حاله غريبه فى التلفزيون القومى

05:41 PM April, 08 2019

سودانيز اون لاين
Asim Ali-
مكتبتى
رابط مختصر

اغانى وطنيه ومنذ قليل بدات اعاده تصريح وزير الاعلام خلال فتره الاخبار المسائيه (اظنها اخبار الخامسه او الرابعه) بشكل متتالى لاربعه مرات سبقها فاصل من الاغانى الوطنيه ويليها الان فاصل اغانى ومقطوعات وطنيه. .
يبدو فى حاله ارتباك رسميه فى مقابل الوضع على الارض

اخونا عاصم
انت من زمن التلفزيون و احتلال الاذاعة.. الزمن دا الموبايل يذيع الإنقلاب لايف لملايين الناس.

سلام عاصم

احتمال تمهيد لاذاعة بأسم الرئيس للتهدئة
الزول دا مرواغ و معاهو عصابة من المصلحجية

Quote: اخونا عاصم انت من زمن التلفزيون و احتلال الاذاعة.. الزمن دا الموبايل يذيع الإنقلاب لايف لملايين الناس .

تلفزيون السودان تحديدا مفارقو ووبيجيب لى غثيان لكن لما سمعت صوت كلاكسات السيارات فى الشارع حبيت افهم الحاصل عبر التلفزيون عشان نفهم اتجاه الامور عند النظام .
ما يبدو ان اعلان سقوط النظام بواسطه تجمع المهنيين وماسرى من تسريبات عبر اجهزه اعلام عالميه حول التنحى اصاب النظام فى اللحم الحى خاصه مع حاله الفرح فى الشارع ناهيك عن مكان الاعتصام..
.
الان برنامج المشهد ويدور حول نفس الموضوع لنفى تنحى البشير وضيف الحلقه برضو وزير الاعلام (عبر الهاتف) والظاهر انو فى اجتماعات متتاليه وربكه فى اروقه النظام.
تحياتى اخى ابو ريش

التصريح الهاتفى لوزير الاعلام ينفى فيه (لجوء الرئيس للخطه ب بالتنحى وتسليم السلطه للجيش) .
.
عايتو اول مره من سنين يمكن يوم اقتحام العدل والمساواه لامدرمان ماحصل فتحت القناه القوميه مده قدر دى.
هسى قلبو مدائح كمان.

حبيبنا عاصم .. تحياتي ..
اتابع البوست لأنك في الوطن
صدقني الحبيب عاصم إلى هذه اللحظة لا أعرف ماذا يحدث بالضبط
كل موقع اخباري له خبر معين .. حتى التلفزيونات ( العربية ، الحدث ، الجزيرة ) شيء غريب
الاخبار متضارية حوالي الساعة الواحدة بعد الظهر يوم ( بتوقيت السعودية ) ونحن في الشغل
أكد لي زميل سوداني بأن الوضع خلاص والبشير سلم للجيش .. ارتفعت معنوياتي إلى القمة
تخلصنا من الكابوس .. لم تسعني الفرحة .. بعد ساعتين تقريباً .. يعني الموضوع لسع شوية
لكن بالجد خلاص .. مسألة وقت ..

الحبيب عاصم ماذا يجري هناك .. حتى إتصالي في السودان لم أجد إجابة شافية
أما آن لهذا الغول أن يذهب ..
أخيراً بدأت أعتمد على موقع النيلين ( اخبار السودان الآن) وعاجل ..
خبر وزير الدفاع اجتمع مع كبار القادة ...... إلخ ( كلام إنشاء )

تجمع المهنيين ( فيسبوك ) والتغيير الآن .. كل خبر عن مؤتمر صحفي وسط المعتصمين

سلام ياعاصم
تلفزيون قومي؟
معقوله؟
استغفر ربك ياعزيزي!
ديل عصابه مجرمين سطو بليل علي سلطه استخدموها للنهب لو ده حاصل كيف تلفزيون مجرمين وافدين من حيث طريقه التفكير تلغزيونم يكون قومي؟
استغفر امون رع!

بحرى فيها مواكب
فى شارع المزاد شباب مولعين لستك فى طرف الشارع وواقفين بجوارو ويلوحو للسيارات . حوالى خمسه تاتشرات لناس عمليات جهاز الامن (حسب اللوحات) مروا بجوارهم (بهدوء) وانعطفوا باتجاه شارع المعونه مرورا بشمال سوق الخضار . دا حصل قدام عينى لو ماكدا ماكنت بصدق
شارع الانقاذ فى حاله حركه وهتاف (كانو موكب متقطع) سواء ماشين للقياده او راجعين والطريف اصبح فى حافلات اشتغلت عبر شارع الانقاذ خط للقياده
السيارات كلاكسات ورافعين علم السودان وهتاف تحيه لاى شخص يمروا بيه
مايبدو من حركه الناس انو الاعتصام الليله حيكون فيهو حشد كبير يكسر اى محاوله غدر قرب الفجر. المهم انو التامين يكون مدار بشكل جيد ومحكم .

