مسلحون يختطفون رجل أعمال من ساحة مطار الخرطوم

02:24 PM April, 01 2019

سودانيز اون لاين
محمد المسلمي-السودان
مكتبتى
رابط مختصر

الخرطوم “تاق برس” –
تحقق الشرطة في السودان، في ملابسات اختطاف رجل أعمال على يد”5″ مسلحين من الساحة الخارجية لمطار الخرطوم الدولي.

واستولى المسلحين بحسب صحيفة السوداني الصادرة اليوم الاثنين، على عملات أجنبية ومحلية من رجل الاعمال واحتجزوه داخل”حمام” كافتيريا معروفة شمال بحري واختفوا في ظروف غامضة.

وطبقاً للصحيفة، إن مجموعة انتحلت صفة القوات النظامية، واستولت من الضحية على 250 ألف ريالاً سعوديًا وأكثر من”50″ ألف جنيه، وأقلته على متن سيارة”ِشريحة” من ساحة المطار الخارجية قبل أن تعصب عينه بأزيائه.



وتحرك الخاطفين بالمجني عليه الى بحسب ما نقلت الصحيفة الى أن أنزلوه بمنطقة أبو حليمة شمالي الخرطوم بحري وأدخلوه حمام كافتيريا على الطريق الرئيسي وأغلقوا عليه البوابة من الخارج، واختفوا في ظروف غامضة.

https://www.tagpress.net/25900/https://www.tagpress.net/25900/

حبيبنا المسلمي .. أبوالنسب كفيك يا جميل ..
يكون هؤلاء من المقربين لهذا للضحية ..
كيف عرفوا بهذا المبلغ ؟
هل كان قادماً من الخارج ؟ وكيف خرج بهذا المبلغ ؟
هل كان مغادر ؟ كيف له الخروج بهذا المبلغ ؟

أول مرة أسمع عصابات مرتبة بهذا الشكل في السودان
نحن حتى سرقاتنا كانت عشوائية .. هكذا ..

موضوع خطير جداً .. وظاهرة توجب التوقف عندها ..

تحياتي الحبيب المسلمي ..

سلام يا شيخ محمد.. و الحمد لله انهم لم يمسوه بأذى جسمانى.
اختطافه من الصالة الخارجية يعنى انه كان يهم بالمغادرة. لاحظ الحد الاعلى للمغادرة هو 3 الف دولار فقط

سلامات
ماحدث يعنى انو مافى جهه تنسيق لاداره العمليات الخاصه بالاجهزه مختلفه الاختصاصات - مكافحه مخدرات, تهريب ,انتربول,.........- ضمن المحيط الحيوى للمطار ختى لاتحدث فوضى مثل ماحدث دون انتباه من الاجهزه المعنيه.

المسلمي أختشي وقول لجماعتك البلد ما فيها أمان.

Quote: اختطاف رجل أعمال على يد”5″ مسلحين من الساحة الخارجية لمطار الخرطوم الدولي.

Quote: اختطافه من الصالة الخارجية يعنى انه كان يهم بالمغادرة

ركز يا ابو الريش في الفرق يين السين والصاد والفرق بين الحاء واللام

سلامات يا مسلمي
وين "الصطلايت" بتاع عمك قوش؟ 😁

حبيبنا ابو النسب الاستاذ علي عبدالوهاب عثمان سلامات
فعلاً الجريمة كبيرة ومتطورة وفيها حاجات كثيرة غايبة ولماذا هذا الشخص دون الآخرين
الأمر فيه تعقب والي اخره وهذه الجريمة توكد التطور الإجرامي ودخول عصابات خطيرة في السودان

ما جريمة متطورة

السبب إنه في قوات رسمية - جهاز الأمن - ممكن يمشوا بي عربات بدون نمر ، يعتقلوا الواحد و هم لابسين ملابس مدنية ، يقوموا بعملهم و هم ملثمين و شايلين أسلحة

البيسألهم من إثبات هويتهم بضربوه، و لمن يعتقلوا زول ما بيتبعوا الإجراءات الجنائية المعروفة

يبقى عملياً ما في طريقة المواطن و لا أي زول بيشوف منظر زي ده يعرف منو الفي الأمن و منو المجرم الغير الأمني - و النوعين مجرمين بطرق مختلفة.

الحصول على السلاح في السودان ما بالصعوبة دي ، الميلشيات الحكومية الغير منضبطة على قفا من يشيل ( كتائب ظل ، جنجويد ، أمن .. إلخ )

مع الظروف الإقتصادية و غياب الرقابة بيع السلاح الحكومي حيزيد ، و أفراد القوات النظامية نفسهم جزء منهم حيمتهن الجريمة المنظمة و الدولة حتتفرج و ما حتقدر تعمل حاجة

البوليس بيتم التعيين فيه بدون الفيش ، و الأمن ده شفنا إجرامه و القتل بدم بارد في الفيديوهات ، و الجيش ما بيخلوا من الممكن يكون عندهم سوابق

إزالة النظام ده ما رفاهية ، الموضوع إنحدار مخيف للفوضى لا يمكن أن تنتهي بدون ذهابه

سلام

هل دا بيعني إحتمال دخول عربات تحمل متفجرات مثلا لساحة المطار بدون علم السلطات الأمنية ؟

و لا الموضوع كلو عبارة عن حفر بين معسكرين في الأمن و الجيش ؟

في كل الأحوال الحل انها تسقط و بس .

