Post: #1
Title: معاناة السود في السودان ... !!!
Author: توفيق عيسى مكي
Date: 03-04-2019, 12:37 PM
Parent: #0
11:37 AM March, 04 2019 سودانيز اون لاين توفيق عيسى مكي- مكتبتى رابط مختصر
لمن يريد ان يتعرف عن التفرقة العنصرية بين العبيد (باعتبار كلنا عبيد) في السودان ... يتابع هذا البوست ....
|
Post: #2
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 12:41 PM
Parent: #1
قبل ثلاثة عشر يوما ذهبت لارخص عربيتنا بمجمع بحري ... في اجراء لا يأخذ أكثر من ساعتين ... ولبشرة لوني ... (برغم حبوبتي الخواجية لكن لوني اسود سواد السكن) علي ليس اتبع القانون بحزافيره ولكن الاتيان بحزافير كره للوني تزيد من زمن معاناتي ... واليكم التفاصيل يوم بيوم ..
|
Post: #3
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 12:45 PM
Parent: #2
اول يوم كان يوم الاربع الفائت جئت عادي لاجراء عادي ... ففوجئت بمطلوبات قانونية علي اتباعها باعتبار العربة لم ترخص لمدة سبعة سنة .. ثانيا هي باسم الوالد الذي توفاه الله قبل اجراءات معقدة للترخيص فرجعت وجهزت المطلوب ليوم غدا ..
|
Post: #4
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 01:01 PM
Parent: #3
وهو عمل توكيل من الورثة لاجراء الترخيص ... بدأت معاناة الانسان الاسود من هنا ... يومين مع المحامي الذي استلم حقة مضاعف بعد خلص للجميع مستنداتهم حتى من اتى بعدي بيوم او يومين .. المهم ذهبت حوش الترخيص اول ما طلب مني ما يثبت شهادة البحث وكنت محضرة نسبة لضياعها من القسم ثم من وكيل النيابة فقيل لي لا ينفع الا ان تذهب العميد ليعتمدها ليك او تذهب للمحكمة وتعمل اقرار مشفوع باليمين ... توكلت وذهبت للعميد فقيل ذهب البيت وبجي راجع ثم بدأت رحلة الانتظار الطويل فلاني مستعجل قررت الانتظار وفي اثناء الانتظار بين الجمهور كعادتنا نتدردش فقيل لي بضيع زمنك العميد يا تجيب زول معرفة ولا دفعة ولا تدفع تحت تحت قلت ليهم بدفع لكن لمنو قالوا اسأل وخليك مفتح المهم اخر اليوم العميد جا دخلت عليه بعد ارتاح حبة رفع راسه وتاملني ( اي هذا السواد الذي يغمرني ) فقال لي بنهره : امشي المحكمة اعمل اقرار مشفوع باليمين بيجيبوكم من وين ما بتعرفوا الاجراءات هنا شنو نهائي لهجة زوق او ادب او احترام مافي ...
|
Post: #5
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 01:08 PM
Parent: #4
مشيت تاني يوم الصباح المحكمة وشلت معاي شهادة سكن وجبت معاي شهدين من اهلي ... دخلت القاضي فقال لي ضع يدك على المصحف واحلف ... نظر لوجهي مطولا ثم شهادة السكن اذهلة سواد اللون ... سالني اين تسكن ( ومكتوب امامه في شهادة السكن) قلت الحلفاية فقال لي بهذا اللفظ كضاب .. اذهلني ... ثم اصررت وهو ايضا اصر حتى تدخل محامي كان في القاعة من ابناء حينا في الحلفاية ليؤكد له انو انا جارهم في الحلفاية من ونحن اطفال ورغم ذلك لم يقتنع ولم افهم لماذا اصر ... المهم في النهاية بعد ان طردني خارج القاعة استلمت الاقرار ..
|
Post: #6
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 01:20 PM
Parent: #5
اليوم الذي يليه من فرحتي كنت اظن سارخص فذهبت وابتدات الاجراءات بفرح الى ان وصلنا لفحص المكنة والشاسي وقد اخبرتهم باني غيرت المكنة فوجهت للشباك المختص لعمل الاجراء ولم اجد من يتم الاجراء لخلو الشباك وكان اليوم قد انتهى جئت في اليوم الذي يليه فقال لي احضر الفاتوة فذهبت للمنطقة واحضرت الفاتورة بعد قضاء زمن طويل جدا في البحث عنها لدى التاجر وعندما وصلت ايضا لم اجد من يقوم لي بالاجراء فقيل تعال غدا وفي الغد فجرا اتيت اول واحد ووجدت الشخص الطلب الفاتورة قد تغير من يجلس مكانه بادي عليه الافتراء في الناس قال لي اين اعلام التوكيل سلمته له ثم اين الاعلام الشرعي وما كان طلب مني قبل ذلك لكن المسالة مرتبطة باللون قلت له توجد صورة في موبايلي قال اخرجها اخرجتها واحضرتها له ذهب بها الى ضابط اعلى منه رتبة ونادوني وسالوني اين الاصل فقلت عند اخوتي خارج السودان ففرحوا فرح المنتصر اذ قالوا لي لن تتم اجراءاتك مالم تحضره
|
Post: #7
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 01:27 PM
Parent: #6
ذهبت للرائد شاكيا فقال لي الموضوع بسيط ادخل للعميد يعتمدها ليك وكمل وبالفعل انتظرت العميد حتى نهاية اليوم وتعطلت مصالحي الى ان حضر دخلت عليه وكأنه كان ينتظرني اها تاني في شنو فشرحت له فقال انت داير تقدم شكوى ولا اعمل ليك اجراءاتك فقلت الاتنين فقال لي : احضر الاعلام الاصلي دي اجراءات قانونية ونحن هنا بنطبق القانون بحزافيره ما من عندنا فقلت له ياخ ما انا اول مرة اعمل الاجراءات دي يعني الا يجي معاي زول فقال اوكي ما هو ده المعطلنا العلاقات والتجاوزات البتحصل دي عموما ما تجيب الاعلام الاصلي ما بترخص فذهبت بعد فورتي منكسرا مهانا ..
|
Post: #8
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 01:37 PM
Parent: #7
وانا خارج بعربيتي من حوش الترخيص قال لي العسكري الذي كان كل مرة يتعرس لي قايلة اطلع بره ورقك عفن قرب يقول لي زيك او زي لونك هو ما اسود زينا انفعلت فيه امام الناس قلت له وريني عفانته شنو يا ناس لو في زول بيفهم في اوراق الاجراءات دي يوريني عفانته شنو ... المهم في النهاية طلعت دلونا بعض الاصدقاء ان اذهب للمحكمة واستخرج بعريضة صورة طبق الاصل من الاعلام فذهبت من دربي لمحكمة الدروشاب واهو لي تلاتة يوم يادوب القاضي صدق لي بطباعتها القاضي الاخرني لنهاية اليوم لمن فضلنا انا وهو بس مع اني كنت الاول حضورا للقاعة واتى وانا موجود اقوام واقوام حلوين واغلبهم محاميات وناس صفر نضاف المهم لمن بقينا انا وهو فقط باعلى صوته هل في زول عنده اجراء عندي قمت له سالني فقط عن بطاقتي وقارنها بالورق ثم وقع وقال اذهب يستخرجوها ليك ذهبت لقيت الكهرباء قطعت قال لي الموظف تعال بكرة وبكرة نواصل ....
|
Post: #9
Title: Re: معاناة السود في السودان ... !!!
