي اللخو ،تكون كــوز بتغرف الكمشة يا دفع الله ، و نحنا ما جايبين خبر Abdelazim (((31))) @ ي بيه أنا بريء و الله. دا هما البينطو و أنا عمال أرابقبهم من بعيد بس يعني مومكن تعتبرني لا مؤاخذة كدا ، مراقب استراتيجي؛ و ي دار ما دخلك شر.. ي عظمة ياخ إنتا ح تلبس لي توهمة بالعافية و خلاس يعني و لا إيه. ياخ لي كدي عاد أحسن لينا تولب عدييل. بالكتير ديل بيخمو بالبوقجة و بس , و يتخارجو. ¶ بعدبن فيهم لصوص ظريفين زي أرثين لوببن. و ناس طه الضرير و الطيب ود ضحوبة كانو ببهملتو من الغني ليطعم الفقبر . يع ني نفس نظام ( لو عندك خُت ، و لو ما عندكط شيل ) النلي نحنا شغلين بو هنا. ¶ و واحدين كمان عندهم ضمير. ياخ ماسمعت بواحد بوم تلب بشباك المتبخ ؛ و بعدما دنكل الأمور و ظبط البوقجة و بقى متخارج؛ و سيد البيت مرعة لابد تحت العنقريب و بعاينلو سااي بي رقرلق قد الملاية قالو : أها أقوم أشيلك؟! ي عيني على الحنية ، شفقان عليه من الغضاريف. ¶ بس الشاهد ، الحرامي و و هو متخارج ، لقالو كسرة خبزاية قرقوش رغيفة يابسة كو مجدوعة قام غمسا ليك في بودرة بيضا كدا قام ضاقا لقا طعما ملح . فطوالي رماها و فك البوقجة فضاها و مرق بخفي حنين قالك إليه؟! الود صميرو عذبو و قال لنفسو: أصلو ما مومكن يسرقلو ناس بقى بينو و بيناتم عيش و ملح. ¶ أها شايف كيف ، برضو تتهمني بالكوزنة، موش حرام عليك بالله معفن؟!

---

Post: #34 Title: Re: قالك: يا ما تحت السوهي دواهي π Author: دفع الله ود الأصيل Date: 09-05-2019, 11:31 AM Parent: #33 (32) Quote: مشاكسة امن طرف ABDELAZIM يازل قوم لف ، ما في واحد براقب مجانن أخوك لله في للله / ABDELAZIM يعني موصر على التوهمة ي عبدو؟!وشغال معانا تحوك فيها لامن تجيب الدم ؟!! سمح اصبر بلاقيك يوم في فرقة و بلحسك المرقة. يا غلباوي ، عامل لي راسك دا ا لمقودس متل سرج العجلة Quote: مرقتك ذااااااتا مي طاعمة أخوك لله في للله / ABDELAZIM طيب، ح نرميلا مكعب ماجي مع حجر كاتولة(جردقة) ولا نعشقا ليك بشوية تورتار(أم بقبق؟!) و لا أرخص حاجة نطعما ليك بي أصابعين جداد من سوق صابرين الربطة بجنيه. # ياخ و الله ضحكتني بي صراصيرك البتقامزن عرايا ديل متل جنا الصارقيل. علا قبال أنسى ذكرتنيمرة عمن لينا في الحلة مرة جاهو بتاع تولب.. هبش البقرات قامن يجعرن .أها زولنا صحا و ختف عوكاز و و قام ساكيليك الحرامي .. و داك أوهمو بأنو خايف منو قام قدامو داير يستدرجو لا برة. يلا لامن خلاس مرقو أبعدو من ردة من الحلة و كتين شافو ليك متوحد براهو جا مقبل ليك عليهو. زولنا انبهط طوالي، يلا جر واطي وعكس خط سيرو 180 درجة بقى جاري منو قاللو: بسم الله، العب مجنون و لا شنو؟! -----------… # عمومن ، معليش ي عظمة لك العتبى حتى ترضى ما قدرنا نرد عليكم لحد ما رجعنا للملح . بقينا متل ود التهامي ي حليل أيامو . اها طريتني بماسبة الملحوتي؛ عارف أهلنا ديل مرات كدي أكبر مستنكحين. أها ذات مرة عمن لينا مشالو متبخ يتغدى في السوق طلبلو صحن جقاقل و قعدو برة متفن في الواطة ساه؛ حاهو الجسون قاللو : قوم يا حاج على الكراسي جوة ؛ عمك عاينلو كدي و قاللو ، لا يا ولدي الحلة واحدة ، و قلتا يبقى يجوكن ضيوف شغل تحانيس ، حركات بسعشان يعقوه من حق الطلب # أها تحين قوت لي ديل (موزات) ميهن شنو؟! بعدين ياخ قلنا صارقيل البصيدوبو الحوت موش صراصير.. نعمنَّك مدعي الحنكشة و خاتيها .علا برضك يعني متابع آجنا. كويس، جبت لينا (موز) باقي الأيامات دي سوق اسهمو حار جد.و عامل شغل عاجبن ي بلحيل و ساري بالي. يلا ،خلي أولاد بمبة المعفنين يموتو يغيظهم؛ و يشبعو بي برتگانم المسقي بمياهالبواليع دا ؛ لامن قايمالو (صرة). قال أم الدنيا قال.يخس عليهم ، زمان كانو عاملين كرگاتير معفن فيه أبو كبير ( ... ) زالقاه قشرة موزة؛ و مِدَّرْدِقَابُو جوة مياه الخليج.

