Post: #2
Title: Re: ماهو متوسط اعمار كتاب و قراء سودانيز أونل�
Author: النصرى أمين
Date: 03-08-2019, 07:43 PM
Parent: #1
غايتو انا 56 وداخل على 57.
|
Post: #3
Title: Re: ماهو متوسط اعمار كتاب و قراء سودانيز أونل�
Author: shaheen shaheen
Date: 03-08-2019, 08:01 PM
Parent: #2
يجب أن يحدث إحلال وابدال حقيقى فى المنبر العام .
يجب ان نغادر نحن هذا المنبر .. بكهولتنا وسخفنا والتهابات بروستاتنا .
يجب ان يسيطر الجيل الجديد الواعد على المنبر .
على الإدارة اتخاذ ما يلزم لذلك .
|
Post: #4
Title: Re: ماهو متوسط اعمار كتاب و قراء سودانيز أونل�
Author: امتثال عبدالله
Date: 03-09-2019, 04:47 AM
Parent: #3
النصري أمين وشاهين شاهين
خالي عمره ٦١ سنة وهو مقيم في أمريكا وذهب إلى طبيب وسأله الطبيب عن عمره فقال ٦١ سنة وهنأ قال له الطبيب:
You are just a baby ...me I'm 74 years old and still enjoying my work
Our life start in the sixties ..
وهذا المنبر العام قائم ومستمر بوجودكم يا حكماء المنبر وكتابه الجهابذة...فإذا توقفتم توقف المنبر ...
انتو لسه شباب ....والله يطول في عمركم....ويديكم الصحة والعافية
|
Post: #5
Title: Re: ماهو متوسط اعمار كتاب و قراء سودانيز أونل�
Author: shaheen shaheen
Date: 03-09-2019, 07:28 AM
Parent: #4
تسلمى الابنة العزيزة / امتثال .
يجب ان يتم تتويج هذا الحراك الشعبى بتغيير جذري فى المنبر .
تغيير حقيقى فى الوجوه ؛ الإحالة للتقاعد واستيعاب الدم الجديد .
وهى ليست عملية صعبة ؛ لو اقتنعت الإدارة .
الاتصال بأطراف الطيف السودانى لترشيح عضوات وأعضاء من الشباب للمساهمة فى المنبر العام .
معادلة تهتم بالتوازن الفكرى والسياسي والاجتماعي .
فعلى سبيل المثال أين شباب الفكر الجمهورى ( فى بدايات عشرينيات أعمارهم ) .
وعلى ذلك يكون القياس .
وأنا أول الأعضاء من الكهول أعلن ترك مكانى فى المنبر لجيل الأبناء .
هم المستقبل ؛ ونحن فى انتظار كفن من طرف السوق وشبر فى المقابر .
عاش نضال شعبى .
# تسقط بس .
|
Post: #6
Title: Re: ماهو متوسط اعمار كتاب و قراء سودانيز أونل�
Author: زهير عثمان حمد
Date: 03-09-2019, 08:26 AM
Parent: #5
الاحباب تحياتي
لقد قضينا أعواما طوال هنا وكررنا أنفسنا أتحدث عن تجربيتي تحدديا وعلينا أن نمنح الشباب فرص هنا \
لابد من المجايلة يا أصدقائي
لكم خالص الود
B]
|
Post: #7
Title: Re: ماهو متوسط اعمار كتاب و قراء سودانيز أونل�
Author: Mohamed Adam
Date: 03-09-2019, 08:40 AM
Parent: #5
Quote: يجب أن يحدث إحلال وابدال حقيقى فى المنبر العام .
يجب ان نغادر نحن هذا المنبر .. بكهولتنا وسخفنا والتهابات بروستاتنا .
يجب ان يسيطر الجيل الجديد الواعد على المنبر .
على الإدارة اتخاذ ما يلزم لذلك . |
للأسف انتم تسجنون الوعي في كورنة ضيقة وهي ال Chronological age ...
الزمن لايدخل في عمليات الوعي.... .
|
Post: #8
Title: Re: ماهو متوسط اعمار كتاب و قراء سودانيز أونل�
Author: عبدالحفيظ ابوسن
Date: 03-09-2019, 08:54 AM
Parent: #7
لي 30 سنة عمري ابا يزيد من العشرين سنة
|
Post: #9
Title: Re: ماهو متوسط اعمار كتاب و قراء سودانيز أونل�
Author: shaheen shaheen
Date: 03-09-2019, 08:57 AM
Parent: #7
أعمار الناس فى فيديوهات تظاهرات الشوارع هى التى تحدد من يمتلك الوعى الآن .