Author: كمال عباس
Date: 03-04-2019, 01:41 PM
Parent: #8
عشان تضطهد ناس الضهاري ! يا أخي ديل إضهطوا -( علي عبد اللطيف وعبد الفضيل الماظ أولاد أمدرمان )ووصفوهم بالمنبتيين - والمولديين - وقفوا مع الإستعمار ضدهم ودا كلو بسبب لون بشرتهم !
|
Post: #10
Title: Re: معاناة السود في السودان ... !!!
Author: HAIDER ALZAIN
Date: 03-04-2019, 01:53 PM
Parent: #8
ربنا يحلك بالسلامة ياصاحب السمو ..
الضباط والعساكر ديل اغلبهم من الضهاري مابيعرفو نيافتك .. والا كانوا عملوا ليك الدايرو بدون تعقيدات وإجراءات ولوائح وتأكيد..
عموماً يا توفيق الجرجرة دي عادية جداً في السودان لو جيت داخل و " يدك فاضية " وبدون واسطة كمان.. وانت شكلك من زمان شغال بالواسطات عشان كدة هسه بتفتش في الاسباب مرة لونك وبكرة صلعتك وبعد بكرة ..............
المرة الجاية وانت ماشي سوق معاك جلابي يكفلك ..
|
Post: #11
Title: Re: معاناة السود في السودان ... !!!
Author: HAIDER ALZAIN
Date: 03-04-2019, 01:53 PM
Parent: #8
اتكرر من كترت المحبة يا حبة ..
|
Post: #12
Title: Re: معاناة السود في السودان ... !!!
Author: adil amin
Date: 03-04-2019, 02:11 PM
Parent: #11
طبعا الجنوبيين مشو بسبب الكشة وحاجات مهدي مصطفى الهادي الما كويسة وديل ذاتهم المنبتين والوافدين الطلعو بالانقلابات واتسمحو بالكريمات وعملو فيها عرب واهانو الجنوبيين عرب العصور ,,ديل عتقاء حملة الكتشنربمسروم تحرير الرقيق 1902 من مخلفات حقبة الاستعباد التركي المصري والسودان اصلا قبائل بنسبة 95% والباقي اقليات ومنها العينات دي وما بتطلع الا بالانقلابات وهسة بجنسو في العرب بي الطن والرقم الوطني والقلة لاصل في السودان ما لوت اطلاقا قلة الاصل سلوك وللاسف علمهم كتنشر مع اولاد القبائل وما ارتقو ابدا سلوكا ووعيا والعرق دساس فعلا
https://up.top4top.net/
|
Post: #13
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 10:17 PM
Parent: #12
والله يا كمال عباس من كم سنة الليلة قفلت تلفوني ... كنت في حالة غضب مبالغة فحبيت ما انقل غضبي لغلط تجاه زول ... قلت اسلم كده واغلب الوقت كنت لوحدي حايم مابين هنا وهناك في الاسواق والاماكن .. لحدي نوعا ما هديت وما كنت سايق موقف العربية في البيت مؤكد لو ما كنت عملت حادث كنت عملت الف شكلة
|
Post: #14
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 10:31 PM
Parent: #13
اقسم بالله يا حيدر متفق مع واحد يعمل لي الاجراءات دي بمليون بس زاغ مني لمن لقى الموضوع فيه قصد وكان ممكن يمشي معاي زوج اختي مقدم او مليون زميل دراسة اغلب ناس دفعتنا عمداء ولواءات لكن دي الحاجة الوحيدة الما قاعد اعملها الا واحد فيهم يلقاني صدفة وحصلت كتير ودايما بيلقونوا في مشكلة هي البتلفت نظرهم ودايما بلقوني ما غلطان ... مسألة اللون دي اوريك جات من وين ... لمن رجعت اليوم وقرشت العربية وكنت في حالة غضب شديد في البيت وبتسائل ليي الناس دي كده المدام قالت لي اوريك السبب من غير حساسية ... كل البحصل ليك ده من لونك الاسود ده النهار كله افكر في كلامها ولقيتوا فعلا صاح وجيت كتبت الكلام ده وانا فعلا مقتنع ... لاني رجعت لحاجات كتيرة حصلت بسبب التفرقة العنصرية في اللون اخرتني كتير مقارنة بناس كتار ومواقف مشابهة كتيرة اتخيل اتذكرت فجاة انه دي ما اول مرة اكتب عن التفرقة العنصرية في اللون قبل كم سنة يا هنا يا في الفيس وعملت ضجة ... يااااخ دي خلقة ربنا جابنا لوننا كده ... يقوموا يتعولقوا فينا كده ... ابو اهلهم واحد واحد اي عنصري بغيض اساء لي الايام الفاتت عشان لوني ...
|
Post: #15
Title: Re: معاناة السود في السودان ... !!!
Author: توفيق عيسى مكي
Date: 03-04-2019, 10:36 PM
Parent: #14
الحبيب عادل امين الراجل الضكران البتلقي في الحارة برجع ليك لاني الآن لسة منفعل والكلام معاك لازم يكون هادي زيك هدوء تفكيرك الناضج ...
|
Post: #16
Title: Re: معاناة السود في السودان ... !!!
Author: خضر الطيب
Date: 03-05-2019, 00:27 AM
Parent: #15
توفيق حبوبة ناظلي هانم صدقني الناس ديل ما اتهضوك عشان انت اسود البشرة بس لانك قليل ادب وهم من ناس الضهاري فخلي عندك شوية ادب عشان يحترموك عموماً انا متضامن معاك لانك جنريتر و الجنريتر في ذمة الواعي لو كنت كلمتني كنت ح اخليهم يجيبوها ليك لحدي البيت و انت ما شبه العذاب بقول ليهم دا ود أصول رغم يقيني التام بإنك زبالة هههههه بس ما تزعل من صراحتي لانك فعلاً شخص انصرافي و حثالة و انا من ناس الضهاري بالمناسبة لكن حبوبتي سويدية عشان اللون وكده , تباً لك هههههه
|
Post: #17
Title: Re: معاناة السود في السودان ... !!!
