Post: #1
Title: يوم السُــــكْــــر العالمي .. أحموا ثورتكم يا مناضلين
Author: محمد حمزة الحسين
Date: 03-07-2019, 03:36 PM
Parent: #0
02:36 PM March, 07 2019 سودانيز اون لاين
محمد حمزة الحسين-امدرمان- ابوسعد
مكتبتى
رابط مختصر
السُــــــــكْـــــر بضم السين الطشم لط
واحد كان بسكر وولدوطلع رجل صالح وبرازي فيهو بالهدي والنُصح لامن تاب ...
يوم مارين بالقرب من الخمارات لقوا واحد وسخان أظن شغال يوميات فحم ..
وسكران لامن واقع ومتقيئ (يعني طارش في هدومو) الولد الصالح فرح ونزل قال لي ابوة :-
(تعال يابا شوف زي دا حسي عليك الله مو حرام يوميتو يضيّعا في جنس دا لامن يبقي فيهو قدر دا)
فبكي الوالد بكاءاً مراً حتي حن الإبن الصالح في حاله وقالت نفسه تحدثه ليتني لم أقرع ابي هكذا ..
فضمة وقال له هون عليك يا ابتي فقد تبت والتوبة تجُب ما قبلها هون عليك يا ابتاهـ ...
فقال الوالد (ما يبكيني يا ابني حتي تب كنت اتمني مثلها ولم يفتح الله عليّا بها ،
الله يجزاي حبوبتك كانت بتسقينا اللبن والسمن لامن دمنا بقي قوي نسكر من غير نقع)
|
Post: #2
Title: Re: يوم السُــــكْــــر العالمي .. أحموا ثورتكم
Author: محمد حمزة الحسين
Date: 03-07-2019, 03:42 PM
Parent: #1
اليومين ديل الجداد الإلكتروني شغال شغل عنيف ...
بشرط في الهدوم والناس تشيل تقطع وتلزق لامن اللزيق وصل حوش بكري ...
قبليويمين قريت بنواحي الفيس بوك والتي لا أزورها كثيراً تعليق واحد بقول ...
فيصل حسن ابراهيم جارنا وبجي سكران لامن يترتع فضحكت ...
فضحكت وقلت في نفسي الزول دا جادي عايز يناضل بي جنس كلامو دا ...
حتي تطقشت عيوني بوست بنواحي سودانسيز يحكي عن فساد جواكي الطغمة الحاكمة ...
فكتب هذا
Quote: Quote: فى ليلة ١٩ / ١٢ / ٢٠١٨ والشوارع تنتفض ضد النظام أقام زواج اسطورى لابنه فى نادى القولف فى سوبا ،
حيث تراصت فوق كل طاولة زجاجات النبيذ الفاخر وكان الحضور اركان النظام من قيادات الصف الاول أمثال قوش والمتعافى واحمد هارون وبقية المافيا الحاكمة
|
وكتبت هذا التعليق فتعذر الإرسال :
يا أمينة سعيد بدل صورة الجزلي مع المشير دي كان تجيبي لينا صورة النبيذ المعتق قدام مولانا أحمد هارون،
رئيس حزب العصبة الحاكم بالإنابة هو في أحلي من كدا فضيحة بجلاجل ...
قوش دا امنجي بخطأ ويصيب لكن المتعافي دا بالذات اهلو الحسانية يعافوهـ كما الحصان الأجرب ...
جيبي الصور وأضربي علي الخونة والمندسين الفاسدين بيد من حديد ... |
|
Post: #3
Title: Re: يوم السُــــكْــــر العالمي .. أحموا ثورتكم
Author: محمد حمزة الحسين
Date: 03-07-2019, 03:45 PM
Parent: #2
مثل هذه البوستات والتعليقات خصماً علي الثورة والثوار ...
وستضعف رصيد المصداقية تفعل كما يفعل السوس بالخشب فيفتته دقيق دقيق ...
أرجو الإنتباهـ
نصيحة أخيرة كان فترتو أعملو خطوات تنظيم وقرطو علي كدا عشان السنة الجاية بعد الإنتخابات كان ما فزتو تبدو من محل واقفين ...
|
Post: #4
Title: Re: يوم السُــــكْــــر العالمي .. أحموا ثورت�
Author: محمد البشرى الخضر
Date: 03-07-2019, 04:08 PM
Parent: #3
Quote: خصماً علي الثورة والثوار ...
وستضعف رصيد المصداقية |
عارف اكتر حاجة مقرفة فيك شنو يا حمزة الحسين - غير خبثك
إنّك عامل فيها هامّاك الثورة و الثوار و مصداقيتهم و بتدخل من الباب دا و تنفث سمومك
انت ما تخليك زي رفاقتك الكيزان وما تدسّها واعلنها عديل انو القصة دي ماكلة معاك جمبة وخايف خوف الموت على مصيرك بعد اكتمال مشوارها!
مع انّك لا في العير ولا في النفير وما ح ينالك شي بس ياهو الاحتقار المعتاد ما اكتر من كدا
فا شنو..
بطّل كل شوية جاي مدّبي وعامل فيها بتناصح وتورّي الثوار يسوّوا شنو ويفعلوا دا ويتركوا دا
عارفين طريقهم وما راجين نصيحتك
|
Post: #5
Title: Re: يوم السُــــكْــــر العالمي .. أحموا ثورت�
Author: علي عبدالوهاب عثمان
Date: 03-07-2019, 04:18 PM
Parent: #3
حبيبنا محمد حمزة .. تحياتي ..