البشير سيلتقي ممثلي لجنة تنسيقية الحوار مساء اليوم للاتفاق على الجداول الزمنية وأجندة ملتقى الحوار.
ولا علي باله التنحي ..

سلامات ياعارف
تشوف التلفزيون ماشى فى اتجاه بقاء البشير (قبل شويه للمره التالته من العصر يتحدث حسن طرحه لكن المره دى مشوا ليهو فى المكتب بدل تصريح هاتفى ) طلعت الشارع المشهد يعكس حاله عكس 180 درجه .
لكن قصه انكار الاعلام للتنحى واهتمامو بي النفى دى دايره وقفه واظن دلالتها النظام من جوا متجاذب بين قرارات متباينه وواقف فى مفترق طرق .
الحاجه الازعجتنى حسن طرحه اثناء تصريح النفى تعبير (لجوء الرئيس للخطه ب وتسليم الحكم للجيش).
-----------------------------------------------------------------------------------------------------------------------------------------------------------------------------------------------------------
يابشاشا
التلفزيون القومى حقا نحنا السودانيين ومختطف وطال الزمن ولا قصر حبرجع لينا ويؤدى رسالتو ما يجب كتلفزيون قومى.
لكن القنوات الخاصه هى الرجيها يوم لانها مصنوعه لدور يخدم النظام ويغيب الناس عن مشاكل الوطن الحقيقيه ويكفى زى بتاعت حسين ############ان وبتاعت الطاهر24..

Quote: مايبدو من حركه الناس انو الاعتصام الليله حيكون فيهو حشد كبير يكسر اى محاوله غدر قرب الفجر. المهم انو التامين يكون مدار بشكل جيد ومحكم

ربنا يطمنك يا عاصم هذا هو اكثر ما يقلقنيلو اليوم حافظوا على بقاءهم في الاعتصاميعني نجاح الثورة.الموضوع يشبه ثغرة غزوة احد...حراسة الثغوروعدم الاستعجال للاحتفال او الاطمئنانالنظام يريد ثغرة لاجهاض الاعتصامارجو توعية الشباب

يبدو أن هناك منازعات في التلفزيون والاذاعة من قبل جهة ما لاذاعة بيان ما...

المقلق ياناصر انو هسى وانا بكتب فى المداخله فى ضرب نار كنت قايلو فى المظلات لكن اصبح صوتو اقرب ربما فى محيط احمد قاسم والمزاد والغريبه انو الحركه فى شارع الانقاذ عاديه من والى الاعتصام
اضافه لى دا كلام خضر الطيب.
هل هى محاوله لارهاب الناس عن اللحاق بالاعتصام ويلزمو بيوتهم ام صراع بين قوى مسلحه ايا كانت.
المهم الناس تنتبه
ضرب زخيرة في شارع الأربعين و في السوق العربي (صورة )ضرب زخيرة في شارع الأربعين و في السوق العربي (صورة )

غايتو ألذ حاجة قلب مدائح دي .
أصلهم لما يحتاروا يقولوا شنو بيقلبوا مدائح ههههههه

صمت وحاله توتر ستعقبها مفاجءات وعاصفه ان شاء الله تنهى الامور حسب متطلعات الشعب الشعب السودانى

التلفزيون فى الاخبار قبل شويه عرض شارع القياده والواجهه الغربيه للقياده خاليه الامن تاشرات و(ادعى) فض الاعتصام بالتفاهم مع المعتصمين على لسان الناطق الرسمى احمد الشامى.ماتستبعدوا يحاولوا يوصلوهو لى بعض القنوات العالميه او العربيه للتغطيه على مابث على قنوات عربيه من احداث الاعتداء على المعتصمين لايف صباجا

تحياتي عاصم
تتخيل التلفزيون القومي لما يستمع لصوت الشارع وينقل الأحداث من أمام القيادة بنقلها كيف؟
شفتوا قدر شنو الشعب مغيب ٣٠ سنة من واقع الحياة؟

دا جزء من المشكله الخلانى اكتب
https://sudaneseonline.com/board/500/msg/1554787948.html
لانو الاعتصام تم زحزحتو من مكانو فى اليوم الاول من قدام وزاره الدفاع ورئاسه الاركان المشتركهمكان بن عوف وعبدالمعروف وهى مفروض تكون المواقع المستهدف بالاعتصام وحاليا ميبدو انو الهجوم الليلى زحزحه باتجاه الشرق تدريجيا ومابعيد صباح بكره او بعد بكره حتى البوابات الجانبيه للقياده (البحريه والجويه) لو ما اتفتحت معناها مافى طريقه قدام المعتصمين الا برى وكبرى كوبر .
الناس الا تبقلى كتيره وتغطى جميع مواقعها امام القياده الى الفارقتها فى اليوم الاول (محور شارع القياده).