Author: أيمن نواى على
Date: 03-05-2019, 10:45 AM
توفيق الحكيم هذه المسالة ليس لها غير حل واحد فقط لاغير .. يمكن ان يصلح حال البلد .. الناس تجر شخيط فى الواطة .. زرق بى هنا ..وحمر بى هناك .. حبوبتك هانم لونخا فاتح تكون بى هناك .. انت لونك ازرق تكون بى هنا .. شنو لو ضحت بعض الاسر من اجل السلام ..و نبنى جدار فى الشخيط و تتعمل اخرام زى بيت الحمام .. لو الواحد اشتاق لى واحد من هناك يتونسوا بالاخرام على الجدار .. اول ناس ترفعوهم لينا بالحيطة على عثمان محمد طه .. و اولاده تحتفظوا بيهم عندكم لونهم فاتح .. وما تنسوا على الحاج برضوا ..الناس كلها ترتاح ما فى واحد يقول لى التانى عب .. ولا واحد يقول للتانى جلابى .. تختفى تلك الكلمات من القاموس اللغة.. اذا الناس مبسوطين يكون الجدار قائم الى يوم القيامة .. واذا الناس اتجرست يخلوهم كم سنة لمن يبكوا ذى الاطفال ويعلنوا التوبة ويسفوا التراب بعد داك يهدموا الجدار.
|
Post: #18
Title: Re: معاناة السود في السودان ... !!!
Author: MOHAMMED ELSHEIKH
Date: 03-05-2019, 11:29 AM
Parent: #17
احس بالتضامن معك يا امير كلامك صاح زكريا ود اختي لونو اسود منك مرة عندو معاملة غلبو يعمل اي شيء لغاية ماجاب عثمان اخوه وحلف لهم انو البطن بطرانة وكدى
|
Post: #19
Title: Re: معاناة السود في السودان ... !!!
Author: HAIDER ALZAIN
Date: 03-05-2019, 12:24 PM
Parent: #18
جيت إجازة السودان وقلت اطلع الرقم الوطني يا توفيـق.. ما معاي غير جوازي بس وشهادة الميلاد مرسلة لي صورة واتساب
الضابط عاين لي كدة و سألني انت من وين؟ طوالي قلت ليهو - جعلي من ريفي بربر... قال لي : الله اكبر الف مبروك ...
بعد تلت ساعة كنت مخلص اجراءاتي وقاعد اشرب قهوة جنب ست شاي حبشية..
بتذكر اني خليت لي كم واحد اسود بيتجرجروا معاهم في الصالة..
بالمناسبة اانا كاكاوي مخلوط بالحرجل :) :)
|
Post: #20
Title: Re: معاناة السود في السودان ... !!!
Author: Mohammed Abdullah
Date: 03-05-2019, 12:36 PM
Parent: #1
للاسف الاجراءات والتطويل واللف والدوران بقى زي الحاجة الثابتة ولو ما عندك واسطه او قروش مافي شي بمش سريع وما اعتقد ده ليهو اي علاقة باللون كان اسود ولا ابيض ولا قمحي كلو ديل ما بفرزو
|
Post: #21
Title: Re: معاناة السود في السودان ... !!!
Author: توفيق عيسى مكي
Date: 03-05-2019, 02:20 PM
Parent: #20
حسب الله ونعم الوكيل فيك يالعنصري العزبتني العزاب ده كلو ... كل امراض الدنيا شاعر بيها هسي لدرجة ما قادر اكتب الليلة يوم استثنائي عزاب ... اروق واجي واطيب واجي احكي ...
|
Post: #22
Title: Re: معاناة السود في السودان ... !!!
Author: خضر الطيب
Date: 03-05-2019, 02:24 PM
Parent: #20
Quote: الضابط عاين لي كدة و سألني انت من وين؟ طوالي قلت ليهو - جعلي من ريفي بربر... قال لي : الله اكبر الف مبروك ... |
مالك عاوز تجلطو هو اصلو ما ناقص كاره ذاتو على قول بشاشا هههههههههه
|
Post: #23
Title: Re: معاناة السود في السودان ... !!!
Author: Yousuf Taha
Date: 03-05-2019, 02:53 PM
Parent: #22
Quote: حسب الله ونعم الوكيل فيك يالعنصري العزبتني العزاب ده كلو ... |
احييييييااااااا .............................................او كما قال حمادة عباسية
نان البتسوي فيو مع ناس الضهاري هنا اسمه شنو ...؟
ضوقها مي حاااارة على قول بتاع الضهاري
|
Post: #24
Title: Re: معاناة السود في السودان ... !!!
Author: توفيق عيسى مكي
Date: 03-05-2019, 08:05 PM
Parent: #23
بعد رقته حبة .... ارجع ليك يا عادل امين اولا كتشنر جا جاب معاه منظومة تعليم ما بتناسبنا هدفها في المقام الاول طمس الهوية الاسلامية وخلى الدين عندنا فقط حصة لا جوامع لا ذكاة لا جهاد ونحن امة اساسا مجاهدة حتى من قبل الايلام طبيعتنا جهادية قبائلنا قبائل جهادية والشاهد يمشي دارفور او النيل الازرق او جبال النوبة كتشنر داير يبقينا حريم سلطان ونجح لكن الآن نص البلد حناكيش حتى لما قامت جهات وعملت فقه الجهاد الاسلامي خلخلوهم من زعيمهم ودقوهم دق العيش لمن زعيمهم قال هو في حور عين كل من عمايل كتشنر واولاده والاولاد الاتربوا بافكاره شوف بالله هسي البلد نصها دايرين يعملوها علمانية ويطبقوا لينا الزواج المثليين في السودان الاساسا زمن الانجليز حصل في الخرطوم تلاتة وديوم بحري كتير ...
|
Post: #25
Title: Re: معاناة السود في السودان ... !!!