---

Post: #35 Title: ® مستنگحون حملان في الحيشان برتبة فرسان 😂😂😂 في الميدان π Author: دفع الله ود الأصيل Date: 09-25-2019, 08:57 AM Parent: #34 (33) ® مستنگحون حملان في الحيشان برتبة فرسان 😂😂😂 في الميدان و كمنا تخريمة ببوست مرتن تانية راجيعنبو إلى كار تولب و ا لعرجا قالو لمراحا) @ إن ضيق ذات اليد والحوجة الماسة للمال لمجابهة ضروريات الحياة و متطلباتها شبهالمعدومة كانت سبباً فى خلق وتفشي شريحة واسعة النطاق المستنكحين الدخيلة على بلادى.. هذه الشريحة من ناس ( تولوب) لهم الكثير من النوادر و القصص والحكايات.. وأكثرها مثير للضحك و البكاء معا.. إنهم يتمتعون بذكاءٍ خارقٍ وحنكة ٍنا درةٍ.. يعرفون المخارج من المواقف من أضيق الشقوق و بأقل الخصائر الممكنة ، و اللاممكنة.. يحكي هذا الشاب،: اهاااااا مشيت لزيارة فردتى ورفيق صباى متوكل.. وصلت البيت.. دقيت الجرس والباب.. لم يفتح الباب إلا بعد التأكد تمااااما مِن مَن هو الطارق.. فتحت الباب شقيقتة بعد كم سؤال تحقيقى.. وبعد التأكد الجازم من شخصى الضعيف.. فتحت الباب سلمت و دخلت الصالون لقيت متوكل فردتى فى حالة توتر و كدر شديد و قبفغ يقرف الليمون سلام يا حبوب..مالك معفوس كدا.. قال اسكت يا رستا بس ، يوسف اخوى الحومار دا متورط فى شيك برقم فلكي وعاملليبتون ليه اسبوعين.. ناس المباحث كرهونا البيت والحلة.. ممممممممممم لا حولاااااااا شيك بكم.. قال 250 مليون.. والموجود من المبلغ 150 مليون..يعنى العجز 100 مليون.. قلت ليه طيب والحل؟.. قال عنده ود عمتو حا يجى بعد شوية وقال عنده فكرة.. قلت ليه يا زول هوى فكرة شنو؟.. ود عمتك ده حنفولى وعنده شرتيت(قروش) بحل الموضوع؟.. الشيكات دى بحلوها بالدفع بس.. الحنك مااااا بقسم فى هكذا امور.. المهم ونحن بنتكلم وصل ولد عمتة.. زول شكلو مفتح ومقرم والدنيا واقعة ليه.. هو عارف الموضوع.. بدأ الكلام بالراحة وثقة.. قال يا جماعة الموضوع بسيط.. انا اتصلت على زول حا يحل الموضوع ده حا نمشى ليه الآن نتفاهم معاه.. تمام.. كيف حا يحل الموضوع ؟.. قال ما عليكم خلونا نتحرك مانضيع زمن انا مواعد الزول هسي. ود ال ح ي ش ا ن ال ت لا ت ة

