Post: #2 Title: Re: بشارة دمعة، حسن طرحة و سمية سفنجات Author: النصرى أمين Date: 03-14-2019, 03:04 PM Parent: #1
هناك سوداني واحد (على الأقل) يظن ان هؤلاء الثلاثى أفضل الكفاءات السودانية. هذا السودانى اسمه عمر حسن
Post: #3 Title: Re: بشارة دمعة، حسن طرحة و سمية سفنجات Author: النصرى أمين Date: 03-14-2019, 03:06 PM Parent: #2
عمر حسن شخص محدود الإمكانيات. سريع الغضب، عدوانى . يعتقد ان ينتمى الى افضل واشرف القبائل السودانية.
Post: #4 Title: Re: بشارة دمعة، حسن طرحة و سمية سفنجات Author: عبدالرحمن الحلاوي Date: 03-14-2019, 03:11 PM Parent: #3
هذا العفن المخرج منه دولة المؤسسات والقانون فقطبسقوط مدو لكل الأقنعة والزيف وأعتقد أن الحصة ( تسقط بس).
Post: #5 Title: Re: بشارة دمعة، حسن طرحة و سمية سفنجات Author: النصرى أمين Date: 03-14-2019, 04:18 PM Parent: #4
عزيزى عبد الرحمن طبعا الحصة تسقط بس
لكن بنحاول نفكر كما يفكر الاتقاذى .
We're trying to jump into Ingaz train of thoughts
او ننزل لمستواه حتى نشوف اخرتها شنو معاه.
Post: #6 Title: Re: بشارة دمعة، حسن طرحة و سمية سفنجات Author: عمر التاج Date: 03-14-2019, 04:23 PM Parent: #5
والعجب الصورة يا النصري في ذمتكم دي حكومة كفاءات ولا ما كفاءات مع التحايا،
Post: #7 Title: Re: بشارة دمعة، حسن طرحة و سمية سفنجات Author: عمر سعيد علي Date: 03-14-2019, 04:56 PM Parent: #6
النصري امين . . شنو قصة السودانيين مع الكرفتة الحمرا دي . .
Post: #8 Title: Re: بشارة دمعة، حسن طرحة و سمية سفنجات Author: النصرى أمين Date: 03-14-2019, 05:27 PM Parent: #7
اهلا عمر اصرار الحكومة بوصف الحكومة انها حكومة كفاءات لوحده دليل ان الانقاذ كلها بدون إستثناء ما فيها كفاءات.
وزير داخلية ماعنده اى خبرة عملية فى إدارة الكوارث (وهى إحدى متطلبات الوظيفة) ما عنده خبرة عملية فى اى حاجه؛ كل مؤهلاته حته بكلريوس من جامعة انقاذية (معليش لخريجى تلك الجامعة) و كورس تقوية لغة انجليزية.
حمل السلاح ضد الحكومة (لدوافع نبيلة) حسبها يمين ؛ حسبها شمال فى النهاية اقتنع
If you can't beat the Ingaz; join them
هذا البشارة اتردد مليون مرة ان أجعله على رئاسة جمعية خيربة خليك من وزير داخلية .
Post: #9 Title: Re: بشارة دمعة، حسن طرحة و سمية سفنجات Author: النصرى أمين Date: 03-14-2019, 05:48 PM Parent: #8
الأخ عمر لو دققت فى الصورة بعين فنية تلاحظ الفوضى فى الاستعداد. لو كان الفريق الفنى المسؤول عن إنتاج هذه الصورة مؤهل و من الكفاءات كان ألتزم بضرورات العمل الفنى . كان ركز على التفاصيل و اهتم بأدق التفاصيل.. لو كان طاقم كفء و مؤهل كان طلب من الرئيس يقعد صاح . كان جهز للصورة قبل يوم و الزم كل طرف بهيئة معينة. كان طلب من الصفوف الامامية ان (بلموا كرعبنهم) لاحظ الزول القاعد جنب سمية سفنجات مشتح كيف !! و عافص سفنجات سفنجات.
