سماحة طلة وصوت وكلمات وتعابير نفس هادئ ومقاطع شعرية رشيقة وكاريزما في الأداء غايتو ما بتلحقها في السماحة إلا البنية التانية المكسرة ضلعي وركبي الاسمها انصاف فتحي ست الغنا والطرب غايتو الواحد لو لم البنيتين ديل في بيت واحد وخت واحدة على يمينو والتانية على شماله وقد يسمع من غنا ديك ساعة ، ويتامل ساعة في شعر دي قسما بالله يعيش حياته اسعد واحلى جمهور
أححححححح
Post: #2 Title: Re: البنية دي شايله سماحة الدنيا والعالمين Author: محمد أبوجودة Date: 03-06-2019, 07:37 AM Parent: #1
السلام عليكم ..
يا خي خــَــفــِّــف المغازلة بالأوزان .. فما أرى
الثورة إلّا من هذه الأشجانِ
ثم وَ هاتيك الأنغام الرّيحان ..
ــــــــــــــــــــــ عويناتك بي حسين ياخي! دارتسحرِن
Post: #3 Title: Re: البنية دي شايله سماحة الدنيا والعالمين Author: عمر التاج Date: 03-06-2019, 08:08 AM Parent: #2
حبابك ياقريبي وشكرا على الإيقاع المتناغم الجميل مع محتويات البوست
Quote: يا خي خــَــفــِّــف المغازلة بالأوزان .. فما أرى الثورة إلّا من هذه الأشجانِ ثم وَ هاتيك الأنغام الرّيحان ..
كفانا كبت يا اخي 40 سنة ما قادرين نعبر عن الجوانا (العشرة الزايدة دي بتاع الجهلة هههه) أسه الحمد لله الحكومة (الحالية) قالت حا تفتح لينا شارع النيل وساحات الغنا والحكومة الجاية اكيد حاتفتح في النفس طاقات ، وحانغني ونمرح بين الشواطئ والجناين والمسارح ودي فرصة أقدم نفسي في البوست ده بصورة ( لايغة) اسمي عمر تاج العزيز ، في مقتبل عمري (مقتبل العمر ده وحات سيدي القمز ما بعرفها كم؟) أحب الموسيقى واستمع واستمتع بالشعر ، وسبقت ان فازت قصائدي وقصصي بالمرتبة الأولى في مهرجانات الجامعة أمارس الرياضة وأجيد السباحة والشطرنج والرسم ، أقدس الحياة الزوجية الآن قدرت جمعت البنيتين ديل في بوست واحد وفي مداخلة واحدة وأتمنى أجمعهم في بيت واحد أستمع إليهن مابقي لي من عمر ..
.. .. ملصقات يا أخوانا أردموني ملصقات يا شباب عشان قلبي مايقيف
Post: #4 Title: Re: البنية دي شايله سماحة الدنيا والعالمين Author: عمر التاج Date: 03-06-2019, 09:47 AM Parent: #3
فتشت للسيرة الذاتية للبنية دي لكن قوقل ما جاب سيرتها (معقولة يا حاج قوقل) لا وكمان جابني راجع للمنبر من خلال بوست اخونا يحي قباني صوتك لشلعرة السودان مروة بابكر البوست ده مريت عليه أكقر من مرة لكن ماخطرت لي فكرة انو هذه بتلك معقولة يا اخوانا ياها المروة ذاتها ولا تشابه أسماء وصفات؟ المهم ، حاولت أقارن سيرة البنيتين وجاتني سيرة رفقيتها كالآتي
Quote: - إنصاف فتحي عبدالعزيز، من مواليد مدينة مدني، بولاية الجزيرة، خريجة جامعة السودان للعلوم والتكنولوجيا، كلية الهندسة 2011، لطالما عشقت الغناء من صغري، وتفجرت موهبتي منذ أن كنت في الثامنة من عمري، ومن ثم كنت أشارك بصورة مستمرة في الدورات المدرسية، وحين التحقت بالجامعة كنت أشارك أيضاً في كل أنشطة الجامعة الفنية، إلى أن شاركت في دوري الجامعات في ولاية الجزيرة مدينة ود مدني وأحرزت حينها المركز الأول في الغناء الحديث من بين كل الجامعات المشاركة، وكان ذلك عام 200
المهم ، أنا ده كلو مابهمني في سيرتهن، البهمني : الاسم : انصاف فتحي ، ومروة بابكر العمر : الاعمار بيد الله المهنة : فنانات جد الهواياات : جمع الحب والخير و الجمال الحالة الاجتماعية : أهااااا شوفوا يا جماعة ، الثورة دي قامت عشان مكافحة الفساد ، وواحد من أنواع الفساد هو تراكم الثروة في ايدي قلة من الناس وكونوا ثروات قومية مثل مروة وانصاف يكونن عند راجل واحد ده حرااام والله ، يفترض يستفيد من هذا المنبع كل من عشق السمع وهو شهيد فدحين كان البنات ديل ماخودات، حقو الثوار يشوفوا شغلهم ويطلعوا لينا حقنا ، وبلاش تخلف ورجعية. واذا كانن بنيات حرات ، فكلامي ده أنسوهو و ماتاخدوا بيهو أبو الحنان زاتو.