---

Post: #36 Title: Re: ® مستنگحون حملان في الحيشان برتبة فرسان � Author: دفع الله ود الأصيل Date: 09-25-2019, 09:33 AM Parent: #35 (34) ركبنا العربية وتحركنا على بيت اعظم مستنكح فى العالم..عمك بدر نعم اسمو بدر وصلنا البيت.. اتصل ولد عمة متوكل.. فتح الباب عمك بدر التمام شخصياً، و تمت الناقصة؛ رجل فى بداية الخمسين من العمر.. وجهو صبوح و منوِّر و شكلو ومقنع..هادئ و رزين . دخلنا البيت مرتب خالسس جابولينا الشاى المدنكل عاد كبابيه يطاقشن. و طوالي سألنا عن خبرنا حكو ليه القصة بي ضبانتا من طق طق للسلام عليكم و زنقة الشيك..قالو يوسف متعود على حركة الشيكات دى.. بشيل بضاعة وبكسر فى السوق وشغال بفهم طاقية ده فى رأس ده.. لكن لو اتخارج من الورطةدى تانى تووووووبة ما بعمل الحركة البيش بتاعة الشيكات.. # عمك بدر سالنا: إنتو حيلتكم كم؟!.. قالو 150 مليون ناقصين 100 مليون من مبلغ الشيك. قال لا لا اموركم طيبة..اول حاجة ادونى 5 مليون سريع عشان اجهز ادوات النصب... ادوات النصب دى شنو ��؟.. ضحك قال جلابية سكروتة وعمة و شال توتل اصلى و مركوب نمر كطع جنينة واجار عربية برادو يومين.. وادونى اسمصاحبالشيك ورقم تلفونة الآن.. و خشمكم عندمكم. شال الرقم من متوكل وطوااااالى اتصل.. الووووو ياـــ هلاو يا مرحبا .. السلام عليكم يا ابنى العزيز ، ياخ معاك خال يوسف بكلمك من بورسودان.. في الحقيقة انا بتكلم بخصوص الشيك وعايز احل المشكلة دى وارجع ليك حقك... يوسف ده ود عاق و تافة ومنحط.. مارضنا معاهو رافع كثافة امو أختي المسكينة . الله لا يطرح فيه بركة.. ياخ غايتو عمك نزل في يوسف دا شلفو ليك شليفة الاراذل ؛ ختا ليهو مع الكلب الأكل الدريش . وحدد مواعيد من صاحب الشيك.. قال ليه بعد خمسة ايام يعنى يوم الاثنين الجاى بجيك شاي المغرب دا يا معاك بغدي يا معانا بي جاي و بي موية صحة و معاو كيكا . و آخد وصف البيت..مع السلامة يا ابنى... يلا قفل الخط على كدا صراحة انا لقيت روحى قدام ممثل خطيييير شديد . غايتو تنفسنا الصُّعَداء ا بعد المكالمة. عمك بدر قال سيد الشيك كفاية ندية 140 مليون.. انا بطبق منهن 10 بواكي على جيبي من الجاهزة.. وانتو بعد نخلص تدونى الساهلة ههههههه ياخ لا حولااااااا !!بالله هو بشر فى كدا... وقال كلام خطير جدا.. يوم المواعيد كلنا نجى معاه ومعانا يوسف زااااااتو... تكلمو يوسف أثناء جلسة الاستنكاح دى احتمال ياخد ليه كف صاموتى من عمك بدر و يسمع ليه كم كلمة فارغة... وخشمو دا عندو... ياااااا عمك الناس ديل عندهم امر قبض يعنى من محلهم داك ممكن يستلمو الزول وعلى الرج عدل... بثقة شديدة قال لا لا لا ما تلاوزوأنا مسؤول وبضمن ليكم زولكم يرجع معاكم تب و يبت جبن كرعين عااااادى جدن. يتبــــــــــــــع بغذن الله

