Post: #1
Title: مبالغة يا عمر البشير: اول مرة تحدث في تأريخ السودان..!!
Author: Kabar
Date: 03-30-2019, 12:32 PM
12:32 PM March, 30 2019 سودانيز اون لاين
Kabar-كـــندا
مكتبتى
رابط مختصر
وزير الداخلية..من جنوب كردفان..
وزير الخارجية ..من جنوب كردفان..
نائب رئيس الحزب الحاكم..حزب المؤتمر الوطني ..من جنوب كردفان..!
وزير الدولة بالتعليم العالي..من جنوب كردفان..
وتحت..تحت محافظ بنك السودان من جنوب كردفان..
وبريمة من جنوب كردفان..
وكبر من جنوب كردفان..!!
غير ما خفي..وهو اعظم..!
|
Post: #2
Title: Re: مبالغة يا عمر البشير: اول مرة تحدث في تأري�
Author: Arif Nashed
Date: 03-30-2019, 12:56 PM
Parent: #1
ايلا من شرق السودان ..
|
Post: #3
Title: Re: مبالغة يا عمر البشير: اول مرة تحدث في تأري�
Author: عبداللطيف حسن علي
Date: 03-30-2019, 01:04 PM
Parent: #2
لانها -ياكبر- اقصر الحكومات عمرا ....
يعني حاجة كدا زي برنامج حلم في حلم بتاع جمال
|
Post: #4
Title: Re: مبالغة يا عمر البشير: اول مرة تحدث في تأري�
Author: Deng
Date: 03-30-2019, 01:09 PM
Parent: #2
كبر
أبناء الهامش جابوهم علشان العمل القذر (Dirty job) بعد ما أباها الطير. بعد ما تم نهب الدولة بأكملها وبعد كل الإنهيار في الدولة.
وبعد قيام الثورة وبعد أن عرف الجميع مصير الإنقاذ المحتوم. جابوا أبناء الهامش.
منذ بدايات الإنقاذ والكيزان يأكلون بأيدهم وأفواهم وحتى أرجلهم ولكن أبناء الهامش من أمثال أحمد هارون كانوا مشغولين في سفك دماء الشرفاء من السودانين، خصوصا أبناء الهامش. حتى في سرقة ونهب الدولة تم تهميشكم.
وهسع أنت جاي فرحان يا محمد النور كبر!
فرحان على شنو بالله؟؟
|
Post: #5
Title: Re: مبالغة يا عمر البشير: اول مرة تحدث في تأري�
Author: adil amin
Date: 03-30-2019, 02:46 PM
Parent: #4
وليه ما يخلي الامر ده كلو بالانتخاب من الاساس ويحترم الدستور يمشي ويخلي الشعب بختار من يصلح بالانتخبت والدولة مؤسسات وليس اشخاص من الاساس
ليه ما عايز يحترم خيارات الشعب من انتخابات 2010 ولحدي هسة ؟؟
|
Post: #6
Title: Re: مبالغة يا عمر البشير: اول مرة تحدث في تأري�
Author: adil amin
Date: 03-30-2019, 02:47 PM
Parent: #4
|
Post: #7
Title: Re: مبالغة يا عمر البشير: اول مرة تحدث في تأري�
Author: adil amin
Date: 03-30-2019, 02:47 PM
Parent: #4
|
Post: #8
Title: Re: مبالغة يا عمر البشير: اول مرة تحدث في تأري�
Author: adil amin
Date: 03-30-2019, 02:47 PM
Parent: #4
|
Post: #9
Title: Re: مبالغة يا عمر البشير: اول مرة تحدث في تأري�
Author: adil amin
Date: 03-30-2019, 02:56 PM
Parent: #4
|
Post: #10
Title: Re: مبالغة يا عمر البشير: اول مرة تحدث في تأري�
Author: Biraima M Adam
Date: 03-30-2019, 07:43 PM
Parent: #9
ول أبا كبر،
سلامات .. والله ملاحظتك رهيبة ..
