Post: #2 Title: Re: انتو حسين خوجلي مالو بقى يتمطق و يمصمص في � Author: يحي قباني Date: 04-06-2019, 09:39 PM Parent: #1
250 مليون دولار ....
الزول ده الحقو ... جنّ ...
قهوة قرد الغلوتية في لندن !!! :)
Post: #3 Title: Re: انتو حسين خوجلي مالو بقى يتمطق و يمصمص في � Author: كمال عباس Date: 04-06-2019, 09:46 PM Parent: #2
دي قايل كل الناس رخيصة زيو ! مفتكر كل الناس فاقدة ضمير ووطنية وإنسانية زيو وزي ناسو ! المسكين وبعقلية أركان الكيزانية - قال إمشي إشتغل شغل المديدة حرقتني وأفتن ناس المعارضة - وأخفف الضغط علي البشير ! المشكلة إنو حتي الكيزان بقو ماشغاليين بيهو ! ...سلام يحي,,
Post: #4 Title: Re: انتو حسين خوجلي مالو بقى يتمطق و يمصمص في � Author: خضر الطيب Date: 04-06-2019, 10:34 PM Parent: #3
سلام يا قبة الزول دا مع الرصين ياخ :) تباً له بكل اللغات الجخس دا و الجخس دي كلمة حقوق الملكية فيها لأخونا المخرج اسماعين محمد الحسين اول مرة اسمعا و قال الجخس دا خروف بخصوهو و بربوهو عشان الشحم و اللحم
Post: #5 Title: Re: انتو حسين خوجلي مالو بقى يتمطق و يمصمص في � Author: منتصر عبد الباسط Date: 04-06-2019, 11:22 PM Parent: #4
عباد القروش ديل طايرا ليهم القروش والدولارات في راسهم وعندهم كل شيء يشرى بالمال وعلموا ببخس معدنهم ورداءة أصلهم موتوا بغيظكم اليوم أزيح الغبار عن معادن الناس وانفضح أصلكم ورداءة معدنكم أمام الأصلاء .
Post: #6 Title: Re: انتو حسين خوجلي مالو بقى يتمطق و يمصمص في � Author: يحي قباني Date: 04-07-2019, 04:23 AM Parent: #5
Quote: دي قايل كل الناس رخيصة زيو ! مفتكر كل الناس فاقدة ضمير ووطنية وإنسانية زيو وزي ناسو ! المسكين وبعقلية أركان الكيزانية - قال إمشي إشتغل شغل المديدة حرقتني وأفتن ناس المعارضة - وأخفف الضغط علي البشير ! المشكلة إنو حتي الكيزان بقو ماشغاليين بيهو ! ...سلام يحي,,
فرفرة مذبوح ...
و يا ريتو لو بي فايدة ... فطيسة بس يا كمال ...
Post: #7 Title: Re: انتو حسين خوجلي مالو بقى يتمطق و يمصمص في � Author: يحي قباني Date: 04-07-2019, 04:25 AM Parent: #6
Quote: سلام يا قبة الزول دا مع الرصين ياخ :) تباً له بكل اللغات الجخس دا و الجخس دي كلمة حقوق الملكية فيها لأخونا المخرج اسماعين محمد الحسين اول مرة اسمعا و قال الجخس دا خروف بخصوهو و بربوهو عشان الشحم و اللحم
خدوري كيفنك ...