---

Post: #37 Title: Re: ® مستنگحون حملان في الحيشان برتبة فرسان � Author: محمد عبد الله الحسين Date: 09-25-2019, 01:46 PM Parent: #36 ود الأصيل ازيك... انا خشيت في الاخر متابع قصة الشيك بشدة عاد يوسف الله يمرقوا.

---

Post: #38 Title: Re: ® مستنگحون حملان في الحيشان برتبة فرسان � Author: دفع الله ود الأصيل Date: 09-26-2019, 10:02 AM Parent: #37 ممتن لللنخاع لأنيق حضروك هنا أستاذي المُبجل ود ا لحسين ، بعد طول غيابٍ. (((35))) بس أرجوك تسمح قبل الخوض في درامة الشيك بتخريمة سريعة: @ و شكراً جميلاً لتوقف موكبك بساحة مولدنا سعادة الدكتور/ محمد عبد الحسين و على طاري اصحاب الخيال الخصب و براءات الاختراعات في كار الهمبتة نريد منهم فقط التحلي بضمير المهنة و شوية معايير أخلاقية و لو لمجرد ذر الرماد في عيون الغلابة بأن يراعوا ظروف ضحاياهم .. و ذات مرة حدثني سائق تاكسي عراقي عن خاله الذي كان يمتهن السطو على البيوت في غياب أهلها ولكنه يمارسها بشرف و مروءة عالية كما كان يفعل اللص الظريف(أريثن لوبين) فذات ليلة ظلماء اقتحم اللص بيتاً لسرقتهمتسللاً من نافذة المطبخ و وقع نظره في العتمة على كيس يحوي مادة بيضاء ظنهاسكراً و بجانبه كسرة خبزٍ فلما غمسها فيه و ذاقها وجدها مالحة، ليغادر الهدف من فوره دون أن يمسه بسوءٍ لمجرد شعوره بأن بينه و بين أهل الدار نشأت خوة " عيش و ملح " كفيلة بأن حرمت عليه خراب بيتهم. *** # و عندما ترك أستاذ جامعي سويدي حقيبته دون رقابة و بها لابتوب ليُسرق، الأمر الذي أحزنه بشدة لما يحوي من أبحاثه العلمية لسنين،لكنه فوجئ بأن اللص أرسل إليه فلاش ميموري يحتوي على الأبحاث و المحاضرات المفقودة!! *** و أحداث قصة أخرى جرت بألمانيا عندما اقتحم لص بيتا من أجل سرقته، ليجد بداخلة جليسة أطفال أرغمها على السكوت مستخدما سلاحه،لكنه انسحبمن فوره على إثر رؤيته طفلين هناك يعرضان عليه مصروف جيبهما حتي لايؤذيهما، الأمر الذي أخجله من نفسة وكان رادعاًله دون ارتكاب ما كان ينوي عليه. *** # و في سوق مولدنا النبوي الشريف وقف الجمهور مشدوهاً و هم يبحلقون في وجوه بعضهم بعضاً..لعلهم يمسكون بتلابيب لص كان سرق أحلامهم البريئة!! *** و كذا ، بينما كان مجنون يوقف من بين المارة كل فتاة طالباً منها قبلة الحياة. و كأنه لا يخشى في ذلك لومة لائكٍ لإدراكه بوعيه الباطن ألا حياة أصلاً لمن يُناغم!! *** # ثمَّ، بتفاؤل متناهٍ ينجح سائق الحافلة الضرير في شق طريقه عبر نفق مظلم، بينما يفسح له شيخ كسيح و قد علا صراخ ركابه من الصم و البكم ..أمام دهشة و تصفيق المارة و هم فاقدون تماماً لأكفهم و قد بُتّرت أذرعهم و أيديهم إلى المرافق . و جاييك قريب و ما تبتعد ، راجع نكمل غلوتية شيك يوسف مع خالص مودتي / ود ال ح ي ش ا ن ال ت لا ت ة