لكن خلي نفرك عيوني .. ونصحصح .. ونشرب لي كباية شاي .. وبعدين نجي بالرواقة ..
بالله شوف النقلة دي .. أهل جنوب كردفان ناس حارة .. وبظهروا في الأوقات الحرجة!
بريمة
|
Post: #11
Title: Re: مبالغة يا عمر البشير: اول مرة تحدث في تأري�
Author: AMNA MUKHTAR
Date: 03-31-2019, 03:11 AM
Parent: #1
Quote: أبناء الهامش جابوهم علشان العمل القذر (Dirty job) بعد ما أباها الطير. بعد ما تم نهب الدولة بأكملها وبعد كل الإنهيار في الدولة.
وبعد قيام الثورة وبعد أن عرف الجميع مصير الإنقاذ المحتوم. جابوا أبناء الهامش.
|
دا الزيت .
وديل مساكين ما صدقوا فرحانين ..والعقلاء الإختاروهم وعرفوها جنازة بحر إعتذروا .
بالمناسبة دي ، السموأل القريش لقى وظيفة في قطر وللا جا إستلم منصبه الوزاري ؟
|
Post: #12
Title: Re: مبالغة يا عمر البشير: اول مرة تحدث في تأري�
Author: adil amin
Date: 03-31-2019, 03:38 AM
Parent: #11
Quote:
بالله شوف النقلة دي .. أهل جنوب كردفان ناس حارة .. وبظهروا في الأوقات الحرجة!
بريمة
|
الانتهازية الواعية غير نظام الكعوك ده تقعدو في راس الناس كيف ما تنسى المسيري المزيف وزير الخارجية الدريري محمد احمد ايضا مت كوتة كردفان
لو انت سوداني الاصلي تجي بصناديق الاقتراع ذى السودانيين الاصليين في انتخابات 1954 الطلعو الانجليز =شوف الشريحة في البروفايل
الكعوك والنجلت والمنبتين في المركز والوافدين في الهامش بجو بي الانقلابات والثورات المزيفة
واهل جنوب كردفان الاصليين موجودين ختو الصناديق فقط وزحو بعيد
فصلتو جنوب السودان لانه جاب مشروع سوداني 100% ودخل 3000000 جنوبي في دائرة الانتخابات كناخبين
دالت دولة الكعوك وماذون الحور العين وجهاد الفطايس الترابي وادة مشروع الاخوان المسلمين الدولي الرخيصة يا بريمة ترامب
https://up.top4top.net/
|
Post: #13
Title: Re: مبالغة يا عمر البشير: اول مرة تحدث في تأري�
Author: Biraima M Adam
Date: 03-31-2019, 05:22 AM
Parent: #12
حلوة دي يا الكوكلان كلكس ..
بريمة
|
Post: #14
Title: Re: مبالغة يا عمر البشير: اول مرة تحدث في تأري�
Author: kamal omer
Date: 03-31-2019, 06:23 AM
Parent: #13
| Quote: بالله شوف النقلة دي .. أهل جنوب كردفان ناس حارة .. وبظهروا في الأوقات الحرجة! |
يا بريمة كلامك ده بيجيب اللوم و في رواية أخرى ( الهواء ) لأهل جنوب كردفان
|
Post: #15
Title: Re: مبالغة يا عمر البشير: اول مرة تحدث في تأري�
Author: Deng
Date: 03-31-2019, 08:30 AM
Parent: #14
العبار بريمة بلل
شرفاء جبال النوبة هم ثوار الحركة الشعبية الذين يقاتلون تحت قيادة عبد العزيز الحلو، أما الإنتهازية من أمثالكم فهم يريدن أن يقتاتون من موائد الإنقاذ، وهي بلاشك في طريقها للزوال.