Post: #5 Title: Re: البنية دي شايله سماحة الدنيا والعالمين Author: عمر التاج Date: 03-06-2019, 12:07 PM Parent: #4
لا وكمان طلعت طبيبة مخ وأعصاب أعصابنا يا اخي ..
Post: #6 Title: Re: البنية دي شايله سماحة الدنيا والعالمين Author: محمد أبوجودة Date: 03-07-2019, 08:51 AM Parent: #5
التحية ليك، والتحية لكريمتينا المبدعتين المهندسة والطبيبة .. وكثيرون يتفقون معك في ألق أدائهما الممراع، حرفاً وَ قِرطاسا، صحفاً وأقلاما وشيءٍ من هُيام .. ومع ذلك مع ذلك: مااااافضلللك يا قريبي إلّا تصيح: يوم طلعتْ القمراااا الخير يا عشايا تودّينا ليْ اهلنا .. بسألوووك مِنّنننا
وعلى رأي كُبارَك عَ الضّفّتين: يا جنا مااااا تنجض!
ــــــــــــــــــــــــــــ يا عمر، الظاهر عليك الأيام دي، وللاّ الفاتت: كنتَ بتقرأ وتطالع في كتاب (المحاسن والاضداد) لأبي عثمان، عمرو بن بحر الجاحظ! وبالتحديد في باب: الفرق بين العِشق والحُبّ العّذري والنضال السياسي + وُ كدا
Post: #7 Title: Re: البنية دي شايله سماحة الدنيا والعالمين Author: عمر التاج Date: 03-07-2019, 12:42 PM Parent: #6
Post: #8 Title: Re: البنية دي شايله سماحة الدنيا والعالمين Author: عمر التاج Date: 03-07-2019, 01:51 PM Parent: #7
Quote: مااااافضلللك يا قريبي إلّا تصيح: يوم طلعتْ القمراااا الخير يا عشايا تودّينا ليْ اهلنا .. بسألوووك مِنّنننا
وعلى رأي كُبارَك عَ الضّفّتين: يا جنا مااااا تنجض
أنجض أكتر من كده كيفن يا قريبي البنيات ديل ختني في نار منقد وملالة جمر أتقلب فيها ليل ونهار لامن استويت على (قمر) القضية ... وبعدين كلام كبارنا خليهو يا أخي, مش في شاعر بقول: الصمت في حرم الجمال جمال؟ أها في واحد تاني بلدياتنا قال ( البكاء في الحلويين رجالة ) وأنا رجالتي داير أكملها بين والطرب والطب (فرقة حرف الراء فقط) وأكان ما سبقني الطيب صالح كنت فقدت القيد وكوركت في الناس : عوووك أنا مكتول في حوش انصاف في اليوتوب وأخيرا حلفتك ياقريبي ، اسه البتغني (حلفتك يا قلبي) دي: انسان ولا ملاك ؟
والتحية ختاما للمرأة وهي تقود القلوب والشوارع اليوم في ثورة الثوب الأبيض ..
Post: #9 Title: Re: البنية دي شايله سماحة الدنيا والعالمين Author: عمر التاج Date: 03-07-2019, 02:10 PM Parent: #8
بمناسبة موكب المرأة السودانية اليوم الخميس ضمن ثورته الظافرة، أحب أهدي المرأة السودانية ممثلة في حبنا الكبير (صاحبتي الصفا والمروة)، أهديهن أغنية (يا جميل يا حلو) بصوت واحساس ودفء انصاف بت فتحي وبث..