---

Post: #39 Title: Re: ® مستنگحون حملان في الحيشان برتبة فرسان � Author: دفع الله ود الأصيل Date: 09-26-2019, 11:13 AM Parent: #38 (36) المهم يوم ساعة الصفرفي الموعد ترا زي أستاذي مود الحسين دا عايز احضر باقى الحنك ده.. الساعة اربعة عصرجانا عمك بدر فى بيت فردتى و استلم الكاشو قام قرم منه 10 مليون بالجمبة يعنى المبلغ بقى 140 مليون... بسم الله ما شاء الله.. مهندم تب لابس طقمة جلابية مي ياه السكروتة الما خمج ، عليها عمة توتكل مطرز و مكروبة بعناية و شال مشغول بالاسود وعصاية ابنوس..و مرتب الدقن والشنب.. ومتعطر.. شكل مهيب لرجل رهيب عمك عب كبر لكنساي البلد ضيقة (نظام: الناس مغامات ، و كدي) و عمك منجعص في البرادو.. وفى الجيب علبة سجايرمالريبورو أحمر كبيرة وولاعة ماركة.. انا كنت قايلو نبى الله الخِدِر بصراحة. شفت الرجل لمَّن شعرة جلدى كلبت ��.. # ركبنا معاه الثلاثاء انا و متوكل صاحبى و يوسف اخوه صاحب الدراما.. و بقينا مارقين. كل الطريق عمك بدر يحفظ فينا.. ما عايز واحد فيكم يضحك... لو انا بتكلم أوعكم ما فى زول يقاطعنى.. البقول بغم ظنبو على جنبو بحشر فيه كف يااااا يوسف تقعد خشمك عندك.. حا انبزك وأديك كضفَّيْن صاموطي ،تاكلن في الباد ععادى و تسكن..الشغل ده بفوت ليك 100 مليون اتزكر نضمى ده سمح..يوسف برد.. حاضر مافى مشكلة.. فجأة عمك طلع التلفون وقال هوووووس.. سكتنا.. اتصلعلى صاحب الشيك.. مرحب يا ابنى انا قربت..يمين شمال قدام شوية...ايوة ،البيت الجمبو شدرة النيم.. واقفة تحتها كلك... بس وصلنا.. يالطيف.. تلطُف بعبدك الضعيف. يتبع بمشيئة الله ، إن كان للعمر بقيةٌ ، ، ، مودنتنا/ ودال ح ي ش ا ن ال تلا ت ة

---

Post: #40 Title: Re: ® مستنگحون حملان في الحيشان برتبة فرسان � Author: دفع الله ود الأصيل Date: 09-27-2019, 10:39 PM Parent: #39 مستنگحون حملان في الحيشان برتبة فرسان � (Re: دفع الله ود الأصيل) (37) فتح لينا الباب سيد الشيك زااااااتو اول حاجة عاين لى يوسف عين ماااااا ريحتنى.. وسلم علينا سلام كويس لكن سلم على يوسف سلام ما لذيذ . دخلنا لقينا معاه نفرين وقفو لينا على حيلم وسلمو علينا سلام اولاد بلد.. قعدنا... اول عشرة دقايق كلام بيش سلامات وبسمات.. و سيد الشيك كلما يعاين ليوسف يقرب ينط ليه فى رقبتو.. اهااااااا هنا عمك بدر بدأ يتكلم وصن المكان إلا من لعلعة صوته الجهوري... كان بتكلم بثقة رهيبة... قال لى صاحب الشيك شوف ياااا ابنى موضوع شيكك ده انا ما طرف فيه وعلى طلاااااقن بالتلاتة أكان ما ام الولد شقيقتي الويحيدة والله و صاحبة عيا ين مزمن دغت على سكري أنا ده كنت دخلتو السجن قبلك.. و لا كنت مبطل البزينيس بتاعي في مدينة الثغر الباسم و جيبتكم ا # بس انا ما هانت على اختى المرأة الكبيرة صاحبة المرضو بكل صراحة الولد ده هو السبب فى عياها(طبعا المقصود بالولد هنا يوسف)..ده ولد طايش عاق و قلبل أدب..ما ملتزم.. لا خلقة لا اخلاق. دايما مورطنا ومصغرنا.. و نحن ناس سمعتنا ذى الدهب.. و على كل حال يا ابنى انا جيت من بورسودان مخصوص للموضوع ده.. خليت اشغالى وعيالى فى قفاى.. والنصيحة المبلغ كبير.. فجأة سكت عمك بدر..كان برتب فى كيفية الولوج فى صُلب الحنك الصاح.. و المكان تممم و لا حركة.. وحدر ليوسف.. ونهرو نهرة اهتز لها المكان و قال ليه عاجبك الموقف الختيتنى فيه ده ياااا كلب..و قام علية...طاااخ.. صرف ليه قلم أصلى كيف. لما الجماعة بما فيهم صاحب الشيك زااااتو وقفو على حيلهم مسكو عمك.. وعمك مصر يديهكف تانى و الجماعة لا يا حاج..خلاص اهدأ اهدأ... و الحاج يشيل و.يناهف..قعدوه يا الله بعد تعب..حتين قعد بعد مساااااافة.. و قال احححححح استغفر الله...تاتي جاتو هاشمية و قومة نفس.. داير نتني يمعرو كف لا من هجرناه يا الله.