بمعنى أخر أنت ومحمد النور كبر خسرانين في كل الحالات.
|
Post: #16
Title: Re: مبالغة يا عمر البشير: اول مرة تحدث في تأري�
Author: Deng
Date: 03-31-2019, 08:31 AM
Parent: #15
تــــــــــــــــسقـــــــــــــــــــــــــط بــــــــــــــــــــــــــــــس
|
Post: #17
Title: Re: مبالغة يا عمر البشير: اول مرة تحدث في تأري�
Author: الشفيع وراق عبد الرحمن
Date: 03-31-2019, 09:32 AM
Parent: #16
| Quote: أهل جنوب كردفان ناس حارة |
هيييييع
رجال من اصلاب رجال
|
Post: #18
Title: Re: مبالغة يا عمر البشير: اول مرة تحدث في تأري�
Author: kamal omer
Date: 03-31-2019, 09:47 AM
Parent: #17
Quote: هيييييع
رجال من اصلاب رجال |
هههه أهو جاك واحد
طبعاً دي كلمة حق أُريد بها باطل
|
Post: #19
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 05:52 AM
Parent: #18
كتب عارف :
Quote:
ايلا من شرق السودان ..
|
معلوم يا عارف..
واخونا وصديقنا ابوريش حينما ذكر المعلومة..قامت عليهو النخبة العميان شايل المكسر..!
وحتى اللحظة لا اذكر في تاريخ السودان ، بعد عثمان دقنة ، زول من شرق السودان وصل هذا المنصب..!
|
Post: #20
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 05:53 AM
Parent: #19
كتب عبد اللطيف:
Quote:
لانها -ياكبر- اقصر الحكومات عمرا ....
يعني حاجة كدا زي برنامج حلم في حلم بتاع جمال
|
ول ابا عبد اللطيف..حبابك يا صديقي..
ياخي يمكن الموضوع كمين؟..(يعني موضوع الخيط وكده..!!)
نفس الخيط نشرتو في الفيس بوك (حركة اول مرة اعملها وجات بالصدفة)..احد الأصدقاء رص لي قائمة من زمن الديموقراطية الثالثة:
بشير عمر (وزير مالية) ، بكري عديل (وزير تعليم) ، حبيب سرنوب الضو (وزير صناعة) ، امين بشير فلين (وزير سياحة) ، دكتور علي جماع (شقيق استاذنا فضيلي جماع) ، عبد الرسول النور..وبرضك كانت حكومة الديموقراطية قصيرة الأجل..ولا مو هيك..!
بالمناسبة يا عبد اللطيف ، قريت خيطك المجاور ، وكنت اقولها منذ ان كنت طالب في الجامعة أن السودان دوما تحكمه طبقة معينة ومحددة وموجودة في الخرطوم فقط وهذه الطبقة عندها القدرة تتلون وتبدل جلدها وتتماشى في الحال الى ان تتمكن وتسيطر على الأمور..
هذه الطبقة يا لطيف هي التي احتوت نظام جعفر نميري الذي بدأ يساريا ، ثم التفت حوله الى ان سلمته للشرنقة القادمة (الجبهة الإسلامية) وذلك بعدما عرفت ان نظام جعفر نميري في حالة انهيار وذهاب نحو العدم..
حينما بدأ نظام الجبهة الإسلامية ، مارست تلك الطبقة فقه التقية..واختفت واخذت تتابع الأمور عن قرب الى ان عرفت كيف يمكن لها ان تأكل كتف النظام الإسلاموي..ونجحت للطيش..حتى انتهى ذلك النظام الى مجرد كانتونات (قبلية ، جهوية ، عرقية ، هوس ديني ، ترامب ، ال سعود ، ال الأمارات..ال قطر ، تركيا..الخ)..!
لأول مرة يا لطيف ، ومنذ استقلال الدولة السودانية عن المستعمر ، تتلخبت حسابات تلك الطبقة عشان كده كشرت عن انيابها (مثلما فعل المواهيم علي عثمان والفاتح عز الدين بداية الثورة)..وتوشك جرت على امريكا..وامريكا، لسوء الحظ فيها رئيس عنصري وضيق الأفق ، فاستجابت امريكا واشتغلت على دعم بقاء النظام..!!!!