Post: #10 Title: Re: البنية دي شايله سماحة الدنيا والعالمين Author: عمر التاج Date: 03-07-2019, 05:11 PM Parent: #9
Quote: على كدة يبقى بوستي بتاع البنية (السكر) ماشي مع الخط العام للثورة والثورة المضادة أنا قلت يجيني ود لزينا يكفرني ويتهمني بالزندقة والدعوة الى دين جديد
Post: #11 Title: Re: البنية دي شايله سماحة الدنيا والعالمين Author: عمر التاج Date: 03-08-2019, 06:42 PM Parent: #10
Post: #12 Title: Re: البنية دي شايله سماحة الدنيا والعالمين Author: عمر التاج Date: 03-11-2019, 02:07 PM Parent: #11
Post: #13 Title: Re: البنية دي شايله سماحة الدنيا والعالمين Author: امتثال عبدالله Date: 03-11-2019, 05:14 PM Parent: #12
الله يجازي محنك يا عمر التاج... يعني ما جبت خبر بت خالتي عازفة الكمان في فرقة العازفين مع الفنانة الروعة انصاف ...وش ضاحك...
Post: #14 Title: Re: البنية دي شايله سماحة الدنيا والعالمين Author: إدريس محمد إبراهيم Date: 03-11-2019, 05:35 PM Parent: #13
سلام عمر التاج وضيوفه ....
بصراحه مروه دي أكثر من مبالغه .. زوله متمكنه من أدواتها حد الروعه والدهشه...
الله يحفظها لي شبابها ويحقق الفي مرادنا كلنا يا رب ..... انك على كل شيء قدير ....
مع خالص ودي وتقديري ؛؛؛؛
Post: #15 Title: Re: البنية دي شايله سماحة الدنيا والعالمين Author: عبدالله محمد أحمد Date: 03-12-2019, 06:34 AM Parent: #1
عمر تحياتي اتفق معك اخي عمر. موهبة غير عادية. قوة كلمات. بلاغة في التعبير. إلقاء مؤثر. ربنا يحفظها. هي ايقونة الثورة بلا منازع
Post: #16 Title: Re: البنية دي شايله سماحة الدنيا والعالمين Author: عمر التاج Date: 03-13-2019, 09:29 AM Parent: #15
Quote: يعني ما جبت خبر بت خالتي عازفة الكمان في فرقة العازفين مع الفنانة الروعة انصاف
امتثال حبابك، بت خالتك دي اذا كانت ضمن الطاقم الفني لانصاف فتحي فمؤكد هي طاقة من الحسن وايقونة للجمال نلمسه في أداء بت فتحي انصاف فتحي كل مافيها جميل، وكل من معها سمح، وكل من يستمع اليها وكل من يستمع أو يقرأ من يستمع إليها، أو يقرب لها او من يحبها او يعمل معها.. ختاما لك التحية يا أميرة.
Post: #17 Title: Re: البنية دي شايله سماحة الدنيا والعالمين Author: عمر التاج Date: 03-13-2019, 09:58 AM Parent: #16
مرحبا بالاخ ادريس
Quote: بصراحه مروه دي أكثر من مبالغه .. زوله متمكنه من أدواتها حد الروعه والدهشه... الله يحفظها لي شبابها ويحقق الفي مرادنا كلنا يا رب
ونعم الصراحة اخ ادريس، وكلنا في المراد سوا ههههه المهم ان البنية بارعة النظم وفارعة الالفاظ وتؤدي باحترافية تفوق سنها وصيتها ونحن أمام كل هذا الجمال لا يسعنا الا ان نقول سبحانك ربي أحسنت صنع مروة.
Post: #18 Title: Re: البنية دي شايله سماحة الدنيا والعالمين Author: عمر التاج Date: 03-13-2019, 10:05 AM Parent: #17
اهلا بك في واحة الجمال اخ عبد الله
Quote: اتفق معك اخي عمر. موهبة غير عادية. قوة كلمات. بلاغة في التعبير. إلقاء مؤثر. ربنا يحفظها. هي ايقونة الثورة بلا منازع
من محاسن هذه الثورة انها الهبت فينا حب كل ما هو سمح وزين وازالت عنا غشاوة من البؤس والكآبة بفعل واقع ظالم اليم ما كنا نتوقع ان يكون بعدها كل هذا الخير والجمال كثير من الفيديوهات التي نشرتها الكنداكات إبان الثورة يؤكد ان ما وراء المرأة طبقات من الجمال غير الذي نراها في شكلها وجسدها.