مشكور يا أستاذ أمين على المداخلة الضافية .

يادكتور سيف النصر ياخ مشتاقون

الصطلايت ده قاعد يشوف البندق في شنط المتظاهرين 😜😜

حافظ بشير لعلك طيب

دينق سلامات السودان ورغم كثرة الأجهزة يوكد ان هنالك عدم أمان حقيقي وحلقة مفقودة



دينق اختشي

الاستاذ عاصم علي سلامات

المفروض المطار يكون فيه كاميرات ترصد كل شئ في الداخل والخارج كما في العالم كله

حباب الاستاذ العزيز محمد عثمان ابوالريش لعلك طيب
القصة فيها ابعاد بعيدة ومتابعة من هؤلاء المجرمون
وهل هذا الشخص مسافر ام قادم ولا في وداع
المفروض جريمة زي دي يصدر بيان من الشرطة
يبين التفاصيل كاملة


الله فرجيني

كلام أمين صديق مهم يا مسلمي
ولمن يتقري مع كلام نعمات ممكن تتضح خطورة الممارسات البتحصل ..

يعني خطورة أن تسمح الحكومة لمجموعات أمنية أن تتحرك بدون لوحات عربات واشارات مرجعية للاجهزة التي يعملون بها (الازياء الرسمية وديباجات الاسماء والبطاقات والعربات المطبوع بها اسم جهة العمل الخ) .. يكون من الممكن جدا أن تقتحم عصابة او تنظيم ارهابي بنفس الطريقة اى مكان عام لتفجيره او نهبه الخ الخ ..

رئيس النظام الفاسد كان يتحدث البارحة في البرلمان مطالبا الحكومة الجديدة ببسط هيبة الدولة واحترام حقوق الانسان.. وهو المنتهك الاساسي للاتنين ديل بالتحديد .. هيبة الدولة وحقوق الانسان.

بسط هيبة الدولة هي ما يمنع وقوع مثل هذه الجرائم ..
الضحية ده مؤكد انو محمي في بيتو اكتر من الأماكن الحيوية في الدولة ناهيك عن الشارع العادي .. والا لتم الهجوم عليه في البيت

الاستاذamin siddig سلامات شاكر مرورك
للعلم مافي اي تجاوز في قصة الفيش ده في البوليس ولو عندك دليل عن تجاوز ارجوا إحضاره

سلام يا المسلمي وأمين صديق والجميع

كلام أمين صديق دا هو الكلام..

Quote: ما جريمة متطورة السبب إنه في قوات رسمية - جهاز الأمن - ممكن يمشوا بي عربات بدون نمر ، يعتقلوا الواحد و هم لابسين ملابس مدنية ، يقوموا بعملهم و هم ملثمين و شايلين أسلحة البيسألهم من إثبات هويتهم بضربوه، و لمن يعتقلوا زول ما بيتبعوا الإجراءات الجنائية المعروفة يبقى عملياً ما في طريقة المواطن و لا أي زول بيشوف منظر زي ده يعرف منو الفي الأمن و منو المجرم الغير الأمني - و النوعين مجرمين بطرق مختلفة. الحصول على السلاح في السودان ما بالصعوبة دي ، الميلشيات الحكومية الغير منضبطة على قفا من يشيل ( كتائب ظل ، جنجويد ، أمن .. إلخ ) مع الظروف الإقتصادية و غياب الرقابة بيع السلاح الحكومي حيزيد ، و أفراد القوات النظامية نفسهم جزء منهم حيمتهن الجريمة المنظمة و الدولة حتتفرج و ما حتقدر تعمل حاجة

الحاصل في البلد استباحة للوطن ، ويا ملثمين اعملوا العايزين تعملوهو ، بس الطغمة الحاكمة تكون في أمان

أفتكر قصة سلمية دي مدتها إنتهت ، وما يسمى بالجيش طلع فشنك، والشباب الطالعين دييل كلهم مدربين سلاح
والتاتشرات الحايمة دي لو جاتها طلقة واحدة ما حنلقى تاني تاتشر واحد في الشارع
اللهم أحفظ السودان من هؤلاء الابالسة

Quote: ولو عندك دليل عن تجاوز ارجوا إحضاره

ود الكباشي .. الدليل في القاعدين نشوفوا في البلد يامسلمي
وبعدين السؤال البفرض نفسه:
كيف وفي ظل الظروف دي واحد شايل ليه مبلغ زي دا
وبالعملة الصعبة كمان .. سواء قادم أو مغادر
ياخ جنيهنا دا محظور تشيل منه كميات وتحوم بيها
وفي البنوك ما تلقى حقك تقول لي ريال سعودي !!