سيرناقمي ..
زمان أيام الشباب ونحن معلمين نظرية ( ما لله وما لقيصر .. إلخ)
سهرات الخميس في ميز المدرسين ناظر من عندينا كان يقول ( قال المسيح عليه السلام القليل منه يشفي المعدة ) اللهم أغفر لنا .رمن .
زمن كان جميل راتب (40) جنيه في الشمالية هناك ضواحي الدنيا مصاريف البيت (10) جنيه .. زيت سكر صابون جاز ( باقي توفير اجباري)
لاحظ الجنية كان 3 دولار و14 ريال سعودي ..
يا ريب ناس الانقاذ لو كانوا ناس شراب .. ناس الشراب ديل ناس راقين وحساسين وظريفين جداً ..
حاجة دي من تراثنا نحن أولاد تمر ..عشان كده بنعرف خبايا الموضوع ..
قالوا قريبنا نميري سأل عمر محمد الطيب عن المظاهرات
قال ليه يا ريس (( ناس كانوا في عالم تاني .. قفلتوا البارات رجعتوا الناس للواقع ))
على الأقل ناس الشراب ما يحبوا الحاجات الحلوة الشاي مثلا ًيعني ( كان وفروا حق السكر من العملة الصعبة)
لا هم لا علاج لا دواء الموضوع كان بسط ومتعة واخوانيات .. اليوم ( إكتئاب .. وهم .. ومرض )
البشير بحاول استقطاب الشباب بإعادة نشاط شارع النيل .. والاستاد الرياضي .. يمكن كما يرجع لما قبل قرارات نميري
السودان من زمان ( محلات هناي .. وهلال مريخ )
حبيبنا محمد حمزة .. يا أخي مالك رحعتنا 50 سنة .. كما في ناس العمرة في البيت أهلنا من ضواحي الدنيا بالكوم الايامات دي تقول العمرة مجان
يعني بكرة ماشي ماشي مكة ورخصتي منتهية ما جددتها ( كسل بس) الله يهون مع التفتيش والغرامة .. واجب لازم أوصلهم ..
بعدين في البوست داك إنت قلت لواحد ( إير كمرتونتي ديقركو) كنت عايز أترجم بس خفت الزول يزعل
والترجمة طبعاً ( إنت راميك جمل ) ..
ما عارف اليوم همي فاضي كده .. وكتبت مداخلات كثيرة .. عمرة مقبولة إن شاء الله ..
هيروو ووو مهيمد
|
Post: #6
Title: Re: يوم السُــــكْــــر العالمي .. أحموا ثورت�
Author: muntasir
Date: 03-07-2019, 04:37 PM
محمد حمزة يا حبرتجي وانت شن نفرك في الثورة
|
Post: #7
Title: Re: يوم السُــــكْــــر العالمي .. أحموا ثورت�
Author: عمر التاج
Date: 03-07-2019, 05:08 PM
Parent: #6
على كدة يبقى بوستي بتاع البنية (السكر) ماشي مع الخط العام للثورة والثورة المضادة
أنا قلت يجيني ود لزينا يكفرني ويتهمني بالزندقة والدعوة الى دين جديد
|
Post: #8
Title: Re: يوم السُــــكْــــر العالمي .. أحموا ثورت�
Author: محمد أبوالعزائم أبوالريش
Date: 03-07-2019, 10:52 PM
Parent: #7
إتعودت لما أدخل في التويتر، ألقى الكوز محمد الهاشمي الحامدي بيتكلم عن ثورة السودان وإنها شغل شيوعيين وإنو الوضع في السودان مافي أحسن من كده .... إلخ ... أقوم أقول ليهو: (((مش شغلك))).
دحين إنت كمان: مش شغلك.
|
Post: #9
Title: Re: يوم السُــــكْــــر العالمي .. أحموا ثورت�
Author: علي عبدالوهاب عثمان
Date: 03-10-2019, 07:52 AM
Parent: #8
حيث تراصت فوق كل طاولة زجاجات النبيذ الفاخر وكان الحضور اركان النظام من قيادات
الصف الاول أمثال قوش والمتعافى واحمد هارون وبقية المافيا الحاكمة
================
قوش والمتعافي وهارون .. يبدوا عليهم ناس قعدات
لكن الباقين ما أظن ..
صدقت حبيبنا محمد .. هارون رغم الاختلاف معه لكن يبدو
عليه فن المخاطبة طريقة الكلام وحركة الجسدية أكيد كان زول قعدات
هيروو .. وووو ... مهمد
|
Post: #10
Title: Re: يوم السُــــكْــــر العالمي .. أحموا ثورت�
Author: Haytham Ghaly
Date: 03-10-2019, 08:15 AM
Parent: #9
| Quote: نصيحة أخيرة كان فترتو أعملو خطوات تنظيم وقرطو علي كدا عشان السنة الجاية بعد الإنتخابات كان ما فزتو تبدو من محل واقفين ... |
جهز البامبرز لي بت ام روحك ورئيسك مقاسو مافي سويلو خرتاية ياها شبهو
بطل الجقلبة و الزم الجابرة او توارى كما فعلو رفقاء دربك
|
|