Post: #19 Title: Re: البنية دي شايله سماحة الدنيا والعالمين Author: عمر التاج Date: 03-14-2019, 08:50 AM Parent: #18
الليلة كمان بالنيولوك يا مروة ، حاجة زي نقر الأصابع في الموسيقى بنية سمحة وشعرها سمح وتعليقها على القصيدة زاتو سمح ، بالله اقرأوا الرمية دي واسمعوا القصيدة:
Quote: لمن بنت تكتب في بوست: "حسب الشايفنه قدامكم احكوا لي عن العصيان؟"، وتكون ٩٠٪ من الاجابات: "انا قاعدة في البيت فما عارفة الحاصل" ..
ولمن تشوف كمية محلات وشركات كبيرة جدا، ومعروفة جدا، وكثيييييرة جدا مقفلة عن بكرة ابيها وزول مافيها ..
كسرة جادة جدا: الليلة الخميس، الموكب الساعة واحدة، لازم تطلع، وياريت تسوق زول معاك 🇸🇩✌️ "عشان بس النظام يعرف بان الشعب سيد سيدو .."
Post: #20 Title: Re: البنية دي شايله سماحة الدنيا والعالمين Author: محمد علي البصير Date: 03-14-2019, 09:22 AM Parent: #19
Quote: يعني ما جبت خبر بت خالتي عازفة الكمان في فرقة العازفين مع الفنانة الروعة انصاف ...وش
تحياتي
سارة شحاتة بت خالتك يا إمتثال ؟
Post: #21 Title: Re: البنية دي شايله سماحة الدنيا والعالمين Author: عمر التاج Date: 03-14-2019, 11:45 AM Parent: #20
تحياتي ود البصير، وان شاء الله عجبتك البنية والشعر المجدول والشعر المبهول (شكلوها بطريقتكم) ثم تأمل وقارن سماحة بنتنا دي في الثورة وتغريدة الأديبة :احلام مستغانمي التالية : صباح الحرية 🇩🇿 إنّها الجزائر تفرد ضفائرها . . و تفكّ قيودها.
Post: #22 Title: Re: البنية دي شايله سماحة الدنيا والعالمين Author: امتثال عبدالله Date: 03-14-2019, 12:46 PM Parent: #21
محمد علي يعني انت كمان قريبنا... وبالمناسبة سارة من افضل عازفات الكمان ودارساها دراسة وتخصص وهي بتالف مقطوعات موسيقية ،، وبتعزف كمان على الاورغن بمهارة ..وخريجة كلية الموسيقى والدراما ...وصوتها جميل جدا اذا غنت..ولكنها لا تغني ...ولكن تخصصت في العزف على الكمان،،، وبالمناسبة كمان انا عازفة سكسفون ....شنو رايك!! مع وافر التقدير ،،،
Post: #23 Title: Re: البنية دي شايله سماحة الدنيا والعالمين Author: محمد علي البصير Date: 03-14-2019, 01:41 PM Parent: #22
Quote: تحياتي ود البصير، وان شاء الله عجبتك البنية والشعر المجدول والشعر المبهول (شكلوها بطريقتكم) ثم تأمل وقارن سماحة بنتنا دي في الثورة وتغريدة الأديبة :احلام مستغانمي التالية : صباح الحرية 🇩🇿 إنّها الجزائر تفرد ضفائرها . . و تفكّ قيودها.
