Post: #1
Title: وزارة تقنية المعلومات والاتصالات بما فيها المركز القومي في كفة ومؤسستنا في كفة لرجحنا بالتقيل .. !!
Author: توفيق عيسى مكي
Date: 03-05-2019, 06:40 PM
05:40 PM March, 05 2019 سودانيز اون لاين
توفيق عيسى مكي-
مكتبتى
رابط مختصر
سبحانه من يعطي الحلق للماليهو اضان ...
|
Post: #2
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 06:42 PM
Parent: #1
اتحدث عن من له رؤية وعمل قوي يحتاجه السودان فعليا وهي جوانب رفع الانتاج وخلق طفرات جديدة فيه وعمل تقنيات تكنلوجية لم تكن موجودة من قبل داعمة للانتاج ومن هذا النحو ....
|
Post: #3
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 06:51 PM
Parent: #2
لهم الامكانيات المهولة ...... ولنا الفكر المتطور الحديث جدا
ليس لهم بنك معلوماتي اقتصادي تجاري معلن ..... ولنا بنكنا الاكبر في العالم بما يخص السودان
لهم برج عالي .... ولنا طموح اعلى
تطبيقات خدمية استهلاكية ..... تطبيقات انتاجية تزيد الدخل
لا استديوهات متخصصة او قنوات .... استديوهات الشفافية المتطورة للانتاج
اموال مكبوبة عليهم صباصبا ..... نحن بنصرف من جيوبنا لبلدنا صرفا صرفا لمن قربنا نكمل
ما مارسو التجارة بره السودان ....... يكفي كرمنا الرئيس الكوري شخصيا وسط كل الشركات الكورية المحلية والاجنبية
واللستة طوييييييلة .....
|
Post: #4
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 06:59 PM
Parent: #3
الاثر الفعلي :
في الاسواق التقليدية
هم 20% نحن 80%
حضورنا طاغي
في السوشال ميديا
هم 15% نحن 85%
صفحات ؛ قروبات ؛ تطبيقات ؛ مواقع
ولا في مقارنة
في مناطق الانتاج الحقيقي الجد جد
نحن وصلنا وتعمقنا وهم لسه ما فكروا بيقرفوا يمشو حتات زي دي
بس دبي ... سيول ... بروكسل ... مصر ..
برنامج انتاجي واضح
هم لسه ..... نحن برنامج واحد نقاتل فيه لينزل لارض الواقع خمسة سنوات ...
|
Post: #5
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 07:00 PM
Parent: #4
في حقيقة واحدة الناس توعاها وتصدقها ...
زول واحد ممكن يوزن بلد بي حالها ...
|
Post: #6
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 07:09 PM
Parent: #5
هم بيحاربونا ويحاولوا يكسرونا ... ونحن بنشكرهم ونحاول ندعمهم ونغطي ليهم
هم ما قدموا لينا شيئ .... ونحن قدمنا ليهم فكر عناد ما دايرين يستخدموه
هم بيخافوا مننا .... ونحن ما بنخاف منهم ( مع انهم حكومة وسلطة بس نحن امة من الغلابة ال الله معاهم)
ورطونا مع شركة تاخر تطبيقاتنا .... مقلبناهم واتعاقدنا مع اليابانيين
مافي رؤية واضحة عندهم ممكن تعمل طفرة انتاجية ... رؤيتنا وبرنامجنا واضح
بالمال والسلطة لموا المنتفعين .... بالفكر الكبير استقطبنا المهتمين ونلنا احترامهم
|
Post: #7
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 07:16 PM
Parent: #6
منتوجنا للانتاج بالتقنية الحديثة والتكنلوجيا الانتاج من خلال مكتب صغير 3 متر في 3 متر ..... مقارنة ...... بانتاجهم التكنلوجي في مجال دعم الانتاج وتطوره وخلق طفرة به في برج كم وعشرين طابق
انشاء سوق للمعلومة من جانبهم وبامكانياتهم المهولة = صفر كان الامر لا يعنيهم او خاص جدا بهم ..... مقارنة .... بتوطين وخلق سوق للمعلومة التجارية في السودان وترويجنا له
|
Post: #8
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 07:22 PM
Parent: #7
تعاملهم وسط الصفوة من الناس ..... تعاملنا مع المنتجين مباشرة ..
سعيهم للسفر عشان النثريات .... ونحن من مناطق الانتاج برنسل رسائلنا للمستثمرين وقاعدة تصلهم عبر منصاتنا ومواقعنا وعلاقاتنا ...
ايماننا باهمية النهضة الانتاجية في المقام الاول كاولوية للسودان .... ايمانهم بالدفع الاكتروني والانغماس في مشكلة السيولة ليكونوا طرفا اساسيا فيها هدم للاقتصاد السوداني
|
Post: #9
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-05-2019, 07:54 PM
Parent: #8
هم عندهم الحصة وظيفة وترقية وتملق مسؤلين وسفر وفعاليات قروش ونثريات ....
