Post: #1
Title: السودان يعترض على طرح مصر مناطق للتنقيب في (حلايب)
Author: زهير عثمان حمد
Date: 03-21-2019, 07:49 AM
Parent: #0
07:49 AM March, 21 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
لخرطوم 20 مارس 2019-
في تطور جديد أعاد للواجهة الخلاف الأزلي بين الخرطوم والقاهرة، اعتبر وزير سوداني، تخطيط مصر للبحث عن النفط والغاز في مثلث حلايب "تدخلا مباشرا في صلاحيات وزارة النفط والغاز السودانية".
وينازع السودان مصر منذ أكثر من 50 عاما على تبعية حلايب الذي فرضت مصر سيطرتها العسكرية عليه منذ العام 1995، ويضم المثلث 3 بلدات كبرى هي: "حلايب وأبو رماد وشلاتين".
ويقع مثلث حلايب في أقصى المنطقة الشمالية الشرقية للسودان على ساحل البحر الأحمر وتسكن المنطقة قبائل البجا السودانية المعروفة.
ومنذ ذلك التاريخ اصبحت القاهرة تتعامل مع المثلث كمنطقة مصرية خالصة للحد الذي يصوت فيه قاطنوها في الانتخابات البرلمانية والرئاسية وبات لها ممثل في مجلس النواب.
وقال وزير الدولة بوزارة النفط السودانية سعد الدين البشرى في بيان صحفي الأربعاء، إن امتياز منطقة حلايب يقع تحت صلاحيات وزارة النفط والغاز السودانية وفقا للخرائط المعتمدة من الهيئة العامة للمساحة ووزارة الدفاع.
وأشار الوزير إلى أن ما قامت به شركة (جنوب الوادي) المصرية القابضة للبترول من طرح 4 مربعات عبر موقعها الرسمي، إلى جانب مساحات بدون مسمى داخل الأراضي السودانية بمنطقة حلايب في العطاء العالمي للعام 2019 لترخيص مربعات البحرية بالبحر الأحمر في مصر، "يعد تدخلا مباشرا في صلاحيات وزارة النفط والغاز السودانية في منح التراخيص للتنقيب عن النفط والغاز في هذه المنطقة".
وطالب الوزير الشركات والمكاتب الاستشارية ومكاتب الدراسات بوقف أي عمل في هذه المنطقة لأنه يعتبر غير قانوني، وتترتب عليه آثار قانونية سوف تتحملها الجهة التي تقوم به.
وأشار إلى أن وزارة النفط والغاز السودانية، لا تمانع في أي عمل مشترك للتنقيب عن الغاز والنفط في منطقة البحر الأحمر على أن يكون وفق اتفاقيات مشتركة وموقعة بين البلدين.
|
Post: #2
Title: Re: السودان يعترض على طرح مصر مناطق للتنقيب ف�
Author: قلقو
Date: 03-21-2019, 08:03 AM
Parent: #1
QUOTE : (اعتبر وزير سوداني تخطيط مصر للبحث عن النفط والغاز في مثلث حلايب "تدخلا مباشرا في صلاحيات وزارة النفط والغاز السودانية".، )
ولد ده ..من متين الوطنية والغيرة على تراب هذا الوطن ؟لكن كدى قول لي يا شيخنا الكلام ده إنت قاصد بيه الحكومة المصرية والشركات التى ستقوم بالتنقيب ولا قاصد بيه الشارع السودانى لأمتصاص غضبه ؟
|
Post: #3
Title: Re: السودان يعترض على طرح مصر مناطق للتنقيب ف�
Author: ياسر السر
Date: 03-21-2019, 08:09 AM
Parent: #2
هسة يطنشو من الموضوع الى ان تصبح المناطق دي ملك حر لمصر وعلى عينك يا تاجر ..... لك الله يا وطني فقد اصبحت دول الجوار تنهش في جسمك والجماعة ما فاضين ليك عشان هم مشغولين بي انفسهم .... اللهم الطف بالسودان وارض السودان واهل السودان ... وطن يتقطع ابا اربا على مراى ومسمع من حكومته ...
تحياتي : ياسر العيلفون ....
|
Post: #4
Title: Re: السودان يعترض على طرح مصر مناطق للتنقيب ف�
Author: Al Sunda
Date: 03-21-2019, 08:46 AM
Parent: #3
Quote: وطالب الوزير الشركات والمكاتب الاستشارية ومكاتب الدراسات بوقف أي عمل في هذه المنطقة لأنه يعتبر غير قانوني، وتترتب عليه آثار قانونية سوف تتحملها الجهة التي تقوم به.