Author: Abdelrahim Mohmed Salih
Date: 03-05-2019, 10:16 PM
Parent: #24
تحياتى يا امير
بإسم الضهارى نتضامن معك يا توفيق التفريق والتمييز سوا بسبب اللون او العرق والجنس من امراض الإنسانيه المزمنه حتى هنا فى بلد حبوبتك( صافيتاز ) لم تختفى ظاهره إزدراء الاخربن بسبب اللون واسباب اخرى لايسعها البوست ورغم ذلك هناك قانون صارم يحفظ حقك يتساوى امامه كل الناس اتمنى ان تكون التجربه درس جيد للارتفاع بحساسيتك اللغوية وانت تستخدم تنميط غير موفق تجاه اهل الضهارى اعلم يا امير انك لاتقصد ما تقول عن اهل الضهارى لكن الواقع الجيوسياسى والثقافى فى بلاد مجروحه بحروبات وهويات عرقيه مضطربه وألسنه متعدده لاتوفر سعه لسخريه فى( تابو) لايسلم من تجاوزه من نيران عابره للقارات يحفظها ارشيف عنيد:) ربما يأتى يوم نستخدم سخريه ذكيه لنفرغ معانى قبيحه من قوالبها حتى يأتى هذا الزمان ليسعك بيتك الزجاجى يا امير....
|
Post: #26
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 10:46 AM
Parent: #25
حسبي الله ونعم الوكيل فيك يا العنصري العزبتني والله ينتقم منك دنيا وآخرة .... ياخ ما ممكن سبعة يوم اتجاري اطلع صورة طبق الاصل من اعلام شرعي اساسا مطلعوا انا الاصل غير موجود بس في صورة منه آخر تلاتة يوم دي منتظر الختم والختم عند مولانا في ومولانا ماخد اجازة اسبوع عيان لكن بجي ساعة يختم ويمشي والختم قالوا شايلوا معاهو ومن الصباح في انتظاره لمن اليوم داير يكمل ولسه قالوا بيجي ......
|
Post: #27
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 10:51 AM
Parent: #26
وحات الله لو ما المعرفة والعلاقات وحاجات تانية شهر ما كان وصلت المرحلة دي (الختم) ...
|
Post: #28
Title: Re: معاناة السود في السودان ... !!!
Author: اسماعيل عبد الله محمد
Date: 03-06-2019, 12:35 PM
Parent: #27
ده إسمو الإستلاااااب يا تلتيق.
|
Post: #29
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 01:00 PM
Parent: #28
تلتيق بتاع شنو الغربية فقط تجديد ترخيص وهي اصلا انا الجبتها من كوريا للوالد عليه الرحمة وانا الدفعت جماركها وانا كل سنة كنت برخصها ليه وما كان بتاخد مني غير كم ساعة اتا حاول استوعب انه المرة دي من غير المرات الفاتت لمن وقفت قدام مسؤول اساسي نظر فيني نظرة ليها معني الانا فيه هسا وبسبب لوني لا امتر جيب مصحف احلف ليك ...
|
Post: #30
Title: Re: معاناة السود في السودان ... !!!
Author: muntasir
Date: 03-06-2019, 04:32 PM
Parent: #29
يا تيفه ما يتخيل قصة سواد إمكن شنا😂 كان تتطلع ليه بطاقة أمير اسمع انت أمراء الرايات ديل خاتيهم لليوم الأسود فكهم في الكجر
|
Post: #31
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 06:50 PM
Parent: #30
Quote: توفيق حبوبة ناظلي هانم |
كدي يا خضر الطيب في الاول خليني اصلحك ما توفيق حاف اتا جديد في الحوش ده ؟؟ وتاني اسمها صوفيا او صافيناز هانم وبالسودان اسمها صفية حتى اسأل اهلنا وجيراننا في بيت المال خليهم يحكوا ليك عنها ... والبوست ما انصرافي والحصة وطن وما قاعد اكتب من فراغ ولي اسلوبي ولي البفهموني ... حب واحترام وتقدير لك .... فهمته ..
|
Post: #32
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 06:55 PM
Parent: #31
يا ايمن نواي هسي الخط موجود لكن بنشوفه نحن المعنيين والمتضررين من التفرقة العنصرية بسبب اللون حتى داخل البيت الواحد في مواجهة مجتمعنا السوداني
|
Post: #33
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 06:59 PM
Parent: #32
Quote: احس بالتضامن معك يا امير كلامك صاح زكريا ود اختي لونو اسود منك مرة عندو معاملة غلبو يعمل اي شيء لغاية ماجاب عثمان اخوه وحلف لهم انو البطن بطرانة وكدى |
شكرا اخوي الحبيب محمد الشيخ جبت الحقيقة تخ ليهم العنصريين بيدخلوا البوست يبرروا عنصريتهم بتمييع الكلام وزج ناس الضهاري في الموضوع عشان يجدوا طريقة يحولوا الموصوع
|
Post: #34
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 07:09 PM
Parent: #33
والله يا الحبيب حيدر الزين السودان ده كله عنصرية في عنصرية ... عنصرية القبائل دي براها مشكلة ونصرية الولايات وعنصرية المهن بس اخطرهم عنصرية اللون ودي الواحد بحق من فترة بقى يعاني منها زمان ما كان في زي ده ومع انه حصل دمج وغزو افريقي غير من الاثنية السودانية الطبيعي تتغير النظرة للسود في بلادنا لكن حصل العكس ... بقت عنصرية اللون واضحة جدا
|
Post: #35
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 07:27 PM
Parent: #34
Quote: نان البتسوي فيو مع ناس الضهاري هنا اسمه شنو ...؟ |
حب ..
|
Post: #36
Title: Re: معاناة السود في السودان ... !!!
Author: توفيق عيسى مكي
Date: 03-06-2019, 07:42 PM
Parent: #35
Quote: وما اعتقد ده ليهو اي علاقة باللون كان اسود ولا ابيض ولا قمحي كلو ديل ما بفرزو
|
انت لونك شنو ... لاني بخالفك جملة وتفصيل في كلامك ده قالوا اسأل مجرب .... وانا حقيقي لي فترة بعاني ...
|
Post: #37
Title: Re: معاناة السود في السودان ... !!!
Author: توفيق عيسى مكي
Date: 03-07-2019, 09:35 AM
Parent: #36
Quote: بإسم الضهارى نتضامن معك يا توفيق |
ايوة انتو ناس حارة بتتلقوا وانا ما بيتي ما بيت قزاز بل اسمنت خرصانة بستحمل اي تقيع اطمن والله يا عبد الرحيم انا البنادي بيه ما تمييز لكن اعادة امور لنصابها فلو كل الناس جات الخرطوم مين الحايكون منتج لبلدنا وحتى الجونا هنا واتطبعوا بطبايعنا فقدوا هويتهم لا لامين معانا لانو جونا متاخرين حبة ويفقدوا اشياء جميلة اكتسبوها من واقعهم الطبيعي هناك ودي قضية لازم نوعاها بفكر حر ... اما كونه يتم التمييز بسبب اللون ده ما مقبول نهائي وهي معركتي حاواصل فيها للنهاية ...
|
Post: #38
Title: Re: معاناة السود في السودان ... !!!