لكل زمان رجال ونساء .
التقاعد موجود فى كل الدنيا .. وضخ الدماء الشابة ظاهرة إنسانية معروفة .
فى كرة القدم ؛ فى الشركات الكبرى ؛ فى مؤسسات الدولة ؛ فى الجيوش الخ .
|
Post: #10
Title: Re: ماهو متوسط اعمار كتاب و قراء سودانيز أونل�
Author: Asim Ali
Date: 03-09-2019, 09:19 AM
Parent: #9
منابر الحوار لايقاس مرتاديها بمتوسط العمر وانما بقدره العطاء ومستوى الوعى وقدره التجديد اضف الى ضروره حوار الاجيال.
|
Post: #12
Title: Re: ماهو متوسط اعمار كتاب و قراء سودانيز أونل�
Author: Asim Ali
Date: 03-09-2019, 09:29 AM
Parent: #10
كل سن ليهو طبيعه عطاء
عندى صديه امريكيه(افريكتن امريكان) بعد سن الخمسين بعد التخفف من مسئوليه التربيه والنزول للمعاش درست باحدى كليات المجتمع لتحصل على شهاده تمكنها من استمرار عطائها بما يتناسب مع خبرتها وسنهاوهى الان على عام اوعامين من سن الستين ولها احفاد وتعيش حياتها بحيويه وعطاء ابنه الثلاثين.
|
Post: #13
Title: Re: ماهو متوسط اعمار كتاب و قراء سودانيز أونل�
Author: Mohamed Adam
Date: 03-09-2019, 10:06 AM
Parent: #9
الزميل والأديب شاهين.. للعلم، مادة البوست بتتكلم عن متوسط اعمار الكتاب بسودانيزاونلاين يعني الموضوع برمته بيتكلم عن(العمر الزمني) - الفسيولوجي- للعضوية وليس بيتكلم عن العمر السايكلوجي لها!
عشان كدا انا بقول: سودانيزاونلاين فضاء إفتراضي مخصص لعمليات التواصل الإجتماعي وتحديدا مهتم فيه بنشر الوعي وعليه، يكون هو ما "بكان" لبذل مجهود عضلي، علي اساس نقدر نقول خلاص المعمرين فيه يتقاعدوا عن نشر الوعي لصالح الشباب وإلا حقوا الناس تشجب تدخل شيوخ علم الإجتماع، القانون والفلاسفة في عمليات نشر الوعي بين الشباب وذلك بتنظيرهم وتوجيهم للثورات الشبابية عبر التأريخ وذلك بحجة ان متوسط اعمارهم بلغ الأربعينات وماشي لي فوق وعليه يجب تقاعدهم!
السير في الشارع بالمظاهرات، كرة القدم، الخدمة بالشركات ، الخدمة بالجيوش وغيرها من الأعمال نعم هي تحتاج لمجهود عضلي وعليه تستوجب التقاعد بل يكون فرض عين علي الجهات المسئولة ان تضخ فيها دماء جديده لكي تعمل، وعليه يجب ان تتقاعد عضويتها بقانون(تدافع الناس بعضهم البعض) لكي نضمن إستمرارية الحياة اما اعمال الوعي فهي مطلقة لاتتوقف حتي لوتوقفت المادة(الجسم)!
ماسمعنا ولايوم ان هناك وعي ما، قد تقاعد عن العمل، فهل هذا ممكن يكون بسودانيزاونلاين؟
انا قايتو من الناس المعمرين بسودانيزاونلان البيقولوا:
# نقعد - بس
كل التقدير.
|
Post: #11
Title: Re: ماهو متوسط اعمار كتاب و قراء سودانيز أونل�
Author: Omer Abdalla Omer
Date: 03-09-2019, 09:23 AM
Parent: #2
الكتلا يالنصري.. 57 سنة!
و لا يهمك نحن أنداد
|
Post: #14
Title: Re: ماهو متوسط اعمار كتاب و قراء سودانيز أونل�
Author: النصرى أمين
Date: 03-09-2019, 11:19 AM
Parent: #11
الأخ شاهين
أتفق معك على مبدأ التغيير
لكن أختلف معك فى طريقة التنفيذ ان نترك المكان و يحل
محلنا شباب ثورة جديد.
الحقيقة ..البوست..جاء نتيجة خاطرة سريعة....
معظم أعضاء البورد من المسنين (فوق الخمسين) و لديهم خبرة
طويلة هنا و تجارب متعددة فى طريقة تناول القضايا (ساخنة كانت او باردة)
رغم هذه الخبرة الطويلة مستوى العطاء لم يتطور بنفس مستوى الخبرة.