---

Post: #41 Title: Re: ® مستنگحون حملان في الحيشان برتبة فرسان � Author: دفع الله ود الأصيل Date: 09-29-2019, 07:19 AM Parent: #40 (38) # طيب يا جماعة نواصل نضمبنا عشان نقف ل الملف دا الصراحة الولد ده ما عندو التكتح... واهلو ناس عدمانين..انا جيتكم وجبت الولد ده معا... وجبت قدرتى القدرت عليها ... وهنا يتحسس الكيس ..وغيرهاما عندى حررررررم.. وانتو اصحاب حق القال حقى غلب.. وانتو العايزنو سوه زول بلومكممافى..لكن كان دخل السجن زولن بسأل منو مافى.. و قالو المال تلتو ولااااا كتلتو ؛فدحين انا كل حيلتى.. و سكت تانى وسحب الكيس وقعد يعد.. وهنا صاحب الشيك والشباب المعاه ركزوا مع عمك شديد. لامنوصل 140 مليون..قال والله بسيطة لكن دى قدرتنا بليلة مباشر و الرأى ليكم... # ورجع فى الكرسى للخلف وقال انا نضمى كمل... صاحب الشيك قال بسيطة ياحاج لكن دقيقة... دخل جوه بعد خمسة دقائق رجع وسوس الجماعة المعاه دخلو الثلاثة جوه البيت تانى... غابوا عشرة دقائق... انا قلت ايواااااا بكونو ضربو لجماعة البوليس والموضوع مستحمى.. وحات الحلف رجعو ومعاهم الشيك وأ مر القبض سلموهم لعمك بدر.. واتفقو بكره يتقابلو فى القسم الاوسط عند وكيل النيابة ينهو الموضوع... والحمدلله الحمدلله الحمدلله بارك الله فيكم... مشكورين... والله انتو رجال اولاد قبايل... ده طبعا حنك عمك بدر... اها عندكم رقم التلفون لو عندكم اى حاجة فى بورسودان امركم مقضى تب... يلا السلام عليكم... ادونا خاطركم .. اقعد يا حاج... ما بقدر ما شين لى أم الحيوان ده فى مستشفى الزيتونة... هههههههههههههه هو صاحبى اساسا والدتة توفت قبل خمسطاشر سنة عليها رحمة الله... ركبنا العربية كاضمين كلنا... بعد شارعين كلنا فى وقت واحد فقعنا الضحكة... عمك طلع علبة البينسون جدعها لينا فى الطبلون قال أنا زااااااتى ما بدخن... وطلع الحقة ذى علبت الاورنيش دنكل سفة ذى السفة وقال هوى انا بنزلكم السوق العربى اركبو ليكم امجاد... انا عندى شغلة تانية بباقى الليل ده... ويااااااااا يوسف بالله الكف كيف؟ ههههه ههههههه.. آمنت بالله ... معقول عليك الله وصلنا لحدي المرحلة دى.