Author: توفيق عيسى مكي
Date: 03-07-2019, 09:39 AM
Parent: #37
Quote: الرايات ديل خاتيهم لليوم الأسود فكهم في الكجر |
الرايات تنظيم سري شغال شغل الجن .. ولا افصح اكتر من كده ...
|
Post: #39
Title: Re: معاناة السود في السودان ... !!!
Author: توفيق عيسى مكي
Date: 03-07-2019, 11:33 PM
Parent: #38
في قمة الاحباط الحنق والغضب اكملت الاسبوع ومن مكتب لقاعة محكمة لمكتب موظف وكله بس عشان اطابق صورة شرعي انا قبل كده طلعتوا بالاصل بطلب من عميد الحركة المدير في مجمع بحري بس عشان يشوفوا ويشيل الصورة وانا متأكد بيقين تام لو ما لوني الاسود ده هسي كان اموري مشت ورخصته ... ما صعب التعامل بالواسطة بنعرف السودان كله واهلنا يسدوا عين الشمس وجيبنا مليان ممكن ندفع بالملايين ما بيهمنا عشان نمشي امورنا لكن لأ زيي وزي المواطنين البحاول اتشبه بيهم ببساطتهم وطيبتهم واكون واحد منهم والما بعاشر الغلابة ديل الزينا عمره ما يحس بحسسهم اللهم اني مغلوب فانتصر هو لسان حالنا دائما ياخ ما قادر اصف شعور الزل والمهانة والاهانة وانت بتتمرتغ من مكتب لمكتب والعملها فيك ما عملها احترام لقوانين كلنا عايشين في السودان وعارفين الامور بتمشي كيف من اصعب الاشياء انك تحس انك تتهان عشان بس لونك اسود لما يتفرعن عليك مسؤل قدام ضيوفه النضاف الصفر عشان يثبت ليهم انه زول صعب في شغله ما بجامل وفي نفس الوقت مقعدهم عشان طبيعة لونهم باحترام ومؤكد حا يتجاوز ليهم القانون الدولي زاته .. وكمان المرة التانية قدام اجانب والمعاهم يتم احتقارنا عشان لوننا امكن امكن هو شايف بيمثل اساءة ليهو وللبلد الامين على قضاء حوائج ناسها تذكرت نحن في بلد نفس الاجانب مسؤلينهم لو ما مشو مواطننهم بخدمة ظاهرة واحترام ما بينظروا لينا حتى ديل في كل الدنيا الوطني اول احرى ان نخدمه ونسهلها ليه ثم من بعد ذلك الاجنبي والحصل لي هنا وهناك يتم ارجائي وتاخيري لكن المغصة هناك من غير عنصرية عن لوني او كوني افريقي بل جست اجنبي وهنا بلد السواد المسمين بيه بلدنا السودان يتم قهري بالعنصرية الرفوضة في كل العالم لانها بجد جارحة ومؤزية وتسبب هزة في نفس الزول
|
Post: #40
Title: Re: معاناة السود في السودان ... !!!
Author: توفيق عيسى مكي
Date: 03-07-2019, 11:43 PM
Parent: #39
وانا متاكد جازما الاحد او التلاتاء بستلم النسخة المطابقة لمن القاضي يبقى كويس وينزل شغله ويجيب معاه الختم الشايله معاه لبيته ويختم لي كاجراء روتيني وحا يختم طبعا لاني ما بكون حاضر ده سيركل في المحاكم ولا حا يعرف لوني اسود ولا ابيض ... لكن المشكلة لما ارجع تاني لناس المجمع ناس الترخيص وتاني نرجع للجرجرة مية المية اول حاجة يقولوا لي التامين مدته انتهت جيب واحد جديد ( التامين بالملايين بقى) والاورنيك ده غيره وابدأ من اول والقصة تدور لمن اطلع من طوري ويلقوا حاجة تملأ نفسهم رجولة انو ازلوا واحد اسود جاهم مسكين لان السود في البلد دي مساكين ومتضهدين واي واحد ممكن يعمل فيهم انه رسول المسؤلية الضبط والربط هههه والداير يشوف الضبط والربط يجي يقيف ساي ويتفرج وحا يشوف محن الجلابة الصفر مع الناس ديل
|
Post: #41
Title: Re: معاناة السود في السودان ... !!!
Author: توفيق عيسى مكي
Date: 03-07-2019, 11:54 PM
Parent: #40
اتعقدت خلاس ... اتاري انه الكلام ده كان حاصل من زمان والواحد كان بيمشي ساي ويظن خير .. يعني لو ما لوني ده مؤكد كان مؤسستي الشفافية رأت النور وانتشرت فايدتها للجميع ... لانو المجهود العملته لو واحد ما متميز بلونه اسود لو عمل 10% من شغلي ده كان عم القرى والحضر ... لو ما لوني ده ما كان اتهرست هرس تشفي في شغلي القديم الخلى الشارع ده كله كوري ... لوما لوني ده الف والف حاجة ما كان اتعرضت ليها ياااخ الواحد من الغضب مشى بعيد جدا .... الاهانة اصعب شيئ والحر ما بيقبلها مهما تكون النتائج
|
Post: #42
Title: Re: معاناة السود في السودان ... !!!
Author: توفيق عيسى مكي
Date: 03-08-2019, 01:12 PM
Parent: #41
انا ما عارف لو ما الناس هنا حتى في المنبر ده عندها تميز عنصري كان اتفاعلت مع قضية حقيقية بتمس سواد اعظم من اهل بلادي انا منهم لان اغلبهم لا يحسن بذلك في مهجرهم باعتبار تلك قضية في تلك البلاد تجاوزها اما من هنا فهم صفوة من الناس اصحاب ابراج تمنع ان يتم تميزهم بسبب لونهم او انهم من يمارسون تلك العنصرية باستلذاذ .... كيف من يدفع لي ما خسرت ماديا في ثمانية عشر يوما بالتمام تعطلت فيها حياتي وانا اعمل رزق اليوم باليوم وكنت قد اكتسبت بعض المال فاصلحت تلك السيارة التي تم تقريشها سبعة سنوات بسبب قلة المال الذي بسبب ايضا التميز ولكن ليس اللون وتلك قضية اخرى لا لها اهمية كبيرة بقدر التميز باللون المهم بعد عمل صيانتها جنبت بعض المال للاكمال ما بقي ولن يتم الا والعربة متحركة فضاع ما جنبته في زمن التاخير ثم استدنت والقصة ماشة هل يدرك هذا العنصري مافعل بسبب ارضاء نفسه بانتصار عنصريته وهل يدرك كم خسر من مارس معه هذه العنصرية البغيضة وهل تحرك ساكنا فيمن يقرأ هذا ام يتضامن مع العنصريين بسبب اللون في السودان ام صار السودان بلدا للتشفي والحقد والكره ...
|
Post: #43
Title: Re: معاناة السود في السودان ... !!!