قت لي مخسي بس ... ما بجيب فايدة ؟ ههههه
Post: #8 Title: Re: انتو حسين خوجلي مالو بقى يتمطق و يمصمص في � Author: حامد بدري Date: 04-07-2019, 05:41 AM Parent: #7
قالو ماتخرب الموت بالرفسي حسين خوجلي جابلو مع الرفسي ضررراط صباح الحرية ده اجمل صباح
Post: #9 Title: Re: انتو حسين خوجلي مالو بقى يتمطق و يمصمص في � Author: عمر أبوعاقلة Date: 04-07-2019, 07:03 AM Parent: #8
دا اسمه نشاف ريق يا هندسة الما بنشف الريق شنو !! سقطت تب
Post: #10 Title: Re: انتو حسين خوجلي مالو بقى يتمطق و يمصمص في � Author: Nasser Amin Date: 04-07-2019, 09:24 AM Parent: #9
كتب الاستاذ الصحفي فيصل محمد صالح عن الموضوع
Quote: عن الأستاذ حسين خوجلي.... هناك مرحلة عمرية يصلها الإنسان، يزهد في أشياء كثيرة كان مولعا بها في الصبا والشباب الباكر، المغالطات والجدل السفسطائي، محاولة إثبات صحة وجهة النظر بأي طريقة، المهاترات، سرقة انتباه الناس...الخ كنت أظن أن الأستاذ حسين خوجلي قد وصل هذه المرحلة، أو تجاوزها بقليل، وغذته السنوات ببعض الحكمة والمعرفة، لا لتغير قناعاته بالضرورة. لكن لتلهمه وسائل وأدوات تعبير أخرى، تليق بالعمر والتجربة، وبهيئة شيخ العرب، التي تشي بالحكمة والفطانة البدوية المعروفة. لكن يبدو أن الأستاذ حسين خوجلي غير قادر على تجاوز محطة أركان النقاش في جامعة القاهرة الفرع في السبعينات وأوائل الثمانينات، ولا يزال يظن أنه يحتفظ بهيئته تلك وبنفس الجمهور المتجمد عند تلك اللحظة. لا تزال التعبيرات المبتذلة والمنطق البايخ والجدل والمغالطات والقفز فوق الواقع والهروب من اللحظة التاريخية هم أساس حديث حسين خوجلي. حكاية الشيوعيين والبارات ودعم الكنائس وملايين الدولارات التي كانت تبهج كيزان السبعينات، لم تعد تثير حماستهم، ولا تلفت انتباهتهم. لقد عاشوا ودخلوا دهاليز السلطة وعرفوا أو رأوا الأخوان الآخرين يغرفون من خزائن الثروات بلا حسيب ولا رقيب. لقد ذهبوا وقاتلوا وماتوا وفقد البعض عقله ومستقبله، لتذهب الثروة إلى كروش بعض الأخوان وعماراتهم واستثماراتهم في الخارج، ورأوها ذهبا في أيدي زوجات الأخوان ودما وشحما في وجوه و( جضوم ) قيادات الأخوان المجاهدين، وكوميشينات من حر أموال الخواجات، بل من لحمنا ودمنا. إن لم تكن هذه الخزعبلات تثير انتباه اخوتكم فهل تظن أنها ستثير انتباه باقي قطاعات الشعب السوداني. المطلوب بحسب خطابكم، أن لا ننظر إليك، وأنت تمتلك جريدة وإذاعة وتلفزيون ومنزلا فاخرا بالطائف وشقق وبيوت وسيارات ومكاتب، وبسطة في الجسم ولا حسد، ثم نذهب لنسأل الشيخ الثمانيني صديق يوسف الساكن في منزل الأسرة في زقاقات امدرمان، والذي يكاد جلده يلتصق بعظامه، عن مصير ملايين الدولارات ...؟ إن فقدنا الأمل أن تمد الأيام والسنوات الشيخ حسين خوجلي بالحكمة والمعرفة، فلم نفقد الأمل في الأخوان من أفراد الأسرة والأصدقاء أن ينصحوا الرجل وينصروه ظالما، كما أوصانا ديننا، فيردوه عن الظلم، أو ( يودوه الضل) ...فما يصدر عنه هذه الأيام لا يليق باسمه ولا عمره ولا تجربته ولا هيئته.
... .. .