شاهدت قبل أسبوعين عمل فنى إنتاج إحدى الشركات المحلية فى الخرطوم العمل كان ملخص لحفلات زواج احد اقاربنا ..كدت لا أصدق ان هذا إنتاج شركة سودانية محلية .. عمل فى قمة الإبداع. اهتمام بالصوت و الاضاءة و والمونتاج و الموسيقى. هذه كفاءات سودانية فى مجال وأحد فقط . لدينا كفاءات فى كل المجالات فى النهاية ترمى لنا الانقاذ أمثال طرحه و دمعة و سفنجات و تدعى انهم خير أبناء الوطن ليقودوا المرحلة الحرجة التى تمر بها البلاد.
Post: #13 Title: Re: بشارة دمعة، حسن طرحة و سمية سفنجات Author: منتصر عبد الباسط Date: 03-14-2019, 06:34 PM Parent: #9
وزير اعلامنا القادم (طرحة) قادي تاريخ! بهت الحجاج ابن يوسف ونسب له مقتل الحسين رضي الله عنه! في حين أن الحجاج حين مقتل سيدنا الحسين كان عمره عشرون عاما فقط ولا زال بالطائف ولم يلتحق بالأمويين بعد. استشهاد الحسين رضي الله عنه كان في عهد يزيد بن معاوية واستعمال الحجاج في الشرطة ثم غزوه للحجاز ثم ولاية العراق كله كان بعد تولي عبد الملك بعد انتهاء عهدي يزيد ثم مروان.
Post: #10 Title: Re: بشارة دمعة، حسن طرحة و سمية سفنجات Author: جمال ود القوز Date: 03-14-2019, 05:50 PM Parent: #8
كل ديل !!! .. وكمان وزراء دولة ده غير جيش الوزراء وبقية العطاله .. الحيصرفوا مخصصات وعربات وبيوت وبنزين .. وأكل وشرب على قفا المواطن المسكين المالاقي باكل .. تبا لهم .. نص العطاله ديل كفاية لادارة هذا البلد المنكوب مواطنه .. يديروا شنو اصلا !!! .. تسقط بس ..
ماشايف كفاءات ولايحزنون كلهم ترضيات وتسكيت .. على حساب الوطن والمواطن المعدم .. دي زريبة قفلوا باب قديم وفتحوا ليها باب مقبل بالناحية التانية .. ولا عملوا حاجة .. هيه هيه ..
Post: #11 Title: Re: بشارة دمعة، حسن طرحة و سمية سفنجات Author: nour tawir Date: 03-14-2019, 06:02 PM Parent: #10
يا عمر التاج.. عمر البشير شكلو قنعاااااااان.. و الولية تابيتا العملوها وزيرة التعليم العالى .. مؤهلها الاوحد هو شهادة فى التمريض.. و الولية سفنجات لو قعدت جنب أيييى ست شاى.. حتعلمها تلبس كيف.. و هلم جار.. فاذا كانت دى حكومة الكفاءات... فيا عمر البشير ارجع ورا.. ثورتنا دى ما بتقدرا...
Post: #12 Title: Re: بشارة دمعة، حسن طرحة و سمية سفنجات Author: النصرى أمين Date: 03-14-2019, 06:09 PM Parent: #11
أهلا جمال. الغريب والعجيب انه حكومة ولاية الخرطوم كلهم دكاترة (اتنين برفوسير) و ومهندسين و كبار الضابط و احد القضاة (اظن) شكلهم كده بالنسبة لى شوية ناس عندهم شوية فهم فى الدينا دى (لا يمنع انهم مشاركين فى جريمة العصر)
لو استبدلوا الحكومة المركزية بحكومة الخرطوم كان شوية وفروا على نفسهم السخرية من أعدائهم (نحن) و الضيق و الاحتجاج من بنى كوز. .
