سلام يا شباب بحري بسال هل اللواء ركن سليمان مختار حاج مكي الحاكم العسكري لولاية شرق دارفـور هو سليمان ود شمبات و الكان عندو اهتمام بالكديت في مدرسة بحري الحكومية في الفترة من ٨٠-١٩٨٤
Post: #2 Title: Re: ناس بحري الحكومية في ٨٠ هل سليمان مختار حا Author: بكرى ابوبكر Date: 03-12-2019, 08:20 PM
Post: #3 Title: Re: ناس بحري الحكومية في ٨٠ هل سليمان مختار حا Author: Ahmed Yassin Date: 03-12-2019, 10:15 PM Parent: #2
اهلا يا ريس هو نفسه سليمان مختار حاج مكي الريح من حجر العسل .. الدفعة 36
سلام وشكرا احمد يسن سليمان دفعتي في بحري الحكومية الثانوية علي ما اظن كان عندوا توموا ..اقصد تيمان في نفس الدفعة... هل كان سليمان يسكن شمبات...صرص....؟
الغريبة كنت اتوقع العقيد عادل حامد الجمرى ان يكون في اي تشكيل جديد لنظام البشير بحجم الظهور الاعلامي للجمري و هو ايضا من بحري ودفعتنا
Post: #5 Title: Re: عادل حامد الجمرى Author: يحي قباني Date: 03-13-2019, 03:54 AM Parent: #4
Quote: الحكومية في الفترة من ٨٠-١٩٨٤
يا هندسة ... الثانوي رجعوا أربعة سنين في زمنكم و لا شنو ؟ :)
Post: #6 Title: Re: عادل حامد الجمرى Author: بكرى ابوبكر Date: 03-13-2019, 05:16 AM Parent: #5
غلطة مطبعية يا هندسة المقصود ٨١-٨٤ شكرا للتصحيح والزيارة
Post: #7 Title: Re: عادل حامد الجمرى Author: Ahmed Yassin Date: 03-13-2019, 03:14 PM Parent: #6
Quote: غلطة مطبعية يا هندسة المقصود ٨١-٨٤
انا قايلك يا هندسة حسبت معاها الاعادة حقت اتحاد المعلمين ---- والله ماشاءالله يا ريس ذاكرتك تمام فعلا هم توأم ومن شمبات صرص او (الحلة شوحطت) باسمها القديم جدا هواظن هو لازال بنفس الصرامة .. والجدية في الكديت ولا زال ما بيعرف يضحك ايام كان سليمان قائد معهد ضباط الصف في جبيت يقال انه ضحك مرة واحدة لثواني بسيطة في طابور التمام حق الصباح لمن شاف واحد من العساكر لابس فردة بوت والتانية سفنجة لامؤاخذة.. طبعا العسكري المسكين زحف من جبيت حتى طوكر
Quote: هواظن هو لازال بنفس الصرامة .. والجدية في الكديت ولا زال ما بيعرف يضحك
الغريبة البتذكروا عن سليمان في بحري الحكومية كان زول بتاع ضحك و كوميدي ومعاهو توموا......
المحيرني انو سليمان اصبح لواء و الجمري لسع عقيد مع انو عرفت ان الجمري عندو قرابة مع المجرم البشير
غايتو نسمع كلام من الزملاء بالمنبر مجدي كنه و عمر عثمان اصدقاء سليمان و الجمري
Post: #9 Title: عودة اللواء أنس عمر والياً لشرق دارفور Author: بكرى ابوبكر Date: 03-13-2019, 07:23 PM Parent: #8
الظاهر البوست دا جاب الكفوة و النحس للواء سليمان فقد اصدر البشير قبل قليل بعودة الامنجي انس عمر واليا لولاية شرق دارفور
Quote: عودة اللواء أنس عمر والياً لشرق دارفور الأربعاء, 13 مارس 2019 15:46 التحديث الأخير ( الأربعاء, 13 مارس 2019 15:47 )
أصدر رئيس الجمهورية المشير عمر حسن أحمد البشير، الأربعاء، مرسوماً جمهورياً أعاد اللواء أمن أنس عمر محمد والياً لولاية شرق دارفور. وسبق أن تم تعيين أنس والياً للولاية في يونيو من العام 2015.
وكان رئيس الجمهورية أصدر في فبراير الماضي مراسيم جمهورية بإعفاء ولاة الولايات وحل الحكومات الولائية وتكليف ولاة جدد.
Post: #10 Title: Re: عودة اللواء أنس عمر والياً لشرق دارفور Author: عزالدين عباس الفحل Date: 03-14-2019, 05:39 AM Parent: #9
يا رئيس سلام. مدرسة بحري الحكومية. الريادة و السيادة .