رغم هذه السلبيات الا ان منبر سودانيز أونلاين يظل منبر الحكماء فى القضية السودانية
مقارنة بقروبات الفيسبوك.
طالما نحن الافضل ..المتوقع نكون برضه الأفضل فى الأداء.
انا شخصيا لا أتفاعل بنفس الحماس و العصبية لقضية مثل الهوية او العنصرية كما كنت أفعل من قبل . نظرتى لها اختلفت بعد أن شاهدت وعشت معارك (فكرية و غير فكرية) مهولة هنا المنبر، ممكن تقول انا عقلت و فهمت المشكلة من معظم أبعادها . كنت زمان أغضب من إساءات العرب لنا كعبيد، اليوم ابتسم and move on
الخلاصة ..الناس كبرت هنا واكتسبت معارف و خبرات كثيرة يجب أن تؤثر فى طريقة العطاء.
|
Post: #15
Title: Re: ماهو متوسط اعمار كتاب و قراء سودانيز أونل�
Author: عبدالحفيظ ابوسن
Date: 03-09-2019, 11:31 AM
Parent: #14
ان لم تشعر انك لازلت قادر علي العطاء وبكامل حيويتك فلن تكتب ولو كنت في ميعة الصبا
لذا حين يراودني احساس انني كبرت وصرت عبئا وذو فكر لا يواكب العصر . حينها فقط سأحس بثقل السنوات
الكتابة ليست كالمهن الوظيفية . الشعراء والكتاب كتبوا حتي قبيل موتهم وهم علي فراش المرض
اما التقاعد الوظيفي فذلك امر آخر وهو مبرر فسيولوجيا . حين يكبر الانسان تضعف قدرته البدينة ولكن عقله سيختزن ملايين المعارف والتجارب مما يجعله قادرا علي الاستبصار والرؤية التي تقرب للصحة والتحليل الثاقب والحنكة والصبر والهدوء فلقد خبر الحياة
للشيوخ في المجتمع السوداني دورا في الحياة
|
Post: #16
Title: Re: ماهو متوسط اعمار كتاب و قراء سودانيز أونل�
Author: النصرى أمين
Date: 03-09-2019, 12:23 PM
Parent: #15
الفاضلة إبتسام
لن أجرؤ بمخاطبتك بالابنة إبتسام كما فعل شاهين لانى
شايف نفسى زول صغير ، مرات كتيرة
ما بصدق انى تجاوزت الخمسين؛ ايضا استعمال كلمات مثل الأبن و الابنة
محبط جدا والله 😎 نحاول قدر المستطاع تجنبه ، غير أنه حتى تستحقى لقب إبنة يجب أن لا يتجاوز عمرك عمر احمد ولدى وهو 21 عام.
شايفه الكبر بعمل فى الزول شنو !!
صاحبى حليم زرته فى شقته فى سوريا (وبعد شهور قامت الحرب؛ انا سبب كوارث سوريا)
المهم زرته فى شقته و أسرته فى السودان ، اها ..أنا كل يوم بالليل اقوم اطفى فى لمبات الشقة ؛ قال لى ان مع علامات الكبر فى السودان انه الراجل يطفى لمبات البيت. وهى إشارة ان
الرجل السودانى وصل لمرحلة فكرية متقدمة ان اللمبات المولعة بدون سبب اهدار للطاقة و الموارد.