Post: #14 Title: Re: بشارة دمعة، حسن طرحة و سمية سفنجات Author: منتصر عبد الباسط Date: 03-14-2019, 07:02 PM Parent: #12
حكوماتنا في عهد الكيزان بقت زي تكسي الصعايدة بالظبط ههههههههه
Post: #15 Title: Re: بشارة دمعة، حسن طرحة و سمية سفنجات Author: منتصر عبد الباسط Date: 03-14-2019, 07:53 PM Parent: #14
سبب معاناة المواطن السوداني مع سلطات الكيزان في جانبها الاقتصادي والخدمي بسيط جدا ولا يحتمل التعقيد. الدولة لها دخل مهما عظم فهو محدود بارقام وصرف أنظمة الكيزان وانفاقها لا حدود له وحكوماتها من وزراء وولاة ونواب برلمانيين ومحافظين وعسكريين وأمنيين واداريين وصرف لا أول له ولا آخر وترهل ما بعده ترهل دون خدمات تذكر يعني صرف على أنفسهم بأضعاف دخل الدولة ثم ينفقون بالتضخم بعد نفاد دخل الدولة يعني على حساب الشعب ومن جيبه الخاص بعد اهدار وانفاد كل الدخل العام وهذا سبب الأزمة التي هي بفعل النظام لا غيره . وأي واحد يقول هذا ليس هو السبب كذاب منافق..
Post: #16 Title: Re: بشارة دمعة، حسن طرحة و سمية سفنجات Author: النصرى أمين Date: 03-14-2019, 10:22 PM Parent: #15
أهلا نور تاور
الإنقاذ لا تعرف معنى الكفاءة أصلا لأنها قامت على ركن التمكين .
سمية سفنجات هذه لا تصلح مديرة لمدرسة بنات أولية. فى دولة خالية من التقرحات لا كمان لسمية سفنجات لتقود اى عمل حكومى. احتمال موظفة عادية و احتمال بعد 30 سنة خدمة جادة تصل لمرحلة وكيل وزارة
Post: #17 Title: Re: بشارة دمعة، حسن طرحة و سمية سفنجات Author: منتصر عبد الباسط Date: 03-15-2019, 00:22 AM Parent: #16
Quote: و احتمال بعد 30 سنة خدمة جادة تصل لمرحلة وكيل وزارة
وكيف معاك 30 سنة في خدمة حزب الكيزان باندراش شديد ربما قطع السفنجات ذاتا . مع أني ما عارف مناسبة الاسم بتاع ( سفنجات) شنو!
Post: #18 Title: Re: بشارة دمعة، حسن طرحة و سمية سفنجات Author: اخلاص عبدالرحمن المشرف Date: 03-15-2019, 00:47 AM Parent: #17
السلام عليكم الناس دي ما بتوب لإيلدغ المؤمن من جحر مرتين
Post: #19 Title: Re: بشارة دمعة، حسن طرحة و سمية سفنجات Author: النصرى أمين Date: 03-15-2019, 01:16 AM Parent: #18
سلام منتصر حسن طرحة زول نضام ،يجيد فن الخطابة و أثارة الجماهير و تقريبا ده السبب الرئيسى وراء ماهو عليه اليوم ، ا إلانقاذ قامت باستقطابه و تجنيده لكسر شوكة المعارضين وإظهارهم و كانهم للبيع و الشراء . لا أعرف إذا كان حسن طرحه أفتى فى مسائل دينية لكن النوع ده ممكن تتوقع منه اى حاجه. هو مثال جيد لمقولة (دعونى أعيش)
وبالنسبة للاسم .ظهرت السيدة سمية فى صورة رسمية وهى تؤدى عملها فة وزارة الصحة و هى لابسه سفنجة. لاحقا صدر توضيح إنها مصابه بجرح (او شي مشابه) فى قدمها.
Post: #20 Title: Re: بشارة دمعة، حسن طرحة و سمية سفنجات Author: النصرى أمين Date: 03-15-2019, 01:18 AM Parent: #19
اهلا اخلاص الإنقاذ بتدور فى حلقة فارغة ليها عشرات السنين.