Author: خضر الطيب
Date: 03-08-2019, 02:12 PM
Parent: #42
بالله يا توفيق ما تمسك بينا زمن , الزمن زمن الثورة و الثورة دي عشان تعالج ذي المشكلة الانت بتشكي منها دي و حاجات كتييرة , لحدي الوكت داك مؤقتاً ممكن تنضم لقروب فسخ و جلخ :)
|
Post: #44
Title: Re: معاناة السود في السودان ... !!!
Author: توفيق عيسى مكي
Date: 03-08-2019, 04:32 PM
Parent: #43
ما ايي واحد عاجبه لونه القمحي وهو حقيقة بس اللون !!! لكن شنة شديدة يجي يدافع عن الكلام حرقو .. دي مشكلتنا ... وهسي لو كنت من الحبوبتي ادتهم لونها وشعرها الاشقر وجيت ماري بي جنبك مش كان وقفت لي احترام ..؟؟؟
|
Post: #45
Title: Re: معاناة السود في السودان ... !!!
Author: توفيق عيسى مكي
Date: 03-08-2019, 04:38 PM
Parent: #44
مش حقو نعالج الامراض الفينا اول ونجي نعمل ثورة ... امكن لو اتشاركنا كلنا فيها تنجح ... وتنجح دي مقصود منها النتائج الحا تصير ليها ... عشان الزيينا لو عندهم برامج رائدة متطورة يمكن اضافة ليهم وبضعوها في الاعتبار ... ولا انا غلطان ؟؟
|
Post: #46
Title: Re: معاناة السود في السودان ... !!!
Author: توفيق عيسى مكي
Date: 03-11-2019, 11:54 PM
Parent: #45
احكي مسألة حصلت اليوم عشان اثبت ما انا متضر منه ومش براي ... بقينا على الادخال عشان استلم شهادة البحث يعني خلاس الامور وضحت ورخصنا ... بس كان علي امرر الورق للتوقيع بان كل الاجراءات سليمة طبعا كمية الورق الكل يوم امشي طلعها بقت زاتها لخمة لاي زول يدوش ما يعرف الحاصل شنو عبارة بكتة ورق وكله بشخبط بالاحمر يعني مراجع اها امس راجع وراجع وراجع واتضايق جدا كل الورق سليم فجاة لقو ليهم ثقرة في اسم من الاسماء في حرف غلط كانوا التايهة ولقوها المهم تاني رجعت للمحامي العمل لي التوكيل للترخيص وصلح الحرف وختم عليه ووقع صاحبنا بتاع المجمع كان داير يرجعني المحكمة تاني بس الله ستر جيتو راجع تاني يوم عشان الزمن ما كفى ...
|
Post: #47
Title: Re: معاناة السود في السودان ... !!!
Author: توفيق عيسى مكي
Date: 03-12-2019, 00:08 AM
Parent: #46
اليوم جيت لقيت زولي الامس ما شغال بداله صول عجيب جدا اها نفس الحصل امس يقلب ويقلب ويقول لا حول ده كله ورق اصلو شنو الحكاية اها بس ما لقى ثقرة .... استاذني وحات الله ده الحصل خت سفة بمزااااج وطبعا زي الما رضيان يتم الشغل ويطنطن شغل الورثات ده كلو مشاكل ومسؤلية وانا ما داير اخش فيه اتا الجابك لي زاتو الليلة شنو ... فجأة طرأت له فكرة من خلال الورق الاعاد قراءته للمرة العاشرة اتا العربية دي ليه ما مثبتة في الاعلام الشرعي قلت ليه الاعلام ده طلعناه بعد وفاة الوالد وفيه فقرة بتدل على انه لو ظهر ليه اي تركة تقسم حسب ما شرعه الله والكلام واضح وفي النهاية نحن بس دايرين ترخيص نقدر نسوق بيه العربية من غير ما نستخدمها مخالفة لقوانين السير في الشارع لا اكثر لكن ما خلاس لقى ثقرة واعمى ومسكوه عكاز تمشي تعمل حصر تركة وتثبت انه المرحوم قبل ما يموت ما اتصرف في العربية وتجيب الكلام ده والمستندات دي ونشوف تاني لو في حاجة ناقصة نوريك ليها ...
|
Post: #48
Title: Re: معاناة السود في السودان ... !!!
Author: توفيق عيسى مكي
Date: 03-12-2019, 00:14 AM
Parent: #47
ما صرفت معاه عربي كتير توجهت للمرة الالف للمدير الحفظني خلاس لكن للحق معاملته اتغيرت نوعا ما على الاقل بقى في احترام وحته اللون حاول يتحاشاها ويتعامل معي كمواطن لكن الجوة القلب ياهو جوة مشى معاي للصول وقال ليه مشي الزول ده الصول قال ليه ما بمشيه .... يجيب الطلبته منه ... التفت وقال لي عشان يثبت الكلام ما منو وهي مسألة تطبيق قانون بحزافيره قال لي خلاس امشي المحكمة واعمل الطلبه منك وجيبه ليهو المهم قلت نعمل الدايرنه ونمشي نجيبه ليهم ....
|
Post: #49
Title: Re: معاناة السود في السودان ... !!!
Author: توفيق عيسى مكي
Date: 03-12-2019, 00:25 AM
Parent: #48
رجعت المكتب وجيراني كلهم محامين اصلو عمارتنا مشهورة باغلبها محامين لقربها لمجمع محاكم بحري استشرت اشطر واحد فيهم قال لي دي يا سيدي على الاقل داير ليك تلاتة شهور عشان تستلم الافادة الطلبوها منك مع عزاب اجراءات من الله خلقك ما شفتها ... انت في زول موصي عليك عند الناس دي ؟؟؟؟ كدي راجع نفسك شوف امكن تكون غلطة يوم في واحد من الناس دي وحلف يمطوحك كده ياخ ده اصرار غريب جدا ( طبعا ما قلت ليه حتة اللون دي اخير الواحد يدسها كمان تبقى لينا فضيحة والناس تقوم تتعامل معانا تاني حسب العنصرية البغيضة حتى مع جيراننا ) حقيقي الواحد بعيش مأسأة عنصرية بسبب اللون الما بأرادتي جا كده ...
|
Post: #50
Title: Re: معاناة السود في السودان ... !!!