وأشار إلى أن وزارة النفط والغاز السودانية، لا تمانع في أي عمل مشترك للتنقيب عن الغاز والنفط في منطقة البحر الأحمر على أن يكون وفق اتفاقيات مشتركة وموقعة بين البلدين.
|
وكأنما تصريح وزير الدولة للإستهلاك المحلي
هذا خلاف حدودي بين دولتين ووزارة النفط ليست معنية بالحديث في هكذا شأن
كان من باب اولي اولى تصريح من وزير الخارجية كحد أدنى مستصحبا حديث وزير النفط . في شأن تحذير الشركات
|
Post: #5
Title: Re: السودان يعترض على طرح مصر مناطق للتنقيب ف�
Author: Abdullah Idrees
Date: 03-21-2019, 11:23 AM
Parent: #4
وح يعملو شنو اكتر من الاعتراض ؟ يصدق عليهم المثل "ينبح الكلب والجمال ماشة " .. لانهم لصوص جبناء
دي قحة بنكهة صمة الخشم اتعودناها من مجرمي نظام البشير
بعترضو بس لمن يكونو محتاجين سند شعبي
|
Post: #6
Title: Re: السودان يعترض على طرح مصر مناطق للتنقيب ف�
Author: اخلاص عبدالرحمن المشرف
Date: 03-26-2019, 07:14 AM
Parent: #5
الحكومة من الضعف بمكان وكالعادة بستغل الجميع هذا
حينما كانوا في اقصي حالات الضعف أستضفنا طائراتهم وفتحنا لهم
سمواتنا بعد هزيمة يونيو
|
Post: #7
Title: Re: السودان يعترض على طرح مصر مناطق للتنقيب ف�6
Author: Abureesh
Date: 03-26-2019, 08:14 AM
Parent: #6
مع احترامى للجميع
الناس الفوق دى كلها.. خليتو شنو للمصريين عشان يسخروا من تصريحات مسؤول السودانى؟
لو ما شاعرين انكم واقفين مع مصر بمثل هذه التعليقات المصيبة اكبر.
|
Post: #8
Title: Re: السودان يعترض على طرح مصر مناطق للتنقيب ف�
Author: اخلاص عبدالرحمن المشرف
Date: 03-27-2019, 04:43 AM
Parent: #7
السلام عليكم
الاستاذ Abureesh
نرفع ضغطهم زي ما رافعين ضغطنا
( المسئول السوداني ) يرد وزير الخارجية بمذكرة اضعف الإيمان
ولو وسعناها شوية بستدعي السفير المصري
ما اقل من كده
|
Post: #9
Title: Re: السودان يعترض على طرح مصر مناطق للتنقيب ف�
Author: Abdullah Idrees
Date: 03-27-2019, 07:37 AM
Parent: #8
مع احترامي ليك يابوالريش
انت الى الان مافاهم كيف تعمل الانقاذ ..
لو زول اعتدى على ارضك واستولى عليها ، حيكون همك يرجع ليك ارضك ولا همك ما يبني فيها قطية ؟ لماذا لم تحرك الحكومة القضية بصورة جادة على كل المستويات ؟ لماذا لم تستغل كل الكروت المتوفرة لديها للضغط على مصر ؟ فائض مياه النيل ، سد النهضة ، فتح ملف اتفاقية مياه النيل ، العلاقات التجارية التي يميل فيها الميزان التجاري لصالح المصريين بشكل كبير جدا ، لماذا تسكت على الانتهاكات المصرية المتكررة ضد سكان حلايب ؟ لان حلايب لا تشكل تهديدا لعرش البشير لو اصبحت مصريه او عكسه مثلها مثل الجنوب ، نظام البشير مستعد للتفريط في اي شبر طالما لا يشكل ذلك تهديدا له.
الانقاذ طوال عمرها بتفكر برزق اليوم باليوم ، محتاجة شند شعبي طوالي تقوم تعمل ليها "حركة في شكل وردة" تلم الناس عليها من زمن امريكا روسيا قد دنا عذابها .. ما محتاجة وامورا سالكة فــ طظ في الشعب !
سنة 89 لمن قامت الانقاذ روسيا كان باقي فيها باقي ؟ كانت خلاص "جمعت الورقة " واتكلت على الله ، لاكين لازم الاسلاميين يعملو قصة ضد عدو شيوعي لم يعد موجودا
بعد شوية حليفهم الاكبر والى الان بقا منو ؟ الصين الشيوعية لدرجة ان الحزب الشيوعي اصبح يتبرع لحزب المؤتمر الوطني علانية في سابقة مافي زول سمع بيها كلو كلو .. حزب اجنبي يتبرع لحزب حاكم ، وكمان شيوعي 
|
Post: #10
Title: Re: السودان يعترض على طرح مصر مناطق للتنقيب ف�
Author: Abureesh
Date: 03-27-2019, 09:26 AM
Parent: #9
"لو زول اعتدى على ارضك واستولى عليها ، حيكون همك يرجع ليك ارضك ولا همك ما يبني فيها قطية ؟"
الاخ عبد الله ادريس. و الاحترام فى مكانه الذى تعرف.
طيب. نعكس الآية.
لو فى زول اعتدى على ارضك و بدأ يبنى قطيعة.. و انت ما قادر تطرده.. هل تقول ليه ابنى بناك ساى لغاية ما نقدر عليك؟ واللا تشهد عليه الناس و تذكر الناس الحوالينهم ان الارض بتاعتك و هو يتمادى فى السيطرة عليها؟
اى اتجاه فى الاعلان الفورى عن الاعتراض على اى محاولة لتثبيت الباطل يجب ان تشجع.. وبالعكس فيمكن السكوت يستعمل ضدك فى المستقبل.
تحياتى
|
Post: #11
Title: Re: السودان يعترض على طرح مصر مناطق للتنقيب ف�
Author: اخلاص عبدالرحمن المشرف
Date: 03-27-2019, 12:19 PM
Parent: #10
السلام عليكم
الجهة ال مفترض تعترض هي وزارة الخارجية
وزارة التعدين والنفط دي تعترض لو كان في اتفاق
لتقاسم نسب
الموضوع سيادي
|
|