Post: #21 Title: Re: بشارة دمعة، حسن طرحة و سمية سفنجات Author: النصرى أمين Date: 03-15-2019, 01:39 AM Parent: #20
أحمد سعد عمر ..حفيد على دينار مواليد 1948
نعم مواليد 1948.
شارك فى كل الحكومات. و مستعد يشارك فى كل الحكومات المستقبلية. لانه حفيد على دينار ولانه مقرب من محمد عثمان الميرغني. ماذا نتوقع ان يقدم أحمد سعد عمر؟ لاشي على الاطلاق. حتى لو توفرت كل الظروف لن يستطيع تقديم شئ. كرت محروق ليس الا . طبعا لا نستطيع ان ننسى مرسال محمد عثمان الميرغني المدعو حاتم السر .
Post: #22 Title: Re: بشارة دمعة، حسن طرحة و سمية سفنجات Author: النصرى أمين Date: 03-15-2019, 02:49 AM Parent: #21
حامد ممتاز خريج الاهلية 1995 إتجاه إسلامى مؤتمر شعبى. جناح الترابى . هرب الى الإمارات بعد المحاولة الانقلابية بتاعت الحاج آدم. أشتغل بالتجارة مع اسلاميين فى دبى. الأمور فى البدايه مشت زى الورد لكن خستكت بعد ذلك و تعرض لخسائر.. لاوز ليه المؤتمر الوطني بوظيفة سياسية لانه وجيه و نضام و ليس بعيد كل البعد من المؤتمر الوطنى. ادوه منصب سياسى صغير و كل يوم طالع لفوق لغاية اليوم بقى من المفضلين عند البشير. مثله مثل طارق الذى يناديه البشير فى المؤتمرات.
خبرته كلها شوية تجارة و استهبال فى الامارات و ترويج للمؤتمر الوطني. That's it
Post: #23 Title: Re: بشارة دمعة، حسن طرحة و سمية سفنجات Author: النصرى أمين Date: 03-15-2019, 03:30 AM Parent: #22
بحر ادريس ابوقرده دفعتنا فى معهد الكليات التكنولوجية لا أعرف ماذا درس بالظبط لكن سمعت انه خريج سكرتارية. كل خبرته العملية التى نعرفها انه اشتغل فى شركة صمغ عربى فى تشاد. وانه اتجاه اسلامى تبع الترابى انه من المؤسسين للعدل والمساواة مع خليل ابراهيم. انفصل عنه وكون فصيل مع السيسى و عملوا اتفاق مع الحكومة برعاية قطر . دفعتنا اليوم ماشاء آلله....خبرات فى كل مكان فى العالم مهندسين و مدراء بنوك و استشاريين (للااسف انا لست واحد منهم ، لكن اكتسبت خبرات فى مسائل حياتية أكثر من مهنية) كوادر مؤهلة جد . يقع الإختيار على بحر فقط لانه حمل السلاح و حارب الحكومة . و مع ذاك تفرضه الإنقاذ على الشعب بانه احد الكوادر المؤهلة. بحر ابوقرده لا يستحق ان يكون وزير . نقطة فل استوب.
Post: #24 Title: خالد حسن ابراهيم وزير دولة بمجلس الوزراء Author: بكرى ابوبكر Date: 03-15-2019, 03:49 AM Parent: #23
يا اخي دا عندو خبرة في الفساد و الافساد من ايام مايو
Post: #25 Title: Re: خالد حسن ابراهيم وزير دولة بمجلس الوزراء Author: النصرى أمين Date: 03-15-2019, 01:36 PM
ابكر يا حبيب الجماهير. ياخ على الاقل صاحبك جردل ده من متفوقى الجميلة و مستحيلة فى عصرها الذهبى. يعنى زول عنده إمكانيات أكاديمية و قيادية. بس استخدم هذه الإمكانيات فى أعمال الشر و أذية الناس. لكن ناس طرحة و دمعة و ممتاز ناس وهم ساى خدمتهم الظروف يكونوا فى قيادة البلد
