(وش حزين) تعود الأيام يا بلدي وصوت المغني لتلك الأغنية، يغيب منفصلاً بعيداً في غياهب منسية. بالله هل لا زالت مكتبة الإذاعة السودانية تحتفظ بتلك الأغنيات كجزء أصيل من تاريخ السودان السماعي؟ أم أن الحكومات الآتية تمسح ما قبلها " رجالة" أو أو أو..
،
كان عيد يحتفل به السودانيون علقت الأغنية بذهني بسبب أستاذ كان يدرسني في إحدى المراحل سلام عليه حياً أو في برزخ الخلود فقد كان رسولاً للسلام والوحدة "يعلم أو لا يدري"
،
ثم ضاع الأمس منا وبوارق الأمل تلمع حينا وتخفت حينا يا زمان هل مِن عودة هل!!!
، وسلام
Post: #2 Title: Re: 3 مارس ..عيد Author: اخلاص عبدالرحمن المشرف Date: 03-03-2019, 09:34 AM Parent: #1
السلام عليكم لك وحشة يا تماضر ثم ضاع الامس منا ولا زال المتحدثون يقولون مليون ميل مربع ولا زلنا نقول من حلفا لي نمولي
ثم ضاع الامس مني
Post: #3 Title: Re: 3 مارس ..عيد Author: تماضر الطاهر Date: 03-03-2019, 09:44 AM Parent: #2
سعيدة كل أوقاتك العزيزة إخلاص المشرف
كمان مشتاقة ليك ،،
نقصت فينا حاجات كتيرة مع النقص الذي اعترى خريطة السودان
قلّت نسبة الأخضر وتصحرت بعض القلوب ،
نحيا على أمل العودة يوماً ما للوطن الواحد
كنا فخورين بمساحته كانت سهلة الحفظ في الدروس وصعب الحفاظ عليها من قبل الذين لم تعلمهم الدروس.
،
سلامات يا غالية
Post: #4 Title: Re: 3 مارس ..عيد Author: Amira Hussien Date: 03-03-2019, 09:59 AM Parent: #1
صباح الخير تلاتة مارس عيد يوم وحدة السودان .......نشيد بسيط معبر واتفاقية اديس أبابا تفتح أبواب الأمل حينها لوطن متحد وجميل
Post: #5 Title: Re: 3 مارس ..عيد Author: تماضر الطاهر Date: 03-03-2019, 10:04 AM Parent: #4
أتمنى أسمعه تاني
،، شكراً أستاذة أميرة
Post: #6 Title: Re: 3 مارس ..عيد Author: معاوية المدير Date: 03-03-2019, 10:33 AM Parent: #5
هو مساحة متمددة في نفوس شبابه الأوفياء .
قريبتي سلآم ...
Post: #7 Title: Re: 3 مارس ..عيد Author: MOHAMMED ELSHEIKH Date: 03-03-2019, 11:29 AM Parent: #6
سلام وصلت قبل قليل المكتب بعد ان رجعت الأولاد من المدارس اهااااااا وانا ماشي في الشارع وبدون شعور قعدت اغني " تلاتة مارس عيد تررررم ترررم" لغاية ما وصلت فتحت الكمبيوتر لقيت البوست دا
حبيت احييكم
Post: #8 Title: Re: 3 مارس ..عيد Author: عمر التاج Date: 03-03-2019, 12:41 PM Parent: #7
سلامات يا تماضر، مفتقدنك قلت عيد الوحدة ؟ الاوجاع يا تماضر لم تترك فينا ترفا للاحتفال بالعياد ولا ذاكرة للفرح الآلام هي التي ترسخ فينا وتشعل ذكريات حزينة.. 30 يونيو يوم اغتصاب الوطن 9 يوليو يوم انفصال الجنوب 23 سبتمبر بداية ثلاثة أيام دامية ازهقت فيها 200 نفس بريئة المغص ما زال فينا لم ينتهي وليته يكون الأخير.
Post: #9 Title: Re: 3 مارس ..عيد Author: محمد حمزة الحسين Date: 03-03-2019, 03:50 PM Parent: #8
اقعدو ابكو زي دا وهم لسع بقولوا قرف السودان ووسخ الخرطوم
Post: #10 Title: Re: 3 مارس ..عيد Author: محمد أبوالعزائم أبوالريش Date: 03-03-2019, 09:17 PM Parent: #9
أنا واخوي ملوال كل واحد قال
سودان المليون ميل لا يزال بداخلنا ولا يعنينا هذا السودان السياسي. السودان الذي يعنيني وأعرفه هو المرسوم في الخريطة في بروفايلي.
Post: #11 Title: Re: 3 مارس ..عيد Author: تماضر الطاهر Date: 03-04-2019, 09:03 AM Parent: #10
العزيز معاوية المدير
سلام وسؤال عنك
،،
صدقت
Post: #12 Title: Re: 3 مارس ..عيد Author: ياسر السر Date: 03-04-2019, 09:14 AM Parent: #10
في جوبا وفي ملكال في واو بحر الغزال ... كلنا اخوان كلنا اخواااان .. يا سلاااااام لقد اهجتي علينا شجون وشجون اختي الاستاذة تماضر .... ولكن هيهات يعود الكان ولى ,, كانت ايام سعيدة وربي مناي تعيدا نسعد فيها تاني ونعيد فيها الماني .. فعلا نشتاق لذاك الزمن الجميل ولذاك الوطن الجميل الفسيح الذي كان يسعنا جميعا ويسع كل افكارنا ورؤانا واحلامنا وامنياتنا ,,, الله يلعن الكان السبب وكفى .. شكرا تماضر فقد جعلتي شريط الذكريات الجميلة يدور من جديد ...
تحياتي : ياسر العيلفون
....
Post: #13 Title: Re: 3 مارس ..عيد Author: تماضر الطاهر Date: 03-06-2019, 09:14 AM Parent: #12
بعتذر عن تأخر الرد
ظروف كتيرة منعتني
سلام وتحايا
Post: #14 Title: Re: 3 مارس ..عيد Author: تماضر الطاهر Date: 03-06-2019, 09:15 AM Parent: #13
الأخ العزيز محمد الشيخ
تحياتي، والقلوب شواهد
Post: #15 Title: Re: 3 مارس ..عيد Author: تماضر الطاهر Date: 03-06-2019, 09:17 AM Parent: #14
أووو عمر التاج
أتمناك بخير
ما تفقد عزيز
،
معاك أتمني للبلد زوال الهم ونهاية الكابوس ده
Post: #16 Title: Re: 3 مارس ..عيد Author: تماضر الطاهر Date: 03-06-2019, 09:19 AM Parent: #9
الأخ محمد حمزة الحسين
للأسف الفيديو ما اشتغل عندي/معاي
،
سلام
Post: #17 Title: Re: 3 مارس ..عيد Author: تماضر الطاهر Date: 03-06-2019, 09:21 AM Parent: #16
أستاذ محمد أبو العزائم
بروفايلك يرد الروح
نعم هو السودان الذي نعرفه، والذي بداخلنا ، سلام وتحايا
Post: #18 Title: Re: 3 مارس ..عيد Author: تماضر الطاهر Date: 03-06-2019, 09:23 AM Parent: #17