شكرا لمرورك الكريم
وبالمناسبة وين الكنداكات فى سودانيز أونلاين ؟
شايف المنبر يكاد يخلو منهن
|
Post: #17
Title: Re: ماهو متوسط اعمار كتاب و قراء سودانيز أونل�
Author: محمد البشرى الخضر
Date: 03-09-2019, 12:58 PM
Parent: #16
سلامات نصري اليومين دي بوستاتك منقة بس ههه
متوسط الأعمار أكثر من خمسة واربعين بكتييير, على الاقل متوسط اعمار العضوية الفاعلة ماشي على الكم وخمسين
اختلف مع اديبنا شاهين في مسألة افساح المجال للشباب, سودانيز مفتوحة ولا حاجة لأن يفسح احدهم مكانه ليحل آخر
ومن ناحة تانية طبيعة المنابر الحوارية و البوستات الطويلة الممتدة بالارباع و المداخلات المترية لا تناسب مزاج شباب اليوم ما يناسبه اكثر هو التغريدة ام 140 حرف و لايك أو قلب لبوست وهو ماشي او بياكل او بعمل في اي حاجة من التلفون
حتى لو سمع بكري كلامك وملى البورد شباب و مسّكنا الباب ح يموت البورد تاني يوم
|
Post: #23
Title: Re: ماهو متوسط اعمار كتاب و قراء سودانيز أونل�
Author: Asim Ali
Date: 03-09-2019, 06:30 PM
Parent: #17
| Quote: ومن ناحة تانية طبيعة المنابر الحوارية و البوستات الطويلة الممتدة بالارباع و المداخلات المترية لا تناسب مزاج شباب اليوم ما يناسبه اكثر هو التغريدة ام 140 حرف و لايك أو قلب لبوست وهو ماشي او بياكل او بعمل في اي حاجة من التلفون |
محمدالبشرى اشار لى نقطه مهمه انا اؤكد عليها من واقع الجربه فى التديس . الشباب الان للو استمريت فى الشرح اكثر من ربع ساعه او الانتقال من نقطه لى نقطه الا بشد الانتباه بدعابه خفيفه حتى يمكن الاشتمرار لساعتين او تلاته من غير مايطلعو بره الشبكه.دا غير انو الشباب حتى الكتابه - والجميع يلاحظ - اصبحوا يستخدموا الكلمات المحتصره واحيانا باستخدام ارقام زى 3 او7 بدل الحروف.
هل ديل يقدروا مثلا يستحملوا زى لياقه اب زمباره ؟؟
|
Post: #18
Title: Re: ماهو متوسط اعمار كتاب و قراء سودانيز أونل�
Author: Amira Hussien
Date: 03-09-2019, 01:31 PM
Parent: #1
هو نحن بنكتب يعنى عشان عند آراء وخبرة والخ ؟ ،انا غايتو بكتب للمزيد من المعرفة والمواكبة واكيد الشباب عندو الجديد المفيد
|
Post: #19
Title: Re: ماهو متوسط اعمار كتاب و قراء سودانيز أونل�
Author: النصرى أمين
Date: 03-09-2019, 01:44 PM
Parent: #18
الأخ زهير..
عشرين سنة تقريبا و نحن هنا..
المنبر كان اسمه المنبر الحر ، لكن نسبة لكثرة
الأسماء الوهمية و تحت ضغوطات عديدة رضخ بكرى و وافق
على تغيير الاسم إلى المنبر العام..ونحن قاعدين.
هجمات الهكر ..ونحن قاعدين.
انفصال أعضاء و تكوين منابر مشابهة ونحن قاعدين.
محاولة الحكومة شراء المنبر و نحن قاعدين
حرب دارفور و نحن قاعدين
فصل الجنوب و نحن قاعدين.
أحداث كثيرة حصلت فى خلال العشرين سنة و نحن قاعدين
وتقريبا لم يحدث تغيير يذكر
|
Post: #20
Title: Re: ماهو متوسط اعمار كتاب و قراء سودانيز أونل�
Author: امتثال عبدالله
Date: 03-09-2019, 02:03 PM
Parent: #19
الاخ النصري اظنك قاصد بسمات ومش ابتسام ...هي فارقت المنبر ولا تدخل إلا إذا أخبرتها ان هناك بوست عن عطبرة...وانا امتثال...
.واوافق ود ابو سن رأيه ميه في الميه ...
.والله يديكم الصحة والعافية فأنتم كواكب المنبر العام ونجومه ...
|
Post: #21
Title: Re: ماهو متوسط اعمار كتاب و قراء سودانيز أونل�
Author: النصرى أمين
Date: 03-09-2019, 02:10 PM
Parent: #20
معذرة قصدت امتثال .
النظر اتدهور شديد الفترة الأخيرة
|
Post: #22
Title: Re: ماهو متوسط اعمار كتاب و قراء سودانيز أونل�
Author: عبدالحفيظ ابوسن
Date: 03-09-2019, 03:34 PM
Parent: #21
تحياتي امتثال
وبلغي تحياتي ل بسمات و اميرة
وكتر خيركن
|
Post: #24
Title: Re: ماهو متوسط اعمار كتاب و قراء سودانيز أونل�
Author: الطيب عباس
Date: 03-10-2019, 05:30 AM
Parent: #1
نكتب شان عيون اطفالنا ما تضوق الهزيمة
|
Post: #25
Title: Re: ماهو متوسط اعمار كتاب و قراء سودانيز أونل�
Author: muntasir
Date: 03-10-2019, 06:59 AM
Parent: #24
قبلك وحدك يا شاهين شاهين نبرى ونستبرى من التهاب البروستاتا ، غايتو انا متوسط وقسمة المنفلة ونخت الواحد ونطلع بالطاطاشر ما بعرفها لكن لي في المنبر ١٦ سنة لكن دخلت صغير كان خمسة كان عشرة سنين
|
Post: #26
Title: Re: ماهو متوسط اعمار كتاب و قراء سودانيز أونل�
Author: ABUHUSSEIN
Date: 03-10-2019, 07:16 AM
Parent: #25
| Quote: هل ديل يقدروا مثلا يستحملوا زى لياقه اب زمباره ؟؟ |
|
Post: #27
Title: Re: ماهو متوسط اعمار كتاب و قراء سودانيز أونل�
Author: Hafiz Bashir
Date: 03-10-2019, 07:18 AM
Parent: #25
القصة ما قصة عمر
القصة عدد المشاركات
أي عضو عدد مشاركاته فات العشرين الف يتخارج طوالي.
