Post: #3 Title: Re: رسالة من الشهيد د. جون قرنق لشرفاء الجيش ا� Author: خضر الطيب Date: 02-26-2019, 05:20 PM Parent: #2
سلام يا قيقا و حمد الله على السلامة جون قرنق الفقد الذي لا يعوض له الرحمة و المغفرة
Post: #4 Title: Re: رسالة من الشهيد د. جون قرنق لشرفاء الجيش ا� Author: قيقراوي Date: 02-28-2019, 07:01 AM Parent: #3
الطلقة ما بتكتل .. بكتل سكات الجيش
كمخدم ورب عمل ليكم يا الديش .. تعالوا نسألكم:
انتو الجيش دا العقيدة بتاعتو شنو؟
وانحنا بندفع ليكم رواتبكم ومخصصاتكم من دمنا، تعلموا اولادكم احسن تعليم وعايشين احسن عيشة من عرقنا ودمنا ..
اها واقفين تتفرجوا فينا ونحنا عزل وبتتهان كرامتنا .. ويكتلوا شبابنا .. ويروعوا الآمنين في البيوت .. بل يسحلوا دون ذنب
في مقولة بدوية خليجية بتقول:
يا من اشترالو من حلالو علة!
------------
احتلال حلايب والفقشة .. ومساهمتكم في تدمير الديموقراطية كل مرة والقصص دي ما دايرين نجيب سيرتا اسي
الطلقة ما بتكتل .. بكتل سكات الجيش
Post: #5 Title: Re: رسالة من الشهيد د. جون قرنق لشرفاء الجيش ا� Author: Haytham Ghaly Date: 02-28-2019, 07:30 AM Parent: #4
والله يا قيقراوي السودان اصيب في مقتل يوم اغتيال دكتور جون قرنق
كان هو الفرصة الوحيد في هذا الزمن المعفن الاتمكنو فيهو سفهاء القوم في رقاب البلاد والعباد
ولكن الشقي ما مكتوبلو يسعد
اي نعم لن تعقر حواء السودان عن انجاب القادة الافذاذ ولكن من الصعب تكرار شخصية وعقلية جون قرنق
عليه رحمة الالهة اجمعين وتتبعه دعوات شعبه المكلوم بفقده
Post: #6 Title: Re: رسالة من الشهيد د. جون قرنق لشرفاء الجيش ا� Author: قيقراوي Date: 02-28-2019, 08:08 AM Parent: #5
تعرف يا هيثم السبب الاساسي الخلاني انكت الفيديو دا في الفيسبوك نزلت بيان من طلاب لحركة- جناح عقار بعلنوا مشاركتهم في موكب 21 فبراير .. جاني واحد طاير جوز بتعليق سخيف انو صورة جون قرنق الجاب شنو؟
من تسأل عن الجاب قرنق شنو؟
سلام يا حبوب.. ولما لا؟
بما اني ما متأكد اذا كان هنا في واحد من شباب الحركة ول لا ح استأذنهم ارد انا بمقتبس من مقال لبروف علي المك:
Quote: ربما في غفلة وفي تفريط نودع أناساً، رجالا كانوا عمد هذا الوطن. ولفرط ما منح أولئك حياتنا من ظل وريف وراحة فكر، ونعيم علم، نظن أن ظلالهم التي منعت شمس الجهالة أن تهطل علينا، باقية لن تزول، وكنا واهمين. أولئك قوم أدوا رسالتهم وعلمونا أن نقوى، وأن نشتد فكراً وساعداً وثبات قلب.. بصورة أدق، خلفوا علينا عبئاً، ظنوا أننا خليقين بحمله والسير به وتسليمه للأجيال في سباق مبادلة مع زمان أسحم، وعدد مبين جم الترصيد؛ ولكننا كنا دائماً نطلب عونهم و نبكي.. علمونا، فأخفقنا كثير أحيان.. عادوا يصلحون من شأننا فسقط جلنا دون أن يبلغ المراد.. صارعوا الاستعمار والظلم، فصارعنا أنفسنا.. ونسينا هذا الوطن.. آه ما أجل الأسى.
بالعكس ياريت نرفع صور كل أبطالنا في العصر القريب من لدن المهدي وعلي عبد اللطيف وعبدالفضيل ألماظ وعبدالخالق محجوب ومحمود محمد طه والخاتم عدلان ... وكل الابطال الكانوا عمد هذا الوطن في الوكت دا بالذات ونحن نصارع انجس اوباش على مر تاريخ هذا البلد الطيب لنبقي جذوة ما افنوا عمرهم لأجله.
-----------
في تقدير الشهيد د. جون قرنق مفروض يكون ايقونة مش للسودان بس .. لكل افريقيا والعالم .. فهو بالاضافة للثورية الحركية .. هو مفكر وصاحب مشروع متكامل زولنا داك لو ختينا ليو صورة مانديلا ول جيفارا كان ح يكون مبسوط أكتر؟
Post: #7 Title: Re: رسالة من الشهيد د. جون قرنق لشرفاء الجيش ا� Author: قيقراوي Date: 02-28-2019, 10:04 AM Parent: #6