Author: محمد يوسف محمد
Date: 03-12-2019, 10:29 AM
Parent: #49
ما اعتقد ليه علاقة باللون هو مجرد روتين حكومي . وموظفين الدولة ديل عشان ما عندهم زول يسالهم من فوق لى تحت بيتعاملوا مع الناس بالطريقة دى ، ما تفتحوا موضوع ابيض واسود هنا ، كل الناس سود ، وكل الناس عبيد ـ بتعرف الكلام ده لما اتسافر بره السودان
|
Post: #51
Title: Re: معاناة السود في السودان ... !!!
Author: HAIDER ALZAIN
Date: 03-12-2019, 10:38 AM
Parent: #50
ياسموك متابع جرجرتك ... انت ما تجرب الفسخ والجلخ .. وماتقول لي عيب المضطر يركب الصعب
سمعت انه في حقنة في السودان بتقلبك حلبي عديييل ..
عندي زول معرفة كان لونو زي بريمة آدم دا واحد .. أخد خمسة سيسي بس هسه عليك امان الله العسكري في النقطة يحييهو بالكاب وكعب السلاح :)
|
Post: #52
Title: Re: معاناة السود في السودان ... !!!
Author: توفيق عيسى مكي
Date: 03-12-2019, 02:28 PM
Parent: #51
Quote: ما اعتقد ليه علاقة باللون هو مجرد روتين حكومي |
لا يا محمد يوسف ليه علاقة باللون وده الخلاني من الغضب فتحت الموضوع ده ... ولدي لونوا فاتح يعني افتح مني اي لون الاغلبية السودانية في يوم كان معاي في اجراء تبع الترخيص مشيت لعسكري يعملوا لي قال لي يا عمك اختانا ورقك ده ناقص كتير امشي اعمل واعمل واعمل ولدي بعد مدة شال منوي الورق ومشى لعسكري تاني من غير كلام قضى الاجراء عادي .... حتى لما رجعنا البيت مع اخوانه واخواته قعدوا يكاووا فيني تحت تحت وده الخلى امهم تقول لي اغلب مشاكلك المأخراك سببها لونك الاسود ده لكن مع كده بي لونك ده احسن منك مافي ....
|
Post: #54
Title: Re: معاناة السود في السودان ... !!!
Author: توفيق عيسى مكي
Date: 03-12-2019, 02:47 PM
Parent: #52
Quote: سمعت انه في حقنة في السودان بتقلبك حلبي عديييل .. |
تعرف يا حيدر الزين انا اساسا شغلي مع اولاد اهلي في سوق امدرمان مستحضرات تجميل وطبيعي عندي معلومات وتعاملات في مسأئل التفتيح دي .... وكرهتي في الدنيا البنات البستعملوا حاجات الفسخ والجلخ دي وبطمم بطني لوننا الاسود الخلقنا بيه ربنا لو ربنا كان شايف انسب منه واجمل منه لينا كان جابنا حلب عديل ... نحن راضين وسعيدين بخلقة ربنا ... بس الناس البتسخر من خلقة ربنا ديل يعملوا معاهم شنو ؟؟؟ هسي بديت في الاجراءات الجديدة المطلوبة من اليوم وقالوا بتخلص بعد شهرين ... اها الزينا ديل دي السكة الوحيدة حقتهم طالما طبيعتنا بقت كده ناس تتطبق فيهم القوانين بحزافيرها ويتم اضافة حزافير جديدة وناس من غير حزافير ... وفوق القوانين ...
|
Post: #53
Title: Re: معاناة السود في السودان ... !!!
Author: Faisal Fadhlallah
Date: 03-12-2019, 02:45 PM
Parent: #49
كامل تضامني معك يا سمو الأمير. لا للعنصرية والما بعرفك بجهلك :)
|
Post: #55
Title: Re: معاناة السود في السودان ... !!!
Author: Abdelrahim Mohmed Salih
Date: 03-12-2019, 06:33 PM
Parent: #53
المشكله انت يا امير .....
|
Post: #56
Title: Re: معاناة السود في السودان ... !!!
Author: نصر الدين عشر
Date: 03-12-2019, 06:49 PM
Parent: #1
العنصرية مرفوضة بكافة اشكالها متضامنين معك يا توفيق واحد من ناس الضهاري
|
Post: #57
Title: Re: معاناة السود في السودان ... !!!
Author: خضر الطيب
Date: 03-12-2019, 07:55 PM
Parent: #56
Quote: وهسي لو كنت من الحبوبتي ادتهم لونها وشعرها الاشقر |
حبوبتك دي غايتو لو كانت ادتك شعرها الأشقر مع لونك دا كنت بقيت خلاقة انت هسي كده خلاقة .. يازول احمد ربك هههههههه و على سيرة بيت المال اكيد بتعرف عمك ازرق سيد الدكان الجنب مسجد السيد المحجوب كان لونو اسود من لونك و كان راجل لطيف و متسامح مع روحو انت كمان خلي روحك رياضية و جلي فكرة اللون دي عمك عنترة ابن شداد كما هو معروف كان اسود البشرة و كذلك امه و قال قصيدته التي في آخرها و هو يصف امه وانا ابن سوداء الجبين كأنها ضبع ترعرع في رسوم المنزل الساق منها مثل ساق نعامة والشعر منها مثل حب الفلفل والثغر من تحت اللثام كأنه برق تلألأ في الظلام المسدل
فخليك طبيعي امورك بتمشي بعد يمشي النظام دا
|
Post: #58
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 02:39 PM
Parent: #57
Quote: كامل تضامني معك يا سمو الأمير. لا للعنصرية والما بعرفك بجهلك |
تشكر يا فيصل يا حبيب ويا ملك ومقدرها ليك ...
|
Post: #59
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 02:44 PM
Parent: #58
Quote: المشكله انت يا امير ..... |
انا لسه ما لقيت مشكلة ... ببقى لما استلم ترخيصي ....
|
Post: #60
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 02:52 PM
Parent: #59
Quote: العنصرية مرفوضة بكافة اشكالها متضامنين معك يا توفيق
واحد من ناس الضهاري |
فعلا العنصرية مرفوضة ولمحاربتها لازم نضرب بقبضة من حديد وهي شيئ مخذي جدا اخي نصر الدين .. انا وناس الضهاري فرد الله ينتقم من البخش بيناتنا ويتاجر بمحبتنا لبعض دي عشان يشتهر ويعمل ليه قيمة وسط الناس الفاهمة الزينا انحن سعيدين بمشاغلاتنا دي وامكن هي اكتر حاجة بتفرق لينا ومن ناحية ليها بعد للنظرهم طويل جميل جدا وهادف ...