فشنو القصة اكبر من عمر البشير والجبهة الإسلامية ..واكبر من محامرة ومكاجرة السودانيين لبعضهم البعض..الشغلانة عميقة يا صاحب..!
ودمت..
كبر
|
Post: #21
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 05:57 AM
Parent: #20
دينق..حبابك يا صديق
عارفك ح تقع من طولك..!!
مداخلتك الأولى ح نفوتها..لأنها بروباقندا ساكت..(ولا انت نسيت الزول الكان فرحان وطاير وفاكي الزراير وبيتكلم عن قرار المحكمة الأمريكية بخصوص المدمرة كول؟؟؟؟..شفت دقسات زي دي ممكن توديك التوج زي الترتيب..!!..المهم)..
من مداخلتك التانية:
عبد العزيز حلو برضك من جنوب كردفان يا دينق..!
يعني اقوى فصيل مسلح معارض والجيش الشعبي من جنوب كردفان..!
وما تنسى البترول كمان موجود في جنوب كردفان (يعني اغنى اقليم في السودان اليوم)..!
في مفاوضات 2002 في سويسرا ، صدفة تاريخية ، كان احمد هرون وعبد العزيز الحلو الإتنين موجودين..!
ثم لاحقا..في مناسبة تانية..ضحك عبد العزيز الحلو..حتى بانت نواجذه..وقال عبارته المشهورة (انا وهرون اخي..!) وبالتأكيد هرون ده مش دينق ولا ناس الحزب الشيوعي..!
نديك هنت يا قريبي..
عمر البشير ابتعد من المؤتمر الوطني (راجع حكاية اجتماع الحزب الأخير) وترك الأمر لأحمد هرون ..يعني انتخابات 2020..مرشح الحزب للرئاسة ح يكون منو؟..ولا انت مصدق الثورة (الإتسرقت بدم بارد اليوم) ح تسقط النظام؟..
شرحو: ماهي الخطة البديلة؟..ولا انتو دايرين تسوقوا الناس كده لمن تمسكوهم الماسورة (هذا ان كنت انت يا دينق شخصيا بتؤمن بالتغيير في السودان..!!)..
حكاية كبر وبريمة خسرانين: دي امنيتك يا دينق وتفكيرك الرغبوي الذي لا يعرف الواقع..اها شوف الخيارات قدامك واقنع الناس كيف كبر وبريمة خسرانين..ولا انت مفتكر دور عبد العزيز الحلو للأعمال القــــذرة فقط ..وبعد انتصار الثورة تطلعوهو عنصري وجهوي ومجنون..!!!!!!!!
كبر
|
Post: #22
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 06:01 AM
Parent: #21
ول ابا عادل امين..حبابك يا صديقي
الإنتخابات وسيلة حضارية..ولا يرفضها عاقل..!
الناس انسحبت من انتخابات 2010 ، 2015 ، 2020..وبالطريقة الشايفها دي قوى المعارضة ح تنسحب من انتخابات ما بعد الفترة الإنتقالية التي تنجزها الثورة السودانية..لماذا؟..
اتفق معك عن جدوى دستور 2005 ، وهو الدستور الأفضل حتى اللحظة (لأن المعارضة ليس لديها مشروع دستور ، وانما تريد الفترة الإنتقالية ان تنجز الدستور يعني استهبال بالباب العديل ، وتجمع المهنيين ليست لديه رؤية واضحة لمسودة دستور عشان الناس تقتنع بيها وتشارك بصورة اكبر في الثورة..!!
في كل الأحوال يا عادل امين ، وفي كل المراحل والأدوات..جنوب كردفان سيكون لها سهم كبير في ادارة السودان..ولو فتحوا انتخابات حرة ونزيهة..في حلتكم ح نجيب نائب من جنوب كردفان..اها ح تقبل بشروط اللعبة ولا ح تجي تقول لينا : ده اجنبي ومضروب ودخل السودان محمول على ضهر امو؟؟!
كتر خيرك..
