دبابيس من صحف اليوم 20 مارس 2019 م

02:02 PM March, 20 2019

سودانيز اون لاين
Abdulhaleem Osman-Sudan
مكتبتى
رابط مختصر

من عجايب السودان :
👈 من كم سنة فاتوا أُعلن عن عزم الحكومة على انشاء مطار جديد غرب النيل بالقرب من أمدرمان وجاءت القروض من الصين والصناديق العربية لتمويل بناء المطار....
لحدي هنا مافي مشكلة....
فيما بعد تم تخطيط الارض المحيطة (بالمطار المزعوم) وتقسيمها لآلاف القطع السكنية وتم بيعها للشعب وبعض ابنائه المغتربين باعتبارها حي المطار.....
لحدي هنا مافي مشكلة.....
المشكلة انه الآن الحكومة قررت تأجيل قيام المطار لمدة أربعين سنة وبناءا على هذا التأجيل انخفض سعر الأراضي من حوالى 500 الف جنيه للقطعة وهو ما كان يعادل وقتها (20) ألف دولار الى حوالي 5000 جنيه جنيه وهو ما يعادل الآن (70) دولار تقريبا.....
📌 عاوزين محاسب شااااطر كدا يحسب لنا نسبة الخسارة في الموضوع دا كم في المية ......
.
.
📰 خبر لم يرد في صحف اليوم :
👈 مجلس وزراء حكومة ولاية نهر النيل في اجتماعه بالامس يرفض بالاجماع الاسترحام الذي تقدم به رجل الاعمال اسامه داؤود لاسترجاع 50 ألف فدان من أراضي امتداد الأمن الغذائي بمحلية ابوحمد تم نزعها منه من قبل لتقاعسه عن استثمارها.......
📌 نشكر مجلس وزراء الولاية على موقفه ونخطرهم أننا أحطنا علما بما جرى وعليه نتوقع أن تأتي الدغمسة من المنبع وعلى نوابنا والمعتمد و(مستمعينا) في المحليه وضع الموضوع في دائرة الضوء......
.ه.
.ه.
📰 الوطن:
👈 (1.2) مليار جنيه من العملة الجديدة لتوفير السيولة النقدية.
📌 رب رب رب كب لي جالون
.
📰 الوطن:
👈 (163) بلاغا ضد 500 متهم في محاكم الطوارئ.
📌 زيد السجن ترباس
.
📰 الوطن:
👈 الحكومة تقلل من إجتماعات (قوي نداء السودان) بباريس.
📌 متعودااا دايمنننن
.
📰 الإنتباهة :
👈 محاكمة شخصيات مرموقة بقانون الطوارئ.
📌 مرموقه يعني شنو؟ بي يخروا عنب والا بي يبولوا صندلية
.
📰 الإنتباهة :
👈 وزير مالية سابق: الأعباء المالية للاحتجاجات تهدد الميزانية.
📌 ان شاءالله تلحقها امات طه
.
📰 الإنتباهة :
👈 مصر تطرح منطقتين للتنقيب عن النفط في حلايب.
📌 قال يا فرعون ايه اللي فرعنك قال لاقي لي واحد لاوي له يده
.
📰 الإنتباهة :
👈 مسؤول: نصرف مبالغ كبيرة لتأمين المواقع والمعلومات الحكومية.
📌 ونحن دخلنا شنو عشان تكلمنا ؟
.
📰 آخر لحظة :
👈 وزير النفط لـ(آخر لحظة): أنا متفائل وأزمة الوقود لن تتكرر.
📌 ههههاااي الجملة دي سلموك ليها مع التسليم والتسلم ؟
.
📰 آخر لحظة :
👈 الإصلاح الآن يطالب بحل الحكومة وإقالة أيلا.
📌 أمممك الحكيم سخن
.
📰 آخر لحظة :
👈 تأكيدًا لما انفردت به (آخر لحظة)..هارون يتوجه إلى الدوحة.