Post: #11 Title: Re: انتو حسين خوجلي مالو بقى يتمطق و يمصمص في � Author: Abureesh Date: 04-07-2019, 10:31 AM Parent: #10
هل فى قروش اكتر من قروش الكيزان؟ و حسين ال 250 مليون دى ممكن يطلعها من جيب الساعة.. طيب ليه ما حركوا الشارع.. او سكنوه لما اتحرك؟
Post: #12 Title: Re: انتو حسين خوجلي مالو بقى يتمطق و يمصمص في � Author: كمال عباس Date: 04-07-2019, 12:16 PM Parent: #11
والغريبة أن هذا البوق وقبل إسبوع واحد فقط - كان يستعرض بثرائه وأمواله وثراء الكيزان ويعاير المعارضيين بضيق ذات اليد وإنو ماعندهم قروش ! - الجماهير التي خرجت بواعز الضمير والحس الوطني والإنساني لا بيعا للمواقف والتحشيد المدفوع الثمن - من يحشد المأجوريين بالمال هو أنتم ياخوجلي..
Post: #13 Title: Re: انتو حسين خوجلي مالو بقى يتمطق و يمصمص في � Author: بدر الدين الأمير Date: 04-07-2019, 03:43 PM Parent: #12
ياقال والعهدة على الراوى ان السحسوح حسين خوجلى كتب مقال عن الرمز الاتحادى الحاج مضوى يسخر فيه من زواج الحاج يقول فيه رجل تمانيتى يتزوج من بنت عشرينية الجماعة شالو المقال ومشو لحاج مضوى بعد ماقرا المقال قام ضحك وقال لهم معذور باقى كان بدورنى لروحو
Post: #14 Title: Re: انتو حسين خوجلي مالو بقى يتمطق و يمصمص في � Author: يحي قباني Date: 04-08-2019, 03:40 AM Parent: #13
Quote: عباد القروش ديل طايرا ليهم القروش والدولارات في راسهم وعندهم كل شيء يشرى بالمال وعلموا ببخس معدنهم ورداءة أصلهم موتوا بغيظكم اليوم أزيح الغبار عن معادن الناس وانفضح أصلكم ورداءة معدنكم أمام الأصلاء .
كيفنك يا منتصر ...
الزي حسين ده فوتت الكيزان و النظام بصيبوا في مقتل ...
عنده high stakes مرهونة بوجودهم ...
Post: #15 Title: Re: انتو حسين خوجلي مالو بقى يتمطق و يمصمص في � Author: يحي قباني Date: 04-08-2019, 03:43 AM Parent: #14
Quote: قالو ماتخرب الموت بالرفسي حسين خوجلي جابلو مع الرفسي ضررراط صباح الحرية ده اجمل صباح
حامد يا بدري ...
الزرة واضحة و مقريه في وشو ....
الورل ده بعد ما ضاق المهلة ... تاني ما بحمل الزره و الزرزره ...
Post: #16 Title: Re: انتو حسين خوجلي مالو بقى يتمطق و يمصمص في � Author: ولياب Date: 04-08-2019, 09:37 AM Parent: #15
ما ان اطل على الشاشة حتى يحدث لك طمام .
Post: #17 Title: Re: انتو حسين خوجلي مالو بقى يتمطق و يمصمص في � Author: يحي قباني Date: 04-08-2019, 10:52 AM
Quote: دا اسمه نشاف ريق يا هندسة الما بنشف الريق شنو !! سقطت تب
عاااارف كيف حسابو حيكون عسير يابو عاقلة ...
مثل حسين خوجلي يحتاج لكوم (الانقاذ) عشان يقعد (ينوني) ...
Post: #18 Title: Re: انتو حسين خوجلي مالو بقى يتمطق و يمصمص في � Author: يحي قباني Date: 04-08-2019, 10:54 AM Parent: #17
Quote: لكن يبدو أن الأستاذ حسين خوجلي غير قادر على تجاوز محطة أركان النقاش في جامعة القاهرة الفرع في السبعينات وأوائل الثمانينات، ولا يزال يظن أنه يحتفظ بهيئته تلك وبنفس الجمهور المتجمد عند تلك اللحظة.