كبر
|
Post: #23
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 06:04 AM
Parent: #22
ول ابا بريمة..حبابك يا صديقي..
الخيل الحرة دايما بتظهر في اللفة يا قريبي..
ناس جنوب كردفان صرة السودان ، لو ما بالسياسة فبالثروة..فالإقليم اغني اقليم سوداني موجود الآن..والوعي ماشي كويس..الناس هناك يا صاحب اتجاوزت حكاية ده مؤتمر وطني ولا كوز ولا حزب امة ولا شيوعي ولابعثي ولا اتحادي ولا حركة شعبية..وانما بتتعامل مع الحاجات بواقعية..!
كبر
|
Post: #24
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 06:09 AM
Parent: #23
كتبت امنة مختار:
Quote:
دا الزيت .
وديل مساكين ما صدقوا فرحانين ..والعقلاء الإختاروهم وعرفوها جنازة بحر إعتذروا .
بالمناسبة دي ، السموأل القريش لقى وظيفة في قطر وللا جا إستلم منصبه الوزاري ؟
|
بت ابا امنة مختار..حبابك يا صديقتي..
ههههههه..
شكلك ما بتعرفي الزيت الأصلي يا امنة..!
كويس مساكين وما صدقوا انو لقوا ليهم ضرع ميت..!
يعني يا امنة..وانت زولة تاريخ: القريش تشوفي وعبد الله حمدوك ما تشوفي؟..ولا ده استهبال ثوري جديد يا بت ابا؟..
اها ..دكتور عبد الله حمدوك اعتذر عن وزارة سيادية مهمة زي وزارة المالية..وبرضك هوشة الثورة نست ..وامونة نست..والغيرها برضك نسى..!
ليه ما يكون عبد الله حمدوك برضك من جنوب كردفان؟..ده غير الناس المشاركة في تجمع المهنيين واشتغلت شغل كويس للثورة وخلت العالم يعرف الثورة السودانية شنو وماشة على وين..برضك افضل منهم (عندك) السموأل القريش؟..ولا شنو العبارة؟..
الواقع معقد ومتشابك شديد يا امنة..اها المساكين الفرحانين بيقولوا ليك وللثورة: اهو الحكومة من باب الترميز الضلالي..جابت ناس جنوب كردفان في وزارات سيادية..المعارضة عملت شنو وحتى اللحظة؟..اوعي تقولي لي خلاص نعمل اسبوع جنوب كردفان في المظاهرات الجاية؟..
ليه الحكومة اكتر براغماتية من المعارضة؟..طبعا المعارضة الشايفها من الجانب الآخر..اسكتي ساكت خليها..لو قمنا عليها ح ترجع تدخل علبها..!
مشروع الثورة شنو يا امنة: من اجل السلام ، الدستور ، الفيدرالية ، التنوع..؟..ما اراه الآن ناس منبهرة ومنفعلة ولقت ليها جنازة وما صدقت عشان تشبع لطم..!
حتى اللحظة رصيد كبير خارج دائرة الثورة..اها دي مشكلة المساكين الفرحانين ولا مشكلة التانين العاملين فيها ضبان ضكر (ثورة وكده)..؟؟..
يعني بالمختصر المفيد: نصيب جنوب كردفان شنو في الثورة وما بعد الثورة؟ اقول بذلك وانا بتكلم عن الإقليم الذي تدور فيه الحرب ، الإقليم الأغنى في السودان ، الإقليم الذي فيه فرص الإنتاج الكبير الوفير الممكن يقلب اقتصاد السودان تلتمية وستين درجة..!
كبر
|
Post: #25
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 06:13 AM
Parent: #24
كمال عمر..حبابك يا صديقي
مافي لوم و هوا يا قريبي: لمن الناس تجي تقول ليك ده رصيدنا..اها نصيبنا في الثورة شنو وما بعد الثورة..!
والرصيد مش فقط شوية الناس المذكورة هنا (جنوب كردفان ممكن تجيب امثالهم واكتر كمان)..!..ولكن الرصيد الحقيقي الذي يهم كل السودان..انو جنوب كردفان اغنى اقليم في سودان اليوم ، واقليم منتج..ومشكلتو غياب السلام..!