.
.
ونحن عندنا الحصة وطن ...
|
Post: #10
Title: Re: وزارة تقنية المعلومات والاتصالات بما فيه�
Author: Salah Zubeir
Date: 03-06-2019, 05:44 AM
Parent: #9
Quote: وزارة تقنية المعلومات والاتصالات بما فيها المركز القومي في كفة
ومؤسستنا في كفة لرجحنا بالتقيل .. !! |
اللمير جني الهانم صافيناز تحياتي ,,,,
ليس من مهام وزارة تقنية المعلومات والإتصالات منافسة الأمير نجل
الخواجية صافيناز ... أي نعم مهمتهم تحضير البنية التحتية لي الشركات والإشراف
الفني والقانوني والأمني والتنظيمي لمستخدمي هذه البنيات من شبكات وبرامج
وتراخيص وتنسيق إستخدام شبكة الإنترنت محليا" ودوليا" ,,,,, ويؤخذ عليها
عدم قيامها بوظيفتها كما يجب ... ومرة تانية ليس من وظائفها منافسة شركات
التجزئة مثل شركة نيافتك ,,,,
|
Post: #11
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-06-2019, 09:26 AM
Parent: #10
Quote: ويؤخذ عليها
عدم قيامها بوظيفتها كما يجب ... |
طيب انا داير اصل لشنو اخوي صلاح الزبير ...
لفة طويلة لاصل للخلاصة دي
في مسألة تحضير البنية التحتية والدعم القانوني والفني بصفتنا قدمنا برامج محتاجة ليها البلد ما قدمت لينا حاجة ولا عندها استعداد تتفاهم معانا وده اس مشكلتنا ليس مع الاتصالات بس بل مع كم جهة كان من المفروض تهتم باي شخص يقدم برنامج واضح هدفه الانتاج لانه السودان احتياجه الاساسي الانتاج الوفير ومن ثم طرق الاستفادة من الناتج ده ليعود لبلادنا بعملات حرة
انا بعطي مثال زي شركة سياحية في بلد ما ممكن تقدم خدمات سياحية تدر عائد ضخم جدا فايدتها اكثر من وزارة السياحة في ذلك البلد ولربما وجود الوزارة يمثل عائق لتلك الشركة وفي نفس الوفت طارد لعدة مئات لشركات تريد ان تعمل في مجال السياحة ... اظن الفكرة وصلت ليك ... مودتي واحترامي
|
Post: #12
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-06-2019, 01:37 PM
Parent: #11
بمناسبة اللمير دي ...
المؤسسة عندها أمير بحق وحقيقي .... وهم اقصى ما عندهم اليوم مدير بعد دمجوهم مع الاعلام
مهما حاولنا نقارن بنكسب نحن بالتقيل ...
هم ما عندهم زول يقوم يظهر لينا هنا نتفشى فيه حبه ..
|
Post: #13
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-06-2019, 07:55 PM
Parent: #12
بالمناسبة اتذكر مرة في البدايات راسلت سفيرنا في كوريا الريح حيدوب الكان عامل فيها صاحبنا وتحديدا لي معه علاقة خاصة لانو لما جا كوريا استقبلته واجرت ليه سكنه واجرت ليه مكتبه وفرشته ليه وعملت ليه حفل افتتاح دعيت ليه السفير السوداني وقتها وكل الجالية فقمت قلت ليه ياريت تدعمنا وتدخلنا في قلب التقانة الكورية نفيد ونستفيد فقال لي ارسل تعريف عنك بالانجليزي ورسلته ليه :
الحصل انه دعى هواه السفر ناس المركز القومي للمعلومات وفوزوهم باحتفالية لياتو نجاح حققوه ما عارف ومن يومها حظرني واتجنبني وبقى يشوفني طشاش وقطع الصلة مرة واحدة
فهو لو سفير انا أمير
وهو لو فرحان بالسلطة نحن الاسسنا للكيان الجاب السلطة بجرة قلم ممكن نزيل بلم
وفي النهاية كلهم في كفة ........ نحن في كفة وحا نرجح في الوقت المناسب
|
Post: #14
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-06-2019, 11:43 PM
Parent: #13
العالم بقى قرية صغيرة وبيهم الناس والمسيراهم المصالح الاقتصادية والتجارية ..
هسي الاجنبي الداير يستفيد من اعمال في السودان يختو ليه ..
الاعلام والاتصالات ، الاستثمار ، بنك السودان ، وزارة التجارة وكم حاجة كده في كفة
ولا ...
بنكنا المعلوماتي الضخم ، قاعدة بياناتنا الضخمة ، تطبيقاتنا الانتاجية
Sudaway , Sun Tra ، استدوهاتنا المتطورة الانتاجية
حضورنا وعلاقاتنا داخل الاسواق وكاريزما قيادة التجارة المجرب نجاحنا فيها
بس ديل قصاد الكفة بتاعتهم
بالمنطق كده بيهتم للبجروا ليه وراس فاضي ..