عشرين الف مداخلة معناها يا كمل العندو يا قاعد يتلايق.
ود البشرى ود ابسن أبقوا مارقين.
|
Post: #28
Title: Re: ماهو متوسط اعمار كتاب و قراء سودانيز أونل�
Author: عبدالحفيظ ابوسن
Date: 03-10-2019, 07:43 AM
Parent: #27
حااااااضر
دة حكم قضائي يا مولانا ؟
ياخ بي الله عملت 20 والله ولا عارفها ياخ
اتخارجنا اصلو دايرين سبب
|
Post: #29
Title: Re: ماهو متوسط اعمار كتاب و قراء سودانيز أونل�
Author: محمد البشرى الخضر
Date: 03-10-2019, 08:03 AM
Parent: #28
استثناء يا مولانا:
اي عضو كمّل عشرين الف وما عنده مكتبة دا اليتخارج
|
Post: #30
Title: Re: ماهو متوسط اعمار كتاب و قراء سودانيز أونل�
Author: shaheen shaheen
Date: 03-10-2019, 08:14 AM
Parent: #28
حتى فى مجال الإبداع الذهنى يا استاذ محمد ادم .
يترجل البعض من بص الإبداع وتظهر الأصوات الجديدة الشابة فى الغناء والرسم والفلسفة والرواية .. حتى فى الفقه الاسلامى سيطر تلاميذ أبو حنيفة والإمام الشافعى على هذه المذاهب وهم إحياء ، تعلموا وأضافوا .
فى قطيع الحيوانات البرية ؛ الأكبر سنا تتم ازاحته بالقوة من قيادة القطيع .
هى الحياة عزيزى .. ربك خلقها كده ؛ راح تعمل ايه فيها ؟ .
|
Post: #31
Title: Re: ماهو متوسط اعمار كتاب و قراء سودانيز أونل�
Author: الزبير بشير
Date: 03-10-2019, 12:33 PM
Parent: #1
داخلين علي 58 بي سايرين
|
Post: #32
Title: Re: ماهو متوسط اعمار كتاب و قراء سودانيز أونل�
Author: بلدى يا حبوب
Date: 03-10-2019, 12:57 PM
Parent: #31
طالما توجد ديمقراطية وحرية لعرض الرأى والراى الاخر فالعمر الحقيقى هو احترام الحروف والانصياع الى حروف الشباب لزوم التجديد
للكبار نكهة حلاوة وطلاوة من عاشوا الديمقراطية على مر الزمان فكانت مشاركاتهم فيض من ينهل الشباب اما الشباب هم رولاد التغير ليلبس المنبر عباءة العولمة فاحترام مشاركاتهم واجب واخذ الجديد ليتلاحق مع المعروض من يم الكبار
اتمنى ان لا يتنحى الكبار ولكن بشرط ان يفسحوا للشباب مساحات للتجديد
تحياتى
|
Post: #33
Title: Re: ماهو متوسط اعمار كتاب و قراء سودانيز أونل�
Author: كمال عباس
Date: 03-10-2019, 01:11 PM
Parent: #32
سلام شاهين
Quote: يجب ان يتم تتويج هذا الحراك الشعبى بتغيير جذري فى المنبر .
تغيير حقيقى فى الوجوه ؛ الإحالة للتقاعد واستيعاب الدم الجديد .
وهى ليست عملية صعبة ؛ لو اقتنعت الإدارة .
الاتصال بأطراف الطيف السودانى لترشيح عضوات وأعضاء من الشباب للمساهمة فى المنبر العام |
الإحلال والإبدال حدث فعلا علي مستوي الأسافير
حيث أصبحت سودانيز أون وسيلة تواصل تقليدية مقارنة بالواتساب والفيس بوك والتويتر واليوتويب
الشباب والعقليات الشبابية ( العقليات الشبابية= هناك كهولا أضحوا نجوما ورموزا في عصر التوتير والفيس بوك ) أصبحت تتفاعل مع وسائط التواصل الإجتماعي الأكثر حداثة وتفاعلا وتأثيرا !