يعني أي حسبة في حكومة ما بعد الإنتقال من زمن الثورة..اذا لم تراعي مثل هذا الواقع والحقائق.. فدي حكومة ما بتلزمنا تب..!
الثورة بدت صاح يا كمال ، ولكنها اتسرقت قدام عيون الناس..فعشان كده حقو الناس تقرأ الواقع كويس..!
كبر
|
Post: #26
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 06:16 AM
Parent: #25
الشفيع وراق..حبابك يا صديق
كتر خيرك على المرور..
الموضوع اتجاوز حكاية (هييع) يا قريبي والتحميس في السهلة كده..
خلينا نقرا الواقع:
حراك الشباب الثوري..حراك مشروع يا قريبي..والحكومة لسع شغالة بعقلية التجار وسماسرة الكومشن في أي حاجة..
عكسرة الحكم ردة كبيرة يا الشفيع يا اخوي..
اعلان الطوارئ..ردة كبيرة يا اخوي..
اصرار البشير على حرفنة المقدرة على لعبة البيضة والحجر..ما بتودي لي قدام..صحيح ممكن تودي البلد التوج..!
البلد محتاجة وقفة جادة تجاه:
اولا: وقف الحرب وللأبد
ثانيا: اجتثاث الفساد وسد منافذه..ومحاكمة أي مفسد كان حتى ولو كان من اسرة البشير..!
ثالثا: تحجيم اهل الحركة الإسلامية ممن ظنوا السودان ملك حكر لهم يسوا فيهو ما شاؤوا..
رابعا: الإستقواء بامريكا والسعودية والأمارات وقطر وتركيا لا يعني ان هذا نظام مقبول للشعب السوداني (طبعا عادي ممكن النظام يتصالح مع اهل السودان ان كان فعلا يظن فيهم الخير بمثل ما يظن في القوى الأخرى)..
صحيح المعارضة ما عندها التكتح يا الشفيع..لكن الواقع ، واقع الظلم والإضطهاد والقمع عندو الكتير الكتير..وهذا الرصيد حتى الآن الحركة الإسلامية لا تعرف كيف سيتم استغلاله..!
ودمت..
كبر
|
Post: #27
Title: Re: مبالغة يا عمر البشير: اول مرة تحدث في تأري�
Author: Kabar
Date: 04-01-2019, 06:25 AM
Parent: #26
شكرا لصديقات واصدقاء يتجشمون المشاق ويتابعون هذا الخيط..!
كبر
|
Post: #28
Title: Re: مبالغة يا عمر البشير: اول مرة تحدث في تأري�
Author: الشفيع وراق عبد الرحمن
Date: 04-01-2019, 08:31 AM
Parent: #27
Quote:
اولا: وقف الحرب وللأبد
ثانيا: اجتثاث الفساد وسد منافذه..ومحاكمة أي مفسد كان حتى ولو كان من اسرة البشير..!
ثالثا: تحجيم اهل الحركة الإسلامية ممن ظنوا السودان ملك حكر لهم يسوا فيهو ما شاؤوا..
رابعا: الإستقواء بامريكا والسعودية والأمارات وقطر وتركيا لا يعني ان هذا نظام مقبول للشعب السوداني (طبعا عادي ممكن النظام يتصالح مع اهل السودان ان كان فعلا يظن فيهم الخير بمثل ما يظن في القوى الأخرى)..
صحيح المعارضة ما عندها التكتح يا الشفيع |
أبصم بالعشرة ول ابا كبر
|
Post: #29
Title: Re: مبالغة يا عمر البشير: اول مرة تحدث في تأري�
Author: اخلاص عبدالرحمن المشرف
Date: 04-03-2019, 01:50 AM
Parent: #28
ما اعطاءكم له الصادق في الديمقراطية الثالثة الموؤدة اكثر
اكال ونكار
|
|