📌 المرة دي قَرَعَة ما كفاية الا يكون شال معاهو شوال
.
📰 الجريدة :
👈 توقف التنقيب عن الذهب بالشمالية ونهر النيل لانعدام الجازولين.
📌 اعتصام طبيعي ، تتقد الرهيفة ان شاءالله ما تتلتق
.
📰 الجريدة :
👈 اتجاه لاستدعاء إيلا بالبرلمان بشأن تحايل مصانع سيارات.
📌 ايلا دخلو شنو الموضوع دا قدييييم
.
📰 الجريدة :
👈 أنباء عن تعيين الصادق الهادي مساعدًا خامسًا لرئيس الجمهورية.
📌 ههههه ياخ دا رئيس والا أم اربعة واربعين ؟
.
📰 الجريدة :
👈 نهر النيل تربط المعاملات ببطاقة التأمين الصحي.
📌 أفضل من يربطوها بي شهادة عدم الزواج....
.
📰 الجريدة :
👈 وزير الإعلام يؤكد أهمية التدريب المتخصص للإعلام.
📌 والتدريب دا لازم يكون بي تريننج سوت والا ممكن بالطرحة؟
.
📰 الجريدة :
👈 تذمر من انعدام السيولة بمدني وشكاوى من ارتفاع أسعار اللحوم بود مدني.
📌 هوووي يا ناس مدني ، بطلوا زمزغه ايلا دا تاني مافي زول بي يرجعه ليكم
.
📰 السوداني :
👈 وصول شحنة نقود تمت طباعتها بالخارج واستلام (2.5) مليار جنيه قريبًا.
📌 تلجكم بارد شديد يا ناس السوداني القروش دي قالوا (1.2) موش (2.5)
.
📰 السوداني :
👈 اجتماع حاشد للمجاهدين والناجي عبد الله يدعو شباب الإسلاميين للوحدة.
📌 الوحده ما كعبه ربنا يقدركم عليها
.
📰 السوداني :
👈 المركزي: تسويات مع رجال أعمال في قضية الأدوية وتفاصيل بلاغات الطوارئ بـ(6) ولايات.
📌 تاااني تسويات ؟ انتو المال دا مال عام والا مال ابوكم عشان تقبلوا فيه تسويات ؟
.
📰 السوداني :
👈 مركز المعلومات يرفض استلام (5) آلاف جهاز دفع إلكتروني.
📌 قطع الأعناق ولا قطع الأرزاق
.
📰 الصيحة :
👈 هارون يصل الدوحة لإجراء مشاورات مع حركات دارفور.
📌 الله وأعلم ان كان يصلح للمهمة دي
.
📰 الصيحة :
👈 السجن المؤبد لـ(12) من مهربي البشر بكسلا.
📌 عقبال مهربي المال العام الى ماليزيا ودبي
.
📰 الصيحة :
👈 بشير آدم رحمة: لا يستطيع أحد إقصاء الإسلاميين عن المشهد السياسي.
📌 الاسلاميين المقصودين بالاقصاء قاعدين يقصوا أنفسهم بانفسهم عن طريق أفعالهم الشينة وأقوالهم الزفرة
.
📰 أخبار اليوم :
👈 التفاصيل الكاملة لمحاكمة شروم المتهم بنشر مقاطع تهديد للمتظاهرين.
📌 عليكم الله شروم دا تعفوهو نحن شاكرين له والله على الماسورة المسككم ليها دي
.
📰 أخبار اليوم :
👈 مصرع(35) معدنا عن الذهب في انهيار منجم (ود نيالا) بجنوب دارفور وتعذر انتشال الجثث.
📌 لا حول ولا قوة الا بالله ربنا يرحم من توفى منهم وينجي الأحياء ويستر على بقية شبابنا من هذه المخاطر
.
📰 أخبار اليوم :
👈 والي ولاية الخرطوم يوجه بترتيب الأولويات للمرحلة المقبلة بالتركيز على تقديم الخدمات للمواطن.
📌 أول كانت متوجهة على شنو ؟
.
📰 ألوان :
👈 ء🐀🐀🐀🐀
👈 ء🐀🐀🐀🐀
👈 ء🐀🐀🐀🐀
.
📌ابووضاح 📌