يعني زي الزول الحاضن راديو - الأريال في زمن القنوات الفضائية - ! ا لشباب والعقليات الشبابية ربما لاترغب العودة للراديو التقليدي ولكن علي الراديو التقليدي
أن يطور نفسه - يصبح رقميا ويستوعب في جوفه وسائل التواصل الحديثة حتي يستطيع جتذاب متابعيين!
|
Post: #34
Title: Re: ماهو متوسط اعمار كتاب و قراء سودانيز أونل�
Author: Hafiz Bashir
Date: 03-10-2019, 01:35 PM
Parent: #33
مكتبة ما بتحلك. لو عندك خور بإسمك زي ابو حسين، بنخصم ليك بوستاتك الفي الخور
ابو حسين بعد خصم حق الخور صِفى على تلاتة الف مداخلة بس.
|
Post: #37
Title: Re: ماهو متوسط اعمار كتاب و قراء سودانيز أونل�
Author: صديق مهدى على
Date: 03-10-2019, 05:21 PM
Parent: #34
حبابكم عشرة
بلا كشرة
انشاء الله تنالوا
ثواب بيعة اهل الشجرة
وفرحة العشرة
العمر شن دخلو
فى البوستات المنتشرة
عبر وسايط التواصل الاجتماعى
المتوفرة بكثرة
حيث اسرع من
النشرة
نشرة التلفاز والمذياع
المشفرة
لا والله انتم لكم
مطلق الحرية
والتعبير باحرف
لا تحتاج لفك شفرة
لان كل واحد فيكم
عبارة عن زهرة
تريح نفس كل
من فتح المنبر العام
بلهفة
ليقرا لكتاب
هم فخر بلادى
ادبا وعلما وصبرا
وشهرة
فالتحية لكم جميعا
اخوة واخوات
ومعذرة
لشخصى الضعيف
الذى اكتسب منكم
خبرة
فى كيفية التعامل
مع الكلمة
فحفظكم الله
من كل سوء
وسهل لكم عمرة
ولو فى العمر مرة
صديق مهدى على
الاحد 03/10/2019
الساعة 9:21 am
فنكس
|
Post: #35
Title: Re: ماهو متوسط اعمار كتاب و قراء سودانيز أونل�
Author: محمد حيدر المشرف
Date: 03-10-2019, 05:01 PM
Parent: #1
الشباب شباب القلم ..
فلا تبتئسوا ..
سي سي الاعمام حفيظ وحافظ والنصري وودالبشرى.. سنقاوم مشروع استبدالكم واحلالكم بقوة, ولن يكون
|
Post: #36
Title: Re: ماهو متوسط اعمار كتاب و قراء سودانيز أونل�
Author: عبدالحفيظ ابوسن
Date: 03-10-2019, 05:16 PM
Parent: #35
اجي يا كدة 😠
بقا رسمي يعني
حافظ يقترح
ودو يثني بشكل خبيث
ومشرف بشكل اخبث يعلن المقاومة
غايتو انا لا ساعل في البنا ولا البناول الطوب
البنا تقرأ بكري ابوبكر عديل كدة
اها
قااااااعد رغم انف المحبطين كهول العقول
|
Post: #38
Title: Re: ماهو متوسط اعمار كتاب و قراء سودانيز أونل�
Author: النصرى أمين
Date: 03-10-2019, 05:37 PM
Parent: #36
اهلا يا شباب و مرحب بكل المتداخلين
يبدو السؤال استفذ الناس شوية (استفذاذ من النوع الحميد)
والله فى النهاية الغرض تطوير المنبر و رفع مستوى المشاركات.
يعنى ناس أعمارهم فوق الخمسين نتوقع
منهم أداء مختلف من شباب فى العشرينيات .
زى ما قال ود البشرى لازم يحصل تغيير فى طريقة الكتابة
المداخلات المترية الطويلة الزمن اتخطاها ماعدا فى حالة الدراسات او المقالات
التى تحتاج لتطويل لا مفر منه. قبل أكثر من عشرة سنين كتبت بوست بعنوان
(من يفط مثلى) وهو عن المداخلات الطويلة المملة المتكررة التى اضطر ان أقرأ سطر
وافط سطر وأحيانا افط براقراف كامل.