|
Post: #61
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 02:58 PM
Parent: #60
Quote: و على سيرة بيت المال اكيد بتعرف عمك ازرق سيد الدكان الجنب مسجد السيد المحجوب |
الاخ الفاضل خضر الطيب من كلامك ده وضح لي انك من ناس كبار حلتي ... عموما انا آسف لو غلطت تجاهك او غلطت في كلام ممكن ينتقص من قيمة اهلنا في بيت المال هم دايما فوق راسي وكل الاكبر علينا سنا منهم هم اخواننا الكبار بنتعامل معهم بالعين ما بتعلى على الحاجب وما كده بننصاع بتوجيهاتهم واوامرهم هم الربونا على كده ...
|
Post: #62
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 02:58 PM
Parent: #60
Quote: و على سيرة بيت المال اكيد بتعرف عمك ازرق سيد الدكان الجنب مسجد السيد المحجوب |
الاخ الفاضل خضر الطيب من كلامك ده وضح لي انك من ناس كبار حلتي ... عموما انا آسف لو غلطت تجاهك او غلطت في كلام ممكن ينتقص من قيمة اهلنا في بيت المال هم دايما فوق راسي وكل الاكبر علينا سنا منهم هم اخواننا الكبار بنتعامل معهم بالعين ما بتعلى على الحاجب وما كده بننصاع بتوجيهاتهم واوامرهم هم الربونا على كده ...
|
Post: #63
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 03:05 PM
Parent: #62
نرجع لموضوعنا الاساسي الافتح بيه البوست .... وحسب توجيهات ناس المجمع بتاع بحري للترخيص مشيت تالت مرة وعملت عريضة اضافة تركة وقابلت القاضي المهذب قاضي الاحوال الشخصية بدون اسماء فهو بعمر ترددي في المحاكم من ايام مشاكلنا في تجارة العربات لم اجد افهم منه واوعى منه وحق ياريت لو كل القضاء يكونوا مثله المهم عمل الاجراءات القانونية واداني جلسة قريبة للتوريث وعمل خطاب لادارة المرور للترخيص ده ما الموضوع ...
|
Post: #64
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 03:19 PM
Parent: #63
بروح القانون حقق معاي واللما قلت لمدير مكتب الترخيص روح القانون كان حا يفطس روحي وهاج فيني ولما عرف الموضوع اساسا بسيط وما يستاهل لانه تجديد ترخيص لا اكثر سألني انت عندك مشكلة مع زول هناك طبعا ما وقته اثير مسألة التفرقة العنصرية البغيضة باللون ولا الوقت مناسب لذكرها فقلت نهائي ما عندي حتى علاقة بزول هناك فقال لي انا مستغرب طالما ابرزت ليهم الاعلام الشرعي الاصلي تلقائي بتترخص باسم الورثة بطلبهم ده قصدوا يعطلوا زمنك ويخسروك قروش ده شغل انتغام وزعل قلت ليه انا زاتي مستغرب ومحتار قال كده ما بتترخص باسم الورثة بل باسم من تورث لهم كشركاء في الملكية الناس ديل بتاعين جرجرة لا اكتر عموما انا الان بخاطبهم يدونا البيانات واوعدك اختصر ليك الزمن الدايرين يعطلوك ليه في جلسة واحدة قريبة واحاول ادفعك اقل رسوم ممكنة وبنفسه ساعد في تسريع الاجراءات وذهبت لاول واحد سلمته خطاب المحكمة قال امشي الرآسة الخرطوم ما اتكلمت معاه مشيت للمدير عمل الاجراء عادي واستلمته بكره باذن الله ارجعه محكمة الدروشاب للقرار النهائي .... يديني خطاب امر بالترخيص
|
Post: #65
Title: Re: معاناة السود في السودان ... !!!
Author: توفيق عيسى مكي
Date: 03-13-2019, 03:24 PM
Parent: #64
حقيقي نحن السود بنعاني في دولة اسمها السودان ... والمؤلم في ناس بتستنكر مدافتنا لما نعاني ... طيب نعمل شنو عشان تكون في مساواة وعدالة
|
Post: #66
Title: Re: معاناة السود في السودان ... !!!
Author: توفيق عيسى مكي
Date: 03-26-2019, 09:39 AM
Parent: #65
كانت اليوم جلسة توريث للعربة حسب طلب عميد الشرطة مدير الترخيص اها بعد جبت الاثبات في المحكمة طلبوا التغييم عشان يحدد قيمة رسوم التوريث للمحكمة القاضي حسب كلامه مصر انه كل الاجراء من الاساس مافي ليه داعي بالاعلام كان يجب يرخصوا ليك لكن طالما مصرين كمل ليهم وادفع حق التوريث ال 3% من قيمة العربة وده اجراء بيتم في حالة توكيلك بالبيع لا بالترخيص فقط .... ويستمر المسلسل .... الواحد نفسه طلعت من الترخيص والعربية وكله ناتج من عنصرية بغيضة ....
|
Post: #67
Title: Re: معاناة السود في السودان ... !!!
Author: توفيق عيسى مكي
Date: 03-26-2019, 09:59 AM
Parent: #66
بديت اجراءات ترخيص لعربة تخصنا في البيت فقط تجديد ترخيص بقينا في حالة شك في حقنا وياريت كانت عربة فارهة دي لانوس موديل 97 اي عربة قديمة استوردناها بانفسنا بدت الاجراءات من منتصف فبراير بعنصرية اللون دي امكن نرخص بعد ستة شهور وده الحا يحصل ... قلنا نرخصها عشان اهلي كلهم بره السودان وتعبنا من ايجارات العربات البقت غالية جدا لاننا طوال العام في حالة ايجار كل واحد يجي كم يوم ناجر وناس الايجار اقل حاجة شهر وحسي من الاسبوع الجايي حا يتوافدوا قبل رمضان واثناء رمضان والعيدين يعني نأجر بتمن العربية الدايرين نرخصها هل في حقد عنصري اكتر من كده وبينت هنا اكثر من مرة لولا اللون الاسود بتاعي كان في خلال ساعات انتهيت من اول يوم بس انا نفسي مصر اكمل للنهاية ... وباذن الله تترفع كل الاجراءات التمت لاعلى مستوى لاخذ الحقوق ... وبنفس السبب زمان تم قفل مجمع الترخيص الجنب الاستاد في الخرطوم اصلوا في النهاية ربنا بيسلط زول ينصر المظاليم من مافي
|
|