---

Post: #42 Title: Re: ® مستنگحون حملان في الحيشان برتبة فرسان � Author: محمد عبد الله الحسين Date: 09-29-2019, 07:25 AM Parent: #41 و الله يا ابو الدفاع قصة بديعة و الحكي طااعم و تصوير عمك بدر منتهى الروعة و الإبداع... شغل سمسارة و مستنكحين صاح.. و حتى التعبيرات مناسبة للموقف تمام ...و اللغة التأثيرية..و .. حد الروعة يا جميل...

---

Post: #43 Title: Re: ® مستنگحون حملان في الحيشان برتبة فرسان � Author: دفع الله ود الأصيل Date: 10-27-2019, 09:10 PM Parent: #42 ♤ معليش و آسف جدن أستاذي ود الحسين لك مني العتبى حتى تستغيث بعين رضًى كليلةٍ؛ ما لاحظت مداخلتك الرائعة لنردها عليك و لو غيضاً من فيوض جمائلك علينا. لحدما هدا رجعنا هسي. ♤ علا برضك لو متابع معانا كويس، ح نلقي نظرة على ظاهرة القلع و السرقة العابرة للحدود لمنتجاتنا زي بصلنا الواحد دا باقي الأيامات دي سوق اسهم بورصتو (حار ) شديد؛ و السر طبعن كامن تهريبو للحبشة بسورجو من عصيرو كرستال مريسة نسيت اسما لكن قلنالم ياخ: طبعن دي الظاهر قبال تَسكِّر الزول ترقدو ليك رز و تمشيه سبعة تمانية فوق العجين لامن يكوجنو ؛ برضو بتسيِّل دموعو لامن يغرقنو في خور ابو عنجة. ♤ برضهم أولاد بمبة بغادي قالك: لامين في بلحنا شيء بركاوي على كولما على قنديلة على بت تمودة عاملين بيه شغل بزينيس عدييل و فاقع مرارتي بلحيل . يجيبو شوالاتم يستفوها من أهالينا السكوت و المحس و يمشو يمرِّكو عليها بلح (سكوتي) مصري شفت ليك بالله عليك جنس بقجاحة و قوة عين اصلة وين؟!! ♤ يلا، خلي سد النهضة إن شاء الله يقوم و يجفف لهم مجرى النيل؛ بس كيتن عليهم ؛ ليموتو يغيظهم ؛ و يشبعو بي برتگانم المسقي بمياه البواليع دا ؛ لامن بالله قايمالو (صرة). قال أم الدنيا قال. أيوة صحي لأنها سلمت مفاتيحها ليستبيحها فحول التتار و جُهَّال المغول من كل حَدَب و صوب. فمنو بالله الما تغشاها فحملت منه حملاً خفيفاً أو ثقيلاً ؟! . يخسي عليهم و الدود يفسي. زمان كانو عاملين لهم كرگاتير رمزي معفن فيه أنضف زعيم تىبي زالقاه قشرة موزة ؛ و مِدَّرْدِقَابُو جوة مياه الخليج ؛ لامن ممسكاه شِباك أقرب مركب صيد.