درجة الوعى فى المنبر ده مبالغ فبها مقارنة بقروبات الفيسبوك لكن برضه نعشم
فى الأفضل لاننا نملك الحكمة و الخبرة والموهبة.
لحسن الحظ ان يملكون المال و السلطة و التجارة و الصناعة و الزراعة وغيرها من
النشاطات فى السودان، لحظ الحظ أنهم من جيلنا ، لذا صوت سودانيز أونلاين مسموع و مؤثر
لكن عندما تحصل عملية الإبدال فى السودان (و نتوقع ذلك قريبا) ربما يفقد منبر مثل سودانيز أونلاين رونقه مالم يكون جاهز للتغيير.
|
Post: #39
Title: Re: ماهو متوسط اعمار كتاب و قراء سودانيز أونل�
Author: محمد عبد الله الحسين
Date: 03-11-2019, 05:27 AM
Parent: #38
الأخ النصري
سلامات و تحيات زاكيات لك و للمتداخلين
اعتقد يا النصري الموضوع ليس له علاقة بالسن و لكن الأهم هو أن يكون لديك ما تكتبه..
فقد يكون هناك شاب و ليس لديه ما يقدمه للناس و قد تجد عجوز يمتلك مهارة الكتابة فتمتزج خبرته مع مهاراته فيأسر الناس و يفيدها..
أرى في تويتر كتاب و مفكرين غربيين تتهافت الناس لمتابعتهم ...لربما عكس ما عندنا...و ده موضوع تاني.
|
Post: #40
Title: Re: ماهو متوسط اعمار كتاب و قراء سودانيز أونل�
Author: عبداللطيف حسن علي
Date: 03-11-2019, 05:53 AM
Parent: #39
شعبنا الأبي ..
المرأة السودانية الثائرة في وجه القمع، المعطرة برائحة الوطن، الرجل السوداني الثائر ضد الخنوع، والشباب القابض على جمر القضية، ضارباً أروع الأمثال في التضحية من أجل تراب الوطن.
الشرفاء من أبناء وبنات السودان الحر، نمضي اليوم خطوات جديدة في نضالنا السلمي ضد النظام القمعي، الذي تجاوز كل القوانين الإنسانية والأعراف الدولية بإعلانه لقانون الطوارئ غير الدستوري، واستغلال جهاز العدالة القضائي من أجل تمرير العقوبات الظالمة المرفوضة. نمضي اليوم ودوماً نحو صباح الوطن وخلاصه بخطوات أبنائنا وبناتنا وهم يحملون همَّ الوطن ويحلمون بتعافيه، يدفعون حريتهم ودمائهم رخيصة من أجل خلاصه وحرِّيته وحريِّتهم.
انطلاقاً من إيماننا بأن الثورات هي نتاج وحدة الشعوب وصميم عزيمتها ومقاومتها مجتمعة، نعلن الأربعاء ١٣ مارس ٢٠١٩ يوماً للعصيان المدني في كل مدننا وأحياءنا وقرانا حسب جدولة الأسبوع الحالي.
العصيان المدني هو أحد وسائل المقاومة السلمية، وهو عمل شعبي، جماعي، سلمي، معلن، يتجرَّد من المصالح الشخصية، ويقوم على المقاومة الجماعية باشتراك عامة الشعب وبكل فئاته بالرفض والامتناع عن أداء المهام الوظيفية المحددة لكل فئة، ويتم بإدراك ووعي كامل وأهداف معلنة مسبقاً.
العصيان هو عمل سياسي مكفول دستورياً، لكنه خرق مُتعمَّد وتجاوز علني للقوانين من قبل الجماهير باستخدام الوسائل السلمية بهدف الرفض للانتهاكات والقوانين القمعية والمقيِّدة للحريات، أو رفضاً للسياسات والأنظمة الفاشلة.
يخاطب العصيان المدني الحس الوطني والالحاح على العدالة لدى غالبية المجتمع، ويخاطب الضمير الغافل لدى بعضه من أجل الثورة وتغيير الواقع السياسي المُزري والواقع الاقتصادي المنهار.
آليات العصيان المدني وغايته:
-التوقف عن أي عمل يخدم أو يدعم السلطة الحاكمة وجهاز الدولة، بما يشمل التوقف عن الخدمة في مؤسسات الدولة المختلفة مما يؤدي لشللها والتوقف التام في مفاصلها.
-إعلان الرفض الواضح لكل السياسات والقوانين الجائرة من قبل الأنظمة.
-توحُّد عامة الشعب في عمل جماعي ضد النظام الحاكم المستبد بهدف إسقاطه وتغييره.