ولا يجري لينا وراس راكز مليان لم مدفق ..
|
Post: #15
Title: Re: وزارة تقنية المعلومات والاتصالات بما فيه�
Author: MOHAMMED ELSHEIKH
Date: 03-07-2019, 06:36 AM
Parent: #14
ربنا يوفقكم
وتسقط بس
|
Post: #16
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-07-2019, 09:42 AM
Parent: #15
تشكر اخي محمد الشيخ ...
الحمد لله في ناس مقدرانا ومعترفة بينا
ما زي ناس كده ...
امكن غايرين مننا لاننا عملنا ونجحنا في الهم اساسا لصغر عقولهم ما فكروا فيه حتى ..
|
Post: #17
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-07-2019, 12:04 PM
Parent: #16
بأذن الله طال الزمن او قصر سنكون أكبر مركز معلوماتي تجاري عن السودان يخدم الناس جميعها ويقدم خدمات لا محدودة ينتفع به الجميع دون استثناء لاننا بنحمل رسالة صادقة القصد منها نشل السودان من قوقعة مشاكله الاقتصادية وفق رؤيتنا ان في زيادة الانتاجيات القومية على العموم تسهل من خلق فرص جيدة للانفتاح وخلق اسواق جديدة نحو العالم الخارجي وهذا مما يجعلنا في وضعية تحتم من كل العالم تحترم ثرواتنا التي استخدمناه بتقانة عالية حديثة مما نتج عنه منتوج يفيد الانسان على العموم والمصلحة العامة لكل العالم تجعله يهتم بما ننتج ويقف لنا داعم بالجديد من مبتكرات الحداثة واخر ما توصل اليه العلم الحديث مهمتنا هي مهمة من تم التوكيل لهم بخلق هذه الروح في الناس البسطاء قبل اصحاب العمل باعتبار كل العملية الاقتصادية والتجارية تتبني على انتاج اساسي ترتكز عليه ويجب ان تتشارك كل الطوائف في ذلك بنفس المستوى لا نقلل من جهد شبابنا الذين يعملون داخل الاطر الحكومية فهم بالفعل خير الشباب معرفة وعلم ولكن يغيظنا جدا السياسات العقيمة التي تكبل ابداعاتهم وتقيد ما اكتسبوه من معرفة وعلم في منتوجات لا نحتاجها في مرحلتنا هذه في ظل مشكلاتنا الاقتصادية التى ترى ظاهريا معقدة وفعليا بسيطة جدا هي بث الروح لنشر تعاليم ان نكون جميعنا منتجين كل في موقعه في قطاعاتنا الانتاجية التقليدية الخمس وعشرون قطاع اذ يلعب الاعلام والاتصال وتقنية وتقانه المعلومة العصب الاساسي المحفذ لتفجير هذه الطاقة المكبوتة في الظاهر نحن مؤسسة لما بدينا عملنا كان القصد الفائدة والكسب المادي ولكن صدمنا بالفراغ والفساد في المجال الذي سنعمل فيه ووجدنا تخلفا كبيرا فيه وقد مارسنا العمل التجاري في اكثر الدول تقدما وحققت طفرات اقتصادية وتنمية كبيرة ونموء متزايد فتركنا هدفنا الاساسي على جنب فالمسألة اصبحت في نظرنا واجب وجهاد وطني وحق وطن تجاهنا على ان نعود لهدفنا الاساسي بعد انجاز المهمة وهو دور دولة يهمها مصلحة شعبها وان تجازت ذلك ففي هذا الشعب المعلم من يقوم عنها ببناء اساسيات لهذا الدور الحيوي نقدر اشياء وظروف كثيرة تمر بالساحة السودانية ولكن التأخر ولو يوما واحدا عن ركب تفجير طاقات ثرواتنا مهما كانت المبررات محسوب علينا وخسارة كبيرة لا ينفع ان نحملها لاي ظرف لان الزمن لا يتوقف لان لنا ظروف ففي كل بلاد العالم ظروف متباينة ولكن العبرة في اجتياز الظروف حتى ولو كنا في حالة حرب طاحنة
هذه وجهة نظرنا وعانا من كان له فطنة وحكمة وما يجهلنا الا كل منتفع وفاسد وجاهل ...
|
Post: #18
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-07-2019, 11:58 PM
Parent: #17
اتمنى البيحكم يحكم من غير عنصرية بغيضة ...
صاح انا مواطن سوداني اسود اللون .... لكن بحمل فكر ابيض من اللبن وانصع من الشمس ..
|
Post: #19
Title: Re: وزارة تقنية المعلومات والاتصالات بما فيه�
Author: توفيق عيسى مكي
Date: 03-08-2019, 06:37 PM
Parent: #18
.
|
|