---

Post: #44 Title: شيوخٌ في جلود ذئابٌ بشرية يسرقون بريق العفاف! Author: دفع الله ود الأصيل Date: 10-28-2019, 07:11 AM Parent: #43 إنهم يتحرشون ليعبثوا بعذرية و براءة الطفولة .نقلاً عن صحيفة (ميل أون لاين) ، فقد ألقت الشرطة في (اسكوتلانديارد) القبض على مدرس خصوصي للقرآن و العلوم الشرعية (بدا آسيوي السحنة ) لضبطه متلبساً بتهمة تحرشه جنسياً بتلميذته ذات الأحد عشر خريفاً، فعلها بحضور أخويها البالغين (13 سنةً) و (سبع سنواتٍ). حيث بدأ ذاك المغامر وثباته بمد أصابع يمناه لتسترق الخطى حبواً فيدسها بين فخذي الضحية الصغيرة ، تم يتركها تتسلل صعوداً لتعبث خلسةً و (تقردن)في منطقة عازلة حساسة ما بين نهديها الطاعنين لتوهما بالكاد ك( قرنَيْ زنجبيل). و هي المسكينة ، إذ دعت الأمر يمر مرور الكرام، فلم يكن ذلك تماهياً منها أو استمراءًلحالة النشوة التي يبدو أنها فعلاً قد سرت بِلَيْلٍ في أوصال ذاك الذئبالبشري الغادر و الذي جاءهم متنكراً في جلد شيخٍ وقورٍو مربٍ جليلٍ، فعربدت بأبراج عقله ( لماً أنه يتمتع بسمعةطيبة و ينعم بثقة عمياء لكنها ليست مستحقةً و في غير محلها لدى أولياء الأمور هناك)؛ # و لكن الطفلة المراهقة إنما نظراً لفهمها القاصر، أحسنت الظن باديَ الرأي و حسبت أن ( الحك و القردنة ) في أماكنها الحساسة شديدة التوهج ، حيث ترقد أ وتار عصبها السابع قد تكون آلية مبتكرة أو وسيلة معتمدة ، لزوم ( الإحماء) الإيحائي أو التهيئة النفسية لعملية الحفظ و الفهم المتقن للقرآن الكريم و لم تكشف الأم الغافلة أمر صغيرتها إلا على هامش دردشة عفوية دارتبين ابنيها الذكور بشأن ما يشاهدونه يحدث ذات كل يومٍ تقريباً مع شقيقتهما خلف أبواب حجرتها، حيث يتلقون دروسهم جميعاً. لدرجة أن هذه الأخيرة صارت تتوجس خيفةً و يقشعر بدنها كلما دنا موعد الدرس مع ذاكالخنزير البشري.(قال أيه؟! قال مطوع قال!) عسى الله يبتر يمينه من حدها!!

---

Post: #45 Title: Re: شيوخٌ في جلود ذئابٌ بشرية يسرقون بريق الع Author: دفع الله ود الأصيل Date: 10-28-2019, 07:20 AM Parent: #44 (41) و لكن الجدير بالذكرو المثير للدهشة حقاً، أن القضاء البريطاني رغم إدانته للمتهم بشنيع فعله و الحكم عليه بعقوبة السجن لعامين فقط لا غير يفترض أن يقضيهما خلف القضبان، إلا أنهم عادوا ليخففوا عنه حتى هذا الجزاء بالغ الرخاوة، ليجعلوهح كماً منطوقاً فقط مع وقف التنفيذ. .و ذلك كما قيل مراعاةً فيه لظرف الجاني المعيشي و قد حدس ما حدس، خسوسن لما علموا أن العائل الوحيد لأسرة مكونة من كوم لحم ( 6 ) شُفَّعْ إلى جانب أمهم شبه الأمية و التي لا مهنة لها و لا مدخول لديها، سوى أنها فقط ربة منزل ..فبالله عليك شفت كيف؟! ألم تر كيف يفعل معنا هؤلاء الذين نسميهم علوجاً ، بينما نحن نقدم إليهم الأنموذج السيء تلو الآخر ونبرهن لهم بالدليل و الحجة الدامغة و عبر بوابة دلدوماسيتنا الشعبية على أنهم أرحم بنا من بعض أنفسنا بأنفسنا ؟!فاللهمربنا لا تؤاخذنا بما فعل الســــفهاء منــــا ! اللهــم آآآآآآآآآآآميييييين يــارب العالمـــيــن و بَعْضُ النُّفُوسِ ** كبَعِضِ الشَّجَـرْ جَمِيــــلُ القَـــوامِ ** رَدِيْءُ الثــَّــمَرْ وَ َسبْرُ النُّفُوسِ *** كَصم الحجارة فَمِنْهَا كَرِيْمُ نَّفِيْسُ وً جلمود صخـرْ و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