هلا أخوي التاج
الليلة قلبت غزل عديييل
يا حبيب أصحى الحصة وطن (وجه ضاحك
Post: #24 Title: Re: البنية دي شايله سماحة الدنيا والعالمين Author: محمد علي البصير Date: 03-14-2019, 01:51 PM Parent: #23
Quote: محمد علي يعني انت كمان قريبنا... وبالمناسبة سارة من افضل عازفات الكمان ودارساها دراسة وتخصص وهي بتالف مقطوعات موسيقية ،، وبتعزف كمان على الاورغن بمهارة ..وخريجة كلية الموسيقى والدراما ...وصوتها جميل جدا اذا غنت..ولكنها لا تغني ...ولكن تخصصت في العزف على الكمان،،، وبالمناسبة كمان انا عازفة سكسفون ....شنو رايك!! مع وافر التقدير ،،،
أهلين إمتثال
أيوا أنا قريبك قريبك في سودانا الجميل ـ الوطن الذي يخفض لنا جيمعاً جناح الذل من الرحمة فنحن أبناء هذا الوطن الجميل
سارة أعرفها بحكم متابعتي للنشاط الموسيقي في السودان وهى فعلاً ميوزشن مميزة للغاية ، سجلت حضور مميز في الساحة خلال السنوات الماضية
سارة ولمى عبد الله وغيرهن شكلوا لوحة زاهية في المشاركة الفعالة للفتاة السودانية وإقتحامها لكل المجالات
Post: #25 Title: Re: البنية دي شايله سماحة الدنيا والعالمين Author: عمر التاج Date: 03-14-2019, 03:15 PM Parent: #24
وطن لا نتغزل فيه يا البصير لا نستحق حبه الوطن الذي نفتقده وطن ملئ بالحب مترع بالغزل الجميل وطن نمسح فيه كل (كآبات) الماضي ورهق المستقبل وطن نغني فيه للفكرة ، للحرية ، للحب ، لكل جميلات بلادي وسارة شحاتة ايقونة سمحة من ايقونات الفن عندنا ، تدفقت جمالا وموسيقى في برنامج نجوم الغد وكثير من البرنامج التلفزيونية والوطنية وحفلات الفنانين وعليه نرفع لها هذا المقطع (عازفة ومغنية) ونهديه لكل الزينيين البحبوا السمح :
وهذا المقطع الجميل ايضا صنعته بناتنا السمحات سماحة النيل و وعلى الجروف خضرة:
Post: #26 Title: Re: البنية دي شايله سماحة الدنيا والعالمين Author: امتثال عبدالله Date: 03-14-2019, 04:00 PM Parent: #25
شكرا كتير يا عمر ، انت اظنك من الناس السمحين في المنبر العام،،، تعليق اوسكار خمس نجوم،، مع وافر التقدير والاحترام والامتنان
Post: #27 Title: Re: البنية دي شايله سماحة الدنيا والعالمين Author: عمر التاج Date: 03-14-2019, 04:38 PM Parent: #26
شكرا لك امتثال السمحة نحن مجرد حواريين على الفطرة يجمعنا كل ما هو جميل وينفر الطبع من أي قبيح اولاد بلد، نحب وتعشق على كيفنا ارواحنا وقلوبنا على طرف كيبوردنا وبالمناسبة السمحة دي، نفتقد اميراتنا السمحات أميرة وبسمات.
Post: #28 Title: Re: البنية دي شايله سماحة الدنيا والعالمين Author: عمر التاج Date: 03-14-2019, 06:47 PM Parent: #27
البنات الفوق ديل كلهن كوم والبنت الجاية دي كوم براها البت دي شايلة سماحة الأمهات الولدنها كابر عن كابر من لدن أمها وإلى أمنا حوا وشايلة سماحة الرجال الجابوها وربوها وحات الله يا بنية سماحة الشغل العملتيهو دا .. حبوباتنا الكنداكات ما عملن مثله ! ابشري بالخير يالسمحة يالقمحة يا أميرة البمبان
Post: #29 Title: Re: البنية دي شايله سماحة الدنيا والعالمين Author: امتثال عبدالله Date: 03-14-2019, 08:58 PM Parent: #28
والله كلامك صحي، دى كنداكة صحي صحي،،،اذا لقينا ٢٠ زيها في وسط المظاهرات الهادرة كانت حكومة اللصوص والحرامية في خبر كان.... والتحية لها من هنا ولكل المناضلات والكنداكات والمناضلين داخل الوطن وخارجه،،، شعب عظيم يحكمه اقزام ولصوص وحرامية وسفاكين دماء،،، اما الاميرات اميرة وبسمات، فهن ايضا يفتقدن المنبر العام ،، ولكن اميرة اصبحت استاذة جامعة ولكنها من وقت لاخر تتاوق في المنبر العام عندما نخبرها بالمفيد ،،، وبسمات فقط بتجي ناطة في المنبر اذا شمت ريحة عطبرة،،، بلد النضال والكفاح زي ما بتقول ،،،
Post: #30 Title: Re: البنية دي شايله سماحة الدنيا والعالمين Author: عمر التاج Date: 03-16-2019, 09:25 AM Parent: #29
Quote: اميرة اصبحت استاذة جامعة
خبر سمح بالحيل يا امتثال اسعدني واسعد كل من يشتاق لوجود هذه الأميرة في المنبر ما شاء الله عليها وبارك فيها وعقبالها الدكتوراه ثم وزيرة عندنا في عهد الحريات بنية سمحة في كل شيء ، سمحة اذا كتبت واذا حضرت واذا غابت، كنداكة ولا دستة وزراء ، لها عظيم التحايا والود وقناديل التحايا وباقات الود لكل أميرات المنبر واهديهن قصيدة شاعرة الثورة مروة في فتاة البمبان .