-السلمية في كل أشكال العصيان المدني.
بعض أشكال العصيان المتوقعة:
-توقف موظفي المؤسسات الحكومية والخاصة عن كافة الأعمال الموكلة لهم وظيفياً وعدم الذهاب لمكان العمل.
-وقف دفع كل أنواع الرسوم والضرائب.
-تخلُّف الطلاب والمعلمين عن المدارس والجامعات والمعاهد وكافة دور التعليم.
-إغلاق كافة الأسواق والمحال التجارية.
-الامتناع عن شراء الكماليات والاكتفاء بالمواد الغذائية الضرورية.
-توقف سائقي السيارات العامة والخاصة والأجرة.
-الامتناع عن استعمال وسائل النقل قدر الامكان.
-توقف العاملين في محطات الوقود عن العمل.
-توقف التقاضي في المحاكم.
-النزول إلى الشوارع الكُبرى بشكل سلمي، مع حمل مايدل على شعارات الثورة ومطالبها.
-نشاطات التوعية بضرورة الثورة والتغيير والمشاركة فيها داخل الأحياء والفرقان في المدن والقرى بعقد الندوات والمخاطبات وتوزيع القصاصات والملصقات ومناقشة إعلان الحرية والتغيير.
إن خوض تجربة العصيان بهذا الشكل وبأشكال أخرى يبتكرها شعبنا ليس شأناً جديداً أو خروجاً ناشزاً، بل هو اكتمال بناء وطني شامخ طوبه تضحيات مشهودة ومونته دماء الشهداء والجرحى.
نُحيي جموع الأطباء والمعلمين والصحفيين والمهندسين والعمال والموظفين الذين ضحَّوا بامتيازات وظيفية، مقابل الجهر بالموقف الحق الأبلج في وجه الباطل اللجلج خصوصاً خلال شهور الثورة المجيدة ودفعوا أثماناً باهظة ترفع من رصيد الثورة وتُعلي من معاني الوطنية.
قوى إعلان الحرية والتغيير
١١ مارس ٢٠١٩
#عصيان13مارس
#مدن_السودان_تنتفض
|
Post: #41
Title: Re: ماهو متوسط اعمار كتاب و قراء سودانيز أونل�
Author: ABUHUSSEIN
Date: 03-11-2019, 06:43 AM
Parent: #40
Quote: لو عندك خور بإسمك زي ابو حسين، بنخصم ليك بوستاتك الفي الخور
ابو حسين بعد خصم حق الخور صِفى على تلاتة الف مداخلة بس. |
الله يسامحك ياخ ......
قدر ما نشتل الأفراح تجي الأقدار تمد إيدا
نحن نشتل في الأفراح و تجو إنتو تقلعوها قلع ....
يا جماعة ما تخلو أبو حسين في حالو ...
ما ممكن كل من أراد تسلق سلم النجاح يتلح أبو حسين ...
كرهتونا المنبر و كرهتونا أي شي ....
أوووووووووووووووووووووووووووووووووووف ...
عالم وهم ....
|
Post: #42
Title: Re: ماهو متوسط اعمار كتاب و قراء سودانيز أونل�
Author: Asim Ali
Date: 03-11-2019, 07:08 AM
Parent: #41
تتواصل الاجيال .....
المهم مايكون فى
وصايه تقمع وتقيد
او
تمرد يرفض (كل) ماقبله
|
Post: #43
Title: Re: ماهو متوسط اعمار كتاب و قراء سودانيز أونل�
Author: عبدالحفيظ ابوسن
Date: 03-11-2019, 07:16 AM
Parent: #42
يا حافظ افرز
انت قاصد ابوحسين ولا ود ابسن؟
|
Post: #44
Title: Re: ماهو متوسط اعمار كتاب و قراء سودانيز أونل�
Author: muntasir
Date: 03-11-2019, 07:41 AM
Parent: #43
يا شيخ العرب أركز ما تخرب الموت بالرفسي لو البروستاتا تمام عندك وما عندك التانية ديك أمورك طيبة تقعد بس ما بنشيلك نحن محتاجين لتواصل الأجيال ومعاك عمنا داك أب شنباً روب وجلابية بيضا مكوية
|
Post: #45
Title: Re: ماهو متوسط اعمار كتاب و قراء سودانيز أونل�
Author: Yousuf Taha
Date: 03-14-2019, 10:52 AM
Parent: #44
| Quote: متوسط الأعمار أكثر من خمسة واربعين بكتييير, على الاقل متوسط اعمار العضوية الفاعلة ماشي على الكم وخمسين |
ماعصرت علينا ياعمك
|
|